All posts by News Editor

پاکستان کی معروف اداکارہ مہوش حیات نے پاکستان میں خواتین پر جنسی تشدد اور امتیازی سلوک کے بڑھتے ہوئے واقعات کے خلاف کارروائی کا مطالبہ کردیا۔

خیال رہے کہ 20 جولائی کو وفاقی دارالحکومت اسلام آباد میں ملزم ظاہر جعفر کی جانب سے قتل کی گئی سابق سفارت کار کی بیٹی 27 سالہ نور مقدم اور حیدرآباد میں شوہروں کی جانب سے قتل کی جانے والی قرۃ العین اور صائمہ کے قتل کے بعد شوبز شخصیات حکومت کی کارکردگی سے نالاں ہیں۔

مہوش حیات نے بھی دیگر شوبز شخصیات کی طرح حکومت سے کارروائی کرنے کا مطالبہ انسٹاگرام پر شیئر کی گئی اسٹوریز اور ٹوئٹس میں کیا۔

اداکارہ نے لکھا کہ ‘ہیش ٹیگز اور نعروں کا وقت ختم ہوچکا، ہم یہ جاننے کا مطالبہ کرتے ہیں کہ حکومت نظام کو تبدیل کرنے کے لیے کیا کرنے جارہی ہے’۔

انہوں نے مزید لکھا کہ معاشرے میں جنسی و صنفی تشدد اور امتیازی سلوک کی دیگر اقسام کو معاشرے کو تبدیل کیے بغیر ختم نہیں کیا جاسکتا۔

مہوش حیات نے مزید لکھا کہ ‘وقت آگیا ہے کہ خواتین اپنا بیانیہ پیش کریں، ہمیں خاموشی میں نشانہ نہیں بنایا جائے گا، ہم اپنی زندگیوں سے متعلق کسی کی وضاحت قبول نہیں کریں گے لیکن صرف اپنی کریں گے’۔

انہوں نے مزید کہا کہ ‘یہ پیغام ارسال کرنے میں مردوں کا بھی ایک اہم کردار ہے کہ حقیقی مرد اپنی ساتھیوں کو نقصان نہیں پہنچاتے یا ان کے ساتھ بدسلوکی نہیں کرتے’۔

مہوش حیات نے نشاندہی کی کہ صنفی تشدد سے متعلق ملک میں قوانین موجود ہیں، ان قوانین کے نفاذ کو ایسے طریقے سے زیادہ سخت بنانے کی ضرورت ہے کہ وہ متاثرہ افراد کے لیے کم تکلیف دہ ہوں۔

اداکارہ مہوش حیات نے کہا کہ ہر فرد کو تشدد اور زیادتیوں سے پاک محفوظ اور آزاد زندگی گزارنے کا بنیادی حق حاصل ہے۔

انہوں نے مزید کہا کہ کسی کو بھی خوف میں زندگی نہیں گزارنی چاہیے، یہ قابلِ قبول نہیں ہے اور اسے نظر انداز بھی نہیں کیا جاسکتا۔

مہوش حیات نے مزید لکھا کہ کارروائی کرنے کی ضرورت ہے، اس سے قبل کہ کوئی اور متاثرہ فرد ایک ہیش ٹیگ بن جائے۔

ممبئی: بھارتی اداکارہ و ماڈل شرلین چوپڑا نے شلپا شیٹھی کے شوہر اور بزنس مین راج کندرا پر جنسی زیادتی کاا لزام لگایا ہے۔

فحش فلموں کے ریکٹ میں ممبئی کرائم برانچ کے سامنے اپنا بیان دینے کے لیے پیش ہونے والی بالی ووڈ اداکارہ و ماڈل شرلین چوپڑا نے چونکانے والا انکشاف کیا ہے۔ ایک بھارتی میڈیا میں شائع ہونے والی رپورٹ کے مطابق شرلین چوپڑا نے الزام لگایا ہے کہ راج کندرا نے انہیں مارچ 2019 میں جنسی زیادتی کا نشانہ بنایا۔

