All posts by Emra TV

لاہور:پی ایچ اے پی ڈی ایم جلسہ میں پودوں اور املاک کے نقصان کا تخمینہ لگائے گی. گریٹر اقبال پارک میں پی ڈی ایم جلسے میں ہونیوالے نقصان کا تعین کرنے کی ہدایات جاری کر دی گئیں.
حافظ زیشان وائس چئیرمین پی ایچ اے نے کہا کہ سرکاری املاک کو نقصان پہنچانے والوں کو جرمانے ہونگے. گریٹر اقبال پارک کو سرسبز بنانے کے لئے اقدامات کئے تھے. قومی چوروں کے ٹولے کیوجہ سے پودے تباہ ہوگئے.تمام جائزہ لینے کے بعد پارک کے نقصان کا نوٹس دینگے.

وزیر اعلی پنجاب عثمان بزدارنے کہا ہے کہ کورونا وبا سے اموات میں اضافہ ہو رہا ہے لیکن پی ڈی ایم جماعتوں کو صرف اپنے ایجنڈے کی فکر ہے، اپوزیشن کی منفی سیاست پر شدید افسوس ہے ۔

وزیر اعلی پنجاب سردار عثمان بزدار کا کہنا ہے کہ اپوزیشن کی انتشار کی سیاست قوم مسترد کرتی ہے ،بد قسمتی سے اپوزیشن کی 11 جماعتوں نے کورونا وائرس کو بھی پارٹنر بنا لیا ہے۔ اپوزیشن کورونا وائرس کو تیزی سے پھیلانے کا باعث بن رہی ہے ایک طرف کرونا سے ہسپتال بھر رہے ہیں ،اموات میں اضافہ ہو رہا ہے دوسری طرف اپوزشن کو اپنے منفی ایجنڈے کی تکمیل کی فکر ہے ،اپوزیشن اپنی کرپشن کے وائرس سے بچنے کے لئے قوم کو کورونا وائرس کا شکار کر رہی ہے۔

انہوں نے کہا کہ اپوزیشن کے جلسوں کا کوئی ایحنڈا نہیں، اپوزیشن صرف اور صرف اپنے کرپشن کے کیسز کئ فائلز کو بند کروانا چاہتی ہے۔ اپوزیشن جان لے ان جلسوں سے کورونا تو بڑھ سکتا ہے اپوزیشن کی این آر او کی خواہشن پوری نہیں ہوُسکتی۔ زندہ دلان لاہور آج پی ڈی ایم کی منفی سیاست کو ہمیشہ کے لئے مسترد کر دیں گے، قانون توڑنے والوں کو قانون کی گرفت کا سامنا کرنا پڑے گا۔

مسلم لیگ ن کی ترجمان مریم اورنگزیب نے کہا ہے کہ وزیراعظم اور کرائے کے ترجمانوں پر خوف طاری ہو گیا، آج کا جلسہ فیصلہ کن گھڑی ہے، پی ڈی ایم نااہل حکومت کوگھربھیج کردم لے گی۔

لاہور میں گفتگو کرتے ہوئے لیگی رہنما مریم اورنگزیب نے کہا کہ پی ڈی ایم کادوٹوک اعلان ہےکہ گھبرانانہیں، وزیراعظم کومشورہ ہےآج چھپ چھپ کرجلسہ مت دیکھیں۔ آج وہ دن آگیاجس کےخوف میں حکومت مبتلاتھی۔ عوام جان چکی ووٹ چوری کرکےآنیوالاٹولہ ہمیں ریلیف نہیں دےسکتا، ووٹ کوعزت دوآئین وپارلیمنٹ کی بالادستی کی تحریک ہے۔

انہوں نے کہا کہ کل رات مختلف مقامات پرہمارے کنٹینرزروکےگئےجس کی وجہ سےکنٹینرتاخیرسےپہنچے، جلسے کی تیاریاں مکمل کر لی گئیں، آج لاہورکا جلسہ فیصلہ کن گھڑی ہوگی۔ مریم اورنگزیب نے عوام سے درخواست کی کہ کورونا ایس او پیز پر عمل کریں اور جلسے میں ماسک پہن کر شرکت کریں۔

