All posts by EMRA

اسلام آباد (میڈیا پاکستان) عمران خان نا اہلی کیس کی سماعت کے دوران جسٹس عمر عطاءبندیال نے ریمارکس دیے ہیں کہ آئین میں صادق اور امین کا لفظ استعمال نہیں ہوا بلکہ ایماندار اور دیانت دار کی بات ہوئی ہے۔
چیف جسٹس آف پاکستان جسٹس میاں ثاقب نثار کی سربراہی میں تین رکنی بینچ نے عمران خان نا اہلی کیس کی سماعت کی ۔ حنیف عباسی کے وکیل اکرم شیخ جواب الجواب کے دلائل دے رہے تھے کہ اس دوران صادق اور امین کا معاملہ زیر بحث آیا جس پر جسٹس عمر عطا بندیال نے ریمارکس دیے کہ آئین صادق اور امین نہیں ایماندار اور دیانت دار کی بات کرتا ہے، صادق اور امین کا لفظ انتہائی محترم شخصیت کیلئے استعمال ہوا ہے جس پر اکرم شیخ نے کہا کہ بالکل صادق کا لفظ صرف رسول پاک ﷺ کیلئے ہے، نبی کریم ﷺ کی ذات کوکفار بھی صادق اور امین تسلیم کرتے تھے۔

فاریکس ایسوسی ایشن کے چیرمین ملک بوستان کے مطابق 4 روز کے دوران اوپن مارکیٹ میں ڈالر ایک روپے 60 پیسے سستا ہوچکا ہے۔

ملک بوستان نے بتایا کہ مارکیٹ میں ڈالر مزید 40 پیسے سستا ہوگیا جس کے بعد اس کی قیمت 107.50 سے کم ہوکر 107.10 روپے ہوگئی ہے جب کہ اوپن مارکیٹ میں ڈالر کی طلب کم اور سپلائی بڑھی ہے۔

ان کا کہنا تھا کہ نئے وزیراعظم کے پیغام نے ملک میں غیر یقینی صورتحال کا خاتمہ کیا ہے۔

کراچی (میڈیا پاکستان) بینظیر انکم سپورٹ پروگرام کی چیئرپرسن ماروی میمن کا کہنا ہے کہ تحریک انصاف کی رکن قومی اسمبلی عائشہ گلالئی نے تحریک انصاف کے چیئرمین پر جو الزام لگایا وہ بالکل درست ہے۔ پی ٹی آئی کی خواتین کا ردعمل حیرت انگیز ہے۔ روزنامہ دنیا کے مطابق انہوں نے کہا کہ رکن قومی اسمبلی اپنی قیادت پر الزام لگارہی ہے کچھ تو ضرور کچھ ہوا ہوگا۔

(میڈیا پاکستان )پاکستان ہاکی فیڈریشن کے سیکریٹری شہبازسینئر نے بتایا کہ پی ایچ ایف نے اسکاٹ لینڈ سے 3 سال کا معاہدہ کیا ہے جس کے تحت ایف آئی ایچ سے بڑے ایونٹ کی میزبانی بھی مانگیں گے۔

شہباز سینئر نے کہا کہ پاکستان ہاکی ٹیم ہوم سیریزنیوٹرل وینیواسکاٹ لینڈ میں کھیلے گی، پی ایچ ایف نے سرفہرست ٹیموں سے دوطرفہ سیریز کے لیے خطوط لکھ دیئے ہیں۔

ان کا کہنا تھا کہ اولمپکس، ورلڈکپ اور چیمپئنزٹرافی میں خراب پرفارمنس کی وجہ ہوم سیریزکا نہ ہونا ہے اس لیے ہوم سیریزسے میگا ایونٹس میں قومی ٹیم کی پرفارمنس بہترہوگی

لاہور (میڈیا پاکستان) اکثر اوقات ہم کھانے پینے میں بے احتیاطی سے کام لیتے ہیں اور ٹھنڈا گرم کا ایک ساتھ استعمال کرلیتے ہیں جس سے دانتوں کے ساتھ مسوڑھوں میں بھی تکلیف کی شکایت ہوتی ہے لیکن اب ماہرین نے گھریلوں ٹوٹکوں سے اس تکلیف کا حل تلاش کرلیا ہے۔