اداکارہ نے مزید کہا کہ ماضی میں راج کندرا نے کام کے متعلق بات چیت کے لیے ان کے بزنس مینیجر سے رابطہ کیا تھا۔ ان کی میٹنگ 27 مارچ 2019 کوہوئی۔ بعد ازاں ایک بحث کے بعد راج کندرا بغیر بتائے ان کے گھر چلے آئے۔ رپورٹس کے مطابق شرلین نے مزید کہا کہ کندرا نے مزاحمت کے باوجود ان کا بوسہ لینا شروع کردیا۔ اداکارہ نے بتایا کہ انہوں نے راج کندرا کو کہا تھا کہ وہ ایک شادی شدہ مرد کے ساتھ کسی بھی قسم کے تعلق میں کوئی دلچسپی نہیں رکھتیں۔

جس پر راج کندرا نے ان سے کہا کہ وہ زیادہ تر تناؤ رہتے ہیں اس کے علاوہ انہوں نے شلپا شیٹھی کے ساتھ اپنے رشتے کو پیچیدہ قرار دیا۔ اداکارہ شرلین نے بیان دیا کہ وہ راج کندرا سے خوفزدہ تھیں، انہوں نے دھکا دے کر کندرا کو خود سے دور کیا اور واش روم میں بھاگ گئیں۔

رپورٹس کے مطابق شرلین چوپڑا نے اپریل 2021 میں راج کندرا کے خلاف جنسی زیادتی کی ایف آئی آر درج کروائی تھی۔ راج کندرا پر آئی پی سی کی دفعات 376، 384، 415، 420 ، 506 ، 354 کی شق اے بی ڈی ودیگر شامل ہیں۔ اس سے قبل شرلین چوپڑا نے دعویٰ کیا تھا کہ وہ ان چند پہلے لوگوں میں شامل ہیں جنہوں نےبالغ فلم ریکٹ کے خلاف آواز اٹھائی۔

دوسری جانب ممبئی کی ایک عدالت نے بدھ کے روز راج کندرا کی ضمانت کی درخواست مسترد کردی تھی اور انہیں 14 روز کے لیے جوڈیشل ریمانڈ پر جیل بھیج دیا تھا۔

واضح رہے کہ راج کندرا فحش فلمیں بنانے اور انہیں موبائل ایپ پر چلانے کے الزام میں ممبئی پولیس کی تحویل میں ہیں۔

بھارتی کاشت کار نے اچھی کاشت اور فصل کو لوگوں کی بد نظروں سے بچانے کے لیے کھیتوں میں بولی وڈ اداکارہ سنی لیون کی انتہائی بولڈ تصاویر آویزاں کردیں۔

ٹائمز آف انڈیا کے مطابق بھارتی ریاست آندھرا پردیش کے ایک دیہات میں کسان نے اپنی 10 ایکڑ زمین میں اچھی کاشت کے لیے سنی لیون کی بکنی میں بنائی گئی بہت بڑی تصاویر آویزاں کردیں۔

کاشت کار کی جانب سے اپنی زمین میں بہت بڑے سائز کی دو بڑی تصاویر آویزاں کی گئیں جنہیں راہگیر دور سے آسانی سے دیکھ سکتے ہیں۔

تصاویر میں سنی لیون کو سرخ بکنی میں دکھایا جاسکتا ہے اور ان کی تصاویر پر مراٹھی زبان میں حسد اور جلن سے متعلق ایک قول بھی لکھا گیا ہے، جس کا مفہوم ہے کہ ان سے کوئی حسد نہ رکھے۔

کسان نے زمین پر سنی لیون کی تصاویر آویزاں کرنے سے متعلق بتایا کہ ان کی 10 ایکڑ پر مشتمل زمین پر آتے جاتے راہگیر لوگوں کی نظریں ہوتی ہیں، جس کی وجہ سے ان کی کاشت اچھی نہیں ہوتی، اس لیے انہوں نے فصل کو بد نظروں سے بچانے کے لیے مذکورہ طریقہ آزمایا۔

کسان نے دعویٰ کیا کہ سنی لیون کی بولڈ تصاویر آویزاں کرنے کے بعد ان کی فصل انتہائی اچھی ہوئی ہے اور ان کا طریقہ کام کر گیا۔