پی ڈی ایم نے لاہور میں رنگ جما لیا، مینار پاکستان گراؤنڈ میں آج سیاسی قوت کا مظاہرہ کر رہی ہے جس میں‌شرکت کیلئے کارکنوں کی آمد کا سلسلہ جاری ہے. مریم نواز، بلاول بھٹو ، فضل الرحمان اور دیگر رہنما خطاب کریں گے۔

پی ڈی ایم کا آج سیاسی پاور شو آج، مینار پاکستان میں بڑے اجتماع کی تیاریاں مکمل ہو گئیں۔ 120 فٹ لمبا 12 فٹ چوڑا سٹیج تیار، ساؤنڈ سسٹم نصب،40 ہزار سے زائد کرسیاں لگا دی گئیں۔ سیاسی قائدین کی قد آور فلیکسز اور بڑی سکرینیں نصب ہیں۔ مختلف جماعتوں کے کارکنوں کی آمد جاری ہے۔

جے یو آئی کے 5 ہزار رضا کاروں نے سکیورٹی انتظامات سنبھال لیے۔ دوپہر ڈیڑھ بجے ایازصادق کی رہائش گاہ پر پی ڈی ایم رہنماؤں کا اجلاس طلب کر لیا گیا۔ قائدین قافلے کی شکل میں مینار پاکستان کیلئے نکلیں گے، ضلعی انتظامیہ کی جانب سے سکیورٹی کیمرے نصب کر دئیے گئے۔

نیوزی لینڈ کیخلاف ٹی ٹونٹی سیریز سے قبل قومی کرکٹ ٹیم کی تیاریاں جاری ہیں۔ دوسرے انٹرا سکواڈ پریکٹس میچ میں بابر اعظم کی قیادت میں پاکستان گرین نے پاکستان وائٹ کو 15 رنز سے شکست دیدی۔ میچ میں پاکستان گرین کے شاہین شاہ آفریدی نے 6 وکٹیں حاصل کر کے نیوزی لینڈ کیلئے خطرے کی گھنٹی بجا دی۔

کوئنز ٹاؤن میں قومی ٹی ٹونٹی سکواڈ نے دوسرے روز پاکستان گرین اور پاکستان وائٹ کے مابین ٹی ٹونٹی پریکٹس میچ ہوا جس میں پاکستان گرین کی قیادت بابراعظم اور پاکستان وائٹ کی کپتانی شاداب خان نے کی۔ پاکستان گرین نے پہلے کھیلتے ہوئے مقررہ بیس اوورز میں 8 وکٹوں کے نقصان پر 150 رنز بنائے۔ محمد حفیظ 48 اور بابر اعظم 40 رنز بنا کر نمایاں رہے۔ پاکستان وائٹ کو مقررہ بیس اوورز میں 175 رنز کا ریوائز ٹارگٹ دیا گیا۔ پاکستان وائٹ کی ٹیم مقررہ بیس اوورز میں 8 وکٹوں کے نقصان پر 160 رنز ہی بناسکی۔

امریکا میں کورونا ویکسین کے ایمرجنسی استعمال کی منظوری دے دی گئی۔

امریکی صدر ڈونلڈ ٹرمپ نے اپنے ٹویٹر پیغام میں کہا ہے کہ امریکی فوڈ اینڈ ڈرگ ایڈمنسٹریشن نے کورونا ویکسین فائزر کے ایمرجنسی استعمال کی اجازت دے دی ہے، پہلی ڈوز آج ہی دی جائے گی، امریکا نے ایک سنگ میل عبور کرلیا، صرف 9 ماہ میں ہی موثر اور محفوظ ویکسین کی تیاری بڑی کامیابی ہے۔

FDA APPROVES PFIZER VACCINE FOR EMERGENCY USE!!!
— Donald J. Trump (@realDonaldTrump) December 12, 2020

طبی ماہرین کا کہنا ہے کہ ویکسین دستیاب ہونے کے باوجود لوگوں کو کورونا ایس او پیز کا خیال رکھنا ہوگا۔ ماسک پہننا، سماجی فاصلے کا خیال، کورونا کے ٹیسٹ اور متاثرہ افراد کو قرنطینہ کرنے کا عمل جاری رہنا چاہیے۔

