Tag pakistan

لاہور(ایمرا نیوز)

وفاقی دارالحکومت کے ہسپتالوں میں 2000 بستر کی کمی کاانکشاف
اسلام آباد(ایمرا نیوز آن لائن) وفاقی دارالحکومت کے ہسپتالوں کو مریضوں کے لئے مزید 2000بیڈز درکار ہیں ۔ میڈیا رپورٹ کے مطابق حکام کا کہنا ہے کہ پمز میں 1300 ، پولی کلینک میں 550 اور قومی ادارہ ری ہیپلیشن میڈیسن میں 500 کے قریب بیڈز کی گنجائش ہے ۔ رپورٹ کے مطابق حکام کا کہنا ہے کہ تمام بڑے ہسپتالوں میں بیڈز کی قلت کے باعث بعض اوقات ہسپتال انتظامیہ اور مریضوں کے درمیان ناخوشگوار واقعات پیش آئے ہیں ۔ رپورٹ کے مطابق حکام کہنا ہے کہ گزشتہ پانچ سالوں میں کسی نئے ہسپتال کی عدم تعمیر اور زیر التواءصحت پراجیکٹوں کا براہ راست بوجھ مریضوں اور ان ہسپتالوں پر پڑ رہا ہے ۔ رپورٹ کے مطابق حکام کا مزید کہنا ہے کہ روزمرہ ہزاروں مریض ان ہسپتالوں کا رخ کرتے ہیں اور ایسی صورت حال میں ہسپتال اور انتظامیہ دونوں کو ہی مشکلات کا سامنا کرنا پڑتا ہے ۔ حکام کا کہنا ہے کہ شہری کی آبادی 2.2 ملین تک پہنچ گئی ہے جب کہ ہسپتالوں میں بیڈز کی تعداد صرف 2000 ہے ۔ حکام کا کہنا ہے کہ مریضوں کے لئے کم از کم 2000 مزید بیڈز درکار ہیں ۔( جاوید)

اسلام آباد(ایمرا نیوزآن لائن) لاہورعبدالحکیم موٹروے 30مارچ کو کھول دی جائیگی:وزیرمواصلات
وفاقی وزیر مواصلات وپوسٹل سروسز مراد سعید نے کہاہے کہ لاہور۔عبدالحکیم موٹروے (M-3) کو30 مارچ سے ٹریفک کیلئے کھول دیا جائے گا۔اسی طرح عوام کی سہولت کیلئے فیصل آباد ٹول پلازہ کو 24 مارچ سے ختم کردیاجائیگا۔انہوں نے ان خیالات کا اظہارجمعرات کووزارت مواصلات میں ایک اعلی سطحی اجلاس کی صدارت کرتے ہوئے کیا۔اجلاس میں وفاقی سیکرٹری مواصلات شعیب احمد صدیقی،چیئرمین نیشنل ہائی وے اتھارٹی جواد رفیق ملک ،انسپکٹرجنرل نیشنل ہائی ویز اینڈ موٹروے پولیس اﷲ ڈنوخواجہ ،فرنٹیئرورکس آرگنائزیشن کے نمائندوں اور وزارت مواصلات کے سینئر افسران نے شرکت کی۔وفاقی وزیر مراد سعید نے کہا کہ لاہور۔عبدالحکیم موٹروے کو نیشنل ہائی وے اتھارٹی وزارت مواصلات نے اپنے دستیاب وسائل سے مکمل کرکے ٹریفک کے قابل بنایا، اس موٹروے کی تعمیر میں تاخیر کی وجہ گزشتہ حکومت کی نااہلی تھی، لاہور۔عبدالحکیم موٹروے پر انٹیلی جینٹ ٹرانسپورٹ سسٹم نصب کیا گیا ہے ،جس کی وجہ سے اسے ماڈل موٹروے کہا جاسکتا ہے ۔وزیر مواصلات وپوسٹل سروسز نے کہا کہ لاہور۔عبدالحکیم موٹروے کا منصوبہ سٹیٹ آف آرٹ ٹیکنالوجی سے مزین کردیا گیا ہے اور تمام تر انتظامات کو جدید ڈیجیٹل ٹیکنالوجی سے منسلک کردیا گیا ہے ۔ خلاف ورزی کی مرتکب گاڑیوں کو موٹروے سے بلیک لسٹ کر کیاجاسکے گا۔تمام گاڑیوں کی آمدورفت کے حوالے سے نمبرز پلیٹ تک کو آن کیمرہ ریکارڈ کیاجائے گا۔