کاشت کار کے مطابق جب سے انہوں نے سنی لیون کی تصاویر کو زمین میں آویزاں کیا تب سے راہگیر لوگوں نے ان کی فصل کو بد نظروں سے دیکھنا اور گھورنا بند کردیا اور سب لوگوں کی نظریں اداکارہ کی تصاویر پر گئیں۔

خیال رہے کہ سنی لیون اپنے بولڈ انداز کی وجہ سے نہ صرف بھارت بلکہ دیگر ممالک میں بھی شہرت رکھتی ہیں۔

اداکارہ عام طور فلموں میں آئٹم سانگس پر پرفارمنس کرتی دکھائی دیتی ہیں لیکن انہوں نے چند فلموں میں کردار بھی ادا کیے ہیں۔

آخری بار سنی لیون 2019 کی رومانٹک کامیڈی فلم موتی چور چکنا چور میں آئٹم گانے پر ڈانس کرتی دکھائی دی تھیں۔

پاکستان ٹیلی وژن (پی ٹی وی) پر متعدد معروف ڈراموں میں شاندار اداکاری کرنے والی ہما میر تقریباً 12 سال بعد یاسر حسین کی ہدایت کاری میں بننے والے ڈرامے سے شوبز میں واپسی کر رہی ہیں۔

اداکار، میزبان اور لکھاری یاسر حسین نے حال ہی میں بتایا تھا کہ وہ ‘کوئل’ نامی ڈرامے کی ہدایت کاری دینے سے ڈائریکشن کی دنیا میں انٹری دیں گے۔

اب انہوں نے اپنے پہلے ڈرامے سے متعلق مزید معلومات فراہم کرتے ہوئے بتایا کہ ہما میر ان کے ڈرامے سے شوبز میں واپسی کر رہی ہیں۔

یاسر حسین نے بتایا کہ ‘کوئل’ میں منشا پاشا مرکزی کردار ادا کرتی دکھائی دیں گی اور ہما میر ان کی والدہ کے روپ میں دکھائی دیں گی۔

ہما میر ‘کوئل’ کے ذریعے 12 سال بعد چھوٹی اسکرین پر دکھائی دیں گی، وہ آخری بار کسی بھی ڈرامے میں 2010 سے پہلے دکھائی دی تھیں۔

اگرچہ ہما میر مسلسل ٹی وی اسکرین پر دکھائی دیتی رہی ہیں مگر وہ کسی بھی ڈرامے یا فلم میں اداکاری کرتی نہیں دکھائی دیں بلکہ وہ بطور مہمان اور میزبان اسکرین پر دکھائی دیں۔

یاسر حسین نے مزید بتایا کہ ‘کوئل’ ڈراما 26 اقساط پر مشتمل ہے، جسے آج انٹرٹینمنٹ سمیت اسٹریمنگ ویب سائٹ اردو فلکس پر بھی نشر کیا جائے گا۔

اداکار کے مطابق منشا پاشا ڈرامے میں گود لی بیٹی کا کردار ادا کریں گی اور ہما میر ان کی ماں کے روپ میں دکھائی دیں گی۔

یاسر حسین نے انسٹاگرام پر ‘کوئل’ کی شوٹنگ کی تصاویر بھی شیئر کیں اور ساتھ ہی منشا پاشا کی تعریف بھی کی اور لکھا کہ عموماً اچھے لوگ اچھے اداکار بھی ہوتے ہیں۔

انہوں نے ڈرامے کے دیگر اداکاروں کے ساتھ شوٹنگ کے سیٹ سے تصاویر شیئر کرتے ہوئے دوسرے اداکاروں کی بھی تعریفیں کیں۔

اگرچہ یاسر حسین پہلی مرتبہ کسی ڈرامے کی ہدایات دے رہے ہیں، تاہم وہ پہلے میوزک گانے کی ہدایات دے چکے ہیں۔

یاسر حسین کے ڈائریکٹوریل ڈیبیو ‘کوئل’ کی کہانی زنجبیل اسلم شاہ نے لکھی ہے اور فرحان گوہر پروڈیوس کر رہے ہیں۔

بولی وڈ اداکارہ شلپا شیٹی کے شوہر راج کندرا کی فحش فلموں میں گرفتاری کے بعد حیران کن خبر سامنے آئی ہے کہ عرب بولی وڈ ڈانسر نورا فتیحی، نیہا دھوپیا اور سلینا جیٹلی سمیت دیگر اداکاراؤں کو بھی جلد فحش فلموں کی پیش کش کی جانی تھی۔

