All posts by fayaz

لاہور(نیٹ نیوز/ایمرا نیوز) سانحہ ماڈل ٹاؤن میں ملوث 116 پولیس اہلکاروں کو عہدوں سے ہٹادیا گیا، جبکہ سانحہ ماڈل ٹاؤن میں ملوث چار ایس پیز کو بھی عہدوں سے ہٹانے کا فیصلہ کرلیا گیا۔
ذرائع کے مطابق آئی جی پنجاب امجد سلیمی نے سانحہ ماڈل ٹاؤن میں ملوث 116 پولیس اہلکاروں کو عہدوں سے ہٹانے کا حکم دیا ہے، ڈی ایس پی، انسپکٹرز، انچارج انوسٹی گیشن سمیت تمام اہلکاروں کو پولیس لائن رپورٹ کرنے کا حکم دیا گیا۔
ذرائع کا کہنا ہے کہ سانحہ ماڈل ٹاؤن میں ملوث چار ایس پیز کو بھی ان کے عہدوں سے ہٹانے کا فیصلہ کرلیا گیا ہے، ان افسران کو سابق آئی جی پنجاب محمد طاہر خان نے وزیراعظم کے حکم کے باجود او ایس ڈی بنانے کی بجائے دوسرے اضلاع میں ٹرانسفر کر دیا تھا جس پر حکومت نے سابق آئی جی کو عہدے سے ہٹا دیا تھا۔
واضح رہے کہ سربراہ پاکستان عوامی تحریک طاہرالقادری نے وزیراعظم عمران خان سے ملوث پولیس افسروں کو ہٹانے کا مطالبہ کیا تھا۔

(نیٹ نیوز/ایمرا نیوز)
ریلوے حکام نے غریب ملازمین اور طالب علموں کی واحد سواری بابو ٹرین کو بغیر وجہ بتائے غیر معینہ مدت کے لئے منسوخ کر دیا ہے.ریلوے حکام کی جناب سے ٹرین بند کرنے کا نوتیفیکیشن بھی جاری کر دیا گیا۔
بابو ٹرین وزیر آباد سے صبح پانچ بجے روانہ ہو کر صبح سات بجے لاہور پہنچ جاتی تھی،مسافروں نے ٹرین بند ہونے پر احتجاج کیا ہے۔ریلوے حکام نےتاریخی بابوٹرین بند کرکے نئی ٹرینیں چلانے کا سلسلہ شروع کر دیا،لاہور سے وزیر آباد کے درمیان چلنے والی بابو ٹرین بند ہونے پر مسافر سراپا احتجاج ہیں۔

لاہور(نیٹ نیوز/ایمرا نیوز) زینب قتل کیس کے مجرم عمران کو کوٹ لکھپت جیل لاہور میں پھانسی دے دی گئی، مجرم پر 8 کم سن بچیوں سے زیادتی اور قتل کے الزامات ثابت ہوئے تھے۔
مجرم عمران کو مجسٹریٹ غلام سرور کی موجودگی میں آج (بدھ) صبح ساڑھے پانچ بجے تختہ دار پر لٹکایا گیا، سزا پر عملدرآمد کے وقت کمسن زینب کے والد محمد امین بھی پھانسی گھاٹ پر موجود تھے۔
اس موقع پر کوٹ لکھپت کے باہر سخت سیکورٹی انتظامات کیے گئے تھے۔
بعدازاں مجرم عمران کی لاش ورثا کے حوالے کردی گئی۔
پھانسی کے بعد میڈیا سے گفتگو کرتے ہوئے زینب کے والد نے کہا کہ وہ اپنی آنکھوں سے مجرم کا انجام دیکھ کر آرہے ہیں، آج انصاف کے تقاضے پورے ہوئے، مجرم کو سزا پر مطمئن ہوں۔
انہوں نے کہا کہ مجرم عمران بے خوف و خطر خود چل کر تختہ دار تک آیا، اُس کے چہرے پر زرہ برابر بھی ندامت کے آثار نہیں تھے۔

قبل ازیں کوٹ لکھپت جیل آمد پر زینب کے والد کا کہنا تھا کہ مجرم کو سرعام پھانسی دینی چاہیے تھی، اگر سرعام پھانسی نہیں دینی ہے تو اس قانون کو ہی ختم کردینا چاہئے۔
قصور میں متعدد کم سن بچیوں کو زیادتی کے بعد قتل کرنے کے کئی واقعات رونما ہوئے لیکن مجرم قانون کی گرفت سے باہر تھا،4 جنوری 2018 کو 7سالہ زینب کی لاش ملنے کے بعد قانون نافذ کرنے والے ادارے حرکت میں آئے اور 19 دن بعد زینب کے گھر کی عقبی گلی کا رہائشی عمران پکڑا گیا۔
عمران نے ابتدائی تفتیش میں ہی اعتراف جرم کر لیا تاہم جب ڈی این اے کرایا گیا تو وہ 8 بچیوں کا قاتل نکلا۔
دوران تفتیش مجرم نے دل دہلا دینے والے انکشافات کیے۔ 24 سالہ عمران کے مطابق قصور کے ایک قحبہ خانے میں جانے اور غیراخلاقی فلمیں دیکھنے سے وحشت سوار ہو جاتی تھی، جس کے لئے وہ کم سن اور معصوم بچیوں کو ورغلا کر لے جاتا، پہلے زیادتی کا نشانہ بناتا اور پھر گلا دبا کر مار دیتا۔واضح رہے کہ17 فروری کو لاہور کی انسداد دہشت گردی کی خصوصی عدالت نے زینب سے زیادتی و قتل کے مجرم عمران کو 4 بار سزائے موت کا حکم سنایا، عدالت نے مجرم عمران کو 6 الزامات کے تحت سزائیں سنائی تھیں۔
مجرم عمران کو ننھی زینب کے اغوا، زیادتی اور قتل کے ساتھ ساتھ انسداد دہشت گردی ایکٹ کی دفعہ 7کے تحت 4،4 مرتبہ سزائے موت سنائی گئی، عمرقید اور 10لاکھ روپے جرمانہ، لاش کو گندگی کے ڈھیر پر پھینکنے پر7سال قید اور 10 لاکھ جرمانے کی سزا بھی سنائی گئی تھی۔
انسداد دہشت گردی عدالت نے معصوم بچیوں کے قتل کیسز میں مجرم کو مجموعی طور پر 21 بار سزائے موت کا حکم دیا۔
عدالت نے کائنات بتول کیس میں بھی مجرم عمران کو 3 بار عمر قید اور23 سال مزید قید کی سزا سنائی، اس کے علاوہ مجرم کو 25 لاکھ روپے جرمانہ اور 20 لاکھ 55 ہزار روپے دیت ادا کرنے کا بھی حکم دیا تھا۔6 سالہ کائنات بتول کو 12 نومبر 2017 کو قصور گارڈن سے اغوا کیا گیا، درندہ صفت نے لکڑی کے ٹال میں رات گئے زیادتی کا نشانہ بنایا اور پھینک دیا۔پراسیکیوٹر عبدالرؤف وٹو کی جانب سے دائر استغاثہ کے مطابق سفاک قاتل عمران نےننھی بچیوں کو زیادتی کے بعد قتل کردیا تھا، 7 سالہ نور فاطمہ کو عمران نے 11 اپریل 2017 کو قصور امین ٹاؤن سے اغوا کیا ،2 فرلانگ کے فاصلے پر زیر تعمیر مکان میں زیادتی کے بعد قتل کردیا، مجرم کیخلاف تھانہ صدر قصور میں مقدمہ درج ہوا۔
7 سالہ نور فاطمہ کے ساتھ زیادتی اور قتل کیس میں بھی 4 بار سزائے موت 20 لاکھ جرمانہ اور 10 لاکھ روپے دیت کا حکم جاری کیا۔8 سالہ لائبہ کے ساتھ زیادتی اور قتل کیس میں 4 بار سزائے موت 20 لاکھ جرمانہ اور 10 لاکھ روپے دیت کا حکم جاری کیا، لائبہ عمر کو بستی خادم آباد سے 8 جولائی 2017 کو اغوا کیا، 500 میڑ فاصلے پر شاہ عنایت کے قریب زیر تعمیر مکان میں درندگی کا نشانہ بنایا اور قتل کیا۔
کمسن عائشہ آصف 7 جنوری 2017 قصور بی ڈویژن سے اغوا کی گئی، معصوم کو سیٹھی کالونی کے قریب زیر تعمیر مکان میں درندگی کے بعد قتل کیا گیا۔عدالت نے عائشہ آصف کے ساتھ زیادتی اور قتل کیس میں 4 دفعہ سزائے موت، 20 لاکھ جرمانہ اور 10 لاکھ روپے دیت کا حکم جاری کیا۔8 سالہ نورین کو حیات آباد سے 9 جولائی 2017 کو اغوا کیا گیا اور اندرون موری گیٹ قصور کے قریب زیادتی کے بعد قتل کردیا گیا۔4سالہ ایمان فاطمہ کو سفاک قاتل نے 24 فروری 2017 کوقصور علی پارک سے اغوا کیا اور آدھا کلو میٹر کے فاصلے پر زیر تعمیر مکان میں زیادتی کا نشانہ بناکر قتل کرڈالا۔
ان کیسز کی سماعت انسداددہشت گردی عدالت کے جج نے روزانہ کی بنیاد پر کوٹ لکھپت جیل میں کی۔

