All posts by emra

اسلام آباد(ایمرا نیوز ) وزیراعظم عمران خان نے سرکاری افسران کی طرف سے عوامی شکایات کو بروقت حل نہ کرنے پر سخت نوٹس لیا ہے۔ غیر سنجیدہ اور موثر کارکردگی نہ دکھانے والے سرکاری افسران کے خلاف کارروائی کی گئی ہے۔وزیراعظم آفس سے جاری بیان کے مطابق چیف سیکریٹری پنجاب نے ماتحت 1586 افسران کے ڈیش بورڈ کی جانچ پڑتال مکمل کر لی ہے اور پرفارمنس ڈیلیوری یونٹ کی رپورٹ وزیراعظم کو پیش کی گئی ہے۔رپورٹ کے مطابق 263 افسران کو کارکردگی کی بنیاد پر وارننگ، 7 سرکاری افسران کو شوکاز نوٹس جاری کئے گئے ہیں۔ وزیراعظم آفس کی طرف سے 833 افسران کو محتاط رہنے کی ہدایت کی گئی ہے جبکہ 111 افسران سے وضاحت طلب کی گئی ہے۔وزیراعظم آفس نے 403 سرکاری افسران کی کارکردگی کو سراہا گیا۔ رپورٹ کے مطابق سیکرٹری اطلاعات، زراعت، ایکسائز اور سیکرٹری آبپاشی کو کارکردگی بہتر کرنے کا مراسلہ جاری کیا گیا ہے۔

وزیراعظم آفس کی طرف سے ڈپٹی کمشنر لاہور، گجرات، شیخو پورہ سمیت پنجاب کے 20 ڈپٹی کمشنرز کو مراسلے جاری کئے گئے ہیں جن میں ہدایت کی گئی ہے کہ تمام افسران عوام کو بہتر سہولیات کی فراہمی کے لیے کارکردگی کو بہتر بنائیں۔

اسسٹنٹ کمشنر رائیونڈ، لیہ، جھنگ، بْوریوالا، صادق آباد، ننکانہ صاحب، پنڈی گھیب سمیت 43 اسسٹنٹ کمشنرز کو شوکازنوٹس جاری کئے گئے ہیں۔

وارننگ لیٹر جاری کرنے کا مقصد تمام افسران کو تنبیہ کرنا ہے۔ وزیراعظم آفس کے مطابق وزیراعظم کے وژن کے مطابق عوام کو سہولیات مہیا کرنے کے لیے اقدامات کئے جا رہے ہیں۔

لاہور (ایمرانیوز )دیوانوں پروانوں کے دن ویلنٹائن ڈے کے حوالے سے معروف اداکارہ ثمینہ پیرزادہ نے ٹوئٹر پر اپنے شوہر عثمان پیرز ادہ کے ساتھ بنی ہوئی جوانی کے زمانے کی تصویر شیئر کردی انہوں نے سماجی رابطے کی ویب سائٹ پرتصویر شیئر کرتے ہوئے ’’مائی ویلنٹائن ‘‘لکھا ہے

لاہور(ایمرا نیوز ) تحریک انصاف کے رہنما ابرار الحق کی گاڑی کو حادثہ گوجرانوالہ میں پیش آیا۔ عینی شاہدین کے مطابق یہ حادثہ دھند کے باعث پیش آیا۔

پی ٹی آئی ابرار الحق اپنی فیملی کے ہمراہ جا رہے تھے کہ گوجرانوالہ کے قریب ان کی گاڑی حادثے کا شکار ہو گئی۔ اس حادثے میں ابرار الحق اور ان کی فیملی کے دیگر ارکان محفوظ رہے تاہم ان کا بھتیجا زخمی ہو گیا۔

حادثہ کی اطلا پر ریسکیو گاڑیاں موقع پر پہنچیں اور ابرار الحق کے بھتیجے کو موقع پر طبی امداد دینے کے بعد ہسپتال پہنچایا۔ ہسپتال ذرائع کے مطابق پی ٹی آئی رہنما ابرار الحق کے بھتیجے کا علاج معالجہ جاری ہے تاہم ان کی حالت تشویشناک نہیں ہے۔

اسلام آباد ( ایمرا نیوز ) ملک بھر میں کورونا سے مزید 31 افراد دم توڑ گئے، جاں بحق افراد کی تعداد 12 ہزار307 ہو گئی۔ ایک ہزار 404 نئے مریض سامنے آ گئے۔

