All posts by fayaz

نئی دہلی: (نیٹ نیوز/ایمرا نیوز) بھارت نے مسلمانوں کی شناخت مٹانے کا ایک اور اقدام کر تے ہوئے تاریخی حیثیت کے حامل ریاست اتر پردیش کے شہر ‘الہ آباد’ کا پرانا اور مسلم نام تبدیل کر دیا۔ موجودہ الہ آباد شہر مغل بادشاہ جلال الدین محمد اکبر نے 1574 میں بسایا تھا۔

بھارتی ذرائع ابلاغ کی جانب سے جاری خبروں کے مطابق اتر پردیش کے وزیر اعلی یوگی ادتیہ ناتھ کی صدارت میں اتر پردیش کی کابینہ نے متفقہ طور پر تاریخی شہر الہ ٰآباد کا نام تبدیل کرنے کا اعلان کر دیا۔
بھارتیہ جنتا پارٹی سے تعلق رکھنے والے ہندو انتہا پسند وزیراعلیٰ یوگی ادتیہ ناتھ کا کہنا ہے کہ الہٰ آباد کا نام تبدیل کرکے پرایاگراج رکھیں گے۔ بھارتی میڈیا کے مطابق ریاستی وزیر اعلیٰ کمبھ کے میلے سے پہلے الہٰ آباد کا نام تبدیل کرنا چاہتے ہیں۔ ہندوؤں کے مقدس ترین دریاؤں کے سنگم پر واقع اس شہر میں ہر برس میلے لگتے ہیں۔ ہر بارہ برس بر مہا کمبھ کا انقعاد ہوتا ہے جسے دنیا میں کسی ایک مقام پر انسانوں کا سب سے بڑا اجتماع بتایا جاتا ہے۔

دوسری جانب وزیر اعلیٰ یوگی ادتیہ ناتھ کے نام بدلنے کے اعلان پر اپوزیشن جماعت کانگریس نے شدید احتجاج کیا ہے۔ کانگریس کے مقامی ترجمان کے مطابق تہذیبی اور تاریخی اعتبار سے مشہور الٰہ آباد شہر کا نام بدلنے سے اس کی پہچان متاثر ہو سکتی ہے، جس کا اثر تعلیمی اور معاشی سرگرمیوں پر بھی پڑے گا۔ حزب اختلاف کا یہ بھی کہنا تھا کہ جس مقام پر ہندوؤں کا کمبھ میلہ لگتا ہے اس کا نام پہلے سے ہی پریاگ راج ہے اور اگر حکومت نام بدلنا ہی چاہتی ہے تو وہ انہیں دو الگ الگ شہر بنا سکتی ہے۔

لاہور: (شوبز ڈیسک/ایمرا نیوز) اداکارہ ماہرہ خان ترکی کا دورہ کر کے وطن واپس پہنچ گئیں۔ وہ دو ہفتے قبل فلم ‘پرے ہٹ لو’ کی فلمبندی کیلئے وہاں گئی تھیں۔

فلم کے ہدایتکار عاصم رضا ہیں۔ ماہرہ خان کے علاوہ مایا علی، شہریار منور اور احمد علی بٹ سمیت بہت سے فنکار ترکی میں ہیں۔ فلم کی کوریوگرافی نگاہ حسین کر رہے ہیں۔ بتایا گیا ہے کہ ماہرہ خان نے اپنا کام مکمل کرادیا ہے جبکہ دیگر فنکاروں کی شوٹنگ کاسلسلہ جاری ہے۔ اداکارہ مایا علی اور شہریار منور پر ایک گانا اور چند ٹاکی سین عکسبند کئے جائینگے۔ فلم کایونٹ رواں ماہ کے آخر یا نومبر کے پہلے ہفتے میں وطن واپس پہنچے گا۔
موجودہ الہ آباد شہر مغل بادشاہ جلال الدین محمد اکبر نے 1574 میں بسایا تھا۔ یہ شہر گنگا جمنا کے سنگم پر واقع ہے، جس کی تاریخ 443 سال پرانی ہے۔ اس شہر نے برصغیر کی جنگوں اور بعد ازاں آزادی میں اہم کردار ادا کیا۔