ISLAMABAD: A heated session of the National Assembly will take place today (Wednesday) as the Pakistan Muslim League-Nawaz (PML-N) is expected to protest party president Shehbaz Sharif’s arrest.

The leader of the opposition in the National Assembly, who has been in the National Accountability Bureau’s (NAB) custody since October 5 in connection to the Ashiana Housing Scheme case, will also attend the session of the Lower House and is expected to deliver a speech.

NAB teams have brought Shehbaz from Lahore to Islamabad for the session. After the session is over, the PML-N president will taken back to the provincial capital.

Last week, NA Speaker Asad Qaiser issued Shehbaz’s production orders.

The NA session has been summoned on a requisition of PML-N leaders. Shortly after Shehbaz’s arrest, a PML-N delegation had visited the NA speaker’s house and requisitioned that a session of the Lower House be called immediately to debate over the matter.

On Tuesday, the ruling Pakistan Tehreek-e-Insaf (PTI) agreed upon a strategy to deal with the possible protest that the opposition may carry out during the session today. During an important meeting summoned by Prime Minister Imran Khan, the PTI decided that it would have strong responses in light of the realities of the Opposition’s criticism. It is noteworthy that there is a high likelihood that Khan, himself, would also attend today’s NA session, sources noted.

A day earlier, an accountability court in Lahore granted NAB a 14-day extension in the physical remand of the former Punjab chief minister. Shehbaz was arrested on October 5 when he appeared before NAB to record his statement in the Punjab Saaf Pani Company case.

International Monetary Fund chief Christine Lagarde has postponed a planned trip to the Middle East with a stop in Saudi Arabia for an investment conference, after a prominent journalist´s disappearance.

“The Managing Director´s previously scheduled trip to the Middle East region is being deferred,” an IMF spokesman said in a statement, without further explanation.

Lagarde had been set to participate in the kingdom´s Future Investment Initiative conference that has been boycotted by global business and media leaders since the suspected death of Jamal Khashoggi, who was last seen at the Saudi consulate in Istanbul on October 2.

On Saturday, during the IMF´s annual meetings in Bali, Lagarde had said she would travel to Riyadh for the gathering next week.

“Human rights, freedom of information are essential rights and horrifying things have been reported and I am horrified,” she told reporters at the time.

“But I have to conduct the business of the IMF in all corners in the world and with many governments. When I visit a country, I always speak my mind… So at this point of time my intention is to not change my plans and to be very attentive to the information that is coming out in the next few days.”

But there have since been growing accusations against top levels of the kingdom over the Khashoggi case, triggering a diplomatic crisis.

Turkish authorities say the journalist was killed inside the Saudi consulate by a group of hitmen traveling from Riyadh, which has insisted without evidence that Khashoggi disappeared after leaving the consulate.

Saudi Arabia has promised that no one will be exempt from the enquiry into the disappearance of journalist Jamal Khashoggi, US Secretary of State Mike Pompeo said Wednesday.

Asked if a member of the Saudi royal family might conceivably be held accountable in the case, Pompeo said after talks in Riyadh: “They made no exceptions to who they would hold accountable.”

Pompeo spoke on a plane taking him from Riyadh, where he held talks with King Salman and other senior leaders on the case of Khashoggi, to Turkey, where he said was scheduled to meet with President Recep Tayyip Erdogan.

President Donald Trump dispatched Pompeo on an urgent mission to Riyadh to defuse the crisis over Khashoggi, an insider turned critic of the conservative monarchy who was last seen on October 2 when he entered the Saudi consulate in Istanbul to sort out marriage paperwork.

Officials in Turkey say Khashoggi, a US resident, was killed inside the consulate.

After a full day of talks, a statement from Pompeo and a tweet by Trump said that the Saudi leadership “strongly denied knowledge of what took place” in the consulate, without outright rejecting that an incident occurred.

In his comments to reporters, Pompeo described his talks in Saudi Arabia as “incredibly successful” because, he said, the Saudis had promised a thorough and transparent probe.

Pompeo was asked point-blank if the Saudis told him whether the journalist is alive or dead.

He answered: “I don´t want to talk about any of the facts. They didn´t want to either, in that they want to have the opportunity to complete this investigation in a thorough way.”