لاہور(ایمرا نیوزآن لائن)پنجاب بھر میں جعلی لائسنس والے 1506میڈیکل سٹورپکڑے گئے جن کو بند کروا دیا گیا ۔ذرائع کے مطابق ڈسٹرکٹ ہیلتھ اتھارٹیز کے ملازمین رشوت لے کر میڈیکل سٹور ز کوجعلی لائسنس جاری کرتے تھے اور یہ کام عرصہ دراز سے جاری تھا۔ محکمہ پرائمری اینڈ سکینڈری ہیلتھ کیئر نے میڈیکل سٹورز کے فارما سسٹ کے لائسنسوں کے پرانے مینول نظام کو ختم کر کے کمپوٹرائزڈ کیا ۔لائسنس دینے کے عمل کے دوران 29ہزار96پوائنٹ آف سیل (میڈیکل سٹورز)کی نشاندہی کی گئی، ان میں 7ہزار 915اے کیٹگری لائسنس کے تھے ۔کیٹگری بی کے 13ہزار933، کیٹگری بی ڈسپنر والے 6ہزار622اور ہول سیل پوائنٹ 626شامل ہیں ۔ چیف ڈرگ کنٹرولر کی جانب سے اضلاع کے تیار کردہ پرانے لائسنسز کی جب جامع طریقہ سے سکروٹنی کی گئی تو اس بات کا انکشاف ہوا کہ 1506ایسے میڈیکل سٹور ز ہیں کہ جن کے لائسنس نقلی ہیں اور جعلسازی کے ذریعے بنوائے گئے ۔متعلقہ اضلاع کے شعبہ صحت کے ملازمین کی مدد سے جعلسازی کی گئی اور ڈرگ انسپکٹرز بھی اس کام پر پردہ ڈالتے رہے اور یہ لوگ بلا خوف خطر کام کرتے رہے ۔ ریکارڈکی سکروٹنی کے دوران یہ بات بھی سامنے آئی کہ پنجاب میں 570ایسے میڈیکل سٹورز پر کوئی کوالیفائیڈ فرد موجود نہیں تھا اور لائسنس والا شخص کبھی وہاں موجود نہیں رہا ۔ سکروٹنی کے دوران 66ایسے افراد پکڑے گئے کہ جنہوں نے ایک سے زائد جگہوں پر اپنے لائسنس سے میڈیکل سٹورز کھول رکھے تھے ۔اس حوالے سے چیف ڈرگ کنٹرولر پنجاب منو رحیات نے کہا کہ کمپوٹرائزڈ سسٹم نافذ کر کے جعلی لائسنسز کا قلع قمع کر دیا ہے اور بڑے پیمانے پر ایسے لائسنس پکڑے گئے ہیں جن کی کبھی محکمہ صحت پنجاب نے تصدیق نہیں کی تھی۔ نقلی لائسنس والے میڈیکل سٹور ز کو بند کرا دیا گیا اور مزید قانونی کارروائی جاری ہے ۔

ڈیرہ غازی خان ،لاہور(ایمرا نیوزآن لائن)ڈولفن فورس بھی روایتی فورس کے رنگ میں رنگ گئی، تونسہ میں میں رکشہ ڈرائیور کا بھرے بازار میں مار مار کربرا حشرکر دیا ، تفصیل کے مطابق ڈولفن فورس کے اہلکاروں نے غریب رکشہ کو ایک سائیڈ پررکشہ نہ لگانے پر بھرے بازار میں پیٹ ڈالا، رکشہ ڈرائیور کو ڈولفن کے دو نوجوانوں نے بالوں سے پکڑ کر موٹر سائیکل سے گھسیٹ کر اتارا اور جوتوں مکوں سے تواضع کی ۔جس پر لوگ اکھٹے ہو گئے اور اسے چھڑانے کی کوشش کی مگر انہوں نے کسی کی نہ سنی اور تھانہ لے جا کر بند کر دیا شہریوں نے وزیراعلی پنجاب اوراار پی او، ڈی پی اوسے واقعہ کانوٹس لینے کا مطالبہ کیاہے ۔ آئی جی پنجاب نے واقعہ نوٹس لینے اور فوری کاروائی کی ہدایت پر آر پی او ڈی جی خان نے واقعہ کی انکوائری ڈی ایس پی تونسہ سادات علی کے سپرد کردی ہے ۔

نئی دہلی (ایمرا نیوزآن لائن) ابھی نندن سے پوچھ گچھ مکمل،رخصت پر بھیجا جائیگا
پاکستان کی جانب سے رہا کئے گئے بھارتی پائلٹ ابھی نندن سے پوچھ گچھ کا عمل مکمل ہو گیا اور اب اسے بیماری کی رخصت پر بھیج دیا جائیگا۔ بھارتی میڈیا کے مطابق ذرائع نے بتایا کہ ائیرفورس حکام اور دیگر ایجنسیوں نے ابھی نندن سے تفتیش مکمل کر لی ہے اور اب اسے چند ہفتوں کیلئے بیماری کی رخصت پر بھیج دیا جائیگا،آنے والے دنوں میں ایک میڈیکل بورڈ اس کا معائندہ کریگا اور میڈیکل فٹنس کے بعد فیصلہ کیا جائیگا کہ اسے فائٹر پائلٹ کی حیثیت سے کام کرنے کی اجازت کب دی جائے ۔قبل ازیں ائیرچیف مارشل بی ایس دھنوا نے کہا تھا کہ مکمل فٹ قرار دئیے جانے کے بعد ابھی نندن دوربارہ طیارہ اڑائے گا۔