یاد رہے برطانیہ دنیا کا وہ پہلا ملک تھا جس نے فائزر ویکسین کا استعمال شروع کیا۔ برطانیہ نے 4 کروڑ خوراکوں کا آرڈر دیا تھا جو 20 لاکھ افراد کیلئے کافی ہوں گی۔ سب سے پہلے ان لوگوں کو خوراک دی جائے گی جن کو اشد ضرورت ہے

وزیراعلیٰ عثمان بزدار نے کہا ہے کہ کورونا سے صورتحال سنگین ہے، جلسوں کی اجازت نہیں دے سکتے، قانون کے مطابق چلیں گے، اپوزیشن عوام کی زندگیوں سے نہ کھیلے۔

وزیراعلیٰ پنجاب نے گنگا رام ہسپتال کے دورہ موقع پر میڈیا سے گفتگو کرتے ہوئے کہا ہے کہ پی ڈی ایم والے عوام کی زندگیوں سے کھیلنا چھوڑ دیں، اپوزیشن سے بیٹھ کر بھی بات چیت کی جاسکتی ہے، کورونا صورتحال میں جلسے جلوس کرنا مناسب نہیں، کورونا کیسز میں اضافہ ہو رہا ہے، کیا دنیا میں کہیں جلسے جلوس ہو رہے ہیں جو ہم کر رہے ہیں، کون سی ایمرجنسی آگئی جو جلسے کیے جا رہے ہیں ؟ سب آن بورڈ ہیں کسی سے اختلاف نہیں، پی ڈی ایم کے جلسے پر قانون کے مطابق کارروائی کریں گے۔

پی ڈی ایم کی حکومت مخالف تحریک میں تیزی، لاہور کے مینار پاکستان گراؤنڈ میں جلسے کی تیاریاں شروع کر دیں گئیں، احاطے میں سٹیج اور کرسیاں لگانے کا کام جاری ہے۔

لاہور انتظامیہ کی جانب سے سٹیج کی تیاری متاثر کرنے کے لیے گریٹر اقبال پارک کے گیٹ کو تالا لگایا گیا، جسے مسلم لیگ ن کے کارکنوں نے توڑ کر سٹیج بنانے کا سامان لے کر احاطہ مینار پاکستان میں داخل ہوگئے۔ ساؤنڈ سسٹم اور لائٹس بھی نصب کی جائیں گی۔ ورکرز کی بڑی تعداد جلسہ گاہ میں موجود ہے۔

دوسری جانب معاون خصوصی فردوس عاشق اعوان کا کہنا ہے کہ انٹیلی جنس رپورٹ کی بنیاد پر مینار پاکستان جلسے کی اجازت نہیں دی، فسادی پی ڈی ایم ٹولے کے بریک اَپ کا وقت آن پہنچا، کسی بھی ناخوشگوار واقعہ کی ذمہ دار جلسہ انتظامیہ ہوگی۔

ادھر ترجمان مسلم لیگ نون مریم اورنگزیب نے کہا ہے کہ جتنے مرضی مقدمات درج کرلیں، لاہور جلسہ ہر صورت ہوگا، کارکن گھبرانے والے نہیں، عوام کی طاقت سے حکومت کو ووٹ کی عزت کا جواب دیں گے، کل کے جلسے کا اثر حکومتی حلقوں میں نظر آنا شروع ہوگیا۔