(وقت لاہور)
2014 کے اوائل کا ذکر ہے۔ وزیراعظم میاں نوازشریف طالبان سے مذاکرات کا آغاز کرنا چاہتے تھے۔ محترم بھائی میجر(ر) محمد عامر اور مجھے اس سلسلے میں طلب کررکھا تھا۔ اتفاق سے اس روز جنرل (ر) پرویز مشرف کو عدالت میں پیش کیا جانا تھا۔ صبح سے افواہ گرم تھی کہ آج جنرل صاحب کو ہتھکڑی لگا کر عدالت لایا جائے گا۔ میں چونکہ پرویز مشرف کے خلاف مقدمے کے حق میں بھی نہیں تھا اور اس سے قبل کالموں اور ٹی وی پروگراموں میں تسلسل کے ساتھ اس رائے کا اظہار کرچکا تھا کہ حکومت معاملے کو منطقی انجام تک پہنچا سکتی ہے اور نہ اس کے نتائج سہہ سکتی ہے، اس لئے گپ شپ میں پرویز مشرف کا معاملہ بھی زیربحث آیا۔ میں نے میاں نوازشریف سے عرض کیا کہ آج افواہ پھیلی ہے کہ جنرل صاحب کو ہتھکڑی پہنائی جائے گی اور اگر ایسا ہوا تو یہ بہت برا ہوگا۔ آپ کے مخالف ضرور ہیں لیکن وہ آرمی چیف بھی رہے ہیں۔ اس لئے برائے مہربانی اس بات کو یقینی بنائیں کہ انہیں ہتھکڑی نہ لگے۔ میاں صاحب مسکرائے اور مجھ پر طنز کرتے ہوئے میجر عامر سے کہنے لگے کہ میجر صاحب! فوجی آپ ہیں لیکن آج کل صافی صاحب کو جنرل مشرف کی بہت فکر ہے تاہم میجر صاحب نے بھی میری بات کی تائید کی اور میاں صاحب سے کہا کہ بعض اوقات نیچے کے لوگ گڑبڑ کرلیتے ہیں۔ اس لئے سلیم کی تشویش بجا ہے۔ ان کی بات سنتے ہی میاں صاحب نے سامنے بیٹھے فواد حسن فواد سے کہا کہ ذرا پتہ کرکے رپورٹ دیں۔ فواد حسن فواد باہرنکلے اور تھوڑی دیر بعد واپس آکر وزیراعظم کو رپورٹ دی کہ ہتھکڑی لگانے کا کوئی پروگرام نہیں جبکہ میں نے آپ کا حکم بھی پہنچا دیا ہے کہ اس بات کو یقینی بنایا جائے کہ ان کے ساتھ کوئی نامناسب سلوک نہ ہو۔ اس پر میاں صاحب ایک بار پھر مجھ سے مخاطب ہوکر کہنے لگے کہ صافی صاحب !فکر نہ کریں۔ ہتھکڑیاں صرف ہم سویلین کے لئے ہوتی ہیں۔ پھرمیاں صاحب اپنے ساتھ جنرل پرویز مشرف کے دور میں روا رکھے گئے سلوک کا تذکرہ کرتے ہوئے کہنے لگے کہ کس طرح ان کو اسلام آباد سے کراچی لے جاتے ہوئے ہتھکڑیاں لگائی گئیں اور پھر کس طرح جہاز میں ان کے ہتھکڑی لگے ہاتھوں کو سیٹ کے ساتھ باندھ دیا گیا تھا۔
جنرل پرویز مشرف کو اس روز ہتھکڑی لگی اور نہ اس کے بعد۔ گزشتہ چار سالوں میں تو انہیں کوئی عدالت میں بھی پیش نہ کر سکا۔ حالانکہ ان کے خلاف جو الزامات ہیں ان سے بڑھ کر سنگین تر الزامات کوئی ہو ہی نہیں سکتے۔ ایک الزام سنگین غداری کا اور دوسرا الزام اکبر بگٹی اور لال مسجد کی بچیوں کے قتل کا ہے۔ پرانے پاکستان میں تو ان چیزوں کا تصور بھی نہیں کیاجاسکتا تھا لیکن اب نئے پاکستان میں روزانہ ٹی وی پر نمودار ہوکر جنرل صاحب خطاب فرماتے ہیں لیکن عدالتوں میں پیش ہونے سے گریزاں ہیں۔ ہاں البتہ نئے پاکستان میں مخالف سیاستدانوں کے ساتھ ساتھ اب ضعیف پروفیسروں کو بھی ہتھکڑیاں لگ گئیں۔ لیکن میں حیران ہوں کہ اس روز قیامت کیوں برپا نہ ہوئی جس روز ساٹھ سال سے زائد عمر کے ضعیف وائس چانسلرز اور پروفیسروں کو ہتھکڑیاں لگائی جارہی تھیں۔ حیران ہوں اس ملک کو چلانے والے متکبرین رات کو کیسے سوجاتے ہیں کہ جن کے اقتدار میں استاذالاساتذہ کی حیثیت رکھنے والے سابق وائس چانسلروں کی تذلیل ٹی وی کیمروں کے سامنے کی گئی ؟ یہ معاشرہ زندہ روحوں کا معاشرہ ہوتا تو ان بزرگ اساتذہ کو ہتھکڑی لگانے والے پولیس اہلکاروں کے ہاتھ ان کی طرف بڑھنے سے پہلے توڑدیتا۔ دعویٰ ہر گز یہ نہیں کہ نیب کے ہاتھوں گرفتار ہونے والے اساتذہ فرشتے ہیں۔ انہوں نے کوئی جرم کیا ہے تو انصاف کے تقاضے پورے کرکے ان کو سزا ضرور ملنی چاہئے لیکن تذلیل اور ہتھکڑی لگانے کا کیا جواز ؟ چین کی دوستی پر فخر کرنے والے اس ملک کے مختاروں نے کیاکبھی یہ معلوم کیا ہے کہ وہاں اساتذہ کو کیا مقام دیا جاتا ہے اور یہ کہ آج اگر چین باقی دنیا سے آگے نکل رہا ہے تو اس کی ایک بنیادی وجہ یہ بھی ہے کہ اساتذہ کی عزت اور مقام کے لحاظ سے چین پوری دنیا میں سرفہرست ہے۔ کیا ریاست مدینہ کا ورد کرنے والوں نے کبھی یہ جاننے کی زحمت گوار ا کی ہے کہ اس ریاست کی بنیاد رکھنے والے محسن انسانیت ﷺ نے استاد کے بارے میں کیا ارشاد فرمایا ہے۔ آپﷺ کا فرمان ہے کہ انما بعثت معلما(بے شک مجھے معلم بنا کر بھیجا گیا ہے )۔ جس ملک میں جج، جرنیل اور جرنلسٹ کا تو احترام ہوبلکہ وہ قانون سے بالاتر ہوں لیکن استاد کی تحقیر کی جارہی ہو تو اس کے حاکم کس منہ سے ریاست مدینہ کا نام لیتے ہیں۔ جس ملک میں ساڑھے تین سو انسانوں کے قتل کے ملزم رائو انوار کو تو ہتھکڑی نہ لگ سکے لیکن ستر سالہ پروفیسرو ں کو ہتھکڑی لگا دی جائے،اللہ جانے اس ملک کا کیا ہوگا۔

میرے نزدیک یہ ہتھکڑی بزرگ اساتذہ کو نہیں بلکہ حقیقتاً پورے پاکستان کے اجتماعی ضمیر کو لگی ہے اس لئے مجھ سے رہانہ گیا۔ سیدھا لاہورگیا اور حقیقت جاننے کے لئے ڈی جی نیب میجر(ر) شہزاد سلیم کی خدمت میں حاضر ہوا۔ وہ نمازی اور دینی مزاج کے انسان ہیں۔ ان سے استفسار کیا کہ ان کے ہوتے ہوئے اس ظلم عظیم کا ارتکاب کیوں ہوا۔ وہ قسم اٹھا کر وضاحت دینے لگے کہ ایسا ان کے کہنے پر یا نیب کے احاطے میں نہیں ہوا۔ کہہ رہے تھے کہ جو کچھ کیا پولیس نے عدالت میں کیا اور یہ کہ وہ فرداً فرداً تمام اساتذہ سے مل کرمعافی مانگ چکے ہیں لیکن سوال یہ ہے کہ اگر پولیس نے کیا تو پھر ان پولیس اہلکاروں کے خلاف اب تک کوئی کارروائی کیوں نہیں کی گئی۔

