Tag china

ساہیوال(ایمرا نیوز آن لائن)سانحہ ساہیوال کی جوڈیشل انکوائری کیلئے سینئر سول جج شکیل گورایہ کو مقرر کردیا گیا ،اس ضمن میں سینئر سول عدالت نے تمام فریقین کو نوٹس جاری کردیئے ہیں ۔تفصیلات کے مطابق چیف جسٹس لاہور ہائیکورٹ جسٹس سردار شمیم خان نے گزشتہ روز سانحہ ساہیوال کی جوڈیشل انکوائری کا حکم دیا تھااورسیشن جج ساہیوال کو ایک ماہ میں رپورٹ پیش کرنے کا حکم دیا تھا،جس پر سانحہ ساہیوال کی جوڈیشل انکوائری کیلئے سینئر سول جج شکیل گورایہ کو مقرر کردیاگیا،سینئر سول جج نے تمام فریقین کو نوٹس جاری کردیئے۔سینئر سول جج شکیل گورایہ نے کہا کہ تمام فریق 18 فروری کو عدالت میں پیش ہوں۔

یہ قیدی غیر قانونی طور پر یہاں پہنچے،نتظامی امور کی انجام دہی میں رکاوٹ ہو رہی ہے ،ترک محکمہ داخلہ کا وزیراعظم عمران خان کو خط
انقرہ(ایمرا نیوز آ ن لائن) ترکی نے غیر قانونی طور پر مقیم 50 ہزار پاکستانیوں کو اپنے داخلی استحکام کیلئے خطرہ قرار دیتے ہوئے ملک بدر کرنے کا فیصلہ کیا ہے۔ خبر رساں ادارے کے مطابق ترک وزارت خارجہ نے ایک خط کے ذریعے وزیراعظم پاکستان عمران خان کو حکومت کے اس فیصلے سے مطلع کردیا ہے کہ ترکی جلد غیر قانونی طور پر مقیم 50 ہزار پاکستانیوں کو اپنے ملک سے بے دخل کردے گا۔ترک وزیر خارجہ نے پاکستان بھیجے گئے خط میں انکشاف کیا ہے کہ ملک بھر کی جیلوں میں 50 ہزار سے زائد پاکستانی قید ہیں ،جن کے پاس سفری دستاویزات نہیں ہیں اور یہ سب غیر قانونی طور پر ترکی پہنچے تھے کچھ کو عدالتوں نے سزائیں بھی سنائی ہیں۔خط کے متن میں مزید کہا گیا ہے کہ اتنی بڑی تعداد کو جیلوں میں رکھنا ممکن نہیں رہا اور ان قیدیوں کی وجہ سے انتظامی امور کی انجام دہی میں رکاوٹ ہو رہی ہے اس لیے حکومت نے ان افراد کو ڈی پورٹ کرنے کا فیصلہ کیا ہے۔

قصور( ایمرا نیوزآن لائن)قصور میں مکان کی چھت گرنے سے ملبے تک دب کر4 افراد جاں بحق ہو گئے۔تفصیلات کے مطابق قصور کے علاقے نور پور میں گھر کی چھت گر گئی ،جس پر لوگوں نے اپنی مدد آپ کے تحت امدادی کاموں میں حصہ لیا۔ذرائع کے مطابق فون کرنے کے باوجود ریسکیوٹیمیں ڈیڑھ گھنٹہ کی تاخیر سے جائے وقوعہ پرپہنچی،ملبے کے نیچے دب کر میاں بیوی بچوں سمیت 4 افراد جاں بحق ہو گئے۔ تاہم بعدازاں ریسکیو اہلکاروں نے جاں بحق افراد کی لاشوں کو ڈی ایچ کیو ہسپتال منتقل کردیا۔

حکومت نے کرائی ہوئی یقین دہانی پر عملدرآمد نہیں کیا ‘ ینگ ڈاکٹرزایسوسی ایشن
