Category انٹرنیشنل

سعودی عرب میں کنٹرول اینڈ اینٹی کرپشن کمیشن نے جدہ میں رشوت لینے کے الزام میں جنرل کورٹ کے 2 اہلکاروں کو رنگے ہاتھوں گرفتار کرلیا۔

عرب میڈیا کے مطابق اینٹی کرپشن کمیشن نے اس حوالے سے کہا ہے کہ ایمن عبدالرزاق محمد صلواتی کو ڈھائی لاکھ ریال رشوت لیتے ہوئے رنگے ہاتھوں گرفتار کیا گیا۔

غیرملکی میڈیا کے مطابق ایمن عبدالرزاق جدہ جنرل کورٹ میں چھٹے گریڈ کا ملازم ہے جس نے اپیل کورٹ میں کیس کی کارروائی کرانے اور عدالتی فیصلہ ختم کرانے کے لیے مقامی شہری سے 5 لاکھ ریال رشوت کے طور پر طے کیے تھے۔

رپورٹس کے مطابق عدالت کی جانب سے مقامی شہری پر 73 لاکھ 17 ہزار ریال کا جرمانہ عائد کیا گیا تھا۔

اینٹی کرپشن کمیشن کی جانب سے مزید کہا گیا ہے کہ جدہ جنرل کورٹ کے دفتر کے ڈائریکٹر علی محمد احمد الدوقی کو بھی رشوت کیس میں گرفتار کیا گیا ہے۔

پشین: وزیراعظم شہباز شریف نے کہا ہے کہ ایران کے ساتھ فری ٹریڈ کو جلد حتمی شکل دیں گے، ایرانی صدر ابراہیم رئیسانی نے دورہ پاکستان کی دعوت قبول کر لی ہے۔ایرانی صدر کو سی پیک سے متعلق بھی تجاویز پیش کی ہیں،معاملات پر عمل درآمد کیلئے تیزی سے آگے قدم اٹھائیںگے۔ پشین میں پاک ایران بارڈر پر مشترکہ مارکیٹ کے افتتاح کے موقع پر خطاب کرتے ہوئے وزیرِ اعظم شہبازشریف نے کہا کہ پاکستان اور ایران کی سرحد پر بارڈر مارکیٹ کا افتتاح کیا گیا، بارڈر مارکیٹ کے قیام سے علاقے میں ترقی اور خوش حالی آئے گی، مستقبل میں ٹریڈ کے مراکز بنیں گے۔پاکستان اور ایران برادر اور ہمسایہ ممالک ہیں، دونوں ممالک کو تجارت، زراعات اور دیگر شعبوں میں تیزی سے آگے بڑھنا چاہیے۔ وزیراعظم کا کہنا تھا کہ میں نے اپنے بھائی ایرانی صدر کو پاکستان آنے کی دعوت دی، دی ہے جو انہوں نے قبول کر لی ہے اور کہا ہے کہ وہ ضرور پاکستان کا دور ہ کریں گے۔میری ایرانی صدرابراہیم رئیسانی کے ساتھ بہت مفید اور مثبت گفتگو ہوئی، ایرانی صدر نے یقین دہانی کرائی ہے کہ سولر انرجی میں بہت گنجائش موجود ہے ، دونوں ممالک کے درمیان تجارت بڑھے گی تو دونوں ممالک کے علاقوں میں ترقی و خوشحالی ہو گی ، گوادر میں اب روزانہ 100میگا واٹ بجلی کی ترسیل ہو گی ۔ ایرانی صدر کے ساتھ دو طرفہ تعلقات اور مختلف شعبوں سمیت باہمی دلچسپی کے امور پر بھی تبادلہ خیال کیا، گوادر کیلئے 100میگا واٹ بجلی کا منصوبہ گزشتہ کئی سالوں سے سرد خانے کی نذر تھا ، کسی حکومت نے اس منصوبے پر کوئی توجہ نہیں دی،ہم نے یہ منصوبہ ریکارڈ مدت میں پایہ تکمیل تک پہنچایا، یہ منصوبہ ملکی ترقی کیلئے سنگ میل کی حثیت رکھتا ہے ۔وزیراعظم نے کہا کہ یرانی صدر کے ساتھ بہت سی چیزوں پر مفید بات چیت ہوئی ، سی پیک سے متعلق بھی ان کو تجاویز پیش کی ہیں معاملات پر عمل درآمد کیلئے تیزی سے آگے قدم اٹھائیںگے۔ایران کے ساتھ فری ٹریڈ کو جلد حتمی شکل دیں گے۔شمسی توانائی کے حوالے سے پاکستان اور ایران کے وفود آئیں گے جبکہ سستے بجلی ٹیرف کے حوالے سے بھی ایران کے ساتھ گفت وشنید ہوئی ہے۔