بزرگ اساتذہ کے ساتھ جو کچھ ہوا ہے وہ تہہ درتہہ بے حسی اور ظلم کے سوا کچھ نہیں۔ صرف یہ نہیں کہ وہ پروفیسرز تھے بلکہ وائس چانسلرز کی حیثیت سے وہ سینکڑوں پروفیسروں کے قائد بھی رہے ہیں۔ پھر وہ بزرگ تھے اور کسی ایک کی عمر بھی ساٹھ سال سے کم نہیں۔ وہ باعزت رہا بھی ہوجائیں تو یقیناً اپنے آپ سے یہ کہتے رہے ہوں گے کہ پیغمبرانہ پیشہ اختیار کرکے انہوں نے اچھا نہیں کیا۔ وہ شاید اپنے والدین کوبھی کوستے رہیں گے کہ انہو ںنے استاد بنانے کی بجائے انہیں جنرل پرویز مشرف کیوں نہیں بنایا۔ آئین توڑتے تو بھی کبھی گرفتار نہ ہوتے بلکہ اب دبئی کے محلات میں رقص کررہے ہوتے۔ وہ پروفیسر فلاں کی بجائے جنرل مشرف ہوتے تو ان کی عدالت میں پیشی سے قبل سلیم صافی جیسے صحافی بھی ان کے لئے پریشان ہوکر التجائیں کررہے ہوتے کہ کہیں ان کو ہتھکڑی نہ لگ جائے اور وزیراعظم یقین دلارہے ہوتے کہ ہتھکڑی لگنے کا سوال ہی پیدا نہیں۔ وہ یقیناً سوچ رہے ہوں گے کہ استاد بننے کی بجائے اگروہ رائو انوار کی طرح بدمعاش بن کر بے گناہ نقیب اللہ محسودوں کے قتل کے ملزم بنتے تو ہتھکڑی لگنا تو درکنار پاکستان کی سب سے بڑی عدالت میں بھی وی وی آئی پی دروازوں سے اندر جاتے۔

چیف جسٹس آف پاکستان جسٹس ثاقب نثار نے اب تک جو سوموٹوایکشنز لئے ہیں، ان میں یہ ایکشن شاید سب سے زیادہ مقدس ہے لیکن اگر جسٹس صاحب پاکستان کے مستقبل کو تاریکی سے بچانا چاہتے ہیں تو ان سے دست بستہ درخواست ہے کہ وہ اس معاملے کو رائو انوار کا معاملہ نہ بنائیں اور اسے منطقی انجام تک ضرور پہنچا دیں۔ ہم اپنے اساتذہ کو مناسب تنخواہیں نہیں دے سکتے، ان کو مناسب سروس اسٹرکچر نہیں دے سکتے، ا ن کو مناسب عزت اور توقیر نہیں دے سکتے تو کم ازکم ان کی تحقیر کرنے والوں کو سزا دے کر نمونہ عبرت تو بنا دیں۔ کیا ہی اچھا ہوگا کہ وزیراعظم، چیف جسٹس آف پاکستان اور آرمی چیف ان اساتذہ کی تالیف قلب کے لئے خود ان کے پاس نیب آف جاکر ملاقات کرلیں۔ ان تینوں نے یہ زحمت گوارا کرلی تو مجھے یقین ہے کہ اس اقدام کا پیغام نئے پاکستان کی بنیاد بن جائے گانہیں تو خاکم بدہن بزرگ اساتذہ کو لگنے والی یہ ہتھکڑی پاکستان کے روشن مستقبل کے لئے ہتھکڑی ثابت ہوگی۔
(بشکریہ جنگ لاہور)

(وقت لاہور)
پاکستان کی اقتصادیات (اکانومی) کوسنجیدگی سے تباہ کیا گیا۔ ہزار کوشش اور محنت کے ساتھ، یہ تباہی ایک رخی نہیں ہمہ جہتی تھی۔ اس تباہی میں امریکہ کا ہاتھ تھا نہ اسرائیل کا، بھارت کا نہ کسی انجانے دشمن کا، یہ ہزار چائو سے لائے گئے حکمرانوں کی بری حکمرانی اورخودغرضی کے ہاتھوں تباہ ہوئی جن کو دعویٰ تھا وہ بہت تجربہ کار، قابل بھروسہ ٹیم رکھتے ہیں جو چند برس میں قوم کی تقدیر بدل دے گی۔
بہت سال ادھر کی بات ہے۔ ہماری پھوپھی زاد بہن بیمار ہو کر راولپنڈی کے اسپتال میں تھیں دیکھتے ہی دیکھتے وہ بے ہوشی (COMA)میں چلی گئیں۔ ان کی دیکھ بھال کیلئے تنہا ایک بیٹی جس کے میاں سرکاری ملازمت کے سلسلے میں شہر سے دور، چھوٹے چھوٹے تین بچے اسکول جانیوالے، بیٹی بے حد پریشان تھی۔ ایک طرف اسپتال میں بے ہوش ماں کی تیمارداری دوسری طرف بچوں کا کھانا، ناشتہ، اسکول لے جانا، اسکول سے گھر لانا، ان کا ہوم ورک، دن بھر کی بھاگ دوڑ، پریشانی اورنیند کی کمی سے وہ بے چاری پہلے زرد ہوئیں پھر بیمار پڑنے لگیں، ان دنوں راقم کا زیادہ تر قیام اسلام آبادمیںتھا۔ اکثر شام کو بہن کی تیمارداری کیلئے اسپتال جانا ہوتا ہے۔ ایک دن ان کی بیٹی کے چہرے پر کچھ رونق اور آنکھوں میں امید کی رمق تھی، پوچھا آج کچھ پرامید اور خوش نظر آتی ہو، بولیں۔ ہاں آج اماں نے پائوں کا انگوٹھا ہلایا ہے۔ شاید آنکھ بھی جھپکی تھی۔ ماں ہوش میں آئی نہ باتیں کیں، بس ایک پائوں کا انگوٹھا ہلنے کے خیال سے بیٹی کے ’’سوگھے دھانوں پانی پڑا‘‘ اور اس کی امیدیں جاگ اٹھیں۔

ایک دن اسپتال سے ہوتے ہوئے گوجر خان پروفیسر احمد رفیق اختر سے ملنے کا ارادہ تھا۔ تیمار دار سے کہا کہ ذرا گوجر خان تک جاتا ہوں۔ واپسی پر رکوں گا، بولیں‘ گوجرخان میں کیا ہے؟ کہا، پروفیسر رفیق اختر سے ملنا ہے، بولیں، وہی پروفیسر صاحب جن کے سالانہ لیکچر کی بڑی دھوم ہے؟ میں نے بھی ان کی دو ایک کتابیں پڑھ رکھی ہیں۔ وہ ملنے والے ضرورتمندوں کو اللہ کے نام کی تسبیح عنایت کرتے ہیں۔ کہا ہاں، انہی کے پاس جاتا ہوں۔ بولیں، ان سے میرے لئے تسبیح کی درخواست کیجئے اور کہیے کہ وہ امی کیلئے دعا کریں کہ وہ اچھی ہو جائیں اور اللہ ان کی مشکل آسان کرے۔ گوجر خان میں پروفیسر صاحب سے صورتحال عرض کی اور تیمار دار بیٹی کا پیغام دیا۔ تو فرمایا، تسبیح دیتا ہوں، تندرستی تو نہیں، البتہ اللہ مشکل آسان کریگا۔ پہلی دفعہ یہ جانا کہ ’’مشکل آسان‘‘ کا مطلب‘‘ قید حیات سے نجات پانا ہے۔

