Category صحت

لاہور ڈاکٹر اے کیو خان ہسپتال ٹرسٹ کے بانی ٹرسٹی وجنرل سیکرٹری ڈاکٹر شوکت بابر ورک نے کہا ہے کہ زکوٰۃ کی رقوم مستحقین تک پہنچانابہت ضروری ہے۔ محتاجوں اور ضرورتمندوں کی پردہ داری کیلئے رازداری کااصول ملحوظ خاطر رکھیں۔ڈاکٹر اے کیو خان ہسپتال ٹرسٹ کے درودیوار سے ڈونرزکاجذبہ ایثار جھلکتا ہے ۔ہمارے ڈونرز ناداروں اوربیماروںکی دعائوں کامحور ہیں۔ ڈاکٹر اے کیو خان ہسپتال ٹرسٹ کے پلیٹ فارم سے جدید طبی سہولیات سے مستفید ہونیوالے مردوزن یقینا زندگی بھر اپنے ڈونرز کوفراموش نہیں کرسکتے ۔ ڈاکٹر اے کیو خان ہسپتال کے رضاکار اور درودیواربھی ڈونرز کیلئے دعا کرتے ہیں ۔اپنے ایک بیان میں ڈاکٹر شوکت بابر ورک نے مزید کہا کہ اس بار بھی ڈاکٹر اے کیو خان ہسپتال ٹرسٹ پرچھپ کروارکرنیوالے عناصر کورسوائی اورپسپائی کے سواکچھ حاصل نہیں ہوا ۔ڈاکٹر اے کیو خان ہسپتال ٹرسٹ کیخلاف مہم جوئی کرنیوالے ایک خاتون سمیت تین سے چار مرد اپنے مذموم منصوبوں میںناکام ونامراد ہوں گے۔انہوں نے کہا کہ ناداروں اوربیماروں کی خدمت کیلئے سرگرم فلاحی اداروں کو الجھانے اوربلیک میل کرنیوالے کرداروں کے سیاہ چہروں پر نحوست برستی ہے۔ناداروں اوربیماروں کی بددعائوں نے قبور تک ان بدبخت عناصر کاپیچھا نہیں چھوڑنا۔انہوں نے کہا کہ کسی قومی ہیروکے گھر پیداہونیوالے بچے بھی قومی ہیروہوں یہ ضروری نہیں۔ہرانسان اپنے اپنے افکار وکردار سے جانا اور پہچانا جاتا ہے، انسان کی نسبت اس کے عیوب نہیں چھپاسکتی ۔انہوں نے کہا کہ جودوسروں کیلئے سازشوں کاجال بچھاتے ہیں وقت انہیں بے نقاب ضرورکرتا ہے

جڑانوالہ:ماہرین صحت نے کہا ہے کہ اگر کھانے پینے میں احتیاط نہ برتی جائے تو نہ صرف بیماریاں جنم لیتی ہیں بلکہ روزے رکھنا بھی محال ہو جاتا،شہری علاقوں میں پکوڑے، سموسے، کچوریاں، جلیبیاں اور دیگر ایسی تلی ہوئی چیزوں کے علاوہ مرغن غذائیں افطار کے وقت ہر دسترخوان پر نظر آتی ہیں۔ ماہرین صحت کے مطابق ایسی اشیا کا استعمال صحت کے لئے مضر ہوسکتا ہے۔انہوں نے کہا ہے کہ سحر و افطار میں مرغن غذاو?ں سے پرہیز کیا جائے، ڈاکٹرز نے روزہ داروں کو پھل اور سبزیوں کے زیادہ استعمال کا مشورہ دیا ہے۔جن چیزوں سے پرہیز کرنا چاہئے وہ پکوڑے، سموسے، کچوریاں اور تلی ہوئی اشیاء، مرغن غذائیں جیسے بریانی، کڑاہی گوشت وغیرہ، کمرشل مشروبا ت استعمال نہ کریں یہ زیادہ پیاس لگاتے ہیں، بیکری کی بنی تمام چیزوں سے احتیاط کریں، بازاری کھانے بالکل نہ کھائیں، زیادہ مصالحے استعمال نہ کریں، گھی اور آئل کا استعمال کم سے کم کریں۔ماہرین نے کہا کہ رمضان المبارک میں ریشے دار غذائیں مثلاً چھلکے والی دالیں، سبزیاں، چنے استعمال کریں، جو دیرپا توانائی فراہم کرتیں ہیں، افطار میں سادہ پانی پیئں، میٹھی اشیاء بالخصوص سافٹ ڈرنکس سے پرہیز کریں اور جتنا ہوسکے تلی ہوئی اشیاء سے گریز کریں، رمضان میں ہلکی ورزش سستی اور کاہلی کو دوربھگاتی ہے

