Tag Balochistan

28 مارچ تک گرفتار کرکے عدالت میں پیش کرنے کا حکم
شاہ محمود قریشی ، اسد عمر ، شفقت محمود ، جہانگیر ترین کی عدالت میں حاضری سے استثنٰی کی درخواست منظور
اسلام آباد(ایمرا نیوز آن لائن) انسداد دہشتگردی کی عدالت نے پی ٹی وی و پارلیمنٹ ہاؤس حملہ کیس میں وزیر اطلاعات خیبرپختونخوا شوکت یوسفزئی سمیت تحریک انصاف کے 26 کارکنان کے ناقابل ضمانت وارنٹ گرفتاری جاری کرتے ہوئے 28 مارچ کو عدالت کے سامنے پیش کرنے کا حکم دے دیا ہے ۔ تفصیلات کے مطابق منگل کے روز وفاقی دارالحکومت اسلام آباد کی انسداد دہشتگردی عدالت میں پی ٹی وی اور پارلیمنٹ ہاؤس حملہ کیس کی سماعت ہوئی جس میں عدالت نے صوبائی وزیر اطلاعات شوکت یوسفزئی کی مسلسل عدم حاضری کے تناظر میں ان کے ناقابل ضمانت وارنٹ گرفتاری جاری کر دیئ جبکہ کیس میں مزید 26 پی ٹی آئی کے کارکنان کے بھی ناقابل ضمانت وارنٹ گرفتاری جاری کر کے شوکت یوسفزئی سمیت 28 مارچ کو عدالت کے سامنے پیش کرنے کا حکم دیا گیا ہے ۔ وزیر خارجہ شاہ محمود قریشی ، وزیر خزانہ اسد عمر ، وزیر تعلیم شفقت محمود سمیت جہانگیر ترین کی حاضری سے استثنٰی کی درخواست عدالت میں دائر کی گئی جسے عدالت نے منظور کر لیا جبکہ صدر عارف علوی ، وزیر اعظم عمران خان اور جہانگیر ترین کی بریت کی درخواست پر بحث نہ ہو سکی ۔ عدالت نے کیس کی سماعت کو 28 مارچ تک ملتوی کر دی ہے ۔ ( جاوید/ اشفاق)

ممبئی(ایمرا نیوز آن لائن)بولی وڈ اداکارہ شردھا کپور نے اپنے نئے بوائے فرینڈ کو سابق بوائے فرینڈ کے ساتھ کام کرنے سے روک دیا ہے۔ اطلاعات ہیں کہ شردھا کپور نے بوائے فرینڈ روہن شریستھا کو اداکار فرحان اختر کے ساتھ کسی طرح کا بھی کام کرنے سے روک دیا ہے۔
خیال رہے کہ شردھا کپور کے روہن شریستھا سے تعلقات سے قبل اداکار فرحان اختر سے تعلقات تھے۔بھارتی میڈیا کے مطابق فرحان اختر اور شردھا کپور کے درمیان 2018 کی پہلی سہ ماہی تک گہرے تعلقات رہے اور دونوں کو متعدد بار ایک ساتھ دیکھا گیا۔اگرچہ دونوں نے کبھی بھی شادی کی بات نہیں کی تھی، تاہم بھارتی میڈیا میں رپورٹس تھیں کہ دونوں ممکنہ طور پر شادی کرنے کا ارادہ بھی رکھتے ہیں۔تاہم اچانک ہی فرحان اختر اور شردھا کپور کے درمیان اختلافات پیدا ہوگئے اور دونوں کے درمیان علیحدگی ہوگئی۔دونوں میں علیحدگی کے بعد جہاں شردھا کپور نے اپنے دیرینہ دوست فوٹوگرافر روہن شریستھا سے تعلقات بڑھائے، وہیں فرحان اختر نے بھی گلوکار شبانی ڈنڈیکر سے تعلقات استوار کرلیے۔اطلاعات ہیں کہ فرحان اختر اور شبانی ڈنڈیکر رواں برس شادی کے بندھن میں بندھ جائیں گے اور دونوں کو متعدد بار ایک ساتھ دیکھا گیا ہے۔

