All posts by Emra TV

بھارتی مرکزی وزیررائو صاحب دنیو نے کہاہے کہ کسانوں کے احتجاج کے پیچھے پاکستان اور چین ہیں۔
رپورٹ کے مطابق مہاراشٹرا میں تقریب سے خطاب کرتے ہوئے وزیر مملکت نے کہاکہ کسانوں کے پیچھے دونوں ہمسایہ ممالک ہیں،پہلے انہوں نے شہریت قانون کے معاملے پرمسلمانوں کو بھڑکایا ،یہ کوشش کامیاب نہ ہوئی تو کسانوں سے کہاگیا کہ انہیں زرعی قوانین سے بہت زیادہ نقصان ہوگا۔وزیر نے تاہم پاکستان اور چین کے تعلق کے حوالے سے کوئی شواہد نہ دیے ۔

یہ امر قابل ذکر ہے کہ بھارت میں کئی روز سے کسان مودی حکومت کے خلاف سراپا احتجاج ہیں، بھارتی حکومت کا پرانا وطیرہ ہے کہ مسائل خود پیدا کرتے ہیں اور الزام دوسروں پر تھوپتے ہیں۔ مودی سرکار کی کسان کش پالیسیوں کے خلاف احتجاج پر کینیڈا نے بھی بھارتی کسانوں کی حمایت کی ہے۔ کینیڈا کے وزیراعظم جسٹن ٹروڈو نے کہا تھا کہ کینیڈا ہمیشہ پرامن احتجاج کرنے والوں کے حقوق کے دفاع کے لیے کھڑا ہے، کینیڈا نے اپنے تحفظات مختلف طریقوں سے بھارتی حکام تک پہنچائے ہیں۔ کینیڈا کے وزیر اعظم کے بیان پر بھارت کافی تلملایا تھا اور اسے ایک جمہوری ملک کے معاملات میں مداخلت قرار دیا تھا تاہم جسٹن ٹروڈو نے بھارتی الزامات مسترد کر دیئے۔

کیویز کے دیس قومی شاہینوں کے دوسرے روز بھی ٹریننگ سیشن ہوئے، پریکٹس میچ بھی کھیلا گیا، بولرز اور بلے بازوں کو الگ الگ ٹارگٹس دیئے گئے۔

کوئنز ٹاؤن میں قومی شاہینوں کی کرکٹ مصروفیات جاری ہیں، خوبصورت موسم اور مناظر میں کھلاڑی اِن ایکشن ہوئے اور ٹریننگ کی۔ کوچز کی زیر نگرانی بیٹنگ، بولنگ اور فیلڈنگ کے سیشن ہوئے۔ قومی ٹی ٹونٹی اسکواڈ کا پہلا انٹرا اسکواڈ پریکٹس میچ کھیلا گیا جس میں بولرز اور بیٹسمین کو سینیریو بیسڈ مختلف اہداف دئیے گئے۔

مصباح الحق کی سربراہی میں کوچنگ اسٹاف نے مختلف تجربات کیلئے پلان بنا لئے۔ پاکستان اور نیوزی لینڈ کے درمیان تین ٹی ٹونٹی میچز کی سیریز اٹھارہ دسمبر سے شروع ہو گی۔

کورونا وائرس سے 56 افراد جاں بحق ہوگئے، جس کے بعد اموات کی تعداد 8 ہزار 603 ہوگئی۔ پاکستان میں کورونا کے تصدیق شدہ کیسز کی تعداد 4 لاکھ 29 ہزار 280 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 3 ہزار 138 نئے کیسز رپورٹ ہوئے، پنجاب میں ایک لاکھ 25 ہزار 250، سندھ میں ایک لاکھ 89 ہزار 687، خیبر پختونخوا میں 50 ہزار 762، بلوچستان میں 17 ہزار 604، گلگت بلتستان میں 4 ہزار 765، اسلام آباد میں 33 ہزار 695 جبکہ آزاد کشمیر میں 7 ہزار 517 کیسز رپورٹ ہوئے۔

فواد چودھری نے کہا ہے کہ پی ڈی ایم کی گاڑی کا سٹیئرنگ کسی کے پاس، انجن کسی اور کے کنٹرول میں ہے، بریک کسی اور کے پاؤں کے نیچے ہے۔

وفاقی وزیر فواد چودھری نے سماجی رابطے کی ویب سائٹ پر ٹویٹ کرتے ہوئے کہا کہ لندن سے گیئر لگانے والوں کی ہینڈ بریک کراچی والے کھینچ دیتے ہیں، اس گاڑی کا حادثے سے دوچار ہونا یقینی ہے۔

ادھر علی زیدی کا کہنا تھا کہ 2018 کے انتخابات 2013 سے بہت بہتر تھے، 2013 کے انتخابات میں دھاندلی کی حوالے سے 133 درخواستیں دائر ہوئیں، 2018 کے انتخابات میں 102 درخواستیں دائر کی گئیں۔

