All posts by News Desk

ویب ڈیسک : سابق افغان خفیہ ایجنسی این ڈی ایس کےملازمین کورنگےہاتھوں گرفتار کیا: طالبان ترجمان سہیل شاہین

تفصیلات کے مطابق طالبان کی جانب سے سابق افغان خفیہ ایجنسی این ڈی ایس کے اہلکاروں کورنگے ہاتھوں گرفتار کیا گیا ہے، ترجمان طبان سہیل شہین کا اپنے ٹویٹر پیغام میں کہنا تھا کہ این ڈی ایس کے سابق اہلکاروں نےامارات اسلامی افغانستان کےارکان کاروپ دھارا ہوا تھا. یہ تمام ملازمین کابل میں سکیورٹی صورتحال خراب کرنے میں ملوث تھے۔ ترجمان طالبان ذبیح اللہ مجاہد کا بھی کہنا تھا کہ گزشتہ رات کابل ایئرپورٹ کے باہر ہونیوالے دھماکوں میں طالبان کوکوئی جانی نقصان نہیں اٹھانا پڑا ہے۔ نجی میڈیاہاؤس سے گفتگو کرتے ہوئے کہناتھا کہ طالبان کا کوئی جانی نقصان نہیں ہوا ہے۔ یہ واقعہ اُس علاقےمیں ہواجوامریکی فورسزکے کنٹرول میں ہے۔

واضح رہے کہ اس سے قبل نجی خبر ایجنسی کاکہناتھا کہ کابل ایئرپورٹ پرہونیوالے بم دھماکوں میں کم ازکم28طالبان جاں بحق ہوئے۔کابل ایئرپورٹ کے قریب یکے بعد دیگرے دو دھماکوں میں جاں بحق افرادکی تعداد100سےزائدہوگئی، جبکہ دھماکے میں ڈیڑھ سو افراد زخمی ہوئے۔

افغان میڈیا کے مطابق دھماکوں میں ہلاک افراد میں 90افغان شہری اور13امریکی فوجی بھی شامل ہیں۔ داعش نے دھماکوں کی ذمہ داری قبول کرلی ہے۔

ویب ڈیسک:محکمہ موسمیات کی جانب سے ملک کےبلائی اور وسطی علاقوں میں بارشوں کی پیشگوئی جبکہ لاہوراورقصورمیں موسلادھار بارش کا امکان ظاہر کیا گیا ہے۔
تفصیلات کے مطابق ملک کے بالائی اوروسطی علاقوں میں مون سون بارشوں کا امکان ظاہر کیا گیاہے،محکمہ موسمیات کا کہنا ہے کہ مون سون ہوائیں27اگست کی شام/رات سے ملک کے بالائی علاقوں میں شدت کے ساتھ داخل ہوں گی جس کے باعث 27 اگست سے یکم ستمبر تک پنجاب،کشمیر، اسلام آباد۔خیبرپختونخوا ، بلوچستان اور گلگت بلتستان کے اکثروبیشترعلاقوں میں بارشوں کا امکان ہے جبکہ اسلام آباد ، راولپنڈی ، اٹک ، چکوال ، جہلم ، گجرات ، منڈی بہاؤالدین ،سیالکوٹ ، نارووال ، گوجرانوالہ ، حافظ آباد ، لاہور ، اوکاڑہ، فیصل آباد ، سر گودھا، میا نوالی، کوہستان، شانگلہ، مانسہرہ، ایبٹ آباد، ہری پور، مردان، چارسدہ، نوشہرہ، دیر، چترال،پشاور،کوہاٹ ،وزیرستان، گلگت بلتستان میں وقفے وقفے سے گرج چمک کے ساتھ بارش کاامکان ہے۔
محکمہ موسمیات کامزید کہنا تھا کہ 29 اگست سے31 اگست تک دیر،کوہستان، مانسہرہ، ایبٹ آباد، مظفر آباد، راولپنڈی/اسلام آباد، گوجرانوالہ، سیالکوٹ، لاہور اور قصور میں موسلادھار بارشیں ہوں گی. ٹانک ،کرک، بنوں،ڈیرہ اسماعیل خان، جھنگ، ٹوبہ ٹیک سنگھ ، بھکر،لیہ، ساہیوال، بہاولنگر، ڈیرہ غازی خان، راجن پور، خانپور، ، خا نیوال، ملتان، کوہلو، لورالائی ، بارکھان، ژوب، مو سی خیل، کو ئٹہ ، ز یا رت اور قلات میں گرج چمک کےساتھ بار شوں کا امکان ہے

