Tag meera

لاہور(وقت نیوز آن لائن)اداکارہ میرا کی ان کے مبینہ منگیتر کیپٹن نوید کی کچھ سال قبل ایک قابل اعتراض ویڈیو وائرل ہوئی تھی جس پر اب اداکارہ کھل کر بول پڑی ہیں، ایک ویب سائٹ کو دیئے گئے انٹرویو میں اداکارہ نے وضاحت دیتے ہوئے کہا میری اور کیپٹن نوید کی جو ویڈیو وائرل ہوئی تھی، اس میں کوئی صداقت نہیں ۔ میرا اور نوید کا چہرہ کمپیوٹر کے ذریعے استعمال ہوا۔ دوسرا عتیق کے ساتھ میرا اسکینڈل بنایا گیا، یہ دونوں ایسے اسکینڈلز تھے جنہوں نے مجھے مایوس کیا کیونکہ ان دونوں اسکینڈلز میں بالکل بھی حقیقت نہیں تھی۔

مستقبل کے حوالے سے اداکارہ میرا کا کہنا تھا کہ وہ اس سال ’’میرا فلم اینڈ میڈیا ہاﺅس‘‘ کے بینر تلے ایک فلم ڈائریکٹ اور پروڈیوس کرنے جا رہی ہیں۔ فلم کی کہانی انہوں نے خود لکھی ہے جبکہ میوزک پر بھی کام کر رہی ہیں تاہم کاسٹ فائنل ہونا ابھی باقی ہے۔

اپنی گلابی انگریزی کے لیے مشہور نامور پاکستانی اداکارہ میرا نے خود کو ماہرہ خان سے زیادہ باصلاحیت قرار دیتے ہوئے کہا ہے کہ انڈسٹری میں میرے ساتھ ناانصافی کی جاتی ہے۔اداکارہ میرا نے حال ہی میں ایک ویب سائٹ کو دئیے گئے انٹرویو میں اپنے کیریئر شوبز میں لوگوں کے رویے اورماہرہ خان کی مقبولیت پر کھل کر گفتگو کی۔ میرا نے شکوہ کرتے ہوئے کہا انہیں لگتا ہے کہ شوبز انڈسٹری میں ماہرہ خان کو بلاوجہ اہمیت دی جاتی ہے،ہر لابی ماہرہ کو سپورٹ کرتی ہے، میں ماہرہ سے زیادہ باصلاحیت ہوں لیکن میرے حصے کا کام بھی انہیں دے دیا جاتا ہے،فلم کا میڈیم ہو یا ٹی وی کا ہر جگہ میرے ساتھ ناانصافی ہوئی۔

لالی وڈ(ایمرا نیوز آن لائن)مقبول ترین لالی وڈ اداکارہ میرا نے حال ہی میں فوٹو شیئرنگ ایپ انسٹاگرام پر اپنے ماضی کی کئی تصاویر شیئر کیں لیکن ایک ہی تصویر بار بار شیئر کرنے پر انہیں تنقید کا بھی سامنا کرنا پڑ رہا ہے۔اداکارہ نے مداحوں کے ساتھ ایسی بے شمار پرانی تصاویر شیئر کیں جو اس سے پہلے کسی نے بھی نہیں دیکھی ہوں گی۔

میرا نے پرانے اداکار اور اداکاراؤں کے ساتھ اپنی متعدد تصاویر بھی شیئر کی ہیں جنہیں دیکھنے کے بعد کئی سوشل میڈیا صارفین نے ان کا مذاق اُڑایا اور تنقید بھی کی۔میرا پر تنقید کی ایک وجہ یہ بھی تھی کہ انہوں نے ایک تصویر کو 10 10 بار اپ لوڈ کیا۔ یہ بات ابھی واضح نہیں کہ یہ میرا نے غلطی یا بے وقوفی سے کیا یا ان کا اکاؤنٹ ہیک ہوا؟

آئیے، اب ہم آپ کو اداکارہ کے ماضی کی کچھ جھلکیاں دکھانے کے ساتھ ساتھ یہ بھی بتائیں کہ ان تصاویر کو دیکھنے کے بعدسوشل میڈیا صارفین کی کیا رائے ہے۔اداکارہ میرا کی جانب سے شیئر کی جانے والی متعدد تصاویر پر سوشل میڈیا صارفین کی جانب سے تاحال دلچسپ تبصروں کا سلسلہ جاری ہے۔زیبو عزیز صارف نے کہا کہ ’میرے خیال میں شاید ان کا اکاؤنٹ کسی نے ہیک کرلیا ہے‘۔

مقدس نامی صارف نے لکھا کہ ’میں انہیں اَن فولو کر رہی ہوں ورنہ تو میں پاگل ہوجاؤں گی‘۔ایک صارف نے ہاتھ جوڑنے والے ایموجی کے ساتھ کمنٹ کیا کہ ’میرا جی اب بس بھی کردو‘۔ماہا کیانی نامی صارف نے کہا کہ ’لگتا ہے میرا جی خود ہی اکاؤنٹ چلا رہی ہیں‘۔

