Category انٹرنیشنل

والدین کے ساتھ رات کا کھانا کھاتے ہوئے اچانک انتقال کر جانے والی 26 سالہ آسٹریلوی لڑکی کی موت کی وجہ سامنے آ گئی۔

غیر ملکی میڈیا رپورٹس کے مطابق 26 سالہ ڈوکاٹیل اپنے والدین کے ساتھ رات کا کھانا کھا رہی تھیں اور تاش کھیل رہی تھی کہ اچانک اس کی موت واقع ہو گئی۔

غیر ملکی میڈیا رپورٹس کے مطابق دانی ڈوکاٹیل پوری دنیا گھومنے کا ارادہ رکھتی تھیں، رواں ماہ 21 مئی کی رات 10 بجے ڈوکاٹیل والدین کے ساتھ کھیل کے دوران دل کا دورہ پڑنےکے سبب انتقال کر گئی تھی۔

میڈیا رپورٹس کے مطابق ڈوکاٹیل کی حال ہی میں ٹانگ ٹوٹ گئی تھی جس کی سرجری کے بعد وہ صحت یاب ہو رہی تھی۔

ڈوکاٹیل کی موت سے متعلق بات کرتے ہوئے ڈاکٹروں کا میڈیا کو بتانا تھا کہ ڈوکاٹیل کی ٹانگ کی سرجری کی وجہ سے اُن کی شریانوں میں ایک خون کا لوتھڑا بن گیا تھا اور یہ خون کا لوتھڑا ہی ڈوکاٹیل میں پلمونری ایمبولزم (دل کے دورے) کا سبب بنا۔

دوسری جانب تاحال ڈاکٹرز  ڈوکاٹیل کے پوسٹ مارٹم کے نتائج کا انتظار کر رہے ہیں۔

ڈوکاٹیل کی والدہ کا اس افسوسناک واقع سے متعلق بات کرتے ہوئے کہنا ہے کہ انہوں نے اپنی بیٹی کی جان بچانے کی بہت کوشش کی، انہوں نے اپنی بیٹی کا ’سی پی آر‘ (ابتدائی طبی امداد) بھی کیا مگر وہ جانبر نہ ہو سکی۔

ڈوکاٹیل کی والدہ نے اپنی بیٹی کی موت کی خبر کا اعلان فیس بُک کرتے ہوئے کہا کہ ہماری بیٹی ڈینیلا جیڈ ڈوکاٹیل کا کل رات انتقال ہو گیا، ہم آپ سب کو آنے والے دنوں میں آخری رسومات کی تفصیلات سے آگاہ کریں گے۔

ڈوکاٹیل کی والدہ نے فیس بُک صارفین سے بیٹی کی آخری رسومات کے لیے مدد کرنے کی بھی درخواست کی۔

ایشیانا طیارے کے مسافر نے ڈیگو ایئرپورٹ پر لینڈنگ سے قبل ہی طیارے کا دروازہ کھول دیا، دیگر مسافروں و حکام میں خوف و ہراس پھیل گیا۔

غیر ملکی میڈیا رپورٹس کے مطابق جنوبی کوریا کے شہر ڈیگو میں ایک مسافر بردار طیارے کا دروازہ مسافر نے ایئرپورٹ پر لینڈنگ سے چند منٹ قبل ہی کھول لیا، جس پر جنوبی کورین پولیس نے اسے حراست میں لے لیا۔

میڈیا رپورٹس کے مطابق ایئربس A321-200 مقامی وقت کے مطابق تقریباً 12:40 بجے بحفاظت لینڈ کروالیا گیا۔ یہ طیارہ جزیرے جیجو سے ایک گھنٹے کی پرواز کے بعد ڈیگو ایئرپورٹ پر اُترنے والا تھا جس وقت اس کا دروازہ کھولا گیا۔

