Tag quetta

حادثہ غیر معمولی رفتار کے باعث پیش آیا، لاشیں ورثاءکے حوالے، زخمی تشویش نا ک حالت میں کراچی روانہ
خضدار(ایمرا نیوز آن لائن) کوئٹہ تا کراچی قومی شاہراہ پر تیز رفتار کار ڈرائیور سے بے قابو ہو کر دکان سے جا ٹکرائی ،جس کے نتیجے میں4افراد جاں بحق ایک زخمی ہو گیا۔بدھ کو کوئٹہ سے کراچی جانے والی کار باغبانہ کے مقام پر تیز رفتاری کے باعث ڈرائیور سے بے قابو ہو کر بند دکان میں جا گھسی،جس کے نتیجے میں ڈرائیور سمیت 4افراد غلام حسن ،محمد حسن ،سردار گل اور مستری صادق جاں بحق جبکہ مصری خان شدید زخمی ہو گیا۔ واقعے کی اطلاع ملتے ہی لیویز فورسز جائے واقوعہ پر پہنچی اور جاں بحق اور زخمی کو گورنمنٹ ٹیچنگ ہسپتال خضدار منتقل کر دیا ، پولیس نے ضروری کارروائی کے بعد نعشوں کو ورثا کے حوالے کر دیا ، جبکہ زخمی ہونے والے شخص کو طبی امداد پہنچانے کے بعد تشویشناک حالت میں کراچی روانہ کر دیا گیا۔

کوئٹہ(ایمرا نیوزآن لائن) کوئٹہ میں خود کش دھماکے میں 20 افراد کی شہادت کے بعد شہر کی فضا سوگوار ہے، ہزارہ برادری کا مغربی بائی باس پر احتجاج جاری ہے۔دھرنے کے باعث مغربی بائی پاس پر ٹریفک کی آمد و رفت معطل ہے، دھماکے میں شہید ہونے والے 20 میں سے 8 افراد کو مقامی قبرستان میں سپرد خاک کر دیا گیا ہے۔ہزر گنجی سبزی منڈی خودکش حملے کا مقدمہ نامعلوم ملزمان کے خلاف درج کیا گیا ہے۔کوئٹہ میں دہشت گردی کی نئی لہر اور اس کے سبب 20 افرادکی شہادت کے خلاف مغربی بائی پاس پر دھرنا جاری ہے، مظاہرین کا مطالبہ ہے کہ خودکش حملے میں ملوث عناصر کو کیفر کردار تک پہنچایا جائے، احتجاج کے سبب مغربی بائی پاس ہر قسم کی ٹریفک کے لیے بند ہے۔خودکش حملے میں شہید ہونے والے افراد کی نماز جنازہ میں صوبائی وزیرداخلہ میرضیا لانگو، صوبائی وزیر صحت نصیب اللہ مری، مشیر عبدالخالق ہزارہ، رکن اسمبلی قادر نائل اور ہزارہ برادری کے افراد نے شرکت کی۔بعد میں 20 شہداء میں سے 8کو آہوں اور سسکیوں کےساتھ ہزارہ ٹاؤن قبرستان میں سپرد خاک کر دیا گیا۔واضح رہے کہ گزشتہ صبح کوئٹہ کے نواحی علاقے ہزار گنجی میں واقع سبزی و فروٹ منڈی میں ایک دکان کے قریب خود کش حملہ آور نے خود کو دھماکے سے اڑا لیا تھا۔شہداء میں ہزارہ کمیونٹی کے 8 افراد، ایف سی اہل کار اور 2 بچے بھی شامل ہیں، دھماکے سے کئی دکانوں اور گاڑیوں کو بھی نقصان پہنچا تھا۔خودکش حملے کا مقدمہ سی ٹی ڈی تھانے میں نامعلوم افراد کے خلاف درج کر لیا گیا ہے، مقدمے میں قتل، اقدام قتل، انسداد دہشت گردی اور ایکسپلوزو ایکٹ کی دفعات شامل ہیں۔صدر مملکت عارف علوی، وزیر اعظم عمران خان، وزرائے اعلیٰ، نواز شریف،آصف زرداری اور بلاول بھٹو زرداری سمیت سیاسی قائدین اور رہنماؤں نے دھماکے کی سخت مذمت کی ہے۔وزیراعظم نے قیمتی جانوں کے ضیاع پر دکھ کا اظہار کرتے ہوئے واقعے کی رپورٹ طلب کرلی اور زخمیوں کو بہترین طبی امداد کی فراہمی کی ہدایت کی۔