واشنگٹن(ایمرا نیوز آن لائن) انڈر ٹیکر نے ڈبلیو ڈبلیو ای کو الوداع کہنے کا فیصلہ کرلیا ہے اور اس بار کچھ واضح علامات بھی نظر آرہی ہیں۔امریکی جریدے فوربس کے مطابق انڈرٹیکر نے گزشتہ سال نومبر میں سماجی رابطے کی ویب سائٹ ٹوئٹر میں شمولیت اختیار کی اور اس کے بعد سے اپنی ذاتی تفصیلات میں سے ڈبلیو ڈبلیو ای کے تمام حوالوں کو ہٹا دیا۔اب انہوں نے ایک ای میل ایڈریس اس اکاﺅنٹ پر دیا ہوا، جس کے ذریعے ان کی بکنگ کے لیے رابطہ کیا جاسکتا ہے۔رپورٹ میں مزید بتایا گیا کہ اس سال ریسل مینیا 35 میں انڈر ٹیکر کی شمولیت کا امکان نہیں اور کمپنی نے ان کے لیے کسی میچ کی منصوبہ بندی نہیں کی ہوئی، یہاں تک کہ وہ اپنے ریسلنگ کردار کا تحفظ بھی نہیں کررہے۔عام طور پر انڈر ٹیکر اپنے مخصوص انداز کا تحفظ کرتے ہیں اور بہت کم عوامی سطح پر نظر آتے ہیں مگر اب وہ میڈیا بکنگ کررہے ہیں اور یہ اس وقت ہوا ہے جب کمپنی نے ریسل مینیا میں ان کے لیے کوئی میچ شیڈول نہیں کیا۔انڈر ٹیکر اس وقت مداحوں کو آٹوگراف دینے کے عوض فی گھنٹہ 25 ہزار ڈالر (لگ بھگ 35 لاکھ پاکستانی روپے) کما رہے ہیں۔اپنے ڈیڈ مین کریکٹر سے ان کی دوری اس بات کا عندیہ ہے کہ وہ ریسلنگ سے ریٹائرمنٹ لے چکے ہیں یا اس کا اعلان کرنے کے قریب ہیں۔

بنی گالہ میں مستقل رہائش رکھیں گے اور پرائم منسٹرسیکرٹریٹ میں صرف وزارت عظمیٰ کے امور سرانجام دیں گے
اسلام آباد(ایمرا نیوز آن لائن) وزیراعظم عمران خان نے وزیراعظم ہاس میں رہائش ترک کردی ہے۔ذرائع کا کہنا ہے کہ وزیراعظم اب بنی گالہ میں مستقل رہائش رکھیں گے اور پرائم منسٹرسیکرٹریٹ میں صرف وزارت عظمی کے امور سرانجام دیں گے۔یاد رہے کہ عمران خان اس سے قبل بھی وزیراعظم ہاوس کی اسٹاف کالونی میں رہائش پذیرتھے۔ اقتدار میں آنے کے بعد عمران خان نے کہا تھا کہ وہ وزیراعظم ہاس کو رہائش کیلئے استعمال نہیں کریں گے تاکہ قومی خزانے کا بوجھ کم کیا جاسکے۔وزیراعظم نے اپنی الیکشن کمپین میں وعدہ کیا تھا کہ وہ وزیراعظم ہاس کو ایک تعلیمی ادارے میں تبدیل کردیں گے۔اسلام آباد میں وزیر اعظم ہاس 8 سو کنال پر مشتمل ہے جس میں وزیر اعظم کی رہائش گاہ 9 بیڈ رومز ہیں۔ وزیراعظم ہاس میں پرنسپل سیکریٹری، اسپیشل سیکریٹری، ملٹری سیکریٹری، ڈپٹی ملٹری سیکریٹریز، جب کہ وزیر اعظم کے دیگر سینئر اسٹاف کے لیے اپارٹمنٹس بھی ہیں۔ یہاں پر پولیس اور دیگر سیکوریٹی عملے کی رہائش گاہ بھی ہے جب کہ 10کمروں پر مشتمل کیمپ آفس بھی وزیر اعظم ہاس کا حصہ ہے۔