کراچی: (ایمرا نیوزآن لائن) اداکارہ میرا گلوکارہ میشا شفیع اور گلوکار علی ظفر کے معاملے میں کود پڑیں، علی ظفر کو پیارا اور معصوم انسان جبکہ میشا شفیع کو شہرت کی بھوکی قرار دے دیا۔ ججوں کو کیس نہ سننے کا بھی مشورہ دے ڈالا۔گلوکارہ میشا شفیع کا گلوکارعلی ظفر پرجنسی ہراساں کرنے کا الزام ، اداکارہ میرا بھی معاملے میں کود پڑیں۔

علی ظفر کو پیارا اور معصوم انسان، میشا شفیع کو شہرت کی بھوکی قرار دے دیا۔اداکارہ میرا نے کہا کہ ایسا معلوم ہوتا ہے میشا شفیع، ملالہ یوسفزئی بننے کی کوشش کر رہی ہیں وہ عالمی شہرت حاصل کرنے کے چکر میں ہیں۔ اداکارہ میرا نے یہیں بس نہیں کیا بلکہ عدلیہ کو بھی مشورہ دے ڈالا۔ اداکارہ میرا نے اعلان کیا کہ وہ علی ظفر کو سپورٹ کرتی رہیں گی۔

لاہور(ایمرا نیوزآن لائن) پاکستانی فلم ’باجی‘ کاپہلا ٹیزر جاری کر دیا گیا ہے، فلم میں اداکارہ میرا مرکزی کردار ادا کر رہی ہیں۔فلم ’باجی‘ میں پاکستان کی پرانی اور جدید فلم انڈسٹری کو موضوع بنایا گیا ہے۔ ثاقب ملک کی فلم ’باجی‘ کے ٹیزر میں اداکارہ میرا اور آمنہ الیاس جلوے بکھیرتی نظر آرہی ہیں۔ٹیزر کا آغاز اداکارہ میرا کی آواز میں ڈائیلاگ ’سپنے تو ہوتے ہی سچ ہونے کے لیے ہیں‘ سے ہورہا ہے جبکہ ٹیزر کا اختتام بھی میرا کے شدید غصے میں کہے جملے سے ہوا ہےکہ ’آپ مجھ سے محبت یا نفرت کرسکتے ہیں مگر میرا متبادل کوئی نہیں ہوسکتا۔‘واضح رہے اسکینڈل کوئن اداکارہ میرا طویل عرصے بعد فلم’باجی‘ کے ذریعے بڑی اسکرین پر واپس آرہی ہیں۔فلم کے مرکزی اداکاروں میں اداکارہ میرا اور ماڈل آمنہ الیاس کے علاوہ، نشو، علی کاظمی، عثمان خالد بٹ، محسن عبا س حیدر، نیر اعجاز اور دیگر شامل ہیں۔ثاقب ملک کی ہدایت کاری میں بنائی جانے والی فلم 28 جون 2019 کو سینما گھروں میں نمائش کے لیے پیش کی جائے گی۔

لاہور:(ایمرا نیوزآن لائن) سیشن عدالت نے اداکارہ میرا کی فیملی عدالت کی جانب سے خود کو عتیق الرحمان کی بیوی قرار دیئے جانے کے فیصلے کیخلاف اپیل پر فریقین کے وکلا کو حتمی بحث کے لیے 27 اپریل کو طلب کر لیا۔ایڈیشنل سیشن جج عدنان طارق نے نکاح پر نکاح کیس میں میرا کی اپیل پر سماعت کی، وکلا کی ہڑتال کے باعث کیس پر کوئی کارروائی نہ ہو سکی، عدالت نے وکلا کی ہڑتال کی وجہ سے کیس کی سماعت ملتوی کرتے ہوئے فریقین کے وکلا کو دوبارہ 27 اپریل کو طلب کرلیا۔اسکینڈل کوئین نے اپنے اپیل میں موقف اختیار کیا ہے کہ فیملی عدالت نے حقائق کے برعکس فیصلہ سنایا حالانکہ وہ عتیق الرحمان کو جانتی نہیں، اس نے عتیق الرحمان سے کوئی شادی نہیں کی اورعتیق الرحمان عدالت کو گمراہ کررہا ہے۔ اداکارہ میرا نے استدعا کی کہ عدالت فیملی عدالت کے فیصلے کو کالعدم قرار دے۔واضح رہے کہ اس سے قبل فیملی عدالت نے میرا کو عتیق الرحمان کی بیوی قرار دیا تھا۔ فیملی کورٹ کے فیصلے کو میرا نے سیشن کورٹ میں چیلنج کررکھا ہے۔

