Tag ARY

اپوزیشن اراکین کامعافی قبول کر نے سے انکار، اجلاس کا بائیکاٹ، 5 گھنٹے تک احتجاج
ٹوکیو(ایمرا نیوز آن لائن) جاپان میں اولمپکس کے وزیر نے ایک اجلاس میں صرف تین منٹ کی تاخیر سے پہنچنے پر معافی مانگ لی۔یوشی تاکا ساکورادا کے ذمے جاپان میں اولمپکس کھیلوں کے انعقاد کی ذمے داریاں ہیں لہٰذا انہیں وزیرِ اولمپکس کہا جاسکتا ہے۔ اس سے قبل بھی وہ اپنی غلطیوں اور تاخیر پر معذرت کرچکے ہیں۔اس جمعرات کو وہ پارلیمانی میٹنگ میں تاخیر سے پہنچے اور انہوں نے تین منٹ دیر سے پہنچنے پر معافی مانگی۔ لیکن اپوزیشن اراکین ان کی تاخیر پر معافی قبول نہیں کی اور اور اجلاس کا بائیکاٹ کرتے ہوئے 5 گھنٹے تک احتجاج کیا۔ ان کا موقف تھا کہ وزیرِ موصوف کے لیٹ ہونے پارلیمنٹ کا وقار مجروح ہورہا ہے۔یوشی تاکا پر تنقید کا عمل نیا نہیں کیونکہ ان کے پاس سائبرسیکیورٹی کا قلمدان بھی ہے۔ اس اہم عہدے پر رہتے ہوئے انہوں نے اعتراف کیا تھا کہ وہ کمپیوٹر چلانا تک نہیں جانتےجس کےبعد ان پر شدید تنقید کی گئی تھی۔ حزبِ اختلاف نے ان سے استغفے کا مطالبہ بھی کیا تھا۔یوشی تاکا کے بارے میں ایک سروے بھی کیا گیا تھا جس میں 65 فیصد افراد نے کہا تھا کہ وہ اپنی ذمے داریوں کے لیے نااہل ہیں جبکہ صرف 13فیصد افراد نے ان پر اعتماد کا اظہار کیا اور بقیہ نے رائے شماری میں حصہ نہیں لیا تھا.

پاکستانی اور کشمیری عوام پاک فوج کے شانہ بشانہ کھڑے ہیں،بھارتی اوچھے ہتھکنڈوں کا مقصد وادی میں انسانی حقوق کی خلاف ورزیوں سے عالمی توجہ ہٹانا ہے،بیان
جدہ(ایمرا نیوز آن لائن)صدر آزاد کشمیر سردار مسعود خان نے بھارت کی جانب سے پاکستان کی فضائی حدود کی خلاف ورزی کرنے کی سخت مذمت کرتے ہوئے کہا ہے کہ یہ ایک کھلی جارحیت ہے،جس کا پاکستان بھرپور طاقت کے ساتھ جواب دینے کا حق رکھتا ہے۔اپنے ایک بیان میں انہوں نے کہا کہ بھارتی فضائیہ کی جانب سے لائن آف کنٹرول کی خلاف ورزی ناقابل قبول ہے اور اسے ایک کھلی جارحیت تسلیم کیا جائے۔پاکستان کی مسلح افواج اپنی سرزمین کے تحفظ اوراس جارحیت کا بھرپور جواب دینے کا مکمل حق رکھتی ہے۔انہوں نے کہا کہ پاکستانی اور کشمیری عوام پاک فوج کے ساتھ شانہ بشانہ کھڑے ہیں۔انہوں نے کہا کہ پاک فضائیہ کی جانب سے بروقت کارروائی قابل تحسین ہے،جنہوں نے بھارت کی اس ناپاک کوشش کو ناکام بنایا۔صدر آزاد کشمیر کا کہنا تھا کہ ایسے اوچھے ہتھکنڈوں کا مقصد مقبوضہ کشمیر میں بھارت کی جانب سے کی جانے والی حقوق انسانی کی خلاف ورزیوں پر عالمی برادری کی توجہ ہٹانا ہے۔انہوں نے کہا کہ عالمی برادری بالخصوص اقوام متحدہ کی سلامتی کونسل فوری طور پر اس واقعے کا نوٹس لے اور بڑھتی ہوئی کشیدگی کو کم کرنے کیلئے اپنا کردار ادا کرے۔(ولی)

