All posts by News Editor

لاہورکے علاقے نواں کوٹ میں ملزم نے پب جی سٹائل میں فائرنگ کر کے بھابھی، بہن اور محلہ دار کو موت کے گھاٹ اتار دیا، ملزم کوموقع سے گرفتار کر لیا گیا۔

تفصیلات کے مطابق تھانہ نواں کوٹ کے علاقے میں دو بھائیوں کے درمیان سامان بیچنے پر لڑائی جھگڑا ہوا جو تین افراد کی جان لے گیا، جاں بحق ہونے والوں میں ملزم کی بہن ماریہ، بھابھی عظمیٰ نیلم اورراہگیر زاہدشامل ہیں۔ ملزم کی والدہ سمیت تین افراد زخمی ہو گئے۔

عینی شاہدین کے مطابق ملزم بلال نے پب جی سٹائل میں پہلے گھر والوں پر فائرنگ کی بعد میں گلی میں آکر محلہ دار کو دوڑنے کا کہا بعد میں فائر نگ کر دی،اہل علاقہ کے مطابق ملزم بلال نشے کا عادی ہے ،نشہ کے لئے پیسے مانگنے پراکثرجھگڑاکرتارہتا تھا۔

آتشزدگی کے واقعات روکنے کانام نہیں لے رہے، لزرہ خیزواقعات میں کئی قیمتی جانیں اور بھاری نقصان اٹھانا پڑتا ہے جس کا ازالہ ممکن نہیں، آگ لگنے کا ایک اور واقعہ مانگا منڈی کے علاقے میں ٹیکسٹائل فیکٹری میں پیش آیا۔

تفصیلات کے مطابق مانگا منڈی کے علاقے میں ٹیکسٹائل فیکٹری میں آتشزدگی ریسکیو 1122نے موقع پر پہنچ کر امدادی کام شروع کر دیا، آگ مانگا رائیونڈ روڈ پر واقع حرا ٹیکسٹائل ملز میں لگی۔فیکٹری میں آگ لگنے کی وجہ سے بھاری نقصان کا اندیشہ ظاہر کیاگیا،آگ لگنے کی وجہ تاحال معلوم نہیں ہوسکی، آگ پر قابو پانے کے لئے ریسکیو کی کارروائیاں جاری ہیں۔

واضح رہے کہ قبل ازیں فیکٹری ایریا کے علاقے والٹن روڑ پیر کالونی کے رہائشی شفیق کے گھر کی چھت پر اچانک بجلی کی تاریں ٹوٹ کر گر گئیں جس کے باعث گھر میں آگ بھڑک اٹھی تھی،آتشزدگی کے باعث گھر میں موجود 40 سالہ شفیق اور اسکی چھ سالہ بیٹی فاطمہ جھلس کر زخمی ہو گئے تھے جنہیں ریسکیو ٹیموں نے جناح ہسپتال منتقل کر دیا گیا تھا۔

علاقہ مکینوں کا کہنا تھا کہ بارہا لیسکو کو لٹکتی تاروں بارے اطلاع دی گئی مگر لیسکو کی جانب سے غفلت کا مظاہرہ کیا جا رہا ہے،علاقہ مکینوں کا کہنا تھا کہ لیسکو کی نا اہلی کے باعث آتشزدگی کا واقع پیش آیا۔

یاد رہے کہ آگ کے واقعات کی شرخ میں کمی کی بجائے اضافہ ہورہا ہے جس کی وجہ سے کئی بچے یتیم تو کئی ماؤں کی گودہیں اجڑ چکی ہیں، لزرہ خیز واقعات میں گھروں میں سوگ کی فضا چھاجاتی ہے اور خاندان کے اکلوتے وارث آتشزدگی کی میں لقمہ اجل بن جاتے ہیں۔