ٹائمز آف انڈیا کے مطابق راج کندرا کی جانب سے بنائی گئی ایپ (ہاٹ شاٹ) کی ٹیم کی جانب سے بنائی گئی ایک مختصر ویڈیو حال ہی میں سوشل میڈیا پر وائرل ہوئی، جس میں دعویٰ کیا گیا تھا کہ جلد ہی فلموں کے لیے نامور بولی وڈ اداکاروں سے روابط کیے جانے تھے۔

رپورٹ کے مطابق ویڈیو میں ہاٹ شاٹ ٹیم کی جانب سے بتایا گیا تھا کہ جلد ہی ایپ انتظامیہ عرب ڈانسر نورا فتیحی، اداکارہ نیہا دھوپیا، سلینا جیٹلی، کم شرما، ارشی خان، غزیلی ٹھاکرال اسکارلٹ روز اور بربرا موری سے فلموں کی شوٹنگ سے متعلق رابطہ کرے گی۔

یہ واضح نہیں ہوسکا کہ ویڈیو میں مذکورہ اداکاراؤں کے فحش فلموں میں کام کرنے سے متعلق بات کہی گئی تھی یا نہیں، تاہم ہاٹ شاٹ انتظامیہ کے عہدیدار ویڈیو میں بتاتے دکھائی دیے کہ وہ ان نامور اداکاروں سے جلد رابطہ کرنے والے تھے۔

مذکورہ ویڈیو وائرل ہونے کے بعد ٹائمز آف انڈیا نے سلینا جیٹلی سے رابطہ کیا اور پوچھا کہ کیا انہیں فحش فلموں میں کام کی پیش کش کی گئی تھی؟ جس پر اداکارہ کے ترجمان نے ان دعووں کو مسترد کردیا۔

رپورٹ کے مطابق سلینا جیٹلی کے ترجمان نے واضح کیا کہ اداکارہ سے ہاٹ شاٹ ایپ کی فلموں میں کام سے متعلق کوئی پیش کش نہیں کی گئی، البتہ انہیں شلپا شیٹی کی ایک دوست نے دوسری ایپ میں کام کرنے کا کہا تھا۔

سلینا جیٹلی کے ترجمان کے مطابق اداکارہ کو شلپا شیٹی کی (جے ایل اسٹریم) نامی ایپ کے منصوبے میں کام کی پیش کش کی گئی تھی جو بہترین مواد کی ایپلی کیشن ہے۔

خیال رہے کہ ممبئی پولیس نے اداکارہ شلپا شیٹی کے شوہر صنعت کار راج کندرا کو 19 جولائی کو فحش فلمیں بنانے کے الزام میں گرفتار کیا تھا، ان کے خلاف فروری 2021 میں مقدمہ دائر ہوا تھا۔

بعد ازاں راج کندرا کو 14 دن کے ریمانڈ پر پولیس کے حوالے کردیا گیا تھا اور 27 جولائی کو انہیں ایک مرتبہ پھر مزید 2 ہفتوں کے لیے عدالتی ریمانڈ جیل بھیجا گیا۔

مذکورہ کیس میں شلپا شیٹی سے بھی پولیس نے تفتیش کی ہے اور جانچ کی جا رہی ہے کہ کہیں وہ بھی شوہر کے ساتھ فحش فلمیں بنانے کے منصوبے پر تو کام نہیں کر رہی تھیں لیکن اب تک کی سامنے آنے والی رپورٹس کے مطابق اداکارہ براہ راست ملوث نہیں رہیں۔

مبینہ طور پر اداکار عثمان مختار کو بلیک میل کرنے والی آرٹسٹ مہروز وسیم نے اداکار کی آڈیو کلپ جاری کردی۔

عثمان مختار نے 27 جولائی کو انسٹاگرام پوسٹ میں دعویٰ کیا تھا کہ انہیں ڈیڑھ سال سے ایک خاتون آرٹسٹ بلیک بیل اور ہراساں کر رہی ہیں، جن کے ساتھ انہوں نے 2016 میں ایک ویڈیو بنانے کے منصوبے میں کام کیا تھا۔