انہوں نے کہا کہ 2 خراب ذہن اپنے والد کی لوٹی ہوئی دولت کو بچانے کی کوشش کر رہے ہیں، مریم اور بلاول کو کہیں اور نوکری کرنی چاہیئے، لیکن ان دونوں کو کوئی ملازمت بھی نہیں دے گا۔ ان کا کہنا تھا کہ عمران خان دور میں برآمدات اور صنعتوں میں بہتری آئی، عمران خان حکومت قوم کو تیز رفتار ترقی دے رہی ہے۔

پی ڈی ایم کی حکومت گراؤ تحریک میں تیزی، نون لیگ کی ربیعہ نصرت، زیب النساء اعوان، طاہر جمیل، عرفان عقیل، چودھری منیب الحق اور دیگر ارکان نے بھی استعفے قیادت کو بھجوا دیئے۔

سینئر پارلیمینٹرین تہمینہ دولتانہ کے صاحبزادے میاں عرفان عقیل مستعفی ہوگئے۔ میاں عرفان عقیل پی پی 231 وہاڑی سے منتخب ہوئے تھے۔ اوکاڑہ سے سینیر سیاستدان مرحوم چودھری اکرام الحق کے صاحبزادے چودھری منیب الحق بھی مستعفی ہوگئے، وہ پی پی 189 اوکاڑہ سے منتخب ہوئے تھے۔ مستعفی ارکان اسمبلی کا کہنا ہے کہ اسمبلی سیٹ پارٹی امانت ہے، قیادت پر مکمل اعتماد ہے۔

ارطغرل غازی کا کردار نبھانے والے اداکار’’انجن التان‘‘ پی سی پہنچ گئے
انجن التان دوروز لاہور کھابوں سے لطف اندوز ہوںگے اور آج وہ رائیونڈ اور ڈیفنس کا دورہ کریں گے۔ دوروزہ دورے کے بعد وہ اسلام آباد جائیں گے. پاکستان میں وہ اپنے مختصر قیام کے دوران مختلف مقامات کا دورہ بھی کریں گے. انکے چاہنے والوں کی بڑی تعداد ان سے ملنے کے لئے بیتاب ہے.

عاطف بٹ نمائندہ ترکی

ترکی کے مشہور ڈرامہ ارطغرل غازی کے مین کردار ارطغرل انگن التان اپنے مختصر دورے پر آج صبح پاکستان کے لیے روانہ ہوگئے ہیں
یہ ایک نجی کمپنی کی کی دعوت پر پاکستان کے لیے گئے ہیں پاکستانی بزنس مین میاں کاشف ضمیر گزشتہ دنوں ترکی ترکی باضابطہ طور پر آئے اور اور ارطغرل انگن التان سے ملاقات کے بعد پاکستان انے کی باضابطہ دعوت دی جو انھوں نے قبول کی میاں کاشف ضمیر نے اپنے پیغام میں کہاں ارطغرل کے پاکستان آنے سے پاکستان میں لاکھوں چاہنے والوں کے دلوں میں اور محبت پیدا ہوگی جو ان کو اپنے درمیان دیکھ کر بہت خوش ہوں گے اس طرح پاکستان ترکی کے تعلقات میں مذید اضافہ ہوگا۔
یہ دونوں آج لاہور ائرپورٹ پر اتریں گے۔

وزیراعظم عمران خان نے کہا ہے کہ مجھے علم ہے کہ اپوزیشن کو بیرون ملک سے سپورٹ حاصل ہے۔ کچھ ممالک پاکستان کو ترقی کرتا نہیں دیکھنا چاہتے۔

تفصیل کے مطابق وزیراعظم عمران خان نے کہا ہے کہ مجھے ہر پالیسی پر پاک فوج کی مکمل حمایت حاصل ہے۔ اپوزیشن کیساتھ این آر او کے علاوہ ہر چیز پر بات چیت ہو سکتی ہے۔ اپوزیشن اسمبلیوں سے استعفے دے گی تو نئے الیکشن کرائیں گے۔ اپوزیشن پراعتماد ہے تو میں بھی پراعتماد ہوں۔

وزیراعظم عمران خان کا کہنا تھا کہ ایک سوچی سمجھی سازش کے تحت مسلم ممالک کو غیر مستحکم کیا گیا، پاکستان میں بھی ایسا کرنے کی سازشیں کی جا رہی ہیں۔

انہوں نے کہا کہ اپوزیشن سے بات چیت شروع کریں تو ان کے رہنما اپنے مقدمات لے کر بیٹھ جاتے ہیں۔ اپوزیشن نیب کا خاتمہ چاہتی ہے تاکہ ان کے کیسز ختم ہو جائیں۔

