All posts by Emra TV

وزیراعظم عمران خان کا کہنا ہے کہ چھوٹے اور درمیانے درجے کے کاروبار معیشت کا اہم جزو ہیں، ان کو فروغ دے کر معیشت مستحکم ہو گی، روزگار کے مواقع بھی بڑھیں گے۔

وزیراعظم کی زیر صدارت قومی رابطہ کمیٹی برائے سمال اینڈ میڈیم انٹرپرائزز کا اجلاس ہوا، بریفنگ میں بتایا گیا کہ چھوٹے اور درمیانے کاروباری طبقے کی سہولت کے لیے ٹیکس فارم کو آسان بنایا جا رہا ہے، رجسٹریشن پورٹل پر کام بھی جاری ہے۔

اس موقع پر وزیراعظم کا کہنا تھا کہ تمام معاشی اعشاریے مثبت سمت میں جا رہے ہیں،عمران خان نے ایس ایم ایز کے فروغ کے لیے مقرر کردہ اہداف کو جلد مکمل کرنے کی ہدایت کردی۔

ملک بھر میں کورونا وائرس کے مثبت کیسز کی شرح 6.3 فیصد ہو گئی۔ کراچی میں مثبت کیسز کی شرح سب سے زیادہ 16.59 فیصد ریکارڈ کی گئی۔ کورونا کے مثبت کیسز کی شرح میں پشاور 13.34 فیصد کیساتھ دوسرے جبکہ میر پور 9.40 فیصد کی شرح کیساتھ تیسرے نمبر پر ہے۔

نیشنل کمانڈ اینڈ آپریشن سنٹر کے مطابق آزاد جموں کشمیر میں 11.4 فیصد، بلوچستان میں 14.2 فیصد، گلگت بلتستان 1.5 فیصد، اسلام آباد میں 3.6 فیصد، کے پی میں 8.1 فیصد، پنجاب میں 3.8 فیصد اور سندھ میں مثبت کیسز کی شرح 10.6 فیصد ہوگئی۔

این سی او سی کے مطابق لاہور میں 4.71 فیصد، راولپنڈی میں 5.36 فیصد، فیصل آباد میں 4.27 فیصد، ملتان میں 3.74، کراچی میں 16.59 فیصد، حیدر آباد میں 8.71 فیصد، پشاور میں 13.34 فیصد، سوات میں 5.88 فیصد، ایبٹ آباد 8.25 فیصد، کوئٹہ میں مثبت کیسز کی شرح 4.76 فیصد ہوگئی۔ مظفر آباد میں 1.92 فیصد مثبت کیسز کی شرح ریکارڈ کی گئی۔

دوسری جانب نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 71 افراد جاں بحق ہوگئے، جس کے بعد اموات کی تعداد 9 ہزار 80 ہوگئی۔ پاکستان میں کورونا کے تصدیق شدہ کیسز کی تعداد 4 لاکھ 48 ہزار 522 ہوگئی۔

گذشتہ 24 گھنٹوں کے دوران 2 ہزار 545 نئے کیسز رپورٹ ہوئے، پنجاب میں ایک لاکھ 29 ہزار 291، سندھ میں ایک لاکھ 99 ہزار 706، خیبر پختونخوا میں 53 ہزار 609، بلوچستان میں 17 ہزار 838، گلگت بلتستان میں 4 ہزار 804، اسلام آباد میں 35 ہزار 441 جبکہ آزاد کشمیر میں 7 ہزار 833 کیسز رپورٹ ہوئے۔

ملک بھر میں اب تک 61 لاکھ 76 ہزار 889 افراد کے ٹیسٹ کئے گئے، گذشتہ 24 گھنٹوں کے دوران 40 ہزار 90 نئے ٹیسٹ کئے گئے، اب تک 3 لاکھ 96 ہزار 591 مریض صحتیاب ہوچکے ہیں جبکہ 2 ہزار 505 مریضوں کی حالت تشویشناک ہے۔

پاکستان میں کورونا سے ایک دن میں 71 افراد جاں بحق ہوئے جس کے بعد وائرس سے مرنے والوں کی تعداد 9 ہزار 80 ہوگئی۔ پنجاب میں 3 ہزار 491، سندھ میں 3 ہزار 237، خیبر پختونخوا میں ایک ہزار 502، اسلام آباد میں 381، بلوچستان میں 176، گلگت بلتستان میں 99 اور آزاد کشمیر میں 194 مریض جان سے ہاتھ دھو بیٹھے

