Archives March 2019

ملتان (ایمرا نیوزآن لائن)
ڈپٹی کمشنر مدثر ریاض ملک نے سرکاری تعلیمی اداروں میں فوری بنیادی سہولیات فراہم کرنے کا حکم دیا ہے۔محکمہ تعلیم کے حکام کو آئی ٹی لیبارٹریز کی اپ گریڈیشن اور نئے باتھ رومز کی فوری تعمیر کیلئے اقدامات کی ہدایت بھی کی گئی ہے۔ڈپٹی کمشنر مدثر ریاض ملک نے کہا ہے کہ حکومت پنجاب کے وژن کے مطابق تعلیمی معیار کو بہتر کرنے کیلئے سکولز ایجوکیشن کے شعبے میں انقلابی اصلاحات کی جارہی ہیں تاکہ عوام کا سرکاری سکولز پر اعتماد بحال کیا جاسکے۔

ان خیالات کا اظہار انہوں نے گزشتہ روز سرکٹ ہاؤس میں منعقدہ محکمہ تعلیم کے اعلیٰ سطح کے اجلاس کی صدارت کرتے ہوئے کیا۔اجلاس میں ڈسٹرکٹ مانیٹرنگ آفیسر عمران شمش اور سی ای او ایجوکیشن شمشیر خان سمیت محکمہ تعلیم کے افسران نے شرکت کی۔اجلاس سے خطاب کرتے ہوئے ڈپٹی کمشنر مدثر ریاض ملک نے کہا کہ سرکاری سکولز کا امیج اور تعلیمی نتائج بہتر کرنے کیلئے ہنگامی بنیادوں پر اقدامات کئے جائیں اور اساتذہ کو جدید تعلیمی نصاب سے روشناس کرانے کیلئے تربیتی کورسز بھی شروع کئے جارہے ہیں۔مدثر ریاض ملک نے کہا کہ صوبے بھر کی تعلیمی رینکنگ میں ملتان کو ٹاپ فائیو میں لانا ٹارگٹ ہے۔موجودہ ملکی صورتحال میں سکاؤٹس کو شہری دفاع کی تربیت بھی کی جائے۔بعد ازاں سی ای او ایجوکیشن شمشیر خان نے محکمہ تعلیم کی کارکردگی پر تفصیلی بریفنگ بھی دی۔

ملتان (ایمرا نیوز)
ڈائریکٹر جنرل پنجاب فوڈ اتھارٹی کیپٹن (ر) محمد عثمان کی ہدایت پرفوڈ سیفٹی ٹیموں نے ملتان اور گردونواح میں کارروائیاں کرتے ہوئے ناقص اجزاءکے استعمال،ممنو عہ اشیاءکی فروخت اورصفائی کے غیر معیاری انتظامات پر09فوڈ پوائنٹس کو سر بمہر کیا۔متعدد فوڈ پوائنٹس کو سابقہ دی گئی ہدایات پر عمل نہ کر نے اور حفظان صحت کے اصولوں کی خلاف ورزیوں پر296,500کے جرمانے عائدکیے ۔تفصیلات کے مطابق فوڈ سیفٹی ٹیموںنے ملتان میں کارروائی کرتے ہوئے کھلے مصالحہ جات،چائنہ نمک ،زائدالمیعاد اشیاءاور ممنوعہ گٹکا کی فروخت،ورکرز کے میڈیکلز نہ ہونے پر اشفاق ندیم کریانہ سٹورکو سیل کر دیا۔

اسی طرح لودھراں میں وی آئی پی سپر سٹور،خانیوال میں شاہ جہاں فیملی مارٹ اوروہاڑی میںزوہیب ڈرنک کارنر کو سربمہر کیاگیا۔ملتان کی فوڈ سیفٹی ٹیم نے مٹھائی کی تیاری میں (نان فوڈ کلر،رنگ کاٹ،لیکو) استعمال کرنے،حشرات کی بہتات،گندے فریزرز،لائسنس نہ ہونے،غلط لیبلنگ اور ناقص صفائی کے انتظامات پر ملک ریواڑی سویٹس جبکہ مظفرگڑھ میںعادل سویٹس کوسیل کیا گیا۔لیہ کی ڈیری سیفٹی ٹیم نے ملاوٹی دودھ کی فروخت ،مضرصحت کیمیکل کی موجودگی، لائسنس نہ ہونے،غیر معیاری اجزاءکے استعمال اور ناقص صفائی پرآمین ملک کولیکشن سنٹر کو سربمہرکیا۔اسی طرح خانیوال میں کارروائی کرتے ہوئے سابقہ ہدایات پر عمل نہ کرنے،ورکرز کے میڈیکل،لائسنس نہ ہونے ،گندے فریزرزاور ناقص صفائی کے انتظامات پرمرحبا ریسٹورنٹ کو سیل کیا گیا۔مزید برآں ڈی جی خان میں چیکنگ کرتے ہوئے لائسنس کی عدم دستیابی،ورکرز کی ذاتی صفائی غیر تسلی بخش ہونے ،ناقص سٹوریج اور صفائی کے غیر معیاری انتظامات پرالخیر فروزن فوڈز کوسربمہر کر دیا گیا۔