لاہور: (نیٹ نیوز/ایمرا نیوز) مصر میں کام کے بوجھ، تھکاوٹ اور معاشی دباؤ میں کمی لانے کیلئے تین دوستوں نے مل کرہنسی کلب قائم کیا ہے جس میں لوگوں کو چائے اور کافی کے ساتھ ساتھ ہنسی مذاق کا ماحول بھی فراہم کیا جائے گا.
یہاں آنے والے افراد کو ہنسانے کی کوشش کی جاتی ہے، اس کے ساتھ ان کیلئے تفریح کا بھی انتظام کیا گیا ہے۔ عرب ٹی وی کے مطابق دارالحکومت قاہرہ کے وسط میں شاہراہ عدلی پر واقع ہنسی کا یہ کلب 3 دوستوں احمد عبدالفتاح، احمد حسام اور محمد الشربینی نے مل کرقائم کیا ہے۔

تینوں کے ذہن میں یہ تخیل ایک کیفے کے قیام کے دوران آیا۔ انہوں نے ایک ایسا کلب بنانے کا فیصلہ کیا جہاں لوگوں کو چائے اور کافی کے ساتھ ساتھ ہنسی مذاق کا بھی ماحول فراہم کیا جائے۔ مصر میں یہ اپنی نوعیت کا منفرد اور پہلا کلب ہے۔ رپورٹ کے مطابق یہاں پر آنے والوں کو ان کی پسند کی موسیقی بھی سنائی جاتی ہے۔

اسلام آباد: (نیٹ نیوز/ایمرا نیوز) فواد چوہدری کا کہنا ہے شور شرابے اور ہنگامے سے احتساب کا عمل نہیں رک سکتا، اسمبلی میں بحث کیلئے تیار ہیں، نیب خود مختار ادارہ ہے، حکومت کا کوئی عمل دخل نہیں، احتساب کا عمل بہتر بنانے کیلئے کمیٹی بنائی جاسکتی ہے۔ وفاقی وزیر اطلاعات فواد چوہدری نے میڈیا سے گفتگو کرتے ہوئے کہا ریمانڈ کے دوران شہباز شریف کو اسمبلی اجلاس میں لا کر اسپیکر اسد قیصر نے مثال قائم کی ہے، حکومت مضبوط ہے اور سب ادارے ساتھ کھڑے ہیں، موٹو گینگ جتنا مرضی شور مچائے احتساب کا عمل نہیں رکے گا۔ انہوں نے کہا پچھلے 10 برسوں میں کوئی ترمیم نہیں کی گئی، احتساب کا عمل بہتر کرنے کیلئے کمیٹی بنائی جا سکتی ہے، نیب خود مختار ادارہ ہے، حکومت کا کوئی عمل دخل نہیں، نقاب اتار کر دیکھیں گے تو سب کو اپنی پڑی ہے۔فواد چودھری کا کہنا تھا حکومت نے شہباز شریف کے اجلاس میں شرکت کی مخالفت نہیں کی، پنجاب اسمبلی میں اپوزیشن نے جو رویہ اختیار کیا وہ قابل مذمت ہے۔ انہوں نے کہا پی ٹی آئی الیکشن جیتے تب دھاندلی، ن لیگ جیتے توسب ٹھیک ؟ احتساب کےعمل کو روکنا عوام کا نقصان ہے، احتساب کا عمل رک نہیں سکتا البتہ اس میں اصلاحات سامنے لائی جائیں، قومی اسمبلی اجلاس میں آج سیر حاصل گفتگو ہونی چاہیئے۔