کراچی کے ضلع جنوبی میں ایس اوپیز کی خلاف ورزی پر کاروائیاں جاری ہیں، کلفٹن اور گارڈن میں 7 دکانیں اور 6 ریسٹورنٹس سیل کر دیئے گئے۔

ڈپٹی کمشنر ساؤتھ کی ہدایات پر گارڈن، لیاری، سول لائنز میں ایس او پیز پر عمل درآمد کروانے کیلئے کارروائیاں کی گئیں۔ اس دوران کلفٹن بلاک 2 میں 7 دکانیں سیل کر دیں۔ سسٹنٹ کمشنر گارڈن نے 6 ریسٹورنٹس کو سیل کیا۔ لیاری میں 18 افراد کو ماسک نہ پہننے پر 500 روپے فی کس جرمانہ کیا گیا۔ ریسٹورنٹس اور دکانوں کو ایس او پیز کی خلاف ورزی کرنے پر سیل کیا گیا۔

دوسری جانب نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 71 افراد جاں بحق ہوگئے، جس کے بعد اموات کی تعداد 9 ہزار 80 ہوگئی۔ پاکستان میں کورونا کے تصدیق شدہ کیسز کی تعداد 4 لاکھ 48 ہزار 522 ہوگئی۔

گذشتہ 24 گھنٹوں کے دوران 2 ہزار 545 نئے کیسز رپورٹ ہوئے، پنجاب میں ایک لاکھ 29 ہزار 291، سندھ میں ایک لاکھ 99 ہزار 706، خیبر پختونخوا میں 53 ہزار 609، بلوچستان میں 17 ہزار 838، گلگت بلتستان میں 4 ہزار 804، اسلام آباد میں 35 ہزار 441 جبکہ آزاد کشمیر میں 7 ہزار 833 کیسز رپورٹ ہوئے۔

ملک بھر میں اب تک 61 لاکھ 76 ہزار 889 افراد کے ٹیسٹ کئے گئے، گذشتہ 24 گھنٹوں کے دوران 40 ہزار 90 نئے ٹیسٹ کئے گئے، اب تک 3 لاکھ 96 ہزار 591 مریض صحتیاب ہوچکے ہیں جبکہ 2 ہزار 505 مریضوں کی حالت تشویشناک ہے۔

پاکستان میں کورونا سے ایک دن میں 71 افراد جاں بحق ہوئے جس کے بعد وائرس سے مرنے والوں کی تعداد 9 ہزار 80 ہوگئی۔ پنجاب میں 3 ہزار 491، سندھ میں 3 ہزار 237، خیبر پختونخوا میں ایک ہزار 502، اسلام آباد میں 381، بلوچستان میں 176، گلگت بلتستان میں 99 اور آزاد کشمیر میں 194 مریض جان سے ہاتھ دھو بیٹھے۔

ڈپٹی چیئرمین سینیٹ سلیم مانڈوی والا نے کہا ہے کہ سارے کام نیب نے ہی کرنے ہیں‌ تو کیا باقی ادارے بند کر دیں۔ نیب قانون تبدیل نہ کرنا پارلیمنٹ اور حکومت کی غلطی ہے۔

ڈپٹی چیرمین سینٹ سلیم مانڈی والا نے میڈیا سے گفتگو کرتے ہوئے کہا کہ بزنس مین کا پارلیمنٹ میں ہونا بہت ضروری ہے، لوگ سمجھتے ہیں بزنس مین صرف منافع کماتے ہیں، اسلام آباد چیمبروالوں نے کال کی کہ نیب ان کو ٹارچر کررہا ہے۔وزیراعظم، چیف جسٹس اور آرمی چیف کو لیٹر لکھا، کل چیئرمین نیب بزنس کمیونٹی سے ملنے گئے،انہوں نے کہا کہ انڈرانوائسز کیسز ایف بی آر کو بھیجے،سب کام نیب نے کرنا ہے تو کیا باقی ادارے بند کردیں۔

انہوں نے کہا جتنے لوگ نیب سے متاثر ہیں وہ سرحد چیمبر آئیں،سرحد چیمبر والے سینٹ میں ان معاملات کو لائیں، بزنس کمیونٹی اورپرائیویٹ شہریوں کو نیب کی زد میں نہیں آنا چاہیے۔

