Archives April 2018

سوات (ایمرا نیوز)سابق وزیر اعظم اور پاکستان مسلم لیگ (ن) کے قائد میاں نواز شریف نے کہا ہے کہ ہم نے سوات میں دہشت گردی کے خاتمے میں اہم کردار ادا کیا جس کی دلیل یہ ہے کہ آج ملالہ بھی پاکستان میں اپنے گھر آئیں اور کراچی میں بھی امن قائم ہوا۔
سوات میں کبل گراؤنڈ میں عوامی جلسے سے خطاب کرتے ہوئے نواز شریف نے کہا کہ عوام کو ووٹ کو عزت دینے کا وعدہ پورا کرنا ہوگا، میں اپنے لیے نہیں بلکہ عوام کے لیے بات کررہا ہوں۔
انھوں نے کہا کہ ‘نوجوانوں کے مستقبل کو سنوارنے کے لیے اپنی جان بھی قربان کردوں گا مجھے اپنی ذات عزیز نہیں بلکہ نوجوانوں کا مستقبل عزیز ہے’۔
نواز شریف نے اپنے خطاب کے دوران پاکستان تحریک انصاف (پی ٹی آئی) کے چیئرمین عمران خان کو تنقید کا نشانہ بناتے ہوئے کہا کہ عمران خان جانے والا ہے اور نواز شریف آنے والا ہے۔
کے پی حکومت کو آڑھے ہاتھوں لیتے ہوئے ان کا کہنا تھا کہ لاہور میں میٹرو بس پر 40 ارب روپے خرچ ہوئے جبکہ پشاور میں میٹرو پر 71 ارب روپے خرچ کئےجارہے ہیں۔
انھوں نے کہا کہ عمران خان کے وزرا اور وزیر اعلیٰ کرپشن کے بعد ایک دوسرے پر الزامات لگاتے رہتے ہیں لیکن اسی اثنا میں کے پی عوام کی فلاح و بہبود پر خرچ ہونے والا پیسہ کرپشن کی نذر ہوگیا۔
نواز شریف نے کہا کہ اب زیادہ دن نہیں، سوات اور کے پی والے نیا فیصلہ کرنے والے ہیں اور مسلم لیگ (ن) کی حکومت آئے گی اور سوات سمیت پورے خیبرپختونخوا کی قسمت بدل جائے گی۔
انھوں نے کہا کہ ہم نے کراچی اور سوات سمیت پورے ملک میں امن قائم کیا اور اسی وجہ سے ملالہ یوسفزئی وطن واپس آئی ہیں۔
سوات میں جلسے سے خطاب کرتے ہوئے مریم نواز نے کہا کہ پرویز مشرف نے آئین اور قانون توڑا لیکن انھیں فرار کروا دیا گیا جبکہ ایک منتخب وزیراعظم کو جیل میں ڈالا گیا۔
مریم نواز کا کہنا تھا کہ نواز شریف عدالتوں میں پیش ہورہے ہیں لیکن مشرف قانون کو مکا دکھاتے ہوئے پاکستان چھوڑ کر چلے گئے۔
انھوں نے کہا کہ نیب عدالت میں پیشی کی نصف سینچری مکمل کرنے جارہے ہیں جہاں لاکھوں، کروڑوں، اربوں کی نہیں، نوازشریف کے خلاف 10روپے کی کرپشن ثابت نہیں ہوئی۔
سابق وزیراعظم کی صاحبزادی کا کہنا تھا کہ سینیٹ کے انتخاب میں عوام کے ووٹ کو مذاق بنایا گیا، عوام فیصلے کرنے کا حق اپنے منتخب نمائندوں کو دیتے ہیں اداروں کو نہیں۔
زرداری-عمران بھائی بھائی
مریم نواز نے اپنے خطاب میں کہا کہ زرداری اور عمران عوامی ایجنڈے پر اکٹھے نہیں، اس موقع پر جلسہ گاہ میں زرداری اور عمران بھائی بھائی کے نعرے گونجنے لگے۔مریم نواز کا کہنا تھا کہ ووٹ کوعزت دو، ووٹ سے آنے والے کو عزت دو کے بیانیے پر سوات والوں نے آج مہر لگا دی ہے کیونکہ نوازشریف کا بیانیہ حق اور سچ کا بیانیہ ہے۔
