Free Palestine

LAHORE:(media92news) India agreed on Thursday to get sites of its two hydropower projects — 1,000MW Pakal Dul and 48MW Lower Kalnal — inspected by Pakistani experts by the end of next month. It also assured Pakistan of taking up its objections/concerns over the two projects seriously by resolving them amicably in the light of technical memorandums to be prepared and exchanged by the two countries in the next meeting to be held in New Delhi.
“The major breakthrough of the two-day talks held in Lahore is that India has agreed to get the projects’ sites visited by our experts. Therefore, our team comprising experts will visit the sites in India by the end of next month,” Water Resource Secretary Shamail Ahmad Khawaja told media92news.
“During the visit, our experts will minutely examine the sites, construction in the light of the provisions of Indus Water Treaty (IWT) and the objections raised by Pakistan to the aforementioned projects being executed by India over the Chenab River,” he added.
Both delegations headed by Pakistani and Indian commissioners for Indus waters resumed talks on day two, reiterating their stance over construction of the projects. The Indian side led by Pradeep Kumar Saxena reviewed Pakistan’s objections minutely. It also presented its point of view amid justification in response to the objections.
Agreement reached in two-day water talks held in Lahore
The Pakistani side led by Commissioner for Indus Water Syed Mohammad Mehr Ali Shah continued defending its stance, requesting the Indian delegation to address the issues as sought. However, it was mutually decided that both countries would separately prepare technical memorandums based on their point of view and possible solutions.
“We think that we have succeeded in convincing India to address our issues since we don’t want to see any disruption in the flows of our rivers by anyone under the IWT.
“That is why they (Indians) have seriously reviewed our objections once again. And finally during the second round of the two-day talks, which concluded in Lahore on Thursday, it has been decided that both the countries would prepare technical memorandums separately on the issue and exchange the same with each other during the next meeting to be held within next three to four months,” Mr Khawaja, who is supposed to oversee the country’s water-related issues and projects, including the IWT, explained.
He claimed that the next round of the talks — which would be held in India between the two countries — would be the final and conclusive in connection with discussions over Pakistan’s concerns. “Resumption of talks between Pakistan and India — which have been suspended since 2014 — in March and August indicates some positive things. We hope that India would surely respect the IWT by considering our objections through an amicable solution in the next meeting,” he believed.
According to an official privy to the meeting, the two countries stick to their stances on the issue. Both the countries reiterated their stance in the meeting. However, the Indian delegation finally responded to Pakistan’s demand for looking into this issue in the next meeting, he told media92news.
The official said the Joint Commissioner for Indus Waters also raised objections over heading the Pakistani side by Commissioner Mehr Ali Shah on the very first day before commencement of the talks. “Actually Joint Commissioner Sheraz Jameel Memon was of the view that he should lead the Pakistan side while conducting the meeting with the Indian delegation since Mr Shah was heading the department on additional charge for a period of three months. But when Mr Memon reached there to head the Pakistani team, he came to know that Mr Shah succeeded in getting extension in his additional charge of office. So he returned to office,” the official explained.
He said Pakistan’s demands included reduction of the height of Pakal Dul’s reservoir up to five metres, maintenance of 40-metre height above sea level while making spillways’ gates of the Pakal Dul project, besides clarifying the pattern and mechanism for the water storage and releases and some technical concerns over design of the Lower Kalnal hydropower project.
Earlier, both the Pakistani and Indian sides avoided the media gathered since morning outside the head office of Nespak in Lahore. Though the media tried to convince the staff for access to the talks, the officials didn’t agree. “We inform you all that we would neither brief you nor issue a joint statement regarding the talks,” an official told journalists. At this, the media persons protested over the officials’ attitude, asking the authorities to reveal the outcome of the talks to the nation.
On the other hand, former commissioner for Indus water Syed Jamat Ali Shah expressed reservations over the behavior of Pakistani and Indian sides. “They should have briefed the media since there is no secret. Our nation must know the facts,” he said.

ضمیر کے بغیر زندگی (حسن نثار)