کراچی (ایمرا نیوز آن لائن)شہر قائد سمیت سندھ بھر میں چوتھے روز بھی ینگ ڈاکٹرز کی ہڑتال اور احتجاج جاری رہا ،تنخواہوں اور مراعات میں اضافے کے لیے صوبے بھر کے سرکاری اسپتالوں میں ینگ ڈاکٹرز کی ہڑتال اور احتجاج چوتھے روز میں داخل ہوگیا ۔کراچی کے سول، جناح اور این آئی سی ایچ سمیت مختلف اسپتالوں میں او پی ڈیز اور وارڈز میں کام بند رہا ،جس کے باعث علاج و معالجے کے لیے آنے والے مریضوں کو شدید مشکلات کا سامنا ہے اور مریض نجی اسپتالوں کا رخ کرنے پر مجبور ہیں۔ٹھٹھہ اور جیکب آباد سمیت صوبے کے دیگر اضلاع میں بھی ینگ ڈاکٹرز اپنےمطالبات کے حق میں احتجاج کررہے ہیں جس کے باعث اسپتالوں میں کام بند ہے۔ینگ ڈاکٹرز ایسوسی ایشن کا مو¿قف ہے کہ سندھ حکومت نے مطالبات تسلیم کرنے کی یقین دہانی کرائی تھی لیکن اس پر عملدرآمد نہیں ہوا اور اس حوالے سے کسی قسم کا کوئی نوٹی فکیشن بھی جاری نہیں کیا گیا ہے۔

جنگ میں ہلاک ہونے والے روسی فوجیوں کی یادگار پر پھول چڑھائے گئے
لوگ اس جنگ سے متعلق شرمندگی محسوس کرتے ہیں‘میری اولاد سمیت عام عوام اس میں کوئی دلچسپی نہیں: سابق فوجی اینڈری گوسیو
ماسکو(ایمرا نیوز آن لائن) افغان جنگ میں حصہ لینے والے سینکڑوں سابق روسی فوجیوں نے افغانستان میں خونزیر جنگ کے بعد روسی افواج کی واپسی کی 30 سالہ یاد منائی۔فرانسیسی خبررساں ادارے کے مطابق اس ضمن میں انہوں نے ایک بینڈ کے ہمراہ گہرے سبز رنگ کی وردیاں پہن کر ایک دہائی تک جاری رہنے والی جنگ کی یاد میں مارچ پاسٹ کیا ،جس کے دوران اور اس دوران ایک بینر بھی آویزاں کر رکھا تھا جس پر درج تھا کہ ہم نے مادرِ وطن کے احکامات کی تعمیل کی۔و اضح رہے کہ کابل حکومت کی طالبان سے لڑائی میں روسی افواج حکومت افغانستان کی کمیونسٹ حکومت کی مدد کو پہنچی تھی اور اپنے 14 ہزار فوجی جوان گنوا بیٹھی، اس تنازع نے سوویت یونین کے خاتمے میں اہم کردار ادا کیا تھا۔افغانستان میں جنگ کا حصہ بننے والے ایک سابق فوجی اینڈری گوسیو کا کہنا تھا کہ لوگ اس جنگ کے حوالے سے شرمندگی محسوس کرتے ہیں، جیسا کہ یہ صرف ہماری جنگ تھی جبکہ عام عوام کی اس میں کوئی دلچسپی نہیں ۔ ان کا کہنا تھا کہ حتیٰ کہ میری اولادوں کو بھی دلچسپی نہیں ، روسی صدر ولادی میر پیوٹن کے دور میں اس جنگ کو صحیح ثابت کرنے کے لیے حالیہ سالوں میں کچھ کوششیں ضرور کی گئیں ،جن میں مشرق وسطیٰ میں ماسکو کی عسکری خارجہ پالیسی اور مغرب کےساتھ بڑھتی خلیج شامل ہے۔