Tag london

لاہور(ایمرا نیوز)

Eskil Ronningsbakken ناروے سے ایک شاندار فنکار ہے جو ناقابل یقین موت کے دفاعی پرفارمنس کے لیےدنیا بھر میں سفر کرتا ہے. وہ خطرناک جگائوں پر اپنا توازن برقرار رکھنے کا شاندار مظاہرہ کرتا ہے. وہ پانچ سال کی عمر سے اس خطرناک آرٹ کا مظاہرہ کررہا ہے اور لوگوں کے ہوش اُڑا رہا ہے.

(سپورٹس ڈیسک/ایمرا نیوز)
ڈبلیو ڈبلیو ای کا ایک مشہور ریسلر samoa joe جو اپنے بھاری جسم اور اپنی ریسلنگ کی وجہ سے پوری دنیا میں مشہور ہے لیکن کیا آپ کو پتا ہے کہ ایک وقت ایسا بھی تھا کہ جب samoa joe اپنے اس بھاری جسم کی وجہ بہت پریشان تھا اور اس کی وجہ سے یہ ڈبلیو ڈبلیو ای میں ریسلنگ نہیں کرپایا تھا.اور اس کی injuries بھی بہت بڑی ہوتی ہیں.جس کی وجہ سے بہت سے ریسلنگ ادارے ان سے خوش نہیں تھے.

جو کو 2010 میں ٹی این اے کی طرف سے معطل کر دیا گیا تھا کیونکہ وہ یا تو ناپسندیدہ تھا یا جسمانی طور پر اس کا وزن ریسلنگ کے قابل نہیں تھا. جب وہ ٹی این اے میں ریسلنگ کرتا تھا تو اس کے ساتھ بہت بُری چیزیں ہوئیں.جو کو اپنے کپڑے بھی بلدلنے پڑے جس کی وجہ سے وہ بہت مشہور تھا جو وہ شارٹس اور پتلون پہنتے ہیں. اب وہ ڈبلیو ای ای میں آ چکا ہے، شاید یہ ممکن ہے کہ ان کو اپنا وزن کم کرنے کے لیے کسی Performance Centre بھیجا گیا ہو، کیونکہ جب انہوں نے ڈبلیو ڈبلیو ای میں debut کیا تھا تو وہ بہت صییح لگ رہے تھے اور ان کا جسم بھی پہلے سے کافی مضبوط ہوگیا تھا،اور اب samoa joe ڈبلیو ڈبلیو ای کا ایک بہت بڑا نام بن چکا ہے.

الریاض:(نیٹ نیوز/ایمرا نیوز) سعودی فرمانروا شاہ سلمان بن عبدالعزیز نے کابینہ میں بڑے پیمانے پرتبدیلیاں کردیں۔سعودی شاہی محل سے جاری بیان کے مطابق سعودی فرمانروا شاہ سلمان بن عبدالعزیزنے کابینہ میں بڑے پیمانے پرتبدیلیاں کرتے ہوئے وزیر خارجہ عادل الجبیر کو عہدے سے ہٹا دیا گیا، ان کی جگہ وزیرخزانہ ابراہیم ال اصاف کو وزیرخارجہ مقررکردیا گیا ہے جب کہ عادل الجبیر کو وزارت خارجہ میں مشیر مقررکیا گیا ہے۔شہزادہ عبداللہ کونیشنل گارڈز کا سربراہ ، جنرل خالد بن کرار کو سکیورٹی چیف جبکہ مساعد ال عبان کو نیشنل سکیورٹی ایڈوائزر کا عہدہ دیا گیا ہے جب کہ ترکی الشبانہ وزیراطلاعات اور حمد آل الشیخ کو وزیر تعلیم کا عہدہ دیا گیا ہے۔ عسیر کے گورنر فیصل بن خالد کو سبک دوش کر کے ان کی جگہ ترکی بن طلال کو نیا گورنر مقررکیا گیا ہے۔شاہی فرمان میں کہا گیا ہے کہ کابینہ میں تبدیلیاں ملکی مفاد کی خاطر کی گئی ہیں۔

