All posts by emra

ممبئی : 2021ء کی فلم شیر شاہ سے شہرت حاصل کرنے اور حال ہی میں اسی فلم کے ہیرو سدھارتھ ملہوترا سے شادی کرنے والی کیارا ایڈوانی کی خوش نصیبی کا سفر جاری ہے، کترینہ کیف کی جگہ لیتے ہوئے اب وہ معروف مینگو ڈرنک کی برانڈ ایمبیسڈر بن گئی ہیں۔اس حوالے سے کیارا نے اپنے انسٹاگرام ہینڈل پر ایک ویڈیو پوسٹ کی ہے جس میں وہ خود فیچر ہیں۔ ان کی اس ویڈیو کو جہاں کئی پرستاروں نے پسند کیا وہیں بہت سے مداحوں نے کترینہ کی کمی کو بھی محسوس کیا اور اشتہار کو اچھا تو کہا لیکن کترینہ کی کمی کو محسوس کیا۔کسی نے کہا وائو، اب کترینہ نہیں، ایک عہد کا خاتمہ ہوا ہے۔ ایک اور انٹرنیٹ صارف نے کہا کہ ہمیں کیارا اچھی لگتی ہیں لیکن کترینہ کے بغیر اس اشتہار کا تصور نہیں کرسکتے۔

ممبئی : بھارت میں شاہ رخ خان کی پٹھان ہندی زبان میں سب سے زیادہ کمائی کرنے والی فلم بن گئی ہے۔فلم پٹھان کا ریلیز کے 5ہفتے بعد بھی باکس آفس پر جادو جاری ہے، جس نے رواں ایک ہفتے میں تقریباً ساڑھے 8کروڑ کا بزنس کیا ہے۔شاہ رخ خان، دیپیکا پڈوکون اور جان ابراہم کی فلم نے اپنی ریلیز سے اب تک صرف بھارتی باکس آفس پر تقریبا 511کروڑ کا بزنس کرلیا ۔اس کے مقابلے میں اکشے کمار اور عمران ہاشمی کی فلم سیلفی جو 24فروری کو ریلیز ہوئی، اس نے پہلے ہفتے کے اختتام تک صرف سوا 14کروڑ کا بزنس کیا۔شاہ رخ خان کی پٹھان سے پہلے ہندی زبان میں سب سے زیادہ کمائی کا ریکارڈ ’’باہو بلی‘‘ کے نام تھا۔رواں ہفتے کوئی بڑی فلم ریلیز نہیں ہوئی ہے، جس کا براہ راست فائدہ بھی فلم ’’پٹھان‘‘ کو پہنچے گا۔

ممبئی: گھریلو مسائل کا شکار بالی ووڈ اداکار نواز الدین نے گھر سے نکالی بیٹی کو واپس گھر میں داخلے کی اجازت دے دی۔گزشتہ روز اہلیہ اور بچوں کو گھر سے نکالنے کے بعد اس حوالے سے اب ان کے بھائی شمس نواب الدین صدیقی کا بیان سامنے آیا ہے۔شمس الدین نے بتایا کہ ان کی بھابھی اور بچوں نے گزشتہ رات اپنے رشتہ دار کے یہاں گزاری، تاہم اب یہ معاملہ پولیس خود دیکھ رہی ہے اور عالیہ نواز اور بچوں کو گھر میں داخل ہونے کی اجازت دلوائیگی۔انہوں نے بتایا کہ عالیہ نے نواز الدین سے رابطہ کرنے کی کوشش کی تاہم انہیں کوئی جواب موصول نہیں ہوا البتہ جب 12سالہ بیٹی شورہ نے رابطہ کرنا چاہا اور بنگلے کے اندر جانے کی اجازت طلب کی تو نوازالدین نے صرف اسے اکیلے ہی گھر میں جانے کی اجازت دی ۔ دوسری جانب جائیداد کے تنازع کا شکار بالی ووڈ کے اداکار نواز الدین صدیقی نے اپنی وراثت بھائی کے نام کردی۔بھارتی میڈیا رپورٹس کے مطابق اداکار نواز الدین صدیقی اور ان کی اہلیہ عالیہ صدیقی کے درمیان علیحدگی کے معاملے نے نیا موڑ لے لیا۔ایڈووکیٹ پرشانت نے میڈیا کو بتایا کہ اداکار نے اپنی آدھی وراثت کے اختیارات اپنے ایک بھائی الماس الدین صدیقی کو منتقل کردیئے۔انہوں نے بتایا کہ ایک اور وصیت میں اداکار نے لکھا ہے کہ جب تک وہ زندہ ہیں جائیداد پر ان کا حق رہے گا جس کے بعد اسے ان کے بھائیوں الماس الدین، مجالدین اور منہاج الدین صدیقی میں تقسیم کر دیا جائے گا۔