پبلک مقامات پر آئے دن آتشزدگی کے واقعات میں اضافہ ہو رہا ہے اور اس صورتحال سے نمٹنے کے لئےایل ڈے نے خاص پلان تیار کیا ہے جس کے تحت پبلک مقامات پر فائر ہائیڈرنٹ نصب کئے جائیں گے۔ ڈی جی ایل ڈی اے آمنہ عمران کے احکامات پر سپیشل کمیٹی بھی قائم کر دی گئی ہے۔ صدیق ٹریڈ سینٹر کو غیر مناسب انتظامات پر نوٹس بھی جاری کر دیا گیا تھا۔

پنجاب حکومت نے اپنے زرائع آمدن بڑھانے کے لئے نجی ٹرانسپورٹر پر عائد روڈ ٹیکس میں دگنا اضافہ کردیا ہے۔ نجی ٹرانسپورٹ پر سڑکوں پر آنے کے لئے اب نیا ٹیکس کیا ہوگا۔

محکمہ ٹرانسپورٹ کی جانب سے روڈ پر آنے والی نجی ٹرانسپورٹ پر روٹ پرمٹ ٹیکس بڑھانے کے لئے سمری ارسال کی تھی، جس پر پنجاب حکومت نے با قاعدہ منظوری دے دی ہے۔ موٹر سائیکل رکشہ کو سڑک پہ آنا ہے تو اب پر ایک سال کے روٹ پرمٹ کی فیس 600 روپے ادا کرنا ہوگی، جو اس سے پہلے سالانہ 350 روپے تھی۔ موٹر کیب رکشہ پر سالانہ 200 روپے کی بجائے اب ایک سال کے روٹ پر مٹ کی فیس 600 روپے ہوگی۔

ٹیکسی کیب کو سڑک پر چلنے کے لئے اب سالانہ 600 روپے کی بجائے 850 روپے میں دینا ہوں گے۔ اے کلاس بسوں پر روڈ پہ آنے کا سالانہ ٹیکس اب 950 روپے سے بڑھا کر 1400 روپے مقرر کیا گیا ہے اور بی کلاس بسوں کے روٹ پرمٹ کی فیس 700 روپے سے گیارہ سو روپے تک بڑھا دی گئی ہے۔

اسی طرح ایم کلاس روٹ والی بسوں کو روٹ پرمٹ سالانہ 2 ہزار روپے میں ملے گا۔ گڈز ٹرانسپورٹ کے لئے اب سڑک کا ٹیکس سالانہ 400 روپے نہیں بلکہ 2 ہزار 550 روپے ہوگا۔ محکمہ ٹرانسپورٹ کا دعویٰ ہے کہ روٹ پرمٹ میں ترمیم کے بعد سالانہ کروڑوں روپے کا ٹیکس قومی خزانے میں جمع کرایا جا سکتا ہے۔

ملائیشیا سے تعلق رکھنے والی کمپنی پروٹون نے پاکستان میں اپنی پہلی سیڈان گاڑی ساگا متعارف کرادی ہے۔

4 اپریل کو ایک ڈیجیٹل ایونٹ کے دوران اس گاڑی کو متعارف کرایا گیا جو 3 ورژن اسٹینڈرڈ مینوئل ٹرانسمیشن (ایم ٹی)، اسٹینڈرڈ آٹو ٹرانسمیشن (اے ٹی) اور ایس آٹو ٹرانسمیشن (اے ٹی) میں دستیاب ہوگی۔

خیال رہے کہ پروٹون نے پاکستان میں گاڑیوں کو متعارف کرانے کے لیے الحاج گروپ کے ساتھ اشتراک کیا ہے۔

الحاج موٹرز نے ساگا کا ایک اسپورٹس ورژن آر 3 بھی متعارف کرایا ہے مگر اس کے صرف 100 یونٹ دستیاب ہوں گے۔

پروٹون ساگا کے تینوں ورژنز میں 1299 سی سی ہارس پاور 4 سلینڈر پٹرول انجن دیا گیا ہے جو 94 ہارس پاور اور 12 این ایم ٹورکیو پاور فراہم کرتا ہے۔

اس انجن کے ساتھ 5 اسپیڈ مینوئل یا 4 اسپیڈ آٹومیٹک ٹرانسمیشن (مینوئل یا آٹومیٹک ورژن کے مطابق) کی سہولت موجود ہوگی۔