کوئٹہ (ایمرا نیوز آن لائن) کوئٹہ میں ڈاکٹروں پر تشدد کے خلاف ڈاکٹرتنظیموں نے سرکاری اور نجی ہسپتالوں میں او پی ڈیز پر تالہ لگا دیا جس کے باعث مریضوں کو پریشانی کا سامنا کرنا پڑرہا ہے تاہم حکومت کی جانب سے کوئی اقدام نہیں اٹھا یا گیا ڈاکٹر تنظیموں کاکہنا ہے کہ اگر ہمارے مطالبات تسلیم نہ ہوئے تو ہم سخت احتجاج کرنے پر مجبور ہونگے آئے روز ڈاکٹروں کے ہڑتال کے باعث صوبے کے دور دراز علاقوںسے آنے والے مریض رل گئے تفصیلات کے مطابق کوئٹہ میں ڈاکٹروں پر تشدد اور دیگر مطالبات کے حق میں ڈاکٹر تنظیموں نے تمام سرکاری اور نجی ہسپتالوں میں دو دن کیلئے ہڑتال شروع کر دی ہڑتال کے باعث مریضوں کو سخت مشکلات کاسامنا کرنا پڑرہا ہے ایمر جنسی کے علاوہ باقی تمام شعبے بن کر دیئے گئے ہیں اور ڈاکٹروں پر تشدد کے خلاف ینگ ڈاکٹرز کا سول ہسپتال میں احتجاجی مظاہرہ کیا اور ڈاکٹرز نے احتجاجا او پی ڈی پر تالہ لگا دیاگیا ینگ ڈاکٹرز ایسو سی ایشن کے صدر حمل بگٹی نے میڈیاسے بات چیت کرتے ہوئے کیا ڈاکٹرز کو تحفط ملنے تک احتجاج جاری رکھیں گے مظاہرہ ڈاکٹروں پر تشدد سمیت ہمارے دیگر مطالبات پر ہے8 مہینے گزر گئے لیکن حکومت تحفظ دینے میں ناکام رہی سپریم کورٹ نے 400 ڈاکٹرز کو مستقل کرنے کا آڈر دیا لیکن اب تک عملدرآمد نہیں ہواگر حکومت سنجیدہ نہیں ہوا ہم سخت لائحہ عمل اپنائے گے آئے روز ڈاکٹروں کے ہڑتال کے باعث صوبے کے دور دراز علاقوںسے آنے والے مریض رل گئے تفصیلات کے مطابق کوئٹہ میں ڈاکٹروں پر تشدد اور دیگر مطالبات کے حق میں ڈاکٹر تنظیموں نے تمام سرکاری اور نجی ہسپتالوں میں دو دن کیلئے ہڑتال شروع کر دی ہڑتال کے باعث مریضوں کو سخت مشکلات کاسامنا کرنا پڑرہا ہے ایمر جنسی کے علاوہ باقی تمام شعبے بن کر دیئے گئے ہیں۔

