All posts by EMRA

اسلام آباد (میڈیا پاکستان)سابق وزیر اعظم نواز شریف کی ریلی روکنے کے لیے دائر درخواست پر اسلام آباد ہائی کورٹ نے فیصلہ محفوظ کر لیا ۔میڈ یا رپورٹس کے مطابق تحریک انصاف کے رہنما عثمان سعید بسرا نے نواز شریف کی ریلی روکنے کے لیے اسلام آباد ہائیکورٹ میں درخواست دائر کی جس پر جسٹس عامر فاروقی نے سماعت کی ۔اس دوران جسٹس عامر فاروقی نے کہا کہ ریلی کا بڑا حصہ پنجاب میں ہو گا جو عدالتی دائرہ اختیار میں نے جس پر درخواست گزار کے وکیل نے کہا کہ لاہور تک نکالی جانے والی ریلی اسلام آباد سے شروع ہو گی۔اس پر جسٹس عامر فاروقی نے کہا کہ ریلی کے شرکا فیض آبادمیں جمع ہو کر لاہور جائیں گے تو عدالت کا دائرہ اختیار کیسے ہو گا ؟۔عدالت نے تحریک انصاف کی درخواست پر فیصلہ محفوظ کر لیا ۔

ملتان (میڈیا پاکستان)ملتان ہائیکورٹ کے احاطے میں فائرنگ کر کے خاتون کو قتل کر دیاگیا،ملزم نے خود کو گرفتاری کیلئے پیش کر دیا،تفصیلات کے مطابق خاتون نے پسند کی شادی کر رکھی تھی ، کیس کی سماعت پر پیشی کیلئے خاوند کے ساتھ عدالت آئی تو خاتون کے بھائی نے فائرنگ کر دی جس سے وہ موقع پر ہی دم توڑ گئی جبکہ فائرنگ سے وکیل سمیت 2 افراد زخمی ہو گئے ،ملزم نے واقعہ کے بعد خود کو گرفتاری کیلئے پیش کر دیاپولیس نے مقدمہ درج کر لیا۔