اسلام آباد: (نیٹ نیوز/ایمرا نیوز) پارلیمنٹ ہاؤس میں پیپلزپارٹی کے رہنما خورشید شاہ نے اپوزیشن لیڈر شہباز شریف سے ملاقات کی، جس میں نیب کارروائیوں اور اسمبلی اجلاس سے متعلق تبادلہ خیال کیا گیا۔ قبل ازیں پارلیمنٹ ہاؤس میں مسلم لیگ ن کی پارلیمانی پارٹی کا اجلاس ہوا، جس میں مریم اورنگزیب، مائزہ حمید، کھیل داس، آصف کرمانی، جنید انوار چودھری، طاہرہ اورنگزیب شریک ہوئے۔

مسلم لیگ ن کے ارکان نے کالی پٹیاں باندھ کر اجلاس میں شرکت کی۔سینیٹر مشاہد اللہ نے میڈیا سے گفتگو کرتے ہوئے کہا شہباز شریف ضمیر کا قیدی ہے، اس ملک کی خدمت اگر کسی نے کی تو وہ شہبازشریف ہے، کوئی کرپشن نہیں، سر نہ جھکانے کی سزا دی جا رہی ہے۔ انہوں نے کہا پہلے نواز شریف اور مریم نواز کو سزا دی گئی، ہم پیچھے نہیں ہٹیں گے، پیچھے وہی ہٹیں گے جو زیادتی کر رہے ہیں۔سینیٹرمشاہد اللہ کا کہنا تھا نواز شریف، شہباز شریف، مریم نواز عوام کی جنگ لڑ رہے ہیں، یہ سزا انہیں نہیں پاکستان کو دی جا رہی ہے۔

لاہور(نیٹ نیوز) آئی جی پنجاب نے پولیس ریفارمز کے لیے دربار لگا لیا، پولیس انسپکٹرز کی آئی جی کے دربار میں عدم دلچسپی، نیند کے مزے لوٹتے رہے، آئی جی پنجاب اپنی ترجیحات بتاتے رہے جبکہ افسران خوابوں میں مست رہے۔ آئی جی نے کہا تھا کہ میرے خطاب کے دوران کوئی انسپکٹر سوئے نا لیکن اس کے با وجود افسران نیند کے مزے لوٹتے رہے۔

لاہور(نیت نیوز) اندرون و بیرون ملک اۤنے اور جانے والی 11 پروازیں منسوخ جبکہ 14 تاخیر کا شکار ہوئی۔ پروازیں طیاروں کی عدم دستیابی اور فنی خرابی کے باعث متاثر ہوئیں۔ لاہور آنے اور جانے والی 25 پروازیں متاثر ہیں۔ پی آئی اے، ائیر بلیو اور شاہین ائیرلائین کی پروازیں زیادہ متاثر ہیں۔

لاہور(نیٹ نیوز) خواجہ سعد رفیق کہتے ہیں جھوٹ بولنے والوں اور مہنگائی کا طوفان لانے والوں کو عوام نے مسترد کر دیا ۔ ہماری کسی سے دشمنی نہیں ۔الیکشن ختم ہوچکا سب کو مل کر ملک کےلیے کام کرنا ہوگا۔ خواجہ سعد رفیق کی ضمنی الیکشن میں کامیابی چونگی امرسدھو میں عشائیہ کا اہتمام ۔ کارکنوں سمیت اہل علاقہ کی بڑی تعداد میں شرکت۔ سابق وزیر ریلوے نے کہا کہ حکمرانوں نے مہنگائی کا طوفان برپا کیا۔ جس کی وجہ سے عوام نے حکومت کے کھوکھلے دعووں کو رد کر کے شیر کو ووٹ دیا۔ خواجہ سعد رفیق کا مزید کہنا تھا کہ نواز شریف اور شہباز شریف کی سربراہی میں ملک کو خوشحال بنائیں گے۔