پی ٹی آئی کا حوالہ دیتے ہوئے انھوں نے کہا کہ جنھیں یہاں سڑکیں بنانی تھیں وہ اسلام آباد میں سڑکیں بلاک کئے بیٹھے ہوئے تھے، تعلیمی ایمرجنسی کا وعدہ کرنے والوں نے نوازشریف کے خلاف عدالتی ایمرجنسی لگائی، جنھوں نے سوات والوں سے صحت اور تعلیم دینے کا وعدہ کیا وہ پورا نہیں کرپائے۔
انھوں نے کہا کہ ماضی کا سوات، مشرف اور زرداری کا سوات تھا جہاں بارود کی بوُ آتی تھی، ماضی کے سوات میں روز لاشیں گرتی تھیں اور بم دھماکے ہوا کرتے تھے لیکن آج یہاں امن ہے اور مجھے خوشی ہے کہ سوات کے عوام نے ووٹ کو عزت دو کے نعرے پرلبیک کہہ دیا ہے

لاہور(ایمرا نیوز) تمام تھانہ جات کی سطح پر پتنگ فروشوں اور پتنگ بازوں اور ہوائی فائرنگ کرنے والوں خلاف کریک ڈاون جاری رکھیں….. ایس پی سٹی
ٹیمیں تشکیل دی جائیں…اور بلند عمارتوں پر چڑھ کر پتنگ بازی کے حوالہ سے نگرانی کی جائے…
کہیں بھی پتنگ بازی ہو فوری کاروائی عمل میں لائی جائے..
اس خونی کھیل کو روکنے کے لیے آگاہی مہم چلائیں اور عوام الناس کو اسکی پابندی اور نقصانات کے حوالہ سے آگاہ کریں….مساجد میں اعلانات بھی کروائیں جائیں…. ایس پی سٹی علی رضا

لاہور (ایمرا نیوز) ایسٹر کے حوالہ سے پارکوں کی سیکورٹی سخت ….ایس پی سٹی
تمام پارکوں میں آنے والے شائقین/عوام الناس کو فول پروف سیکورٹی مہیا کی جائے….
متعلقہ ایس ایچ اوز اور ڈی ایس پیز خود نگرانی کریں…
پارکس کے داخلی اور خارجی راستوں پر کڑی نظر رکھیں….
جمگھٹا بنا کر مت کھڑے ہوں…. عوام بھی پولیس کے ساتھ تعاون کریں اور لاوارث سامان اور مشکوک افراد کے بارے ڈیوٹی پر موجود پولیس اہکاران کو فوری مطلع کریں..
phaاور پارکس انتظامیہ سے ملکر سیکورٹی اور دیگر انتظامات کو بہتر بنائیں…

سوات:(ایمرا نیوز) نوبل انعام یافتہ ملالہ یوسفزئی نے کہا کہ مجھے اپنی سرزمین اور ثقافت پر فخر ہے اور میں تعلیم مکمل کرنے کے بعد واپس ضرور آؤں گی۔ نوبل انعام یافتہ ملالہ یوسفزئی کی سوات آمد کے موقع پرسیکیورٹی کے سخت انتظامات کیے گئے۔ ملالہ سوات میں آبائی گھر بھی گئیں اورسہیلیوں کی دعوت پران سے ملاقات بھی کی۔ ملالہ یوسفزئی پاکستان کے 4 روزہ دورے پرہیں جہاں ان کے اعزاز میں گزشتہ روز وزیراعظم ہاؤس میں تقریب کا انعقاد بھی کیا گیا تھا۔
کیڈٹ کالج سوات میں تقریب سے خطاب کرتے ہوئے ملالہ نے کہا کہ میں ساڑھے 5 سال بعد سوات آئی ہوں، یہاں پہنچ کر میری خوشی کی کوئی انتہا نہیں، سوات جنت کاٹکڑا ہے، سیکیورٹی فورسزکی قربانیوں کےباعث یہاں امن قائم ہوا، اپنی سرزمین اور ثقافت پر فخر ہے، تعلیم مکمل کرنےکےبعد واپس آؤں گی۔