لمیٹٖڈ ایڈیشن آر 3 میں 1332 سی سی انجن 5 اسپیڈ مینوئل یا 4 اسپیڈ آٹومیٹک گیئرباکس آپشن کے ساتھ دیا گیا ہے۔

گاڑی میں مسافروں کے تحفظ کے لیے اینٹی لاک بریکنگ ٹیکنالوجی دی گئی ہے جبکہ ڈوئل فرنٹ ایئربیگز بھی موجود ہیں۔

اس گاڑی میں امبولائززر سسٹم، 15 انچ ایلوئے رمز، سگنل کے ساتھ سائیڈ مررز ، رئیر اسپائلرز، فوگ لیمپس ، ایڈجسٹ ایبل اسٹیئرنگ اور ریموٹ کنٹرول ٹرنک جیسے فیچرز موجود ہیں۔

7 انچ کی ٹچ اسکرین بھی گاڑی میں موجود ہے۔

اسی طرح ایس اے ٹی میں ڈی آر ایل ایس، اسٹیبلیٹی کنٹرول، ٹریکشن کنٹرول، فرنٹ پارکنگ سنسرز اور ریورس کیمرا جیسے فیچرز بھی موجود ہیں۔

یہ سیڈان گاڑی دیگر کمپنیوں کی سیڈان گاڑیوں جیسے ٹویوٹا یاریز، ہونڈا سٹی اور چین گن السوین کو سخت ٹکر دے گی کیونکہ یہ ان سب سے سستی ہے۔

درحقیقت یہ پاکستان میں دستیاب سستی ترین سیڈان ہے جس کا اسٹینڈرڈ ایم ٹی ورژن 19 لاکھ 75 ہزار روپے میں فروخت کیا جائے گا۔

ساگا اسٹینڈرڈ اے ٹی کی قیمت 21 لاکھ 25 ہزار روپے اور ایس اے ٹی کی قیمت 22 لاکھ 25 ہزار روپے رکھی گئی ہے۔

آر ٹی کے مینوئل ٹرانسمیشن والے ماڈل کے لیے 21 لاکھ 75 ہزار روپے جبکہ آٹو میٹک ورژن کے لیے 24 لاکھ 25 ہزار روپے خرچ کرنا ہوں گے۔

ابھی یہ واضح نہیں کہ اس گاڑی کو پاکستان میں اسمبل کیا جائے گا یا درآمد کی جائے گی، تاہم پروٹون کی ایکس 70 کو پاکستان میں درآمد کیا جارہا ہے اور 2021 کی پہلی ششماہی کے دوران مقامی طور پر اسمبل ماڈلز دستیاب ہوں گے۔

کراچی: عالمی مارکیٹ میں سونے کی فی اونس قیمت میں 5 ڈالر جب کہ پاکستان میں سونے کی فی تولہ قیمت میں 950 روپے کی کمی ہوئی۔

بین الاقوامی بلین مارکیٹ میں فی اونس سونے کی قیمت 5 ڈالر کی کمی سے 1726 ڈالر کی سطح پر پہنچ گئی، جب کہ مقامی صرافہ مارکیٹوں میں بھی کاروباری ہفتے کے پہلے روز پیر کو فی تولہ اور فی دس گرام سونے کی قیمتوں میں بالترتیب 950 روپے اور 814 روپے کی کمی واقع ہوٸی۔

قیمتوں میں کمی کے نتیجے میں کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت گھٹ کر 1 لاکھ 4 ہزار 450 روپے ہوگئی ، جب کہ دس گرام سونے کی قیمت کم ہوکر 89 ہزار 550 روپے پر پہنچ گئی۔ تاہم اس کے برعکس فی تولہ چاندی کی قیمت بغیر کسی تبدیلی کے 1360 روپے پر مستحکم رہی اور دس گرام چاندی کی قیمت بھی بغیر کسی تبدیلی کے 1165.98 روپے پر مستحکم رہی ہے۔

