Tag media92news

روس(نیٹ نیوز/ایمرا نیوز) روس اور یوکرین کے درمیان کشیدگی میں ایک بار پھر اضافہ ہو گیا، روس نے کریمیا کے قریب سمندر میں یوکرین کے 3 بحری جنگی جہاز پکڑ لیے۔روس کی ایف ایس بی سیکورٹی سروس کا کہنا ہے کہ آزوف سمندر کی طرف جانے والی آبی گزر گاہ میں یوکرین کے جنگی بحری جہاز وں کو روکنے کے لیے طاقت کا استعمال کیا گیا۔یوکرین کی نیوی نے اپنے 2چھوٹے جنگی جہاز اور ایک ٹَگ بوٹ پکڑے جانے کی تصدیق کی ہے، یوکرین کے اتحادی نیٹو اور یورپی یونین نے اس معاملے پر فریقین سے صبر و تحمل سے کام لینے کی اپیل کی ہے۔انہوں نے روس سے مطالبہ کیا ہے کہ یوکرین کو بحری راستے پر آزادانہ نقل و حرکت کی اجازت دی جائے۔

اسلام آباد(نیٹ نیوز/ایمرا نیوز)پنجاب پولیس کےایس ایس پی فیصل مختار دنیا کے 40بہترین پولیس افسران میں شامل ہوگئے ہیں۔ 30ہزار سے زائد ارکان پر مشتمل امریکی ادارہ آئی اے سی پی ہر سال دنیا کے بہترین افسران کا انتخاب کرتا ہے۔تفصیلات کے مطابق،پولیس سربراہان کی عالمی انجمن(آئی اے سی پی)نے پاکستان کے ایک سینئر پولیس افسر کو ان کی قائدانہ صلاحیتوں اور کمیونٹی خدمات کے باعث دنیا کے 40بہترین پولیس افسران میں شامل کرلیا ہے۔فیصل مختار جو کہ فی الوقت پنجاب پولیس میں ایس ایس پی کے عہدے پر فائز ہیں ، انہیں آئی اے سی پی نے نامزد کیا ہے ، جو کہ پولیس افسران کی دنیا کی سب سے بڑی اور پیشہ ور انجمن ہے۔اس ایوارڈ پروگروام کا مقصد دنیا بھر سے 40سال سے کم عمر 40پیشہ ور قانون نافذ کرنے والے افسران کو شناخت کرنا ہے ، جنہوں نے اپنے پیشے میں اعلیٰ کارکردگی دکھائی ہو۔150ممالک کے 30ہزار سے زائد ارکان پر مشتمل امریکی ادارہ آئی اے سی پی گلوبل پولیسنگ کا معروف ادارہ ہےجو ہر سال امریکا میں پولیس کانفرنس کا انعقاد کرتا ہےجس میں دنیا بھر سے قانون نافذ کرنے والے ادارے کے افسران شریک ہوتے ہیں، اس کانفرنس میں ایک خصوصی تقریب کا انعقاد کیا جاتا ہے جس میں ایوارڈدیئے جاتے ہیں۔اس سال تقریب کا انعقاد اورلینڈو میں ہوا ، جس میں امریکی صدر ڈونلڈٹرمپ نے خطاب کیا۔

چارسدہ(نیٹ نیوز/ایمرا نیوز) خیبر پختون خوا کے ضلع چارسدہ کے نواحی علاقے میں ریسکیو ون ون ٹوٹو 1122نے بلی کو 50فٹ گہرے کنویں سے زندہ نکال لیا۔ریسکیو ون ون ٹوٹو کے مطابق چارسدہ کے نواحی علاقہ پڑانگ میں بلی 50فٹ گہرے کنویں میں جا گری۔مقامی افراد کی اطلاع پر ریسکیو اہلکاروں نے آپریشن شروع کیا اور بلی کو بحفاظت نکال لیا گیا۔ترجمان کے مطابق ریسکیو ادارے 1122 کی جانب سے اس سے قبل بھی خیبرپختون خوا کے مختلف اضلاع میں مشکل میں پھنسے جانوروں کی جان بچائی جا چکی ہے۔

کراچی(سپورٹس ڈیسک/ایمرا نیوز) سندھ فوڈ اتھارٹی نے کراچی میں کم عمر جانوروں اور نومولود جانوروں کے گوشت کی ترسیل و فروخت روکنے کے لیے کے ایم سی کو خط لکھ دیا۔خط میں کہا گیا ہے کہ 90 فیصد مارکیٹوں میں نومولود جانوروں کا گوشت فروخت ہو رہا ہے۔خط میں مزید کہا گیا ہے کہ چھوٹے جانوروں کے گوشت کی فروخت سے افزائش متاثر ہو رہی ہے، جبکہ نومولود جانوروں کے گوشت کے استعمال سے مختلف بیماریاں بھی جنم لے رہی ہیں۔سندھ فوڈ اتھارٹی کے حکام کا کہنا ہے کہ کے ایم سی کو مضر صحت اشیاء سے متعلق آگاہ کرنے کا اختیار ہے، میئر کراچی کو دو ماہ قبل بھی نولومود جانوروں کے گوشت کی فروخت سے آگاہ کرچکے ہیں۔