کورونا کا پھیلاو جاری، ملک بھر میں ایک ہزار 702 مریضوں کی حالت تشویشناک ہو گئی ہے۔ گزشتہ روز 34 ہزار 475 کورونا ٹیسٹ کئے گئے جن میں سے ایک ہزار 404 افراد میں وائرس کی تصدیق سے مریضوں کی تعداد 5 لاکھ 63 ہزار 29 ہو گئی، ملک بھر میں اب بھی کورونا کے 25 ہزار 635 ایکٹو کیسز ہیں۔

این سی او سی کے اعدادوشمار کے مطابق ملک بھر میں اب تک 84 لاکھ 34 ہزار 98 افراد کے ٹیسٹ کئے گئے، پنجاب میں کورونا مریضوں کی تعداد ایک لاکھ 63 ہزار 833، سندھ میں 2 لاکھ 53 ہزار 511، خیبر پختونخوا میں 69 ہزار 778، اسلام آباد میں 42 ہزار 590 ، بلوچستان میں 18 ہزار 929، گلگت بلتستان میں 4 ہزار 940 اور آزاد کشمیر میں 9 ہزار 448 افراد کورونا کا شکار ہو چکے ہیں۔

گزشتہ 24 گھنٹوں کے دوران ایک ہزار 387 افراد کورونا سے صحت یاب ہوئے جبکہ وبا سے چھٹکارا پانے والے افراد کی مجموعی تعداد 5 لاکھ 25 ہزار 87 ہو چکی ہے۔

لاہور(ایمرا نیوز ) پاکستان اور جنوبی افریقہ کی ٹیمیں آج تیسرے اور فیصلہ کن ٹی 20 میچ میں مدمقابل ہوں گی، ایک جیت سے سیریز نام کرنے کے چیلنج نے مقابلے کو دلچسپ بنا دیا، شائقین پھر چھکے چوکے لگنے کے انتظار میں بے قرار ہوگئے۔زندہ دلان کا شہر لاہور ہی پھر میزبان، مدمقابل ٹیمیں جنوبی افریقہ اور پاکستان اسی قذافی اسٹیڈیم کے میدان میں شام چھ بجے اتریں گی۔ گذشتہ رات چھ وکٹ کی جیت سے شاہینوں کی برتری ختم ہو گئی، مہمان پروٹیز زیادہ جوشیلے نظر آئے۔آج سیریز کے تیسرے ٹی 20 کا شور ہے، فیصلہ کن میچ میں خالی اسٹیڈیم میں چھکے چوکوں کی بہار آئے گی، وکٹیں بھی لگاتار گریں گی، شائقین حتمی نتیجے کیلئے بے قرار ہیں۔ ایک جیت سے سیریز اپنے نام کرنے کا مشن مکمل کرنے کیلئے دونوں ٹیمیں ایڑی چوٹی کا زور لگائیں گی، بڑے چیلنج نے میچ کو بڑا دلچسپ بنا دیا۔پاک افریقی ٹیموں میں سیریز کے آخری ٹی 20 میچ میں بغیر کسی تبدیلی کے میدان میں اترنے کا امکان ہے۔

اسلام آباد (ایمرا نیوز ) وزیر داخلہ شیخ رشید نے کہا ہے کہ فوج کیخلاف بات کرنیوالوں کی زبان گدی سےکھینچ لینی چاہیے۔ موسلم بدل گیا، فضل الرحمان کو حلوہ کھلانے کی پیشکش واپس لیتا ہوں، پی ڈی ایم کوکہتا ہوں قانون کےدائرے میں یہاں آئےتوکوئی رکاوٹ نہیں ہوگی۔

وزیرداخلہ شیخ رشید احمد کا کہنا ہے کہ 3 مارچ کوسینیٹ الیکشن ہورہےہیں،کسی کاایک ووٹ کم یا زیادہ ہوگیاتوقیامت نہیں آجائے گی۔یہاں 64بندےہوتےہیں ،دوسرے دروازے سے آگے44بندے ہوتےہیں،بکنےاوربکنےوالوں کی ملک میں کمی نہیں۔ جس اسمبلی کوگالیاں دیتےہیں، اسی کیلئےووٹ مانگتےہیں۔ پی ڈی ایم نے بالآخرپیپلزپارٹی کی بات ماننی ہےجلدمانیں یابدیر، آصف زرداری اوربلاول میری بات سمجھتےہیں۔