لاہور(ایمرا نیوز)
مولانا فضل الرحمن کا مسئلہ کیا ہے ؟ایسی کون سی شے ہے جو انہیں سکون سے بیٹھنے نہیں دے رہی؟مولانا اپنے دونوں حلقوں سے مسترد کئے گئے جن میں وہ حلقہ بھی شامل ہے جہاں سے ان کے والد محترم ومرحوم مولانا مفتی محمود نے بھٹو جیسے ہر دلعزیز سیاست دان کو شکست دی تھی۔مزید یہ کہ وہ موجودہ اسمبلی کو بھی دھاندلی سمجھتے ہیں اور اس حد تک سمجھتے ہیں کہ یوم آزادی منانے سے بھی انکاری ہیں تو پھر ؟بالفرض محال وہ صدر بن بھی جاتے ہیں تو کیا یہ ان دو حلقوں کے ووٹرز کی توہین نہیں ہو گی جنہوں نے آپ کو اپنی قومی اسمبلی کے قابل بھی نہ سمجھا۔اور پھر جس اسمبلی کے بارے آپ کے اقوال زریں ریکارڈ پر موجود ہیں ان سے تعاون کی طلب آپ کو ہضم کیسے ہو رہی ہے ؟باوقار یا بااصول ہونا تو دور کی بات ہے ہمارے ’’رہنما‘‘ تو باوقار یا بااصول ہونے کی اداکاری کرنا بھی ضروری نہیں سمجھتے۔بات گھوم گھام کر پھر وہیں آجاتی ہے کہ مولانا کا مسئلہ کیا ہے جو ایک آرائشی، نمائشی ،زیبائشی منصب کیلئے تماشا بن بھی رہے ہیں، تماشا لگا بھی رہے ہیں۔ایک شے ہوتی ہے ضمیر جو دکھائی نہیں دیتی اور دنیا کی کسی دکان پر بھی دستیاب نہیں لیکن انسانی زندگی میں فیصلہ کن حیثیت کی حامل ہوتی ہے ۔بندے کے پاس اچھی صورت ہو نہ ہو، خیر ہے۔دولت شہرت بھی نہ ہو تو چل جاتا ہے ۔صحت کاملہ
کے بغیر بھی روپیٹ کر گزر بسر ہو جاتی ہے لیکن ضمیر کے بغیر زندگی کا تصور مکمل ادھورگی کے بغیر کیا ہے؟مجھ کو گرنا ہے تو پھر اپنے ہی قدموں پہ گروںجس طرح سایہ دیوار پہ دیوار گرےضمیر خیر اور شر میں، صحیح اور غلط میں، جائز اور ناجائز میں تمیز کرنے کا نام ہے جو شاید کوئی مشکل کام نہیں۔میرا ذاتی مشاہدہ ہے کہ اس سے نقصان بھی نہیں ہوتا البتہ کچھ فوائد ضرور تج دینے پڑتے ہیں ’’نفع ‘‘ سے محرومی ضرور بھگتنی پڑتی ہے ۔’’اخلاقیات سے محروم‘‘ گندے گورے اسے CONSCIENCEکہتے ہیں اور صرف کہتے ہی نہیں ا سے پریکٹس بھی خوب کرتے ہیں۔ایسا ہی اک فضول گورےEMANUEL SWEDEN BORG نے تو یہ تک کہہ دیا ۔ʼʼCONSCIENCE IS GODʼS PRESENCE IN MANʼʼکسی اور بیوقوف کا خیال ہےʼʼCONSCIENCE: SOME THING THAT FEELS TERRIBLE WHEN EVERY THING ELSE FEELS WONDERFULʼʼجارج واشنگٹن کا یہ جملہ بھی شاید وہی بول سکتا تھا کہʼʼLABOR TO KEEP ALIVE IN YOUR BREAST THAT LITTLE SPARK OF CELESTIAL FIRE CALLED CONSCIENCEʼʼلیکن ہماری سیاسی دنیا کا معمول یہ ہے کہ جب ضمیر نامی شے کسی سیاست دان کو کال کرے تو اول یہ کہ وہ فون ہی نہیں اٹھاتا اور اگر اٹھا بھی لے تو ’’رانگ نمبر‘‘ کہہ کے ریسور پٹخ دیتا ہے۔ضمیر مر جائے تو اکیلا کبھی نہیں مرتا ۔دیانت اور دلیری بھی اس کے ساتھ ہی مرجاتے ہیں۔ضمیر روح کی پکار ہے کہ کوئی تمہیں دیکھ رہا ہے۔ہر وہ شخص جو اپنے ضمیر کے ساتھ جنگ میں شکست کھا جائے ،بہت بڑا فاتح ہوتا ہے۔لوگ جتنی توجہ اپنے لباس پر دیتے ہیں اس سے آدھی اپنے ضمیر پر دیں تو دنیا دوگنا بہتر ہوسکتی ہے۔لیکن ہماری تو دنیا ہی نرالی ہے جس میں ٹیکس پیئر کا پیسہ شیر مادر کی طرح پیا جاتا ہے ۔یہاں بڑے بڑوں سے ان کے اربوں کھربوں کی منی ٹریل مانگی جائے تو وہ جواب دینے کی بجائے جیل جانے یا ملک سے فرار ہونے کو ترجیح دیتے ہیں ۔ابھی کل ہی زرداری صاحب سے گزشتہ 10سال کے اثاثوں کی تفصیلات ’’طلب‘‘ کی گئی ہیں ۔’’رسد‘‘ عنقریب آپ کے سامنے ہو گی یا نہیں ؟میں کچھ نہیں کہہ سکتا۔جسے ’’نیب‘‘ طلب کرے وہ ’’غیب‘‘ سے مدد مانگتے وقت باآسانی بھول جاتا ہے کہ وہ مجرم ہے۔ایسے حالات میں مولانا فضل الرحمن صاحب سے کیسا گلہ شکوہ یا شکایتچڑھدے سورج ڈھل دے دیکھےبجھدے دیوے بل دے دیکھےہیرے دا کوئی مُل ناں تارےکھوٹے سکے چل دے دیکھےجنہاں دا ناں جگ وچ کوئیاوہ پتر وی پل دے دیکھےضمیر کے بغیر زندگی کا بھی کوئی مزہ ہو گا جو لوگ اسے خوشی خوشی خود اپنے ہاتھوں موت کے گھاٹ اتار دیتے ہیں۔
(بشکریہ جنگ لاہور)

گالم گلوچ سے خانہ جنگی تک! (عطا ء الحق قاسمی)