گیتا نامی اس ہندوستانی لڑکی کو مرحوم عبدالستار ایدھی اور ان کی اہلیہ نے پال پوس کر بڑا کیا تھا۔ انڈیا کی سابق وزیر خارجہ آنجہانی سشما سوراج اور پاکستانی حکومت کی کوششوں سے اسے واپس بھجوایا گیا تھا۔

انڈٰین میڈیا کے مطابق گیتا اپنے خاندان کی تلاش میں ابھی تک ماری ماری پھر رہی ہے۔ خبریں ہیں کہ اس نے اپنے رفقا کے ہمراہ گزشتہ دنوں بھارتی شہر ریاست تلگانہ کے علاقے ناندیڑ کا سفر کیا۔ کہا جا رہا تھا کہ اسی علاقے میں اس کا خاندان رہائش پذیر ہے۔

خیال رہے کہ بھارت میں گونگے بہرے لوگوں کی دیکھ بھال اور سماجی بہبود کیلئے بنائی گئی تنظیمیں گیتا کے خاندان کو ڈھونڈنے میں اس کی مدد کر رہی ہیں۔ گیتا کو ریاست تلگانہ کے علاقے ناندیڑ کے بعد دھرم آباد، باسر نظام آباد، سکندر آباد، پرلی اور بعد ازاں اورنگ آباد لے جایا جائے گا۔

وزیراعظم کے معاون خصوصی برائے قومی صحت ڈاکٹر فیصل سلطان نے ملک میں عالمی وبا کے بڑھتے ہوئے کیسز پر تفتیش کا اظہار کرتے ہوئے کہا ہے کہ عوام کو کورونا ایس او پیز پر سختی سے عمل کرنا ہوگا۔

اسلام آباد میں پریس کانفرنس کرتے ہوئے ان کا کہنا تھا کہ ملک میں کورونا کیسز کی شرح میں 7 سے 8 فیصد تک پہنچ چکی ہے۔ وبا پر قابو پانے کیلئے قوم کا تعاون ضروری ہے۔

ڈاکٹر فیصل سلطان نے کہا کہ بڑے شہروں میں کیسز میں تیزی سے اضافہ ہو رہا ہے، عوام ماسک پہنچیں اور سماجی فاصلہ رکھیں۔ کورونا کیسز میں اضافے سے ہسپتالوں پر بہت زیادہ دباؤ بڑھ رہا ہے۔ ویکسین کا مطلب ہرگز یہ نہیں کہ احتیاطی تدابیر اختیار کرنا چھوڑ دیا جائے۔

دوسری جانب گزشتہ چوبیس گھنٹوں کے دوران کورونا وائرس کے باعث سندھ میں سب سے زیادہ اموات ریکارڈ کی گئیں اس کے بعد زیادہ اموات پنجاب میں ہوئیں۔ ملک بھر میں گزشتہ چوبیس گھنٹوں کے دوران کورونا وائرس سے 105 اموات ہوئیں جن میں سے 70 اموات وینٹیلیٹرز پر موجود مریضوں کی تھیں۔

شیخ رشید کا کہنا ہے کہ استعفوں کی دھمکی سیاسی ایٹم بم نہیں، پھلجھڑی ہوگی، پی ڈی ایم اسلام آباد آنا چاہتی ہے تو شوق سے آئے، انتہائی قدم سے جمہوریت بند گلی میں داخل ہوجائے گی۔

وفاقی وزیر داخلہ شیخ رشید نے اسلام آباد میں میڈیا سے گفتگو کرتے ہوئے کہا کہ تمام اپوزیشن سے مثبت مذاکرات چاہتے ہیں، پیپلزپارٹی نے صرف جمہوری عمل کو سپورٹ کیا، سیاست میں پیپلزپارٹی کو بہتر پوزیشن پر دیکھ رہا ہوں، یقین ہے شہباز شریف مثبت سوچ کیساتھ سیاست کو آگے بڑھائیں گے۔ انہوں نے کہا کہ ایف آئی اے کو لوگوں کی شکایات حل کرنے کا کہہ دیا، ای سی ایل میں 400 افراد کے نام ہے جنہیں کم کرنے کا کہہ دیا ہے۔