لاہور:شہر میں پرچون سطح پر فی کلو برائیلر گوشت کی قیمت 7روپے اضافے سے639روپے،زندہ برائیلر مرغی کی قیمت5روپے اضافے سے426روپے فی کلو جبکہ فارمی انڈوں کی قیمت ایک روپے اضافے سے237روپے فی درجن رہی۔

لاہور :وفاقی وزیر داخلہ رانا ثنا اللہ کے خلاف توہین عدالت کی انٹرا کورٹ اپیل دائر کردی گئی۔لاہور ہائیکورٹ کے عدلیہ کو متنازعہ بنانے پر رانا ثنا اللہ کے خلاف توہین عدالت درخواست کے حکم کے خلاف درخواست دائر کردی گئی۔لاہور ہائیکورٹ کے سنگل بینچ کے فیصلے کے خلاف اپیل درخواست گزار شاہد رانا ایڈووکیٹ کی جانب سے دائر کی گئی۔درخواست میں موقف اختیار کیا گیا ہے کہ سنگل بینچ کا فیصلہ قانون کے مطابق نہیں ہے، عدالت سنگل بینچ کے فیصلے کو کالعدم قرار دے۔وفاقی وزیر داخلہ رانا ثنا اللہ کے خلاف توہین عدالت درخواست میں موقف اختیار کیا گیا تھا کہ رانا ثنا اللہ نے لائیو پریس کانفرنس کر کے سابق وزیراعلی پرویز الٰہی اور صدر سپریم کورٹ بار کی آڈیو لیک کی، رانا ثنا اللہ نے آڈیو لیک کرکے عدلیہ کو اسکینڈلائز کیا، وکیل اور کلائنٹ کی پرائیویسی کو متاثر کر کے قانونی حلقوں کو ہیجان میں مبتلا کیا۔درخواست میں عدالت سے استدعا کی گئی تھی کہ غیر آئینی اقدام کرنے اور عدلیہ کو اسکینڈلائز کرنے پر رانا ثنا اللہ کے خلاف توہین عدالت کی کاروائی کی جائے۔

کشمور: (دنیا نیوز) بڈانی تھانے کی حدود میں موٹر سائیکل سوار نامعلوم مسلح افراد کی فائرنگ سے ایک شخص جان کی بازی ہار گیا۔

پولیس کے مطابق واقعہ میں جاں بحق شخص کی شناخت صاحب بنگوار کے نام سے ہوئی ہے جبکہ ایک شخص زخمی بھی ہوا ہے، واقعہ ڈومکی اور بنگوار برادری کی دیرینہ دشمنی کی وجہ سے پیش آیا۔

ورثاء کا کہنا ہے کہ صاحب بنگوار کو ڈومکی برادری کے موٹر سائیکل سوار مسلح افراد نے فائرنگ کرکے قتل کیا ہے۔

پولیس نے جائے وقوعہ پر پہنچ کر لاش اور زخمی ہونے والے شخص کو بخشاپور ہسپتال منتقل کرکے واقعہ کی تحقیقات شروع کر دی ہیں۔

اسلام آباد:ادارہ شماریات نے ہفتہ وار مہنگائی کی رپورٹ جاری کردی ،ہفتہ وار مہنگائی کی شرح میں معمولی کمی ہوئی ۔رپورٹ کے مطابق ادارہ شماریات کاکہناہے کہ ہفتہ وار مہنگائی کی شرح میں اعشاریہ30 فیصد کمی ریکارڈکی گئی، ایک ہفتے میں 32 اشیائے ضروریہ کی قیمتوں میں اضافہ ہوا،ہفتہ وار مہنگائی کی مجموعی شرح 41.07 فیصد کی سطح پر پہنچ گئی ،مہنگائی سے سب سے زیادہ متاثر متوسط طبقہ ہوا،44 ہزار سے زائد ماہانہ انکم والے طبقے کیلئے مہنگائی کی شرح 42.42 فیصد ریکارڈ کی گئی ۔رپورٹ کے مطابق ایک ہفتے میں آٹے کا 20 کلو کا تھیلا 16 روپے 47 پیسے مزید مہنگا ہوا،20 کلو آٹے کے تھیلے کی ملک میں اوسط قیمت 1705 روپے 51 پیسے ریکارڈ کی گئی،حالیہ ہفتے میں چینی ایک روپے 3 پیسے فی کلو مزید مہنگی ہوگئی۔ادارہ شماریات کے مطابق تازہ دودھ1 روپے 49 پیسے، دال مونگ2 روپے 8 پیسے فی کلو مہنگی ہوئی،مٹن 2 روپے 14 پیسے مہنگا ہوا،گھی، دال ماش، دال مسور، چاول اور نمک کی قیمتوں میں بھی اضافہ ہوا۔رپورٹ کے مطابق حالیہ ہفتے 9 اشیائے ضروریہ کی قیمتوں میں کمی ہوئی، ایک ہفتے میں پیاز21 روپے 96 پیسے فی کلو سستا ہوا،انڈے16 روپے فی درجن، لہسن18 روپے 48 پیسے فی کلو سستا ہوا، ایک ہفتے میں 10 اشیائے ضروریہ کی قیمتوں میں استحکام رہا ۔

