All posts by Dua Tariq

قصور کے علاقے ساندہ کالاں میں انصار علی سپائس گرائنڈنگ یونٹ پر چھاپہ مار کر جعلی مصالحہ جات کی سپلائی ناکام بنادی ۔

ڈی جی فوڈ اتھارٹی کے مطابق کارروائی کے دوران 137 کلو جعلی مصالحہ جات تلف کردیے گئے ، سرخ مرچ پاؤڈر کا موقع پر ٹیسٹ فیل پائے جانے پر کارروائی عمل میں لائی گئی، چیکنگ کے دوران ورکز کے میڈیکل سرٹیفکیٹس کی عدم دستیابی پائی گئی۔

ڈی جی فوڈ اتھارٹی کاکہنا تھا کہ مضر صحت مصالحہ جات کو مختلف برانڈز کی دلکش پیکنگ میں فروخت کیا جانا تھا، مصالحہ جات لاہور کی دیگر چھوٹی بڑی دکانوں پر سپلائی کیے جانے تھے۔

ملاوٹی مصالحہ جات تیار کرنے والے انصار علی نامی شخص کیخلاف مقدمہ درج کروا دیا گیا۔

ڈی جی فوڈ اتھارٹی کاکہنا تھا اشیاء خوردونوش میں ملاوٹ کرنیوالے عناصر کیخلاف سخت کارروائیاں کی جا رہی ہیں۔

اسی معاملے پر امریکا کے لیے روسی سفیر نے واشنگٹن کو خبردار کرتے ہوئے کہا ہےکہ وہ روسی سرحدوں کے قریب اپنی دشمنانہ پروازوں سے باز رہے۔

روسی سفیرنے کہا ہم یہ توقع کرتے ہیں کہ امریکا میڈیا میں مزید کسی قیاس آرائیوں سے گریز کرے اور روسی سرحدوں کے قریب اپنی جارحانہ اور دشمنی پر مبنی پروازوں سے بھی باز رہے۔

روسی سفیرکا کہنا تھا کہ ہم امریکا کے کسی بھی مسلح عمل کو کھلی دشمنی کے طورپر دیکھیں گے۔

ممبئی :بالی ووڈ اداکارہ اکیتا لوکھنڈے نے انکشاف کیا ہے کہ انھیں طویل عرصے سے انڈسٹری میں کوئی کام نہیں دیا جارہا تا ہم کام لینے کے لئے لوگوں کے پیچھے بھاگ نہیں سکتی ۔ اپنے ایک انٹرویو میں اکیتا کا کہنا تھا کہ وہ ان لوگوں میں سے نہیں ہیں جو خود جا کر کام مانگتے ہیں بلکہ انہوں نے فیصلہ کیا ہے کہ صرف وہی پروجیکٹ کریں گی جو خود انھیں آفر کئے جائیں گے ۔ انہوں نے کہا کہ انڈسٹری میں کامیابی آگے بڑھنے کے لئے صرف ٹیلنٹ ہی نہیں بلکہ آپ کا کوئی گاڈ فادر ہونا بھی ضروری ہے جو میرے پاس نہیں ہے ۔

کراچی: اداکارہ آمنہ الیاس کا کہنا ہے کہ سانولا رنگ انکے کیرئیر کی راہ میں حائل ہے اسکی وجہ سے انڈسٹری میں امتیازی روئیے کا سامنا ہے ۔ ایک ٹاک شو میں بات کرتے ہوئے آمنہ نے اپنی شوبز مشکلات بارے آگاہ کرتے ہو ے بتایا کہ اپنے گہرے رنگ کی وجہ سے انہیں پاکستان شوبز انڈسٹری میں کئی مرتبہ امتیازی سلوک کا سامنا کرنا پڑا۔اداکارہ کا کہنا تھا کہ ہم ہماری انڈسٹری میں دیکھیں تو ہر اداکار اور اداکارہ گورے لمبے اور ایک جیسے دکھائی دیں گے کیونکہ ہم نے خوبصورتی کے معیار طے کر رکھے ہیں۔ انہوں نے کہا کہ انہیں کئی مرتبہ رنگ کی وجہ سے امتیازی سلوک کا سامنا کرنا پڑا جب ان کی رنگت اسکرین پر ساتھی اداکار کی رنگت سے ملتی ہوئی نظر نہیں آتی تھی۔ تاہم اداکارہ کا کہنا تھا کہ انہیں ڈراموں سے زیادہ فلموں میں اداکاری کا موقع ملا جو کسی بھی اداکارہ کا خواب ہوتا ہے اور یہ ان کی خوش قسمتی ہے کہ وہ ڈراموں سے زیادہ فلمیں کرتی ہیں۔

