Archives August 2021

پشاور میں افغان میڈیکل طالبہ فرشتہ کےگھر پرپولیس چھاپے کی سی سی ٹی وی فوٹیج نجی چینل نے نشرکی ہے.۔میڈیا کو ملنے والی فوٹیج میں دیکھا جاسکتا ہے کہ پولیس وردی اور سادہ لباس میں ملبوس اہلکار تین گاڑیوں میں آکر گھر کے قریب اترتے ہیں۔گزشتہ دنوں افغان طالبہ نے الزام لگایا تھاکہ پولیس نے ان کے والد کو گھر سے گرفتار کیا ہے جس کا ثبوت سی سی ٹی وی فوٹیج ہے۔
پشاورپولیس نے فرشتہ کے والد کے خلاف منشیات اسمگل کرنے کا مقدمہ درج کیا تھا اور مقدمے میں کہا تھا کہ فرشتہ کے والد کو گھر سے نہیں بلکہ چیک پوسٹ پر منشیات سمیت گرفتار کیا تھا۔سی سی ٹی وی سامنے آنے کے بعد واقعے کی تفصیلات سے متعلق ایس ایس پی آپریشن اور سی سی پی او سے متعدد بار رابطہ کرنے کی کوشش کی گئی تاہم رابطہ نہیں ہوسکا۔
خیال رہے کہ گزشتہ دنوں میڈیکل کی افغان طالبہ فرشتہ نے پریس کانفرنس کرتے ہوئے کہا تھا کہ پولیس نے ان کے بیمار والد کو منشیات کے جھوٹے مقدمے میں پھنسا کر گھر سے گرفتار کیا ہے۔ طالبہ نے گورنر اور وزیراعلیٰ خیبرپختونخوا سےنوٹس لینے کا مطالبہ کیا تھا۔

واشنگٹن: ریپبلکن کے رکن پارلیمنٹ جم بینکس نے الزام عائد کیا ہے کہ جو بائیڈن انتظامیہ کی غفلت کے باعث 85 ارب ڈالر سے زائد مالیت کے امریکی فوج کا سازوسامان طالبان کے قبضے میں چلا گیا۔

عالمی خبر رساں ادارے کے مطابق ریپبلکن جماعت سے تعلق رکھنے والے رکن کانگریس جم بینکس نے دعویٰ کیا ہے کہ امریکی فوج کے بے ہنگم اور بے ترتیب انخلا کی وجہ سے طالبان کو 85 ​​ارب ڈالر سے زائد مالیت کے امریکی فوجی آلات تک رسائی حاصل ہوگئی۔

جم بینکس جو 20 سالہ افغان جنگ کو قریب دیکھ چکے ہیں اور اہم معلومات رکھتے ہیں نے ایک رپورٹ کا حوالہ دیتے ہوئے کہا کہ طالبان اپنے پیچھے چھوڑے گئے امریکی فوجی ساز و سامان پر قبضہ کرنے میں کامیاب ہو گئے ہیں جن میں 75 ہزار گاڑیاں، 200 ہوائی جہاز اور ہیلی کاپٹرز جب کہ 6 لاکھ چھوٹے ہتھیار شامل ہے
رکن پارلیمنٹ نے مزید کہا کہ افغان شدت پسند تنظیم کے پاس اب دنیا کے 85 فیصد ممالک سے زیادہ بلیک ہاک ہیلی کاپٹرز ہیں جب کہ سب سے حیران کن بات یہ ہے کہ طالبان کے پاس بائیو میٹرک ڈیوائسز بھی ہیں جن میں انگلیوں کے نشانات، آنکھوں کے اسکین اور امریکا کی مدد کرنے والے افغان شہریوں کی نجی معلومات رکھی گئی تھی.
ریپبلکن رکن پارلیمنٹ نے مزید کہا کہ ہم سب جانتے ہیں کہ یہ صدر جوبائیڈن کی غلط پالیسی اور ان کی انتظامیہ کی غفلت کی وجہ سے ہوا ہے۔ افغان فوج نے مقابلہ کرنے کے بجائے پوسٹیں چھوڑ دیں یا ہتھیار ڈال دیئے