عمران خان نے بین الاقوامی مالیاتی فنڈ کے پاس نہ جانے کو اپنی سب سے بڑی غلطی تسلیم کیا۔ ان کا کہنا تھا کہ آئی ایم ایف کے پاس بروقت نہ جانا سب سے بڑی غلطی تھی۔ ہمیں آئی ایم ایف کے پاس 10 مہینے تاخیر سے نہیں جانا چاہیے تھا۔ انہوں نے کہا کہ اداروں میں اصلاحات نہ لانا ان کی دوسری سب سے بڑی غلطی ہے۔

پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمن کا کہنا ہے کہ وزیراعظم ڈائیلاگ کی بات کرکے ہم سے این آراومانگ رہے ہیں۔ حکومت کی مذاکرات کی دعوت مسترد کرتے ہیں، حکومت کو فرق پڑ چکا ہے، اب ایک دھکا دینے کی ضرورت ہے۔31 دسمبر تک تمام پارٹیوں کے ارکان پارٹی قائدین کے پاس استعفے جمع کرا دیں۔

پاکستان ڈیمو کریٹک موومنٹ (پی ڈی ایم) کے سربراہ اور امیر جمعیت علمائے اسلام (ف) مولانا فضل الرحمن نے پاکستان پیپلز پارٹی کے چیئر مین بلاول بھٹو زرداری اور پاکستان مسلم لیگ ن کی نائب صدر مریم نواز شریف کے ساتھ میڈیا سے گفتگو کرتے ہوئے کہا کہ آج اجلاس میں ویڈیولنک کے ذریعے نوازشریف،آصف زرداری،اخترمینگل نے شرکت کی۔ اجلاس کے دوران پی ڈی ایم رہنماؤں نے اپنا اپنا موقف پیش کیا۔ کل سٹیرنگ کمیٹی کا اجلاس ہو گا۔ جس میں لانگ مارچ کی تاریخ طے کی جائے گی۔

انہوں نے مزید کہا کہ کل ہونے والے اجلاس میں ملک بھر میں مظاہروں کے شیڈول طے کیا جائے گا اور پہیہ جام ہڑتال، شٹر ڈاؤن کا شیڈول بھی طے کریں گے۔

بھارتی حکو مت کے زمیندار مخالف قوانین کیخلاف کسان تحریک میں شدت آگئی، کسانوں کی کال پر آج ملک بھر میں ہڑتال ہو گی۔ پولیس نے دلی کی طرف آنے والی تمام سڑکیں سیل کر دیں، وزیراعلیٰ کو بھی گھر میں نظربند کر دیا گیا۔
رپورٹ کے مطابق کسان تحریک ریاست پنجاب اور ہریانہ سمیت ملک بھر میں جاری ہے ،حکومت سے مذکرات ناکام ہونے کے بعد کسانوں کا احتجاج ملک بھر میں پھیل گیا۔ ٹریڈ یونینز اور اپوزیشن پارٹیوں نے کسانوں کی ’’بھارت بند‘‘کال کی حمایت کر دی۔ ہڑتال کی کال دیتے ہوئے کسان رہنماؤں نے اس بات پر زور دیا کہ ان کا احتجاج پرامن ہے اور پرامن ہی رہے گا، وہ کسی بھی سیاسی جماعت کیلئے کوئی گنجائش پیدا نہیں کریں گے ، کسانوں نے عوام سے اپیل کی کہ وہ اس پرامن احتجاج کی حمایت کریں، ان کامقصد عام لوگوں کیلئے مشکلات پیدا کرنا نہیں ۔

ترجمان بھارتیہ کسان یونین نے کہا کسانوں نے آج ملک گیر پرامن شٹ ڈاؤن کی کال دی ہے ، بھارت بند ہڑتال دن 11 بجے سے 3 بجے تک جاری رہے گی،ضروری سروسز خصوصاً ایمبولینس سروس اور شادیاں احتجاج سے متاثر نہیں ہونگی، انہوں نے کہا کہ بھارت بند کال کا مطلب ہے کہ کسان کسی حکومتی پالیسی کی حمایت نہیں کرتے ۔ کسان یونین کے سیکرٹری جنرل ہریندر سنگھ لاکھوال نے کہا بھارت بند ہڑتال کے دوران یونینز کے ارکان قومی شاہراؤں اور ٹول پلازوں پر قبضہ کریں گے ۔

بھارتی بینکوں کی بعض یونینز نے کسانوں کیساتھ اظہار یکجہتی کیلئے سیاہ پٹی باندھ کر احتجاج کرنے کافیصلہ کیا ہے ، تاہم اس سے بینکنگ سروسز متاثر نہیں ہوگی۔ ٹرانسپورٹ یونینز کی جانب سے کسانوں کی حمایت کے اعلان کے بعد مختلف ریاستوں کے مابین ٹرک سروس بری طرح متاثر ہو گی، ٹرانسپورٹ یونینز کے مطابق وہ پرامن احتجاج کے دوران ڈپٹی کلکٹرز اور کمشنرز کو میمورنڈم پیش کریں گے جس میں کسانوں کے مسائل کے پرامن حل کا مطالبہ کیا جائیگا۔