اس ضمن میں روسی رائے عامہ پر تحقیق کرنے والے ادارے ’ڈبلیو سی آئی او ایم‘ کے شائع کردہ جائزے کے مطابق 42 فیصد روسی شہریوں کا ماننا ہے کہ افغانستان میں مداخلت غلط فیصلہ تھا جبکہ 31 فیصد سمجھتے ہیں کہ ایسا کرنا ضروری تھا۔سروے میں جنگ کی حمایت کرنے والے زیادہ افراد وہ ہیں جو اس طویل جنگ کے خاتمے کے بعد پیدا ہوئے۔اس موقع پر روسی وزارت دفاع کی جانب سے افغان جنگ کے حوالے سے متعدد ایسی دستاویزات بھی شائع کی گئیں جہیں ماضی میں خفیہ رکھا گیا تھا۔دستاویزات کے مطابق افغانستان میں مداخلت کا مقصد ’افغان فوج کو جنگ میں معانت فراہم کرنا تھا تا کہ وہ مخالفین سے لڑ سکیں۔تاہم حقیقی صورتحال انتہائی پیچیدہ ہوگئی اور سوویت یونین کو حقیقی جنگ کا حصہ بننا پڑا۔واضح رہے کہ روس نے 15 فروری 1989 کو روس سے اپنا آخری فوجی دستہ واپس بلایا تھا، یہ فیصلہ میخائل گورباچوف نے کیا تھا جو اس وقت کمیونسٹ پارٹی کے سیکریٹری تھے اور اسے آج بھی سراہا جاتا ہے۔اس حوالے سے دیے گئے ایک انٹرویو میں گورباچوف نے کہا تھا کہ ’فوجی انخلا کا فیصلہ‘ ان بہت سے فیصلوں کے بعد کیا گیا جس میں سوویت قیادت نے اسے بات سے اتفاق کیا تھا کہ ’افغان مسئلے کا عسکری حل ممکن نہیں‘۔دسمبر 1989 میں سوویت رہنماو¿ں نے ایک قراردار منظور کی جس میں کہا گیا تھا کہ افغانستان میں مداخلت کا فیصلہ ’سیاسی اور اخلاقی مذمت کے لائق ہے‘۔موجودہ پارلیمنٹ کے ایک رکن نے گزشتہ سال مذکورہ بالا قرار داد کو مسترد کرنے کی تجویز دی تھی۔افغانستان سے فوجی انخلا کے 30 سال مکمل ہونے پر صدر ولادی میر پیوٹن نے سابق فوجی ولادیمیر کوفتن کو روس کے سب سے بڑے اعزاز ’ہیروز آف رشیا‘ سے نوازا۔وہ اس وقت اسپیشل فورس کمانڈر تھے جنہوں نے1987 میں قندھار میں ایک ایسا اسٹنگر اینٹی کرافٹ میزائل پکڑا تھا جس پر امریکی دستاویزات درج تھیں، جو افغان جنگ میں امریکا کی مجاہدین کو معاونت فراہم کرنے کا پہلا دستاویزی ثبوت ثابت ہوا۔#/s#

عدالتوں کے مثالی فیصلوں سے کہیں نہ کہیں شرمندگی محسوس ہوتی ہے ‘ احترام میں کیا اور کرتے رہیں گے :لیگی رہنما ،گفتگو