بھارت ویسے تو اپنے متعصبانہ رویہ کی وجہ سے پوری دنیا میں‌ہی مشہورہے اور ان کا میڈیا بھی انہیں کی زبان بولتاہے،جہاں‌پاکستان کی بات ہوتو خوب نمک مرچ لگانااس کاپسندیدہ کام ہے.
قومی ٹیم کے سابق کپتان اور سوئنگ کے سلطان وسیم اکرم نے خود سے متعلق جھوٹی خبر چلانے پر بھارتی میڈیا پر برہمی کا اظہار کیا ہے۔وزیراعظم عمران خان نے چند روز قبل ہی پاکستان کرکٹ بورڈ کے چیئرمین کے لیے قومی ٹیم کے سابق کپتان رمیز راجہ کے نام کی منظوری دی تھی جس پر وسیم اکرم سمیت قومی ٹیم کے دیگر کھلاڑیوں نے انہیں مبارکباد دی اور نیک خواہشات کا اظہار کیا۔لیکن بھارتی میڈیا جو پاکستان کے ہر معاملے میں پروپیگنڈا کرتا ہے اس معاملے پر بھی جھوٹی اور من گھڑت خبریں چلانے سے باز نہ آیا۔
بھارت کے ایک بڑے میڈیا گروپ نے گزشتہ روز یہ خبر شائع کی کہ وسیم اکرم بھی پاکستان کرکٹ بورڈ کے چیئرمین بننے کے خواہشمند تھے لیکن ان کے نام پر غور نہیں کیا گیا۔وسیم اکرم نے سوشل میڈیا پر اس خبر کا حوالہ دیتے ہوئے بھارتی میڈیا کو جواب دیا کہ برائے مہربانی اس طرح کی جھوٹی خبروں کو پھیلانا بند کر دیں اور اپنے ذرائع ٹھیک کر لیں۔
پاکستان کرکٹ ٹیم کے سابق کپتان کا کہنا تھا کہ ٹائمز آف انڈیا کا شمار بھارت کے بڑے اور معتبر اخبارات میں ہوتا ہے لیکن اس طرح کی بے بنیاد خبروں سے اس کی ساکھ کو نقصان پہنچے گا۔ان کا یہ بھی کہنا تھا کہ چیئرمین پاکستان کرکٹ بورڈ کا عہدہ ایک اسپیشلائزڈ ملازمت ہے اور میں نے کبھی بھی اس عہدے میں دلچسپی ظاہر نہیں کی۔سابق کپتان قومی ٹیم کا کہنا تھا کہ اللہ کا شکر ہے کہ میں آج زندگی میں جس مقام پر ہوں وہاں مطمئن ہوں۔

راولپنڈی(ویب ڈیسک)ویسے تو معاشرے میں‌خواجہ سراوں کو کئی طرح سے تنگ کیا جاتاہے اور وہ اس معاشرتی رویے پر بہت پریشان بھی ہیں،وہ اپنے کیخلاف اس تفریق اور سوچ کیخلاف کئی بار سراپا احتجاج بن چکے ہیں….حال ہی میں‌راولپنڈی میں‌پولیس نے کارروائی کے دوران ٹرانس جینڈر کو ہراساں اور دھمکیاں دینے والے ملزم کو گرفتار کرلیا۔

ترجمان راولپنڈی پولیس کے مطابق کھلی کچہری کے دوران پولیس نے ٹرانس جینڈر کی درخواست پر دھمکیاں دینے اور ہراساں کرنے والے ملزم کی فوری گرفتاری کا حکم دیا جس پر ایس ایچ او ائیر پورٹ نے مقدمہ درج کر کے ملزم عبد الوقاص کو ٹریس کرکے گرفتار کرلیا۔ پولیس کے مطابق ملزم عبدالوقاص ٹرانسجینڈر سے دوستی کرنا چاہتا تھا تاہم انکار پر دھمکیاں دیتا تھا۔سی پی او کے مطابق راولپنڈی پولیس معاشرہ کے محروم طبقات کی حفاظت کے لیے پر عزم ہے، ٹرانس جینڈرز سمیت تمام کمزور اور محروم طبقات کے حقوق کا تحفظ اولین ترجیح ہے، اس کے علاوہ راولپنڈی پولیس نے ٹرانسجینڈرز کے حقوق کے تحفظ کے لئے تحفظ ٹرانسجینڈر رپورٹنگ سینٹر و خدمت مرکز بھی قائم کیا ہے جو ٹرانسجینڈرز کے تحفظ کے لئے مصروف عمل ہے۔