علاوہ ازیں ملتان،خانیوال اوروہاڑی،بہاولپور، لودھراں اور بہاولنگر میں چیکنگ کر تے ہو ئے مختلف فوڈ پوائنٹس کو مضر صحت اشیاءکی فروخت اور صفائی کے ناقص انتظامات پر167,000کے جرمانے عائد کیے۔اسی طرح لیہ، راجن پور ، رحیم یار خان اور گردونواح کی ٹیموںنے مختلف علاقوں میں کارروائیوں کے دوران متعدد فوڈ پوائنٹس کو حفظان صحت کے اصولوں کی خلاف ورزیوں پر129,500کے جرمانے عائد کیے گئے ۔ جنوبی پنجاب میںکارر وائیوں کے دوران ناقص مٹھائیاں،زائدالمیعاد اشیائے خورونوش اورمضرصحت خوراک تلف کی گئی ۔فوڈ سیفٹی ٹیموں نے چیکنگ کے دوران فوڈ پوائنٹس کو حفظان صحت کے اصولوں کی خلاف ورزی کرنے پراصلاحی نوٹسزبھی جاری کیے ۔

(وقت نیوز آن لائن)
آمدن سے زائد اثاثوں کے الزام میں گرفتار اسپیکر سندھ اسمبلی آغا سراج درانی نے کہا ہے کہ میں علیم خان نہیں جو استعفیٰ دے دوں۔ اسپیکر سندھ اسمبلی آغا سراج درانی نےکراچی کی احتساب عدالت میں پیشی سے قبل میڈیا سے غیر رسمی گفتگو کی۔ ایک صحافی نے ان سے سوال کیا کہ علیم خان نے گرفتار ہونے پر وزارت سے استعفادیا، کیا آپ دیں گے؟

اس پر اسپیکر سندھ اسمبلی نے جواب دیا کہ میں کیوں استعفا دوں،میں علیم خان نہیں ہوں۔ آغا سراج درانی نےشکوہ کرتے ہوئے کہا کہ نیب کا رویہ اچھا نہیں رہا ،تعاون کے باوجود فیملی،بھائی،نوکروں کو تنگ کیاجارہاہے۔ انہوں نے کہا کہ ہم نیب سے تعاون کررہے ہیں ،نیب نہیں کررہا مگر ہمیں عدالتوں پر بھروسہ ہے۔

لاہور(ایمرا نیوزآن لائن رپورٹ اظہر محمود سے) پاکستان کی طرف سے ایک بار پھر امن پسندی اور بڑے پن کا مظاہرہ کرتے ہوئےبھارتی پائلٹ ابھے نندن کو آج سہ پہر واہگہ بارڈر پر بھارت کے حوالے کیا جائے گا۔ترجمان دفترخارجہ کے مطابق بھارتی پائلٹ کوآج پاکستان میں بھارتی ہائی کمیشن کےذریعے واہگہ بارڈر لاہور سے بھارتی ہائی کمیشن کےحکام کےحوالےکردیاجائےگا۔ذرائع کے مطابق بھارتی ہائی کمیشن نے بھارتی پائلٹ کے سفری دستاویزات مکمل کرلیے ہیں۔وزیراعظم عمران خان نے گزشتہ روز پارلیمنٹ کے مشترکہ اجلاس میں ابھے نندن کی رہائی کا اعلان کرتے ہوئے کہا تھا کہ بھارتی پائلٹ کو جذبہ خیر سگالی کے تحت رہا کیا جارہا ہے۔ پاکستان کی امن کے لیے کی جانے والی کوششوں کو اس کی کمزوری نہ سمجھا جائے۔افواج پاکستان اور قوم،وطن کا دفاع کرنا جانتی ہیں۔بدھ کے روز پاک فضائیہ نے ایل او سی پار کرنے والے بھارتی مگ 21بائسن کو مار گرایا تھا اور اس کے پائلٹ،ونگ کمانڈر ابھی نندن کو پاکستانی فورس نے گرفتار کرلیا تھا۔پائلٹ کی رہائی کااعلان کرتےہوئے وزیراعظم نے بھارت کویہ پیغام بھی دیا کہ پاکستان کی جانب بڑھنے والا ہر ہاتھ کاٹ دیا جائے گا۔عمران خان نے بھارتی وزیراعظم کو پھرخبردارکیاکہ معاملےکو انتہا پر نہ پہنچایا جائے۔دوسری جانب پاک بھارت کشیدگی کے بعد بھارتی پائلٹ کی رہائی کو عالمی سطح پر سراہا جارہا ہے، اقوام متحدہ کے سیکریٹری جنرل اور امریکا نے وزیراعظم کے اعلان کا خیرمقدم کیا ہے ۔آج سعودی وزیر مملکت برائے خارجہ عادل الجبیر ولی عہد محمد بن سلمان کا خصوصی پیغام لیے پاکستان آرہےہیں۔امریکی وزیر خارجہ مائیک پومپیو نے کہا کہ امریکا بھرپور کوششیں کررہا ہے اور امید ہے کہ کم از کم فی الوقت کشیدگی ختم کرالیں گے، امریکی صدر نے بھی کہا تھا کہ شروں سے جاری پاک بھارت کشیدگی ختم ہونے جارہی ہے۔