مسوڑھوں میں جلن، درد ،سوجن یا خون نکلنے کی شکایت وٹامن کی کمی، ہارمونز میں تبدیلی، ذیابیطس اور سکروی امراض کے باعث پیدا ہوتی ہے۔ دانتوں اور مسوڑھوں کی اکثر تکلیف دانتوں پر برش غلط طریقے سے استعمال کرنا یا پھر برش نا کرنے کی صورت میں بھی رونما ہوجاتی ہیں جس کے باعث دانتوں میں پیلاہٹ اور کیڑا بھی لگ جاتا ہے۔

دانتوں اور مسوڑھوں کو مضبوط رکھنے کے لیے ضروری ہے کہ صحت مند خوراک کا انتخاب کیا جائے۔

غذا کا درست تعین:

ایسی خوراک لینے سے پرہیز کرنا چاہیے جس میں مٹھاس زیادہ مقدار میں شامل ہو کیونکہ زیادہ مٹھاس مسوڑھوں اور دانتوں کے لیے مضر ہے اس سے دانت اور مسوڑھے کمزور ہوجاتے ہیں پھر دانتوں میں گندگی پیلاہٹ اور کیڑا لگنے لگتا ہے۔

اس سے بچاو کے لیے لازمی ہے کہ کوئی بھی میٹھی چیز کھانے کے بعد دانتوں کی صفائی کی جائے جب کہ مسوڑھوں اور دانتوں کے لیے ضروری ہے کہ پانی خوب پیا جائے۔

کیلشیم:

صحت مند رہنے کے لیے درست غذا کا انتخاب کرنا انتہائی ضروری ہوتا ہے ۔اگر غذا ہی ایسی کھائی جائے جس سے کیلشیم پروٹین کی فراہمی نا ہو تو صحت متاثر ہوجاتی ہے۔ کیلشیم کی کمی مسوڑھوں اور دانتوں کی جڑوں کو کمزور کر دیتی ہے جس کے نتیجے میں مسوڑھوں میں درد، سوجن اور دیگر شکایات سے دوچار ہونا پڑتا ہے۔

دانتوں اور مسوڑھوں کی حفاظت کے لیے دودھ پینا چاہیے کیوں کہ دودھ وافر مقدار میں کیلشیم فراہم کرتا ہے ۔

نمکین پانی:

نمکین پانی سے دانتوں کو صاف کرنا ایک پرانا ٹوٹکا ہے جو کہ انتہائی مفید ہے اس سے دانتوں کی پیلاہٹ اور بیکٹیریا دور ہوتا ہے۔ نمکین پانی میں بیکنگ سوڈا اور لیمو ملا کر دانتوں کی صفائی کی جائے تو مسوڑھوں کی تکلیف بھی دور ہوتی ہے ساتھ ہی دانتوں کی پیلاہٹ بھی چلی جاتی ہے۔

رسیلے پھلوں کا استعمال کرنا:

وٹامن سی کی کمی کی وجہ سے مسوڑھوں سے خون آنے لگتا ہے جس سے منہ میں بدبو بھی پیدا ہو جاتی ہے کیوں کہ مسوڑھوں میں بہت زیادہ خون آنے کی وجہ سے جگر میں خرابی ہوجاتی ہے۔

وٹامن سی کی کمی کو پورا کرنے کے لیے ضروری ہے کہ رسیلے پھلوں کی خوراک لی جائے ۔نارنجی، تربوز، لیمو، آملہ، ناشپتی یہ تمام پھل وٹامن سی کی کمی کو دور کرتے ہیں۔ان کے استعمال سے دانت اور مسوڑھے مضبوط ہوتے ہیں۔

سینئر اینکر پرسن مبشر لقمان نے خیال ظاہر کیا ہے کہ جو حالات چل رہے ہیں انہیں دیکھ کر لگتا ہے کہ کہیں جاوید ہاشمی یہ نہ کہہ دیں کہ وہ عمران خان کے بچے کی ماں بننے والے ہیں۔
تفصیلات کے مطابق عائشہ گلالئی کے عمران خان پر سنگین نوعیت کے الزامات کے بعد پی ٹی آئی کی جانب سے کہا جا رہا ہے کہ انہوں نے یہ سب کچھ ن لیگ کے کہنے پر کیا ہے۔ بدھ کے روز عائشہ گلالئی نے مبشر لقمان کے پروگرام کھرا سچ میں شرکت کی جہاں وہ اپنے الزامات کے ثبوت پیش کرنے میں ناکام رہیں جبکہ انہوں نے یہ بھی تسلیم کیا کہ وہ مسلم لیگ ن کے ساتھ رابطے میں ہیں۔
عائشہ گلالئی کا انٹرویو کرنے کے بعد مبشر لقمان نے سماجی رابطوں کی ویب سائٹ ٹوئٹر پر کہا ”جو حالات چل رہے ہیں کہیں یہ نہ ہوکہ جاویدہاشمی پریس کانفرنس کرکے کہے کہ میں عمران خان کے بچے کی “ماں”بننے والا ہوں“۔