ممبئی: بالی ووڈ اداکار اجے دیوگن ، دیپیکا پڈکون اور روہت شیٹھی ایک بار پھر فلم سنگھم اگین کی شوٹنگ کے لئے اکٹھے ہو گئے ۔ فلم آئندہ سال دیوالی کے موقع پر ریلیز کی جائیگی ۔ گذشتہ سال فلم میکر روہت سیٹھی نے اعلان کیا تھا کہ جیسا کہ سب کو معلوم ہے کہ میرا آنیوالا پروجیکٹ سنگھم اگین ہے تاہم ابھی سنگھم اگین لیڈی کا انتظار ہے ۔ اب جبکہ فلم کی شوٹنگ دوبارہ شروع ہو گئی ہے تو روہت ، اجے اور دیپیکا ایک ساتھ سیٹ پر دکھائی دے رہے ہیں ۔

لاہور: پاکستان تحریک انصاف نے اتوار کو مینار پاکستان جلسے کیلئے انتظامیہ کو درخواست دیدی۔یہ درخواست پی ٹی آئی لاہور کے صدر شیخ امتیاز کی جانب سے دی گئی ہے، درخواست کے متن میں مینار پاکستان پر دن 2 بجے جلسہ کرنے کی اجازت طلب کی گئی ہے۔
درخواست میں کہا گیا ہے کہ پی ایس ایل میچ کے فائنل کی وجہ سے دن میں جلسہ رکھا گیا ہے، جلسیکی سکیورٹی کے لیے انتظامات کیے جائیں۔ تحریک انصاف کی جمع کروائی گئی درخواست میں مزید کہا گیا کہ پی ٹی آئی کا جلسہ پر امن ہو گا۔

لاہور:مسلم لیگ ن کی سینئر نائب صدر مریم نواز اور سابق وزیراعلیٰ پنجاب حمزہ شہباز نے لاہور سے الیکشن لڑنے کا فیصلہ کیا ہے۔ذرائع کے مطابق مریم نواز اور حمزہ شہباز نے پنجاب اسمبلی کے انتخابات میں لاہور سے حصہ لیں گے ۔دونوں کے کاغذات نامزدگی جمع کروائے جارہے ہیں ۔ واضح رہے سابق وزیراعلیٰ پنجاب حمزہ شہبا ز چار ماہ کے عرصے کے بعد وطن واپس پہنچ گئے ، حمزہ شہباز انتخابی سرگرمیوں میں حصہ لیں گے جبکہ مریم نواز پہلے سے مختلف شہروں میں جا کر ورکر کنونشنز میں کارکنان کو متحرک کرنے میں مصروف ہیں ۔

لاہور :پاکستان تحریک انصاف کے سینئر رہنما شاہ محمود قریشی نے ہم باہمی مشاورت سے راستہ نکالنے کیلئے تیار ہیں، تحریک انصاف کوئی خون خرابہ نہیں چاہتی،پولیس سے گزارش ہے لات مت بگاڑیں، ہوسکتا ہے عمران خان خود گرفتاری دے دیں۔ لاہور میں زمان پارک کے باہر دیگر رہنمائوں کے ہمراہ میڈیا سے گفتگو کرتے ہوئے کہ ڈی آئی جی آپریشنز کارروائی کرنے آئے ہیں۔ ڈی آئی جی کہہ رہے ہیں وارنٹ لے کر آئے ہیں۔ڈی آئی جی مجھے وارنٹ گرفتاری دکھائیں۔میں وارنٹ پڑھوں گا ، چئیرمین اور وکلاء￿ سے بات کروں گا۔لاٹھی چارج، آنسو گیس اور واٹر کیننن کا استعمال بند کیا جائے۔ظل شاہ کی لاش گر چکی اور لاشیں مت گرائیں۔تحریک انصاف کوئی خون خرابہ نہیں چاہتی۔ہم نے قانون کو ہاتھ میں لیا ہے نہ لیں گے۔قانون پر عمل کرنے کیلئے ہم درمیانی راستہ نکالتے ہیں،پولیس کو کہا ہے کہ جو بات کرنی ہے مجھ سے کریں۔کیا یہ لوگ ملک میں افرا تفری پھیلانا چاہتے ہیں؟ہم باہمی مشاورت سے ایک راستہ نکالنے کیلئے تیار ہیں۔ ہم خون خرابا نہیں چاہتے ، ہم بات چیت سے مسئلہ حل کرنا چاہتے ہیں ، شاہ محمود قریشی نے کہا یہ لاشیں گرانے کا پروگرام لے کر آئے ہیں، ہم سے بات کریں، ہو سکتا ہے خون خرابے سے بچنے کے لیے عمران خان از خود گرفتاری کے لیے تیار ہو جائیں عمران خان کو ضمانت ملی ہوئی ہے۔ کیا قیامت ٹوٹ پڑی ہے کہ آج ہی گرفتار کرنا ہے۔ انہوں نے کہا کیا یہ ہماری کل کی ریلی کا رد عمل ہے ،کیا یہ انتخابات ملتوی کروانا چاہتے ہیں ،کیا نگران حکومت کا یہ مینڈیٹ ہے؟۔ان کا کہنا تھاکہ ہم کھلے ذہن سے انہیں سننا چاہتے ہیں، کوئی نہ کوئی راستہ نکالنا چاہتے ہیںانہوں نے کہا کہ ہم نہ تو جانی اور نہ ہی املاک کا نقصان چاہتے ہیں، پولیس نے چھاپہ مارا ہے، انہوں نے جو حرکت کی ہے، یہ دراصل نقصان کرنے پر تلے ہوئے ہیں۔ شاہ محمود قریشی نے مزید کہا کہ حکومت حواس باختہ ہوچکی ہے، ان کے پاؤں کے نیچے سے زمین نکلتی جارہی ہے، یہ لوگ نقصان کرنے پر تلے ہوئے ہیں۔