ڈیگو فائر ڈپارٹمنٹ کے ایک اہلکار نے میڈیا سے گفتگو کرتے ہوئے بتایا کہ طیارے میں سوار 9 نوعمر مسافروں کی دروازہ کھلنے کے باعث حالت غر ہوگئی، انہیں سانس لینے میں دشواری پیش آرہی تھی، جس کے باعث انہیں مقامی اسپتال منتقل کردیا گیا۔

اہلکار نے بتایا کہ ایمرجنسی ایگزٹ کو کھولنا ممکن تھا کیونکہ طیارہ زمین کے قریب تھا اور کیبن کے اندر اور باہر کا دباؤ ایک جیسا تھا۔

ایشیانا کے ترجمان نے بتایا کہ طیارے کا ایمرجنسی ایگزٹ لینڈنگ سے 2 یا 3 منٹ قبل کھولا گیا، اس وقت تمام مسافر سیٹ بیلٹ پہنے ہوئے تھے جس کی وجہ سے وہ محفوظ رہے۔

ان کا کہنا ہے کہ ایمرجنسی ایگزٹ کے ساتھ بیٹھے مرد مسافر نے ایک کور کھولا اور ایک لیور کھینچا تو دروازہ زمین سے تقریباً 200 میٹر (656 فٹ) کے فاصلے پر ہوائی جہاز کے ساتھ کھل گیا۔

وزارت ٹرانسپورٹ نے اپنے جاری کردہ بیان میں کہا ہے کہ پولیس نے دروازہ کھولنے والے شخص کو حراست میں لے لیا ہے اور حکام ایوی ایشن سیفٹی قوانین کی خلاف ورزیوں کی تحقیقات کر رہے ہیں اور جائزہ لے رہے ہیں کہ ایشیانا ایئر لائنز نے ہنگامی بنیادوں پر باہر نکلنے کے پروٹوکول کی پیروی کی ہے یا نہیں۔

امریکا کا کہنا ہے کہ روس یوکرین سے لڑائی میں فتح حاصل نہیں کرسکتا اور اسے ایک لمبی جنگ کا سامنا کرنا پڑے گا۔

امریکی افواج کے سربراہ جنرل مارک ملے نے کہا ہے کہ روس یوکرین سے لڑائی میں اپنی فوج کو فاتح نہیں دیکھ سکتا البتہ یہ نہیں لگتا کہ دارالحکومت کیف میں ابھی یوکرینی فوج روسی فوجیوں کو پیچھے دھکیل سکے۔جنرل مارک ملے نے کہا کہ یوکرین میں لاکھوں روسی فوجی موجود ہیں جو کیف کے ہاتھ سے نکلنے والے علاقوں کا کنٹرول حاصل کرنا ایک مقصد بنالیں گے جو جلد ہی متوقع ہے۔

مکہ مکرمہ : سعودی حکومت نے عازمین حج کو ہدایات جاری کی ہے کہ وہ ایسا سامان لانے سے اجتناب کریں جو بین الاقوامی سفری قوانین کے تحت منع ہے۔

سعودی عرب کے حکام نے عازمین حج کے سفر کو آسان بنانے اور ایئرپورٹ پر کسی بھی مشکل سے بچنے کے لیے ہدایات جاری کی ہیں ۔

سعودی نشریاتی ادارے نے وزارت حج و عمرہ کے ٹویٹ کے حوالے سے بتایا کہ وزارت نے مکہ مکرمہ اور مدینہ منورہ کا مقدس سفر کرنے والے مسافروں کو چند چیزیں لانے سے روک دیا ہے۔

وزارت نے ممنوعہ سامان کی وضاحت کرتے ہوئے کہا ہے کہ عازمین اپنا سامان پلاسٹک کے بیگ میں بھر کر نہ لائیں، ایسا کرنے سے ایئرپورٹ پر پریشانی کا سامنا کرنا پڑے گا۔