ایران کے شہر شیراز میں انٹرنیشنل ایئرپورٹ پر عمان ایئرلائنز کا طیارہ گراؤنڈ کر دیا گیا۔

عرب میڈیا کے مطابق لینڈنگ کے وقت رن وے پر موجود ملبے کی وجہ سے طیارے کو نقصان پہنچا تھا۔

حفاظتی اقدامات کے پیش نظر طیارے کو گراؤنڈ کر دیا گیا ہے، مسافروں کو دوسری پرواز سے روانہ کرنے کے انتظامات کیے گئے۔

ایئرلائن انجینئرز کی ٹیم طیارے کو بحفاظت عمان لانے کیلئے کام کر رہی ہے۔

بھارت میں شوہر نے پیسے دے کر اپنی بیوی کو قتل کرا دیا۔

بھارتی میڈیا کے مطابق دہلی شہر میں 35 سالہ خاتون کو گھر میں چھریوں کے وار کر کے قتل کیا گیا جس کی لاش کو پولیس نے تحویل میں لے لیا۔

بھارتی پولیس کے مطابق خاتون کو قتل کرنے کے لیے اس کے شوہر نے قاتلوں کو پیسے دیے اور یہ واردات دوپہر کے وقت کی گئی۔

بھارتی پولیس کے مطابق ابتدائی تفتیش میں معلوم ہوا ہے کہ ایس کے گپتا نامی شخص نے خاتون سے گزشتہ برس نومبر میں یہ سوچ کر شادی کی تھی وہ اس کے 45 سالہ معذور بیٹے کا خیال رکھے گی اور اس کی دیکھ بھال کرے گی۔

پولیس کے مطابق خاتون نے ایسا نہ کیا تو شوہر نے اسے طلاق دینے کا فیصلہ کیا جس پر خاتون نے ایک کروڑ روپے کا مطالبہ کیا۔

بھارتی میڈیا کے مطابق ایس کے گپتا ہر صورت اپنی بیوی سے چھٹکارا حاصل کرنا چاہتا تھا جس کے لیے اس نے اپنے بیٹے کو اسپتال لے جانے والے شخص کے ساتھ مل کر اپنی بیوی کو قتل کرنے کا منصوبی بنایا۔

بھارتی پولیس کے مطابق شوہر نے قتل کی منصوبہ بندی میں ملوث شخص کو 10 لاکھ روپے دینے کا وعدہ کیا اور ایڈوانس کے طور پر 2 لاکھ 40 ہزار روپے دیے جس کے بعد ملزم نے اپنے ساتھی کے ہمراہ جا کر گھر میں خاتون کو چھریوں کے وار کر کے قتل کردیا۔

بھارتی پولیس کے مطابق ملزمان نے واقعے کو ڈکیتی کا رنگ دینے کے لیے گھر کا سامان بکھیر دیا تھا اور وہاں سے موبائل فوں بھی لے گئے تھے تاہم تفتیش کے بعد ساری منصوبہ بندی کا پتا لگا کر مقتولہ کے شوہر، اس کے بیٹے اور قتل کرنے والے دونوں افراد کو گرفتار کرلیا گیا ہے۔

چین میں1 لاکھ سے زائد فیک نیوز سوشل میڈیا اکاؤنٹس بند کردیے گئے۔

غیرملکی میڈیا کے مطابق چین میں جعلی نیوز سوشل میڈیا اکاؤنٹس بند کرنے کی مہم جاری ہے۔

رپورٹس کے مطابق چین میں انٹرنیٹ سے جھوٹی خبروں اور افواہوں کو ہٹانے کی کوششیں تیز کردی گئی ہیں۔