واضح رہے کہ ملالہ یوسفزئی پر2012 میں اسکول سے واپسی پرطالبان کی جانب سے قاتلانہ حملہ کیا گیا تھا، جس کے بعد علاج کی غرض سے وہ برطانیہ چلی گئی تھیں

کراچی: (ایمرا نیوز)سندھ فوڈ اتھارٹی کے تحت کھانے کے معیار کو جانچنے کا عمل کراچی سے 15 اپریل کو شروع کیا جائے گا۔
فوڈ اتھارٹی کے مطابق فائیو اسٹارز ہوٹلز سے لے کر چھوٹے بڑے تمام ہوٹلز، بیکری اور مٹھائیوں کی دکانوں کو لائسنس جاری کیا جائے گا۔
سندھ فوڈ اتھارٹی کی جانب سے پہلے مرحلے میں 7 اور 5 اسٹار ہوٹلز کے کھانوں کے معیار کو جانچا جائے گا۔
ڈائریکٹر جنرل فوڈ اتھارٹی سندھ امجد لغاری نے بتایا کہ چھوٹے بڑے ہوٹل، ریسٹورینٹ، بیکری، ڈیپارٹمنٹل اسٹورز اور پانی کی کمپنیوں کے لئے لائسنس لازمی ہوں گے۔
انہوں نے بتایا کہ اتھارٹی کا بورڈ آف گورنر ہوگا جس میں مختلف محکموں کے سیکریٹریز، تین ارکان اسمبلی، مستند ادارے کے مفتی اور کنزیومرز کا نمائندہ بھی شامل ہوگا۔
ان کا کہنا تھا کہ اتھارٹی کے افسران اور عملہ چھوٹے بڑے تمام ہوٹلوں، بیکری، ڈیپارٹمنٹل اسٹورز سے لے کر سبزیاں اگانے، پانی تیار کر کے فروخت کرنے والے سمیت کھانے پینے کی اشیاء فروخت کرنے کے معیار کو چیک کرے گی اور چھاپے مارے گی۔
سندھ فوڈ اتھارٹی کے مطابق تمام قواعد و ضوابط پر عمل کرنا لازمی ہوگا اور ہر فوڈ انڈسٹری کے لیے لائسنس حاصل کرنا لازمی ہوگا اس کے ساتھ ریسٹورنٹ کے باورچیوں کو میڈیکل سرٹیفیکیٹ حاصل کرنا بھی لازم قرار دیا ہے۔
اتھارٹی کے دائرہ اختیار میں 523 اشیا شامل ہیں، ذرا سی کوتاہی پر فوڈ لیبارٹری سے رپورٹ کے بعد متعلقہ افراد کے خلاف کارروائی ہوگی۔
سیکریٹری خوراک سجاد عباسی کا کہنا تھا کہ محکمہ خوراک کی اپنی کوئی فوڈ لیبارٹری نہیں ہے اس کے قیام کے لئے بجٹ مختص کردیا گیا ہے۔ان کا مزید کہنا تھا کہ لیب کے قیام تک پاکستان اسٹینڈرڈ کوالٹی کنٹرول اتھارٹی کی لیباریٹری سے کھانے پینے کی اشیاء کا معیار چیک کیا جائے گا۔

سیالکوٹ: (ایمرا نیوز)وزیر خارجہ خواجہ آصف کا کہنا ہے کہ اس بات کو بھی دیکھنا چاہیے کہ چیئرمین سینیٹ کے انتخاب کے دوران ہونے والی خرید و فروخت میں عمران خان حصہ دار تو نہیں۔
خواجہ آصف نے کہا کہ تحریک انصاف اور پیپلز پارٹی کے درمیان اتحاد سے عمران خان کا مالی فائدہ اٹھانا حیرانی کی بات نہیں ہے۔
خواجہ آصف نے کہا کہ وزیراعظم نے کہا تھا کہ چئیرمین سینیٹ ممبران کی خرید و فروخت سے بنے اور پی ٹی آئی ممبران کی پریس کانفرنس سے وزیراعظم کی بات کی تصدیق ہوگئی ہے۔
وزیر خارجہ کا کہنا تھا کہ تحریک انصاف کے ارکان بکے ہیں اور انہوں نے پیسے بھی وصول کیے تاہم اب یہ دیکھنا ہے کہ اس خریدو فروخت میں عمران خان حصہ دار تو نہیں ہیں۔