گزشتہ دس سال سے پاکستان کی صنعت بطور خاص کپڑے کی صنعت کی حالت ہماری بہن کی سی تھی۔ بستر پرپڑے بے سدھ، بے ہوش، فرق یہ ہے کہ ہماری بہن قدرتی عارضے کے سبب اسپتال گئیں مگر پاکستان کی صنعت کو دانستہ گلا دبا کر سانسیں روک دی گئی ہیں۔ اب یہ قومہ میں پڑی تھیں۔ سانس آتی ہے نہ جان نکلتی۔ لواحقین اور تیماردار کی جان پر بنی۔ کچھ مریض کی محبت میں، کچھ پرانے تعلق سے شرم کے مارے مریض کی پٹی سے لگے ہیں یا اسپتال کے لان میں کسی خبر کے منتظر۔

خدا خدا کر کے نیم حکیم اور اتائی رخصت ہوئے۔ ’’نئے مسیحا اسد عمر‘‘ نے دوا دی، دارو کیا، مریض اگرچہ اب بھی اسپتال میں ہے مگر اس نے پائوں کا انگوٹھا ہلایا، آنکھ کی پتلی کو جھپکا، تیماردار کی آواز پر ردعمل دینا شروع کیا۔ مریض بھلے گھر نہیں آیا مگر اس کے جانبر ہونے کی امید جاگی ہے۔ اسی امید پر لواحقین کی آنکھوں میں روشنی اور چہرے پر رونق دوڑ گئی ہے۔

فیصل آباد میں تو گویا جشن کا سماں ہے کہ اس شہر کے ہر گھر میں دو ایک مریض بے ہوشی (COMA)میں پڑے تھے، ہر خاندان اور پیاروں کے جان پر بن آئی تھی۔ اسد عمر کے ایک انجکشن نے امید دلائی ہے کہ مریض ہوش کی طرف رواں ہے تو ایک دن صحت مند ہو کر گھر بھی پہنچے گا اورناامید خاندانوںکی پھر سے چارہ جوئی کرسکے گا۔

ہفتے کے دو ایک دن سمندری روڈ پر حاجی اسلم کے دفتر آنا ہوتا ہے، اخبار کیلئے کالم لکھنے، کمپوز کروانے اور گپ شپ کرنے کیلئے۔ حاجی اسلم کی دو اسپننگ ملز (SPINNING MILLS) ہیں۔ یعنی دھاگہ بنانے کے کارخانے، دفتر میں خوب رونق ہوتی، چہل پہل، چائے کھانا، ہنسی ٹھٹھا، 2013ء کے تجربہ کاروں کے سبز قدم پڑتے ہی

ہوش و ہواس و تاب و تواں داغ جا چکے

اب ہم بھی جانے والے ہیں سامان تو گیا

والی حالت تھی۔ کپاس بیچنے، دھاگہ خریدنےوالے ٹوٹ پھوٹ کے سوداگر، سپیئر پارٹس سپلائی کرنے والے محکموں کے اہلکار، بینکوں کے افسران، نوکری کی تلاش میں سفارشی رقعہ تھامے نوجوان، جنرل منیجر طاہر کا کمرہ بھرا ہے، حاجی صاحب کے ملنے والوں کی قطار، پیپلز پارٹی کی حکومت آئی تو آمدن کم ہوگئی، کام چلتا رہا، قرض بڑھتا گیا، 2013ء کا انتخاب آیا، تجربہ کار سیاستدانوں کا پلّو پکڑا، پنجاب بھر میں جو ہوا سو ہوا مگر فیصل آباد، قومی اور صوبائی اسمبلی کی تینتیس ( 33) نشستیں نون لیگ کی نذر کیں اور امید لگائی کہ اب گیس سستی ہوگی، بجلی ملے گی، ٹیکس میں چھوٹ، بدعنوان افسروں سے نجات مگر

اے بسا آرزو کہ خاک شدہ

رونقیں، چہل پہل رخصت ہوئی اور صرف قرض خواہ رہ گئے اور ان کے تقاضے، پہلے لندن بھائیوں سے قرض لیا، پھر خواتین کے زیور بکے، پیپلز کالونی کی کوٹھی بھینٹ چڑھی، قرض خواہوں سے نجات نہ کارخانوں میں جان، آخری پونجی اچھے دنوں میں شہر کے مضافات میں خریدی ستر ایکڑ زرعی اراضی تھی وہ مسلم لیگ کے ایم پی اے کے ہاتھ فروخت کر کے کچھ قرض چکائے۔ سمندری روڈ کے دفتر کو اسکول یا کسی کام میں بدلنے کا ارادہ تھا کہ بیچ میں اسد عمر کی دلائی امیدیں اور دلاسے کچھ راہ دینے لگے۔

حاجی صاحب سے پوچھا کہ جب نقصان ہی نقصان ہے تو کاروبار بند کیوں نہیں کر دیتے۔ بولے کارخانہ بند کرنے میں بھی بیس لاکھ مہینے کا نقصان ہے اور چلانے میں پچاس لاکھ کا، بچت تو دونوں صورت میں نہیں، بند کرنے سے مشینری چوری ہوگی یا پڑے پڑے اتنی خراب کہ چلائیں تو اس پر اٹھنے والا خرچ کہیں بڑھ جائیگا۔ چار سو مزدور فارغ کئے، بیسیوں کاریگر، دفتر کے اہلکار، حتیٰ کہ جنرل منیجر تک چلے گئے، ان کے چولہے بند ہونے کا بوجھ، دل اور ضمیر پر الگ ہے۔ تحریک انصاف کی حکومت نے گیس کی قیمت دو روپے یونٹ کم کی ہے۔ جاں بلب کو گویا آکسیجن لگا دی گئی اس ایک انجکشن سے مریض مرتے مرتے ہوش میں آیا تو چنگا بھلا بھی ہو جائے گا۔

ملک بھر میں ٹیکسٹائل کی ایک سو پچاس ملیں بند ہو چکیں، تین لاکھ 75 ہزار پاور لومز میں سے75 فیصد نہ صرف بند ہوئیں بلکہ اسکریپ میں بک گئیں۔ گیس کی قیمت کم ہونے سے اب کارخانہ چلانے کی صورت میں پچاس لاکھ کا نقصان کم ہو کر سولہ لاکھ رہ گیا ہے۔ وعدے کے مطابق بجلی کی قیمت کم ہونے، ایکسپورٹ کیلئے منگوائے جانیوالے خام مال پر ڈیوٹی ختم کرنے، انڈیا کی کاٹن ممبئی کی بجائے واہگہ بارڈر سے درآمد کرنے کی اجازت اور ریبیٹ کی 200ارب واجب الادا رقم صنعتکاروں کو واپس ملنے کی صورت میں نوے فیصد کارخانے چند دنوں میں پھر سے پیداوار دینے لگیں گے۔ جس سے تقریباً دو لاکھ روزگار فوری طور پر دستیاب ہوں گے اور برآمدات جو بیس ارب ڈالر کم ہو چکی ہیں ان کا فوری ازالہ ممکن ہو جائیگا۔

(کالم نگار کے نام کیساتھ ایس ایم ایس اور واٹس ایپ رائےدیں00923004647998)

