Tag afghanistan

لاہور(ایمرا نیوزآن لائن رپورٹ رضا ملک سے) یوم یکجہتی کشمیر پر صدر آزاد کشمیر مسعود خان کا کہنا ہے کہ مقبوضہ کشمیر میں حقوق انسانی کی خلاف ورزیوں کی طویل فہرست ہے، اقوام متحدہ کی رپورٹ بھارت کے خلاف فرد جرم ہے۔یوم یکجہتی کشمیر پر اپنے ویڈیو پیغام میں صدر آزادکشمیر مسعود خا ن کا کہنا ہے کہ مقبوضہ کشمیر میں سیاسی کارکنوں اور قائدین کو غیر قانونی طور پر قید میں رکھا جا رہا ہے۔ان کا کہنا ہے کہ مقبوضہ کشمیر میں حقوق انسانی کی خلاف ورزیوں کی طویل فہرست ہے جسے اقوام متحدہ کی ایک رپورٹ میں مرتب کیا گیا ہےاور یہ رپورٹ ہندوستان کےخلاف فرد جرم بھی ہے۔صدر آزادکشمیر نےکہاکہ بھارتی قابض افواج چن چن کر کشمیری نوجوانوں کو قتل کر رہی ہے جبکہ پیلٹ گن کےاستعمال سے ہزاروں افراد بینائی سے محروم ہو گئے ہیں۔مسعود خان کا مزید کہنا تھا کہ مقبوضہ کشمیر میں عوام پر ہونے والے بھارتی مظالم کا مکمل ادراک ہے، پاکستان، آزاد اور مقبوضہ کشمیر ایک ہی جسم کے مختلف حصے ہیں۔انہوں نے یہ بھی کہا کہ مقبوضہ کشمیر کے عوام کو یقین دلاتے ہیں کہ آزادی اور حق خودارادیت تک کشمیریوں کی سیاسی اور سفارتی حمایت جاری رکھیں گے۔

لاہور(ایمرا نیوزآن لائن رپورٹ عمر خالد سے) صدر مملکت ڈاکٹر عارف علوی اور وزیر اعظم عمران خان نے کشمیریوں کی حمایت جاری رکھنے کے عزم کا اعادہ کرتے ہوئے کہا ہے کہ عالمی برادری کا دوغلہ پن شکوک و شبہات ابھار رہا ہے، یقین ہے کشمیریوں کی جدوجہد آزادی رنگ لائے گی۔یوم یکجہتی کشمیر پر اپنے پیغام میں صدر مملکت نے کہا کہ بھارت کا کشمیریوں پر ظلم دہشت گردی کو ہوا دینے کے مترادف ہے، اقوام متحدہ کے انسانی حقوق سے متعلق بیانات پر کشمیریوں کا بھروسہ کم ہوتا جارہا ہے۔وزیر اعظم عمران خان نے اپنے پیغام میں کہا کہ آزادی اور حق خود ارادیت کے حصول کےلیے کشمیریوں کا جذبہ بڑھ رہا ہے، 1947ء سے اب تک کشمیریوں پر بھارتی مظالم کی مثال دنیا میںکہیں نہیں ملتی۔عمران خان کا کہنا تھا کہ ہزاروں کشمیریوں کا ماورائے عدالت قتل ہورہا ہے، پیلٹ گنز کے استعمال سے نہتے کشمیریوں پر بھارتی مظالم کا سلسلہ جاری ہے۔

لاہور(ایمرا نیوزآن لائن رپورٹ اظہر محمود سے) وزیراعظم آزادکشمیر راجہ محمد فاروق حیدر نے کہا ہے کہ کراچی سے خیبر تک پاکستانی قوم کشمیر کے معاملے پر ایک ہیں ،21 کروڑ پاکستانی عوام کشمیریوں کی پشت پر کھڑے ہیں۔یوم یکجہتی کشمیر پر اپنے ویڈیو پیغام میں وزیراعظم آزادکشمیر کا کہنا ہے کہ کشمیری عوام کی جدوجہد اختتامی مراحل میں داخل ہو چکی ہے اور وہ دن دور نہیں جب ہندوستانی افواج کے ناپاک قدم کشمیر کے چپے چپے سے اٹھ جائیں گے۔فاروق حیدر نے کہا کہ برصغیر کی تاریخ میں کوئی ایسی تحریک نہیں چلی جس نے آزادی کی جہدو جہد میں اتنی بڑی تعداد میں قربانیاں دی ہوں جتنی کشمیری عوام دے چکی ہیں۔