لاہور(ایمرا نیوز)
میں نے اپنے بچپن میں گلی محلے کے ننگ دھڑنگ بچوں کو گالیاں دیتے دیکھا ہے لیکن اب احساس ہوتا ہے کہ ان کی وو کیبلری بہت محدود تھی، ان کے مقابلے میں سوشل میڈیاپر اعلیٰ تعلیم یافتہ مگر اندر سے ننگ دھڑنگ جس’’کلاس‘‘ کے افراد کی گالیاں پڑھتا ہوں تو سوچتا ہوں گلی محلے کے بچوں کو ان کی صحبت نصیب نہیں ہوئی ورنہ ان کی گالیوں کا دائرہ اتنا محدود نہ ہوتا۔ سلیم صافی کے ایک وضاحتی جملے پر اس ننگ دھڑنگ مخلوق نے جس طرح آسمان سر پر اٹھایا اس سے اندازہ ہوتا ہے کہ ایک تو گالی اب ہمارا کلچر بن چکی ہے اور دوسرے یہ کہ جس قسم کی جمہوریت یہ چاہتے تھے اور اس کی مثالیں ڈھونڈ ڈھونڈ کر مہذب ملکوں سے لاتے تھے ، یہ اس پر یقین نہیں رکھتے تھے بلکہ ان کی جمہوریت کی تعریف یہ ہے کہ کسی سے تعریف سن کر اسے مہاتما کا درجہ دے دو اور اختلاف کرنے والوں کو ماں بہن کے حوالے سے اتنی تنوع قسم کی گالیاں دو جو کسی بھی لغات میں کہیں بھی نظر نہ آئیں۔
ایسا صرف سلیم صافی کے ساتھ نہیں ہوا، میں دوستوں کے ٹویٹ پڑھتا ہوں جس میں نہایت سنجیدگی سے کوئی بات کی گئی ہوتی ہے مگر ننگ دھڑنگ مخلوق کو وہ بات پسند نہ آئے تو ان کی قیمتی آراء پڑھنے والی ہوتی ہیں ، اللہ جانے یہ لوگ کن کونوں کھدروں سے نکل کر ہمارے درمیان آ گئے ہیں کیونکہ ہم لوگ ایک دوسرے سے اختلافی مسائل پر گھنٹوں بحث کیا کرتے تھے، درمیان میں تلخی بھی آ جاتی تھی ، مگر اس سے پیدا ہونے والی تلخی لمحاتی ہوتی تھی اس کے ساتھ ہی ماحول نارمل ہو جاتا تھا، اب تو ’’یس سر ،یس سر‘‘ کہتے رہیں تو عزت بچ سکتی ہے ، بصورت دیگر آپ کے گھرانے کی کوئی عفت مآب خاتون ان کی ہرزہ سرائی کی زد میں آئے بغیر نہ رہ سکے گی۔سلیم صافی کو گالیاں دینے والوں کی خوش قسمی ہے کہ یہ پٹھان اب صرف قلم سے کام لیتا ہے یا ٹی وی پر زبان سے کہتا ہے جو کہنا ہو ۔ اس نے اپنی بندوق گھر کے آخری کمرے میں دھری سب سے آخری کنارے پر دھری لوہے کی پیٹی کے سامان کے آخری حصے میں چھپا کر رکھ دی ہوئی ہے کہ اگر کبھی اشتعال آ بھی جائے تو بندوق نکالتے نکالتے اتنا وقت لگ جائے کہ غصہ ٹھنڈا پڑ جائے۔ اگر ایسا نہ کیا ہوتا تو دو چار بندے تو اس وقت منکر نکیر کے سوالوں کا جواب دے رہے ہوتے۔
خود میرے ساتھ سلیم صافی سے بھی کہیں زیادہ ’’سلوک‘‘ ہوا ہے۔ اس مخلوق کےمنہ سے جھڑتے ہوئے پھولوں کی زد میں آیا ہوں اور آتا ہی چلا جا رہا ہوں، مگر بدقسمتی سے ہمارے گھر میں تو صرف سبزیاں کاٹنے والا ایک کھنڈا سا چاقو ہے یا ایک ہزار سال سے کتابوں کے ڈھیر ہیں۔مگر غصہ تو مجھے بھی آتا ہے تاہم میں نے اس کا ایک بہت سائنسی حل نکالا ہے اور وہ یہ کہ پی جاتا ہوں، چنانچہ اب جتنا بھی غصہ ہے وہ میرے اندر جمع ہو چکا ہے ، اگر کبھی مجھے کسی آپریشن سے گزرنا پڑا تو ڈاکٹر حیران رہ جائیں گے کہ خون کی تو ایک بوند بھی نہیں نکلی۔ مگر ایک عجیب و غریب قسم کا مادہ کثیر تعداد میں دکھائی دے رہا ہے ۔ انہیں تو سمجھ نہیں آئے گی ، مجھے ہی بتانا پڑے گا کہ جناب یہ غصہ ہے۔ اسےنہ نکالیں، میں جو کچھ آج تک لکھ سکا ہوں، اپنے دکھ کو اپنے اندر رکھنے کی وجہ سے لکھ سکا ہوں ۔ دکھ مجھےفرسٹریٹ کرتا ہے اور میں اپنی فرسٹریشن ختم کرنے کے لئےغزل ، نظم، ڈرامہ، کالم سفر نامے اور مزاحیہ تحریریں لکھنے بیٹھ جاتا ہوں ۔ اسے اندر ہی رہنے دیں ۔ اگر یہ نکالا تو اس کے بعد میں صرف لڑائی مار کٹائی ہی کر سکوں گا، لکھنے پڑھنے کا کام بالکل نہیں ہوگا۔ دکھ انسان کو لکھاری بناتے ہیں بصورت دیگر انسان ’’دکھی پریم نگر ی‘‘ بن کر رہ جاتا ہے۔
یہ سب کچھ اپنی جگہ لیکن یہ خیال مجھ بہت تنگ کرتا ہے کہ گالی تو ازل سے موجود ہے اور ابد تک رہے گی۔ مگر یہ ہمیشہ ایک محدود طبقے تک محدود رہتی ہے اور اس کا زیادہ استعمال محروم طبقے میں ہوتا ہے جو اپنی محرومیوں کا غصہ گالی دے کر نکال لیتے ہیں ۔ پڑھے لکھےاور کھاتے پیتے لوگ بھی گالی دیتے ہیں مگر وہ عموماً ایک محدود دائرے میں رہتی ہے۔ ہمارے درمیان یہ طبقہ کب پیدا ہوا جس کا اوڑھنا بچھونا ہی گالی ہے۔ ان کو کسی کی ماں بہن بیٹی کی حرمت کا خیال تک نہیں آتا ۔ گالی ہر کوئی برداشت نہیں کرتا اس کا رد عمل بھی کئی دفعہ سامنے آتاہے اور وہ آنا شروع بھی ہو چکا ہے۔ بلکہ نوبت ہاتھا پائی تک بھی پہنچ گئی ہے، ذرا سوچیں کہ کوئی ہمیں خانہ جنگی کی طرف تو نہیں دھکیل رہا؟

جو عہد صحرائیوں سے باندھا گیا تھا پھر استوار ہوگا (اوریا مقبول جان)