بیرون ملک سے آنے والی پروازوں کے استعمال شدہ پانی میں کرونا وائرس کا انکشاف ہوا ہے، جس کے بعد بین الاقوامی پروازوں کی مکمل چیکنگ اور نگرانی کا فیصلہ کیا گیا ہے۔

نیشنل انسٹیٹوٹ آف ہیلتھ نے ایوی ایشن حکام کو مراسلہ جاری کردیا ہے، جس میں کہا گیا ہے کہ بین الاقوامی پروازوں کے ویسٹ واٹر کے سیمپل لینے کا فیصلہ کیا گیا ہے، ایوی ایشن اتھارٹی سیمپل کے حصول کے لیے باقاعدہ نظام مرتب کرے، سیمپل جمع کرنے کے لئے ٹریننگ اور سامان نیشنل انسٹیٹوٹ آف ہیلتھ جاری کرے گا۔

مراسلے میں کہا گیا ہے کہ سی اے اے بین الاقوامی پروازوں کے استعمال شدہ پانی کو ٹھکانے لگانے کے طریقہ کار سے آگاہ کرے، جب کہ سینٹری ورکرز کو پانی کے نمونوں کے حصول کے لئے جیری کین، دستانے، لانگ شوز، فیس ماسک ، فیس شیلڈ مہیا کئے جائیں۔

کئی افراد صرف سیب، کیلے، انگور اور نارنگی جیسے پھلوں کے فوائد کے بارے میں جانتے ہیں، لیکن ایسا پھل بھی ہے جو صحت کے لئے بے حد مفید ہے۔

اس حیرت انگیز پھل کا نام سورسوپ ہے جو کہ شریفے پھل کی ایک قسم ہے، طبی ماہرین نے اسے جادوئی پھل قرار دیا ہے اس کے اہم خواص درج ذیل ہیں۔

اینٹی آکسیڈینٹ

سورسوپ پھل وٹامن سی سے بھرپور ہوتا ہے، یہ ایک طاقتور اینٹی آکسیڈینٹ جو کہ مدافعتی نظام کو مضبوط کرنے کے لئے جانا جاتا ہے، اس پھل کے پتوں میں فائٹو سٹیرولز ، ٹیننزاور فلیوونائڈز شامل ہیں جو کہ اینٹی آکسیڈنٹ سے بھرپور ہوتے ہیں۔

نظام انہضام کے لئے بہترین

سورسوپ یا شریفہ فائبر کا بہترین ذریعہ ہے، فائبرہاضمہ اور آنتوں کے کام کو فروغ دیتا ہےجس سے انسان قبض جیسے مسائل سے محفوظ رہتا ہے۔

سوزش کم کرنے میں مددگار

اس جادوئی پھل میں اینٹی فلیمٹری خصوصیات پائی جاتی ہیں یہی وجہ ہے کہ اس کے استعمال سے سوزش کم کرنے میں مدد ملتی ہے جو کہ دائمی بیماریاں کا بھی سبب بن سکتے ہیں، گھٹیا کے علاج میں یہ نہایت معاون ہے۔

اینٹی بیکٹریل کا خزانہ

طبی ماہرین کے مطابق اس پھل میں اینٹی بیکٹریل خصوصیات پائی جاتی ہیں اس کا رس مختلف قسم کے بیکٹریا مارنے کے قابل ہوتا ہے خاص طور پر مسوڑھوں کی بیماری کا سبب بننے والے بیکٹریا کے لئے زہر قاتل ہے۔

اس کے علاوہ اس کا جوس ہیضے کے خلاف موثر ہے۔

بعض ماہرین کے نزدیک سورسوپ میں بلڈ شوگر کو کنٹرول کرنے کی صلاحیت ہوتی ہے ، صحت مند غذا اور فعال طرز زندگی کے ساتھ اس کا باقاعدگی سے استعمال ذیابطیس کے مریضوں کے لئے فائدہ مند ہے۔

