All posts by News Editor

ممبئی: بالی ووڈ کے مسٹر پرفیکشنسٹ عامر خان کا کہنا ہے کہ وہ جس اداکارہ کے ہاتھ پر تھوک دیں وہ نمبر ون بن جاتی ہے۔

بالی ووڈ ہدایت کارہ اور کوریوگرافر فرح خان نے ایک انٹریو میں انکشاف کیا ہے کہ اداکار عامر خان شوٹنگ کے دواران فلم کے سیٹ پر بہت مستی کرتے ہیں اور اکثر اپنی ساتھی فنکاروں کے ساتھ پرینک (مذاق) بھی کرتے ہیں لیکن ان کی ایک عجیب عادت ہے جو وہ کئی عرصہ سے کرتے ہوئے آرہے ہیں۔

فرح خان نے کہا کہ عامر خان سیٹ پر موجود ہر نئے شخص کو کہتے ہیں ’’اپنا ہاتھ دکھاو، میں تمہاری ہاتھ کی لکیریں پڑھ کر بتاتا ہوں اور جیسے ہی وہ شخص اپنا ہاتھ آگے بڑھاتا ہے، عامر خان اس پر تھوک دیتا ہے‘‘۔
رپورٹس کے مطابق جب خود اداکار عامر خان سے یہ سوال پوچھا گیا تو انہوں نے مسکراتے ہوئے جواب دیا ’’میں نے جس جس ہیروئن کے ہاتھ پر تھوکا ہے وہ نمبر ون بن گئیں‘‘۔

بالی ووڈ اداکار پوجا بیدی کو جب اس بات کا علم ہوا تو انہوں نے ہنستے ہوئے کہا ’’میں اپنی بیٹی عالیہ سے کہوں گی کہ وہ عامر انکل سے ضرور ملیں تاکہ وہ تمہارے ہاتھ پر ایک بار تھوک دیں اور تم نمبر ون بن جاو‘‘۔

وفاقی تحقیقاتی ادارے (ایف آئی اے) کی جانب سے لاہور سینٹرل کی خصوصی عدالت میں گلوکارہ میشا شفیع سمیت دیگر 9 افراد کے خلاف پیش کیے گئے چالان کی کاپی منظرعام پر آ گئی.

ایف آئی اے کی جانب سے خصوصی ٹرائل عدالت میں پیش کیے گئے حتمی چالان میں 9 افراد کو نامزد کیا گیا ہے۔

نامزد کی جانے والی شخصیات میں گلوکارہ میشا شفیع، عفت عمر، ماہم جاوید، لینا غنی، حسیمس زمان، فریحہ ایوب، سید فیضان رضا، حمنہ رضا اور علی گل پیر شامل ہیں۔

ایف آئی اے نے ابتدائی طور پر خصوصی عدالت میں دسمبر 2020 میں عبوری چالان پیش کیا تھا بعد ازاں وفاقی تحقیقاتی ادارے نے میشا شفیع سمیت تمام افراد کے خلاف حتمی چالان بھی پیش کیا تھا۔

ایف آئی اے کی جانب سے پیش کیے گئے چالان میں بتایا گیا کہ میشا شفیع گلوکار علی ظفر پر لگائے گئے جنسی ہراسانی کے واقعے سے متعلق کوئی بھی گواہ پیش نہ کر سکی تھیں۔

چالان میں بتایا گیا کہ ایف آئی اے کی جانب سے طلب کیے جانے پر گلوکارہ نے پیش ہوکر بیان ریکارڈ کروایا تھا مگر وہ کسی بھی گواہ کو پیش کرنے میں کامیاب نہ ہوسکیں۔

چالان کے مطابق میشا شفیع نے بتایا کہ انہوں نے جنسی ہراسانی سے متعلق مفاد عامہ کی خاطر ٹوئٹ کی تھی۔

چالان میں بتایا گیا کہ ملزمہ حمنہ رضا طلبی کے باوجود ایف آئی اے کے سامنے پیش نہیں ہوئی تھیں۔

خصوصی عدالت میں پیش کیے گئے چالان کے ساتھ تمام نامزد 9 ملزمان کے سوشل میڈیا اکاؤنٹس کی تفصیلات بھی منسلک کی گئی ہیں۔

چالان میں ٹرائل کورٹ سے میشا شفیع، حمنہ رضا اور ماہم جاوید سمیت 9 ہی نامزد ملزمان کے خلاف ٹرائل شروع کرنے کی اپیل کی گئی ہے۔