عثمان مختار نے اپنی طویل پوسٹ میں کسی بھی خاتون کا نام نہیں لیا تھا لیکن بتایا تھا کہ انہوں نے مذکورہ خاتون کے خلاف وفاقی تحقیقاتی ادارے (ایف آئی اے) میں رپورٹ درج کروادی ہے اور اب وہی خاتون کے خلاف تفتیش کرے گا۔

اداکار کے دعوے کے بعد مہروز وسیم نامی گلوکارہ اور آرٹسٹ سامنے آئی تھیں، جنہوں نے بتایا کہ ان کے خلاف ہی عثمان مختار نے ایف آئی اے میں درخواست دی ہے۔

مذکورہ خاتون نے عثمان مختار کے دعووں پر اپنی طویل پوسٹ میں اداکار کے الزامات کو مسترد کرتے ہوئے دعویٰ کیا کہ انہوں نے نہیں بلکہ انہیں اداکار نے ہراساں کیا۔

خاتون نے دعویٰ کیا تھا کہ عثمان مختار نے پیسے لینے کے باوجود ان کا ویڈیو بنانے کا کام مکمل نہیں کیا اور اداکار نے انہیں ہراساں کیا، ان کے ساتھ جسمانی چھیڑ خانی بھی کی اور پھر ان کے خلاف ہی ایف آئی اے میں درخواست دی۔

خاتون کے مذکورہ بیان کے بعد اسی خاتون نے ایک آڈیو کلپ جاری کی ہے، جس سے متعلق انہوں نے دعویٰ کیا کہ وہ عثمان مختار کی ہے۔

جاری کی گئی ایک منٹ سے زائد دورانیے کی ویڈیو میں ایک مرد بولتے سنائی دیتے ہیں کہ مہروز وسیم اب تک ان کی سب سے خراب صارف ہیں۔

آڈیو کلپ میں بولنے والے مرد بظاہر ویڈیو بنانے کے معاملے پر بات کرتے سنائی دیتے ہیں، جس میں وہ کسی تصویر یا منظر کو ویڈیو میں شامل کرنے پر نالاں دکھائی دیتے ہیں۔

آڈیو کلپ میں اگرچہ مرد کی جانب سے کسی نامناسب الفاظ کا استعمال نہیں کیا گیا لیکن ان کا لہجہ سخت محسوس ہوتا ہے۔

مذکورہ کلپ کو شیئر کرتے ہوئے مہروز وسیم نے دعویٰ کیا کہ آڈیو میں دھمکی دینے والے شخص عثمان مختار ہی ہیں۔

دوسری جانب مہروز وسیم کے سامنے آنے کے بعد عثمان مختار نے اپنی ایک پوسٹ میں میڈیا اور سوشل میڈیا صارفین کو التجا کرنے سمیت انہیں تنبیہ کی کہ ان کی اسٹوریز، پوسٹس اور تصاویر کو اٹھا کر معاملے کو اچھالنے سے گریز کیا جائے۔

اداکار نے اپنی پوسٹ میں ایک بار پھر کسی بھی خاتون کا نام لیے بغیر بتایا کہ وہ نہیں چاہتے کہ ان کے معاملے پر کسی بھی خاتون کے خلاف نامناسب زبان استعمال کی جائے، اس لیے انہوں نے اپنی پہلی پوسٹ میں بھی کسی کا نام نہیں لیا تھا۔

اداکار نے لوگوں سے التجا کی کہ مذکورہ معاملے پر ان کی پوسٹس اور تصاویر کو غلط انداز مین استعمال کرنے سے گریز کرکے معاملے کو اچھالنا بند کیا جائے۔

ساتھ ہی عثمان مختار نے لکھا کہ انہوں نے اپنی سوشل میڈیا پوسٹ پر کمنٹس اس لیے بند کردیے ہیں، کیوں کہ وہ نہیں چاہتے کہ کسی خاتون کے خلاف لوگ نامناسب زبان استعمال کرکے دوسروں کی کردار کشی کریں۔

