All posts by emra

امریکا نے پاکستان کے سیلاب متاثرہ اضلاع کے مزید 500 طلبا کے لیے وظائف کا اعلان کیا ہے۔

ترجمان امریکی محکمہ خارجہ نیڈپرائس کے مطابق مزید 500 طلبا کے لیے وظائف کا اعلان پاکستان میں امریکی سفیر ڈونلڈ بلوم نے کیا۔

نیڈ پرائس نے بریفنگ دیتے ہوئے بتایا کہ ڈونلڈبلوم نے اعلان اسلام آباد میں عالمی یوم خواتین کے موقع پر ہائر ایجوکیشن کی تقریب میں کیا۔

ترجمان امریکی محکمہ خارجہ کا کہنا ہے کہ  وظائف سےمالی کمزور طلبا کی پاکستان کی اعلیٰ یونیورسٹیوں میں حصول تعلیم میں مدد ہوسکے گی۔

نیڈ پرائس کے مطابق اسکالر شپ پروگرام کے تحت امریکا ہائر ایجوکیشن کے تعاون سے 6 ہزار سے زائد وظائف دے چکا،60 فیصد اسکالر شپس خواتین کو اعلیٰ تعلیم کے لیے دی گئیں۔

اسلام آباد: آرمی چیف جنرل سید عاصم منیر نے پیر کو ملک کی 10؍ سرکردہ کاروباری شخصیات سے ملاقات کی اور وزیر خزانہ اسحاق ڈار کی موجودگی میں انہیں یقین دہانی کرائی کہ پاکستان مشکل معاشی حالات سے کامیابی سے باہر نکل آئے گا‘ ڈیفالٹ کا خطرہ ٹل چکا ہے، ملک ترقی کرے گا اور ہم ایک خوشحال قوم بن کر ابھریں گے۔ 

ملاقات کے حوالے سے باضابطہ طور پر کوئی بیان سامنے نہیں آیا لیکن ذرائع کا کہنا ہے کہ آرمی چیف پوری ملاقات کے دوران پرامید نظر آئے اور اس اعتماد کا اظہار کیا کہ موجودہ معاشی مشکلات پر قابو پا لیا جائے گا۔ 

انہوں نے کاروباری افراد سے کہا کہ وہ پرعزم اور پراعتماد رہیں۔ ایک ذریعے کے مطابق، آرمی چیف نے مختلف شعبوں سے تعلق رکھنے والے کاروباری افراد کو بتایا کہ قوم پر مشکلات آتی ہیں اور ہمیں مشکل حالات کا سامنا ہے لیکن بدتر حالات کو ہم پیچھے چھوڑ چکے ہیں اور ہم قائم و دائم رہیں گے۔ 

جنرل عاصم نے اسلامی تعلیمات کا حوالہ دیا اور شرکاء کو یقین دہانی کرائی کہ پاکستان موجودہ امتحان میں کامیاب ہو جائے گا۔

ملاقات میں شامل ایک شخص نے نام ظاہر نہ کرنے کی شرط پر کہا کہ کاروباری افراد نے آرمی چیف سے ملاقات کی درخواست کی تھی۔ وزیر خزانہ کو آرمی چیف نے سیشن میں شرکت کیلئے مدعو کیا تھا۔ کاروباری افراد نے اس ملاقات کو انتہائی کامیاب قرار دیا۔ 

آرمی چیف اور وزیر خزانہ نے کاروباری افراد کو بتایا کہ آئی ایم ایف کی تمام پیشگی شرائط کو پورا کر دیا گیا ہے اور چند روز میں ہی معاہدہ ہو جائے گا۔ انہوں نے بتایا کہ آئی ایم ایف نے یہ بھی کہا ہے کہ معیشت میں تیزی لانے کیلئے دوست ممالک سے کیے جانے والے معاہدوں کو بھی دستاویزی شکل دی جائے۔ 

کاروباری افراد کو بتایا گیا کہ دوست ممالک نے بھی وعدے کیے ہیں کہ وہ زراعت، کان کنی اور آئی ٹی کے شعبہ جات میں سرمایہ کاری کریں گے۔ حکومت کو توقع ہے کہ ان ممالک سے پیشگی سرمایہ (ایڈوانس ایکوئٹی) ملے گا۔ یہ کہا گیا کہ سول اور ملٹری قیادت نے مل کر دوست ممالک کو اس سرمایہ کاری کیلئے قائل کیا۔ 

ایک ذریعے کا کہنا تھا کہ آرمی چیف سے کاروباری افراد نے سوال کیا کہ اسٹیبلشمنٹ سیاست دانوں کو ایک جگہ بٹھانے کیلئے کوشش کیوں نہیں کر رہی تاکہ ملک کو درپیش سنگین چیلنجز کا مقابلہ کیا جا سکے۔ کاروباری افراد نے آرمی چیف کو بتایا کہ قوم توقع کرتی ہے کہ فوج معاشرے میں مزیدافرا تفری اور تفریق کی اجازت نہیں دے گی۔آرمی چیف سے ملاقات کیلئے آئے ان دس کاروباری افراد میں سے پانچ کا تعلق کراچی جب کہ پانچ کا لاہور سے تھا۔