غیرملکی میڈیا کا کہنا ہے کہ اس حوالے سے گزشتہ ماہ کے دوران ایک لاکھ سے زیادہ آن لائن اکاؤنٹس کو بند کیا گیا ہے۔

غیرملکی میڈیا کے مطابق اس دوران انٹرنیٹ سے غلط اور جھوٹی معلومات کو بھی ہٹایا گیا ہے۔

مودی حکومت ایک طرف مقبوضہ کشمیر میں انسانی حقوق کی خلاف ورزیاں کر رہی ہے تو دوسری طرف دنیا کو گمراہ کرنے کےلیے سری نگر میں جی ٹوئنٹی کے اجلاس کا انعقاد کر رہی ہے۔

اقلیتی مسائل پر اقوام متحدہ کے خصوصی نمائندے فرنینڈ ڈی ورینس نے خبردار کیا ہے کہ 2019 کے بعد سے مقبوضہ کشمیر میں انسانی حقوق کی خلاف ورزیاں ڈرامائی انداز میں بڑھی ہیں۔ اجلاس کا انعقاد مودی حکومت کی کشمیر کی صورتحال کو معمول کے مطابق ظاہر کرنے کی کوششوں کا حصہ ہے۔ 

فرنینڈ ڈی ورینس نے مزید کہا کہ جی ٹوئنٹی جیسی عالمی تنظیموں کو اقوام متحدہ کے انسانی حقوق کے اعلامیہ پر عمل درآمد کی حمایت جاری رکھنی چاہیے اور جموں و کشمیر کی سنگین صورتحال، اجلاس کے انعقاد کی مذمت کرنی چاہیے۔

فرنینڈ ڈی ورینس نے جاری اعلامیے میں کہا کہ مودی حکومت جموں و کشمیر کی صورتحال کے بارے میں عالمی برادری کو گمراہ کرنا چاہتی ہے۔

انہوں نے کہا کہ مقبوضہ کشمیر کی صورتحال انتہائی سنگین ہے اور 2021 میں مودی حکومت کو ایک مراسلے میں مقبوضہ علاقے کی صورتحال پر تشویش بھی ظاہر کی تھی۔

فرنینڈ ڈی ورینس نے کہا کہ مودی حکومت نے غیر کشمیریوں کو بھارت سے بڑی تعداد میں مقبوضہ علاقے میں لاکر آباد کیا ہے، تاکہ وہاں کی آبادی کے تناسب کو بدلا جاسکے۔

انہوں نے مزید کہا کہ مقبوضہ کشمیر میں انسانی حقوق کی بڑے پیمانے پر خلاف ورزیوں میں اضافہ ہوا ہے۔ سیاسی ظلم و تشدد، پابندیاں، آزاد میڈیا پر قدغن میں بھی اضافہ ہو رہا ہے۔ 

واضح رہے کہ سری نگر میں جی ٹوئنٹی اجلاس 22 سے 24 مئی کو منعقد ہو رہا ہے۔

اسلام آباد:آئی ایم ایف نے کہا ہے کہ پاکستان میں ہونے والی حالیہ پیش رفت کا جائزہ لے رہے ہیں،امید ہے آگے بڑھنے کا ایک پر امن راستہ تلاش کیا جائے گا، نمائندہ آئی ایم ایف ایستر پیریزنے اپنے ایک بیان میں کہا ہے کہ اہم بیرونی شراکت داروں کی جانب سے پاکستان کی مالی معاونت کے اعلان کا خیر مقدم کرتے ہیں،آئی ایم ایف بقیہ ضروری فنانسنگ کی یقین دہانیاں حاصل کرنے کا منتظر ہے،نویں اقتصادی جائزے میں نظرثانی شدہ پالیسی فریم ورک پر عمل درآمد اہم ہوگا،فروری میں پیش کردہ منی بجٹ، توانائی کی قیمتوں میں ایڈجسٹمنٹ اہم اقدامات ہیں،درآمدی پابندیوں میں کمی، مارکیٹ بیسڈ ایکسچینج ریٹ، کمزور طبقے کی مدد معاشی استحکام کیلئے اہم ہیں، شراکت داروں کی جانب سے مالی اعانت میکرو اکنامک استحکام کے دوبارہ حصول کیلئے کلیدی ہے۔