لاہور(ایمرا نیوز)
القاعدہ جس کا نام گیارہ ستمبر کے ورلڈ ٹریڈ سنٹر کے واقعہ کے بعد پوری دنیا میں ایک گالی بنا دیا گیا تھا ۔ اس دشنام اور ذرائع ابلاغ کے ذریعے پھیلائی گئی نفرت کی چھتری کے نیچے پناہ لے کر جس طرح گزشتہ سترہ سالوں میں مسلم اْمہ کے معصوم انسانوں کا خون بہایا گیا ہے، اس کی مثال انسانی تاریخ میں کم ہی ملتی ہے۔ یوں تو گذشتہ صرف ایک سو سال میں اس کرہ ارض پر جتنے انسان ہلاک ہوئے، جتنے شہر تباہ و برباد ہوئے اور جتنے گھرانے اجڑے، بے گھر ہوئے ان کی تعداد پوری اجتماعی انسانی تاریخ میں ہونے والے قتل و غارت سے زیادہ ہے۔ مذہب بیزار سیکولر، لبرل اور جمہوریت پرست جدید دنیا کا آغاز 1900 کے لگ بھگ ہوا ، جب مذہب کو ریاست کے کاروبار سے علیحدہ کرکے جدید قومی سیکولر ریاستوں کا جنم ہوا۔ اس کے بعد کی کہانی جنگ عظیم اول، جنگ عظیم دوئم، کوریا، ویت نام، انگولا، فلسطین، عراق، افغانستان کی جنگوں کی کہانی ہے۔ لیکن گیارہ ستمبر 2001 کے بعد یہ سب کے سب متحد ہو گئے، ایک ’’خوفناک‘‘ قرار دیے گئے دشمن کے خلاف، ایک ہولناک عفریت کے خلاف جس کا ٹھکانہ افغانستان کے بے سروسامان پہاڑوں میں تھا، نام تھا اس کا ’’القاعدہ‘‘اور اس سے خوفزدہ تھے۔ دنیا کی تمام عالمی طاقتیں گیارہ ستمبر کے بعد اس نام کو انسانی قتل عام کے لیے ہر جگہ استعمال کرنے لگیں۔ ڈیزی کٹر بم گرانے ہوں ، میزائل پھینکنے ہوں ، ڈرون حملہ کرنا ہو ، گوانتاناموبے اور بگرام کے اذیت ناک جیل خانے آباد کرنا ہوں ، فلوجہ اور موصل جیسے شہروں میں گھس کر عورتوں، بچوں اور بوڑھوں کو تشدد کا نشانہ بنانا ہو ، بس ایک نام کافی تھا کہ یہ سب القاعدہ کے ٹھکانے ہیں۔ یہ لوگ ان کے پشت پناہ ہیں، القاعدہ انہیں انسانی ڈھال کے طور پر استعمال کرتی ہے۔ لاکھوں مارے گئے، کروڑوں بے گھر ہوئے اور ہزاروں شہر برباد۔ اس تشدد کی کوکھ سے نئے نئے گروہ وجود میں آگئے۔ ہر ملک کا اپنا ایک مجاہد اعظم تھا اور ہر شہر کا ایک ہیرو۔ داعش نے تو زمین پر کھینچی ملکوں کی لکیریں تک ختم کر ڈالیں۔ گزشتہ پانچ سالوں میں اتنی جہادی تنظیمیں وجود میں آئیں اور اتنے گروہ میدان جنگ میں اترے ہیں کہ شمار ممکن نہیں۔ القاعدہ اس دوران پس منظر میں چلی گئی۔ اس کے ساتھ منسلک جنگجو دوسرے گروہوں میں جاتے رہے اور اپنے خواب ٹوٹنے پر واپس القاعدہ سے جڑتے رہے۔ گیارہ اگست 1988ء کو پشاور کے ایک چھوٹے سے مکان سے آغاز کرنے والی یہ تنظیم جو پندرہ سال تک عالمی طاقتوں کی آنکھوں میں کھٹکتی رہی، اپنی گذشتہ پانچ سالہ خاموشی کے بعد اب دوبارہ منظر عام پر آچکی ہے۔ القاعدہ کے ایمن الظواہری کی23 اگست 2018ء کو منظر عام پر آنے والی ویڈیو میں جو پیغام ہے اس میں آئندہ کا میدان جنگ بہت واضح نظر آتا ہے۔ نہ صرف میدان جنگ بلکہ اس کے ہیڈکوارٹر کی بھی نشاندہی کی گئی ہے جہاں سے ایک بار پھر یہ جنگ لڑی جائے گی۔ طالبان کی اسلامی اماراتِ افغانستان کو ظواہری نے جدید دور میں جہاد کے بہترین ماڈل کے طور پر پیش کیا ہے۔ اس نے کہا ہے کہ افغان مجاہدین کی خانہ جنگی کے خاتمے کیلئے ستمبر 1994 ء میں ابھرنے والی طالبان کی قوت نے افغانستان میں حکومت قائم کی،وہ حکومت 2001 ء میں امریکی حملے کے بعد بکھر گئی ۔ لیکن گزشتہ سترہ سالوں میں جس طرح طالبان نے صرف اور صرف افغانستان تک محدود رہ کر امریکہ اور نیٹو کے ممالک سے جہاد کیا ہے اور شاندار فتح حاصل کی ہے ، انکے اس تجربے نے جہاد کے ایک بہترین نمونے کو جنم دیا ہے۔ ظواہری کے پیغام کا آغاز خلافت عثمانیہ کے زوال کے تذکرے سے ہوتا ہے۔ وہ بتاتا ہے کہ اس زوال کے بعد کفر کی طاقتوں نے مسلمانوں کو ستاون ریاستوں میں تقسیم کرکے ان پر اپنے پٹھو بٹھا رکھے ہیں۔ فی الحال اس تقسیم کو چھیڑنے کی ضرورت نہیں، ورنہ سب کے سب آپ کے خلاف متحد ہو جائیں گے۔ اس تقسیم سے قائم جس ملک میں جو بھی شہری ہے وہ وہیں جہاد کرے تو کامیابی نصیب ہوگی۔ ظواہری کے نزدیک طالبان کے اس جہاد ماڈل نے دنیا کی سپرپاور کو بغیر کسی مدد کے صرف اللہ کے بھروسے پر شکست دی ہے۔ القاعدہ نے اسی ماڈل پر عملدرآمد کرتے ہوئے اب تمام ممالک جنہیں وہ ’’ولایت‘‘کہتے ہیں اپنی سرگرمیوں کا آغاز کر دیا ہے۔ القاعدہ نے اپنی گزشتہ تین دہائیوں کی حکمت عملی کو بدلا ہے۔ پہلے یہ ہوتا تھا کہ دنیا بھر کے جہادی ایک ملک میں جمع ہو جاتے ،جیسے افغانستان میں جمع ہوئے تھے۔ ایسا کرنے سے عالمی طاقتوں کو بھی حملہ آور ہونے کا بہانہ مل جاتا ہے اور سب نشانہ بنتے ہیں۔ ظواہری کے نزدیک جہاد کاجو بیج اسامہ بن لادن نے بویا تھا اس کی شاخیں اب دنیا بھر کے مسلمان ملکوں میں پھیل چکی ہیں، لیکن یہ شاخیں اب اپنے طور پر آزاد ہیں۔ ظواہری نے کہا کہ طالبان ماڈل کی ایک بات یہ ہے کہ مخلص علماء اور مجاہدین صرف جہادیوں میں نہیں بلکہ عوام میں بھی اتحاد کے بیج بوئیں اور مسلمانوں کو آپس میں ایک دوسرے کا خون بہانے سے روکیں۔ ان کے دلوں میں اتنے بڑے دشمن سے مقابلے کے لیے اکٹھا ہونے کی ہمت پیدا کریں۔ اتحاد امت ہی بنیادی ستون ہے جو طالبان کو افغانستان میں کامیاب کروا گیا۔ طالبان کے ساتھ شیعہ، سنی، ازبک، تاجک سب مل کر لڑ رہے ہیں۔ دشمنوں کے خلاف علیحدہ علیحدہ ملکوں میں علیحدہ جنگ ہونی چاہیے۔ اسی لئے ستمبر 2014 میں ’’القاعدہ بھارت ‘‘قائم کی گئی اور اس وقت سے لے کر اب تک القاعدہ نے کشمیر کی تحریک آزادی کو ایک نیا رخ دے دیا ہے۔ ظواہری نے کہا کہ ہم نے طالبان کے امیر ہیبت اللہ آخوندزادہ کی بیعت کی ہے۔ ایسے ہی تمام ممالک کی القاعدہ تنظیمیں پہلے اپنے مقامی امیر سے وفاداری کریں اور پھر ہیبت اللہ آخوندزادہ کی بحیثیت امت بیعت کا اعلان کریں۔ یہ بیعت فی الحال علامتی ہو گی ۔ جدوجہداور جہاد اپنے ملک میں ہی کرنا ہو گا اور اس ملک کو ہی ایک اسلامی ریاست میں تبدیل کرنا مقصد ہو گا۔ اسی طرح نئی اسلامی ریاستیں وجود میں آئیں گی جن کو بعد میں طالبان کی امارت کے پرچم تلے جمع کردیا جائے گا۔ اس وقت تقریبا 80 ممالک میں القاعدہ سے منسلک گروہ کام کر رہے ہیں جو مکمل خود مختاری کے ساتھ اپنی اپنی قومی ریاست کو اسلامی ریاست میں بدلنے کی جدوجہد اور جہاد میں مصروف ہیں۔ جاوید احمد غامدی صاحب کی ویڈیو جس میں یہ اعلان کیا گیا کہ اب مسلمانوں کی قیامت تک اقتدار کی باری نہیں آئے گی، اس سے جو مقصد وہ حاصل کرنا چاہتے تھے کہ اس امت کو غفلت کی نیند سلادیں، اس کے برعکس ایمن الظواہری افغانستان میں کامیاب ہوتے ہوئے طالبان کا جہاد ماڈل لے کر سامنے آگئے ہیں۔ غامدی صاحب قرآن پاک سے تو اپنا موقف ثابت نہ کر پائے اور حدیث کا تو انہوں نے ذکر تک نہیں کیا۔ لیکن اس وقت جو کچھ برپا ہے۔ عراق، شام، یمن میں جو ہو رہا ہے وہ بالکل ایسا ہی ہے جیسا رسول اکرم ﷺنے فرمایا۔ یہاں صرف افغانستان کی سرزمین کے بارے میں احادیث بیان کر رہا ہوں کہ آئندہ آنے والے دنوں کا منظر رسول مقبولﷺ کی پیشن گوئیوں کے مطابق کھل کر سامنے آجائے۔ افغانستان سارے کا سارا خراسان قدیمی ہے جبکہ ایران کا علاقہ مشہد اور پاکستان کے دریائے سندھ کے مغرب کی جانب کا علاقہ رسول اکرم صلی اللہ علیہ وسلم کے زمانے میں خراسان کہلاتا تھا۔ آپؐنے فرمایا ’’جب تم دیکھو کالے جھنڈے خراسان کی طرف سے آئے ہیں تو ان میں شامل ہو جانا، کیونکہ ان میں اللہ کے خلیفہ مہدی ہوں گے‘‘ (مسند احمد، مشکوٰۃ)۔ دوسری روایت کے مطابق ’’جب کالے جھنڈے مشرق سے نکلیں گے تو ان کو کوئی چیز نہیں روک سکے گی حتیٰ کہ وہ ایلیا (بیت المقدس) میں نصب کر دیئے جائیں گے‘‘(مسند احمد)۔ جن کالے جھنڈوں کو امریکہ اور اس کے ساتھی اڑتالیس ممالک کی جدید ترین ٹیکنالوجی سے آراستہ افواج سترہ سال جنگ لڑ کر بھی شکست نہ دے سکیں، ان طالبان سے خوفزدہ مغرب، غامدی صاحب جیسے ہی مفکرین کی مدد لیتا ہے۔ ایسے مفکر جو مصلحت کی لوریاں دے کر امت کو سلاتے ہیں۔ لیکن یہاں تو میرے اللہ کا وعدہ برحق ہے اور رسول اکرمﷺ کی پیش گوئی ہے ،جسے اقبال نے یوں بیان کیا سنا دیا گوشِ منتظر کو حجاز کی خامشی نے آخر جو عہد صحرائیوں سے باندھا گیا تھا پھر استوار ہوگا نکل کے صحرا سے جس نے روما کی سلطنت کو الٹ دیا تھا سنا ہے یہ قدسیوں سے میں نے وہ شیر پھر ہوشیار ہوگ