ڈینی برج کی رہائی ثبوت ہے امریکہ ، اس کے اتحادی بہترین طریقے سے اپنا مشن پورا کرسکتے ہیں ، بیان
واشنگٹن(ایمرا نیوز آن لائن) امریکی صدر ڈونلڈ ٹرمپ نے کہا ہے کہ یمن میں سترہ ماہ قبل یرغمال بنائے گئے امریکہ کے ایک شہری کو رہا کروالیا گیا ہے ۔اپنے ٹویٹر بیان میں ٹرمپ کا کہنا تھا کہ ڈ ینی برج اب دوبارہ اپنے بیوی بچوں سے آملا ہے انہوں نے کہا کہ ڈینی کی رہائی اس بات کی عکاسی کرتی ہے کہ امریکہ اور اس کے اتحادی بہترین طریقے سے اپنے مشن کو پورا کرسکتے ہیں انہوں نے کہا کہ ڈینی کو واپس لانے کیلئے امریکہ اور اس کے غیر ملکی اتحادیوں نے مستقل اور تشد سے سفارتی ، انٹیلی جنس اور لاءانفورسٹمنٹ تعاون کو اپنایا ہے جس کے باعث یہ رہائی ممکن ہوئی ہے اور ہمیں خوشی ہے ہمارا ایک شہری اتنے عرصے بعد رہا ہوکر اپنے ملک میں فیملی کے ساتھ آملا ہے.

نمائندہ قوم کو کشمیریوں کے موجودہ کرب کا احساس کرنا چاہیے تھا ، بیان
سرینگر(ایمرا نیوز آن لائن) حریت کانفرنس گیلانی گروپ کے چیئرمین سید علی گیلانی نے او آئی سی کی طرف سے بھارت کو مدعو کرنے پر افسوس اور حیرانگی کا اظہار کرتے ہوئے کہا ہے کہ اس نمائندہ فورم کو اس درد کرب کا احساس کرنا چاہیے تھا جس سے پوری امت اور خاص کر مسلمانان جموں کشمیر کرا ہ رہے ہیں ایک بیان میں انہوں نے کہا کہ ریاست جموں کشمیر وہ واحد خطہ ہے جس کو تمام اخلاقی ، جمہوری اور انسانی حقوق کو بالائے طاق رکھ کر بھارت نے زبردستی اپنی فوج طاقت کے بل بوتے پر آج سے ستر سال پہلے قبضہ کررکھا ہے اس غیر فطری قبضہ سے خلاصی خاصل کرنے کیلئے یہ نہتی قوم ہر ممکن ذرائع سے نبرد آزما ہے اور اس دوران یہاں تباہی اور بربادی کے ایسے مناظر دہرائے گئے جن کو سن کر اور دیکھ رونگھٹے کھڑے ہوجاتے ہیں انہوں نے کہا کہ قتل و غارت گری تباہی املاک اور خواتین کی تذلیل بھارت کے بہت ہی پرانے ہتھیار ہیں لیکن اب وہ یہاں کی آبادی کا تناسب بگاڑنے اور مسلمانوں کی اکثریت میں تبدیل کرنے کے حربے بھی استعمال کرسکتا ہے انہوں نے کہا کہ عدالتوں کی طرف سے آئے روز ایسی کارروائیوں کی طرف اشارے مل رہے ہیں کہ طاقت اور ظلم و جبر سے جب اس قوم کے جذبہ آزادی کو زیر کرے میں ناکامی ہوئی تو عدالتی دہشتگردی کو آخری اور خاموش حربے کے طورپر آزمانے کی کوشش تیز ہورہی ہے گزشتہ اکہتر سال کی جدوجہد میں قربانیوں کا ایک نہ ختم ہونے والا سلسلہ جاری ہے چھ لاکھ نفوس کی قربانی کے علاوہ یہاں کے ہزاروں جوانوں اور بزرگوں کو جیلوں اور انٹروگیشن سینٹروں میں کئی دہائیوں سے اذیت دی جارہی ہے انہوں نے کہا کہ ریاست اور ریاست کے باہر کے جیلوں میں ان بے کس اور بے بس قیدیوں کو طرح طرح سے ستایا اور دھمکایاں جارہا ہے اور ذہنی تناﺅ اور خوب وہراس کے ماحول میں اخلاقی قیدیوں کے رحم وکرم پر اپنی زندگیاں گزارنے پر مجبور کیا جارہے انہوں نے کہا کہ حال ہی میں جے پور جیل میں ایک پاکستانی نے دوسرے انتہا پسند قیدیوں کے ہاتھوں اپنی جان گنوادی انہوں نے کہا کہ کروڑوں کی املاک کو صرف جموں شہر میں دن دھاڑے نذر آتش کرکے انتقام گیری کے اندھے جذبے کی تسکین کی گئی.