لاہور(رپورٹ عدنان بٹ )اسسٹنٹ کمشنر سٹی کی بروقت کارروائی ،پنجاب حکومت کا ڈیڑھ کروڑکیش بچا لیاجبکہ 9کنال کی انتہائی کی قیمتی صوبائی حکومت کی اراضی بھی محفوظ کردی،مزید معلوم ہوا ہے کہ اسسٹنٹ کمشنر سٹی عبداللہ خرم نیازی نے جعلی رجسٹری پر صوبائی حکومت کا رقبہ منتقل کرتے ہوئے ایل ڈی اے سے ڈیڑھ کروڑ روپے کا معاوضہ بنوانے میں ملوث جیا موسیٰ کے پٹواری کومعطل کرتے ہوئے ایل ڈی اے کو چیک کیش کروانے سے روکنے کے لئے تحریری لیٹر لکھ دیا ہے مزید معلوم ہوا ہے کہ تحصیل سٹی کے پٹوار سرکل جیا موسیٰ کے پٹواری محمد الطاف نے ایل ڈی اے کی لینڈ ایکوزیشن کے پٹواری رانا شمس کے ساتھ ساز باز کرتے ہوئے اورنج ٹرین پراجیکٹ کے ذریعے معاوضہ لینے اور پنجاب حکومت کے سرکاری خزانے پر ہاتھ صاف کرنے کے لئے منصوبہ بندی مرتب کی اور صوبائی حکومت کی نو کنال اراضی ہتھیانے کے لئے جعلی رجسٹری تیار کی گئی اور اس کی بنیاد پر فوری طور ٹمبر مارکیٹ ایکٹ سے ملحقہ زمین کا انتقال نمبر 19873درج کرتے ہوئے تصدیق بھی کروا لیا ،پرچہ رجسٹری 1985کی تیار کی گئی اور اس حوالے سے پٹواری لینڈ ایکوزیشن رانا شمس نے ایل ڈی اے میں ڈیڑھ کروڑ روپے کا معاوضہ چیک بھی تیار کروا لیا جس کی اطلاع ملنے پر اسسٹنٹ کمشنر سٹی عبداللہ خرم نیازی بروقت کارروائی کرتے ہوئے ریونیو ریکارڈکی جانچ پڑتال کی تو جعلسازی اور ریکارڈ میں کی جانے والی ردوبدل عیاں ہو گی،اسسٹنٹ کمشنر سٹی عبداللہ خرم نیازی نے روزنامہ پاکستان کو آگاہی دیتے ہوئے بتایا کہ رجسٹری جعلی تیار کی گئی ہے اور پٹواری جیاموسیٰ الطاف اس میں ملوث ہے قانونگو اور ریونیو افسر کے کردار کے حوالے سے تحقیقات جاری ہے پٹواری جیاموسیٰ کو فوری معطل کر دیا گیا ذرائع کا کہنا ہے کہ اسسٹنٹ کمشنر سٹی عبداللہ خرم نیازی کی جانب ے بروقت کارروائی کے سبب ناصرف حکومت پنجاب کے سرکاری خزانے سے ڈیڑھ کروڑ روپے کیش کی بچت ہو گی بلکہ 9کنال انتہائی کی قیمتی سرکاری اراضی بھی محفوظ کر لی گئی ہے دوسری جانب ذرائع نے انکشاف کیا ہے کہ ایل ڈی اے لینڈ ایکوزیشن میں تعینات پٹواریوں کے ساتھ ساز باز کرتے ہوئے سینکڑوں فرضی مالکان اور کھاتہ جات کے ذریعے سرکاری خزانے سے کروڑوں روپے ہڑپ کر چکے ہیں جس کی محکمہ اینٹی کرپشن اور نیب میں تحقیقات لازم ہیں ذرائع نے مزید بتایا کہ مذکورہ پٹواری رانا شمس ایل ڈی اے افسران کا نام استعمال کرتے ہوئے اس طرح کارروائیاں ڈال رہا ہے ،تاہم ایل ڈی اے افسران کا کہنا ہے کہ میرٹ پر تمام قانونی تقاضے پورے کئے جائیں گے،فراڈ میں ملوث تمام محرکات کو سامنے لاکر ملوث اہلکاروں کو قانون کے کٹہرے میں لاجائے گا۔

ممبئی (آن لائن) بھارتی اداکار اجے دیو گن نے امیتابھ بچن کی پریشانی دور کرنے کے لئے ’’بگ بی ‘‘ اور ان کے دوست کے موبائل فون ہیک کرکے دونوں کو حیران کر دیا۔
بھارتی میڈیاکے مطابق اجے دیو گن نے امیتا بھ بچن کے موبائل فون کوہیک کرکے ان کے دوست رائے کو پیغام دیا کے مجھے صبح ساڑھے 5 بجے جم میں ملو، امیتابھ بچن کے دوست موبائل پر پیغام ملنے کے بعد جب صبح ساڑھے 5 بجے امیتابھ بچن کو ملنے پہنچے تو وہ انہیں دیکھ کر حیران رہ گئے اور پوچھا کے آپ اتنی سویرے کیوں یہاں آئے ؟اس پر دوست نے جواب دیا کے آپ نے ہی بلایا تھا اور ساتھ ہی انہوں نے وہ موبائل پر اپنے امیتابھ بچن کا مختصر پیغام بھی دکھایا۔ امیتابھ بچن نے اپنے موبائل کو چیک کیا تو اس سے بھی یہ پیغام دیا گیا تھا۔
اجے دیو گن نے اپنے انٹرویو میں بتایا کے میں نے امیتابھ بچن کی پریشانی دور کرنے کیلئے انہیں فون کرکے بتایا کہ یہ شرارت میں نے کی ہے، امیتابھ بچن یہ سن کر حیران تو ہوئے مگر انہوں نے اجے دیوگن کو ڈانٹنے کی بجائے موبائل فون ہیک کرنے کا سافٹ ویئر مانگ لیا، اجے دیو گن نے ایک کامیڈی شو میں بتایا کہ جدید سافٹ ویئر کے ذریعے کسی بھی موبائل کے کسی کو بھی فون کرنا کوئی مشکل کام نہیں رہا۔