ملک بھر میں رواں ہفتے کے پہلے کاروباری روز کے دوران روپے کے مقابلے میں امریکی ڈالر ایک مرتبہ پھر 11 پیسے مہنگا ہو گیا۔

تفصیلات کے مطابق روپے کے مقابلے میں امریکی ڈالر کی قیمت میں مسلسل تیسرے کاروباری روز کے دوران بڑھوتری دیکھی گئی ہے۔ گزشتہ کاروباری ہفتے کے آخری دو روز کے دوران روپے کے مقابلے میں امریکی ڈالر کی قیمت میں بالترتیب 25 پیسے اور 54 پیسے مہنگا ہوا تھا۔

سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے پہلے کاروباری روز کے دوران انٹر بینک میں روپے کے مقابلے میں امریکی ڈالر مزید 11 پیسے مہنگا ہو گیا اور قیمت 153 روپے 55 پیسے سے بڑھ کر 153 روپے 66 پیسے ہو گئی ہے۔

دوسری طرف پاکستان سٹاک مارکیٹ میں رواں ہفتے کے پہلے کاروباری روز کے دوران 752.74 پوائنٹس کی بدترین مندی ہوئی ہے۔

ٹریڈنگ کے دوران مندی کے باعث 44 ہزار کی نفسیاتی حد گر گئی ایک موقع پر انڈیکس 43471.19 پوائنٹس کی سطح کو پہنچ گیا تھا تاہم کاروبار کے اختتام پر معمولی تیزی کے باعث مندی کے اثرات زائل ہوئے۔

پاکستان سٹاک مارکیٹ میں رواں ہفتے کے پہلے کاروباری روز کے دوران 100 انڈیکس 752.74 پوائنٹس کی مندی کے بعد 43548.21 پوائنٹس کی سطح پر پہنچ گیا۔ پورے کاروباری روز کے دوران 1.7 فیصد کی تنزلی دیکھی گئی اور 13 کروڑ 91 لاکھ 98 ہزار 266 شیئرز کا لین دین ہوا جس کے باعث سرمایہ کاروں کو 150 ارب روپے سے زائد کا نقصان برداشت کرنا پڑا۔

کابل: افغانستان کے صدر اشرف غنی نے ملک میں نئی سیاسی حکومت کے قیام اور پائیدار امن کے لیے تین مرحلوں پر مشتمل ’’ پیس روڈ میپ‘‘ تیار کرلیا ہے جسے وہ اس ماہ ترکی میں ہونے والے ایک اہم اجلاس میں پیش کریں گے۔

عالمی خبر رساں ادارے کے مطابق امریکا اس ماہ اقوام متحدہ کی مدد سے ترکی میں ایک کانفرنس منعقد کرانے کی کوشش کر رہا ہے جس میں افغانستان سے غیر ملکی فوجیوں کے انخلا، پائیدار امن اور نئی سیاسی حکومت کے قیام پر غور کیا جائے گا۔

افغان صدر اشرف غنی نے اس کانفرنس میں تین مرحلوں پر مشتمل ایک امن منصوبہ پیش کریں گے۔ پہلے مرحلے میں صدارتی عہدے سے علیحدگی، فریقین کے درمیان سیاسی تصفیے کے لیے قابل عمل معاہدے کا طے پانا اور عالمی قوتوں کی نگرانی میں جنگ بندی کو یقینی بنانا شامل ہے۔

دوسرے مرحلے میں صدارتی انتخابات کا انعقاد کیا جائے گا اور منتخب صدر کو نئے سیاسی نظام کا ڈھانچہ ترتیب دینا ہوگا اور سیاسی حکومت کے قیام کے لیے اقدامات اٹھائے جائیں گے۔

تیسرے اور آخری مرحلے میں سیاسی حکومت آئین سازی کرے گی، تارکین وطن سے متعلق مسائل کو حل کیا جائے گا، ملک کی ترقی اور عوام کی فلاح و بہبود کے لیے کام کیا جائے گا۔