کوئٹہ میں فائرنگ سے بلوچستان یونیورسٹی کے سپرٹنڈنٹ جاں بحق ہوگئے
کوئٹہ (ایمرا نیوز آن لائن) کوئٹہ میں فائرنگ سے بلوچستان یونیورسٹی کے سپرٹنڈنٹ جاں بحق ہوگئے ۔ تفصیلات کے مطابق کوئٹہ میں سریاب روڈ دکانی چوک پر نامعلوم افراد کی جانب سے فائرنگ کی گئی۔جس کے نتیجے میں بلوچستان یونیورسٹی کے سپرٹنڈنٹ جاں بحق ہو گئے۔واقعہ کے بعد پولیس جائے وقوعہ پر پہنچ گئی اور لاش کوہسپتال کر دیا جبکہ ملزمان کی تلاش کے لئے مختلف علاقوں میں چھاپے مارنا شروع کر دیئے ،پولیس نے فائرنگ واقعہ کا مقدمہ نامعلوم افراد کے خلاف درج کرلیا ہے۔

کوئٹہ (ایمرا نیوز آن لائن) وزیراعلیٰ بلوچستان جام کمال نے قلعہ عبداللہ میں بارشوں اور برفباری کے پیش نظر سیلابی صورتحال کو مدنظر رکھتے ہوئے ایمرجنسی نافذ کردی اور صورتحال سے نمٹنے کیلئے پاک فوج سے بھی مدد طلب کرلی۔ صوبائی ترجمان کے مطابق وزیراعلیٰ جام کمال نے قلعہ عبداللہ میں ایمرجنسی کا نفاذ کردیا ہے ایمرجنسی کا نفاذ قلعہ عبداللہ میں بارشوں، برفباری اور سیلابی صورتحال کے پیش نظر کیا گیا ہے اس کے علاوہ انتظامیہ ، پی ڈی ایم اور دیگر محکموں کو بھی ہنگامی بنیادوں پر امدادی کام کی ہدایت کردی گئی ہے اس کے علاوہ مزید مخدوش صورتحال سے نمٹنے کیلئے پاک فوج کی مدد بھی طلب کرلی گئی ہے(اشفاق خان یوسفزئی)

NEW YORK: The United Nations Security Council (UNSC) has condemned the attacks on the Chinese Consulate in Karachi and in Khyber Pakhtunkhwa’s lower Orakzai district that killed 33 people on Friday.

Members of the security council on Saturday also appreciated the swift response by Pakistani authorities.

In a statement, the council members stressed that “terrorism in all its forms and manifestations” constituted one of the most serious threats to international peace and security.

“Any acts of terrorism are criminal and unjustifiable, regardless of their motivation, wherever, whenever and by whomsoever committed,” they said, underscoring the need to hold the perpetrators, organisers, financiers and sponsors of terrorist acts accountable and bring them to justice.”

Council members also called upon all UN member states, in accordance with their obligations under international law and relevant security council resolutions, to cooperate actively with the government of Pakistan and all other relevant authorities in this regard.

Further, the council members also stressed upon “the fundamental principle of the inviolability of diplomatic and consular premises, and the obligations on host governments, including under international treaties, to protect those premises and their officials.”

On Friday morning, Pakistani security forces foiled an attack on the Chinese Consulate in the Clifton Block-4 area of the city.

Terrorists were trying to enter the consulate from the visa issuance section but were intercepted by security personnel at a checkpoint. Two policemen, Assistant Sub Inspector Ashraf Dawood and Constable Amir, were martyred and a security guard injured as three gunmen tried to enter the consulate around 9:00am. Two visa applicants from Quetta, a father and son identified as Niaz Muhammad and Muhammad Zahir Shah, also lost their lives in the attack. The three attackers were killed in the operation.

On the same day, a blast targeting a local market in the lower Orakzai district left 33 dead, including three children and at least 56 injured.