حملے میں مسعود اظہر کے بہنوئی سمیت متعدد مشتبہ دہشت گرد مارے گئے،بھارتی سیکریٹری خارجہ وی کے گوکھالے
نئی دہلی (ایمرا نیوز آن لائن )بھارت نے پاکستان میں فضائی کارروائی کر کے جیش محمد کے سب سے بڑے تربیتی مرکز پر حملہ اور متعدد مشتبہ دہشت گردوں کو ہلاک کرنے کا دعویٰ کیا ہے۔قبل ازیں پاک فوج کے شعبہ تعلقاتِ عامہ (آئی ایس پی آر) کی جانب سے بھارتی دراندازی کی تصدیق کرتے ہوئے کہا گیا تھا کہ بھارتی فضائیہ کے طیاروں نے آزاد کشمیر کے علاقے مظفرآباد میں داخل ہونے کی کوشش کی جس پر پاک فضائیہ فوری طور پر حرکت میں آئی اور بھارتی طیارے واپس چلے گئے۔تاہم بھارتی وزارت خارجہ نے دعویٰ کیا ہے کہ اس نے فضائی کارروائی کر کے بالاکوٹ میں واقع جیش محمد کے سب سے بڑے تربیتی مرکز پر حملہ کیا جس کے نتیجے میں متعدد مشتبہ دہشت گرد مارے گئے۔بھارتی سیکریٹری خارجہ وی کے گوکھالے نے پریس کانفرنس سے خطاب کرتے ہوئے دعویٰ کیا کہ پلوامہ حملے اور انڈین پارلیمنٹ سمیت متعدد حملوں میں ملوث جیش محمد کے ٹھکانوں کی موجودگی کے حوالے سے انہوں نے پاکستانی حکام کو اطلاع دی لیکن کوئی کارروائی نہیں کی گئی۔انہوں نے الزام عائد کیا کہ جہادیوں اور فدائیوں کی تربیت کے لیے استعمال کیے جانے والے اس نیٹ ورک کو حکومتی مدد کے بغیر نہیں چلایا جاسکتا۔سیکریٹری خارجہ نے مزید دعویٰ کیا کہ ہمیں مستند خفیہ اطلاعات موصول ہوئی تھیں کہ جیش محمد بھارت میں مزید حملوں کی منصوبہ بندی کر رہا ہے جس کے باعث ہمارے لیے کارروائی کرنا ناگزیر تھا۔گوکھالے نے کہا کہ بھارت نے بالا کوٹ میں موجود جیش محمد کے سب سے بڑے تربیتی مرکز پر حملہ کیا جس کے نتیجے میں مسعود اظہر کے بہنوئی سمیت متعدد مشتبہ دہشت گرد مارے گئے۔ان کا کہنا تھا کہ بھارت دہشت گردی کے خاتمے کے لیے پرعزم ہے اور اسی لیے یہ کارروائی رات گئے کی گئی تاکہ شہریوں کے جانی نقصان سے بچا جا سکے۔گوکھالے نے دعویٰ کیا یہ کارروائی چند گھنٹوں قبل کی گئی جس میں جیش محمد کے اہم کمانڈرز کو مار دیا گیا۔بھارتی وزارت خارجہ اور سیکیورٹی آفیشلز کی اس پریس کانفرنس سے قبل سیکیورٹی پر بھارتی کابینہ کمیٹی نے نئی دہلی میں وزیر اعظم نریندر مودی سے ملاقات کی تھی۔واضح رہے کہ پاکستان اور بھارت کے تعلقات 14 فروری کو مقبوضہ کشمیر کے علاقے پلوامہ میں بھارت کی پیراملٹری فورس پر ہونے والے ایک خود کش حملے کے بعد سے سخت کشیدہ ہیں جس میں 44 بھارتی اہلکار ہلاک ہوئے تھے۔