ٹوکیو : جاپان کا فلیگ شپ ایچ 3 راکٹ فنی خرابی کے باعث ایک بار پھر اڑان بھرنے میں ناکام ہو گیا جس کے بعدجاپان ایرو سپیس ایکسپلوریشن ایجنسی (جے اے ایکس اے) نے اسے خود کو تباہ کرنے کی کمانڈ دے دی ۔

روسی خبر رساں ادارے کے مطابق جے اے ایکس اے نے کہا کہ یہ فیصلہ ایجنسی کے ماہرین کے اس نتیجے پر پہنچنے کے بعد کیا گیا کہ مشن کامیاب نہیں ہو سکتا۔

جاپان نے خلا تک اپنی آزادانہ رسائی کو بڑھانے اور ایلون مسک کےسپیس ایکس سمیت حریفوں سے عالمی لانچ مارکیٹ کا بڑا حصہ حاصل کرنے کے اپنے امکانات کو تقویت دینے کے لیے ایچ 3 راکٹ بنایا۔ایچ 3 راکٹ تین دہائیوں میں ملک کا پہلا نیا میڈیم لفٹ لانچر، سرکاری اور تجارتی سیٹلائٹس کو مدار میں چھوڑنے اور بین الاقوامی خلائی سٹیشن کو فیری سپلائی کرنے کے لیے ڈیزائن کیا گیا تھا، جو ایک بار پہلے بھی 17 فروری کو اڑان بھرنے میں ناکام ہو گیا تھا۔

ترجمان پاک بحریہ کے مطابق پاک بحریہ کے جہاز نے سکیورٹی آپریشن کے دوران 280 کلو گرام کرسٹل آئس ضبط کی ، ضبط منشیات کی بین الاقوامی مارکیٹ میں قیمت تقریبا 4ارب روپے سے زائد ہے۔

ترجمان  نے بتایا کہ گرفتار سمگلرز اورمنشیات کوقانون نافذ کرنے والے اداروں کے سپرد کردیا گیا ہے ۔

ترجمان پاک بحریہ کا کہنا تھا کہ منشیات سمگلنگ کے خلاف کامیاب آپریشن پاک بحریہ کی سمندر میں مؤثر نگرانی کا نتیجہ ہے۔

لاہور:لاہور ہائیکورٹ نے چیئرمین تحریک انصاف عمران خان کے خلاف توہین عدالت کی کارروائی کو ناقابل سماعت قرار دے دیا۔توہین عدالت کی کارروائی کے لیے درخواستوں پر سماعت ہوئی، جس پر عدالت نے آفس اعتراض کو برقرار رکھتے ہوئے درخواستوں کو ناقابل سماعت قرار دیا۔عدالت نے کہا کہ بادی النظر میں عمران خان کے بیانات سپریم کورٹ کے جج کے بارے میں ہیں، ایسے میں درخواستیں لاہور ہائیکورٹ میں کیسے قابل سماعت ہیں۔آفس ہائیکورٹ نے درخواست کے قابل سماعت ہونے پر اعتراض لگایا تھا اور آفس ہائیکورٹ نے درخواست گزار کو سپریم کورٹ سے رجوع کرنے کی ہدایت کی تھی۔ اعتراض کیا گیا تھا کہ ججوں کو درخواست میں فریق نہیں بنایا جا سکتا۔درخواست گزار نے آفس ہائیکورٹ کے اعتراض کو چیلنج کیا تھا۔ جسٹس شجاعت علی خان نے مشکور احمد کی اعتراض کی درخواست پر سماعت کی جس میں عمران خان کو فریق بنایا گیا۔درخواست میں موقف تھا کہ عمران خان کی سربراہی میں عدلیہ کے خلاف منظم مہم چلائی جا رہی ہے، ڈپٹی اسپیکر کی رولنگ کو کالعدم قرار دینے پر ججز کے خلاف مہم چلائی گئی۔اسی طرح، لاہور ہائیکورٹ اور اسلام آباد میں پیشی پر عمران خان جتھوں کے ساتھ عدالتوں میں پیش ہوئے لیکن سرکاری عمارتوں کو نقصان اور نعرے بازی کرتے ہوئے عدالت میں پیش ہونا توہین عدالت ہے۔ اسلام آباد کے جوڈیشل کمپلیکس پر پلان کر کے حملہ کیا گیا جس کے ماسٹر مائنڈ عمران خان تھے، عمران خان نے عدلیہ کو پریشرائز کرنے کے لیے ورکرز کو جوڈیشل کمپلیکس بلایا۔درخواست میں استدعا کی گئی تھی کہ لاہور ہائیکورٹ عمران خان کے خلاف توہین عدالت کی کارروائی کرے، عدالت عمران خان کو عدالت میں طلب کر کے جواب دہی کرے۔