حیدرآباد:(ایمرا نیوز) پیپلز پارٹی کے چیئرمین بلاول بھٹو زرداری کا کہنا ہے کہ ادارے دوسرے اداروں کا کام کریں تو کمزور ہوتے ہیں، عدلیہ اپنا کام کرے اور سیاستدانوں کو اپنا کام کرنے دیں۔
حیدرآباد میں میڈیا سے بات کرتے ہوئے بلاول بھٹو زرداری نے کہا کہ جوڈیشل ایکٹیوازم کم ہونی چاہیئے، اگر ادارے دوسرے اداروں کا کام کریں تو کمزور ہوتے ہیں، مسلم لیگ (ن) نے ہمیشہ اداروں کو کمزور کیا ہے، اگر سیاستدان ناکام ہیں تو عوام ووٹ کے ذریعہ نکال سکتے ہیں۔
بلاول بھٹو زرداری کا کہنا تھا کہ وزیراعظم کو چیئرمین سینیٹ سے متعلق بیان واپس لینا چاہیئے، آئی ایس پی آر نے وضاحت کردی ہے کہ باجوہ ڈاکٹرائن سکیورٹی کے حوالے سے ہے۔
انہوں نے کہا کہ مسلم لیگ (ن) نے ضیاءالحق کے اوپننگ بیٹسمین کو چیئرمین سینیٹ کے لئے اپنا امیدوار بنایا جو اچھا نہیں تھا اس لئے اسے ووٹ نہیں دیا گیا جب کہ وزیراعظم جانتے ہیں کہ ان کے قریبی لوگوں نے بھی سینیٹ امیدوار کو ووٹ نہیں دیا۔
چیئرمین پیپلز پارٹی نے کہا کہ نوازشریف نہ کل نظریاتی تھے، نہ آج ہیں اور نہ کل نظریاتی ہوں گے، مک میں نظریاتی سیاست کے لئے جگہ کم ہوتی جارہی ہے اور پیپلز پارٹی معاشی اسٹیٹس کو کے نظام کے خلاف کام کررہی ہے۔
بلاول بھٹو کا ایسٹر کی تقریب سے خطاب
اپنے خطاب میں بلاول بھٹو زرداری نے کہا کہ پیپلز پارٹی وہ واحد جماعت ہے جس نے خاتون وزیراعظم دی اور پیپلز پارٹی وہ پاکستان چاہتی ہے جہاں برابری کی بنیاد پر سب کو مواقع ملیں، 2018 میں اقتدار میں آئے تو ہر ضلع میں معیاری اور مفت اسپتال کھولیں گے۔
چیئرمین پیپلز پارٹی کا کہنا تھا کہ عوام مسائل کاحل چاہتی ہے کسی کو کیوں نکالا یہ جاننا نہیں چاہتی، پی پی پی وہ جماعت ہےجو دہشت گردی اور انتہاپسندی کاخاتمہ چاہتی ہے اور ہم ذوالفقار علی بھٹو، بے نظیر بھٹو اور عوام کا پاکستان بنائیں گے۔

کراچی: ویسٹ انڈیز کی کرکٹ ٹیم 3 ٹی ٹوئنٹی میچ کھیلنے پاکستان پہنچ گئی، مہمان ٹیم کا سندھ کےوزیر کھیل سردار محمد بخش خان مہر اور دیگر نے شاندار استقبال کیا، پاکستان اور ویسٹ انڈیز کے درمیان ٹی ٹوئنٹی سیریز کا آج سے آغاز ہوگا۔
ویسٹ انڈیز کی کرکٹ ٹیم پاکستان کے خلاف 3 ٹی ٹوئنٹی میچ کھیلنے کے لیے کراچی پہنچ گئی، کراچی ایئرپورٹ پرمہمان ٹیم کا وزیر کھیل سردار محمد بخش خان مہر، کمشنر کراچی اعجاز احمد اور رینجرز کے بریگیڈیئر شاہد نے شاندار استقبال کیا۔
کھلاڑیوں کو سندھی ٹوپی، اجرک اور گلدستے پیش کیے گئے
اس موقع پر ویسٹ انڈیز کے کھلاڑیوں کو سندھی ٹوپی، اجرک اور گلدستے پیش کیے گئے۔ پرتپاک استقبال کے بعد مہمان ٹیم کے کھلاڑیوں کو سخت سیکیورٹی میں ایئرپورٹ سے ہوٹل پہنچا دیا گیا۔
نیشنل اسٹیڈیم کو سجا دیا گیا