افغانستان کے ایک سینئر سرکاری عہدیدار نے عالمی خبر رساں ادارے کو بتایا کہ اشرف غنی پہلے ہی اپنا روڈ میپ کا غیرملکی دارالحکومتوں کے ساتھ اشتراک کر چکے ہیں تاہم طالبان سے اس ایجنڈے پر تاحال کوئی بات نہیں ہوسکی ہے۔

قبل ازیں امریکا غیرملکی فوجیوں کے یکم مئی تک انخلا میں تاخیر کا عندیہ دیتے ہوئے افغانستان میں تمام فریقین پر مشتمل نگراں حکومت کے قیام کی تجویز دے چکا ہے جسے کابل حکومت نے مسترد کردیا تھا تاہم طالبان نے نیم رضامندی ظاہر کی تھی۔

انڈونیشیا کے مشرقی علاقوں اور ہمسایہ ملک مشرقی تیمور میں طوفانی بارشوں اور لینڈ سلائیڈنگ کے نتیجے میں 97 افراد ہلاک اور کئی لاپتہ ہوگئے جبکہ حکام نے خدشہ ظاہر کیا ہے کہ ہلاکتوں میں مزید اضافہ ہوسکتا ہے۔

خبرایجنسی رائٹرز کی رپورٹ کے مطابق انڈونیشیا اور مشرقی تیمور میں سیروجا سائیکلون کے باعث سیلاب اور لینڈ سلائیڈنگ سے 97 سے زائد افراد ہلاک اور ہزاروں افراد بے گھرہو گئے ہیں۔

ڈیزاسٹر ایجنسی بی این پی بی کا کہنا تھا کہ انڈونیشیا کے شمال اور مشرقی علاقوں میں واقع کئی جزیروں میں 70 سے زائد افراد ہلاک ہوئے جبکہ 70 سے زائد لاپتہ ہیں۔

دوسری جانب مشرقی تیمورکی حکومت کا کہنا تھا کہ کئی جزیروں میں 27 افراد ہلاک اور 7 ہزار سے زائد بے گھر ہوگئے ہیں۔

لیمباٹا کی ضلعی حکومت کے نائب سربرا تھامس اولا لینگوڈے کا کہنا تھا کہ لاشیں کی تلاش کے لیے ربڑ کی کشتیاں استعمال کر رہے ہیں، کئی گاؤں میں مزید سیلاب آگیا ہے۔

بی این پی بی کے ترجمان کا کہنا تھا کہ انڈونیشیا میں تقربیاً30 ہزار افراد متاثر ہوئے ہیں اور کئی افراد پہلے ہی پناگاہوں میں منتقل ہوگئے ہیں لیکن امدادی کاموں میں مشکلات پیش آرہی ہیں۔

قبل ازیں ایک رپورٹ میں بتایا گیا تھا کہ طوفانی بارش کی وجہ سے آنے والے سیلاب نے انڈونیشیا کے فلورس جزیرے سے لے کر مشرقی تیمور تک پھیلے جزیروں پر تباہی مچائی۔

طغیانی اور اس کے نتیجے میں لینڈ سلائیڈنگ کے باعث ڈیم اوور فلو ہوگئے جس کی وجہ سے ہزاروں مکانات ڈوب گئے اور اس کے نتیجے میں پھنسے ہوئے متاثرین تک پہنچنے میں امدادی ورکرز کو مشکلات کا سامنا ہے۔

انڈونیشین ڈیزاسٹر مِٹیگیشن ایجنسی کے ترجمان رادتیا جاتی نے صحافیوں کو بتایا کہ ‘چار ذیلی اضلاع اور 7 دیہات متاثر ہوئے ہیں، جائے وقوع پر موجود اپنی ٹیم کے ساتھ اعداد و شمار کی تصدیق کرنے کے بعد ہمیں معلوم ہوا ہے کہ 41 افراد ہلاک ہو چکے ہیں تاہم 27 افراد تاحال لاپتا ہیں اور 9 افراد زخمی ہیں’۔

مشرقی فلورس میونسپلٹی میں کچے مکانات، پل اور سڑکیں ڈوب گئیں جہاں بارش اور تیز لہروں کی وجہ سے امدادی کارکن دور دراز اور شدید متاثرہ علاقوں تک پہنچنے کے لیے کوششیں کر رہے ہیں۔

