Category کرکٹ

لندن(ایمرا نیوز/ایمرا نیوز) انگلینڈ نے بھارت کو پانچویں اور آخری ٹیسٹ میں 118 رنز سے شکست دے کر سیریز 4-1 سے اپنے نام کرلی۔لندن کے دی اوول اسٹیڈیم میں کھیلے گئے ٹیسٹ میچ میں انگلینڈ نے ٹاس جیت کر پہلے بیٹنگ کا فیصلہ کیا۔اچھے آغاز کے باوجود انگلینڈ کا مڈل آرڈر بھارتی گیند بازوں کے آگے لڑ کھڑا گیا اور ایک موقع پر اس کے سات کھلاڑی 181 رنز پر آؤٹ ہوگئے۔اس موقع پر جوس بٹلر نے پہلے عادل رشید اور پھر اسٹورٹ براڈ کے ساتھ شراکتیں قائم کرکے اپنی ٹیم کو تباہی سے بچالیا اور انگلینڈ کی ٹیم اپنی پہلی اننگز میں 332 رنز بناکر آؤٹ ہوگئی۔جوس بٹلر 89 رنز کے ساتھ اننگز کے ٹاپ اسکورر رہے جبکہ ایلسٹر کک نے 71 رنز بنائے۔ انڈیا کی جانب سے رویندرا جدیجا نے چار جبکہ جسپریت بمرا اور ایشانت شرما نے تین، تین کھلاڑیوں کو آؤٹ کیا۔جواب میں بھارت کی بیٹنگ ابتدا میں مشکلات کا شکار رہی تاہم جدیجا کی شاندار بیٹنگ نے انڈیا کو 292 رنز تک پہنچادیا یوں انگلینڈ کو پہلی اننگز میں 40 رنز کی سبقت ملی۔انگلینڈ کی جانب سے جیمز اینڈرسن، بین اسٹوکس اور معین علی نے دو، دو کھلاڑی آؤٹ کیے جبکہ سیم کرن، اسٹورٹ براڈ اور عادل رشید نے ایک، ایک کھلاڑی کو آؤٹ کیا۔دوسری اننگز میں انگلینڈ کی جانب سے شاندار بیٹنگ کا مظاہرہ کیا گیا، اپنا آخری ٹیسٹ کھیلنے والے ایلسٹر کک نے شاندار سنچری اسکور کرتے ہوئے 147 رنز اسکور کیے جبکہ کپتان جو روٹ نے بھی 125 رنز بنائے۔بھارت کی جانب سے ہوناما ویہاڑی اور جدیجا نے تین، تین جبکہ محمد شامی نے دو کھلاڑیوں کو اؤٹ کیا۔ یوں بھارت کو 464 رنز کا ہدف ملا۔ہدف کے تعاقب میں بھارت کا آغاز انتہائی مایوس کن تھا، صرف دو رنز پر کپتان ویرات کوہلی سمیت اس کے تین کھلاڑی آؤٹ ہوچکے تھے۔اس موقع پر کے ایل راہول اور اجنکیا راہانے کے درمیان 100 سے زائد رنز کی پارٹنرشپ نے بھارت کی پوزیشن کچھ بہتر کی۔رہانے اور ویہاڑی کے آؤٹ ہونے کے بعد بھارت کی پوزیشن ایک مرتبہ پھر خراب ہوگئی اور 121 رنز پر اس کی نصف ٹیم آؤٹ ہوچکی تھی۔ایسے میں راہول اور ریشب پینٹ کے درمیان 204 رنز کی شراکت نے بھارت کی میچ جیتنے کی امیدیں ایک مرتبہ پھر جگادیں۔ دونوں کھلاڑیوں نے شاندار سنچریاں اسکور کیں۔تاہم دونوں کے آؤٹ ہونے کے بعد بھارت کے آنے والے بلے باز انگلینڈ کے بولرز کا مقابلہ نہ کرپائے اور یوں بھارت کو میچ میں 118 رنز سے شکست ہوئی۔جیمز اینڈرسن تین جبکہ سیم کرن اور عادل رشید نے دو، دو کھلاڑیوں کو پویلین لوٹایا۔شاندار اننگز کھیلنے والے ایلسٹر کک کو میچ کا بہترین کھلاڑی قرار دیا گیا۔