(بشکریہ جنگ لاہور)

(وقت لاہور)
زیادہ پیچھے نہیں جاتے، چالیس پچاس برس پہلے کی بات کرتے ہیں، ٹی وی اُن دنوں نیا نیا آیا تھا، ٹیلی فون بھی کسی کسی گھر میں ہوا کرتا تھا، محلوں میں ویڈیو گیمز اسّی کی دہائی میں آئیں، پھر واک مین آیا، کمپیوٹر آیا، انٹرنیٹ آیا، موبائل فون آیا اور پھر دنیا ہی بدل گئی۔ آج دو برس کا بچہ بھی اسمارٹ فون سے کھیلتا ہے۔ یہ زمانہ اب وہ نہیں رہا جو کچھ دہائیاں قبل تھا، معاشرہ اب بدل چکا ہے، روایات، اقدار اور اخلاقیات بھی تبدیل ہو گئی ہیں، سائنس نے ہمارا طرز زندگی ہی نہیں بلکہ اٹھنے بیٹھے اوڑھنے بچھونے کا ڈھنگ بھی بدل ڈالا ہے۔ پہلے لوگ کسی کے گھر جانے کے لئے پتا پوچھتے تھے اور پھر ڈھونڈتے ڈھانڈتے پہنچ جاتے تھے، اب کہتے ہیں لوکیشن سینڈ کر دو اور پھر گوگل کے پیچھے پیچھے پہنچ جاتے ہیں، مگر پہنچ کر بھی گھر کی گھنٹی بجانے کی زحمت نہیں کرتے بلکہ گاڑی میں بیٹھے فون کرتے ہیں کہ یہی گھر ہے یا اس سے اگلا! جہاز کی بکنگ سے لے کر برگر کی ڈیلوری تک سب کچھ آن لائن ہے، آپ کے پاس بس کریڈٹ کارڈ اور اسمارٹ فون ہونا چاہئے دنیا مٹھی میں آ جائے گی۔ لیکن میرا آج سائنس کی ترقی پر ماتم کرنے کا کوئی موڈ نہیں اور نہ ہی ماضی کی اخلاقی اقدار کا نوحہ لکھنے کا کوئی ارادہ ہے۔ آج سے لاکھوں سال پہلے جب انسانی زندگی کا آغاز ہوا تب انسان اور حیوان میں کوئی زیادہ فرق نہیں تھا، وہ کسی قانون ضابطے کا پابند نہیں تھا، کوئی سوسائٹی تھی اور نہ کوئی معاشرت، انسان جانور کی طرح شکار کر کے کھاتا تھا، بچے پیدا کرتا تھا، مگر اُس کی عقل چونکہ حیوانوں کے مقابلے میں بہتر تھی سو اُس نے بتدریج خود کو اُن سے الگ تھلگ کیا، اپنی بستیاں قائم کیں، کچھ اصول طے کئے، دشمنوں سے لڑنے کے لئے قبیلے بنائے، سماج کے ضابطے رائج ہو گئے اور پھر ہزاروں لاکھوں برس کے طویل سفر کے بعد انسان آج اس دور میں پہنچ چکا ہے جہاں غلامی ختم ہو چکی ہے، بادشاہت کا کوئی تصور نہیں رہا، عورت مرد کے برابر آ چکی ہے اور انسانوں کو رنگ، نسل، مذہب کی بنیاد پر برتر سمجھنے کو تقریباً جرم سمجھا جاتا ہے۔ سوال یہ ہے کہ کیا یہ سب کچھ سائنسی اور مادی ترقی کی بدولت ممکن ہوا یا انسانی عقل اور سماج کے ارتقا کی وجہ سے یہ تبدیلی آئی؟ پہلا کام یہ ہوا کہ انسان نے جانور کو پچھاڑ دیا، یہ انسان کی ترقی کا پہلا قدم تھا، جنگل کا انسان اگر جانوروں کو زیر نہ کر پاتا تو آج انسانی نسل یا تو ناپید ہوتی یا پھر جانوروں سے اپنے بچاؤ کی تدبیر ہی کر رہی ہوتی، انسانی ترقی جو آج ہم دیکھ رہے ہیں شاید اُس صورت میں ممکن نہ ہوتی، حیوان پر فتح پانے کا یہ کام انسان نے کسی سائنسی ایجاد کے زور پر نہیں بلکہ اپنی عقل کے بل بوتے پر کیا۔ دوسرا کام انسان نے یہ کیا کہ اپنے لئے کچھ اخلاقی اصول طے کر لئے، یہ کام بھی سائنس کی معجزانہ ترقی کے دور سے پہلے شروع ہوا، تاہم یہ اور بات ہے کہ یہ اصول فقط ایک سو برس پہلے تک اس بات کی اجازت دیتے تھے کہ سوٹ بوٹ میں ملبوس گوری چمڑی والے بابو افریقہ سے غلاموں کو ہانک کر لے آئیں یا چند سو سال پہلے ہونے والی شادیاں تب تک نہیں ہو پاتی تھیں جب تک دلہن بادشاہ وقت کے ساتھ رات نہ گزار آئے۔ آج کی دنیا بھی اخلاقی اعتبار سے کوئی مثالی نہیں مگر بہرحال آج یہ ببانگ دہل ممکن نہیں، غلامی یوں تو ختم ہو چکی ہے مگر بلند و بالا شاپنگ مالز میں روبوٹ کی طرح کام کرنے والوں کی شکل میں آج بھی موجود ہے، لیکن یہ اتنی بدتر نہیں جتنی مصر کے بازار میں ہوا کرتی تھی جب غلاموں کی بولیاں لگتی تھیں۔ تیسرا کام انسان نے یہ کیا کہ معاشرت قائم کی، جنگل میں رہنا چونکہ ممکن نہیں تھا سو انسانوں نے اپنی بستیاں بنا لیں، رہنے کے لئے کچھ اصول بھی وضع کر لئے، یہ کام بھی سائنس کی ہوشربا ترقی سے پہلے ہو گیا۔ اسی طرح شاعری، مصوری، تعلیم، فلسفہ اور دیگر ایسے فنون میں انسان کا جُت جانا بھی اُس کے سماجی ارتقا کا باعث بنا، جنگل میں وحشیوں کی طرح گوشت کو دانتوں سے چباتا ہوا انسان اب وائلن پر دھنیں بکھیرتا ہے، شیکسپیئر کے ڈراموں سے لطف اندوز ہوتا ہے، غالب کی شاعری پر سر دھنتا ہے، رومی کے تصوف میں غرق ہو جاتا ہے، ریمبراں کی پینٹنگ دیکھ کر مبہوت ہو جاتا ہے اور افلاطون کے فلسفے کی گتھیاں سلجھاتا ہے۔
پھر یوں ہوا کہ بیسویں صدی آ گئی۔ اس ایک صدی میں انسان نے ایسی جست لگائی کہ لاکھوں برس کا سفر ایک سو برس میں طے کر لیا، سماج، معاشرت، اخلاقیات، سائنس، غرض ہر میدان میں ایسی چھلانگ لگائی کہ کسی کو بھی اندازہ نہ ہو سکتا کہ تان اب کہاں جا کر ٹوٹے گی۔ گزشتہ ایک سو برس میں انسان نے سائنس میں جو ترقی کی وہ ناقابل یقین ہی نہیں ناقابل بیان بھی ہے، اس سائنسی ترقی نے انسان کی اخلاقی اقدار کو مکمل طور سے تبدیل کر دیا ہے، ہم میں سے کچھ اس تبدیلی کا ادارک اب تک نہیں کر پائے، جو کر پائے ہیں وہ اسے اپنا نہیں پائے اور جو اپنا چکے ہیں انہیں یہ اندازہ نہیں کہ کیا اپنا چکے ہیں۔ لاکھوں برس پر محیط انسانی ارتقا کا یہ سفر بہت دلچسپ ہے، یہ سفر انسان میں رحمانی اور شیطانی دونوں صفات کو عیاں کر دیتا ہے، ہر انسان میں اچھائی اور برائی کے پہلو موجود ہوتے ہیں، جب انسان جنگل میں وحشیوں کے ساتھ رہتا تھا تب اسے جنگلی جانوروں سے خطرہ تھا، اپنے بچاؤ کے لئے ضروری تھا کہ انسان جانوروں کو زیر کرتا، اپنے دیگر دشمنوں کے بارے میں بھی اُس کی یہی حکمت عملی تھی، پتھر کے زمانے کے انسان کی جب آپس میں لڑائی ہوتی تو یہ نہیں دیکھا جاتا تھا کہ مرنے اور مارنے والے انسان وہی ہیں جن کے ساتھ وہ رہ رہے ہیں، اپنی جان بچانے کے لئے وہ سب ایک دوسرے کو مارنے پر آمادہ ہو جاتے تھے۔ آج کئی لاکھ برس گزرنے کے بعد بھی انسان کا یہی وحشی جذبہ ہم دیکھتے ہیں جب اُسے یہ یقین ہو جاتا ہے کہ اُس کے اپنے زندہ رہنے کے لئے ضروری ہے کہ ہمسائے کا خون کر دیا جائے، پھر آج کا مہذب انسان اسی وحشی پن پر اتر آتا ہے، روانڈا میں یہی ہوا، کوسووو میں یہ ہوا اور سن 47کے بٹوارے میں بھی یہی ہوا۔۔۔ وہ لوگ جو برسوں سے ایک دوسرے کے ساتھ رہ رہے تھے، ہمسائے تھے، سکھ دکھ، مرن جیون میں شریک ہوتے تھے، دھیوں کو سانجھا کہتے تھے، انہی انسانوں نے آپس میں ایک دوسرے کی گردنیں کاٹیں اور بہو بیٹیوں کے ریپ کئے، انسان کا وہی درندہ پن سامنے آ گیا جسے اُس نے تہذیب کے لبادے میں چھپا کر رکھا تھا۔ سو سوال یہ نہیں کہ کیا سائنس کی ترقی سے ہماری معاشرت تبدیل ہوئی یا نہیں، سوال یہ ہے کہ کیا واقعی انسان کبھی مہذب ہو سکے گا یا یونہی درندہ ہی رہے گا! ہم نے حیوان سے انسان بننے میں لاکھوں برس لگا دئیے مگر بن نہیں پائے، آج بھی ضرورت پڑنے پر ہمارے اندر کا حیوان ایک لمحے میں جاگ اٹھتا ہے، ایسے انسان کی درندگی سے خوف آتا ہے جانوروں سے نہیں۔

