Tag Balochistan

ممبئی(شوبز ڈیسک/ایمرا نیوز) خبروں کے مطابق ارجن کپور اور مالائیکا آرورا آج کل ایک نئے گھر کو خریدنے کے بارے میں سوچ رہے ہیں جہاں وہ شادی کے بعد رہیں گے.

ارجن اور مالائیکا ایک دوسرے کے ساتھ سنجیدہ تعلقات میں ہیں اور وہ ایک دوسرے کے ساتھ شادی کر کے نئی زندگی شروع کرنے کے بارے میں سوچ رہے ہیں.خبروں کے مطابق وہ آج کل نیا گھر خریدنے کے بارے میں سوچ رہے ہیں.

ارجن اور مالائیکا اپنے تعلقات کو عوام کے سامنے لے کر آگئے ہیں اور کئی تقریبات میں ان کو ایک ساتھ دیکھا گیا ہےاور کہا جارہا ہے کہ وہ اسی سال شادی کے بندھن میں بندھ جائیں گے.اس لیے انہوں نے ابھی سے اس کی تیاریاں شروع کردی ہیں.

لاہور(سپورٹس ڈیسک/ایمرا نیوز)
Batista:

Batista ڈبلیو ڈبلیو ای کا مشہور ترین ریسلر ہے، انہوں نے ڈبلیو ڈبلیو ای میں بہت سی چیمپئن شپ جیتیں اور بہت سے اعزازت حاصل کیے لیکن بہت کم لوگ جانتے ہیں کہ ان کو ڈبلیو ڈبلیو ای کا villain بھی کہا جاتا ہے. انہوں نے ایک میچ میں جان سین پر بہت بُری طرح حملہ کیا تھا.جس کی وجہ سے ان کو یہ خطاب دیا گیا.

Brock Lesnar:

Brock Lesnar ڈبلیو ڈبلیو ای کے خطرناک ترین ریسلرز میں سے ایک ہے، وہ اپنے مخالف ریسلرز کے ساتھ بہت بُرا سلوک کرتے ہیں، ان کی بہت سے ریسلرز کے ساتھ دشمنی رہی ہے جیسا کہ جان سین ، گولڈ برگ، اور انڈرٹیکر.

CM Punk:

CM Punk ڈبلیو ڈبلیو ای کے مشہور ریسلر تھے آج کل وہ یو ایف سی میں ریسلنگ کرتے ہیں، لیکن ڈبلیو ڈبلیو ای میں اپنے کیرئیر کے آغاز میں وہ ایک villains کے طور پر سامنے آئے تھے، انہوں نے مشہور ریسلر Rey Mysterio بہت ہراساں کیا تھا اور ڈبلیو ڈبلیو ای میں کوئی بھی ان سے محفوظ نہیں رہا تھا.

چین(نیٹ نیوز/ایمرا نیوز) یوں تو دنیا میں کرتب دکھانے کے شوقین منچلوں کی کمی نہیں لیکن ان میں سے کچھ ایسے حیرت انگیز کارنامے پیش کرتے ہیں کہ دیکھنے والوں کو اپنی آنکھوں پر یقین کرنا مشکل ہوجائے۔ویڈیو میں نظرآنے والے اس چینی شخص کا شمار بھی ایسے ہی افراد میں کیا جا سکتا ہے جو مختلف چیزوں کا نشانہ لگانے کا شاندار مظاہرہ کر رہا ہے۔

چین سے تعلق رکھنے والے اس شخص نے اپنی مہارت کا عملی ثبوت دیتے ہوئے کئی فٹ اونچائی پر اُڑتے غبارے کا نشانہ لگانے، فٹبال گاڑی میں ڈالنے، قطار میں کھڑے تین دوستوں پر دور سے رنگ ڈالنے سمیت حیرت انگیز ٹرک شاٹس پیش کئے کہ دیکھنے والے بھی حیران رہ گئے۔سوشل میڈیا پرشیئر کی گئی چینی شخص کی ویڈیو وائرل ہو گئی ہے جسے اب تک لاکھوں افراد دیکھ چکے ہیں۔