لاہور(ایمرا نیوزآن لائن) آپ نے ساس بہو کی لڑائی کے بارے میں سنا ہوگا، اکثر گھروں میں ساس بہو کی توتو میں میں جاری رہتی ہے. ساس اور بہو میں چھوٹی چھوٹی باتوں پر جھگڑا ہوتا رہتا ہے. لیکن بھارت میں ایک ایسا حیران کن رہ پیش آیا کہ سن کر سب کے ہوش اُڑ گئے. بھارت کی ایک ساس کو وقت پر کھانا نہ ملنے پر غصے میں آگئی اور اپنی بہو کی انگلیاں چبا ڈالیں.
https://emra.tv/2019/02/04/شاہ-رخ-خان-کی-کا…میں-نہ-جانے-کی-و/
یہ واقع بھارت کے شہر بریلی میں پیش آیا. رپورٹ کے مطابق 32 سالہ پریتی اپنے نومولود بچے کو دودھ پلا رہی تھی کہ اس کی 65 سالہ’سوشیلہ دیوی‘ ساس نے اس کو کھانے بنانے کا کہا اس پر پریتی نے اپنی ساس کو جواب دیا کہ ابھی کچھ دیر انتظار کریں، سب اس کا اتنا ہی کہنا تھا کہ اس کی ساس اپنا آپا کھو بیٹھی اور اپنی بہو کی انگلیاں چبا ڈالیں. اس واقعہ کے بعد ساس گھر سے بھاگ گئی اور اس کی بہو کو اسپتال منتقل کردیا گیا.پولیس کے مطابق اس واقعہ کی رپورٹ درج کردی گئی ہے، اور پریتی کی ساس سوشیلہ دیوی جو اس واقعے کے بعد فرار ہے اس کو جلد گرفتار کیا جائے گا.

لاہور(ایمرا نیوزآن لائن) بالی ووڈ کے کنگ خان اور بالی ووڈ کے مشہور ڈائریکٹر کرن جوہر ایک دوسرے کے بہترین دوست ہیں ان دونوں کی دوستی بہت پرانی اور مضبوط ہیں. شاہ رخ خان اور کرن جوہر کے خاندان والے بھی ایک دوسرے کو اچھی طرح جانتے ہیں اور ایک دوسرے کے گھر آتے جاتے ہیں، یہاں تک کہ کوئی بھی تقریب ہو یہ دونوں ایک دوسرے کے ساتھ نظر آتے ہیں.
https://emra.tv/2019/02/04/آسٹریلیا-میں-بارش-نے-تباہی-مچا-دی/
کرن جوہر جتنے فلموں میں مشہور ہیں اتنے ہی وہ ٹی وی میں بھی مشہور ہیں، کرن جوہر کا ایک ٹی وی پر ایک مشہور شو بھی آتا ہے جس کا نام کافی ود کرن ہے اس شو میں تقریب بالی ووڈ کے تمام بڑے ستارے شرکت کرچکے ہیں. شاہ رخ خان اس شو کے ہر سیزن میں آچکے ہیں. لیکن اس سیزن میں شاہ رخ خان ابھی تک نہیں آئے اور یہ سیزن ختم بھی ہونے والا ہے. اب شاہ رخ خان نے اس معاملے پر خاموشی توڑ دی ہے اور ان کہنا ہے فلم زیرو کی ناکامیابی کے بعد بہت دکھی ہیں اور وہ کسی بھی شو پر نہیں جانا چاہتے، یاد رہے کہ شاہ رخ خان کی فلم زیرو باکس آفس پر ناکام ہوگئی تھی.