لاہور (ایمرا نیوز آن لائن)پاکستان مسلم لیگ (ن) کے سینئر رہنما احسن اقبال نے کہا ہے کہ قومی اسمبلی میں اپوزیشن لیڈر شہباز شریف کی رہائی سے ان کےخلاف ہونے والی سازش بے نقاب ہوگئی۔ہفتہ کو نجی ٹی وی سے گفتگو کرتے ہوئے سابق وفاقی وزیر داخلہ اور مرکزی رہنما پاکستان مسلم لیگ (ن)احسن اقبال نے کہا کہ اس سازش کا مقصد شہباز شریف اور پوری اپوزیشن کو دباو¿ میں رکھنا تھا تاکہ وہ اپنی آواز بلند نہ کرے سکیں۔انہوں نے کہا کہ اگرچہ ماضی میں عدالتوں نے ہمارے خلاف فیصلے دیے لیکن وہی عدالتیں جب انہیں فیصلوں کی مثالیں دیتی ہیں تو کہیں نہ کہیں انہیں شرمندگی کا بھی سامنا کرنا پڑتا ہے، لہذا ہم سمجھتے ہیں کہ ہمیں ضرور انصاف ملے گا۔لیگی رہنما نے کہا کہ مسلم لیگ (ن) کےخلاف جو کچھ ہوا ا±س کے پیچھے کچھ سیاسی مقاصد بھی تھے ،جس کے لیے ہماری جماعت کو مسلسل نشانہ بنایا گیا۔انہوں نے کہا کہ شہباز شریف کی ضمانت منظور ہونے اور ان کی رہائی سے یہ بات ثابت ہوگئی کہ ان کےخلاف یہ کیس بلکل بے بنیاد تھا۔احسن اقبال کا کہنا تھا کہ انہیں امید ہے کہ سابق وزیراعظم نواز شریف کو بھی جلد ریلیف ملے گا۔انہوں نے کہا کہ جو لوگ ڈیل یا ڈھیل کی باتیں کررہے تھے انہیں علم تھا کہ نواز شریف اور ان کے بھائی شہباز شریف کےخلاف کیسز انتہائی کمزور ہیں اور ایسے بیانات کا مقصد ہی صرف یہ تھا کہ کسی نہ کسی طرح عدالتوں پر دباؤ ڈال کر ہمارے خلاف فیصلے کروائے جائیں۔ لیگی رہنما کا کہنا تھا پہلے دن سے ان کی جماعت کا ایک ہی بیانیہ رہا ہے اور ہم نے عدالت کے ہر فیصلے کا احترام میں کیا اور آئندہ بھی کرتے رہیں گے۔

متعلقہ اداروں کو اکاونٹس ٹریک کرکے انہیں سمجھانے کی ہدایت اور اکاونٹ بلاک کرنے کا حکم
اسلام آباد(ایمرا نیوز آن لائن) وزارت داخلہ نے وی وی آئی پی وفد کی پاکستان آمد کےخلاف سوشل میڈیا مہم چلانے میں ملوث 5 تنظیموں کی نشاندہی کردی۔وزارت کی جانب سے تمام صوبائی چیف سیکریٹریز، انسپکٹرز جنرل پولیس، چیئرمین پاکستان ٹیلی کمیونکیشن اتھارٹی (پی ٹی اے) اور ڈائریکٹر جنرل فیڈرل انویسٹی گیشن ایجنسی (ایف آئی اے) کو بھیجے گئے مراسلے میں ہدایت کی گئی ہے کہ وہ ان اکاؤنٹس کو ٹریک کریں اور ان تظیموں کو سمجھائیں کہ وفد کےخلاف منفی پروپگینڈے سے باز رہیں۔ان تنظمیوں کی نشاندہی تعمیرِ وطن، امامیہ اسٹوڈنٹس آرگنائزیشن طالبات کراچی، امامیہ اسٹوڈنٹس آرگنائزیشن پشاور، تحریکِ حمایتِ مظلومینِ جہانِ پاکستان اور شیعہ وحدت کے طور پر ہوئی ہے۔یہ مراسلہ جو سوشل میڈیا پر بھی گردش کرتا رہا ہے، اس میں کہا گیا کہ زیادہ تر فزیکل اور ڈیجیٹل سرگرمیاں کراچی سے ہورہی تھیں، ساتھ میں ہی یہ بھی بتایا گیا کہ اب تک 19 فیس بک پیجز اور 20 ٹوئٹر یو آر ایلز کو بلاک کرنے کے لیے کام کا آغاز کردیا گیا۔مراسلے میں متعلقہ انتظامیہ سے کہا گیا کہ وہ فوری طور پر ان اکاؤنٹس کو بلاک کریں۔