لاہور(نیٹ نیوز/ایمرا نیوز) آج کل ایروبک ایکسرسائز عورتوں میں کافی مقبول ہیں۔ یہ ورزشیں صرف ہاضمہ درست کرنے میں مددگار ثابت نہیں ہوتیں بلکہ بہت سے ایسے فوائد بھی دیتی ہیں، جس سے طویل عمر پانے اور خوشگوار زندگی گزارنے میں مدد ملتی ہے۔ اگر ہاضمہ درست رہے، موٹاپا نہ آئے، پٹھے ٹھیک کام کریں اور ذہنی تناؤ وغیرہ نہ ہو تو زندگی ویسے ہی حسین لگتی ہے۔ضروری نہیں کہ ایکسر سائز صرف موٹاپا کم کرنے کے لیے ہی کی جائے، اگر آپ اسمارٹ ہیں تو بھی روزانہ کم ازکم آدھا گھنٹہ ایکسرسائز ضرور کریں تاکہ وزن بڑھنے نہ پائے اور آپ کی ”فٹنس“ بر قرار رہے۔

ویسے بھی ایکسرسائز کرنے والے بہت سی بیماریوں سے محفوظ رہتے ہیں، خاص طور پر یوگا میں تو مکمل میڈیکیشن (Medication) موجود ہے۔ ایکسرسائز کرتے وقت جب آپ ناک سے سانس لے کر منہ کے ذریعے باہر نکالتی ہیں یعنیExhaleکرتی ہیں تو یہ عمل خون کی صفائی میں مدد کرتا ہے اور گردوں کے ذریعے زہریلے مادوں کا اخراج ہوتا ہے۔ دیکھا جائے تو یوگا اور ایروبکس وغیرہ کسی ”میڈیکل ٹریٹمنٹ“ سے کم نہیں۔ وہ تمام ورزشیں جو فرش پر بیٹھ کر یا لیٹ کر کی جاتی ہیں، جسم کے نچلے حصے مثلاً پیٹ، تھائیز (ران) وغیرہ کو شیپ میں لانے کیلئے اور کیلوریز کم کرنے میں معاون ہوتی ہیں اورجو ورزشیں کھڑے ہو کرکی جاتی ہیں وہ کندھوں ، بازوؤں اور کمر کے لئے بہترین ہوتی ہیں۔ ایروبکس میں زُمباایروبکس (Zumba Aerobics) ایک نئی چیز ہے، جو ڈانس کے اسٹیپس (Steps) پر مبنی ہے۔ بہت تیزی سے کی جانے والی ”زُمباایروبکس“ خاص طور پر پیٹ اور تھائز کے لیے ہے۔ اس ایکسرسائز کے کرنے سے چونکہ کیلوریز فوری طور پر استعمال (Burn) ہو جاتی ہیں، اس لئے وزن بھی تیزی سے کم ہوتا ہے۔ورزش صرف عضلات کو مضبوط بنانے اور امراض قلب سے محفوظ رکھنے کاکام ہی نہیں کرتی بلکہ سائنس یہ بھی بتاتی ہے کہ اس سے دماغی قوت میں بھی اضافہ ہوتا ہے۔ ورزش کے حوالے سے ایک نئی سائنسی تحقیق نے مختلف اعصابی امراض مثلاً الزائمر سے نمٹنے کی امید بھی پیدا کردی ہے۔ چارلس بلمین ایک نیورو سائنٹسٹ ہیں، انھوں نے اپنے تجربے سے ثابت کیا ہے کہ ورزش نہ صرف عضلات بلکہ دماغ کے لیے بھی مفید ہے۔ انھوں نے اسکول کے259طلباء کو ایک تجربے سے گزارا، ان کا ’باڈی ماس انڈیکس‘ معلوم کیا اور پھر روزمرہ کی ورزشیں شروع کرادیں۔ ان ورزشوں میں بہت سی ایروبک ایکسرسائز بھی شامل تھیں۔ دیکھا یہ گیا کہ جو بچے جسمانی طور پر سب سے زیادہ فٹ تھے ان کے دماغ بھی سب سے زیادہ اچھے تھے۔ اس تحقیق میں سماجی اور اقتصادی عوامل کو بھی پیش نظر رکھا گیا۔ بلمین کا کہنا ہے کہ غالباً صرف سخت ورزش نے ہی طالب علموں کی ذہنی صلاحیت کو بڑھا دیا۔ حالیہ دنوں کے دوران سائنس نے یہ بتایا ہے کہ ورزش لوگوں کو زیادہ اسمارٹ بنادیتی ہے۔آئیں کچھ ایروبک ایکسرسائز کے بارے میں جانتے ہیں کہ کون سی ایکسرسائز آپ کے لیے مفید ثابت ہوسکتی ہے۔