لاہور(سپورٹس ڈیسک/ایمرا نیوز) ایشیا کپ کے لیے دبئی پہنچنے والے قومی شاہین آج سے ٹریننگ شروع کریں گے، بے بی ٹیم ہانگ کانگ اور روایتی حریف بھارت کے خلاف اونچی اڑان بھرنے کو تیار ہیں۔
نوجوان اوپنر امام الحق نے بھی ٹیم کو جوائن کر لیا، مشن ایشیا کپ کیلئے صحرائی میدانوں میں شاہینوں نے بسیرا کر لیا، آج سے تربیتی کیمپ شروع ہوگا اور ایک روز آرام کے بعد قومی کھلاڑی کوچنگ سٹاف کے زیر نگرانی آج سے ٹریننگ کریں گے۔ بیٹنگ، بائولنگ اور فیلڈنگ کی مشقیں ہوں گی اور بھاگ دوڑ میں بھی پسینے بہائیں گے۔
قومی اوپنر امام الحق نے ایشیا کپ سکواڈ کو جوائن کر لیا، امام الحق ویزے میں تاخیر کی وجہ سے ٹیم کے ساتھ دبئی نہیں جا سکے تھے۔ ایشیا کپ کا معرکہ پندرہ ستمبر سے شروع ہو گا۔ قومی ٹیم ایونٹ کے دوسرے روز کوالیفائر ہانگ کانگ کے خلاف اپنی مہم کا آغاز کرے گی۔
فائنل سے پہلے بڑا فائنل انیس تاریخ کو روایتی حریف پاکستان اور بھارت کے درمیان ہو گا جس کا سب کو شدت سے انتظار ہے۔ قومی کھلاڑی فاتحانہ آغاز اور ٹائٹل جیتنے کے لیے پُرجوش ہیں۔

LONDON: Alastair Cook said the final Test of his glittering career had contained some of the most “surreal” days of his cricketing life after he signed off with 147 in his last England innings on Monday.

The Essex opener has been given numerous standing ovations during the fifth Test against India at the Oval and the crowd were willing him to go out in style.

The veteran did not disappoint the 19,000 spectators at the south London ground, reaching his 33rd century in 161 Tests in bizarre fashion, courtesy of four overthrows.

The former England captain, about to become a father for the third time, said it was difficult to put his achievement into words.

“It’s been the most surreal four days of my life really,” he said. “I suppose if she (Alice, his wife) goes into labour tonight that will probably top it off but it´s been incredible.
England´s Alastair Cook plays a shot during play on the fourth day of the fifth Test cricket match between England and India at The Oval in London on September 10, 2018. Photo: AFP

“There’s a few of my friends here as well so for that all to happen today and every reception I’ve had over the last four days it´s just been incredible, even that last couple of overs when the whole crowd were singing my Barmy Army (fan) songs, incredibly special.”

When asked if it was his best day ever in cricket, Cook described it as a “different day”.

“On a purely selfish point of view I couldn’t have asked for a better week for me so yes on that side but obviously there have been bigger things in more important games that have meant more.”
Pressure

He said the match had been emotional for him with family and friends looking on, which had brought a different type of pressure.

“To perform and have a day like that I suppose after 160 other games, it’s a nice way to go.”
England´s Alastair Cook returns to the field after lunch on the fourth day of the fifth Test cricket match between England and India at The Oval in London on September 10, 2018. Photo: AFP

The left-handed batsman, who is going to continue to play for his county side Essex next season, said he was not having second thoughts over his decision to retire from international cricket, despite his heroics at the Oval, which have put England into a winning position.