ویب ڈیسک: افغان عوام کیلئےجوکرسکتےہیں وہ کریںگے،افغانستان میں حکومت سازی افغان عوام کاحق ہے،غیرملکیوں کےانخلامیں پاکستان کےکردارکودنیانےسراہا۔ ہم نے پہلےدن کہاتھاکہ انخلامیں مدددینگے،جوپاکستانی خاندان افغانستان سےنکلناچاہتےتھےان کووہاں سےنکا ل دیاگیا۔155امریکی آئےتھےجس میں 42اب یہاں موجودہیں۔افغانستان سے آئے ہوئے 1229لوگ پاکستان میں موجودہیں وہ بھی جلدچلےجائیں گے۔ افغان عوام کیلئےنیک خواہشات کااظہارکرتےہیں،آج اجلاس میں افغان عوام سےیکجہتی کااظہارکیاگیا،دعاگوہیں کہ افغانستان میں امن واستحکام کاسورج طلوع ہو۔
فواد چودھری نے کہاکہ پی ٹی آئی واحدحکومت ہےجوانتخابی اصلاحات کی بات کرتی ہے،اپوزیشن کےپاس تجاویزہیں توسامنےلےآئیں۔ وزیراعظم نےروسی صدرکوپاکستان آنےکی دعوت دی ہے،پاکستان کوبرطانوی ریڈلسٹ سےنکالنےکیلئےبھی کوشش کررہےہیں۔ فوادچودھری نے کہا کہ اب 17سال سےاوپرکےلوگوں کوویکسین لگارہےہیں۔ ای الیون میں پرائیویٹ طور پر کثیر المنزلہ تعمیرات ہوئیں، موجودہ کابینہ نےای الیون سےمتعلق 1968کی کابینہ کےفیصلےکوواپس لیاہے، کابینہ نےای الیون سےمتعلق سی ڈی اےکواختیاردےدیاہے۔

اسلام آباد(ویب ڈیسک)جتنےمنہ اتنی باتیں،لیکن اصل صورتحال اب پتہ چلی ہے جب وزیراطلاعات فواد چوہدری نے میڈیا بریفنگ دی ہے.وفاقی وزیر اطلاعات فواد چوہدری کا کہنا ہےکہ افغانستان سے آنے والے 155 امریکیوں میں سے اس وقت صرف 42 پاکستان میں ہیں جو کہ آئندہ 2 دن میں چلے جائیں گے۔
وفاقی کابینہ کے اجلاس کے بعد میڈیا کو بریفنگ دیتے ہوئے فواد چوہدری کا کہنا تھا کہ گذشتہ دنوں نیٹو اور اس سے متعلقہ 10ہزار 300 سے زائد افراد پاکستان آئے جن میں سے 9032 لوگ اپنے ملکوں کو واپس چلے گئے، اس وقت 1229 افراد پاکستان میں ہیں،جودو دن میں چلے جائیں گے، ان 1229 غیرملکیوں میں 545 افغان اور684 افراد کا تعلق دیگرممالک سے ہے۔

فواد چوہدری کا کہنا تھا کہ پاکستان نے غیر ملکی شہریوں کو افغانستان چھوڑنےمیں مدد کی ہے ، افغانستان سے آنے والے 155 امریکیوں میں سے اس وقت صرف 42 پاکستان میں ہیں جو کہ 2 دن میں چلے جائیں گے جب کہ باقی امریکی واپس جاچکے ہیں۔