ممبئی:(شوبز ڈیسک/ایمرا نیوز) کامیڈین کپل شرما نے اپنی شادی کی ویڈیو یوٹیوب پر جاری کردی جو دیکھتے ہی دیکھتے شائقین کی توجہ کا مرکزبن گئی۔رواں ماہ 12 دسمبرکو شادی کے بندھن میں بندھنے والے بھارت کے مقبول مزاحیہ اداکارکپل شرما نے اپنی شادی کی ویڈیویوٹیوب سمیت مختلف سوشل نیٹ ورکنگ ویب سائٹس پرجاری کردی، جو دیکھتے ہی دیکھتے وائرل ہوگئی۔

ویڈیو پر تبصرے کرتے ہوئے کپل کے چاہنے والوں نے اپنے پسندیدہ اسٹارکو نئی زندگی کی مبارکباد دینے کے ساتھ ہمیشہ خوش رہنے کی دعا دی۔ایک منٹ 17 سیکنڈ کی ویڈیو میں کپل اور گینی چھاتراتھ شادی کی مختلف رسوم ادا کرتے ہوئے نظر آرہے ہیں، دونوں دلہا دلہن کے لباس میں انتہائی خوبصورت لگ رہے ہیں جب کہ دونوں کے چہروں پر چھائی خوشی اور مسکراہٹ سے صاف ظاہر ہے کہ کپل اور گینی اپنی زندگی کی نئی شروعات کرکے انتہائی خوش ہیں۔ ویڈیو کے بیک گراؤنڈ میں پاکستان کی صوفی گلوکارہ عابدہ پروین کی آواز میں خوبصورت موسیقی نے ویڈیو کو مزید دلکش بنادیا ہے۔

لاہور:(سپورٹس ڈیسک/ایمرا نیوز) پی سی بی چیئرمین احسان مانی کی موجودگی میں شہریار خان کو پاک بھارت سیریز کی امید نظر آنے لگی۔سابق چیئرمین پی سی بی کا کہنا ہے کہ آئی سی سی کے سابق صدر بورڈ کی کمان سنبھالنے کیلیے بہترین انتخاب ہیں، ایم ڈی وسیم خان کیلیے سب سے بڑا چیلنج پرانے چہروں کو تبدیلی کیلیے آمادہ کرنا ہوگا، بورڈ آف گورنرزکو قانونی چارہ جوئی کی جانب نجم سیٹھی نے دھکیلا۔تفصیلات کے مطابق ایک غیرملکی ویب سائٹ کوانٹرویو میں شہریار خان نے کہا کہ احسان مانی کے چیئرمین پی سی بی بننے سے پاک بھارت سیریز کے امکانات میں اضافہ ہوگیا، امید ہے کہ معاملات میں بہتری آئے گی، آئی سی سی کے سابق صدر مانی بورڈ کی کمان سنبھالنے کیلیے بہترین انتخاب ہیں،وہ اپنے تجربے اور دیانتداری کے ساتھ پاکستان کرکٹ کو پیشہ ورانہ انداز میں بلندیوں کی جانب لے کر جا سکتے ہیں،انھوں نے کہا کہ ایم ڈی وسیم خان سے چند سال قبل لیسٹر میں ملاقات ہوئی تھی، وہ ایک متاثرکن شخصیت کے مالک اور اس عہدے سے انصاف کرنے کی بھرپور صلاحیتیں رکھتے ہیں۔

ڈومیسٹک کرکٹ میں سدھار لانا ان کی پہلی ترجیح ہونا چاہیے،اس ضمن میں ان کیلیے سب سے بڑا چیلنج پرانے چہروں کو قائل کرنا ہوگا کہ تبدیلی کا عمل بہتری کیلیے ہے۔شہریار خان نے کہا کہ پاکستان میں انٹرنیشنل کرکٹ کی بحالی کیلیے آسٹریلیا اور نیوزی لینڈ کو بلانے کے بجائے چھوٹے چھوٹے قدم اٹھانا زیادہ بہتر ہوگا۔بھارت سے ہرجانہ وصولی کیس میں ناکامی اور بعد ازاں اخراجات کی ادائیگی کے معاملے میں شہریار خان نے اپنے موقف کو دہراتے ہوئے نجم سیٹھی کو قصوروار ٹھہرایا۔ انھوں نے کہا کہ میں باہمی سیریز کا معاملہ بات چیت کے ذریعے حل کرنے کے حق میں تھا، نجم سیٹھی نے گورننگ بورڈ کے ارکان کو کیس دائر کرنے کے فیصلے کی حمایت پر مجبور کردیا، مجھے بھی یہ بات تسلیم کرنا پڑی، بی سی سی آئی کیخلاف کیس کی بنیاد موجود تھی لیکن موقف مضبوط نہیں تھا،بہرحال افسوس کی بات ہے کہ اس فیصلے کی پی سی بی کو بھاری قیمت ادا کرنا پڑی۔