پشاور:خیبرپختونخوا سکواش ایسوسی ایشن کے زیر اہتمام آل پاکستان بنک آف خیبر ویمنز سینئر سکواش چیمپئن شپ گزشتہ روز پشاور سپورٹس کمپلیکس میں واقع قمرزمان سکواش کمپلیکس میں شروع ہوگئی چیمپئن شپ کا افتتاح صوبائی سیکرٹری ہائر ایجوکیشن اور صوبائی سکواش ایسوسی ایشن کے صدر دائود خان نے کیا ان کے ہمراہ بینک آف خیبر کے چیف فنانشل آفیسرعرفان سلیم اعوان ‘سکواش لیجنڈ قمرزمان‘ نائب صدر احسان اللہ‘ چیف آرگنائزر و چیف ریفری منور زمان‘ ایسوسی ایٹ ایٹ سیکرٹری سجاد خلیل‘محب اللہ خان ‘فنانس سیکرٹری وزیر زادہ‘ میڈیا مینجر بینک آف خیبر حسن طارق‘کوچزعادل فقیر اوردیگر شخصیات موجود تھیں‘ چار روزہ چیمپئن شپ میں ملک بھر سے بہترین 32 کھلاڑی شرکت کررہی ہیں جس میں پاک آرمی‘ واپڈا‘ ایس این جی پی ایل ‘ زیڈ ٹی بی ایل ‘پنجاب‘ سندھ اور کے پی کی ٹیمیں شامل ہیں‘مقابلوں میں شرکت کرنیوالی ٹاپ رینک کھلاڑیوں میں نور العین‘ مریم ملک‘ کومل خان‘ نور الہدیٰ‘ مہوش علی‘ روشنا محبوب‘ کائنات عامر‘ ام کلثوم‘ آمنہ ملک‘حراء عقیل‘ثناء بہادری‘ذہرا عبداللہ‘ مناہل عقیل‘ حفصہ یوسف‘ مائرہ حسین‘ ناہید فیض‘ وجیہہ الطاف‘ نمرہ عقیل‘ عائشہ شہباز‘ ملیحہ شاہ‘ بشریٰ شہباز‘ سارہ نور ‘ ناشیہ شاہد اور مشال خان شامل ہیں‘ گزشتہ روز ہونیوالے نمائشی میچ میں پاک آرمی کی ثناء بہادر نے زیڈ ٹی بی ایل کی روشنا محبوب کیخلاف کامیابی اپنے نام کی‘ سیکرٹری ہائر ایجوکیشن دائود خان نے سپانسر بینک آف خیبر کو خراج تحسین پیش کرتے ہوئے کہا کہ بینک نے ہمیشہ کھیلوں کے فروغ و ترقی میں اپنا کردار ادا کیا انہوں نے کہا کہ مقابلوں کے انعقاد کا مقصد خواتین کھلاڑیوں کو یکساں مواقع فراہم کرنا ہیں اور آئندہ بھی یہ سلسلہ جاری رہے گا۔

لاہور:پاکستان کرکٹ بورڈ (پی سی بی) نے افغانستان کیخلاف ٹی ٹوئنٹی سیریز کیلئے کوچز کا اعلان کردیا۔پی سی بی کی طرف سے جاری بیان کے مطابق افغانستان کیخلاف تین میچز کی ٹی ٹوئنٹی سیریز میں عبدالرحمان قومی ٹیم کے ہیڈ کوچ ہوں گے جبکہ عمرگل بولنگ اور محمد یوسف بیٹنگ کوچ ہوں گے۔پی سی بی کے مطابق عبدالمجید فیلڈنگ کوچ ، منصور رانا ٹیم منیجر کی ذمہ داریاں نبھائیں گے۔
اس کے علاوہ ڈرائیکس سائمن ٹرینر، کلف ڈیکن فزیو اور طلحہ اعجاز اینالسٹ ہوں گے۔ یادرہے کہ پاکستان اور افغانستان کے درمیان تین ٹی ٹوئنٹی میچز 24، 26 اور 27 مارچ کو شارجہ میں کھیلے جائیں گے