“It’s just time for me, it’s time for my family and now it makes it even better,” he said. “It´s always nice people wanting you a little bit more than trying to kick you out and to go out on your own terms (makes it special).”

Cook said he hoped to round off his Test career with a win against top-ranked India on Tuesday, which would give England a 4-1 series victory.

He said retiring from England duty had, in the end, been an easy decision.

“Over the last 12, 18 months things have started to creep into my mind and losing that edge which has definitely happened in training and stuff so that decision was made for me, kind of,” Cook explained.

“But it’s obviously a big decision because chasing your dreams, playing for England is all I´ve ever really known.”

“When you know it´s right, it’s right,” he added. “This is just the icing on the cake.”

دبئی(نیٹ نیوز/ایمرا نیوز) پاکستان کرکٹ ایشیاء کپ 2018 ء میں شرکت کے لئے دبئی پہنچ گئی۔
قومی ٹیم کپتان سرفراز احمد کی قیادت میں غیرملکی ایئرلائن کی پرواز ای کے 623 کے ذریعے دبئی پہنچی۔
قومی ٹیم آج آرام کے بعد کل آئی سی سی کرکٹ اسٹیڈیم میں پریکٹس کرے گی۔
پاکستان کے 16 رکنی اسکواڈ میں فخر زمان، امام الحق ، شان مسعود ، بابر اعظم ،شعیب ملک،آصف علی ، حارث سہیل، سرفراز احمد، محمد نواز، فہیم اشرف، جنید خان، عثمان شنواری، شاہین شاہ آفریدی، شاداب خان، حسن علی اور محمد عامر شامل ہیں۔
ایشیا کپ 15 سے 28ستمبر تک متحدہ عرب امارات میں کھیلا جائے گا۔
پاکستان ٹیم اپنا پہلا میچ 16 ستمبر کو ہانگ کانگ کے خلاف کھیلے گی جبکہ ایونٹ کے سب سے بڑے معرکے میں 19 ستمبر کو بھارت کے مدمقابل ہوگی۔
لاہور میں پریس کانفرنس سے خطاب کرتے ہوئے سرفراز احمد کا کہنا تھا کہ ایشیا کپ میں ر وایتی حریف کے خلاف میچ میں پوری تیاری کے ساتھ میدان میں اتریں گے۔
انہوں نے مزید کہا کہ ایشیاء کپ سے پاکستانی ٹیم کے لئے ورلڈکپ کے سفر کا آغاز ہوجائے گا۔
کپتان نے یہ بھی کہا کہ پاکستانی ٹیم میں تجربہ کار آل رائونڈر محمد حفیظ کی ضرورت ہے اور وہ ہمارےپاکستان کے ورلڈ کپ پلان کا حصہ ہیں، جہاں بھی ضرورت ہوئی، ان کو شامل کریں گے، امید ہے محمد حفیظ ورلڈکپ کے لیے دستیاب ہوں گے۔

لاہور:(نیٹ نیوز/ایمرا نیوز) ایشیا کپ میں شرکت کے لیے 16 رکنی پاکستانی ٹیم آج رات دبئی روانہ ہوگی۔
ایشیا کپ کرکٹ ٹورنامنٹ 15 ستمبر سے متحدہ عرب امارات میں شروع ہورہا ہے جس کے لیے قومی ٹیم نے قذافی اسٹیڈیم لاہور میں بھرپور پریکٹس بھی کی۔
سرفراز احمد کی قیادت میں قومی اسکواڈ میں شامل کھلاڑی آج رات علامہ اقبال انٹرنیشنل ایئرپورٹ سے دبئی روانہ ہوں گے۔
ایشیا کپ کے لیے قومی ٹیم سرفراز احمد، فخر زمان، بابراعظم، آصف علی، امام الحق، شعیب ملک، شان مسعود، حارث سہیل، فہیم اشرف، حسن علی، محمد عامر، شاداب خان، محمد نواز، جنید خان، عثمان شنواری اور شاہین آفریدی شامل ہیں۔
ایشیا کپ ٹورنامنٹ میں پاکستان، بھارت، سری لنکا اور بنگلہ دیش سمیت 6 ٹیمیں شریک ہیں اور ایونٹ کا سب سے بڑا ٹاکرا 19 ستمبر کو پاکستان اور بھارت کے درمیان کھیلا جائے گا۔