مظفر گڑھ(میڈیا پاکستان) ڈیرہ غازی خان روڈ پربصیرہ کے قریب آئل ٹینکر الٹ گیا،آئل ٹینکر سے تیل کا اخراج شروع ہو گیا،پولیس نے علاقے کو گھیرے میں لے لیا اور امدادی کارروائیاں شروع کر دی گئیں۔ ریسکیو ذرائع کے مطابق آئل ٹینکرمیں 40 ہزار لٹرتیل موجود ہے،آئل ٹینکرسے معمولی سی لیکج بھی ہورہی ہے،پولیس نے علاقے کو گھیرے میں لے کر ٹریفک کو متبادل راستے پر ڈال دیا ہے تاہم آئل ٹینکرکوخالی کرنے کےلئے کوئی ٹیم نہیں پہنچ سکی۔
واضح رہے کہ پنجاب سمیت ملک بھر میں آئل ٹینکر الٹنے کے کئی واقعات رونما ہو چکے ہیں جس میں درجنوں افراد جاں بحق ہو چکے ہیں۔

بولی وڈ کی خوبرو اداکارہ شردھا کپور ڈائریکٹر اور اداکار فرحان اختر کو اپنی آنے والی فلم ’حسینہ پارکر‘ خصوصی طور پر دکھانا چاہتی ہیں۔
اداکارہ چاہتی ہیں کہ ان کے دوست فرحان اختر فلم ریلیز ہونے سے قبل خصوصی طور پر حسینہ پارکر کو دیکھ کر بتائیں کہ انہوں نے کس طرح اداکاری کی۔
شردھا کپور کو یقین ہے کہ فرحان اختر ہی وہ واحد اور سچے تنقید نگار دوست ہیں، جو انہیں ان کی اداکاری اور فلم سے متعلق اچھے مشورے دے سکتے ہیں۔
نشریاتی ادارے ’دی ایشین ایج‘ نے شردھا کپور کے انتہائی قریبی ذرائع کا حوالہ دیتے ہوئے بتایا کہ اداکارہ نے اپنے کیریئر میں سب سے بہترین اداکاری اس فلم کے لیے کی ہے، اس لیے وہ چاہتی ہیں کہ ان کے دوست فرحان اختر فلم دیکھ کر ان کے کردار سے متعلق رائے دیں۔
خیال رہے کہ ’حسینہ پارکر‘ کو رواں ماہ 18 اگست کو ریلیز کیا جانا تھا، تاہم رواں ماہ بڑی فلمیں ریلیز ہونے کی وجہ سے چوتھی بار اس فلم کی نمائش منسوخ کردی گئی۔
حسینہ پارکر کو سب سے پہلے 14 جولائی 2017 کو ریلیز کیا جانا تھا، تاہم بڑی فلموں کے خوف کی وجہ سے مسلسل اس کی ریلیز 4 بار منسوخ کی گئی۔
اب فلم کی ٹیم نے حسینہ پارکر کو آئندہ ماہ 15 ستمبر کو ریلیز کیے جانے کا اعلان کیا ہے، اور شردھا کپور چاہتی ہیں کہ نمائش سے پہلے ہی فرحان اختر کو خصوصی طور پر فلم دکھائی جائے۔
ہدایت کار اپوروا لاکھیا کی فلم میں شردھا کپور مرکزی کردار میں نظر آئیں گی، اس فلم میں انہوں نے انڈر ورلڈ ڈان داؤد ابراہیم کی بہن حسینہ پارکر کا کردار ادا کیا ہے۔
بولی وڈ میں داؤد ابراہیم کی زندگی پر کئی فلمیں بنائی جاچکی ہیں، تاہم پہلی بار ان کی بہن پر فلم بنائی گئی ہے، فلمی ناقدین کے مطابق انڈر ورلڈ ڈان پر بنائی گئی فلموں کے مقابلے اس کی بہن پر بنائی گئی فلم زیادہ کامیاب ہوگی۔
داؤد ابراہیم پر بنی بیشتر بھارتی فلموں کو ناکامی کا سامنا کرنا پڑا ہے، تاہم خیال کیا جا رہا ہے کہ شردھا کپور کی یہ فلم اس روایت کو توڑنے میں کامیاب ہوگی۔