پیپلزپارٹی کے رہنما رضا ربانی نے کہا ہے کہ سینیٹ الیکشن آئین کے مطابق وقت پر ہی ہوں گے، ترمیم کر کے طریقہ کار کو تبدیل نہیں کیا جاسکتا، مشتر کہ مفادات کونسل کے فیصلے بھی کابینہ خود کر رہی ہے۔

سابق چیئرمین سینیٹ اور پی پی رہنما رضا ربانی سندھ اسمبلی میں پریس کانفرنس کرتے ہوئے کہا ہے کہ آئین کے تحت الیکشن کمیشن آزاد اتھارٹی ہے جو انتخابات کی تاریخ کا اعلان کرسکتا ہے، موجودہ سینیٹ کی 11 مارچ کی رات 12 بجے مدت ختم ہوگی، سینیٹ الیکشن آئین کے تحت ہو رہے ہیں، الیکشن ایکٹ میں ترمیم کر کے سینیٹ انتخابات کے طریقہ کار کو تبدیل نہیں کیا جاسکتا۔

رضا ربانی کا کہنا تھا کہ آرٹیکل 59 میں درج ہے کونسا سینیٹر کب ریٹائرڈ ہوگا، سینیٹ میں شو آف ہینڈز کے ذریعے انتخابات کرانے کی بات کی گئی، شوآف ہینڈز سے سینیٹ کے انتخابات مزید پولرائزیشن کی طرف ایک قدم ہے، امید کرتا ہوں سپریم کورٹ ایگزایکٹو کے اس کھیل کا حصہ نہیں بنے گی۔

وزیراعظم نے کہا ہے کہ سینیٹ الیکشن وقت سے پہلے کروائیں گے، شو آف ہینڈز کے ذریعے الیکشن کے لیے سپریم کورٹ سے رجوع کر رہے ہیں، اٹارنی جنرل نے معاملے پر تفصیلی بریفنگ دی۔

وزیراعظم عمران خان نے پشاور میں صحافیوں سے گفتگو کرتے ہوئے کہا کہ حکومت کے لیے سینیٹ انتخابات میں ہارس ٹریڈنگ آسان ہوتا ہے، ہم نے 20 ایم پی ایز کو پارٹی سے نکالا، ہم شفاف انتخابات پر یقین رکھتے ہیں، ڈائیلاگ کی بات کی تو اپوزیشن نے 34 صفحات کا این آر او مانگ لیا، این آر او کسی صورت نہیں دوں گا۔

دسمبر کا مہینہ شروع ہوتے ہی 16 کی تاریخ ذہن میں تازہ ہو جاتی ہے، جب انسانیت کے دشمنوں نے پشاور میں آرمی پبلک سکول کو مقتل گاہ میں بدل دیا تھا۔

16 دسمبر 2014ء کے دن سفاک دہشت گردوں نے آرمی پبلک سکول میں ظلم اور بربریت کی انتہا کرتے ہوئے 141 گھروں میں صف ماتم بچھا دی تھی۔ اس دن اے پی ایس میں حصول علم میں مشغول طالبعلم آڈیٹوریم میں جمع تھے۔ بچوں کو ابتدائی طبی امداد سے متعلق بتایا جا رہا تھا لیکن کسی کو کچھ علم نہیں تھا کہ چند لمحوں بعد ہر طرف معصوم بچوں کو بے دردی سے شہید کر دیا جائیگا۔

سکول کے عقبی راستے سے سفاک قاتل داخل ہوئے اور دس بجے کے قریب ہر طرف گولیوں کی بوچھاڑ کر دی اور سکول کے اندر معصوم بچوں کو خون میں نہلا دیا۔

سکول کے در ودیوار کو خون میں رنگ دیا گیا۔ شہر تو شہر دنیا بھر میں سانحہ پر افسوس کا اظہار کیا گیا۔ ایک پرنسپل اور 16 سٹاف ممبرز سمیت 132 طلبہ نے جام شہادت نوش کیا۔

سانحہ آرمی پبلک سکول کو پانچ سال پورے ہونے کے بعد آج بھی بچھڑنے والوں کا غم اسی طرح تازہ ہے۔ 16 دسمبر کے سانحے میں شہید ہونے والے اپنوں سے تو ہمیشہ کیلئے منہ موڑ کر چلے گئے لیکن ان کی یادیں آج بھی پہلے دن کی طرح تازہ ہیں