اسلام آباد (ایمرا نیوزآن لائن)ڈیرن سیمی اسلام آباد سے پشاور پہنچ گئے، پشاور پہنچنے پر ڈیرن سیمی کا شاندار استقبال کیا. اس موقع پر ڈیرن سیمی بہت خوش دیکھائی دیے. آج صبح پشاور زلمی کے چیئرمین جاوید آفریدی پشاور زلمی کے کپتان ڈیرن سیمی کے ہمراہ اسلام آباد ائیرپورٹ پہنچے تھے تو ان کا شاندار استقبال کیا گیا.ڈیرن سیمی آج آرمی پبلک اسکول پشاور کا دورہ کریں گے اور پشاور زلمی کی کٹ اینڈ اینتھم لانچنگ کی تقریب میں بھی شرکت کریں گے.

یاد رہے ڈیرن سیمی وہ پہلے کرکٹر ہیں جہنوں نے پاکستان سپر لیگ کے دوسرے ایڈیشن پاکستان آئے تھے جس کے بعد پاکستانی ان کے دیوانے ہو گئے تھے. ڈیرن سیمی کی قیادت میں پشاور زلمی نے پی ایس ایل 2 جیتا تھا، اور ان کی وجہ سے ہی انٹرنیشنل کرکٹ کی پاکستان واپس آئی تھی اور وہ کافی انٹرنیشنل کرکٹرز پاکستان لائے تھے اس وجہ سے ڈیرن سیمی پاکستان میں بہت مشہور ہیں اور لوگ انہیں بہت پسند کرتے ہیں. ڈیرن سیمی بھی پاکستانیوں کو بہت پسند کرتے ہیں اور انہیں پاکستان آنا بھی بہت پسند ہے.

ڈی ایچ اے بہاولپور کے پلاٹس اور ولاز کی قرعہ اندازی، شاندار تقریب
ملک نصیر نے ڈی ایچ بہاولپور کو مستقبل کا بہترین رہائشی منصوبہ قرار دیدیا
لاہور(ڈویلپمنٹ سیل) ڈی ایچ اے بہاولپور کے پلاٹس اور ولاز کی قرعہ اندازی کے موقع پر شاندار تقریب کا انعقاد، ایڈمنسٹریٹری ڈی ایچ اے بپاولپور سمیت ملتان اور لاہور کے سینئر رئیل اسٹیٹ کی خصوصی شرکت این زیڈ مارکیٹنگ کے چیف ایگزیکٹو ملک نصیر احمد کا خصوصی خطاب ڈی ایچ اے بہاولپور کی انتظامیہ کو اعلان کے مطابق قرعہ اندازی کرانے پر مبارکباد ملک نصیر نے ڈی ایچ اے بہاولپور کو مستقبل کا بہترین رہائشی منصوبہ قرار دے دیا ہے ، انہوں نے اس موقع پر کہا کہ ڈی ایچ اے لاہور جب بناتو بیدیاں روڈ پر جاتے ہوئے خوف محسوس ہوتا تھا اب 11 فیز بن چکے ہیں بہاولپور میں بھی ڈی ایچ اے ایسا ہی بننے جارہا ہے.