حضرت عثمان کے دور میں معتبر صحابی حضرت سعد ابن ابی وقاص چین آئے تو چینی شہنشاہ نے رسول اللہ کی یاد میں اس مسجد کی تعمیر کا حکم دیا،چینی سفارتکار لیجن زاہو نے چین میں موجود 14 سو سال قدیم مسجد کی تصاویر سوشل میڈیا پر پوسٹ کردیں
اسلام آباد (ایمرا نیوز آن لائن)چینی ڈپٹی مشن لیجن زاہو نے چین میں موجود 14 سو سال قدم مساجد کی تصاویر سوشل میڈیا پر پوسٹ کر دیں۔مسجد چینی شہنشاہ کے حکم پر حضرت عثمان کے دور میں تعمیر کی گئی ۔تفصیلات کے مطابق پاکستان اور چین کی دوستی اقوام عالم میں ضرب المثل کی سی حیثیت رکھتی ہے۔دونوں ممالک میں محبت ، برابری اور باہمی عزت کا رشتہ ہر گزرتے دن کے ساتھ مضبوط سے مضبوط ہوتا جارہا ہے۔جب بھی پاک چین دوستی کی بات ہو تو کہا جاتا ہے کہ پاکستان اور چین کی دوستی ہمالیہ سے زیادہ اونچی اور سمندر سے زیادہ گہری ہے۔دونوں نہایت قریبی اور مضبوط سیاسی و معاشی تعلقات کے حوالے سے دنیا بھر میں جانے اور پہچانے جاتے ہیں۔ یہ تعلقات کوئی نئے نہیں بلکہ گزشتہ سات دہائیوں پر محیط ہیں اور ان کی جڑیں بہت گہری اور مضبوط ہیں۔پاکستان اور چین دکھ سکھ کے ساتھی ہیں۔دونوں ممالک کے حکمرانوں کے ساتھ عوام بھی ہمیشہ ایک دوسرے کے ساتھ محبت اور دوستی کا دم بھرتے نظر آتے ہیں۔ تاہم سی پیک کے آنے کے بعد اس دوستی کو ایک نئی جہت ملی ہے۔جس کے بعد عوام سے عوام کا رابطہ بڑھا ہے ،یہی وجہ ہے کہ چینی شہریوں اور پاکستانی شہریوں میں شادیوں کا رشتہ بھی پنپنے لگا ہے۔اس رشتے کو پاکستان میں موجود چینی سفارتکار بھی بھرپور انداز میں مضبوط بنا رہے ہیں۔انہی میں سے ایک چینی ڈپٹی مشن لیجن زاہو ہیں تاہم ان کی حالیہ ٹوئیٹ نے صرف پاکستانیوں ہی کے نہیں بلکہ تمام مسلمانوں کے دل جیت لئیے ہیں۔انہوں نے اپنی حالیہ ٹوئیٹ میں چین میں اسلام کی تاریخ پر روشنی ڈالی ہے۔انکا کہنا ہے کہ 651 عیسوی میں مسلمانوں کے تیسرے خلیفہ حضرت عثمان کی جانب سے رسول اللہ کے صحابی اور رشتے میں انکے چچا حضرت سعد ابن ابی وقاص کو چین بھیجا گیا۔اس موقع پر چینی شہنشاہ نے حضرت محمد ﷺ کی یاد میں ایک مسجد تعمیر کرنے کا حکم دیا جس کے بعد اسلام چین میں سرکاری طور پر متعارف کروایا گیا اور چین کا نیا مذہب بن گیا۔اس موقع پر انہوں نے 14 سو سالہ پرانی مساجد کی تصاویر بھی شئیر کر دیں۔