فواد چوہدری کا کہنا تھا کہ جو پاکستانی افغانستان سے انخلا چاہتے تھے ان کو نکال لیاگیا ہے، افغان عوام کا دردکم کرنےکے لیے جو کچھ کرسکے ضرور کریں گے،افغانستان میں حکومت بنانا افغان عوام کا حق ہے، موجودہ افغان انتظامیہ نےکہا ہےکہ وہ اپنی سر زمین کسی کو استعمال نہیں کرنے دیں گے۔

وفاقی وزیر اطلاعات نے بتایا کہ ممنوعہ لائسنس کے اجراء کا اختیار وزارت داخلہ کو دے دیا گیا ہے،سی ڈی اے کو ای الیون میں قواعد پر عمل درآمد کا اختیار دیا ہے، گوادر کو بجلی فراہم کرنے کے لیے نئے منصوبے لائےگئے ہیں،سیالکوٹ کھاریاں موٹروے کو شروع کیا جارہا ہے، سیالکوٹ کھاریاں موٹروےکو اسلام آباد سے بھی جوڑا جائےگا۔

انہوں نے اپوزیشن کو تنقیدکا نشانہ بناتے ہوئےکہا کہ ہم انتخابی اصلاحات چاہتے ہیں لیکن اپوزیشن مخالفت کے سوا کچھ نہیں جانتی، پاکستان کےمسائل کا حل جمہوریت ہے جہاں اکثریت کے فیصلےکو ماننا پڑےگا۔

ان کا کہنا تھا کہ شہباز شریف باہر اس لیے ہیں کیونکہ عدالت ان کا کیس روز نہیں سن رہی، عدالت میں اگر شہباز شریف کےکیس کی روزمرہ کی بنیاد پر سماعت ہو تو وہ جلد جیل چلے جائیں گے۔

طالبان کی سپریم کونسل کا اجلاس ختم ہوگیا جس میں حکومت سازی سے متعلق اہم فیصلے کرلیے گئے ہیں۔طالبان کے ترجمان ذبیح اللہ مجاہد نے ٹوئٹ کرتے ہوئے بتایا کہ سپریم کونسل کا 3 روزہ اجلاس طالبان کے امیر ملا ہیبت اللہ اخوندزادہ کی زیر صدارت قندھار میں ہوا جبکہ یہ اجلاس ہفتے کے روز سے پیر تک جاری رہا۔
انہوں نے بتایا کہ اجلاس میں ملک کی موجودہ سیاسی اور سکیورٹی صورتحال کے ساتھ ساتھ دیگر مسائل پر تفصیلی تبادلہ خیال کیا گیا۔ذبیح اللہ مجاہد کا کہنا تھاکہ اجلاس میں اشیائے ضروریہ کی حفاظت کے ساتھ ساتھ شہریوں کو بنیادی سہولیات کی فراہمی اور ان سے اچھے برتاؤ کا فیصلہ کیا گیا۔

افغانستان میں برسراقتدارآنیوالےافغان طالبان سےبھارت نےبات چیت شروع کردی۔بھارت کی جانب سےافغانستان میں امریکہ کی شروع کی گئی 20سا لہ جنگ کےخاتمے اورغیرملکی افواج کےانخلا کےبعد بات چیت کا آغاز کیا گیا ہے دوسری جانب سے افغانستان کےشہری اپنےملک کی مکمل آزادی کابھرپور جشن منارہے ہیں۔
بھارتی اخبار کےمطابق قطر میں موجود بھارتی سفیر دیپک مٹھل کی جانب سےافغان طالبان سےبات چیت کاآغاز کیا گیا ہے،بھارتی سفیر دیپک مٹھل کی دوحہ میں موجود طالبان رہنما شیر محمد عباس سےملاقات،سکیورٹی سمیت دیگر متعلقہ امور پر تبادلہ خیال کیا گیا۔ بھارتی شہریوں کی حفاظت سمیت افغانستان میں مقیم اقلیتوں کے حوالے سے بھی بات چیت کی گئی اور ان افغان شہریوں کی بابت بھی امور زیر غور آئے جو بھارت جانے کے خواہشمند ہیں۔
خیال رہے کہ چندروزقبل تک بھارت کے افغانستان میں تمام تر تعلقات کا مرکز و محور مفرور افغان صدر اشرف غنی کی حکومت تھی۔ سابق افغان صدراشرف غنی کےفرارکےبعد بھارت نےاپنے سفارتی عملےکوواپس بلالیاتھا۔بھارتی حکومت کی جانب سے افغان طالبان کے خلاف پوری دنیا میں منفی پروپیگنڈہ بھی تسلسل سے کیا جاتا رہا تھا۔ پاکستان تسلسل کے ساتھ اس بات کی نشاندہی کرتا آیا ہے کہ بھارت افغانستان کی سرزمین پاکستان کے خلاف دہشت گردی کے لیے استعمال کرتا رہا ہے جب کہ افغان طالبان نے اب یقین دہانی کرائی ہے کہ وہ اپنی سرزمین کسی بھی غیر ملکی طاقت کو کسی بھی ملک کے خلاف استعمال کرنے کی اجازت نہیں دیں گے۔