انہوں نے مزید لکھا کہ ان کا مذکورہ معاملہ اب تفتیشی اداروں کے پاس ہے اور وہی اسے حل کریں گے، ساتھ ہی انہوں نے لوگوں کو قیاس آرائیاں کرنے سے بھی روکا اور لکھا کہ معاملے میں دو زندگیاں ملوث ہیں، اس لیے افواہیں نہ پھیلائیں۔

لاہورسمیت صوبہ بھر کے تمام سرکاری و نجی سکولز 2 اگست سے کھولنے کا حتمی اعلان کردیا گیا، کورونا کی چوتھی لہر کے پیش نظر طلباء پچاس فیصد حاضری کے تحت سکول آئیں گے، ویکسنیشن نہ کروانے والے اساتذہ کو کلاس پڑھانے کی اجازت نہیں ہوگی ۔

تفصیلات کے مطابق لاہورسمیت صوبہ بھر کے تمام سرکاری و نجی سکولز 2 اگست سے کھولنے کا حتمی اعلان کردیا گیا،این سی او سی کا اجلاس نتیجہ خیز نہ نکلنے پر سکول ایجوکیشن ڈیپارٹمنٹ نے پنجاب بھر کے سکولز پیر سے کھولنے کے باقاعدہ احکامات جاری کردیئے ہیں،کورونا کی چوتھی لہر کے پیش نظر طلباء کو اس بار بھی پچاس فیصد حاضری کے تحت سکول بلوانے کی اجازت ہوگی،طلبا سخت گرمی کے باوجود ماسک گھر سے پہن کرآئیں گے، طلباء کا کہنا ہے کہ سخت گرمی اور حبس کے موسم میں سکول کھولنے کا فیصلہ درست نہیں ،حکومت فیصلہ پر نظرثانی کرے۔

والدین کا کہنا ہے کہ کورونا کیسسز کی تعداد میں روز بروز اضافہ ہورہا ہے، موجودہ صورتحال میں بچوں کو سکول بلوانا غیر مناسب ہے،سکول ایجوکیشن ڈیپارٹمنٹ نے پیر سے سکولوں کے اوقات کار جاری کرنے کے ساتھ ٹیچنگ و نان ٹیچنگ سٹاف کو ویکسینیشن لازمی کروانے کا پابند کیا ہے،ویکسنیشن نہ کروانے پر اساتذہ ودیگر سٹاف کو سکول داخلے کی اجازت نہیں دی جائے گی۔

این سی او سی کے اجلاس میں سکولوں کو کھولنے یا بند رکھنے کا فیصلہ صوبوں پر چھوڑ دیا گیا تھا، صوبائی وزیر تعلیم مراد راس نے لاہورسمیت صوبہ بھر کے تمام سرکاری و نجی سکول 2 اگست سے کھولنے کے احکامات جاری کردیئے ہیں،طلباء کو پچاس فیصد حاضری کے تحت سکول آنے کی اجازت ہوگی۔

لڑکوں کے سکول کے اوقات کار صبح ساڑھے سات بجے سے دوپہر ساڑھے 12 بجے تک ہوں گے، لڑکیوں کے سکولوں کی ٹائمنگ صبح پونے 8 بجے سے دوپہر پونے ایک بجے تک رکھی گئی ہے، اس اوقات کار کا اطلاق 15 اکتوبر تک رہے گا، سکول ایجوکیشن ڈپارٹمنٹ نے ایس او پیز پر سختی سے عملدرآمد کیلئے نوٹی فیکیشن بھی جاری کردیا ہے۔

گھر گھر کورونا ویکسینیشن مہم چار روز بعد بھی شروع نہ ہوسکی، شہر کے صرف 3 رہائشی علاقوں میں کورونا ویکسین کی خصوصی مہم کا آغاز ہوسکا.تاحال صرف یونین کونسل 94 شاەجمال ،عسکری 9 اور 10 میں ویکسینیشن کیمپ لگائے جاسکے ہیں۔