اس حوالے سے پی ٹی اے اور ایف آئی اے کے سائبر کرائم ونگ کو کہا گیا کہ وہ ان لوگوں کو ٹریک کریں اور اکاو¿نٹس بلاک کریں۔مراسلے میں یہ بھی کہا گیا کہ ’وی وی آئی پی وفد کے پاکستان کے اعلیٰ سطح کے دورے سے متعلق مبینہ طور پر منفی تصور پیش کرنے کے لیے سوشل میڈیا پر ایک مہم چلائی جارہی ہے اور مخصوص مقاصد، مذموم مفادات یا ایجنڈے کے لیے وی وی آئی پی وفد یا پاکستان حکومت کو بدنام کیا جارہا‘۔اس تمام معاملے پر جب وزارت داخلہ کے سینئر حکام سے رابطہ کیا گیا تو انہوں نے اس مراسلے کی تصدیق یا تردید سے انکار کیا۔

پاکستانی ٹیم اعداد و شمار کا جائزہ لے کر بھارتی حکام کو جواب دے گی
لاہور(آن لائن)بھارت کی جانب سے پاکستانی وفد کو اپنے ہائیڈرو پاور منصوبوں کو معائنہ کروانے کے بعد سندھ طاس معاہدے کے تحت اب بھارت نے پاکستان کو دریا کے بہاؤ پر بنائے جانے والے منصوبوں کے اعداد و شمار بھی فراہم کردیے ہیں ۔میڈیا رپورٹس کے مطابق کچھ عرصہ قبل بھارت نے پاکستانی عہدیداروں کو بلتی کلاں، کلاروس، اور تماشا ہائیڈرو پاور منصوبوں کے اعداد و شمار فراہم کیے تھے ،جنہیں دریائے جہلم کے بلتی کلاں نالے اور کلاروس نالے اور دریائے سندھ کے تماشا نامی ذیلی اخراج پر بنانے کا منصوبہ ہے۔اس حوالے سے وفاقی سیکریٹری برائے آبی ذخائر خواجہ شمائل نے بتایا کہ ’بھارت کی جانب سے مستقبل قریب میں تعمیر کیے جانے والے منصوبوں کے اعداد و شمار پاکستان کو فراہم کیے جانا ایک اہم پیشرفت ہے۔ان کا مزید کہنا تھا کہ ہماری ٹیم ان منصوبوں کے اعداد و شمار کا جائزہ لے کر بھارتی حکام کو جواب دے گی۔دوسری جانب پاکستانی کمشنر برائے سندھ طاس سید مہر علی شاہ نے بتایا کہ ’سندھ طاس معاہدے کے تحت کسی بھی ہائیڈرو پاور منصوبے کا خاکہ فراہم کرنا ضروری ہے، آخری مرتبہ بھارت نے 2013 میں اس طرح کے اعداد و شمار فراہم کیے تھے، لیکن اس کے بعد نہیں کیے۔ان کا کہنا تھا کہ اس کے باوجود ہم اس بات کو سراہتے ہیں کہ ہماری جانب سے معلومات طلب کرنے پر انہوں نے ہائیڈرو پاور کے ان 3 چھوٹے منصوبے کے اعداد و شمار ہمیں فراہم کیے۔ان کا کہنا تھا کہ اگر معاہدے کے مطابق اس طرح کے منصوبوں کے اعداد و شمار فراہم کردیے جائیں تو کئی مسائل منصوبوں کی سطح پر ہی حل ہوسکتے ہیں۔واضح رہے کہ پاکستان کا 3 رکنی وفد بھارت میں دریائے چناب پر تعمیر کیے جانے والے 4 ہائیڈرو پاور منصوبوں کا جائزہ لے کر یکم فروری کو وطن واپس پہنچا تھا۔