(بشکریہ روزنامہ92 نیوز)

ہنگامہ ہے کیوں برپا؟ (ارشاد احمد عارف)

لاہور(ایمرا نیوز)
گزشتہ روز علی پور چٹھہ کے جلسے میں شہباز شریف نے نام لے کر ایک مخالف سیاستدان پر تنقید کی۔ انتخابی مہم میں اس طرح سے سرعام کچھ چیزوں کا تذکرہ غالباً پہلی بار ہوا ہے اگرچہ عوامی سطح پر یہ بات عرصے سے زیر تذکرہ و تبصرہ ہے۔ ریحام خان کی کتاب میں بھی اس حوالے سے پرلطف انکشافات کئے گئے ہیں۔ ماضی میں جائیں تو 1970ء کی انتخابی مہم میں بھٹو کی شراب کا تذکرہ ہوتا تھا۔ ’’چٹان‘‘ میں آغا شورش کاشمیری مرحوم نے اس حوالے سے کئی طنزیہ نظمیں اور کارٹون بھی شائع کئے۔ بھٹو صاحب نے اس مہم کا کبھی جواب نہیں دیا‘ البتہ 1977ء میں ان کے خلاف جو تحریک اٹھی اس میں انہوں نے اس کا جواب بھی دیا اور اعتراف کے رنگ میں دیا۔ انہوں نے کہا میں تو تھکن کی وجہ سے تھوڑی سی پی لیتا ہوں لیکن یہ مولوی (مراد پی این اے والوں سے تھی) تو بس ہر وقت حلوہ‘ حلوہ‘ حلوہ‘ حلوہ کھاتے رہتے ہیں۔ بھٹو صاحب کو یہ اعتراف مہنگا پڑا۔ یوں سبق ملا کہ اعتراف کبھی نہیں کرنا چاہیے معاملہ چاہے شراب کا ہو یا کسی اور چیز کا۔ بھٹو صاحب کے حامی پریس میں تائیداً یہ مشہور شعر استعمال کیا جاتا رہا کہ ؎ ہنگامہ ہے کیوں برپا‘ تھوڑی سی جو پی لی ہے ڈاکہ تو نہیں ڈالا چوری تو نہیں کی ہے لیکن اس شعر کا استعمال بھی ان کے کسی کام نہ آیا اور تحریک زور پکڑ گئی۔ انجام مارشل لاء نافذ ہوا۔ اس زمانے میں دیگر نشہ آور چیزوں کا نام بھی کسی نے نہیں سنا ہو گا۔ ہیروئن تو ضیاء الحق مرحوم نے متعارف کرائی اور کوکین پرویز مشرف نے۔ دونوں کے ارادت مند آج کل آپ کو ایک ہی پارٹی میں ملیں گے ان میں تازہ ترین اضافہ مولانا فضل الرحمن خلیل کا ہے۔ جو ضیاء اور مشرف دونوں کے پسندیدہ رہے۔ ٭٭٭٭٭ شراب کا تو معلوم ہے کہ جام میں پی جاتی ہے۔ چرس پینے والے بھی سڑکوں پر ملتے ہیں دور ہی سے پھیلی ہوئی مہکار بتا دیتی ہے کہ آگے اہل ذوق کا ڈیرہ ہے۔یہی حال ہیروئن کا بھی ہے لیکن کوکین کے بارے میں اکثر کو نہیں پتہ تھا کہ اسے گلاس میں ڈال کر پیا جاتا ہے یا اس کا ٹیکہ لگواتے ہیں۔ سال گزشتہ ایک واقف کار نے ان کا بلا دیکھ کر اندازہ لگایا کہ جو اب دینے کی ’’مجاز اتھارٹی‘‘ یہی ہو سکتے ہیں لیکن وہ شریف آدمی تھا یعنی سچ مچ کا کھلاڑی۔ سوال سن کر پہلے بوکھلایا‘ پھر شرمندہ ہوا اور اس کے بعد شکوہ کر کے واقف کار کو شرمندہ کردیا۔بھلا ہو ریحام خاں کا ان کی کتاب پڑھ کر زیادہ تر لوگوں کو پہلی بار پتہ چلا کہ یہ ناقابل احترام شے سگریٹ میں بھر کر پی جاتی ہے۔ ٭٭٭٭٭ بلاول بھٹو زرداری نے ایک نئے میثاق جمہوریت کی ضرورت کا اشارہ دیا ہے۔بھولے میاں ایک پہلے والا میثاق جمہوریت کم تھا جس نے آپ کی والدہ محترمہ کی جان لے لی اور نواز شریف کو بظاہر کہیں کا نہ چھوڑا‘ اب دوسرا میثاق جمہوریت کر کے کیا خودکشی کا ارادہ ہے۔ پہلے میثاق جمہوریت پر لوگوں نے تبصرے کرتے ہوئے یہ امید باندھی تھی کہ اب ملک میں وہ سویرا طلوع ہو گا، ستر سال سے شب انتظار جس کی راہ دیکھ رہی ہے لیکن اسے خود اس پر دستخط کرنے والوں نے ہی پامال کر دیا۔ پہل محترمہ نے کی جنہوں نے مشرف سے اندر ہی اندر سمجھوتہ کر لیا لیکن چلیے اس کی ایک وجہ تلاش کی جا سکتی ہے کہ ایک روزن تو کسی نہ کسی طرح کھولنا ہی تھا۔ دوسری خلاف ورزی زرداری صاحب نے کی۔ پنجاب اسمبلی توڑ کر گورنر راج لگا دیا۔ تین خلاف ورزی نوازشریف نے کی جو زرداری کے خلاف میمو سکینڈل میں اشرافیہ کے ساتھی بن گئے بعدمیں پتہ چلا کہ یہ سکینڈل فراڈ کے سوا کچھ نہیں تھا۔ چوتھی خلاف ورزی بھی نواز شریف نے کی جب اشرافیہ نے زرداری کا گھیرا تنگ کیا تو بجائے ان کا ساتھ دینے کے ’’یہ ایک پیج‘‘ پر آنے کے لیے تل گئے۔ خدا جانے چودھری نثار نے انہیں کیا نیلے ہرے باغ دکھائے تھے۔ خورشید شاہ دھائی دیتے رہے کہ حضور آستین کی اس رسی سے بچئے ‘ یہ آپ کے نہیں ان کے وفادار ہیں جو ہم دونوں کے بیری ہیں۔ لیکن نواز شریف نے کسی کی نہ سنی یہاں تک کہ زرداری سے طے شدہ ملاقات بھی منسوخ کر دی ایسے واقعے کی مثال پوری سیاسی تاریخ میں نہیں ملتی۔ یوں خورشید شاہ نے جو پیش گوئی کی وہ پوری ہوئی نواز شریف ’’کڑکی‘‘میں آئے تو زرداری نے آنکھیں پھیر لیں۔ اب یہ دوسرے میثاق جمہوریت کی بات ہو رہی ہے‘ خدا رحم کرے۔ ٭٭٭٭٭ بلاول نے ماضی کے اسلامی جمہوری اتحاد کا تذکرہ بھی کیا اور کہا کہ اس بار ایسے اتحاد کو کامیاب نہیں ہونے دیں گے۔ ان کی اس بات سے اڑھائی تین عشرے پہلے کا دور یاد آ گیا اسلامی جمہوری اتحاد آئی جے آئی محکمہ زراعت نے بنایا تھا اور یہ بات ہم بھی جانتے تھے پھر بھی اس کے حامی تھے کہ ہم لوگ پیپلز پارٹی کے سخت مخالف تھے اس کا راستہ روکنے کے لیے محکمہ زراعت کسی کی مدد کرتا ہے تو سبحان اللہ جزاک للہ والی بات تھی۔ مخالفت اندھی ہو تو آدمی کا دل بے ایمان ہو جاتا ہے یہی حال ہمارا بھی تھا، اس کی ایک مثال پیش ہے۔ آئی جے آئی نے پیپلز پارٹی کے خلاف جو مہم چلائی اس کا سب سے مقبول اشتہار وہ تھا جس میں پیپلز پارٹی کو مخاطب کرتے ہوئے جلی حروف میں لکھا تھا: تم نے ڈھاکہ دیا ہم نے کابل لیا دل سے ہم جانتے تھے کہ ڈھاکہ پیپلز پارٹی نے نہیں دیا یہ تو ہمارے امیر اول ایوب اور امیر ثانی یحییٰ خاں کا کارنامہ تھااور ہم یہ بھی جانتے تھے کہ کابل ہم نے نہیں لیا ہم تو جلال آباد کی شہر پناہ کے سائے کو بھی چھو سکے تھے نہ چھو سکتے تھے۔ جلال آباد ہمارے مخالف احمد شاہ مسعود نے فتح کیا تھا۔ ہمارا لاڈلا تو حکمت یار تھا جو معصوم پشتونوں پر رات دن گولہ باری کر کے ان کے خون کی ندیاں بہاتا رہا یہ سب جان کر بھی ہم اس اشتہار پر فخر کرتے اور جیالوں کا دل جلانے کو لہرا لہرا کر انہیں دکھاتے۔ ہمارے دلوں کی بے ایمانی اس دور میں آ کر ختم ہوئی ہے جب بڑھاپے نے آن لیا ہے اور بیٹھے ٹی وی سکرینوں پر تماشے کا نظارہ کرنے تک محدود ہو گئے ہیں۔ ٭٭٭٭٭ ٹی وی پر بیٹھے اطاعت گزار میزبان اور تجزیہ نگار دو تین روز سے مہم چلا رہے ہیں کہ انتخابات میں خان کی فتح یقینی ہے۔ ذرا کہسار پر بنے تین سو کنال محل میں جا کر پوچھیے وہاں کیا رپورٹیں آ رہی ہیں؟ ایک رپورٹ تو یہ آ رہی ہے کہ جنوبی پنجاب میں حالت پتلی ہے۔ عرض ہے جو حالت جنوبی پنجاب میں ہر طرح کی بیج بوائی اور آبپاشی کے باوجود پتلی ہے وہ شمالی پنجاب میں کیسے گاڑھی ہو سکتی ہے؟ ہاں پولنگ ڈے کو چمتکار کی جھنکار ابھی باقی ہے۔ ٭٭٭٭٭ اکانومسٹ لندن نے حیرت ظاہر کی ہے کہ خود عدالت نے کہا‘ لندن فلیٹس کی ملکیت نواز شریف کی ہونے کا کوئی ثبوت نہیں ملا‘ پھر سزا کیسے ہو گئی۔ اکانومسٹ بھائی ایک انصاف کے تقاضے ہوتے ہیں اور ایک تحریک انصاف کے تقاضے بات کو سمجھا کرو!