واضح رہے کہ ابتدائی طور پر ایف آئی اے نے 16 دسمبر 2020 کو عدالت میں چالان جمع کروایا تھا، جس میں میشا شفیع سمیت تمام ملزمان کو علی ظفر کے خلاف جھوٹی مہم چلانے کا ذمہ دار قرار دیا گیا تھا۔

یہ کیس میشا شفیع اور علی ظفر کے درمیان ہتک عزت کے کیس سے مختلف ہے۔

میشا شفیع اور علی ظفر کے درمیان ہتک عزت کا کیس بھی گزشتہ دو سال سے زیر سماعت اور تاحال اس کا بھی کوئی فیصلہ نہیں آ سکا۔

علی ظفر اور میشا شفیع کے خلاف قانونی جنگ کا اس وقت ہوا تھا جب کہ اپریل 2018 میں میشا شفیع نے ساتھی گلوکار پر جنسی ہراسانی کا الزام لگایا تھا، جسے علی ظفر نے مسترد کردیا تھا۔

بعد ازاں علی ظفر نے جھوٹا الزام لگانے پر میشا شفیع کے خلاف ایک ارب ہرجانے کا دعویٰ دائر کیا تھا، جس کی سماعتیں جاری ہیں اور پھر علی ظفر نے ہی میشا شفیع سمیت دیگر 9 ملزمان کے خلاف سوشل میڈیا پر جھوٹی مہم چلانے پر ایف آئی اے میں سائبر کرائم کی شکایت کی تھی۔

انگلینڈ نے میوزیکل تعلیم کے لیے نئے کورسز اور نصاب میں پاکستان اور بھارت سمیت درجنوں ممالک کی موسیقی کو شامل کرلیا۔

برطانوی حکومت کے مطابق انگلینڈ کے محکمہ تعلیم نے 26 مارچ کو تعلیمی اداروں میں موسیقی کی تعلیم سے متعلق نیا نصاب جاری کیا، جس میں پاکستان، انڈونیشیا، برازیل، بھارت، اسرائیل، روس، جاپان، مشرق وسطیٰ، نائیجیریا اور زمبابوے سمیت درجنوں ممالک کی موسیقی کو شامل کیا گیا۔

موسیقی کے جاری نئے نصاب میں انگلینڈ کی ہی میوزیکل تنظیم ’دی ڈرم فاؤنڈیشن‘ کے ارکان کے پاکستانی موسیقار کی ڈھول کی موسیقی کو نصاب کا حصہ بنایا ہے۔

حکومتی ویب سائٹ کے مطابق ڈھول فاؤنڈیشن میں شامل پاکستانی ڈھول کو بھی نئے میوزیکل تعلیمی نصاب کا حصہ بنایا گیا ہے.
پاکستان کے علاوہ بھارت، برازیل، اسرائیل اور انڈونیشیا کی موسیقی کو بھی نئے نصاب کا حصہ بنایا گیا ہے اور مذکورہ نصاب مختلف سطح کی تعلیم کے دوران پڑھایا جائے گا۔

نصاب میں شامل موسیقی اور گانوں کو نہ صرف تعلیم حاصل کرنے والے بچوں کو سنایا اور سکھایا جائے گا بلکہ انہیں ایسی ہی موسیقی تیار کرنے کی ترغیب بھی دی جائے گی۔

مذکورہ نصاب کا مقصد موسیقی کی تعلیم حاصل کرنے والے بچوں کو یہ سمجھانا ہے کہ دنیا کے کس خطے اور ملک میں کس طرح کی موسیقی کو روایتی حیثیت حاصل ہے۔

ممبئی: بالی ووڈ کے 66 ویں فلم فیئرز ایوارڈ میں عرفان خان نے بہترین اداکار اور تاپسی پنوں نے بہترین اداکارہ کا ایوارڈ اپنے نام کرلیا۔

بھارتی میڈیا رپورٹ کے مطابق ہر سال کی طرح اس سال بھی فلم فیئر ایوارڈ کا میلہ سجایا گیا جس میں اس بار تاپسی پنوں کی فلم ’’تھپڑ‘‘ نے سات ایوارڈز حاصل کرکے میلہ لوٹ لیا۔ اداکار آیوشمان کھرانہ اور امیتابھ بچن کی فلم 6 ایوارڈز اپنے نام کرکے دوسرے نمبر پر رہی۔