واضح رہے کہ قبل ازیں ضلعی انتظامیہ نے گھر گھر جاکر کورونا ویکسین لگانے کی مہم کاآغاز کیا تھا،ڈی سی لاہور مدثر ریاض ملک نے کہا تھا کہ روزانہ 63 ہزار افراد کو کورونا ویکسین لگانے کا ہدف ہے جو شہری ویکسین نہیں لگوائے گا اس کی سم بند کردیں گے، صوبائی وزیر صحت ڈاکٹر یاسمین کی پریس کانفرنس شہریوں سے تعاون کی اپیل کی تھی۔ڈی سی مدثر ریاض نے کہا تھا کہ 18 سال سے زائد 65 ہزار افراد کو روزانہ کی بنیاد پرکورونا ویکیسن لگانے کا ہدف مقرر کیا ہے تاہم گھر گھر کورونا ویکسینیشن مہم چار روز بعد بھی شروع نہ ہوسکی۔

سابق اسسٹنٹ ایڈووکیٹ جنرل شہباز تتلہ قتل کیس میں مزید تین گواہوں کے بیانات ریکارڈ, کیس کی سماعت 31 جولائی تک ملتوی کر دی گئی۔

تفصیلات کے مطابق سیشن کورٹ میں سابق اسسٹنٹ ایڈووکیٹ جنرل شہباز تتلہ قتل کیس کی سماعت ہوئی۔ سابق ایس ایس پی مفخر عدیل کو جیل حکام نے عدالت پیش کیا۔ پراسیکیوشن کےمطابق سابق ایس ایس پی مفخر عدیل نے دیگر ملزموں کے ساتھ مل کر شہباز تتلہ کو قتل کیا، عدالت میں مزید تین گواہوں کے بیانات پر جرح مکمل کرلی گئی،اب تک 15 گواہوں کے بیانات ریکارڈ کیے جا چکے ہیں۔عدالت نے مزید گواہوں کو طلب کرتے ہوئے کیس کی سماعت 31 جولائی تک ملتوی کردی ۔

محرم الحرام کے دوران لاہور پولیس نے پاک فوج اور رینجرز سے امن و امان کی صورتحال کنٹرول رکھنے کے لیے مدد مانگ لی۔

تفصیلات کے مطابق لاہور پولیس نےمحرم الحرام کے حوالے سے رینجرز اور پاک فوج کی 6 ،6 کمپنیاں مانگ لیں ہیں۔ ائیر سرویلنس کیلئے پاک فوج سے ایک ہیلی کاپٹر بھی مانگا گیا ہے۔ رینجرز اور پاک فوج ہنگامی صورتحال میں ذمہ داریاں ادا کرے گی۔ پولیس حکام کا کہنا ہے فوج اور رینجرز کے جوان سٹینڈ بائی رہیں گے۔

دوسری جانب دو روز قبل سیف سٹیز میں لاہور پولیس اوراتھارٹی افسران کےمنعقدہ اجلاس کی صدارت منیجنگ ڈائریکٹر ایڈیشنل آئی جی راؤ سردار علی خان نے کی جبکہ اجلاس میں سی سی پی او لاہور غلام محمود ڈوگر، ڈی آئی جی آپریشن ساجد کیانی سمیت دیگر افسران موجودتھے۔ چیف آپریٹنگ آفیسر ڈی آئی جی محمد کامران خان نے کیمروں کے ذریعے سکیورٹی انتظامات بارے بریفنگ دیتے ہوئے بتایا کہ پنجاب سیف سٹیز اتھارٹی نے محرم الحرام سکیورٹی کے انتظامات شروع کر دیے۔ جلوسوں اور مجالس کی کوریج کیلئے 600 سے زائد کیمرے 24 گھنٹے مانیٹرنگ کریں گے۔

سیف سٹیز اتھارٹی لاہور پولیس کے ساتھ مل کر جلوس کے راستوں کا سروے کرے گی اورمختلف مقامات پر مزید 50 کیمرے لگائے گی۔ تمام ضروری پوائنٹس کو پورٹ ایبل کیمروں کے ذریعے بھی کوور کیا جائے گا۔جلوس کے راستوں پر اتھارٹی کی موبائل کمانڈ وہیکل سے بھی مانیٹرنگ کی جائے گی۔سنٹر سے 3 شفٹوں میں 200 سے زائد پولیس کمیونیکیشن افسران ڈیوٹی سرانجام دیں گے۔ لاہور پولیس، واسا سمیت قانون نافذ کرنیوالے اداروں کے نمائندے سیف سٹی میں ڈیوٹی دیں گے۔