(نیٹ نیوز/ایمرا نیوز)
امریکا کی سابق خاتون اوّل مشعل اوباما ہیلری کلنٹن پر بازی لے گئیں۔مشعل اوباما نے سابق وزیر خارجہ اور خاتون اوِل ہیلری کلنٹن سے امریکا میں سب سے زیادہ پسند کی جانے والی خاتون کا 17 سالہ اعزاز چھین لیا۔گیلپ پول کے مطابق سال 2018ء میں امریکا میں سب سے زیادہ پسند کی جانے والی خواتین میں سابق خاتون اوّل مشعل اوباما سر فہرست ہیں۔اس فہرست میں دوسرے نمبر پر امریکی اینکر اوپرا وینفرے اور تیسرے نمبر پر ہیلری کلنٹن آئی ہیں۔پسندیدہ مردوں کی فہرست میں سابق امریکی صدر بارک اوباما گیارہویں برس بھی امریکیوں کے پسندیدہ مرد ہیں، جبکہ موجودہ امریکی صدر ڈونلڈ ٹرمپ دوسرے پسندیدہ ترین امریکی مرد ہیں۔

لندن(شوبز ڈیسک/ایمرا نیوز) ایڈونچر فلموں کے دیوانوں کیلئے خوشخبری یہ ہے کہ برٹش فنٹیسی فلم دی کڈ ہو وڈ بی کنگ کا ٹریلر جاری کردیا گیا ۔جوئے کارنش کی ہدایتکاری میں بننے والی اس فلم کی کہانی اسکو ل میں زیر تعلیم ایک ایسے بچے کے گرد گھوم رہی ہے جس کے ہاتھ کنگ آرتھر کی مشہور تلوار لگ جاتی ہے تاہم جلد اسے اس بات کا انداز ہ ہوتا ہے کہ یہ تلوار اسے کسی خاص مقصدکیلئے ملی ہے۔فلم کی کاسٹ میں لوئس سیرکس،ڈین چاؤمو،ڈینائس گوف،پیٹرک اسٹیورٹ اور ربیکا فرگوسن سمیت دیگر اداکار شامل ہیں۔

نیرا پارک اور ٹم بیون کی مشترکہ پروڈیوس کردہ یہ فلم 25جنوری کو سینما گھروں کی زینت بنے گی۔

لاہور(نیٹ نیوز/ایمرا نیوز) سپریم کورٹ آف پاکستان میں ہیلتھ کیئر کمیشن کی تشکیل سے متعلق کیس کی سماعت کے دوران چیف جسٹس پاکستان میاں ثاقب نثارنے وزیر صحت پنجاب ڈاکٹر یاسمین راشد سے کہا ہے کہ ہمیں امید نہیں تھی کہ آپ سپریم کورٹ کے احکامات کی خلاف ورزی کریں گی۔چیف جسٹس پاکستان کی سربراہی میں تین رکنی بنچ نے ہیلتھ کیئر کمیشن کی تشکیل سے متعلق کیس کی سماعت کی۔جسٹس اعجاز الاحسن کا کہنا تھاکہ چیف سیکریٹری نے ہمیں تحریری جواب دیا ہے کہ انہیں اس معاملے میں مس گائیڈ کیا گیا ہے۔چیف جسٹس نے اپنے ریمارکس میں کہا کہ ہیلتھ کیئر سسٹم ڈائریکٹ زندگی کے ساتھ جڑا ہوا ہے، اس طرح کے بورڈز کو بالکل قبول نہیں کریں گے، اس بورڈ میں جید لوگوں کو ہونا چاہیے۔ایڈوکیٹ جنرل پنجاب نے کہ کہ اب جو کمیشن بنایا جائے گا اس کے نام فائنل کرنے سے قبل سپریم کورٹ سے منظوری لی جائے گی۔چیف جسٹس نے وزیر صحت یاسمین راشد سے استفسار کیا کہ آپ کو پتا ہے آپ کے اسپتالوں کی لفٹیں اور پانی کے مسائل عدالت حل کرا رہی ہے؟سپریم کورٹ آف پاکستان نے کیس کی سماعت 4 جنوری تک ملتوی کر دی۔