(سپورٹس ڈیسک/ایمرا نیوز) انگلینڈ کے سابق کپتان مائیکل وان نے وراٹ کوہلی پر تنقید کرتے ہوئے کہا کہ ’وراٹ دنیا کے نمبر ایک بلے باز ہیں، لیکن ریویو لینے کے معاملے میں وہ دنیا کے بدترین کھلاڑی ہیں۔‘
اوول ٹیسٹ کے دوران بھارتی کپتان وراٹ کوہلی نے 10 ویں اوور میں جیننگس اور 12 ویں اوور میں السٹر کک کے خلاف ریویو لیا اور دونوں ہی موقع پر فیصلہ بھارتی ٹیم کے خلاف گیا۔
اس موقع پر سابق انگلش کپتان مائیکل وان نے ٹوئیٹر پر کہا کہ ’’وراٹ دنیا کے نمبر ایک بلے باز ہیں، لیکن ریویو لینے کے معاملے میں وہ دنیا بھر میں سب سے ناکام کھلاڑی ثابت ہو رہے ہیں ۔‘‘
کوہلی نے بھلے ہی انگلینڈ کے خلاف رنوں کا انبار لگادیا ہے ، لیکن کرکٹ مبصرین کی جانب سے انہیں ریویو لینے کے معاملے میں بالکل زیرو بتایا جا رہا ہے۔
واضح رہے کہ کوہلی کو ریویو کے معاملے میں وکٹوں کے پیچھے دھونی کی کمی کا احساس ہو رہا ہے ، کیونکہ دھونی ایک روزہ میچز میں وکٹ کیپر ہوتے ہیں اور ہر ڈی آر ایس فیصلےمیں ان کا بڑا ہاتھ ہوتا ہے ،یہی وجہ ہے کہ ایک روزہ میچوں میں کوہلی ہر ڈی آر ایس فیصلہ لینے کیلئے دھونی پر اعتماد کرتے ہیں ۔
دھونی کی جانب سے لیے گئے ریویو زیادہ تر صحیح ثابت ہوتے ہیں اور شاید اسی لئے اس معاملے میں انہیں وراٹ سے بہتر کپتان قرار دیا جارہا ہے۔