جڑواں شہروں پنجاب اور خیبرپختونخوا کے بیشتر علاقوں میں بارش اور پہاڑوں پر برفباری ہوگی، سب سے کم درجہ حرارت استور، کالام میں منفی 9، اسکردو میں منفی 8 جب کہ مالم جب منفی 4 اور پارا چناع میں ،منفی ایک ڈگری سینٹی گریڈ ریکارڈ کیا گیا
اسلام آباد(ایمرا نیوز آن لائن)ملک بھر کے بیشتر علاقوں میں موسم سرد رہنے کا امکان ہے۔جب کہ جڑواں شہروں پنجاب اور خیبرپختونخوا کے بیشتر علاقوں میں بارش اور پہاڑوں پر برفباری کا امکان ہے۔محکمہ موسمیات کے مطابق کوئٹہ، ژوب،قلات ڈویژن، کوہاٹ میں کہیں کہیں بارش کا امکان ہے۔محکمہ موسمیات کے مطابق ملک میں شروع ہونے والا بارشوں اور برفباری کا نیا سلسلہ آئندہ دو روز تک جاری رہے گا جب کہ شمالی علاقہ جات میں سردی میں مزید اضافے کا امکان ہے۔گذشتہ 24 گھنٹے کے دوران ملک کے بیشتر علاقوں میں موسم سرد اور خشک رہا جب کہ سب سے کم درجہ حرارت استور، کالام میں منفی 9، اسکردو میں منفی 8 جب کہ مالم جب منفی 4 اور پارا چناع میں ،منفی ایک ڈگری سینٹی گریڈ ریکارڈ کیا گیا۔واضح رہے گذشتہ روز بھی بتایا گیا تھا کہ آزاد کشمیر ، گلگت بلتستان سمیت بلوچستان کے 20 سے زائد اضلاع میں بارش اور پہاڑوں پر برفباری متوقع ہے ۔محکمہ موسمیات کے مطابق آئندہ 24 گھنٹوں کے دوران کوئٹہ، قلات، زیارت، پشین، ژوب، قلعہ سیف اللہ اور مستونگ سمیت 20 سے زائد اضلاع میں بارش اور پہاڑوں پر برفباری کا امکان ہے۔محکمہ موسمیات کے مطابق کوئٹہ، زیارت، ژوب، پشین اور مستونگ شدید سردی کی لپیٹ میں رہیں گے جبکہ قلات، قلعہ عبداللہ، قلعہ سیف اللہ میں بھی سردی کی شدید لہر جاری رہنیکی پیشگوئی ہے۔وادی زیارت میں بھی شدید سردی کی لہر برقرار رہی جہاں کم سے کم درجہ حرارت منفی 5 ڈگری سینٹی گریڈ ریکارڈ کیا گیا۔دوسری جانب محکمہ موسمیات نے شہر قائد میں 2 روز بعد پھر سرد ہوائیں چلنے کی پیش گوئی کی گئی ،پنجاب کے میدانی علاقوں اور بالائی سندھ میں دھند پڑنے کا امکان ہے، کوئٹہ، پشاور، خضدار، قلات ڈویژن، کوہاٹ، مالاکنڈ اور ہزارہ ڈویژن میں پرسوں سے 3 دن تک بارش کا امکان ہے ،مری اور گلیات میں شدید برفباری کی پیش گوئی کی گئی ہے۔محکمہ موسمیات کے مطابق گزشتہ روز زیادہ سے زیادہ درجہ حرارت 18 جبکہ کم سے کم 4 سینٹی گریڈریکارڈ کیا گیا اور ہوامیں نمی کا تناسب صبح 58 جبکہ شام میں 44 فیصد رہا۔

ریسکیو ٹیموں نے 50 افراد کو ہوٹل سے باہر نکالا‘زخمی اور لاشیں ہسپتال منتقل
نئی دلی(ایمرا نیوز آن لائن) بھارتی دارالحکومت نئی دہلی کے ہوٹل میں آگ لگنے کے نتیجے میں 17 افراد جھلس کر ہلاک جبکہ متعدد زخمی ہوگئے۔بھارتی میڈیا مطابق دارالحکومت نئی دہلی کے ایک ہوٹل میں اچانک آگ بھڑک اٹھی ،جس نے دیکھتے ہی دیکھتے شدت اختیار کرلی ،جس کے نتیجے میں 17 افراد ہلاک جبکہ متعدد زخمی ہوگئے۔واقعہ کے بعد فائر بریگیڈ کی 22 گاڑیوں نے موقع پر پہنچ کر آگ بجھانا شروع کردی جبکہ ریسکیو ٹیموں نے تقریباً 50 کے قریب افراد کو ہوٹل سے باہر نکالا، واقعہ میں متعدد افراد شدید زخمی ہیں جن کو اسپتال میں طبی امداد فراہم کی جارہی ہے۔پولیس کے مطابق لاشوں کو مقامی اسپتال منتقل کردیا گیا ہے جبکہ ہوٹل میں اب بھی امدادی کارروائیاں جاری ہیں جبکہ آگ لگنے کے واقعے کی تحقیقات جاری ہیں۔