انہوں نے کہا کہ فضل الرحمان کوحلوہ کھلانےکی بات کی لیکن اب موسم بدل گیا، پیشکش واپس لیتا ہوں۔ پاک افواج ملک کیلئےقربانیاں دےرہی ہیں۔ فوج کیخلاف بات کرنیوالوں کی زبان گدی سےکھینچ لینی چاہیے۔ وہ لوگ انتشار پھیلا رہےہیں جو پاکستان بنانےکیخلاف تھے۔ آج قائداعظم کی یاد بھارت کے مسلمانوں کوستاتی ہے۔ اگرپی ڈی ایم نے قانون کےدائرے میں آنا ہے تو 10 بارآئے، ان کو کہتا ہوں قانون کے دائرے میں یہاں آئے تو کوئی رکاوٹ نہیں ہوگی۔ قانون کی خلاف ورزی کی توانکی راہ میں سب سے بڑی رکاوٹ شیخ رشیدہوگا۔

لاہور (ایمرا ویب نیوز)
اسلام آباد، لاہور، راولپنڈی اور پشاور سمیت کئی شہروں میں زلزلے کے جھٹکے محسوس کیے گئے۔

اس کے علاوہ مردان، شمالی وزیرستان، سوات اور باجوڑ میں بھی زلزلے کے جھٹکے محسوس کیے گئے۔

جہلم ، ملتان، سرگودھا، فیصل آباد، لاہور، مظفر آباد اور میرپور آزادکشمیر میں بھی زلزلے کے جھٹکے محسوس کیے گئے۔

شانگلہ، بونیر، مالاکنڈ ، دیر اور چترال میں بھی زلزلے کے شدید جھٹکے محسوس کیے گئے۔

بلوچستان میں بھی زلزلے کے جھٹکے

صوبہ خیبرپختونخوا اور پنجاب کے علاوہ بلوچستان کے علاقوں قلعہ عبداللہ، پشین اور توبہ اچکزئی میں بھی زلزلے کے جھٹکے محسوس کیے گئے۔

زلزلے کے جھٹکوں کے بعد لوگ گھروں سے باہر نکل آئے اور کلمہ طیبہ کا ورد کرتے رہے۔

زلزلے کے جھٹکے جن علاقوں میں محسوس کیے گئے وہاں سے فی الحال کسی قسم کے نقصان کی اطلاع موصول نہیں ہوئی۔

زلزلے کے آفٹرشاکس بھی آسکتے ہیں، زلزلہ پیما مرکز
پاکستان میٹ ڈپارٹمنٹ کا کہنا ہے کہ زلزلہ پاکستانی وقت کے مطابق رات 10 بجکر 2 منٹ پر آیا جس کی شدت 6.4 ریکارڈ کی گئی جبکہ گہرائی 80 کلو میٹر زیر زمین تھی۔

زلزلہ پیما مرکز کا کہنا ہے کہ زلزلےکے آفٹرشاکس بھی آسکتے ہیں۔

زلزلےکا مرکز تاجکستان کے علاقے مرغوب سے 35 کلومیٹر دور تھا، امریکی جیولوجیکل سروے
امریکی جیولوجیکل سروے کے مطابق زلزلے کی شدت 5.9 ریکارڈ کی گئی اور زلزلےکا مرکز تاجکستان کے علاقے مرغوب سے 35 کلومیٹر تھا۔

امریکی جیولوجیکل سروے نے بتایا کہ زلزلے کی گہرائی 91.6 کلومیٹر تھی۔

صوبوں میں ریکسیو ہائی الرٹ
دوسری جانب ڈائریکٹر جنرل ریسکیو پنجاب نے ہائی الرٹ جاری کردیا ہے۔ ترجمان کے مطابق ڈی جی ریسکیوپنجاب نے ریسکیو 1122 کوہائی الرٹ کردیا تاہم ابھی تک زلزلے سے کسی جانی نقصان کی اطلاع نہیں ملی۔

صوبہ خیبرپختونخوا کے پرونشل ڈیزاسٹر منیجمنٹ اتھارٹی (پی ڈی ایم اے) کے ڈائریکٹر جنرل کا بھی کہنا ہے کہ زلزلے سے ابھی تک کسی نقصان کی اطلاع نہیں ملی، پی ڈی ایم اے ضلعی انتظامیہ کے ساتھ مسلسل رابطے میں ہے۔

ڈی جی پی ڈی ایم اے نے بتایا کہ پی ڈی ایم اے کا کنٹرول روم مکمل فعال ہے۔