لاہور: ڈاکٹر طاہر القادری نے کہا کہ اللہ کے ہاں دیر ہے اندھیر نہیں جب کہ پانامالیکس میں نوازشریف اورفیملی کا پکڑاجانااللہ کا انتقام ہے۔
لاہورائیرپورٹ پرخطاب میں ڈاکٹر طاہر القادری نے کہا کہ پاکستان کی سپریم کورٹ نے انصاف دینے میں تاریخی فیصلہ دیا ہے، اللہ کے ہاں دیر ہے اندھیر نہیں، پانامالیکس میں نوازشریف اورفیملی کاپکڑاجانااللہ کا انتقام ہے جب کہ آرٹیکل 63-62 نے جوتے مارکرنوازشریف کو نکالاہے۔
طاہرالقادری نے کہا کہ سپریم کورٹ نے آپ کو بددیانت قراردیا تو آپ سازشیں تلاش کررہے ہیں، ہم نے جی ٹی روڈپرنظام کے خلاف احتجاج کیا،آپ میں ہمت ہے تو نام لیں کہ کس کے خلاف احتجاج کر رہے ہیں تاکہ دودھ کا دودھ پانی کاپانی ہو۔
طاہرالقادری کا کہنا تھا کہ اپریل سے لے کر اب تک کنیڈا واپس نہیں گیا، پاکستان میرا گھر ہے میرا وطن ہے، حکومت کی سیکیورٹی ہر بھروسہ نہیں ہے، ماڈل ٹاؤن کے شہدا کا خون رائیگاں نہیں جائے گا، کارکنوں کی شہادت کا قصاص ہم لے کر رہیں گے ، چورپکڑا گیا لیکن قاتل ابھی رہتا ہے جب کہ آئندہ لائحہ عمل کا اعلان ناصر باغ میں خطاب میں کروں گا۔

معین علی کی شاندار باؤلنگ کے باعث انگلینڈ نے جنوبی افریقہ کو چوتھے ٹیسٹ میچ میں 177 رنز سے شکست دے کر چار میچوں کی سیریز 1-3 سے اپنے نام کرلی۔
اولڈ ٹریفرڈ میں کھیلا میچ کھیل کے چوتھے روز ہی ختم ہوگیا، جبکہ جوئے روٹ کی قیادت میں یہ پہلی سیریز ہے جو انگلینڈ نے اپنے نام کی۔
جنوبی افریقہ کوآخری ٹیسٹ میں جیت کے لیے 380 رنز کا ہدف ملا لیکن اس کی پوری ٹیم چوتھے روز چائے کے وقفے کے فوری بعد 202 رنز پر ڈھیر ہوگئی۔
جنوبی افریقہ کی آخری دونوں وکٹیں معین علی نے دو گیندوں پر مورنے مورکل اور ڈُوانے اولیور کو آؤٹ کرکے حاصل کیں۔
اس طرح معین علی نے میچ میں 69 رنز کے عوض 5 جبکہ سیریز میں مجموعی طور پر 25 وکٹیں حاصل کیں۔
انگلینڈ کی یہ 1998 کے بعد جنوبی افریقہ کے خلاف ہوم ٹیسٹ سیریز میں پہلی کامیابی ہے۔
چوتھےروز کھانے کے وقفے تک جنوبی افریقہ کے 40 رنز پر 3 کھلاڑی آؤٹ تھے اور ہاشم آملہ اور کپتان فاف ڈوپلیسی کریز پر موجود تھے۔
دونوں کھلاڑیوں نے 123 رنز کی شاندار شراکت قائم کی اور ٹیم کے اسکور کو 163 پر پہنچایا لیکن پھر ہاشم آملہ 83 رنز بنا کر ایل بی ڈبلیو آؤٹ ہوگئے۔
یہ وہ موقع تھا جب جنوبی افریقہ کے ہاتھ سے میچ نکلنا شروع ہوا اور کوئی کھلاڑی زیادہ دیر تک کریز پر نہ رُک پایا۔
جنوبی افریقہ کی پانچویں اور چھٹی وکٹ 173 پر گری جب کوئنٹن ڈی کوک ایک اور تھونِس ڈی برون صفر پر پویلین لوٹے۔
183 کے مجموعی اسکور پر فاف ڈوپلیسی بھی ہمت ہار گئے اور 61 رنز کی اننگز کھیل کر وکٹوں کے پیچھے کیچ آؤٹ ہوئے۔
کگیسو ربادا ایک جبکہ مورنے مورکل اور ڈُوانے اولیور بغیر رن بنائے آؤٹ ہوئے۔
شاندار پرفارمنس پر معین علی مین آف دی میچ اور مین آف دی سیریز کے حقدار قرار پائے۔