15اگست کے بعد سےافغانستان میں تیزی سے صورتحال تبدیل ہورہی ہے، نئی افغان حکومت کے ساتھ تعاون کرنا چاہتے ہیں، اب دیکھناہوگاکہ وہاں کس طرح کی حکومت آتی ہے .ڈی جی آئی ایس پی آر کی پریس کانفرنس
ڈی جی آئی ایس پی آر میجر جنرل بابر افتخارکاراولپنڈی میں پریس کانفرنس کرتے ہوئے کہنا تھا کہ افغان فوج کے حوالے سے بات کروں گا،افغانستان کی موجودہ صورتحال کے حوالے سےسیکورٹی اقدامات کررہے ہیں، افغانستان میں پیداہو نیوالی صورتحال غیر متوقع تھی، پاکستان نےمغربی سرحد کومحفوظ بنانے کیلئے پہلے ہی اقدامات اٹھاناشروع کر دیئے تھے،سرحد پرنقل و حمل کو پہلے ہی کںٹرول کرلیاتھا۔مغربی سرحدکی پاکستانی سائیڈ مکمل طور پرمحفوظ ہے۔

ڈی جی آئی ایس پی آر پریس کانفرنس کےدوران مزید کہنا تھا کہ پاکستان نےوہ اقدامات کیے جو پاک افغان بارڈرکیلئےبہترین تھے۔کئی بار افغان نیشنل آرمی کے اہلکاروں نے پاکستان میں آکرپناہ لی،پاکستان نےدہشتگردی کیخلاف جنگ میں بے حد قربانیاں دی ہیں۔
ڈی جی آئی ایس پی آرنے کہا کہ پاک افغان بارڈرصورتحال معمول کےمطابق ہے۔افغانستان سے130پروازیں پاکستان لینڈ کرچکی ہیں۔سرحد پر قانونی دستاویزات کے ساتھ نقل و حرکت کی اجازت ہے۔

افغان فوج کے کیڈٹس نے بھارت سے تربیت حاصل کی، افغانستان میں بھارت کا کردار منفی رہا۔ اب افغان فوج کہاں گئی؟کچھ علم نہیں۔15اگست کے بعد افغان بارڈر متعدد بار بند اور کھولا گیا، ڈی جی آئی ایس پی آر میجر جنرل بابر افتخار کا کہناتھاکہ مشرقی سرحدپرسیزفائر معاہدے کی خلاف ورزیاں ہوئیں۔

ویب ڈیپارٹمنٹ : امریکہ اور اتحادی (نیٹو) افواج نے افغانستان سے انخلا کو مکمل کرنے کے لیے پاکستان سے مدد مانگ لی ہے۔
تفصیلات کے مطابق افغان جنگ میں امریکہ اور اتحادی افواج کی معاون ت کرنیوالوں کو نکالنے کیلئے پہلےمرحلےمیں پاکستان لایا جائے گا۔ ذرائع کے مطابق افغانستان سے تقریباً3 سے 4 ہزار افرادکراچی میں ایک ماہ تک رکھاجا ئے گااس کے بعد انہیں امریکہ لے جایا جائے گا،رپورٹس کے مطابق ان افراد کی کراچی میں رہائش کا بندوبست حکومت سندھ کرے گی۔
ایوی ایشن ذرائع کے مطابق افغانستان سے آنیوالی پروازیں ملتان، فیصل آباد اور پشاور بھی لائی جائیں گی جبکہ لاہورمیں یہ سہولت فراہم کرنے سے معذرت کی گئی ہے۔ کابل سےغیرملکیوں کو لیکراڑان بھرنےوالی متعدد پروازیں کل سےکراچی میں اترنا شروع کردیں گی۔