اسلام آباد: ملک بھر میں گزشتہ 24 گھنٹوں کورونا کے 19 مریض رپورٹ ہوئے ہیں ۔قومی ادارہ صحت این آئی ایچ کے مطابق گزشتہ 24 گھنٹوں میں ملک بھر میں کورونا کے 4 ہزار 423 ٹیسٹ کئے گئے جس میں کورونا کے 19 مریض رپورٹ ہوئے جبکہ گزشتہ 24 گھنٹوں میں کرونا کے مثبت کیسز کی شرح اعشاریہ 43 فیصد رہی ہے ۔این آئی ایچ کے مطابق ملک بھرمیں کورونا وائرس 24 مریضوں کی حالت تشویشناک ہے ۔ لاہور میں کورونا کے 812ٹیسٹ کیے گئے جن میں 2 مریض رپورٹ ہوئے ۔لاہور میں کورونا وائرس کی شرح 2 اعشاریہ 25فیصد رہی۔اسلام آباد میں 24 گھنٹوں کے کورونا کے 444ٹیسٹ کئے گئے اور صرف ایک مریض رپورٹ ہوا اس طرح اسلام آباد میں کورونا وائرس کے مثبت کیسز کی شرح اعشاریہ 23 فیصد رہی ۔این آئی ایچ کے مطابق پشاور میں کورونا وائرس کی تشخیص کے لیے 498 ٹیسٹ کئے گئے ۔ 4 کیس رپورٹ ہوئے جبکہ وائرس کے مثبت کیسز کی شرح اعشاریہ 80 فیصد رہی ۔ راولپنڈی میں کورونا کے 121ٹیسٹ کئے گئے اور صرف ایک کیس رپورٹ ہوا مثبت کیسز کی شرح اعشاریہ 83 فیصد رہی ۔

سندھ اور بلوچستان میں ملیریا میں مبتلا افراد کی شرح میں اضافہ ریکارڈ کیا جا رہا ہےجس کے باعث یونیسیف کی مدد لی گئی ہے۔

وفاقی وزارت صحت کے حکام کے مطابق وزارت صحت  نے ملیریا سے نمٹنے کیلئے یونیسیف کو درخواست دی تھی جس پر  یونیسیف نے 20 لاکھ مچھر دانیاں دینےکی حامی بھرلی ہے

حکام کے مطابق یونیسیف نے چینی سپلائر کو  10 لاکھ مچھر دانیوں کا آرڈر دے دیا ہے، اسی ماہ چین سے 10 لاکھ مچھر دانیاں موصول ہو جائیں گی جبکہ چین سے مزید 10 لاکھ مچھر دانیاں اگلے سال کے آغاز میں ملیں گی ۔

حکام کے مطابق  یونیسیف سے ملنے والی مچھر دانیاں سندھ اور بلوچستان کے سیلاب متاثرین میں تقسیم کی جائیں گی۔

حکام کا مزید بتانا ہے کہ نومبر کے اعداد و شمار کے مطابق سیلاب زدہ علاقوں میں ملیریا کیسز کم نہیں ہو رہے ہیں

نیویارک (ایمرا نیوز)اقوام متحدہ کی تازہ ترین رپورٹ میں کہا گیا ہے کہ سندھ کے 22 میں سے 18 اضلاع میں سیلاب کی سطح 34 فیصد اور کچھ اضلاع میں 78 فیصد تک کم ہونے کے باوجود موجودہ صورتحال متاثرہ علاقوں میں غذائی عدم تحفظ کو مزید بڑھا سکتی ہے۔
ایک رپورٹ کے مطابق سیلاب کے سبب سندھ، بلوچستان اور خیبر پختونخوا کے زیادہ متاثرہ علاقوں میں پانی سے پیدا ہونے والی بیماریوں کے بڑھتے ہوئے کیسز بھی ایک بڑی تشویش کا سبب بن چکے ہیں۔
اقوام متحدہ کے دفتر برائے رابطہ برائے انسانی امور (او سی ایچ اے) نے یکم اکتوبر کو جاری ہونے والی اپنی رپورٹ میں کہا کہ بلوچستان کے بیشتر اضلاع میں حالات معمول پر آنا شروع ہو گئے ہیں اور درجہ حرارت میں کمی آنا شروع ہو گئی ہے۔
تعلقہ قبو سعید خان، شہداد کوٹ، قمبر، وارہ اور نصیر آباد کے بالائی علاقوں میں مجموعی طور پر پانی کی سطح کم ہورہی ہے جبکہ گڈو، سکھر اور کوٹری بیراجوں پر دریائے سندھ معمول کے مطابق بہہ رہا ہے۔
تباہ کن سیلاب کے سبب متاثرہ علاقوں میں غذائی عدم تحفظ کا خدشہ ہے، سیلاب سے قبل ہی بلوچستان، خیبرپختونخوا اور سندھ کے 28 اضلاع میں انٹیگریٹڈ فوڈ سیکیورٹی فیز کی درجہ بندی (آئی پی سی) کے جائزے سے جولائی اور جون کے درمیان 59 لاکھ 60 ہزار لوگوں کے غذائی بحران اور غذائی ایمرجنسی سے متاثر ہونے کا تخمینہ لگایا گیا تھا، دسمبر 2022 سے مارچ 2023 تک یہ شرح بڑھ کر 72 لاکھ افراد تک پہنچنے کا خدشہ ہے۔
آئی پی سی دراصل تجزیاتی آلات اور عمل کا ایک مجموعہ ہے جو عالمی سائنسی معیارات کے مطابق غذائی عدم تحفظ کی صورتحال کی شدت کا جائزہ اور درجہ بندی پیش کرتا ہے۔
سندھ کے کئی علاقے اس وقت سیلاب کی زد میں ہیں اور ان علاقوں تک امداد کے لیے رسائی ایک چیلنج بن چکی ہے، بہت سے لوگ عارضی پناہ گاہوں میں غیر صحت بخش حالات میں رہنے پر مجبور ہیں، بنیادی سہولیات تک محدود رسائی کے پیش نظر صحت عامہ کے بڑے بحران کا خطرہ بڑھ گیا ہے۔
او سی ایچ اے کے مطابق حاملہ خواتین کا عموماً ان عارضی کیمپوں میں ہی علاج کیا جا رہا ہے، تقریباً ایک لاکھ 30 ہزار حاملہ خواتین کو صحت کی فوری سہولیات کی ضرورت ہے، سیلاب سے قبل بھی پاکستان میں زچگی کے دوران شرح اموات ایشیا میں سب سے زیادہ تھی،اب یہ صورتحال مزید خراب ہونے کا خدشہ ہے۔