اسپتال نما ریستوران میں ایک ڈاکٹر صارفین کو آپریشن تھیٹر نما کمرے میں کھانا پیش کر رہا ہے۔ فوٹو: سوشل میڈیا
اسپتال نما ریستوران میں ایک ڈاکٹر صارفین کو آپریشن تھیٹر نما کمرے میں کھانا پیش کر رہا ہے۔ فوٹو: سوشل میڈیا
قاہرہ: مصر میں ڈاکٹروں نے ایک ریستوران کا آغاز کیا ہے جو عین اسپتال کی طرح بنایا گیا ہے اور یہاں بیٹھنے کی جگہ کو بھی آپریشن تھیٹر کی طرح ہی بنایا گیا ہے۔
اس ہوٹل کے ملازمین کی اکثریت ڈاکٹروں پر مشتمل ہے جو ڈاکٹروں کے مخصوص لباس میں کام کرتے اور کھانا چنتے نظر آتے ہیں۔ تمام ملازمین نے ربڑ کے دستانے پہنے ہوتے ہیں اور ان کا سبز و نیلا لباس بھی کسی اسپتال کے عملے کا منظر پیش کرتا ہے۔
ریستوران کی خاص ڈش کبدا ہے جس میں کلیجی کو خاص مصالحوں میں پکایا جاتا ہے جو مصر سمیت پورے خطے میں مشہور ہے۔ گائے کی کلیجی کی یہ ڈش بہت لذیذ ہوتی ہے اور رغبت سے کھائی جاتی ہے اور اسے سینڈوچ کے انداز میں پیش کیا جاتا ہے۔

تاہم کبدا کو اگر درست طریقے سے نہ پکایا جائے تو اس سے زہر خورانی (فوڈ پوائزننگ) ہو جاتی ہے اور مریض کئی روز تک اس کا شکار رہتا ہے۔ اسی لیے ڈاکٹروں نے کبدا کو فوڈ پوائزننگ سے مکمل محفوظ بنانے کے لیے سخت ہدایات پر عمل کیا اور مصری عوام یہاں سے بے دھڑک ہو کر اپنی پسندیدہ ڈش سے لطف اندوز ہونے آتے ہیں۔
یہاں کے ایک شیف مصطفیٰ بیسونی نے بتایا: ’ہم نے اپنے پیشے کی مہارت اور معیارات کو اس شعبے میں آزمانے کا فیصلہ کیا لیکن ہم صبح کے وقت ڈاکٹر ہوتے ہیں جبکہ شام کو ریستوران میں کام کرتے ہیں۔‘

لاہور(میڈیا پاکستان)لاہور سمیت مختلف شہروں میں ینگ ڈاکٹرز کی ہڑتال آٹھویں روز بھی جاری، مریض دربدر کی ٹھوکریں کھانے پر مجبور ہیں۔لاہور، ملتان، فیصل آباد، گجرات، رحیم یار خان اور بہاولپور کے ہسپتالوں میں ڈاکٹرز کی جانب سے او پی ڈیز، ان ڈورکا بائیکاٹ جاری ہے تاہم آج ملتان میں ینگ ڈاکٹرز نے مطالبات پورے نہ ہونے پر ایمرجنسی میں کام بند کرنے کی دھمکی دیدی جبکہ کئی آپریشن ملتوی کر دیئے گئے، ینگ ڈاکٹرز کی جانب سے فیصل آباد کے الائیڈ، سول ہسپتال ، گجرات میں عزیز بھٹی شہید، رحیم یار خان میں وکٹوریہ ہسپتال ، ملتان میں نشتر و سول ہسپتال میں احتجاج جاری ہے جس سے دور دراز سے آئے مریض اور ان کے لواحقین مشکلات کا شکار ہیں۔