ایونٹ منیجمنٹ ایسوسی ایشن چیئرمین ذیشان علی ہاشمی اورآل پاکستان انجمن تاجران کے چیئرمین میاں خلیل اورمرکزی سیکرٹری جنرل نعیم میر و دیگر تاجر رھنماوں کی ہمراہ لاھور پریس کلب میں پریس کانفرنس.ذیشان علی ہاشمی اورمیاں خلیل اورنعیم میرنے اپنے مشترکہ بیان میں کہا کہ نامنہاد انصاف حکومت ملک کنگال کرنے پرلگ ہے اور صرف انتقامی سیاست کررہی ہےحکومت نے تاجروں کو محرومیوں کے سوا کچھ نہیں دیا حکومت نے ایونٹ منیجمنٹ کے لوگوںکو بے روزگارکردیاہے حکومت وعدہ خلاف ھے اور اپنی ساکھ کھو چکی ھے چھوٹا تاجر برباد ھوگیا اور وزیراعظم بیرونی دنیا سے کئی ملین ڈالر وصول کرکے مزے لوٹ رہے ہیں مگرمتاثرہ تاجروں کی مالی امداد کی ناسوچی جس وجہ سےچھوٹے تاجر کاروبار بند کرنے اور نوکریاں تلاش کرنے پر مجبور ھوئے۔ چلتی معیشت ڈبو دی ، کرپشن کا ریٹ تین گنا ھوگیا۔ حکمران مہنگائی کے ذمہ داروں کو بغل میں بٹھا کر چھوٹے تاجروں پر الزام لگاتے رھے۔ تاجروں کو بھاری جرمانے کئے ، مقدمات درج کئے جیل بھیجا لیکن مہنگائی کم نہ ھوئی۔ ڈھائی سال حکومت انتقامی کاروائیوں میں مشغول رہی اور عام آدمی فاقوں پرمجبورہوگیا، غیر سنجیدہ حکومت کو ہم اب رنجیدہ کردیں گے۔جو ھم ڈھائی سال پہلے کہتے تھے ،
پی ڈی ایم آج کہہ رھا ھے۔ حکومت کے بارے میں ہمارے اور پی ڈی ایم کے خیالات یکساں ھوگئے ہیں۔ تاجرجوش و جزبے سے لاھور جلسے میں شریک ھونگے۔ نااھل حکومت کو ہٹانا قومی فریضہ ھے۔ تاجر یہ قومی فریضہ ادا کرنے میں کوئی کوتاہی نہ کریں گے۔ ھم جیلوں سے نہ ڈرے ہیں اور نہ ڈریں گے۔ روزی حکومت نے چھین لی اب جان لٹانے کی باری ہے حکومت ملک کب تک اس نکمی حکومت کا بوجھ برداشت کرے گا اب وقت آگیا ہے عوام بہت جلداس حکومت کو چلتا کریں۔ ہمیں عوامی حکومت چاھئے ، جو ھمارے دکھوں کا مداوا کرے۔ ہم ایسی حکومت چاہتے ہیں جو زخموں پر مر ھم رکھےاور الیکٹڈ ھو نہ کے سلیکٹڈ دغاباز حکومت کے ساتھ مزاکرات نہیں مقابلہ ھوگاھم نے ہر مرحلے پر حکومت کو بدنیت پایا حکومت سے نجات نہ ملنے تک چین سے نہیں بیٹھیں گے۔

کمشنر لاہور ذوالفقار گھمن کی زیر صدارت ترقیاتی سکیموں پر پیشرفت کا جائزہ اجلاس ہوا. پنجاب میونسپل سروسز پروگرام ۔کمیونٹی ڈویلپمنٹ پوگرام کے تحت ترقیاتی سکیموں ،لاہور کی سسٹینایبل ڈویلپمنٹ پروگرام کے تحت ترقیاتی سکیموں پر کام کی رفتار کا جائزہ لیا گیا. کمشنر لاہور ذوالفقار گھمن نے ہدایت کی کہ بلڈنگ پلان اور این او سیز کیلئے ہر ہفتےجائزہ اجلاس ہوگا۔پنجاب میونسپل سروسز پروگرام سکیموں میں سست رفتاری پر آفیسرز سے جواب طلبی کا فیصلہ بھی کیا گیا.
کمشنر لاہور ذوالفقار گھمن نے کہا کہ ڈائریکٹر ڈویلپمنٹ فوری طور پر ہر ایک سکیم کا جائزہ لیکر ایجنسی اور آفیسر کا تعین کریں۔ ترقیاتی سکیموں کی تکمیلی مدت میں مکمل نہ ہونے پر کاروائی ہو گی. افسر کو اظہار وجوہ کے نوٹس کے بعد ان کے سیکرٹریز کو محکمانہ کاروائی کیلئے لکھا جائے۔