افغانستان سے انخلا میں مدد کی درخواست ملنے کے بعد ایک اعلیٰ سطحی اجلاس راولپنڈی میں منعقد ہوا جس میں وزارت خارجہ کے حکام اور ڈائریکٹر جنرل سول ایوی ایشن اتھارٹی سمیت دیگر متعلقہ حکام نے شرکت کی۔ انتظامات کو حتمی شکل دینے کے لیے اہم اجلاس کراچی میں بھی منعقد ہوا ہے۔

سی اے اےذرائع کے مطابق افغانستان سے امریکیوں کی معاونت کرنیوالوں کونکالنےوالی5 ابتدائی پروازیں کراچی میں لینڈ کریں گی۔اسلام آباد میں رش کے باعث انخلا میں مصروف طیاروں کوکراچی میں اتارنے کا فیصلہ کیا گیا ہے۔اعلیٰ‌حکام،مجاز اتھارٹی سے منظوری کے بعد طیاروں کا کراچی میں لینڈ کرنے کا امکان ظاہر کیا گیا ہے۔ کراچی لائے جانے والے تمام افراد کو جناح ٹرمینل سےحکومت سندھ کی جانب سے مختص کردہ مقامات تک پہنچایا جائے گا۔

تفصیلات کے مطابق اسلام آباد کنونشن سنٹر میں پی ٹی آئی کی 3سالہ کارکردگی سے متعلق تقریب منعقد ہوئی جس وزیراعظم عمران خان نے خطاب کرتے ہوئے کہاکہ بلوچستان،سابق فاٹا کےاضلاع کےلوگ پچھے رہ گئے،ان علاقوں کو اوپر لانے کیلئےحکومت نے خصوصی پیکیج دیا ہے، انہوں نے کہا کہ بلوچستان میں ہماری حکومت نہیں ، سندھ میں بھی ہماری حکومت نہیں ہے اس کے باوجود ان صوبوں میں غربت کے خاتمے کیلئے خصوصی ڈویلپمنٹ پیکیج دیا ہے . وزیراعظم کا کہنا تھا کہ “بلوچستان میں ہماری مخلوط حکومت ہے۔” سند ھ میں ہماری حکومت نہیں اس کے باوجود سندھ کے 14، بلوچستان کے 9 اضلاع اور گلگت بلتستان کو اٹھانے کیلئے1300 ارب روپے مختص کیے ہیں ۔
وزیراعظم عمران خان نے تقریب سے خطاب کرتے ہوئے اپنےساتھو ں سے ہلکا پھلکا طنزکیا، انہوں نے سینیٹر فیصل جاویدکومخاطب کرتے ہوئے کہا کہ فیصل جاوید کو جب مائیک مل جائےتووہ چھوڑتا ہی نہیں ہے۔ تقریب میں گورنرسندھ نے اپنا مقبول نغمہ تبدیلی آئی رے گایا،جس پر تبصرہ کرتے ہوئے وزیراعظم عمران خان نےکہا کہ سمجھ نہیں آتا عمران اسماعیل میں گانوں کاپوٹینشل زیادہ ہےیاگورنرشپ کا۔ تقریب میں گلوکار عطااللہ عیسیٰ خیلوی اور ابرارالحق کی پرفارمنس پر وزیراعظم نے دونوں کو خوب داد دی۔
اس تقریب میں وفاقی وزرا، پارٹی عہدیداران و کار کنوں نے شرکت کی جبکہ اس موقع پر وزیراعلیٰ بلوچستان جام کمال خان بھی موجود تھے۔