اس پلاسٹک کے سامان میں پلاسٹک کے تھیلے، پانی کی بوتلیں اور کھلا مواد، بے تربیت اور پیک نہ کیا گیا مواد اور کپڑے میں لپٹا ہوا یا کپڑے کی بوری میں بند سامان شامل ہے۔

کمبوڈیا میں ایک شخص 40 مگرمچھوں کا شکار بن کر موت کے منہ میں چلا گیا۔

غیرملکی میڈیا کے مطابق 72 سالہ شخص ڈنڈے کے ذریعے ایک مگر مچھ کو پنجرے سے نکالنے کی کوشش کر رہا تھا تو اسی دوران مگر مچھ نے ڈنڈے کو پکڑ کر اس شخص کو بھی پنجرے کے اندر گھسیٹ لیا۔

رپورٹس کے مطابق اس واقعے کے بعد مگرمچھوں کے گروپ نے اس شخص پر حملہ کردیا اور فارم کی دیواروں پر خون ہی خون پھیل گیا۔

پولیس کے مطابق مگرمچھ آخری وقت تک اس شخص پر حملہ کرتے رہے، لاش کی باقیات کو تحویل میں لے لیا ہے جس پر کئی زخموں کے نشانات ہیں جبکہ مرنے والے شخص کا ایک ہاتھ کچھ مگرمچھوں نے نگل لیا۔

شردھا واکر قتل کیس کی نوعیت کا ایک اور کیس بھارتی ریاست حیدرآباد میں بھی سامنے آگیا، بی چندر موہن نامی شخص نے ایک خاتون کو قتل کے بعد لاش کو ٹھکانے لگانے کے لئے اس کے ٹکڑے ٹکڑے کردیئے۔

بھارتی میڈیا رپورٹس کے مطابق حیدرآباد سے تعلق رکھنے والا 48 سالہ شخص جس کا نام بی چندر موہن بتایا گیا ہے، نے ایک خاتون کو چاقو کے وار سے قتل کردیا اور پھر اس کی لاش کو ٹھکانے لگانے کی خاطر اس کے ٹکڑے کردیئے۔

میڈیا رپورٹس کے مطابق پولیس کا کہنا ہے کہ 17 مئی کو انہیں ایک کچرا اُٹھانے والے کی جانب سے شکایت موصول ہوئی کہ اسے کچرے کے ڈھیر سے ایک خاتون کا سر سیاہ چادر میں لپٹا ہوا ملا ہے۔

پولیس کا کہنا ہے کہ اس واقعے کی تحقیقات کے لئے انہوں نے 8 ٹیمیں تشکیل دیں، ایک ہفتے کی تحقیقات کے بعد ایک ملزم کو گرفتار کیا گیا۔

تفتیش کے دوران متوفی کی شناخت 55 سالہ وائی انورادھا ریڈی سے ہوئی، بی چندر موہن نے بتایا کہ متوفی اس کی گرل فرینڈ تھی، جو اس کے گھر کے گراؤنڈ فلور پر رہائش پذیر تھی۔

ملزم نے بتایا کہ اس نے 2018 سے اب تک 7 لاکھ روپے کی خطیر رقم متوفی سے ادھار لے رکھی تھی، انورادھا ریڈی کی جانب سے بار بار رقم کا مطالبہ کئے جانے کے باوجود وہ اسے رقم لوٹانے سے قاصر تھا، اس دباؤ سے جان چھڑوانے کے لئے خاتون کا قتل کردیا۔

پولیس کا کہنا ہے کہ ملزم نے خاتون کو 12 مئی کو باقاعدہ منصوبہ بندی کے بعد قتل کیا اور اس کے ٹکڑے کرکے کچھ فریج میں محفوظ کئے اور کچھ سوٹ کیس کی مدد سے کچرے کے ڈھیر میں 15 مئی کو پھینک دیئے جبکہ بقیہ محفوظ اعضاء پر وقفے وقفے سے فنائیل، اگربتی اور پرفیوم چھڑکتا تاکہ اس سے تعفن پیدا نہ ہو۔