لاہور(نیٹ نیوز) ایشین ویمن رگبی چیمپئن شپ ویمن رگبی ٹیم کے لئے عسکری ٹین میں پریکٹس کیمپ لگایا گیا۔ ایشین ویمن رگبی چیمپئن شپ 2018۔ ویمن رگبی ٹیم کا پریکٹس کیمپ عسکری 10 رگبی سٹیڈیم میں لگایا گیا۔ قومی ٹیم کی غیر ملکی کوچ سوزن کا کہنا تھا کہ پاکستان میں ویمن رگبی کو فروغ دینے آئی ہوں۔ ہیڈ کوچ شکیل ملک نے بتایا انٹرنیشنل کوچ کی آمد خوش آئند ہے،جلد بہترین کھلاڑیوں کا انتخاب کرکے کوچنگ کی طرف لایا جائے گا۔ قومی ویمن رگبی ٹیم کی کپتان اور نائب کپتان کا کہنا تھا کہ غیر ملکی ویمن کوچ آنے سے کھلاڑیوں کی کارکردگی میں بہتری دیکھنے کو ملی۔ ایشین ویمن رگبی چیمپئن شپ کا آغاز 20 اکتوبر سے برونائی میں ہوگا جبکہ قومی ٹیم 18 اکتوبر کو روانہ ہو گی۔

اسلام آباد: (نیٹ نیوز/ایمرا نیوز) شہباز شریف کا کہنا ہے تاریخ کا جبر ہے یا تاریخ رقم کی جا رہی ہے، پہلا موقع ہے منتخب اپوزیشن لیڈر کو بھونڈے طریقے سے گرفتار کیا گیا، میں یہاں مقدمے کے میرٹ پر بات نہیں کروں گا۔
اپوزیشن لیڈر شہباز شریف نے قومی اسمبلی میں اظہار خیال کرتے ہوئے کہا وزیراعظم عمران خان دھاندلی کی پیداوار ہیں، پی ٹی آئی اور نیب کا چولی دامن کا ساتھ ہے، 13 مئی کو ہمارے خلاف دھاندلی کے پرچے کاٹے گئے، الیکشن کے دوران لیگی ارکان کو جھوٹے مقدمات میں گرفتار کیا گیا۔ انہوں نے کہا شیخ رشید نے کہا تھا شہباز شریف جیل کی ہوا کھائےگا، میری گرفتاری کا مقصد ضمنی انتخابات میں مرضی کے نتائج حاصل کرنا تھا۔ شہباز شریف کا کہنا تھا عمران خان کی چھوڑی ہوئی سیٹیں ہم جیتے، ثابت ہوگیا الیکشن دھاندلی زدہ تھا، ضمنی الیکشن سے روکنے کیلئے نیب کے وارنٹ پر اب عملدرآمد کیا گیا۔ انہوں نے کہا پہلی بار کسی باپ کے سامنے بیٹی کو گرفتار کیا گیا، نواز شریف بیمار اہلیہ کو چھوڑ کر واپس آئے۔ اپوزیشن لیڈر نے کہا نیب نے حزب اختلاف کو اپنے نشانے پر رکھا ہوا ہے، نیب کا فیصلہ واضح کہتا ہے کہ نواز شریف کیخلاف کرپشن کا کوئی الزام نہیں، کہا گیا کہ 50 لوگ بھی جیل چلے جائیں تو کوئی فرق نہیں پڑتا۔اپوزیشن لیڈر نے مزید کہا کہ میری جھولی میں عوامی خدمت، امانت اور دیانت کے سوا کچھ نہیں، وی سی سے لے کر اساتذہ تک کو ہتھکڑیاں لگائی گئیں، نیب کے عقوبت خانے میں سورج کی روشنی نہیں آتی، مجھے پرواہ نہیں۔ انہوں نے کہا پروڈکشن آرڈر جاری کرنے پر اسپیکر کا شکر گزار ہوں، بلاول بھٹو زرداری کا بھی شکر گزار ہوں، اسپیکر صاحب نے آئینی اور قانونی ذمہ داری پوری کی۔