(بشکریہ روزنامہ92 نیوز)

پراپرٹی گائیڈ

فراڈ جعلساز ی اور دھوکہ کرپشن مین ملوث پٹواری کے خلاف مقدمہ درج پٹواری شیخ عمر فاروق نے شہری کی ایک کنال ارضی جعلسازی سے کسی اور کو منتقل کردی

لاہور(میڈیا 92 نیوز) فراڈ جعلسازی، دھوکہ دہی موضع اجودھیا پوڑ کے سابقہ اور حال تعینات موضع سائواڑی پٹواری شیخ عمر فاروق کے خلاف کرپشن ثابت ہونے پر محکمہ اینٹی کرپشن نے مقدمہ نمبر44/18 درج کر لیا نئے پاکستان می کرپٹ اہلکاروں کے خلاف اعلان جنگ کا طبل بج گیا کرپشن کرنے والے حوالات میں بند ہوں گے ترجمان اینٹی کرپشن نے عندیہ دیدیا معلومات کے مطابق فراڈ جعلسازی دھوکہ دہی اور ریکارڈ میں ٹمپرنگ کرتے ہوئے سابقہ پٹواری اجودھیا پوڑ شیخ عمر فاروق نے شریف شہری کی ملکیتی رقبہ تعدادی ایک کنال غیر قانونی طورپر منتقل کر دیا جس میں بدنام زمانہ ڈیلر میاں نثار احمد جمال بھٹی بھی شامل ہے درخواست گزار طارق محمود کی درخواست پر محکمہ اینٹی کرپشن نے تحقیقات کی الزام ثابت ہونے پر سابقہ پٹواری اجودھیا پور شیخ عمر فاروق، میاں نثار ولد تاج دین، جمال بھٹی، ولد لال بھٹی، جی ایم جاوید شناخت کنندہ محمد عیل ظفر اور گواہ محمد ابرار کے خلاف محکمہ اینٹی کرپشن نے مقدمہ کا اندراج کرتے ہوئے گرفتاری کیلئے ٹیمیں تشکیل دیدی ہیں محکمہ اینٹی کرپشن کے ڈائریکٹر لاہور ریجن نے مقدمہ نمبر 44/18میں نامزد ملزمان کو گرفتار کرنے کا ٹاسک انوسٹی گیشن افسر کو دیدیا ہے۔ پاکستان میں کرپٹ اہلکاروں کے خلاف کرپشن کا طبل بج چکا ہے ترجمان اینٹی کرپشن کا کہنا کہ مزلمان کو جلد گرفتار کر لیا جائے گا کرپٹ اہلکار معاشرے کا ایک ناسور ہیں ان کو حوالات میں بند کریں گے اور متاثرہ شہری کو ہر ممکن داد رسی لیکر دیں گے ، دوسری جانب ڈپٹی کمشنر لاہور کیپٹن (ر) انوار الحق نے موقف دیا کہ ایسی کالی بھیڑوں کیلئے محکمہ میں کوئی جگہ نہ ہے ایسے اہلکار کو نوکری سے فوری فارغ کیا جائے گا اس کے خلاف انکوائری بھی کی جائے گی ۔ اگر کسی سرکاری اراضی کی فروخت میں ملوث نکلا تو اس کے خاف سخت قانونی کارروائی میں خود کروں گا۔

جرائم

محکمہ ایکسائز اینڈ ٹیکسیشن کے شعبہ موٹر برانچ میں لائسنس بک کی عدم دستیابی کے بعد ٹرانسفر سٹیکر بھی نایاب ہو گئے

لاہور(میڈیا 92نیوز) محکمہ ایکسائز اینڈ ٹیکسیشن کے شعبہ موٹر برانچ میں لائسنس بک کی عدم دستیابی کے بعد ٹرانسفر سٹیکر بھی نایاب ہو گئے۔شہریوں سے 200روپے سٹیکر کی فیس وصولی کے باوجود ہاتھ کی قلمی تحریر استعمال کی جانے لگی سٹیکر اور لائسنس بک کہاں دیئے جا رہے ہیں اور ان کو کون استعمال کر رہا ہے ۔ میڈیا 92نیوز نئے انکشافات سامنے لے آیا۔جب میڈیا 92نیوز کی ٹیم نے ایکسائز کے دفتر موٹر برانچ میں وزٹ کیا تو وہاں پر موجود لوگوں نے ایمرا نیوز کو بتایا کہ ہم سے 200 روپے لے کر ہاتھ کی لکھی ہوئی بکیں دے رہے ہیں
محکمہ ایکسائز اینڈ ٹیکسیشن کے شعبہ موٹر برانچ میں لائسنس بک کی عدم دستیابی کے بعد ٹرانسفر سٹیکر بھی نایاب ہو گئےشہریوں سے 200روپے سٹیکر کی فیس وصولی کے باوجود ہاتھ کی قلمی تحریر استعمال کی جانے لگی ایکسائز کے دفتر موٹر برانچ میں وزٹ کیا تو وہاں پر موجود لوگوں نے ایمرا نیوز کو بتایا کہ ہم سے 200 روپے لے کر ہاتھ کی لکھی ہوئی بکیں دے رہے ہیں جو ہمارے ساتھ سرا سر زیادتی ہےجو ہمارے ساتھ سرا سر زیادتی ہے ۔جب ہم نے موقع پر موجود افسروں سے پوچھا تو انہوں نے ہمیں بتایا ہمارا نام نہ ظاہر کیا جائے تو ہم آپ کو بتاتے ہیں کہ ہمارے آفس سے دو بڑے افسروں کو معطل کیا ہے جس کی وجہ سے ان کی سائن کی ہوئی بکوں کو روکا ہے اور مجبوراً ہمیں ان کی بکوں کو ہاتھ سے لکھ کر دیا جا رہا ہے ۔لیکن جب ہم نے وہاں پر موجود لوگوں سے پوچھا جو ان بکوں کو لینے کے لئے آئے ہوئے تھے تو ہمیں معلوم ہوا کہ یہاں تو معاملہ ہی کچھ اور ہے انہوں نے ہمیں بتایا کہ ایسا نہیں ہے یہ سب بکیں انہوں نے سٹور کی ہوئی ہیں اور مہنگے داموں ریٹ لے کر یہ بکیں دی جا رہی ہیں کیونکہ محکمہ ایکسائز والوں کے پاس بہت سارے ڈیلر آتے ہیں جو یہ بکیں بنا کر دیتے ہیں اور ان کے عوض ان کو معاوضہ بھی دیا جاتا ہے اور جو لوگ صبح سے لائنوں میں لگے ہوتے ہیں اور ذلیل و خوار ہو رہے ہیں ان کو ہاتھ سے لکھی ہوئی بکیں دی جا رہی ہیں