(میڈیا پاکستان )ترجمان دفتر خارجہ نفیس ذکریا کا کہنا ہےکہ مقبوضہ کشمیر میں قابض بھارتی فوج نہتے کشمیریوں پر طاقت کا وحشیانہ استعمال کررہی ہے۔
اسلام آباد میں ہفتہ وار بریفنگ کے دوران ترجمان دفتر خارجہ نے کہا کہ بھارت تحریک آزادی کو دہشت گردی قرار دینے کی کوشش کررہا ہے لیکن عالمی برادری اس کا مؤقف مسترد کرچکی ہے۔
ترجمان نے کہا کہ مقبوضہ کشمیر میں انسانی حقوق کی خلاف ورزیوں کی صورتحال مزید خراب ہورہی ہے، قابض بھارتی فوج نہتے کشمیریوں پر طاقت کا وحشیانہ استعمال کررہی ہے اور مزید 8 کشمیریوں کو شہید کیا جاچکا ہے۔
ترجمان دفتر خارجہ نفیس ذکریا نے حریت رہنماؤں کی نظر بندی و گرفتاری کی مذمت کی۔
ان کا مزید کہنا تھا کہ افغانستان میں دہشتگرد حملوں میں قیمتی جانوں کے ضیاع پر افسوس ہے، ہم دہشت گردی کی مذمت کرتے ہیں۔
نفیس ذکریا نے کہا کہ سرحد کے دونوں جانب دہشت گردی کے خلاف مربوط کارروائی اور مکمل امن کے لیے کوشاں ہیں، ایسا سرحدی انتظام چاہتے ہیں جہاں عوام، تجارت، راہداری سہولیات حاصل ہوں جب کہ داعش، منشیات و انسانی اسمگلنگ کی روک تھام کے لیے مؤثر سرحدی انتظام ضروری ہے۔
ترجمان نے کہا کہ افغان سرزمین پر عدم استحکام کے باعث داعش کو جگہ مل رہی ہے اور وہاں داعش کی موجودگی پاکستان کے لیے خطرہ ہ

چیرمین تحریک انصاف عمران خان نے کہا کہ اپنے ضمیر کو فروخت کرنے والوں کو بے نقاب ہونے کے لئے چھوڑ دیں ۔

عمران خان نے کہا کہ مجھے نااہل قرار دلوانے اور میرے خلاف داغدار مہم چلانے میں ناکامی کے بعد مسلم لیگ (ن) وہ سب کر رہی ہے جو اسے مناسب لگتا ہے۔

تحریک انصاف کے چیرمین نے کہا کہ خیبرپختونخوا حکومت گرانے کے لئے ارکان کو خریدنے کی کوشش کی جارہی ہے، چھانگا مانگا کی سیاست نہیں چلے گی، اس بات کا یقین رکھیں کہ پی ٹی آئی جواب میں ایسی پیشکش نہیں کرے گی۔

خیال رہے کہ تحریک انصاف کو خیرباد کہنے والی رہنما عائشہ گلالئی کی جانب سے عمران خان پر سنگین الزامات لگانے کے بعد پی ٹی آئی ترجمان اور دیگر رہنماؤں نے ان کی بہن ماریہ طور پر تنقید کرنا شروع کردی تھی جو اسکوائش کی کھلاڑی ہیں اور بیرون ملک پاکستان کی نمائندگی کرچکی ہیں۔

یکم اگست کو عائشہ گلالئی نے تحریک انصاف کو خیرباد کہتے ہوئے الزام عائد کیا تھا کہ تحریک انصاف میں پارٹی چیئرمین کی وجہ سے ماؤں، بہنوں اور بیٹیوں کی عزت محفوظ نہیں ہے اور عمران خان نے انہیں 2013 میں غیرمناسب پیغامات بھیجے۔