یاد رہے کہ گزشتہ برس اسی نوعیت کا بدنام زمانہ فریج مرڈر کیس دہلی میں پیش آیا تھا، جس میں آفتاب پونے والا نامی ملزم نے اپنی محبوبہ شردھا واکر کو قتل کے بعد اس کی لاش کے ٹکڑے کرکے فریج میں رکھے اور تین ماہ بعد اسے مختلف جگہوں پر ٹھکانے لگایا۔

برطانیہ کی فضائی کمپنی برٹش ایئرویز نے حجاب کے آپشن کے ساتھ عملے کے لیے نیا یونیفارم متعارف کرا دیا۔

غیرملکی میڈیا کے مطابق برطانوی فضائی کمپنی کے یونیفارم میں گزشتہ 20 سال میں یہ پہلی بڑی تبدیلی کی گئی ہے۔

اس میں مردوں کے لیے تھری پیس سوٹ اور خواتین کے لیے کئی آپشنز شامل ہیں۔

غیرملکی میڈیا کے مطابق فضائی کمپنی کی خواتین ملازمین کے یونیفارم میں جدید جمپ سوٹ، حجاب، نیم آستین والی شرٹ اور دیگر آپشن موجود ہیں۔

برٹش ایئرویز کا کہنا ہے کہ حجاب ثقافتی اور مذہبی جذبات کا احترام کرتے ہوئے آرام اور سہولت کے لیے ڈیزائن کیا گیا ہے۔

غیرملکی میڈیا کے مطابق برٹش ایئرویز کے انجینئرز اور گراؤنڈ عملہ سب سے پہلے نیا یونیفارم پہنے گا جس کے بعد طیارے کا عملہ (کیبن کریو)، پائلٹ اور چیک ان ایجنٹس مرحلہ وار نیا یونیفارم پہنیں گے۔

یوکرین کے مقامی تفریحی پارک میں عملے کی غفلت سے 4 سالہ بچی دم گھٹنے سے ہلاک ہوگئی۔

غیر ملکی میڈیا رپورٹس کے مطابق یوکرین کے شہر میکولائیو میں مقامی تفریحی پارک میں لگائے گئے باؤنسی کیسل میں 4 سالہ بچی مبینہ طور پر دم گھٹنے کے باعث ہلاک ہوگئی۔

میڈیا رپورٹس کے مطابق 4 سالہ بچی مقامی تفریحی پارک کے عملے کی زیر نگرانی باؤنسی کیسل میں کھیل رہی تھی تاہم تفریحی پارک کے عملے کی توجہ بچوں کی بجائے موبائل فون پر تھی۔

علاقائی پولیس کے سربراہ کا کہنا ہے کہ بچی باؤنسی کیسل کی لوپس میں پھنس گئی تھی جہاں سے وہ نکل نہ پائی اور دم گھٹنے سے اس کی موت ہوگئی۔

بچی کی والدہ کے بیان کے مطابق جب کافی دیر تک بچی کی آوازیں نہیں آئیں تو اس کے بارے میں عملے سے معلوم کیا اس وقت وہ بچی سے لا علم اپنے موبائل فون میں مشغول تھے۔

تاہم بچی ملنے پر لگا کہ وہ گرمی سے بے ہوش ہوگئی ہے اس لئے طبی عملے کو طلب کیا گیا تو معلوم ہوا کہ پارک میں طبی عملے یا ابتدائی طبی امداد فراہم کرنے کا بندوبست ہی نہیں ہے۔

ان کا کہنا ہے کہ جب تک پیرامیڈیکل اسٹاف جائے وقوعہ پر پہنچا تو بہت دیر ہو چکی تھی، انہوں نے جائے وقوعہ پر ہی بچی کو مردہ قرار دے دیا۔