ہمیں وہ کمپیوٹر والی بکیں نہیں دی جا رہیں جو ان ڈیلروں کو دیتے ہیں کیونکہ ایکسائز والوں کو ان سے رقم ملتی ہے ہم سے تو صرف گورنمنٹ فیس ملتی ہے ہمارے نئے وزیر اعلیٰ پنجاب نے اعلان کیا تھا کہ جس نے بھی کرپشن کرنی ہے وہ یہ علاقہ چھوڑ کر چلا جائے لیکن یہاں تو اتنی کرپشن نظر آئی ہے ہم یہ بیان نہیں کر سکتے ہیں صرف اتنا کہہ سکتے ہیں کہ پانچوں کی پانچوں انگلیاں اور سر کڑاہی میں ہے ۔تحریک انصاف کا یہ نعرہ اب ہمیں سمجھ آ رہا ہے کہ تبدیلی آ ئی نہیں آ گئی ہے! اس نعرے کو سچ کر دکھایا محکمہ ایکسائز موٹر برانچ نے پہلے لائسنس بک کی عدم دستیابی کے بعد سٹیکر بھی نایاب ہو گئے۔ شہریوں کو سٹیکرز کی بجائے ہاتھ سے لکھی ہوئی بکیں ایشو کر دیں۔ لیکن شہریوں سے فی کس 200روپے سٹیکر کی مد میں وصول کئے جا رہے ہیں۔ محکمہ ایکسائز موٹر برانچ نے کرپشن کا ایک نیا طریقہ دریافت کر لیا ہے ۔ جس کی وجہ سے شہری سراپا احتجاج بنے ہوئے ہیں۔ ذرائع نے مزید انکشاف کیا ہے کہ محکمہ ایکسائز موٹر برانچ کا کچھ سٹاف ایسا بھی ہے جنہوں نے لائسنس بک اور سٹیکر سٹاک کئے ہوئے ہیں جو زیادہ ریٹوں پر فروخت کئے جا رہے ہیں ان کرپٹ مافیوں کے خلاف قانون کب حرکت میں آئے گا یہ تو آنے والا وقت ہی بتائے گا۔

مختلف

دبئی میں پاکستانی نوجوان سنگین جرم میں گرفتار ہوگیا،جانیئے بڑی خبر

دبئی (نیٹ نیوز/ایمرا نیوز)ابوظہبی پولیس نے ایک پاکستانی نوجوان کو منشیات فروشی کے الزام میں گرفتار کرلیا ہے ۔ملزم سے ایک کلوگرام کے قریب میتھا مفیٹمین نامی نشہ آوردوائی برآمد ہوئی جو اُس نے اپنی کار کی سیٹ پاکٹ میں چھپارکھی تھی ۔تفصیلات کے مطابق پولیس کو کسی نے منجری کی کہ اکیس سالہ نوجوان جس کا تعلق پاکستان سے ہے ،منشیات فروشی میں ملوث ہے۔جس پر ڈرگ انفورسمنٹ آفیر نے نوجوان کو رنگے ہاتھوں گرفتار کرلیا۔ استغاثہ کی جانب سے ملزم پر ممنوعہ نشہ آور دوائی کی فروخت کا الزام عائد کیا گیا ہے ۔جبکہ ملزم نے عدالت میں ستغاثہ کی جابنب سے اگلے گئے الزامات کو غلط قرار دیتے ہوئے اپنی بے گناہی کی دہائی دی۔اُس کا کہنا تھا کہ وہ منشات خود استعمال کرتا تھااور منشیات فروشی سے اُس کا کوئی تعلق نہیں ہے۔

انسداد منشات پولیس کے ایک لیفٹیننٹ نے عدالتی کاروائی کے دوران استغاثہ کو بتایا کہ ایک منجر نے انہیں اطلاع دی تھی کہ راس ال خور کے علاقے میں مقیم ملزم خود بھی منشیات کا استعمال کرتا ہے اور اسے فروخت بھی کرتا ہے ۔اس اطلاع کے بعد ملزم کی تلاش اور گرفتاری میں مقیم ملزم خود بھی منشیات کا استعمال کرتا ہے اور فروخت کرتا ہے ۔اس اطلاع کے ملزم کی تلاشی اور گرفتاری کے لیے استغاثہ کے دفتر سے اجازت لی گئی ۔جس کے بعد پہلے ملزم کی راس الخو رمیں واقع رہائش گاہ پر چھاپہ مارا گیا وہاں ملزم موجود نہیں تھا۔
بعد میں منجر کی جانب سے آگاہ کیا گیا کہ پاکستانی نوجوان الوحیدہ کے علاقے میں منتقل ہوگیا ہے ۔جس پر مذکورہ علاقے میں چھاپہ ماراگیا تو ملزم اپنی کار میں موجود تھا ۔کار کی تلاشی کے دوران ڈرائیونگ سیٹ کے پچھلی جانب بنی پاکٹ سے منشیات برآمد ہوئی جو ملزم نے پلاسٹک کے ایک باکس میں ڈال رکھی تھی ۔منشیات کی برآمدگی پر ملزم کو فوری طور پر حراست میں لے لیا گیا ۔
جس کے بعد اُس کی نئی رہائش گاہ کی بھی تلاشی لی گئی مگر وہاں سے کوئی ممنوعہ شے برآمدنہیں ہوئی ۔انسداد منشیات کے لیفٹیننٹ کے مطابق ملزم نے دوران تفتیش اعتراف کیا تھا کہ اُسے منشیات ایک ہم وطن نے فراہم کی تھی اور سے ایک شخص کو ایک ہزار درہم کے عوض سپلائی کرنے کا کہا تھا ،ملزم نے پولیس کے روبرو یہ بھی مانا تھا کہ وہ گرفتاری سے قبل تین بار منشیات فروخت کرچکاہے ۔پریذائیڈنگ جج عرفان عمر نے مقدمے کی کاروائی 13ستمبر 2018ءتک ملتوی کردی ہے اسی روز مقدمے کا فیصلہ بھی سنایا جائے گا۔

دلچسپ و عجیب

‘کِی کِی ڈانس کا بخار پائلٹس پر بھی چڑ گیا