مختلف کیٹگری میں کانٹے دار مقابلے دیکھنے میں آئے جس میں ایک مقابلہ بہترین اداکار اور اداکارہ کا بھی تھا۔ بہترین اداکارہ کا ایوارڈ تاپسی پنوں کو نصیب ہوا جب کہ بہترین اداکار کا ایوارڈ آنجہانی اداکار عرفان خان کو فلم ’’انگریزی میڈیم‘‘ میں لازوال اداکاری کی وجہ سے دیا گیا۔

فلم فیئز ایوارڈ میں تاپسی پنوں ہی چھائی رہیں کیوں کہ بہترین اداکارہ کا ایوارڈ حاصل کرنے والی تاپسی کی فلم ’ تھپڑ ‘ بہترین فلم بھی قرار پائی۔

بہترین ہدایت کار کا ایوارڈ فلم ’’ تنہا جی‘‘ کے ہدایت کار اوم راوت کو دیا گیا جب کہ اسی فلم میں اداکاری کرنے والے سیف علی خان معاون اداکار کا ایوارڈ حاصل کرنے میں کامیاب رہے۔

بہترین معاون اداکارہ کا ایوارڈ سینئر اداکارہ فرخ جعفر کو فلم ’’گلابو ستابو‘‘ میں اداکاری کے سبب دیا گیا۔ گلوکاری کی کیٹگری میں میل پلے بیک سنگر کا ایوارڈ راگھو چیٹانیاں کو گیت ’’ایک ٹکڑا دھوپ‘‘ جب کہ اسیس کور کو ملنگ گیت کی وجہ سے فی میل پلے بیک سنگر کا ایوارڈ ملا۔

جنوبی افریقا کے خلاف ون ڈے سیریز سے قبل پاکستان وائٹ بال اسکواڈ کی تیاریوں کا سلسلہ جاری ہے۔

پاکستان اور جنوبی افریقا کی ٹیموں کے درمیان پہلا ون ڈے میچ 2 اپریل کو کھیلا جائے گا۔

قومی ٹیم پیر کودوپہر کے سیشن میں سپر اسپورٹس پارک سینچورین میں ٹریننگ کرے گی اور یہ قومی ٹیم کا سینچورین میں دوسرا ٹریننگ سیشن ہو گا۔

‏ پہلے سیشن میں ٹیم نے اسٹیڈیم میں فزیکل ٹریننگ کی اور فیلڈنگ کی مشقیں کیں لیکن اس کے بعد سینچورین میں بارش شروع ہو گئی جس سے پہلا سیشن متاثر ہوا اور اس کے بعد اسکواڈ نے انڈور بولنگ اور بیٹنگ کی مشقیں کیں۔

‏ پاکستان ٹیم پریٹوریا میں جہاں مقیم ہے وہاں بھی کرکٹرز کو بائیو سکیور ببل میں رہتے ہو ئے چہل قدمی اور رننگ کی اچھی سہولت میسر ہے، گولف کورس بھی متصل ہے لیکن اسکواڈ میں شامل افراد کو گولف کورس جانے کی اجازت نہیں ہے البتہ رہائشی کمروں کے سامنے کھلے ایریا میں گولف پریکٹس کی جا سکتی ہے۔

اس طرح ‏محمد حفیظ اور بولنگ کوچ وقار یونس گولف کا شوق پورا کر سکیں گے جب کہ ‏ بیٹنگ کوچ یونس خان نے لیک میں فشنگ کا شوق بھی پورا کیا۔

کپتان بابر اعظم حسن علی اور شاہین شاہ آفریدی بھی اس موقع پر موجود تھے، یونس خان کی کرکٹرز کے ساتھ فشنگ کی ویڈیو بھی سوشل میڈیا پر وائرل ہو چکی ہے۔

پاک بھارت کرکٹ سیریز کے حوالے سے سابق کپتان جاوید میانداد نے خوش فہمی کا شکار ہونے سے صاف انکار کردیا، وہ کہتے ہیں کہ جب کچھ طے ہوجائے گا تب ہی اس پر بات کروں گا، سیاسی فائدہ اٹھانے کیلیے بھارتی سرکار ہوائی فائر کرتی ہے، ہماری کرکٹ کو فکسنگ نے تباہ کردیا، بورڈ کو جب کھلاڑیوں کے بارے میں بتاتا تو وہ میری بات نہیں سنتے تھے، باہر سے آنے والوں کو سرآنکھوں پر بیٹھایا جاتا جبکہ مقامی لوگوں کو 2 منٹ میں اٹھاکر باہر پھینک دیا جاتا ہے۔