ہیروئن ہوں کریکٹر رول نہیں کرسکتی، میرا کا نیلم منیر کی بڑی بہن بننے سے انکار
لاہور(ایمرا نیوزآن لائن) اداکار ہ میرا نے اداکار ہ نیلم منیرکی بڑی بہن کا کردار ادا کرنے سے انکار کر دیا۔ذرائع کے مطابق فلم پروڈیوسر ریحان عثما ن نے اداکارہ میرا کو اپنی فلم میں کاسٹ کرنے کی پیشکش کی جس میں انہوںنے اداکارہ نیلم منیر کی بڑی بہن کا کردار ادا کرنا تھامگر اداکارہ نے یہ کردار نبھانے سے معذرت کرتے ہوئے موقف اپنایا کہ وہ اپنی ہم عمر اداکارہ کی بڑی بہن کا کردار نہیں ادا کر سکتیں ۔
میر انے کہا کہ میںہیروئن ہوں او ریہی کردار مجھے اچھے لگتے ہیں کریکٹر رول نہیں کرسکتی ۔اس حوالے سے فلمساز ریحا ن عثمان کا کہنا ہے کہ میرا کا ہیروئن کا دور گزر چکا ہے اور انہیں اس حقیقت کو تسلیم کرنا چاہیے ۔ میر اکوچاہیے کہ وہ خود کو ٹی وی ڈراموں تک محدود رکھیں۔

جو بھی لیڈر جنگ کے کی باتیں کرتے ہیں وہ انسانیت کے خلاف بات کرتے ہیں، ریما و دیگر فنکار بھی بھارت کیخلاف ہم آواز ہوگئے
لاہور (آن لائن)پاکستانی اداکاری بھی بھارت کے خلاف ہم آواز ہوگئے ۔لاہور پریس کلب میں ایک تقریب کے دوران اداکارہ میرا کا کہنا تھا کہ میں پاکستان کے لیے اپنی جان دے بھی سکتی ہوں اور کسی کی جان لے بھی سکتی ہوں۔میرا نے مزید کہا کہ پاکستان کی طرف کوئی میلی آنکھ سے دیکھے گا تو ہم جان لے لیں گے جب کہ اداکارہ شاہد منی نے بھی کہا بھارت میں جب بھی کچھ ہو تو وہ پاکستان کے خلاف محاذ کھول دیتا ہے جب کہ اداکارہ ریشم نے بھارتی دھمکیوں کے بعد بھی کچھ نہ بولنے والے پاکستانی اداکاروں پر تنقید کی اور کہا کہ یہ ملک کی خاطر جان تو دے سکتے ہیں لیکن بھارتی دھمکیوں کی مذمت نہیں کر سکتے۔جب کہ اداکارہ ریما نے بھی کہا کہ جو بھی لیڈر جنگ کے کی باتیں کرتے ہیں وہ انسانیت کے خلاف بات کرتے ہیں۔فنکاروں کا کہنا تھا کہ فن کی کوئی سرحد نہیں ہوتی لیکن جب بات سبز ہلالی پرچم کی ہو گی تو پھر ہم سب ایک ہیں۔واضح رہے پلوامہ حملے کے بعد پاکستانی فلمسٹارز کے بھارتی فلموں میں کام کرنے پر بھی پابندی عائد کر دی گئی تھی۔ پابندی بھارتی سینما ورکرز ایسوسی ایشن کی جانب سے عائد کی گئی جس کا باقاعدہ نوٹیفکیشن بھی جاری کیا گیا۔ایسوسی ایشن کی جانب سے جاری کیے جانے والے نوٹی فکیشن میں لکھا گیا کہ ہم پلوامہ میںبھارتی فوج پر ہونے والے حملے کی مذمت کرتے ہیں۔ نوٹی فکیشن میں حملے میں جاں بح قافراد کے لواحقین سے اظہار ہمدردی بھی کیا گیا ۔ نوٹی فکیشن میں کہا گیا کہ پاکستانی اداکاروں اور فنکاروں کے بھارتی فلم انڈسٹری میں کام کرنے پر باقاعدہ پابندی عائد کر دی گئی ہے، اگر کوئی ادارہ پاکستانی فنکاروں کے ساتھ کام کرتا پایا گیا تو اس پر بھی پابندی عائد کر دی جائے گی اور اس کے خلاف ایکشن بھی لیا جائے گا۔

لاہور(شوبز ڈیسک/ایمرا نیوز) اداکارہ میرا نے اپنے ایک انگلش ویڈیو بیان میں وزیر اعظم عمران خان کو ملک و قوم کا ایک عظیم لیڈر قرار دے دیا۔میرا نے اپنے انگریزی ویڈیو بیان میں کہا کہ وزیر اعظم عمران خان نے اپنے کام سے ثابت کر دیا ہے کہ وہ ایک عظیم لیڈر ہیں اور پاکستان کو ایسے لیڈر کی بہت ضرورت ہے۔ویڈیو میں میرا نے شوکت خانم اسپتال کے لئے عوام کو بھرپور چندہ دینے کی بھی اپیل کی ہے۔