کراچی میں پاک ویسٹ انڈیز ٹی ٹوئنٹی سیریزکے لیے نیشنل اسٹیڈیم کو سجا دیا گیا ہے اور پی ایس ایل فائنل کے بعد پاک، ویسٹ انڈیز ٹاکرے کے لئے نیشنل اسٹیڈیم ٹی ٹوئنٹی سیریز کے لئے بالکل تیار ہے، سیریز کے تینوں میچز کے زیادہ تر ٹکٹس فروخت ہوچکے ہیں، باقی ماندہ ٹکٹس کی فروخت بھی جاری ہے، شائقین کراچی میں انٹر نیشنل کرکٹ کی بحالی پر بہت خوش ہیں۔
شائقین سنسنی خیز مقابلے دیکھنے کو بے تاب
دوسری طرف کراچی والوں نے ویسٹ انڈیز کو پُرتپاک طریقے سے خوش آمدید کہنے کی تیاریاں کرلیں ہیں، شائقین بس چوکوں اور چھکوں کے لئے بے تاب ہیں۔
کراچی کے شہریوں کیلئے ٹریفک پلان جاری
پاکستان اور ویسٹ انڈیز ٹی ٹوئنٹی سیریز کے حوالے سے شہریوں کے لئے ٹریفک پلان جاری کردیا گیا ہے، میچ کے دوران کئی راستے بند ہوں گے اور ٹریفک متبادل راستوں سے جائے گا جب کہ شائقین سہ پہر 3 سے شام 7 بجے تک اسٹیڈیم میں داخل ہوسکیں گے۔
واضح رہے ویسٹ انڈیز اور پاکستان کے درمیان شیڈول ٹی ٹوئنٹی سیریز کے میچز یکم، 2 اور 3 اپریل کو کراچی کے نیشنل اسٹیڈیم میں کھیلے جائیں گے۔ پاکستان کرکٹ ٹیم کے ہیڈ کوچ مکی آرتھر عندیہ دے چکے ہیں کہ سیریز دلچسپ رہے گی۔

لندن (ایمرا نیوز) وزیراعلیٰ پنجاب شہباز شریف نے کہا ہے کہ عمران خان الزام لگاتے ہیں کہ میں بیرون ملک جا کر چیک اپ کراتا ہوں، جلا وطنی کے دوران میں مجھے اپینڈکس کا کینسر ہوا تھا، لندن میں اسی کے علاج کے سلسلے میں آتا ہوں۔
لندن سے پاکستان روانگی سے قبل میڈیا سے گفتگو کرتے ہوئے شہباز شریف نے کہا کہ ’میں امریکا میں آپریشن کے بعد 2004 کے اوائل میں امریکا سے لندن شفٹ ہوا، لندن میں معالج کے پاس میرے موذی مرض کی ہسٹری ہے، الزام خان کو کچھ تو خیال ہونا چاہیے، کچھ تو احساس ہونا چاہیے‘۔وزیراعلیٰ پنجاب نے کہا کہ الیکشن قوم کی توقع اور ضرورت ہے، 22 کروڑ عوام کی ترقی اور خوشحالی کا راز الیکشن میں ہے۔جب ان سے پوچھا گیا کہ اگر وہ آئندہ وزیراعظم بن گئے تو ان کی اولین ترجیح کیا ہوگی تو انہوں نے کہا کہ جب موقع آئے گا تو تو ترجیحات کے بارے میں پوری قوم کو بتاؤں گا۔انہوں نے کہا کہ لیڈر قوم سے سچ کی توقع کرتی ہے جھوٹ کی نہیں، میں میڈیکل چیک اپ کیلئے لندن آیا تھا اور 2آفیشل میٹنگز بھی ہوئی ہیں۔
شہباز شریف نے چیئرمین پی ٹی آئی پر تنقید کرتے ہوئے کہا کہ ’عمران خان الزام لگاتے ہیں کہ میں بیرون ملک جا کر چیک اپ کراتا ہوں، جلا وطنی میں مجھے اپینڈکس کا کینسر ہواتھا، سعودی عرب سے امریکا گیا تھا جہاں میجر سرجری ہوئی، آپریشن کے بعد میں 2003 کے اواخر اور 2004 کے اوائل میں امریکا سے لندن شفٹ ہوا، جب تک میں پاکستان نہیں گیا لندن میں اپنے معالج سے علاج کراتا رہا، معالج کے پاس میرے موذی مرض کی ہسٹری ہے جس سےاللہ نے جان چھڑائی، عمران خان کو کچھ خیال ہونا چاہیے کچھ احساس ہونا چاہیے‘۔