وفد نے جن ہائیڈرو پاور منصوبوں کا معائنہ کیا تھا ان میں ایک ہزار میگا واٹ کا پکال دل، 48 میگا واٹ کا لوئر کلنی، 850 میگا واٹ کا راٹلے اور 900 میگا واٹ کا بگھلیار ڈیم منصوبہ شامل ہے۔اسلام آباد نے دونوں ممالک کے درمیان ہونے والے سندھ طاس معاہدے کی پاسداری کے لیے اس دورے کو خوش آئند قرار دیا تھا۔اس کے ساتھ انہیں اس بات کا بھی یقین ہے کہ بھارت کی جانب سے فراہم کردہ اعداد و شمار سے دونوں ممالک کے درمیان آبی تنازعات کو حل کرنے میں مدد ملے گی۔

کراچی(ایمرا نیوزآن لائن رپورٹ اظہر محمود سے) کراچی پولیس نے نیو کراچی انڈسٹریل ایریا،بھینس کالونی موڑ اور چاکیواڑہ سے جعلی پولیس اہلکار سمیت11 ملزمان کو گرفتار کرلیا۔نیو کراچی انڈسٹریل ایریا میں پولیس مقابلے کے بعد جعلی پولیس اہلکار گرفتار جبکہ ملزم کا ساتھی فرار ہوگیا، گرفتار جعلی پولیس اہلکار نسیم خان کے قبضے سے پولیس کی وردی، جعلی پولیس کارڈ، کراچی آوان بم،اسلحہ ،نقد رقم،موبائل فون اور چھینے ہوئے پرس بھی ملے ہیں۔گرفتار ملزم پولیس کی وردی میں ساتھیوں سے لوٹ مار کرتے تھے۔جعلی اہلکار نسیم خان پر سہراب گوٹھ اورسائٹ سپر ہائی وے تھانے میں متعدد مقدمات درج ہیں۔شاہ لطیف پولیس نے بھینس کالونی موڑ کےقریب سےاسٹریٹ کرائم میں ملوث ملزم نوید کو گرفتار کرلیا، گرفتار اسٹریٹ کرمنل سے غیرقانونی اسلحہ اور گولیاں برآمدکی گئی ہیں ، ملزم کیخلاف مقدمہ درج کرلیا گیا ہے، جبکہ برآمد کیا گیا اسلحہ فارنزک کیلئے بھیجا جائیگا۔دوسری جانب لیاری کے علاقے چاکیواڑہ سے پولیس نے جوئے کے اڈے پر چھاپہ مار کر9جواری گرفتار کرلئے۔جوئے کا اڈہ بدنام زمانہ لیاری گینگ وار سربراہ عزیر بلوچ کے ساتھی عزیز عرف چاچا کا تھا، چھاپے کے دوران عزیز عرف چاچا فرار ہوگیا، ملزم رینجرز اور پولیس کے ہاتھوں گرفتار ہوکر متعدد بار جیل چا چکا ہے۔

لاہور(ایمرا نیوزآن لائن رپورٹ عمر خالد سے) لاہور سے شیخوپورہ تک موٹر وے دھند کی وجہ سے بند ہے۔موٹروے پولیس کے ترجمان نے موٹر وے پر سفر کرنے والے شہریوں کو ہدایت کی ہے کہ سفر شروع کرنے سے پہلے ہیلپ لائن 130 سے مدد لیں۔ترجمان موٹر وے پولیس کا مزید کہنا ہے کہ موٹر وے پر سفر کرنے والوں کے لیے فون ایپلیکیشن ’ این ایچ ایم پی ہمسفر‘ میں تازہ ترین ٹریول ایڈوائزری جاری کر دی گئی ہے۔ترجمان موٹروے پولیس نے یہ بھی کہا ہے کہ سفر شروع کرنے سے پہلے اور دوران سفر ایپ کا استعمال مفید ثابت ہوسکتا ہے۔