کوئٹہ (ایم نائن ٹو) صوبہ بلوچستان کے دارالحکومت کوئٹہ میں موجود ایک چرچ میں خودکش دھماکے اور فائرنگ کے نتیجے میں 3 خواتین سمیت 9 افراد ہلاک اور درجنوں زخمی ہوگئے۔وزیر داخلہ بلوچستان سرفراز بگٹی نے ڈان نیوز سے بات چیت کرتے ہوئے حملے کی تصدیق کی اور بتایا کہ دھماکے کے بعد فائرنگ کی گئی جس میں متعدد افراد زخمی ہوئے۔انہوں نے بتایا کہ ابتدائی معلومات کے مطابق 4 دہشت گردوں نے چرچ پر حملہ کیا تھا، جن میں سے ایک کو سیکیورٹی اہلکاروں نے چرچ کے دروازے پر فائرنگ کرکے ہلاک کردیا تھا۔صوبائی وزیر داخلہ کا کہنا تھا کہ دوسرے مسلح دہشت گرد نے خود کو چرچ کے دروازے پر دھماکا خیز مواد سے اڑا لیا جبکہ دیگر دو حملہ آور سیکیورٹی اہلکاروں کو دیکھ کر فرار ہوگئے۔انہوں نے بتایا کہ فرار ہونے والے دہشت گردوں کی گرفتاری کے لیے سیکیورٹی اہلکاروں کی بڑی تعداد نے علاقے کو گھیرے میں لے کر سرچ آپریشن کا آغاز کردیا۔واقعے میں زخمی یا ہلاک ہونے والے افراد کے حوالے سے وزیر داخلہ بلوچستان کا کہنا تھا کہ ابتدائی معلومات کے مطابق 4 افراد واقعے میں ہلاک ہوئے جبکہ متعدد زخمی ہوئے۔انہوں نے ایک سوال کے جواب میں کہا کہ وہ فوری طور پر زخمیوں کی حتمی تعداد کے بارے میں نہیں بتا سکتے۔وزیر داخلہ سرفراز بگٹی نے کوئٹہ میں چرچ پر ہونے والے حملے کے حوالے سے سماجی رابطے کی ویب سائٹ ٹوئٹر پر ایک پیغام میں اس حملے اور پولیس آپریشن کی تفصیلات سے بھی آگاہ کیا۔ سیکیورٹی حکام کے مطابق بم دھماکا کوئٹہ میں زرغون روڈ کے انتہائی حساس علاقے امداد چوک پر قائم ایک چرچ میں ہوا جس کے بعد مسلح دہشت گردوں نے فائرنگ بھی کی اور واقعے میں متعدد افراد ہلاک و زخمی ہوئے۔سیکیورٹی حکام نے بتایا کہ دھماکے کے وقت چرچ میں دعائیہ تقریب جاری تھی اور اس موقع پر لوگوں کی بڑی تعداد یہاں موجود تھی۔ریسکیو ذرائع کے مطابق زخمیوں کو فوری طور پر کوئٹہ سول ہسپتال منتقل کیا گیا تاہم جائے وقوع پر سیکیورٹی اہلکاروں اور مسلح دہشت گردوں کے درمیان فائرنگ کے تبادلے کے باعث امدادی سرگرمیوں میں مشکلات کا سامنا رہا۔سرکاری حکام کے مطابق دھماکے کے بعد کوئٹہ بھر کے ہسپتالوں میں ایمرجنسی نافذ کردی گئی۔سیکیورٹی اہلکاروں نے جائے وقوع پر پہنچ کر علاقے کو گھیرے میں لے لیا اور غیر متعلقہ افراد کو جائے وقوع کی جانب جانے کی اجازت نہیں دی گئی۔حکام کے مطابق متاثرہ چرچ پر پہلے بھی ایک مرتبہ دہشت گردوں نے حملہ کیا تھا جس کے بعد اس کی سیکیورٹی انتہائی سخت کردی گئی تھی جو کوئٹہ ریلوے اسٹیشن اور اہم سرکاری عمارتیں کے قریب واقع ہے۔