لاہور(نیٹ نیوز/ایمرا نیوز) پاکستان عوامی تحریک کے سربراہ ڈاکٹر طاہر القادری مختصر تنظیمی دورے پر بیرون ملک روانہ ہو گئے۔لاہور کے علامہ اقبال انٹر نیشنل ایئرپورٹ سے عوامی تحریک کے سربراہ ڈاکٹر طاہر القادری روانہ ہوئے ہیں۔وہ اپنے تنظیمی دورے کے سلسلے میں ٹی کے 713 کی غیر ملکی پرواز سے روانہ ہوئے ہیں جو براستہ ترکی کینیڈا جائے گی۔ڈاکٹر طاہر القادری اگلے ماہ فروری کے آخری ہفتے میں وطن واپس پہنچیں گے۔

واشنگٹن(نیٹ نیوز/ایمرا نیوز) صدر ٹرمپ کے سابق وکیل نے کہا ہے کہ 2016 کے انتخابات کے سلسلے میں کی گئی دھاندلی ٹرمپ کے حکم پر کی اور اس پر شدید پچھتاوا ہے۔سوشل میڈیا پر جاری بیان میں مائیک کوہن کا کہنا تھا کہ الیکشن دھاندلی پر جیسا واشنگٹن پوسٹ نے لکھا وہ میں نے صدر ٹرمپ کے حکم اور ان کے مفاد کے لیے کیا۔مائیک کوہن نے بتایا کہ مجھے ایک ایسے شخص کی اندھی تقلید کرنے پر سخت پچھتاوا ہے جو وفاداری کے قابل نہیں تھا۔واشنگٹن پوسٹ نے خبر دی تھی کہ مائیکل کوہن نے آن لائن عوامی رائے کا ڈیٹا صدر ٹرمپ کے حق میں کرنے کے لیے ایک آن لائن فرم کو پیسے دیئے تھے.

کراچی(نیٹ نیوز/ایمرا نیوز) کراچی میں واقع ہل پارک میں تجاوزات کے خلاف کارروائی جاری ہے۔میٹروپولٹن کمشنر کا کہنا ہے کہ ہل پارک 62 ایکڑ رقبے پر پھیلا ہوا ہے، جس میں موجود تمام تجاوزات کو صاف کریں گے۔میٹروپولٹن کمشنر نے مزید کہا کہ کراچی کے ہل پارک میں مختلف نوعیت کی تجاوزات قائم ہیں جن میں ریسٹورنٹ بھی شامل ہیں۔انہوں نے اس آپریشن کے متعلق یہ بھی بتایا کہ ہل پارک کے عقبی حصے پر بھی تجاوزات قائم ہیں جنہیں صاف کیا جا رہا ہے۔

سڈنی(نیٹ نیوز/ایمرا نیوز) آسٹریلیا میں دوسری عالمی جنگ کے بعد تاریخ کی بدترین ہیٹ ویو دیکھنے میں آئی،گرمی کا تقریباً 80 سالہ ریکارڈ ٹوٹ گیا ۔1939 کے بعد سڈنی میں ریکارڈ کی جانے والی یہ سب سے زیادہ گرمی ہے۔برطانوی میڈیا کے مطابق آسٹریلیا کے کئی علاقوں میں پارہ 50 ڈگری سینٹی گریڈ تک پہنچ گیا،گرمی کی شدت سے سڑکیں پگھلنے لگیں جبکہ کھیلوں کے میدانوں میں بچوں کے لئے تپش سے جھلسنے کا خطرہ ہے۔