سرگودھا(نیٹ نیوز/ایمرا نیوز) پنجاب کے شہر سرگودھا میں دوسال قبل پسند کی شادی کرنے والے جوڑے پر فائرنگ کر کے نوجوان کو قتل جبکہ لڑکی کو شدید زخمی کر دیا گیا۔جوڑے پر فائرنگ کرنے والا ملزم باآسانی فرار ہونے میں کامیاب ہو گیا، مقتول 6 ماہ کے بچے کا باپ بھی تھا۔پولیس کے مطابق سرگودھا نواحی علاقے مڈھ رانجھا میں دوسال قبل ثمر عباس نے ممتاز بی بی نامی خاتون کے ساتھ پسند کی شادی کی تھی ۔مبینہ طور پر ممتاز بی بی کے بھائی نے فائرنگ کرکے اپنے بہنوئی کو قتل اور بہن کو زخمی کر دیا۔پولیس نے لاش پوسٹ مارٹم کے لیے اسپتال منتقل کر دی ہے جبکہ شدید زخمی خاتون ممتاز بی بی کو طبی امداد کے لیے اسپتال لایا گیا ہے۔پولیس نے واقعے کی تفتیش شروع کردی ہے جبکہ قاتل کی تلاش میں چھاپے مارے جارہے ہیں۔

(نیٹ نیوز/ایمرا نیوز)
پیغام لکھنے میں غلطی ہوگئی تو کیا ہوا، آئی فون اسپیس بار ہے ناں۔آئی فون کا اسپیس بار آپ کو ایک ایسی سہولت دیتا ہے جس کے ذریعے آپ اپنے لکھے ہوئے پیغام میں غلطی کو باآسانی درست کر سکتے ہیں۔موبائل فون پر آپ اکثر اپنے دوستوں کو میسج ٹائپ کر کے بھیجتے ہیں، اس دوران غلط ٹائپ کرنے پر آپ اسے درست کرنے کے لیے کرسر کو اپنی انگلی سے حرکت دیتے ہیں جو کبھی درست اور کبھی غلط جگہ پر بلنک کرتا دکھائی دیتا ہے۔آئی فون یہ سہولت دیتا ہے کہ باآسانی کرسر کو مطلوبہ مقام تک لا سکتے ہیں، اس کے لیے اسپیس بار کو دبا کر رکھیں اور پھر انگلی گھما کر جہاں چاہیں کرسر کو لے جائیں۔اس طرح کسی جھنجھلاہٹ کا شکار ہوئے بغیر لفظ کو درست کر سکتے ہیں۔

امریکہ(نیٹ نیوز/ایمرا نیوز) امریکا میں برفانی طوفان نے نظام زندگی درہم برہم کر دیا، 6سو سے زائد پروازیں منسوخ کرنا پڑگئیں۔امریکا میں برفانی طوفان کے بعد بیشتر شہروں میں برف کی موٹی تہہ نظر آ رہی ہے۔

امریکی ریاستوں کنساس، وسطی میسوری، جنوبی نیبراسکا اور جنوبی آئیوا میں مزید برف باری کی وارننگ بھی جاری کی گئی ہے۔ان ریاستوں میں 6 انچ سے لے کر ایک فٹ تک برف پڑ سکتی ہے۔امریکا بھر کے مختلف ایئرپورٹ پر 600پروازیں منسوخ ہونے سے شہریوں کی بڑی تعداد بھی ایئرپورٹس پر پھنس گئی ہے۔

کراچی(نیٹ نیوز/ایمرا نیوز)چینی قونصل خانے پر ہونےوالے حملے کے خلاف آپریشن میں مرکزی کردار اداکرنے والی خاتون آفیسر سہائے عزیز کے چینی سوشل میڈیا پر بھی چرچے جاری ہیں۔دوروز قبل کراچی میں قائم چینی قونصل خانے پر ہونے والے دہشتگرد حملے کی اطلاع ملتے ہی موقع پر سب سے پہلے پہنچنے والی اے ایس پی آفیسر سہائے عزیز تالپور دیکھتے ہی دیکھتے پاکستان کی ’ہیرو‘کا درجہ حاصل کرچکی ہیں۔ سہائے پاکستانی سوشل میڈیا پر تو ٹرینڈ کر ہی رہی ہیں تاہم چینی سوشل میڈیا پر بھی ان کی جرات کو بے حد سراہا جارہا ہے۔ایک چینی نے تو سہائے عزیز کو چین آنے اور وہاں شادی کرنے کا مشورہ بھی دے ڈالا اس کے ساتھ ہی چینی عوام سہائے عزیز کی سیکورٹی کیلئے بھی فکر مند ہورہے ہیں۔