کراچی(نیٹ نیوز/ایمرا نیوز) شریک چیئرمین پیپلزپارٹی آصف علی زرداری کا کہنا ہے کہ اردو میں اس لئے بات کرتا ہوں کہ اسلام آباد میں گونگے، اندھے اور بہرے لوگ رہتے ہیں۔سابق صدر آصف علی زرداری خان گڑھ پہنچ گئے، وزیراعلیٰ سندھ مراد علی شاہ بھی ان کے ہمراہ بذریعہ ہیلی کاپٹر پہنچے۔خان گڑھ میں جلسےسےخطاب کر تے ہوئے آصف علی زرداری نے مزید کہا کہ ہم نے اٹھارہویں ترمیم میں صوبوں کو ان کا حق دیا۔انہوں نے سوال کیا کہ گھوٹکی کا کیا قصور ہے کہ اس کا حق اس کو نہیں ملتا ؟میری کوئلے کی کانیں نہیں ہیں، ہم نے کوئلے کی کانیں غریبوں کی ملکیت بنا دیں ۔آصف علی زرداری نے مزید کہا کہ ہم تو جیت کر بھی اپوزیشن میں رہتے ہیں، کسی چیز سے گھبرانے کی ضرورت نہیں؟سابق صدر نے یہ بھی کہا کہ بات نکلے گی تو دور تک جائے گی، آپ کی قیادت کو کوئی ڈرا سکتا ہے نہ جھکا سکتا ہے۔

(نیٹ نیوز/ایمرا نیوز)
ایک امریکی مہم جو کولن او بریڈی نے دیا اور تن تنہا برفیلے براعظم انٹارکٹیکا کو عبور کرکے تاریخ رقم کردی۔امریکی میڈیا کے مطابق اپنے پورے سفر میں کولِن نے 932 کلومیٹر کا انتہائی دشوار گزار فاصلہ 54 دنوں میں طے کیا اور ساتھ ہی ایک سلیج سے بندھے 170 کلو گرام سامان کو بھی کھینچا۔ اس کاوش پر دنیا بھر میں اس کی پذیرائی ہورہی ہے اور لوگ اس کی سخت ہمت کے قائل ہوگئے ہیں۔

33 سالہ کولن او بریڈی کا تعلق امریکی ریاست اوریگون سے ہے جو پیشے کے اعتبار سے ایتھلیٹ اور موٹیویشنل اسپیکر ہیں۔کولن او بریڈی نے کسی ساتھی یا مدد کے بغیر انٹارکٹیکا کو 54 روز میں عبور کیا اور اس دوران انہوں نے 932 میل کا فاصلہ طے کیا۔لگ بھگ ایک ہزار میل تک شدید ترین سردی اور ہر جانب برف ہی برف میں آگے بڑھتے ہوئے اس مہم جو نے ہمت اور بہادری کا مظاہرہ کیا اور موسم کی سختی برداز کرنے کے باوجود اپنی مہم جوئی مکمل کی ۔ ارادوں کے مضبوط شخص کی کامیاب مہم جوئی کو سوشل میڈیا پر بھی خوب پذیرائی ملی اور لوگ اس شخص کی ہمت پر اسے داد دیتے نظر آئے ۔وہ اس برفیلے براعظم کو تنہا عبور کرنے والے دنیا کے پہلے شخص ہیں۔اس سے قبل بھی کئی مہم جو انٹارکٹیکا کو تنہا عبور کرنے کی کوشش کرچکے ہیں، جن میں بریٹن ہنری ورسلے خاص طور پر قابل ذکر ہیں، جو 2016ء میں یہ کارنامہ انجام دینے سے صرف 30 میل کی دوری پر تھے لیکن تھکاوٹ اور پانی کی کمی کی باعث چل بسے تھے۔