شہباز شریف نے کہا کہ قوم کو سیاسی قیادت، اشرافیہ، ریاستی اداروں اور عدلیہ سے توقعات ہیں۔
یاد رہے کہ شہباز شریف چند روز قبل طبی معائنے کی غرض سے لندن گئے تھے جہاں ان کی میڈیکل چیک اپ ہوئے اور کچھ میٹنگز بھی ہوئیں

نوشہرہ (ایمرا نیوز)پاکستان تحریک انصاف کے 4 ایم پی ایز نے پارٹی چیئرمین عمران خان کو خبردار کیا ہے کہ اگر انہوں نے پارٹی معاملات کو سنجیدہ نہ لیا تو پی ٹی آئی صرف کہانیوں میں رہ جائے گی۔
نوشہرہ میں تحریک انصاف کے اراکین خیبر پختونخوا اسمبلی کا ایم پی اے قربان علی خان کی رہائش گاہ پر اہم اجلاس منعقد ہوا جس میں سینیٹ الیکشن اور پارٹی امور پر تبادلہ خیال کیا گیا۔
اجلاس میں پی ٹی آئی کے قربان علی خان، زاہد درانی، عبید مایار اور خاتون ایم پی اے نگینہ شامل تھیں۔
تحریک انصاف کے ایم پی اے قربان علی خان کا اجلاس کے بعد پریس کانفرنس کرتے ہوئے کہنا تھا کہ خیبرپختو نخوا کے عوام کو پی ٹی آئی سے بہت امیدیں تھیں لیکن سینیٹ الیکشن کی ٹکٹیں دیتے ہوئے پارٹی کی پالیسوں کو نظر انداز کیا گیا۔
قربان علی خان کا کہنا تھا کہ کچھ لوگ کالی بھیڑیں بن کر ہماری صفوں میں گھس گئے ہیں، عمران خان اُن پر اعتبار کرتے ہیں جو بچھو کی طرح ڈنگ مارتے ہیں۔ان کا کہنا تھا کہ خان صاحب سے گلہ نہیں کیونکہ ان سے جو کہا وہ انہوں نے سنا، پتہ نہیں وہ کون سے لوگ ہیں جو عمران خان کےکان بھرتے ہیں۔قربان علی خان نے کہا کہ شاہ محمود قریشی اور عمران اسماعیل نے بتایا تھا کہ نوکریاں بک رہی ہیں، پولیس میں 4, 4 لاکھ روپے کے عوض نوکریاں بکیں اور میرے پاس اس کے ثبوت ہیں۔
انہوں نے کہا کہ وقت نے ثابت کر دیا کہ جن وعدوں پر ووٹ ملا ہم وہ پورے نہیں کر سکے، الیکشن تو ہم جیت گئے لیکن ہم نے اپنا نظریہ کھو دیا۔
ان کا کہنا تھا کہ اگر خان صاحب نے معاملات کو سنجیدہ نہ لیا تو پی ٹی آئی صرف کہانیوں میں رہ جائے گی۔
پی ٹی آئی ایم پی اے کا کہنا تھا کہ 20 سال کی خدمات کا صلہ ہم پر پیسے لینے کا الزام لگا کر دیا گیا، کسی چینل میں ہمت ہے تو رشوت کے ثبوت چلا لے۔
زاہد درانی کا اس موقع پر کہنا تھا کہ تحریک انصاف کو فیملی پارٹی کس نے بنایا؟ یہ پارٹی مزید فرینڈز اینڈ فیملی پارٹی بنے گی۔
ان کا کہنا تھا کہ ہم پر پیسے لینے کا الزام لگایا گیا لیکن کیا جن لوگوں کو سینیٹ کے ٹکٹ دیئے گئے ان سے پوچھا گیا؟ خان صاحب پتا کریں کہ کس نے پارٹی کو بدنام کیا ہے۔زاہد درانی کا کہنا تھا کہ عمران خان ہم سے پوچھیں ہم جواب دہ ہیں لیکن 20 سال کی رفاقت کا صلہ اس طرح نہ دیں۔عبید مایار نے کہا کہ مجھے فدا محمد خان نے دھمکی دی تھی، سنگین الزامات والے لوگوں کو پارٹی میں شامل کیا جا رہا ہے