نئی دہلی : بھارتی ریاست کرناٹک میں ہونے والے ریاستی انتخابات میں کانگریس نے حکمران جماعت بھارتیہ جنتا پارٹی (بی جے پی) کو شکست دے کر مودی حکومت کو بڑا دھچکا دے ڈالا ۔

بھارت کی ریاست کرناٹک کے ریاستی انتخابات میں بھارتیہ جنتا پارٹی نے شکست تسلیم کرلی۔

بھارتی میڈیا کے مطابق ریاسی انتخابات کے بعد ووٹوں کی گنتی جاری ہے اور اب تک کے نتائج کے مطابق نریندر مودی کی جماعت کو شکست ہوگئی ہے۔

بھارتی میڈیا رپورٹس کے مطابق انتخابات میں کانگریس کو واضح برتری حاصل ہے ، کرناٹک کے ریاستی انتخابات میں اب تک کانگریس نے 129 نشستیں جیت لی ہیں جبکہ بی جے پی 68 نشستیں حاصل کرسکی ہے۔

رپورٹس کے مطابق کرناٹک اسمبلی کی 224 نشستوں کے لیے 10مئی کو ووٹ ڈالے گئے تھے۔

سیاسی تجزیہ کاروں نے اس شکست کو مودی سرکار کے لیے آئندہ سال ہونے والے عام انتخابات سے قبل بڑا دھچکا قرار دیا ہے۔

خیال رہے کہ جنوبی بھارت کی ریاست کرناٹک میں اس وقت بی جے پی کی حکومت ہے اور کرناٹک کے بارے میں کہا جاتا ہےکہ یہاں کے ریاستی انتخابات بھارت میں پارلیمانی انتخابات کا رجحان طے کرتے ہیں۔
 

انقرہ : ترکیہ میں صدارتی اور پارلیمانی انتخابات کل ہونے جارہے ہیں جس میں 6 کروڑ 40لاکھ ووٹرزحق رائے دہی استعمال کریں گے۔

 رپورٹس کے مطابق ترک ووٹر 14 مئی کو پانچ سال کیلئے صدارتی اور پارلیمانی انتخابات میں ملک کے اقتدار کا فیصلہ کریں گے، یہ الیکشن ایک ایسے وقت پر ہو رہے ہیں جب ترکی کو معاشی بدحالی، مہنگائی اور فروری میں آنیوالے شدید زلزلے کا سامنا کرنا پڑا۔

ترکی کے 81 صوبوں میں انتخابات کیلئے 26 پارٹیاں مدمقابل ہیں ، رواں انتخابات میں 6 ملین نئے ووٹرز شامل ہوئے ہیں جبکہ 3۔4 ملین ووٹرز بیرون ممالک سے ووٹ ڈال سکیں گے ۔

ووٹرز 600 ممبران پارلیمنٹ کا انتخاب بھی کریں گے جو کہ  87 اضلاع میں پارٹی کی فہرست کے متناسب نمائندگی سے منتخب ہوتے ہیں۔

صدارتی انتخاب میں موجودہ صدر رجب طیب اردگان کا مقابلہ حزب اختلاف کے رہنما کمال قلیچ‌ داراوغلو سے ہے۔

ترکی کی سب سے بڑی اپوزیشن جماعت رپبلکن پیپلز پارٹی (جمہوریت خلق پارٹی) ہے یہ سیکیولر ترک جمہوریہ کے بانی مصطفیٰ کمال اتاترک کی طرف سے تشکیل دی گئی یہ جماعت ترک قوم پرستی کے نظریے کی وفادار ہے اور اسے سیاست کے مرکز میں بائیں بازو کی جماعت سمجھا جاتا ہے۔

رپبلکن پیپلز پارٹی نے نیشن الائنس نامی اتحاد میں خود کو دیگر قوم پرست اور قدامت پسند قوتوں کے ساتھ نتھی کر دیا ہے، جن کے مشترکہ ووٹ اردگان کی جسٹس اینڈ ڈیویلپمنٹ پارٹی (جسے آق پارٹی بھی کہا جاتا ہے) کو شکست دینے کے لیے کافی ہو سکتے ہیں۔