تصحیح:قائد اعظم اور علامہ اقبال بالترتیب 1893اور 1905میں لنکنز ان سے وابستہ تھے، گزشتہ کالم میں سہواً اِن حضرات کے تاریخ پیدائش لنکنز اِن میں داخلے کے برس سے خلط ملط ہو گئے جس سے ابہام پیدا ہوا، بعض قارئین نے اِس جانب توجہ مبذول کروائی، اُن کا شکریہ۔
(بشکریہ جنگ لاہور)

(ایمرا نیوز)
ہمارے ایک جہاں گرد دوست ترقیاتی منصوبوں کے سلسلے میں ملکوں ملکوں گھومتے رہتے ہیں اور اپنے مشاہدات بتاتے رہتے ہیں۔ پچھلے دنوں ان کو ایتھوپین ائیر لائن سے افریقہ جانے کا اتفاق ہوا اور منزل مقصود پر پہنچتے ہی مجھے فون پر بتانے لگے کہ وہ مذکورہ ائیر لائن کی کار کردگی سے بہت متاثر ہوئے ہیں۔ پھر وہ کہنے لگے کہ وہ ایتھوپیا کی ایئر لائن اور ان کے ائیر پورٹ پر کھڑے چالیس جہازوں کی موجودگی کی روشنی میں یہ بات وثوق کے ساتھ کہہ سکتے ہیں کہ اس ملک کی معاشی ترقی(جی ڈی پی کے بڑھنے کی رفتار) کافی تیز ہے۔ میں نے گوگل سے چیک کرکے انہیں فوراًبتایا کہ ایتھوپیا کی سالانہ پیداوار 7.5 فیصد سالانہ کی شرح سے بڑھ رہی ہے۔ انہیں کوئی حیرت نہ ہوئی اور انہوں نے مزید بتایا کہ ایتھوپیا بھی دریائے نیل پر پاکستان کی طرح ہڈاسے یا میلنیم ڈیم بنانا چاہتا تھا لیکن کوئی بھی عالمی ادارہ اس کے لئے مالیات فراہم کرنے کے لئے تیار نہیں تھا۔ ایتھوپیا نے خود مالیات کا بندوبست کیا اور سیاسی عزم کو قائم رکھتے ہوئے ڈیم کو مکمل کر لیا۔اگر ہمارے دوست کے معاشی ترقی کو بھانپنے کے طریقوں میں کوئی سچائی ہے تو پاکستان ایئر لائن (پی آئی اے) کی حالت زار سے ہی ملک کی بدحالی کا اندازہ لگایا جا سکتا ہے۔آپ نے غور کیا ہوگا کہ میں نے نہ اپنے دوست کا نام لکھا اور نہ ہی افریقہ میں ان کی منزل مقصود کا ذکر کیا۔ یقین جانیے کہ وہ کسی بھی طرح کے خفیہ مشن پر افریقہ نہیں گئے لیکن میں نے سوچا کہ پاکستان میں جس طرح کی انتقامی سیاست زوروں پر ہے اس میں بالواسطہ تنقید کرنے والا بھی دھر لیا جا سکتا ہے۔اگر ایسا نہ ہوتا تو پنجاب یونیورسٹی کے سابق وائس چانسلر اور بزرگ اساتذہ کو ہتھکڑیاں پہنا کر عدالت سے جسمانی ریمانڈ نہ لیا جاتا۔ ذاتی طور پر میری ڈاکٹر مجاہد کامران کیساتھ کوئی بہت زیادہ خوشگوار یادیں وابستہ نہیں ہیں۔ جب میں پنجاب یونیورسٹی کے فلسفہ ڈیپارٹمنٹ میں پڑھا رہا تھا اور بائیں بازو کی سیاست سے وابستہ تھا تومجاہد کامران فزکس پڑھاتے تھے اور دائیں بازوکے حامی اساتذہ کے گروپ سے گہرے مراسم رکھتے تھے۔انہوں نے میرے خلاف یونیورسٹی اساتذہ کی تنظیم کے جنرل سیکرٹری کا الیکشن بھی لڑا اور وہ چند ووٹوں سے جیت بھی گئے۔ مزید برآں جب مجھے یونیورسٹی سے نکالا جا رہا تھا انہوں نے اساتذہ کی تنظیم کی طرف سے میرے حق میں آواز اٹھانے کی بجائے میرے مخالفین کا ساتھ دینے کو ترجیح دی۔ لیکن وہ بعد میں دائیں بازوکے حامی اساتذہ سے نہ صرف الگ ہو گئے بلکہ ان کے مخالف ہو گئے۔ چونکہ وہ مذکورہ گروہ کے داؤ پیچ کو خوب جانتے تھے اسلئے وہ ان کیخلاف موثر پالیسیاں بنانے میں بھی کامیاب رہے۔ اور وہ اب شاید اسی جرم کی سزا بھگت رہے ہیں کیونکہ ان کے مخالفین کے حامی پی ٹی آئی کی اگلی صفوں میں ہوتے ہوئے حکومت میں ہیں۔
یحییٰ خان کے مارشل لا کے زمانے سے لے کر ذوالفقار علی بھٹو کی حکومت تک کے زمانے میں بہت سے مقدمات بھگتنے کے بعد میں انتقامی سیاست کو دور سے ہی سونگھ لیتا ہوں۔ مثلاً یحییٰ خان کے مارشل لا کے دور میں ایک دن صبح صبح وحدت کالونی کے تھانے والے مجھے، ایک ساتھی شجا ع الحق اور ایک بالکل غیر متعلقہ ایم ایڈ کے طالب علم الطاف بودلہ کو پکڑ کر فوجی عدالت کے سامنے لے گئے۔ وہاں جا کر معلوم ہوا کہ ہم تینوں پر یونیورسٹی آڈیٹوریم کی بلند و بالا عمارت پر یکم مئی کو سرخ جھنڈا لگانے کا الزام ہے جو کہ غداری کے زمرے میں آتا ہے۔ جب ہمیں فوجی افسر کے سامنے پیش کیا گیا تو میں نے کہا کہ ہم تو جسمانی طور پر جھنڈا لگا ہی نہیں سکتے کیونکہ میں پولیو کی وجہ سے ہمیشہ بیساکھیوں کے سہارے چلتا ہوں، شجاع الحق جسمانی لحاظ سے نہایت نحیف و نزار ہیں اور تیسرے صاحب کا سیاست سے کوئی تعلق ہی نہیں ہے۔ میں نے افسر کو چیلنج کرتے ہوئے کہا کہ اگر آپ اس عمارت پر جھنڈا لگا کر دکھا دیں تو ہمیں جو چاہے سزا دے لیں۔ میری دلیل نے فوجی افسر کو سوچنے پر مجبور کردیا اور اس نے ہمیں بری کردیا۔ مجھے یہ جستجو تھی کہ میں اور شجاع الحق تو سیاسی کارکن تھے لیکن بیچارے غیر سیاسی الطاف بودلہ کوکس جرم میں دھر لیا گیا۔ بعد میں پتہ چلا کہ سی آئی ڈی (خفیہ پولیس) والے کی آنکھ اس لڑکی پر تھی جو ہر وقت الطاف بودلہ کے ساتھ پائی جاتی تھی۔ یہ بھی معلوم ہو گیا کہ ہمارے خلاف کن لوگوںنے پولیس اور فوج کی ملی بھگت سے مقدمہ بنایا تھا۔ المیہ یہ ہے کہ پچاس سال گزر گئے اور آج بھی وہی عناصر انتقامی سیاست کو جاری رکھتے ہوئے وائس چانسلر ڈاکٹر مجاہد کامران جیسے لوگوں پر مقدمات قائم کروانے میں کامیاب ہیں۔