میڈیا رپورٹس کے مطابق پولیس کا کہنا ہے کہ تفریحی پارک کے 45 سالہ مالک کو گرفتار کرکے تفتیش کا آغاز کر دیا گیا ہے۔

چیئرمین تحریک انصاف عمران خان کی امریکی کانگریس خاتون میکسین کے ساتھ زوم میٹنگ پر ہونے والی گفتگو لیک ہو گئی ہے جس میں وہ مدد کی اپیل کر رہے ہیں۔ تفصیلات کے مطابق لیک ہونے والی مبینہ آڈیو میں عمران خان کہتے ہیں کہ ” ہمارے ملک میں اس وقت بہت ہی عجیب و غریب صورتحال ہے اور پاکستان تاریخ کے نازک ترین دور سے گزر رہاہے ، مجھ پر قاتلانہ حملہ ہوا، سابق آرمی چیف کی جانب سے ہماری حکومت سازش کے تحت ختم کروائی گئی ، ملٹری اسٹبلشمنٹ یہاں پر بہت ہی مضبوط ہے ،انہوں نے طاقت رکھنے والے لوگوں کے ساتھ مل کر سازش کی ، ہماری حکومت نے بہترین معاشی پرفارمنس دکھائی ، ہم پر تاریخ کا بدترین کریک ڈاﺅن کیا گیا ، جبکہ کسی بھی جمہوری پارٹی کی اس طرح سے حقوق کی خلاف ورزی نہیں کی گئی ،، جو ہو رہاہے اس کی کوئی مثال نہیں ملتی ،، میں صرف پاکستان میں قانون کی حکمرانی چاہتاوں ، میری التجاہے کہ آپ میری لیے آواز بلند کریں ، آپ کے کہے گئے الفاظ ہمارے سنے جائیں گے

امریکی شہر ی نے مبینہ طور پر ہتھوڑے سے کئی وار کر کے اپنی دادی کو بے دردی سے قتل کردیا۔

غیرملکی میڈیا کے مطابق ریاست فلوریڈا میں 34 سالہ اینتھونی مائیکل نامی شہری نے گھر میں اپنی 82 سالہ دادی کو ہتھوڑے مار کر قتل کردیا اور اس کے بعد اس نے گھر میں کام کرنے والی ملازمہ کو فون کر کے بلایا۔

رپورٹس کے مطابق گھر پہنچنے پر ملازمہ نے دیکھا کہ اینتھونی کے جسم اور کپڑوں پر خون لگا ہوا ہے جس کے بعد اس نے ملازمہ سے گھر کی صفائی کرنے کا کہا۔

غیرملکی میڈیا کے مطابق ملزم نے ملازمہ کو کمرے میں جا کر صفائی کرنے کا کہا جہاں دادی کی لاش پلاسٹک میں لپٹی ہوئی تھی، ملازمہ پلاسٹک ہٹانے لگی تو ملزم نے اسے یہ کہہ کر روک دیا کہ ایسا نہیں کرو ورنہ خون گھر میں پھیل جائے گا۔

رپورٹس کے مطابق ملزم نے ملازمہ سے لاش گھر سے باہر لے جانے اور سیکیورٹی کیمروں کو بند کرنے کا بھی کہا۔

غیرملکی میڈیا کے مطابق ملازمہ نے کہا کہ اسے صفائی کرنے کے لیے چیزیں گاڑی سے لانا ہوں گی جس پر ملزم نے اسے اجازت دی جس کے بعد ملازمہ وہاں سے بھاگ کر پولیس کے پاس پہنچ گئی اور سارا واقعہ بیان کردیا۔

رپورٹس کے مطابق کچھ ہی دیر بعد پولیس نے موقع پر پہنچ کر ملزم کو گرفتار کرلیا جبکہ قتل کی وجہ فی الحال نہیں بتائی گئی ہے۔

غیرملکی میڈیا کے مطابق پولیس نے گھر سے واردات میں استعمال ہونے والا ہتھوڑا بھی برآمد کرلیا ہے۔