کنٹرول لائن کی خلاف ورزی کرنیوالے بھارت کو لینے کے دینے پڑگئے، کروڑوں کانقصان کروا بیٹھا
نئی دہلی (ایمرا نیوز آن لائن) کنٹرول لائن کی خلاف ورزی کے بعد بھارت کی سٹاک مارکیٹ کریش کرگئی جس سے سرمایہ کاروں کے کروڑوں روپے ڈوب گئے۔ غےر ملکی خبر رساں ادارے کے مطابق انڈین سٹاک مارکیٹ 450 پوائنٹس تک نیچے گری جس سے سرمایہ کار سر پکڑ کر رہ گئے۔بارڈر کی صورتحال کی وجہ سے سٹاک مارکیٹ کا آغاز ہی 10800کی سطح سے ہوا اور گرتے گرتے 10740کی سطح پر پہنچ چکا ہے جبکہ سنسیکس میں بھی 200سے زائد پوائنٹس کی کمی کیساتھ ہوا۔ آخری اطلاعات کے مطابق سنسیکس میں 460.18پوائنٹس کی کمی ہوچکی ہے۔ادھر بھارتی روپے کی قدر میں بھی منگل کو ڈالر کے مقابلے میں 28پیسے کی کمی دیکھی گئی اور 71.26روپے میں ٹریڈ ہورہاہے جبکہ گزشتہ روز 70.98روپے میں ڈالر کی کلوزنگ ہوئی تھی….

بھارتی قیادت ہوش کے ناخن لے اورجنوبی ایشیا کے امن کواپنے ہاتھوں سے آگ میں نہ دھکیلے،سابق وزیر اعلیٰ پنجاب
اسلام آباد(ایمرا نیوز آن لائن) پاکستان مسلم لیگ (ن) کے صدر شہبازشریف نے بھارتی حملے کی شدید مذمت کرتے ہوئے کہا ہے کہ بھارت نے جنگ شروع کی تو نئی دہلی پر پاکستان کا پرچم لہرائے گا۔ شہباز شریف نے کہا ہے کہ نریندرمودی خاکروبوں کے پاؤں دھونے سے بڑا کام بےگناہ انسانوں اورغریبوں کوجنگ کی بھٹی میں نہ دھکیل کر کرسکتے ہیں، مودی ایک طرف غریبوں کے پاؤں دھو رہے ہیں دوسری طرف نہتے کشمیریوں اور دیگر مسلمانوں کا خون بہا رہے ہیں۔ صدر مسلم لیگ(ن) نے کہا بھارتی قیادت ہوش کے ناخن لے اورجنوبی ایشیا کے امن کواپنے ہاتھوں سے آگ میں نہ دھکیلے، پاکستان کی امن پسندی اور تحمل مزاجی کو کمزوری سمجھنا بھارت کی سنگین غلطی ثابت ہوگی۔شہباز شریف نے کہا مسلم لیگ (ن) کے ورکر ملک بھر میں مسلح افواج کے ساتھ مکمل یکجہتی کا اظہار کریں، ہماری مسلح افواج جذبہ شہادت، پیشہ ورانہ مہارت اور بے مثال جرات و بہادری کا پیکر ہیں، ہمیں اپنے بیٹوں، مادر وطن کے سجیلے جوانوں پر ناز ہے، مادر وطن کے تحفظ کی خاطرخون بہانے محاذ جنگ پر جانے کے لئے تیار ہوں۔واضح رہے کہ بھارتی فضائیہ کی جانب سے لائن اف کنٹرول کی خلاف ورزی کرتے ہوئے آزاد کشمیر میں دراندازی کی کوشش کی گئی لیکن پاک فضائیہ کی بروقت اور موثر کارروائی کے نتیجے میں بھارتی فضائیہ کے طیارے دم دباکر بھاگنے پر مجبور ہوگئے