کراچی(ایمرا نیوز آن لائن) امریکا اور برطانیہ میں مقیم پاکستانیوں کا موجودہ حکومت پر اعتماد بڑھ گیا، دونوں ممالک سے ترسیلات زر میں 85 کروڑ ڈالر کا اضافہ ریکارڈ کیا گیا۔امریکا اور برطانیہ میں مقیم پاکستانیوں کا موجودہ حکومت پر زیادہ اعتماد معیشت کےلئے مثبت ثابت ہو رہا ہے، دونوں ممالک میں مقیم پاکستانی بڑھ چڑھ کر رقوم پاکستان بھیج رہے ہیں۔سٹیٹ بینک کے مطابق جولائی سے جنوری کے دوران امریکا میں رہنے والے پاکستانیوں نے گذشتہ مالی سال کے انہی 7 ماہ کے مقابلے میں 50 کروڑ ڈالر زائد پاکستان بھیجے، سات ماہ میں امریکا سے 2 ارب ڈالر پاکستان ترسیل کیے گئے، دوسری جانب انہی 7 ماہ میں برطانیہ سے بھیجی جانے والی رقوم 35 کروڑ ڈالر اضافے سے 1 ارب 94 کروڑ ڈالر تک پہنچ گئی۔معاشی تجزیہ کاروں کے مطابق حکومت کی کرپشن کےخلاف مہم اور ترسیلات زر کے نظام میں آسانیوں سے سمندر پار پاکستانیوں کا اعتماد بڑھا ہے۔

گوجرانوالہ(ایمرا نیوز آن لائن) صرافہ مارکیٹ گوجرانوالہ میں جعلی سونے کی خریدو فروخت عروج پر ہے‘سونے جیسی دھات سے بنے زیورات نے سناروں کو بھی چکرا کر رکھ دیا، نوسر بازوں نے چند ہفتوں میں سناروں کو لاکھوں روپے کا چونا لگا دیا۔اصلی سونے کی پہچان سناروں کو نہ رہی تو پھر بھلاعام آدمی کیا کرے گا، مارکیٹ میں جعلی سونے کی خریدو فروخت سے سب پریشان ہیں، جعل سازوں نے نہ صرف جعلی سونا بنانے کا کام شروع کر رکھا ہے بلکہ فروخت کے وقت مارکیٹ میں بیٹھے سناروں کو چکما دینے کےلئے جعلی سونے کےساتھ عرب ممالک کی رسیدیں بھی دی جاتی ہیں۔نوسر باز جعلی سونا زیادہ تر چوڑیوں، کڑوں اور مالا سیٹ کی شکل میں تیار کر کے مارکیٹ میں فروخت کرتے ہیں جنہیں پہچاننے میں سنار بھی دھوکا کھا جاتے ہیں۔

ریونیو 4 ماہ میں 9 ارب 54 کروڑتک پہنچ گیا
اسلام آباد(ایمرا نیوز آ ن لائن)حکومتی اقدامات کے باعث پاکستان پوسٹ اور وزارت مواصلات نے اربوں روپے کا ریکارڈمنافع کما لیا۔ذرائع کے مطابق حکومتی اقدامات کے باعث پاکستان پوسٹ اور وزارت مواصلات نے اربوں روپے کا ریکارڈ منافع کما لیا، وزارت مواصلات کاریونیو 4 ماہ میں 9 ارب 54 کروڑتک پہنچ گیا ،احتساب کے عمل سے 4 ارب 32 کروڑسے زائد کی بھی ریکوری کی گئی۔ذرائع کا کہنا ہے کہ پاکستان پوسٹ میں بھی ملکی تاریخ کاریکارڈریونیوحاصل ہوگیا،3 ماہ میں انقلابی اقدامات سے ریونیومیں 184 فیصدتک کااضافہ ہو گیا۔