لاہور(ایمرا نیوزآن لائن رپورٹ اظہر محمود سے) وزیر ریلوے شیخ رشید نے کہا ہے کہ یہ بزدل سیاستدان ہیں،کرپشن کیسز میں ہیروبننے کی کوشش کررہے ہیں،23 کیسوں مین مطلوب شہباز شریف کو پبلک اکاونٹس کمیٹی سے مستعفی ہو جانا چاہئے۔وزیر ریلوے شیخ رشید نے لاہر میں پریس کانفرنس کرتے ہوئے کہا کہ نواز شریف کو دولت ٹھکانے لگانی آتی ہے ، زرداری کو فالودے والا مل جاتا ہے ،بلاول کرپشن کیخلاف لانگ مارچ کریں تو میں ہاتھ میں ہاتھ ڈال کر ساتھ دوں گا ۔انہوں نے کہا کہ شریف برادران نے اسامہ بن لادن کا مال بھی نہیں چھوڑا ،اسامہ بن لادن کی گرفتاری میں پاک فوج نے اپنی ذمہ داری نبھائی ،وہ قتل کی واردات سمیت ہر جگہ سے پیسے کمانے کا فن جانتے ہیں ،۔وفاقی وزیر نے کہا کہ آرمی چیف ، شہباز شریف کی سکیورٹی سے رینجرز کو واپس بلائیں، فوج چوروں کی حفاظت اور پروٹول ڈیوٹی کرے تو اچھا پیغام نہیں جاتا ، عمران خان کا شہباز شریف کو پبلک اکاونٹس کا سربراہ بنانا سب سے بڑی غلطی ہے ،پبلک اکاونٹس کمیٹی شہباز شریف ، شیخ رشید ، سعد رفیق اور رانا ثنااللہ کے ہونے سے سیاسی اکھاڑہ نہیں بنے گی۔انہوں نے کہا کہ شہباز شریف قومی اسمبلی میں پہلی مرتبہ آئے ، مین 8 ویں مرتبہ رکن بنا ہوں ، میں اپوزیشن کا دادا استاد ہوں ، ڈاکٹروں نے شہباز شریف کو کھلی ہوا میں رہنے کا مشورہ دینے والے ڈاکٹر ہماری حکومت نہیں ، شہباز شریف لال حویل کی چھت پر آ جائیں اس سے بہتر کھلی فضا اور کہیں نہیں۔شیخ رشید نے کہا کہ وزیراعظم 12فروری کوتھل ایکسپریس کاافتتاح کریں گے،دو مال بردار ٹرینیں چلادی ہیں،مزید مال بردار ٹرینیں چلانے کےلیے اقدامات کررہے ہیں انہوں نے کہا کہ ایم ایل ون سےمتعلق اسی ہفتےاجلاس ہوگا،لاہور:ریلوے شکایت سیل کو اچھا رسپانس مل رہاہے ، نئے ٹینڈر کو جلد حتمی شکل دیں گے۔

کراچی(ایمرا نیوزآن لائن رپورٹ عمر خالد سے) سندھ کے شہر کراچی اور اس کے گرد و نواح میں زلزلے کے جھٹکے محسوس کیے گئے ہیں، یہ زلزلے کے جھٹکے ہلکی نوعیت کے تھے۔زلزلہ پیما مرکز کے مطابق کراچی میں دن کے وقت آنے والے زلزلے کی شدت ریکٹر اسکیل پر 2 اعشاریہ 9 ریکارڈ کی گئی ہے۔زلزلہ پیما مرکز کا یہ بھی کہنا ہے کہ اس زلزلے کا مرکز کراچی شہر کے شمال میں تھا، جبکہ اس کی گہرائی 15 کلو میٹر زیر زمین تھی۔

لاہور(ایمرا نیوزآن لائن) لاہور کی نجی ہائوسنگ سوسائٹیوں میں شامل کئے جانیوالے وقف رقبہ کو واگزار کرانے کے لیے پلان فائنل کرلیا گیا ہے.صوبائی حکومت کی ہدایت پر محکمہ اینٹی کرپشن خودمختار ادارے اوقاف کی بھرپور معاونت کریگا، جبکہ ضلعی انتظامیہ اور پولیس فورس بھی بوقت ضرورت محکمہ اوقاف کو مدد فراہم کرنے کی پابند ہوگی.ذرائع کے مطابق موضع اللہ بخش مانک (بحریہ آرچرڈ) کے بارے میں کاروائی شروع کرنے کے بعد محکمہ اوقاف پنجاب نے جوہر ٹائون اور کینال روڈ پر موجود پوش ٹیک سوسائٹی کیخلاف کاروائی کے لیے کام کا آغاز کردیا ہے.