لاہور:پاکستان تحریک انصاف کے جنرل سیکرٹری اور سابق وفاقی وزیر خزانہ اسد عمر نے کہا ہے کہ جیل حکام سے صرف ایک شکایت ہے ، انہوں نے کپڑے استری کرنے کیلئے فرائنگ پین نہیں دیا۔سماجی رابطے کی ویب سائٹ ٹوئٹر پر جاری بیان میں اسد عمر کا کہنا تھا کہ تحریک انصاف کے ان تمام ورکرز کو سلام جنہوں نے 22 کروڑ کی حقیقی آزادی کی تحریک کیلئے جیل کی صعوبتیں برداشت کی لیکن ان کے حوصلے اب بھی اتنے ہی بلند ہیں۔واضح رہے کہ جیل بھرو تحریک کے تحت مختلف شہروں سے گرفتاریاں دینے والے تحریک انصاف کے رہنماوں اور کارکنوں کو رہا کر دیا گیا ہے، کارکنوں کی بڑی تعداد نے رہائی پانے والوں کا پھولوں کی پتیاں نچھاور کرتے ہوئے پرتپاک استقبال کیا۔

اسلام آباد:چیئرمین پی ٹی آئی عمران خان کے خواجہ آصف کیخلاف 10 ارب روپے ہرجانہ کیس کی سماعت بغیر کارروائی ملتوی کردی گئی۔تفصیلات کے مطابق ڈسٹر کٹ اینڈ سیشن عدالت میں عمران خان کے خواجہ آصف کیخلاف ہرجانہ کیس کی سماعت ہوئی، ایڈیشنل سیشن جج امید علی بلوچ نے سماعت کی ، عمران خان کی جانب سے وکیل عابد فاروق پیش ہوئے،خواجہ آصف کی طرف سے بیرسٹر عمارضیاالدین بطور وکیل پیش ہوئے ۔وکیل عمران خان نے کہاکہ مناسب تاریخ دی جائے ہم جرح کیلئے تیار ہیں ،جیل بھرو تحریک میں اسد عمر و دیگر کی رہائی کل شام ہوئی، عابدفاروق وکیل عمران خان نے کہاکہ اس لئے ان سے رابطہ نہیں ہو سکا،جج نے کہاکہ تاریخ دے رہے ہیں مگر اس میں مزید تاخیر نہیں ہونی چاہئے ، عدالت نے عمران خان کے خواجہ آصف کیخلاف10 ارب روپے ہرجانہ کیس کی سماعت بغیر کارروائی 18 مارچ تک ملتوی کردی۔ یاد رہے کہ آج کیس میں دیگر گواہان سے متعلق کارروائی ہونا تھی ،عمران خان نے گزشتہ سماعت پر جلد فیصلہ کرنے کی استدعا بھی کی تھی ۔

لاہور:آشیانہ اقبال ریفرنس میں نیب کے وعدہ معاف گواہ عارف مجید نے بھی شہبازشریف کو کلیئر قرار دے دیا۔تفصیلات کے مطابق نیب کورٹ لاہور میں وزیراعظم شہبازشریف اور دیگر کیخلاف آشیانہ اقبال ریفرنس پر سماعت ہوئی،نیب کے گواہان امتیاز احمد، عبدالروف مغل اور سعد محمود عدالت میں پیش ہوئے،وزیراعظم شہباز شریف کے پلیڈر انوار حسین حاضری کیلئے پیش ہوئے۔نیب کے وعدہ معاف گواہ عارف مجید نے بھی شہبازشریف کو کلیئر قرار دے دیا،وعدہ معاف گواہ اسرارسعید بھی شہبازشریف کو کلیئر قراردے چکے ہیں،عدالت نے آشیانہ اقبال ریفرنس پر سماعت 11 مارچ تک ملتوی کردی۔