عمرکوٹ (ایمرا نیوز آن لائن)عمرکوٹ کے گاؤں میں مقامی وڈیرے کی تین ساتھیوں کے ساتھ 12سالہ لڑکی سے زیادتی کے ملزمان تین ہفتے بعد بھی آزاد ہیں، انصاف کے لیے کولہی برادری سڑکوں پر نکل آئی ہے۔پاکستان کے شہر عمر کوٹ کے گاوں جانھیرو میں پیش آنے والے واقعہ کے خلاف کولہی برادری سراپا احتجاج ہے۔ پولیس کے مطابق 12سالہ ’آسو کولہی‘ ماں کے ساتھ زمینوں پر کام کرکے گھر واپس آرہی تھی کہ مقامی وڈیرے نے دیگر دو ملزمان کے ساتھ اسے زیادتی کا نشانہ بنایا۔عمرکوٹ پولیس نے متاثرہ لڑکی کے والد کی مدعیت میں تینوں افراد کے خلاف مقدمہ تو درج کرلیا لیکن ملزمان تین ہفتے بعد بھی آزاد گھوم رہے ہیں۔ انصاف کے لیے کولہی برادری سڑکوں پر نکل آئی ہے، ان کا کہنا ہے کہ آسو بائی سے انصاف ہو اور انصاف ملے۔ ہماری جدوجہد جاری رہے گی جب تک آسو کو انصاف نہیں ملے گا۔ذرائع کے مطابق بااثرملزمان آزاد اور نا صرف دیدہ دلیری سے گھوم رہے ہیں بلکہ ان کی جانب سے غریب و مجبور گھرانے کو مقدمہ واپس لینے کے لیے خطرناک نتائج کی دھمکیاں دی جارہی ہیں۔ غریب ہاری خاندان انصاف کے بجائے اب اپنے تحفظ کی فکر میں پڑگیا ہے۔متاثرہ خاندان کا کہنا ہے کہ 30گھنٹے بعد لڑکی کا میڈیکل ہوا ہے، لڑکی کی عمر 12سال بتائی جارہی ہے۔دوسری جانب انسانی حقوق کے کارکنوں کا کہنا ہے کہ دیہی علاقوں میں بااثر افراد کے ہاتھوں زمینوں پر کام کرنے والی ہاری لڑکیوں سے زیادتی کے واقعات میں مسلسل اضافے کی بڑی وجہ ملزمان کی خلاف بروقت اور بھرپور کاروائی نہ ہونا بھی ہے.

کوئٹہ(ایمرا نیوز آن لائن) صوبہ بلوچستان کے علاقے سبی اورگردونواح میں زلزلے کے جھٹکے محسوس کیے گئے، شہری خوف وہراس کا شکار ہو کر گھروں سے نکل آئے تفصیلات کے مطابق صوبہ بلوچستان کے ضلع سبی اوراس کے گردونواح میں زلزلے کے جھٹکے محسوس کیے گئے، زلزلہ پیما مرکز کے مطابق ریکٹر سکیل پرزلزلے کی شدت 3 ریکارڈ کی گئی۔زلزلے کے جھٹکے مختصر دورانیے کے تھے۔ جھٹکے شروع ہوتے ہی شہری کلمہ طیبہ کا ورد کرتے ہوئے عمارتوں سے باہر آگئے زلزلہ پیما مرکز کا کہنا ہے کہ ضلع سبی میں محسوس کیے جانے والے زلزلے کا مرکزسبی سے 90 کلومیٹرجنوب مغرب میں تھا، زلزلے کی گہرائی 20 کلومیٹرریکارڈ کی گئی.

کوئٹہ (ایمرا نیوز آن لائن)کوئٹہ میں کچہری کے قریب گاڑی پر فائرنگ سے 2ا فراد جاں بحق اور 3 زخمی ہو گئے۔میڈیا رپورٹس کے مطابق کوئٹہ میں کچہری کے قریب گاڑی پر فائرنگ سے 2 افراد جاں بحق اور3 زخمی ہو گئے۔ کار پر فائرنگ سے جاں بحق افراد میں خاتون بھی شامل ہے،فائرنگ کے بعد ضلع کچہری اورآس پاس کے علاقے میں خوف و ہراس پھیل گیا۔ملزم گاڑی پر فائرنگ کرکے فرار ہونے کی کوشش کر رہا تھا ٹریفک پولیس نے ملزم کو حراست میں لے لیا،ملزم اور برآمداسلحہ پولیس کے حوالے کردیا گیا۔پولیس کے مطابق ضلع کچہری کے قریب کار پر فائرنگ سے جاں بحق ہونے والے باپ بیٹی ہیں.