کمال قلیچ‌ داراوغلو

حزب اختلاف کے رہنما کمال قلیچ‌ داراوغلو کو ’نیشن الائنس‘ نے اپنا صدارتی امیدوار نامزد کیا ہے، وہ  حزب اختلاف کی 6

وہ نرم لہجے میں گفتگو کرنے والے سابق سرکاری افسر ہیں اور اس لحاظ سے وہ ترکی کے طاقتور صدر اردغان سے بالکل مختلف شخصیت ہیں ، قلیچ‌ داراوغلو ایک انتہائی تجربہ کار سیاست دان ہیں، وہ سال 2002 میں رکنِ پارلیمان منتخب ہوئے تھے۔

سال 2010 میں ’ری پبلکن پیپلز پارٹی‘کی قیادت سنبھالنے کے بعد سے وہ کئی انتخابات ہار چکے ہیں، پارٹی کے لیڈر کے طور پر اپنے 13 برسوں میں انہوں نے اپنی پارٹی کو عوام میں مقبول بنانے کے لیے بہت زیادہ کام کیا ہے۔

74 سالہ کمال قلیچ‌ داراوغلو کے پاس ترکی کے سب سے طاقتور لیڈر رجب طیب کو شکست دینے کا اب تک کا سب سے بڑا موقع ہے۔

 محرم اینجہ کی دستبرداری

دوسری جانب قوم پرستوں کی طرف سے 2018 کے صدارتی انتخابات کے لیے حزب اختلاف کے امیدوار محرم اینجہ اپنی نئی ہوم لینڈ پارٹی کی جانب سے انتخاب لڑ رہے تھے مگر ان کی جانب سے دو روز قبل اچانک دستبرداری کے اعلان نے قلیچ دار اوغلو کی پوزیشن مضبوط کر دی ہے۔

جماعتوں کے اتحاد کے متفقہ امیدوار ہیں۔

دیگرجماعتیں والائنس

نمایاں عوامی حمایت کے ساتھ دیگر قوم پرست اور بائیں بازو کی قوتوں نے نیشن الائنس سے باہر رہنے کا فیصلہ کیا ہے۔

دوسری طرف بائیں بازو کی جماعتیں صرف پارلیمانی انتخابات میں حصہ لے سکی ہیں، ترکی کی بڑی کرد اقلیت سے تعلق رکھنے والے ممکنہ امیدواروں کو صدارتی دوڑ کے لیے خود کو نامزد کرنے میں مشکلات کا سامنا ہے اور ان کے پاس صرف قلیچ داراوغلو کی حمایت  کا راستہ بچا ہے۔

رجب طیب اردگان

صدر کے عہدے کیلئے اردگان اے کے (آق) پارٹی کے امیدوار ہیں، یہ پارٹی 2002 سے اقتدار میں ہے، اردگان 2003 میں وزیر اعظم بنے، اور پھر 2018 میں دوبارہ منتخب ہونے سے پہلے 2014 میں صدارتی انتخاب میں کامیابی حاصل کی ، اس بار اگر وہ منتخب ہو جاتے ہیں تو یہ ان کی آخری مدت ہو گی۔

اس سے قبل وہ 1994 سے 1998 تک استنبول کے میئر بھی رہ چکے ہیں۔

آق پارٹی ایک قدامت پسند جماعت ہے، وہ اس وقت انتہائی دائیں بازو کی نیشنلسٹ موومنٹ کے ساتھ اتحاد میں ہے جو قدرے غیر مقبول ہو چکی ہے،تاہم اس غیر مقبول اتحاد کے باوجود اردوگان خود عوام کے ساتھ کسی حد تک سازگار درجہ بندی برقرار رکھنے میں کامیاب رہے ہیں۔

ترک صدر رجب طیب اردگان نے گزشتہ روز (جمعہ ) اپنے قدامت پسند حامیوں کو متنبہ کیا تھا کہ اگر ان کے سیکولر حریف انتخابات میں اقتدار میں آتے ہیں تو انہیں انتقامی کارروائیوں کا سامنا کرنا پڑ سکتا ہے۔