لاہور:(سپورٹس ڈیسک/ایمرا نیوز) قومی کرکٹ ٹیم کے کپتان سرفراز احمد کا کہنا ہے کہ ٹیم کا مورال بلند ہے اور ایشیا کپ میں اچھا پرفارم کریں گے۔
قذافی اسٹیڈیم میں میڈیا نمائندوں سے بات کرتے ہوئے سرفراز احمد نے کہا کہ ایشیا کپ کے لیے ٹیم نے بھرپور تیاری کی ہے، کیمپ میں گرم موسم کے باوجود کھلاڑیوں نے سخت محنت کی، کوشش کریں گے کہ تینوں شعبوں میں اچھا پرفارم کریں۔
کپتان سرفراز احمد نے کہا کہ ایشیا کپ بڑا ایونٹ ہے جس میں ٹاپ ٹیمیں شریک ہوں گی، بھارت کے خلاف میچ بہت اہم ہے اور یہ میچ ٹورنامنٹ کا پہلا میچ ہوگا۔
قومی ٹیم کے کپتان کا کہنا تھا کہ متحدہ عرب امارات میں اسپنرز کا کردار بہت اہم ہوگا، پہلے بیٹنگ کی تو 300 سے زائد رنز کرنے کی کوشش کریں گے جب کہ ہماری بولنگ 300 رنز سے زائد کے ہدف کا دفاع کرسکتی ہے۔
سرفراز احمد نے کہا کہ کسی ایک شعبے پر انحصار نہیں، تمام شعبوں میں بھرپور محنت کریں گے، غیر ملکی کوچز پروفیشنل ہیں، کھلاڑیوں کی فٹنس بہتر ہوئی ہے، ٹیم میں کافی چیزیں بہتر ہوئی ہیں اور بیٹنگ لائن ہدف حاصل کرنے کی قابلیت رکھتی ہے۔
کپتان قومی ٹیم کا کہنا تھا کہ پاکستان اے ٹیم بھی سیریز کھیلنے کے لیے دبئی میں ہی ہوگی اگر ایشیا کپ میں متبادل کھلاڑی کی ضرورت ہوئی تو وہاں سے ہی بلا سکتے ہیں۔
انہوں نے کہا کہ یو اے ای میں موسم گرم ہے، رات میں ہوا میں نمی کا تناسب زیادہ ہوگا اور رات کے وقت بیٹنگ تھوڑی مشکل ضرور ہوگی۔
سابق کپتان محمد حفیظ سے متعلق پوچھے گئے سوال پر سرفراز احمد نے کہا کہ ٹیم کو ان کی ضرورت ہے، امید ہے محمد حفیظ ورلڈکپ کے لیے دستیاب ہوں گے۔
ڈیم فنڈز سے متعلق قومی ٹیم کے کپتان نے کہا کہ ڈیم کے لئے پاکستان ٹیم کی طرف سے 32 لاکھ روپے جائیں گے اور ہر کھلاڑی ڈیم کے لیے دو دو لاکھ روپے دے گا۔

کراچی:(سپورٹس ڈیسک/ایمرا نیوز) پاکستان کرکٹ بورڈ کے چیئرمین احسان مانی کا کہنا ہے کہ چیف ایگزیکٹو آفیسر کا عہدہ پاکستان کرکٹ بورڈ کے آئین میں موجود ہے لیکن انھوں نے وزیر اعظم عمران خان کے سامنے اس عہدے کے لیے ماجد خان کا نام تجویز نہیں کیا۔
خیال رہے کہ گذشتہ دن میڈیا میں شائع ایک رپورٹ میں کہا گیا تھا کہ وزیراعظم عمران خان نے احسان مانی کی یہ تجویز مسترد کر دی تھی کہ ماجد خان کو پاکستان کرکٹ بورڈ کا چیف ایگزیکٹیوآفیسر مقرر کیا جائے، احسان مانی نے بی بی سی کو دیے گئے انٹرویو میں کہا کہ ان کی جانب سے ماجد خان کو چیف ایگزیکٹیوآفیسر بنائے جانے کی تجویز سے متعلق خبر میں کوئی صداقت نہیں ہے۔
ان کے بقول یہ بات سب اچھی طرح جانتے ہیں کہ اس طرح کی خبریں کون پھیلا رہا ہے اور ان کا مقصد کیا ہے، انھوں نے کہا کہ پاکستان کرکٹ بورڈ کے آئین میں چیف ایگزیکٹیو آفیسر کا عہدہ موجود ہے اور وہ بھی چاہتے ہیں کہ پاکستان کرکٹ بورڈ کے معاملات آئین کے مطابق چلائے جائیں، احسان مانی نے کہا کہ ماضی میں پاکستان کرکٹ بورڈ میں تمام تراختیارات چیئرمین نے اپنے پاس رکھے حالانکہ چیئرمین کا کام پالیسی اورحکمت عملی تیارکرنا ہوتا ہے اور اس پرعملدرآمد کے لیے چیف ایگزیکٹیوکوہونا چاہیے، اگر تمام اختیارات چیئرمین کے پاس ہی ہوں گے تو پھر اسے کون مانیٹر کریگا۔
میں چاہتا ہوں کہ چیئرمین سمیت ہر ایک جوابدہ ہو۔انھوں نے مزید کہا کہ چیف ایگزیکٹیو آفیسر کی تقرری کے بعد بھی پی سی بی میں چیف آپریٹنگ آفیسرکا عہدہ برقرار رہے گا، چیئرمین کرکٹ بورڈ نے کہا کہ پاکستان سپر لیگ کو بظاہر پاکستان کرکٹ بورڈ سے الگ رکھنے کی باتیں ہوتی ہیں لیکن درحقیقت پاکستان سپرلیگ کوپی سی بی کے ہی لوگ چلاتے ہیں۔
پاکستان سپر لیگ اور قائد اعظم ٹرافی میں کوئی بھی فرق نہیں کرسکتا، پاکستان سپر لیگ کے معاملات کا ازسرنو جائزہ لیا جائے گا اور اس کے روز مرہ معمولات چلانے کے لیے مینیجنگ ڈائریکٹر کی سطح کی تقرری کی جائے گی۔احسان مانی کا کہنا ہے کہ وہ میڈیا ڈپارٹمنٹ کو بھی پیشہ ورانہ انداز میں چلانا چاہتے ہیں اور ان کی خواہش ہے کہ میڈیا کو ایک ہی جگہ سے خبریں اور معلومات فراہم کی جائیں جیسا کہ آئی سی سی اور دیگر کرکٹ بورڈز میں ہوتا ہے اسی لیے انھوں نے بورڈ میں غیر ضروری واٹس ایپ کے استعمال پر پابندی عائد کردی ہے۔
پاکستان کرکٹ بورڈ کے چیئرمین کا کہنا ہے کہ انھیں پاکستان کرکٹ بورڈ میں آئے ہوئے چند ہی روز ہوئے ہیں وہ ابھی تمام معاملات کو سمجھ رہے ہیں اور کوئی بھی فیصلہ جلد بازی میں کرنے میں یقین نہیں رکھتے۔ وہ کچھ وقت لیں گے لیکن جو بھی فیصلہ کریں گے اس کا مقصد پاکستان کی کرکٹ کو آگے لے جانا ہو گا۔

