سٹریٹ کرائم اور ڈکیٹی میں ملوث تین ملزمان گرفتار:کراچی
کراچی : شہر قائد میں ڈکیتی اور اسٹریٹ کرائم کی متعدد وارداتوں میں ملوث 3 ملزمان کو گرفتار کرلیا گیا، ابتدائی تفتیش کے دوران ملزم نے درجنوں وارداتوں کا اعتراف کرلیا ہے۔
تفصیلات کے مطابق کراچی میں رینجرز اور پولیس نے بلدیہ ٹاؤن میں مشترکہ کارروائی کرتے ہوئے ڈکیتی اور اسٹریٹ کرائم کی متعدد وارداتوں میں ملوث 3 ملزمان کو گرفتار کرلیا۔
ترجمان نے بتایا کہ ملزمان سے 2 پستول، ایک موٹر سائیکل اور موبائل فونزبھی برآمد ہوا، ملزمان میں سرغنہ نور محمد، حماد احمد اور محمد اسد شامل ہیں۔
ترجمان رینجرر کا کہنا تھا کہ ابتدائی تفتیش کے دوران ملزم نے درجنوں وارداتوں اور چھینے گئے موبائل فونزکا آئی ای ایم آئی نمبرز تبدیل کا اعتراف کرلیا ہے۔
ملزمان نے 19 مئی 2023 کو مدینہ کالونی بلدیہ ٹاؤن میں ڈکیتی کی ، ڈکیتی مزاحمت پر گلزار حسین نامی شہری کو گولی مار کر زخمی کیا گیا اور ملزمان شہری سے ڈھائی لاکھ روپے اور 2 موبائل فون چھین کر فرار ہوئے۔
ملزمان کے خلاف تھانہ پیر آباد اور مدینہ کالونی میں ایف آئی آر درج ہیں، ملزمان کے دیگر ساتھیوں کی گرفتاری کے لیے چھاپے مارے جا رہے ہیں، گرفتارملزمان کومزیدقانونی کارروائی کے لیے پولیس کے حوالے کر دیا گیا۔