انتخابی وعدے

ترکی کی اہم  جماعتوں نے عوام سے متعدد پرکشش انتخابی وعدے کیے ہیں جن میں معیشت کو فروغ دینا،  سیاسی نظام کو جمہوری بنانا، مذہب کو ریاستی امور سے الگ کرنا اور مغرب کے ساتھ ملک کے تعلقات کو بہتر بنانا شامل ہے۔

اس حوالے سے نیشن الائنس نے جو سب سے بڑا عہد کیا ہے وہ ترکی کے صدارتی سیاسی نظام کو دوبارہ پارلیمانی نظام کا حصہ بنانا ہے ، اردگان نے 2017 میں ریفرنڈم کے ذریعے وزیر اعظم کے عہدے کو ختم کر دیا تھا، جس کے بعد سے وہ بےمثال طاقت کا استعمال کرنے میں کامیاب رہے ہیں۔

قلیچ‌ داراوغلو نے 2011 میں شام میں جنگ شروع ہونے کے بعد سے ترکی میں پناہ لینے والے مہاجرین کی بڑی تعداد کو ملک بدر کرنے کا وعدہ کیا ہے۔

حزب اختلاف نے ووٹرز کو یقین دلایا ہے کہ وہ اردگان کے دور اقتدار میں تعلقات تیزی سے خراب ہونے کے بعد یورپ کے ساتھ پیدا ہونے والے روابط کو بہتر کرے گی،  ترکی یورپی یونین کے ساتھ الحاق کے مذاکرات کو بحال کرنے کی کوشش کرے گا، جو ملک کی جمہوری گراوٹ کی وجہ سے 2018 سے تعطل کا شکار ہیں ،  روس کے ساتھ ترکی کی اقتصادی اور سیاسی شراکت داری بھی یورپی یونین کے لیے مسئلہ رہی ہے۔

اردگان نے ملک میں افراط زر کو 20 فیصد اور 2024 میں 10 فیصد سے کم کرنے کا وعدہ کرتے ہوئے  اس بات پر بھی زور دیا ہے کہ وہ شرح سود میں کمی کرتے رہیں گے۔

اردگان نے روسی ثالثی کی کوششوں کے نتیجے میں شام اور ترکی کے درمیان مذاکرات میں بہتری کی وجہ سے شامی مہاجرین کی مزید “رضاکارانہ” واپسی کا بھی وعدہ کیا ہے ۔

 رائےعامہ

رائے عامہ کے سروے بتاتے ہیں کہ ان کے مخالف کمال قلیچ داراوغلو کو تھوڑا سا فائدہ ہے اور وہ 28 مئی کو ہونے والے انتخابات میں ’رن آف‘ سے بچنے کے لیے درکار 50 فیصد ووٹوں کی حد کو توڑنے کے لیے کوششوں میں مصروف ہیں۔

ریاض : سفارتی تعلقات بحال ہونے پر سعودی عرب نے ایران میں اپنا نیا سفیر مقرر کردیا۔

غیر ملکی میڈیا کے مطابق ایرانی وزیر خارجہ حسین امیر عبداللہیان کا کہنا ہے کہ ایران بھی جلد سعودی عرب میں اپنا نیا سفیر تعینات کرے گا۔

دوسری جانب ایران کے وزیر خزانہ احسان خاندوزی کی قیادت میں وفد جدہ پہنچ گیا ہے۔

چین کی ثالثی میں سفارتی تعلقات کی بحالی میں اتفاق کے بعد یہ کسی ایرانی عہدیدار کا سعودی عرب کا پہلا دورہ ہے۔

سعودی میڈیا کے مطابق وفد سعودی حکام کے ساتھ دوطرفہ ملاقاتیں کرے گا اور اسلامی ترقیاتی بینک کے اجلاسوں میں شرکت کرے گا۔

سعودی عرب اور ایران نے مارچ میں چین کی ثالثی میں ہونے والے معاہدے کے تحت سفارتی تعلقات بحال کرنے پراتفاق کیا تھا۔

واضح رہے کہ سعودی عرب نے 2016ء میں تہران میں اپنے سفارت خانے اور مشہد میں قونصل خانے پرحکومت کے حامی مظاہرین کے حملے کے بعدایران کے ساتھ تعلقات منقطع کردیے تھے۔