سرکاری حکام کے مطابق وزیراعلیٰ بلوچستان نواب ثناء اللہ زہری نے دھماکے کی مذمت کرتے ہوئے تمام متعلقہ اداروں کو ہر ممکنہ اقدامات اٹھانے کی ہدایت کردی گئی۔کوئٹہ سول ہسپتال میں 8 لاشیں لائی گئیں جن میں 3 لاشیں خواتین کی بھی تھی، سول ہسپتال کی انتظامیہ کے مطابق یہاں ریسکیو رضاکاروں نے 20 زخمیوں کو منتقل کیا جس میں بچے اور خواتین بھی شامل ہیں جبکہ کچھ دیر بعد سول ہسپتال کوئٹہ کے ترجمان نے بتایا کہ چرچ دھماکے کا ایک اور متاثرہ شخص زخموں کی تاب نہ لاتے ہوئے جاں بحق ہوگیا۔بعد ازاں آئی جی بلوچستان معظم انصاری نے جائے وقوع پر میڈیا کے نمائندوں سے بات چیت کرتے ہوئے بتایا کہ ایک حملہ آور نے چرچ کے دروازے پر خود کو اڑایا جبکہ انہوں نے تسلیم کیا کہ دہشت گرد چرچ کی مرکزی عمارت میں پہنچ جاتے تو نقصان اس سے کئی زیادہ ہوتا۔انہوں ںے کہا کہ دھماکے کے وقت چرچ میں 400 افراد موجود تھے۔ان کا مزید کہنا تھا کہ فرار ہونے والے دہشت گردوں کی تلاش کے لیے سرچ آپریشن جاری ہے جبکہ سیکیورٹی فورسز نے چرچ کو کلیئر قرار دے دیا۔ادھر ڈائریکٹر جنرل (ڈی جی) سول ڈیفنس نے بتایا کہ چرچ میں خود کش بمباروں کی جیکٹس میں 15، 15 کلو گرام اعلیٰ کوالٹی کا دھماکا خیز مواد موجود تھا۔انہوں نے بتایا کہ دوسرے حملہ آور کی خود کش جیکٹ کو ناکارہ بنادیا گیا، جسے وہ اڑانے میں ناکام رہا تھا۔