اسلام آباد(ایمرا نیوزآن لائن رپورٹ عمر خالد سے) سول ایوی ایشن نے اعلان کیا ہے کہ پاکستان کی فضائی حدود آج دوپہر ایک بجے کھولی جائیں گی۔کشیدہ صورتحال کے باعث بند کی گئی پاکستانی فضائی حدود کوجزوی بحال کردیا گیا ہے جبکہ بیرون ملک پھنسے ہوئے پی آئی اے کے تین طیارے وطن واپس پہنچ گئے۔پی آئی اے کی پروازیں جدہ ، مسقط اور دبئی سے کراچی پہنچی ہیں جبکہ اچانک بندش کے اعلان سے غیرملکی ایئرلائنوں کے پھنسے طیاروں کو بھی فیری فلائٹ کرکے جانے کی اجازت دے دی گئی ہے ۔پشاور سےعمان ائیرلائن ، قطر ائیرلائن اور ائیرعربیہ کے طیاروں کو جانے کی اجازت دی گئی جبکہ سعودیہ ائیرلائن کے طیارے کو کراچی سے بغیر مسافروں کے واپس جانے کی اجازت دی گئی ۔

لاہور (ایمرا نیوز)
ڈاکٹر عارف صدیقی کی وقت کے ہیڈ آفس میں‌خصوصی آمد میں‌یہ بتایا کہ کامیاب انسان بننے کے لیے کیا کیا کرنا پڑتا ہے اور کن اصولوں‌کو فالو کرتے ہوئے انسان کامیابی پا سکتا ہے. سب سے پہلے تو یہ معلوم ہونا چاہیے کہ Success ہوتی کیا ہے ؟ تو اس کے لیے میرا فارمولہ D7 کو اپنے آپ سے موازنہ کیا جائے. سب سے پہلے انسان Dream دیکھتا ہے پھر ہے Desire جس کا مطلب خواب کی تعبیر ہے جو چیز انسان کے تصور میں آسکتی ہے وہ معرض وجود میں بھی آسکتی ہے. جو خواب انسان دیکھتا ہے پھر اس کو پورا کرنے کے لیے اس کے دل میں شدید خواہش ہوتی ہے.

انسان کی خواہش ہی اسے بستر سے اٹھا کر میدان میں لا کھڑا کرتی ہے. اگر کوئی بھی خواب دیکھا تو اسے پورا کرنے کے لیے اس کی قیمت چکانے کے لیے تیا ر ہونا پڑتا ہے. جب تک انسان میدان میں اتر کر اپنے خواب کو دیوانگی کے ساتھ پورا کرنے کی کوشش نہ کریں گے آپ کاخواب کبھی پورا نہیں ہو سکتا. کامیاب شخص ہمیشہ اپنے وقت کو بہتر استعمال کرتا ہے اور ناکام شخص اسے ضائع کر دیتا ہے. جو ٹائم ضائع کرتا ہے اس کو سمجھنا چاہیے کہ وہ اپنی زندگی ضائع کر دیتاہے. انسان کو ہمیشہ سب سے پہلے خود سے سوال پوچھنے چاہئےں نہ کہ دوسروں سے پوچھتا پھرے.