اسلام آباد(ایمرا نیوزآن لائن) احتساب عدالت اسلام آباد کے جج ارشد ملک نے ماڈل ٹاون واقعہ پرسابق وزیر اعظم نواز شریف سے جیل میں تفتیش سے متعلق ڈی ایس پی پنجاب پولیس محمد اقبال کی درخواست منظور کرتے ہوئے ملاقات کی اجازت دے دی ۔دوران سماعت درخواست گزارڈی ایس پی عدالت میں پیش ہوئے اور موقف اختیار کیا کہ ماڈل ٹاون واقعے کی تفتیش سے متعلق نواز شریف سے جیل میں ملنے کی اجازت دی جائے ۔نیب پراسیکیوٹر مرزا عثمان نے درخواست کی مخالفت کرتے ہوئے موقف اختیار کیا کہ درخواست گزار کو متعلقہ پلیٹ فارم اسلام آباد ہائیکورٹ سے رجوع کرنا چاہیئے ۔

لاہور(ایمرا نیوز)

تجارتی ڈیل جلد طے کر لی جائےگی‘ امریکی وزیر خزانہ کی کانگریس کی کمیٹی کو بریفنگ
واشنگٹن (ایمرا نیوز آن لائن) امریکی صدر ڈونلڈ ٹرمپ نے کہا ہے کہ چین کےساتھ تجارتی تنازعے کے خاتمے کے لیے ایک مناسب سمجھوتا طے پانے کے قوی امکانات ہیں کیونکہ دونوں ممالک کے درمیان مذاکراتی سلسلہ بہتر انداز میں جاری ہے۔ادھر امریکی وزیر خزانہ اسٹیون منوچن نے کانگریس کی کمیٹی کے سامنے بیان دیتے ہوئے کہا ہے کہ تجارتی ڈیل جلد طے کر لی جائےگی۔غیرملکی خبررساں ادارے کے مطابق امریکی صدر ڈونلڈ ٹرمپ نے جمعہ کو ایک بیان میں کہاکہ ان مذاکرات میں امریکا جو چاہتا ہے، وہ حاصل کر لیا جائےگا۔ ادھر امریکی وزیر خزانہ اسٹیون منوچن نے کانگریس کی کمیٹی کے سامنے بیان دیتے ہوئے کہا کہ تجارتی ڈیل جلد طے کر لی جائےگی۔ صدر ٹرمپ کے تازہ بیان کے باوجود امریکی و چینی مندوبین مذاکرات میں کئی متنازعہ معاملات کا مناسب حل تلاش کرنے میں بظاہر ناکام دکھائی دیتے ہیں اور اس باعث کسی سمجھوتے کے حصول میں تاخیر ہو رہی ہے۔

اوپن یونیورسٹی نے داخلوں کی تاریخ میں 22مارچ تک توسیع کردی
اسلام آباد(ایمرا نیوز آن لائن)علامہ اقبال اوپن یونیورسٹی نے سمسٹر بہار 2019ءکے میٹرک تا پی ایچ ڈی سطح تک تمام تعلیمی پروگرامز کے داخلوں میں لیٹ فیس چارجز کے ساتھ 22۔مارچ تک توسیع کردی ہے۔میٹرک پروگرام کی لیٹ فیس چارجز 200/-روپے ‘ انٹرمیڈیٹ ‘ ایسوسی ایٹ ڈگری اوربی اے 400/-روپے جبکہ پوسٹ گریجویٹ /بی ایڈ پروگرامز میں 1000/-روپے ہیں۔داخلوں کی تاریخ میں مزید توسیع کسی صورت نہیں کی جائے گی۔داخلوں میں توسیع کا مقصدحصول علم کے خواہشمند افراد کو ایک اور موقع فراہم کرنا اور زیادہ سے زیادہ لوگوں کو تعلیمی نیٹ میں شامل کرنا ہے۔تمام پروگراموں کے داخلہ فارمز اور پراسپکٹس اسلام آباد میں یونیورسٹی کے مین کیمپس کے تمام سیل پوائنٹس اور ملک بھر میں موجود علاقائی کمیپسسز/رابطہ دفاتر سے دستیاب ہیں۔تمام پراسپکٹس اور داخلہ فارم یونیورسٹی کی ویب سائٹ پر بھی موجود ہیں۔نئی تاریخ کا اطلاق میرٹ بیسڈ پروگرامز پر بھی لاگو ہے۔ڈائریکٹر شعبہ داخلہ کے مطابق میرٹ بیسڈ پروگرامز میں داخلوں کے خواہشمند امیدوار اپنا داخلہ فارم پراسپکٹس میں دئیے گئے طریقہ کار کے مطابق1000۔روپے لیٹ فیس چارجز کے ساتھ براہ راست متعلقہ شعبہ کو ارسال کریں۔