ڈی جی سول ڈیفنس نے بتایا کہ خودکش حملہ آوروں کی عمر 16 سے 20 سال کے درمیان تھیں جبکہ سول ڈیفنس کی بم ڈسپوزل ٹیم نے چرچ اور اطراف کے علاقے کو کلیئر کردیا۔صدر مملکت ممنون حسین نے ایک جاری بیان میں کوئٹہ میں چرچ پر حملے کی شدید مذمت کرتے ہوئے زخمیوں کو بہترین طبی امداد فراہم کی جائیں جبکہ اس عزم کا اعادہ کیا کہ دہشت گردوں کو منطقی انجام تک پہنچایا جائے گا۔صدر مملکت نے چرچ حملے میں قیمتی جانوں کے ضیاع پر دکھ اور افسوس کااظہار کرتے ہوئے کہا کہ دہشت گردوں کی بزدلانہ کارروائیاں ہمارے عزم کو کمزر نہیں کرسکتیں۔دوسری جانب آرمی چیف جنرل قمر جاوید باجوہ نے کوئٹہ میں چرچ پر حملے کو مذہبی انتشار پھیلانے کی کوشش قرار دیا۔پاک فوج کے شعبہ تعلقات عامہ آئی ایس پی آر کے ڈائریکٹر جنرل میجر جنرل آصف غفور کی جانب سے سماجی رابطے کی ویب سائٹ ٹوئٹر پر کیے گئے ٹوئٹ کے مطابق آرمی چیف کا کہنا تھا کہ دہشت گردوں نے مسیحی برادری کی خوشیاں متاثر کرنے کی کوشش کی تاہم سیکیورٹی فورسز کی جوابی کارروائی قابل قدر ہے۔اس کے علاوہ دفتر خارجہ کے ترجمان ڈاکٹر محمد فیصل نے سماجی رابطے کی ویب سائٹ ٹوئٹر پر اپنے ٹوئٹ میں زرغون روڈ پر ہونے والے دہشت گردی کے حملے کی مزمت کرتے ہوئے کہا کہ یہ بزدلانہ حملے دہشت گردی کے خلاف پاکستان کے عزم کو پست نہیں کر سکتے۔علاوہ ازیں وفاقی وزیر داخلہ احسن اقبال نے ایک جاری بیان میں کوئٹہ میں چرچ پر حملے کی مذمت کرتے ہوئے کہا کہ چرچ کو نشانہ بنانے کا واقعہ بزدلانہ اور افسوسناک ہے۔ان کا کہنا تھا کہ ملک دشمن عناصر پاکستان میں بد امنی اور انتشار پھیلانا چاہتے ہیں، اسلام ہمیں دیگر مذہبی عبادت گاہوں کا احترام سکھاتا ہے۔وفاقی وزیر داخلہ کا کہنا تھا کہ پاکستان میں اقلیتوں کو مذہبی آزادی اور تحفظ دینا پوری قوم کا فرض ہے، انہوں نے اس عزم کا اظہار کیا کہ دہشت گردوں سے جنگ ان کے مکمل خاتمے تک جاری رہے گی۔اس کے علاوہ اقلیت سے تعلق رکھنے والی رکن بلوچستان اسمبلی انیتا عرفان نے میڈیا سے گفتگو کرتے ہوئے کہا کہ سیکیورٹی اداروں کی بروقت کارروائی کی وجہ سے بڑا سانحہ ہونے سے بچ گیا۔انیتا عرفان کا کہنا تھا کہ شہر میں اقلیتی برادری کو نشانہ بنانے کے حوالے سے موبائل پر میسجز گردش کر رہے تھے۔انہوں نے کہا کہ ہمارے حوصلے بلند ہیں اور دہشت گردی سے ہمیشہ مقابلہ کریں گے اور اس کے لیے اقلیتی برادری حکومت کے ساتھ شانہ بشانہ کھڑی ہے۔یاد رہے کہ کوئٹہ میں اقلیتوں، مذہبی رہنماؤں سمیت پولیس اور سیکیورٹی اہلکاروں کو نشانہ بنایا جاتا رہا ہے اور پولیس کے سینیئر افسران کو قتل کیا جاچکا ہے۔اس سے قبل 25 نومبر 2017 کو بلوچستان کے دارالحکومت کوئٹہ میں دھماکے میں 6 افراد جاں بحق جبکہ 19 زخمی ہوگئے تھے۔کوئٹہ کے علاقے نواں کلی میں رواں ماہ 15 نومبر کو مسلح افراد کی فائرنگ کے نتیجے میں قائم مقام ایس پی انوسٹی گیشن محمد الیاس، ان کی اہلیہ اور بیٹے سمیت خاندان کے چار افراد ہلاک ہوئے تھے۔اس سے ایک ہفتہ قبل (9 نومبر کو) کوئٹہ کے حساس علاقے چمن روڈ پر قاتلانہ حملے میں ایڈیشنل انسپکٹر جنرل (اے آئی جی) بلوچستان پولیس حامد شکیل جاں بحق ہوگئے تھے۔
خیال رہے کہ گزشتہ کچھ برسوں میں سیکیورٹی اداروں نے امن عامہ کی صورت حال کو بہتر کرنے کے لیے کئی اقدامات کیے ہیں، تاہم شرپسند عناصر تخریبی کارروائیوں کی کوشش میں کامیاب ہو جاتے ہیں، پاک چین اقتصادی راہداری (سی-پیک) میں بلوچستان کے اہم کردار کی وجہ سے حکام دیگر ممالک کے خفیہ اداروں پر حالات خراب کرنے کے الزامات عائد کرتے رہے ہیں۔اس حوالے سے صوبائی حکومت متعدد مرتبہ یہ دعویٰ کرچکی ہے کہ بھارت کی خفیہ ایجنسی ’را‘، افغانستان کی خفیہ ایجنسی ’این ڈی ایس‘ کے ساتھ مل کر پاکستان کو غیر مستحکم کرنے کی سرگرمیوں میں ملوث ہے۔