ممبئی(ویب ڈیسک) اداکار راج کمار راؤ کو کون نہیں جانتا،فلم بین تو انہیں اچھی طرح جانتے ہیں اور یہ بھی معلوم ہوگا کہ نوجوانی میں بالی وڈ کے ’کنگ خان‘ شاہ رخ خان کے بڑے فین تھے اور شاہ رخ خان کی وجہ سے انہیں لڑکی سے اظہار محبت کرنا مہنگا پڑگیا تھا۔
’ایسٹ انڈیا کمپنی بمقابلہ بالی وڈ‘ نامی یوٹیوب چینل سے گفتگو کرتے ہوئے اداکار راج کمار راؤ نے بتایا کہ میں اپنے اسکول کے دنوں میں بہت شرارتی ہوا کرتا تھا اور میری خواہش تھی کہ میں بڑا ہو کر اداکار بنوں۔ یہی وجہ تھی کہ جب میں نے کالج میں قدم رکھا تو اپنی تمام بری عادتیں ختم کردیں۔راج کمار راؤ نے بتایا کہ کالج کے دنوں میں، میں نے شاہ رخ خان کی فلم ’کچھ کچھ ہوتا ہے‘ دیکھی تھی۔ کالج میں مجھے ایک لڑکی سے محبت ہوگئی جو بالکل فلم میں ’انجلی‘ نامی لڑکی جیسی تھی، میں نے اس لڑکی کی ماں کو تلاش کیا اور پھر کسی نہ کسی طرح ہم دونوں ملاقاتیں کرنے لگے لیکن بدقسمتی سے اس کا ایک بوائے فرینڈ بھی تھا۔
اداکار نے بتایا کہ لڑکی کے بوائے فرینڈ نے ہمیں دیکھ لیا تھا اور اس نے 25 لڑکوں کے ساتھ مل کر میری پٹائی کی، وہ مجھے گولی مارنا چاہتے تھے لیکن میرے دوستوں نے موقع پر پہنچ کر مجھے وہاں سے بچایا۔

ویب ڈیسک: مہنگائی کےستائے عوام کیلئے ریلیف حکومت کی جانب سے پیٹرولیم مصنوعات کی قیمتوں میں کمی کا فیصلہ،گزشتہ روزپیٹرولیم مصنوعات کی قیمتوں میں کمی کےحوالےسےسفارشات وزارت توانائی کو موصول ہوئی تھیں۔ذرائع کے مطابق پیٹرول کی قیمت میں1.50 روپےکمی کردی گئی جس کے بعدنئی قیمت 118 روپے 30 پیسے مقرر کردی گئی۔
ہائی اسپیڈ ڈیزل کی قیمت 1.50 روپے کمی کےبعد115 روپے 3 پیسے فی لیٹر مقرر۔ مٹی کےتیل کی قیمت میں بھی ایک روپیہ 50 پیسے کی کمی کی گئی ہےجس کےبعد نئی قیمت 86 روپے 80 پیسے فی لیٹرہو گئی ہے۔ نئی قیمتوں پر عملدرآمد یکم ستمبر سے ہو گا۔