سڈنی کے مغربی علاقے پینرتھ میں سورج کی تپش سب سے زیادہ رہی جبکہ محکمہ موسمیات کی جانب سے شہریوں کو غیر ضروری طور پر گھروں سے نہ نکلنے کی ہدایت کی گئی۔اس کے علاوہ شدید گرمی کی وجہ سے آگ کی متعدد وارننگز جاری کی گئیں جبکہ پورے شہر میں کہیں بھی آگ جلانے پر مکمل پابندی عائد کردی گئی۔محکمہ موسمیات کے مطابق نیو ساؤتھ ویلز میں اوسط درجہ حرارت 41 ڈگری سینٹی گریڈ رہا۔محکمہ موسمیات نے گرمی کی ایک اور لہر کے بارے میں خبردار کردیا۔حکومت کی جانب سے بے گھر لوگوں کو محفوظ مقامات پر منتقل کیا گیا جبکہ ہیٹ ویو سے بچاؤ کے لیے اسپتالوں میں خصوصی ڈیسک بھی قائم کردیے گئے ہیں۔

چنیوٹ(نیٹ نیوز/ایمرا نیوز) پنجاب کے شہر چنیوٹ میں لاہور روڈ پر ایک ڈمپر نے آئل ٹینکر کو ٹکر مار دی، ٹکر لگنے سے فرنس آئل سے بھرا ہوا آئل ٹینکر اُلٹ گیا۔ریسکیو 1122 کےمطابق حادثہ ہرسہ شیخ کے قریب پیش آیا، جہاں ڈمپر کی ٹکر سے فرنس آئل سے بھرا آئل ٹینکر اُلٹ گیا۔ریسکیو ذرائع نے بتایا ہے کہ آئل ٹینکر میں 50 ہزار لیٹر فرنس آئل موجود تھا،آئل ٹینکر اُلٹنے سے 20 ہزار لیٹر سے زائد فرنس آئل بہہ چکا ہے۔ریسکیو ٹیم کی جانب سے جائے حادثہ کو سیل کر دیا گیا ہے تاکہ کوئی یہاں سے گزر نہ سکے جبکہ امدادی کارروائی کی جا رہی ہے۔

لاہور(سپورٹس ڈیسک/ایمرا نیوز) سابق ٹیسٹ فاسٹ بولر اور ڈائریکٹر لاہور قلندرز عاقب جاوید کا کہنا ہے کہ ٹیسٹ سیریز میں ٹی ٹوئنٹی کی ٹیم کھلائی گئی اس لیے شکست ہوئی۔میڈیا سے گفتگو کرتے ہوئے اُن کا مزیدکہنا ہے کہ ون ڈے سیریز میں پاکستان ٹیم کے پاس جیتنے کا موقع ہے لیکن مائنڈ سیٹ تبدیل کرنا ہو گا۔سابق ٹیسٹ کرکٹر نے کہا کہ مائنڈ سیٹ تبدیل کریں، ون ڈے سیریز میں بہت چانس ہے،ون ڈے سیریز میں پاکستان ٹیم بہتر کارکردگی دکھائے گی،ٹیسٹ سیریز میں ٹیم کی کارکردگی توقعات کے مطابق رہی۔انہوں نے کہا کہ ٹی ٹوئنٹی کی ٹیم کو ٹیسٹ کھلا ئیں گے تو نتیجہ تین صفر ہی ہو گا، پاکستانی ٹیم کے پاس ایسا کوئی بولر نہیں جو بیٹسمینوں پر دباؤ ڈال سکے۔عاقب جاوید نے مزید کہا کہ سرفراز احمد سوچ رہا ہے کہ اسے کپتان ہونا بھی چاہیے یا نہیں، چیئرمین کو یہ کہنے کی ضرورت نہیں ہونی چاہیے کہ کپتان کو بیک کرتے ہیں،پاکستان ٹیم میں ایک جیسے بولر شامل کر لیے گئے ہیں۔