پشاور (نیٹ نیوز)

پاکستان سُپر لیگ کی معروف فرنچائز پشاور زلمی کے اشتہار والی ڈبل ڈیکر بس اب لندن کی سڑکوں پر رواں دواں ہے۔

پشاور زلمی کے مالک جاوید آفریدی کے مطابق اُنہوں نے اس پروجیکٹ کو پاکستان اور اُس کی فوج کے نام کیا ہے، اُن کا کہنا تھا کہ اُنہیں توقع ہے کہ لندن میں بھی پشاور زلمی کو زبردست پذیرائی ملے گی ۔

لندن میں رہائش پذیرپشاور زلمی کے مداحوں کے پاس یہ موقع بھی ہے کہ وہ زلمی کے اشتہار والی ڈ بل ڈیکر بس کے ساتھ سیلفی اور تصاویر بنواکر انعامات جیت سکتے ہیں۔

یہ تصاویر سماجی رابطے کی ویب سائٹ پر اپ لوڈ کی جاسکتی ہیں، جاوید آفریدی کا کہنا تھا کہ زلمی کے فین دُنیا بھر موجود ہیں اور ہم ان مداحوں سے ہمیشہ رابطے میں رہنا چاہتے ہیں ، یہ پروجیکٹ بھی اسی سلسلے کی کڑی ہے ۔