ایک نجی ٹی وی کو انٹرویو میں ان کا کہنا تھا کہ بھارت کے اوپر اعتبار نہ کریں، جب کچھ شیڈول ہوجائے گا تب بات کروں گا، یہ لوگ اپنے مطلب کیلیے ہوائی فائر کرتے ہیں، ہمیں دو ٹوک الفاظ میں کہنا چاہیے کہ آنا چاہتے ہو آؤ نہیں آنا نہیں آنا تو نہ آؤ، ہمیں کوئی فکر نہیں ہے۔

الیکشن کی وجہ سے ایسی باتیں کی جاتی ہیں، ان کے نہ کھیلنے سے ہمیں کوئی نقصان نہیں ہوا، ہماری کونسی کرکٹ ختم ہوگئی۔ پاکستان ٹیم کی پرفارمنس کے حوالے سے جاوید میانداد کا کہنا تھا کہ ہماری کوچنگ اچھی نہیں ہورہی، ان لوگوں کو لے کر آئیں جن کی اپنی کرکٹ اچھی رہی ہو، جو اپنی فیلڈ میں ماہر ہو وہی آگے اچھا کھیلنا سیکھا سکتا ہے، جو کچھ میں نے سیکھا میں وہی آگے سیکھانے کی کوشش کروں گا، خود سے پریشر ہٹانے کیلیے باہر سے لوگوں کو لایا گیا ہے، مقامی لوگوں کو بورڈ سے دو منٹ میں اٹھاکر باہر پھینک دیا جاتا ہے۔

ایک سوال پر جاوید میانداد نے کہا کہ ہمیں فکسنگ نے تباہ کیا، جب آپ آؤٹ ہونے کے پیسے لیتے ہیں تو کیسے اوپر جائیں گے، لڑکوں کے فکسنگ میں پڑنے کی وجہ سے میں نے کرکٹ چھوڑی، فکسنگ میں پرفارم نہ کرنے کا پیسہ لیتے ہیں،کوچنگ بھی اسی لیے چھوڑی، ساری ٹیم کے بارے میں بورڈ کو بتایا مگر وہ مانتے ہی نہیں تھے، کھیلنے کے انداز سے ہی معلوم ہوجاتا ہے کہ آگے والا کیا کھیل کھیل رہا ہے، کئی بار تو رات کو ہی معلوم ہوجاتا تھا کہ اگلے روز میچ میں کیا ہونے والا ہے۔

کولمبو: ایک اور کھلاڑی نے مسلسل چھکے لگا دیئے، آل راؤنڈر تھیسارا پریرا ایک اوور میں 6 چھکے لگانے والے سری لنکا کے پہلے کرکٹر بن گئے ہیں۔

واضح رہے کہ اس کے ساتھ ہی پریرا ایک ہی اوور میں 6 چھکے لگانے والے کھلاڑیوں کی اس چھوٹی سی فہرست میں شامل ہوگئے جس میں پہلے سے ہی گیری سوبرز، روی شاستری، ہرشیل گبز، یوراج سنگھ، روس وائٹلے، حضرت اللّٰہ زازئی، لیو کارٹر اور کیرون پولارڈ شامل ہیں۔

غیر ملکی میڈیا رپورٹ کے مطابق سری لنکن آل راؤنڈر نے ڈومیسٹک کرکٹ میں لسٹ اے میچ میں یہ کارنامہ انجام دیا۔

سری لنکا آرمی کے کپتان تھیسارا پریرا نے بلوم فیلڈ کرکٹ اینڈ ایتھلیٹک کلب کے اسپن بولر دِلہان کورے کی ایک نہ چلنے دی۔
انھوں نے جب شاٹ لگانے شروع کیے تو ایک، دو یا تین نہیں بلکہ ایک اوور کی تمام چھ گیندوں پر چھکے لگا ڈالے۔ اپنی اننگز میں انھوں نے 13 گیندوں پر 52 رنز کی شاندار اننگز کھیلی۔

خیال رہے کہ یہ کسی بھی طرز کی کرکٹ میں کسی بھی سری لنکن کھلاڑی کی جانب سے ایک ہی اوور میں چھ چھکے لگانے کا پہلا کارنامہ ہے۔