حکام نے بتایا کہ ہمسایہ ملک مشرقی تیمور کے دارالحکومت دلی میں سیلاب سے 11 افراد ہلاک ہوگئے۔

سیکریٹری برائے شہری تحفظ جوقم جوز گزماؤ دوز ریس مارٹنز نے صحافیوں کو بتایا کہ ‘ہم اب تک قدرتی آفت سے متاثرہ علاقوں کو تلاش کر رہے ہیں’۔

حکام نے خبردار کیا کہ ہلاکتوں اور زخمیوں کی تعداد میں اضافہ ہوسکتا ہے۔

مشرقی فلورس کے ڈپٹی ریجنٹ اگسٹینس پیونگ بولی نے اندازہ لگایا کہ ان کے علاقے میں 60 ہلاکتیں ہوئی ہیں۔

ان کا کہنا تھا کہ ‘ان میں سے 55 افراد لمنیلے گاؤں کے تھے، یہاں زیادہ لوگ ہلاک اس لیے ہوئے کیونکہ گاؤں کو سیلاب کے ساتھ ساتھ لینڈ سلائیڈنگ نے بھی متاثر کیا’۔

زخمی متاثرین کو ہمسایہ دیہاتوں، جو سیلاب سے متاثر نہیں ہوئے اور مقامی ہسپتال اور صحت کی سہولیات میں منتقل کردیا گیا ہے۔

واضح رہے کہ اس سے قبل جنوری کے مہینے میں انڈونیشیا کے مغربی جاوا میں سمیڈانگ میں طوفانی سیلاب سے 40 افراد ہلاک ہوگئے تھے۔

بنگلا دیش میں کارگو جہاز سے ٹکرانے کے بعد کشتی الٹنے کے نتیجے میں کم از کم 26 افراد ہلاک ہو گئے۔

غیر ملکی میڈیا کے مطابق بنگلا دیش کے شیتا لکھیا دریا میں 100 سے زائد مسافروں سے بھری چھوٹی مسافر کشتی ایک کارگو جہاز سے ٹکرانے کے بعد الٹ گئی۔

بنگلادیشی میڈیا کے مطابق اتوار کے روز پیش آنے والے حادثے میں اب تک 26 افراد کی ہلاکت کی تصدیق ہو چکی ہے، 5 لاشیں گزشتہ روز ہی نکال لی گئی تھیں جبکہ مزید 21 لاشیں پیر کے روز نکالی گئیں۔

پولیس اور عینی شاہدین کا بتانا ہے کہ حادثے کے فوری بعد کارگو جہاز موقع سے فرار ہو گیا۔

بنگلا دیشی حکام کا کہنا ہے کہ حادثے میں ہلاک ہونے والوں کو 25000 ٹکا فی کس معاوضہ دیا جائے گا جبکہ حادثے کی تحقیقات کے لیے کمیٹی بھی قائم کر دی گئی ہے۔

تائپی: تائیوان میں ٹرین ایک ٹنل میں حادثے میں 50 سے زائد ہلاکتوں پر وزیر ٹرانسپورٹ لین چیالنگ نے اپنے عہدے سے استعفیٰ دیدیا۔

عالمی خبر رساں ادارے کے مطابق تائیوان کے وزیر ٹرانسپورٹ لین چیالنگ نے ٹنل کے اندر مسافر بردار ٹرین کے ٹرک سے ٹکرانے پر 50 افراد کی ہلاکت کی ابتدائی تفتیشی رپورٹ سامنے آنے کے بعد اپنے عہدے سے استعفیٰ دیدیا۔

دو روز قبل تائیوان میں 500 سیاحوں سے بھری تیز رفتار ٹرین ٹنل کے اندر ایک ٹرک سے ٹکرانے کی وجہ سے خوفناک حادثے کا شکار ہوگئی تھی جس کے نتیجے میں 50 افراد ہلاک اور 60 سے زائد زخمی ہوگئے تھے۔