پاکستان میں معاشی ترقی کرنے کی بے پناہ صلاحیت موجود ہے لیکن سیاسی پراگندگی نے ملک کے پاؤں میں زنجیریں ڈالی ہوئی ہیں۔ ملک کو مختلف انواع کی انتہا پسندی اور انتقامی سیاست بازی نے مفلوج کیا ہوا ہے۔ ہر عشرے میں مالی بحران ملک کو دیوالیے پن کی سطح پر پہنچا دیتا ہے اور ملک کے حکمرانوں کو انٹرنیشنل مانیٹری فنڈ(آئی ایم ایف) اور ورلڈ بینک کے چرنوں میں گرنا پڑتا ہے۔ آئی ایم ایف کی محض اتنی ذمہ داری ہے کہ وہ دنیا میں ادائیگیوں کے توازن کو برقرار رکھے: یہ ادارہ قائم ہی اسلئے کیا گیا تھا کہ سرمایہ دارانہ نظام میں کاروباری بحرانوں کی گردش یا بزنس سائیکل (Business Cycles) ایک مسلمہ حقیقت ہے اور اس کیلئے ایک عالمی ادارے کی ضرورت ہے جو عارضی مسائل حل کر سکے۔ آئی ایم ایف کسی ملک کو اشیائے ضرورت کو مہنگا کرنے کا تقاضا نہیں کرتالیکن اگر کوئی ملک اپنے اخراجات پورے کرنے کیلئے آمدنیوں پر ٹیکس ہی وصول نہ کر سکے اور عوامی ضروریات (بجلی، گیس، پٹرول وغیرہ) پر بالواسطہ ٹیکسوں سے ہی کام چلانے کی کوشش کرے تو پھر وہ کیا کرے؟ آئی ایم ایف کو تو ہر قرض خواہ کی طرح اپنا دیا ہوا قرضہ واپس لینا ہے اور وہ اس کیلئے ہر ممکن ذریعہ استعمال کرےگا۔ اگر آپ آئی ایم ایف کو یقین دلا دیں کہ آپ صاحب ثروت لوگوں سے ٹیکس وصول کر کے قرضہ واپس کر دیں گے تو وہ کبھی بھی اشیائے ضرورت پر ٹیکس بڑھانے کی بات نہیں کرےگا۔

پاکستان کا بنیادی مسئلہ معاشی صلاحیتوں کی بجائے سیاسی اداروں کی کمزوری اور بے راہ روی کا ہے۔ کسی سیاسی پارٹی کے ایجنڈے پر نہیں ہے کہ وہ قابل ٹیکس لوگوں سے واجبات وصول کرکے عوام کو سہولتیں فراہم کرے گی۔ تقریباً ہر سیاسی پارٹی اقتدار میں آکر شعبدہ بازیوں میں مصروف ہو جاتی ہے۔ موجودہ حکومتی پارٹی تو غلط مفروضوں یعنی کرپشن کو ختم کرنے پر مبنی نعروں کی مدد سے اقتدار میں آئی ہے۔ بنگلہ دیش اور ہندوستان میں پاکستان سے کہیں زیادہ کرپشن ہے لیکن وہ پھر بھی بڑی تیزی سے ترقی کر رہے ہیں۔ اب پاکستان میں کرپشن کے خاتمے کی آڑ میں جو انتقامی سیاست ہو رہی ہے اس کا انجام بھی بھیانک ہوگا۔ یہ وہ معاملہ ہے جس میں آئی ایم ایف بھی بے بس ہے۔ وگرنہ اگر کوئی طاقت پاکستان پر سیاسی سمت کو سیدھا کرنے کی شرط لگا دے تو معیشت خود بخود بحال ہو جائے گی۔ لیکن آئی ایم ایف ایسا کر نہیں سکتی اور نہ ہی اسے ایسا کرنا چاہئے۔

(بشکریہ جنگ لاہور)