کراچی:(سپورٹس ڈیسک/ایمرا نیوز) فرنچائزز کو پی ایس ایل کے مستقبل کی فکرستانے لگی،انھیں یہ بھی علم نہیں کہ لیگ کی پرانی منیجمنٹ برقرار رہے گی یا نئی کا تقرر کیا جائے گا۔
نجم سیٹھی کی رخصتی کے بعد احسان مانی نئے چیئرمین پی سی بی بن چکے ہیں، البتہ اب تک ان کا کسی پی ایس ایل فرنچائز سے باقاعدہ رابطہ نہیں ہوا ہے، صرف ایک اونر ازخود ملاقات کیلیے گئے تھے۔
ذرائع کا کہنا ہے کہ فرنچائزز بعض حوالوں سے تشویش کا شکار ہیں، انھیں یہ بھی علم نہیں کہ لیگ کی پرانی مینجمنٹ برقرار رہے گی یا نئی کا تقرر کیا جائے گا،بعض اونرز نے آپس میں رابطہ کر کے معاملات پر بات چیت کی ہے،انھیں سب سے زیادہ فکر براڈکاسٹنگ رائٹس پر ہے جس کیلیے متوقع رقم 75 ملین ڈالر سامنے آئی تھی، ان کی آمدنی کا زیادہ انحصار اسی پر ہوگا، اگر معاہدے سے قبل پلیئرز ڈرافٹ کا انعقاد ہوا تو متوقع رقم ملنے کا امکان کم ہوگا کیونکہ براڈ کاسٹر کی دلچسپی اسی پر ہوتی ہے کہ کتنے بڑے کھلاڑی ایونٹ میں آ رہے ہیں۔
واضح رہے کہ پی سی بی براڈکاسٹنگ آمدنی کا 85 فیصد حصہ فرنچائزز کو دیتا ہے مگر اس میں سے پروڈکشن کی رقم منہا کر لی جاتی ہے، ٹیموں کو اس پر بھی اعتراض ہے،ابھی بورڈ کو ٹائٹل اسپانسر شپ کا بھی نیا معاہدہ کرنا ہے۔
ادھر ذرائع کا کہنا ہے کہ احسان مانی ممکنہ طور پر 15 ستمبر کو پی ایس ایل گورننگ کونسل کے اجلاس کی صدارت کریں گے۔ انھوں نے اس کے سربراہ کی ذمہ داری سنبھال لی ہے، نجم سیٹھی کے مستعفی ہونے کے سبب گزشتہ ماہ کونسل کا اجلاس نہیں ہو سکا تھا، وہ فرنچائز مالکان کواپنے منصوبوں سے آگاہ اوریہ یقین دلائیں گے کہ چیئرمین کی تبدیلی سے ان پر کوئی فرق نہیں پڑے گا اور مفادات کا خیال رکھا جائے گا۔
ذرائع کا کہنا ہے کہ چیئرمین بورڈ بھی اچھی طرح یہ بات جانتے ہیں کہ اگر نئے معاہدوں میں ویلیو کے مطابق رقم نہ ملی تو اس سے ان کی ساکھ پر اثر پڑے گا، اس لیے وہ ان پر خصوصی توجہ دیں گے۔
واضح رہے کہ گذشتہ ماہ فرنچائزز نے پی سی بی کو خط ارسال کر کے میٹنگ کے حوالے سے وضاحت طلب کی تھی۔پی ایس ایل گورننگ کونسل میں چیئرمین بورڈ احسان مانی کے ساتھ سی او او سبحان احمد، سی ایف او بدر منظور خان، پروجیکٹ ڈائریکٹر نائلہ بھٹی، سینئر جی ایم مارکیٹنگ صہیب شیخ، جنرل منیجر لیگل سلمان نصیر، ہیڈ آف پلیئر ایکویزیشن اینڈ منیجمنٹ پی ایس ایل عمران احمد خان اور تمام فرنچائز اونرز شامل ہیں۔
ان میں سے نائلہ بھٹی کے حوالے سے صورتحال واضح نہیں ہے، وہ سابق چیئرمین نجم سیٹھی کے بیحد قریب تھیں اورگزشتہ دنوں چھٹیوں پر چلی گئی تھیں،البتہ اب دوبارہ ذمہ داریاں سنبھال لی ہیں، ابھی یہ واضح نہیں کہ ان کی جگہ نئے پروجیکٹ ڈائریکٹر کا تقرر کیا جائے گا یا وہی برقرار رہیں گی، اس پوسٹ کو پانے کیلیے پی سی بی کے بعض بااثر افسران بھی کوشاں ہیں۔