حیدرآباد :بالی ووڈ شہنشاہ امیتابھ بچن فلم کی شوٹنگ کے دوران زخمی ہوگئے جس میں ان کی پسلی ٹوٹ گئی۔بھارتی میڈیا کے مطابق سوشل میڈیا پر جاری بلاگ پوسٹ کے ذریعے 80 سالہ بھارتی اداکار نے اپنے مداحوں کو بتایا کہ حیدرآباد میں فلم ’’ پراجیکٹ کے‘ ‘ کی شوٹنگ کے دوران وہ زخمی ہوگئے اور ان کی پسلی ٹوٹ گئی ۔بالی ووڈ اداکار کے بلاگ کے مطابق حادثے کے بعد فلم کی شوٹنگ روک دی گئی اور انہیں ہسپتال منتقل کیا گیا جہاں سی ٹی سکین اور ضروری طبی امداد کے بعد انہیں ڈسچارج کردیا گیا ہے۔امیتابھ بچن نے بتایا کہ حادثے میں شدید زخمی ہونے کے باعث حرکت کرنے اور سانس لینے میں دشواری کا سامنا ہے۔امیتابھ کو صحت یاب ہونے میں چند ہفتے لگیں گے اس لیے ڈاکٹرز نے انہیں مکمل آرام کا مشورہ دیا ہے۔

ممبئی : دنیا میں سینکڑوں لوگوں کی طرح سلمان خان بھی باہر کے بجائے گھر کے کھانے اور اسے گھر والوں کے ساتھ ہی کھانے کو ترجیح دیتے ہیں۔ بھارتی میڈیا کے مطابق بالی ووڈ کے سپر سٹار سلمان خان کے گھر میں کھانے کی میز سے لی گئی تصویر انٹرنیٹ پر وائرل ہوگئی ہے۔ رپورٹس کے مطابق حال ہی میں سوشل میڈیا پر سامنے آنے والی تصویر میں دیکھا جاسکتا ہے کہ سلمان خان اپنے بھائی ارباز خان اور سوتیلی والدہ کے ساتھ کھانے کی ٹیبل پر بیٹھ کر کھانا کھانے میں مصروف ہیں۔انٹرنیٹ پر اس تصویر کو مداح بہت زیادہ پسند کر رہے ہیں۔

لاہور: معروف ٹک ٹاکر صندل خٹک نے دعوی کیا ہے کہ حریم شاہ نے اپنی نازیبا ویڈیوز مشہوری کیلئے خود ہی لیک کی ہیں۔کچھ دن قبل حریم شاہ نے اپنی لیک ویڈیوز پر دعویٰ کیا تھا کہ ان کی سہیلیوں صندل خٹک اور عائشہ ناز نے یہ ویڈیوز پھیلائی ہیں۔صندل خٹک نے اب حریم شاہ کے الزامات پر اپنی خاموشی توڑ دی ہے اور کہا ہے کہ اگر حریم شاہ اپنے دعویٰ میں سچی ہیں تو وہ ہمارے خلاف کیس دائر کریں۔ٹک ٹاکر کا مزید کہنا تھا کہ اگر حریم شاہ اپنے الزامات ثابت نہ کرسکی تو میں اس کے خلاف ہتک عزت کا کیس دائر کروں گی۔صندل خٹک نے یہ انکشاف بھی کیا کہ حریم شاہ نے مجھ سے کہا تھا کہ یہ ویڈیوز اس کے بوائے فرینڈ حسن شاہ نے بنائی ہیں اور اب وہ کہہ رہی ہے کہ اس کے شوہر نے یہ شوٹ کی ہیں۔ان کا مزید کہنا تھا کہ حریم شاہ کا فون کیسے ہیک ہوسکتا ہے جبکہ آئی کلاؤڈ کو ہیک نہیں کیا جاسکتا۔

لاہور:تحریک انصاف کے رہنما فواد چوہدری نے کہا ہے کہ پنجاب اور خیبرپختونخوا میں الیکشن پر مردم شماری کا قانون لاگو نہیں ہوتا۔فواد چوہدری نے میڈیا سے گفتگو کرتے ہوئے کہا کہ پی ٹی آئی رہنماوں پر بیسیوں شرمناک کیسز بنا دیے گئے۔انہوں نے کہا کہ کیسز کا مقصد ہمیں سیاست سے سائیڈ لائن کرنا ہے، کل عمران خان لاہور میں عدلیہ سے اظہار یکجہتی کے لیے ریلی کی قیادت کریں گے۔فواد چوہدری نے اپنے کیسز میں عدالت سے ضمانت لینے کا اعلان بھی کیا۔علاوہ ازیں انہوں نے سوشل میڈیا پر لکھا کہ شاہ محمود قریشی اور مجھے ایک اور ایف آئی آر میں نامزد کیا گیا ہے۔فواد چوہدری نے لکھا کہ ایک ایجنڈے کے تحت تحریک انصاف کی لیڈرشپ پر جعلی پرچے کرائے جا رہے ہیں جن کا مقصد پاکستان میں سیاست کا گلا گھونٹ کر برما اور نارتھ کوریا جیسا نظام بنانا ہے۔