پونے: بھارتی کپتان ویرات کوہلی کا انگلینڈ کے خلاف ٹاس ہارنے کا سلسلہ طول پکڑنے لگا۔

وہ انگلش ٹیم کے خلاف میچز میں 35 میں سے صرف 8 مرتبہ ہی ٹاس جیت پائے ہیں، دلچسپ بات یہ ہے کہ رواں ہوم سیریز کے دوران 12 میں سے 10 مرتبہ سکہ کوہلی کی کال کے برعکس گرا۔ دلچسپ بات یہ ہے کہ کوہلی کی اپنے ملک میں بیٹنگ پر غیرمستقل مزاجی کا شکار ہے، انھوں نے آخری مرتبہ ہوم گراؤنڈز پر سنچری 22 نومبر 2019 میں بنگلہ دیش کے خلاف پنک بال ٹیسٹ میں بنائی تھی۔

اس کے بعد سے اب تک وہ تمام فارمیٹس میں 17 مرتبہ 50 کا ہندسہ عبور کرچکے ہیں تاہم 100 کے ہندسے تک پہنچنے میں ناکام ثابت ہوئے ہیں، انگلینڈ سے حالیہ سیریز میں انھوں نے 7 ففٹیز اسکور کی ہیں۔

کراچی کے قریب بحیرہ عرب میں ہونے والی قومی سیلنگ چیمپین شپ میں پاکستان نیوی نے کلین سوئپ کر لیا۔

تفصیل کے مطابق کراچی کے قریب بحیرہ عرب کے کھلے سمندر میں قومی سیلنگ کے زبردست مقابلے ہوئے۔ قومی چمپئین شپ میں پاکستان نیوی نے کلین سوئپ کر لیا۔

تینوں کلاس کے مقابلوں میں پاکستان نیوی کے سیلرز چھا گئے۔ لیژر سٹینڈر میں نیوی کے مزمل حسن نے پہلی پوزیشن لے لی۔ فور سیونٹی 470 کلاس میں نیوی کے رحمان الحق اور خالد حسین فاتح قرار پائے۔

آر ایس ایکس کلاس میں پاکستان نیوی کے قاسم عباس فاتح رہے۔ نیشنل سیلنگ چیمپین شپ میں 46 سیلرز نے حصہ لیا۔

پاکستان نیوی، آرمی، ایئر فورس اور سندھ کی ٹیموں کے درمیان مقابلے ہوئے۔ قومی سیلرز نے کہا کہ اگر موقع ملے تو اولمپکس میں بھی پاکستان کا نام روشن کرنے کی صلاحیت رکھتے ہیں۔

: وزیر اعلیٰ عثمان بزدار کی زیر صدارت کابینہ کمیٹی برائے کورونا کا اجلاس، اجلاس میں حکومت کی جانب سے سخت فیصلے کئے گئے۔

تفصیلات کے مطابق لاہور سمیت صوبہ بھر میں کورونا کی بگڑتی صورتحال کے پیش نظر کابینہ کمیٹی کا اجلاس ہوا، جس میں میٹرو بس سروس اور اورنج لائن کو بند کرنے کا فیصلہ کیا گیا ہے۔

دوسری جانب شہر میں کوروناوائرس کے بڑھتے وار تیزی سے جاری ہیں۔ گزشتہ 24 گھنٹوں میں9 افرادجان کی بازی ہارگئے۔ لاہور میں کوروناکے1 ہزار 478 نئےمریض رپورٹ ہوچکے ہیں۔ ہسپتالوں میں کوروناکے154 مریضوں کی حالت تشویشناک ہے جبکہ شہر میں کورونا مثبت کیسز کی شرح 20 فیصد تک پہنچ گئی ہے۔ شہریوں کی جانب سے وائرس کو سنجیدگی سے نہیں لیا جارہا ہے۔ایک طرف شہریوں کی جانب سے ماسک کا استعمال نہیں کر رہے تو دوسری طرف دوسرے حفاظتی انتظامات سے بھی لاپرواہی برتی جارہی ہے۔شہریوں کو کورونا ایس او پیز اپنانے اور ان پر عمل کروانے کے لئے پولیس آگاہی مہم کے ساتھ اب تک سینکڑوں مقدمات کا اندراج بھی کر چکی ہے۔