اسلام آباد( ایمرانیوز) ملک بھر میں کورونا کے وار جاری ہیں، گزشتہ چوبیس گھنٹے کے دوران موذی مرض سے مزید 3 مریض دم توڑ گئے ہیں۔
قومی ادارہ صحت (این آئی ایچ) کے مطابق گزشتہ چوبیس گھنٹے کے دوران 11 ہزار 970 ٹیسٹ کئے گئے جس میں 43 نئے کیسز رپورٹ ہوئے۔
این آئی اے رپورٹ میں کہا گیا کہ ملک بھر میں کورونا مثبت کیسز کی شرح 0.36 فیصد ریکارڈ کی گئی جبکہ مزید تین مریض جاں بحق ہوگئے ہیں، 47 مریضوں کی حالت تشویشناک ہے۔

اسلام آباد (ایمرا نیوز) ملک کے مختلف علاقوں میں ڈینگی نے پر پھیلا دئیے، کراچی میں دو افراد دم توڑ گئے، میر پور خاص میں بھی وائرس ایک شخص کی جان لے گیا، سندھ میں ہلاکتوں کی مجموعی تعداد 37 تک پہنچ گئی۔
تفصیلات کے مطابق پنجاب، سندھ اور خیبر پختو نخوا میں ڈینگی کے وار جار ی ہیں، کراچی میں مزید 2 افراد جاں بحق ہو گئے جبکہ لاہور میں بھی ایک مریض زندگی کی بازی ہارگیا۔
محکمہ صحت کے مطابق کراچی میں 2، حیدر آباد اور میر پور خاص میں گزشتہ چوبیس گھنٹے کے دوران مزید ایک ایک مریض جاں بحق ہو گیا، سندھ میں جاں بحق افراد کی تعداد 37 ہو گئی ہے۔
دوسری طرف پنجاب میں 401 نئے مریض رپورٹ ہوئے جبکہ لاہور میں بھی ایک اور مریض جاں بحق ہو گیا، خیبر پختونخوا میں بھی ڈینگی کے کیسز میں اضافہ جاری ہے، چوبیس گھنٹے کے دوران 342 مریض رپورٹ ہوئے ہیں۔

اسلام آباد(ایمرا نیوز)گزشتہ 24 گھنٹوں کے دوران ملک بھر میں ڈینگی کے ایک ہزار سے زائد کیسز رپورٹ ہوئے ہیں ۔ سندھ میں ڈینگی سے مزید 436 افراد متاثر ہو گئے۔
محکمہ صحت کے ذرائع کے مطابق ڈینگی سے متاثرہ 254 کا تعلق کراچی سے ہے اور شہر قائد کے اسپتالوں میں ڈینگی کے مریضوں کی وجہ سے اسپتالوں میں رش بہت بڑھ گیا ہے۔
پنجاب میں 373 افراد میں ڈینگی سے متاثر ہونے والے 192 افراد کا تعلق لاہور اور 101 کا راولپنڈی سے ہے۔
دوسری جانب خیبرپختونخوا میں 392 نئےکیسزرپورٹ ہوئے جن میں پشاور کے 175 مریض شامل ہیں جبکہ وفاقی دارالحکومت اسلام آباد میں 81 نئے افراد میں ڈینگی کی تصدیق ہوئی۔
ملک کے بیشتر شہروں میں دواؤں کی فراہمی اور قیمتیں معمول پر نہ آ سکیں، لاہور کے بازاروں میں بخار کی دوا کے بعد کینسر اور دیگر کئی بیماریوں کی دواؤں کی بھی کمی ہو گئی ہے جبکہ کراچی میں بخار، جسم میں درد اور ملیریا سمیت متعدد بیماریوں کی دوائیں نایاب ہو گئی ہیں۔