دوحہ(میڈیا پاکستان) قطر نے اٹلی سے 7لڑاکا بحری جہاز خریدنے کیلئے اٹلی کیساتھ 5.9ارب ڈالر کے معاہدے پر دستخط کر دیئے ہیں جبکہ امریکی ایوان نمائندگان کی ایک ذیلی کمیٹی نے ماہرین کے ساتھ مل کر قطر کے حالیہ بحران سے متعلق ایک تفصیلی تجزیہ پیش کیا ہے۔ اس تجزیے میں گفتگو کرنے والے زیادہ تر افراد نے قطر کی پالیسیوں میں پائے جانے والے تضادات کی جانب اشارہ کرتے ہوئے انہیں دہشت گردی کی فنڈنگ اور اس کی سپورٹ کے حوالے سے چشم پوشی والا ماحول قرار دیا ہے۔
میڈیا رپورٹس کے مطابق امریکی ایوان نمائندگان میں مشرق وسطی اور شمالی افریقہ سے متعلق ذیلی کمیٹی نے اجلاس میں قطری خارجہ پالیسی اور دہشت گردی کے لیے دوحہ کی سپورٹ کو موضوعِ بحث بنایا۔ریپبلکن کمیٹی کی سربراہ ایلیانا روز لیٹنن کا کہنا تھا کہ دوحہ دنیا بھر میں دہشت گرد تنظیموں کی فنڈنگ کے علاوہ شام میں کئی شدت پسند جماعتوں کو مالی معاونت پیش کرتا ہے۔روز لیٹنن نے امریکی وزارت خزانہ کی سابقہ ذمے دارے کیتھرین پاور کے حوالے سے بتایا کہ سعودی عرب اور امارات نے کوشش کی تھی کہ دوحہ کو دہشت گردی کی فنڈنگ کرنے والوں کے خلاف اقدامات پر مجبور کریں مگر ایسا نہیں ہو سکا۔ قطری وزیر خارجہ محمد بن عبدالرحمن التھامی نے اطالوی ہم منصب انجلینو الفانو کیساتھ مشترکہ پریس کانفرنس میں جہاز خریدنے کا اعلان کیا۔ سعودی عرب اور 4خلیجی ممالک سے کشیدگی کے دوران یہ اقدام سامنے آیا ہے۔

لاہور(میڈیا پاکستان) میں میڈیا سے گفتگو کرتے ہوئے قومی کرکٹ ٹیم کے ہیڈ کوچ مکی آرتھر نے کہا کہ مصباح الحق اور یونس خان کی جگہ لینے کے لیے نوجوان کھلاڑی موجود ہیں، بابر اعظم اور اسد شفیق سے بڑی امیدیں وابستہ ہیں جب کہ نئے کھلاڑی بھی آگے آرہے ہیں۔

مکی آرتھر نے کہا کہ وہاب ریاض اچھے بؤلر ہیں جب کہ فٹنس کے لیے عمر اکمل کو محنت کرنا ہوگی، عمراکمل فٹنس ٹیسٹ میں فیل ہوئے تو ہم کیا کر سکتے ہیں، اب ان پرمنحصر ہےکہ وہ کتنی جلدی وہ معیار پر پورا اترتے ہیں۔

ہیڈ کوچ کا کہنا تھا کہ چیمپئنز ٹرافی کے جشن کا وقت ختم ہوگیا، اب دوبارہ کام کاوقت آگیا ہے۔ انہوں نے کہا کہ قومی ٹیم کے کیمپ 22 اگست کو شروع ہوگا، ہم نے فٹنس کے لیے ایک معیار رکھا ہے جسے سب کھلاڑیوں کو پورا کرنا ہوگا۔

انہوں نے مزید کہا کہ ہمارا بولنگ میں بہت سخت مقابلہ ہے، بہت سے چیلنجز کا سامنا ہے لیکن ٹیم بہتر سے بہتر ہورہی ہے۔

مکی آرتھر کا کہنا تھا کہ پاکستان کرکٹ ٹیم کے مستقبل سے بہت پر امید ہوں، ہمارا ہدف ٹی ٹوینٹی اور ون ڈے میں نمبر ون ٹیم بننا ہے تاہم اس ہدف کو حاصل کرنے میں وقت لگے گا۔