All posts by Sibte Hussain

اسلام آباد: سپریم کورٹ میں وزیراعظم عمران خان اور پی ٹی آئی رہنما جہانگیر ترین کی نااہلی سے متعلق نظرثانی درخواستوں پر سماعت آج ہوگی۔

سپریم کورٹ نے مسلم لیگ (ن) کے رہنما حنیف عباسی کی درخواست پر 15 دسمبر 2017 کو فیصلہ سناتے ہوئے آرٹیکل 62 ون ایف کے تحت عمران خان کو اہل جب کہ جہانگیر ترین کو نااہل قرار دیا تھا۔

عمران خان کی نااہلی نہ ہونے سے متعلق عدالتی فیصلے پر نظرثانی کے لیے حنیف عباسی نے سماعت کے لیے فل کورٹ تشکیل دینے کی درخواست دائر کر دی اور استدعا کی ہے کہ آرٹیکل 62 ون ایف کے تحت نااہلی سے متعلق فیصلے پر نظرثانی کی جائے۔

دوسری جانب سپریم کورٹ میں جہانگیر ترین کی نااہلی سے متعلق ان کی جانب سے دائر نظرثانی درخواست کی بھی سماعت ہوگی۔

عمران خان اہل اور جہانگیر ترین تاحیات نااہل قرار، سپریم کورٹ کا فیصلہ

عدالت نے جہانگیر ترین کو آرٹیکل 62 ون ایف کے تحت نااہل قرار دیا تھا جس کے بعد وہ کسی بھی عوامی عہدے کے اہل نہیں اور ان پر تاحیات پابندی کی تلوار لٹک رہی ہے۔

چیف جسٹس میاں ثاقب نثار نے 250 صفحات پر مشتمل فیصلہ سناتے ہوئے کہا کہ تمام شواہد کا جائزہ لیا گیا، عمران خان نیازی سروسز لمیٹڈ کے شیئر ہولڈر یا ڈائریکٹر نہیں تھے اور انہوں نے جمائما کے دیے گئے پیسے بھی ظاہر کیے جب کہ عمران خان نے فلیٹ ایمنسٹی اسکیم میں ظاہر کر دیا تھا۔

عدالت نے جہانگیر ترین کو آرٹیکل 62 ون ایف کے تحت تاحیات نااہل قرار دیتے ہوئے فیصلے میں قرار دیا تھا کہ جہانگیر ترین نے اپنے بیان میں مشکوک ٹرمز استعمال کیں اور صحیح جواب نہ دینے پر انہیں ایماندار قرار نہیں دیا جاسکتا۔

اسلام آباد: پاکستان اور آئی ایم ایف کے درمیان مذاکرات آج سے اسلام آباد میں شروع ہوں گے، جس کے دوران پاکستان کی معیشت کو درپیش چیلنجوں کا جائزہ لیا جائے گا۔

وزارت خزانہ کے ذرائع کے مطابق پاکستان اور آئی ایم ایف کے درمیان مذاکرات میں آئی ایم ایف مشن کی سربراہی ہیرالڈ فنگر کریں گے جبکہ پاکستانی وفد میں سیکریٹری خزانہ، گورنر اسٹیٹ بینک، سیکریٹری اقتصادی امورشریک ہوں گے۔

آئی ایم ایف مشن ایک ہفتے تک پاکستان میں قیام کرے گا۔

اس دوران آئی ایم ایف وفد کی خزانہ، تجارت، توانائی، پیٹرولیم، سرمایہ کاری اور ایف بی آر حکام سے مذاکرات ہوں گے۔

پاکستان کو ایسی ایمرجنسی کا سامنا نہیں کہ آئی ایم ایف سے مدد مانگنی پڑے، اسد عمر

واضح رہے کہ پاکستان کو رواں سال 8 ارب ڈالر کی مالی معاونت درکار ہے، تاہم پاکستان نے تاحال آئی ایم ایف سے بیل آؤٹ پیکج کی درخواست نہیں کی۔

گزشتہ دنوں وفاقی وزیر خزانہ اسد عمر نے عرب نیوز کو دیئے گئے انٹرویو میں کہا تھا کہ پاکستان کو ایسی کسی ایمرجنسی کا سامنا نہیں کہ اسے بیل آؤٹ پیکج کے لیے آئی ایم ایف کا دروازہ کھٹکھٹانا پڑے۔

ان کا کہنا تھا، ‘ہم نے درآمدات نہیں روکیں اور نہ ہی مالیاتی پابندیاں لگائی ہیں’۔

تاہم وزیر خزانہ نے اس بات پر زور دیا کہ ہمیں بہتر فیصلے کرنے کی ضرورت ہے اور جلدبازی یا ایمرجنسی میں فیصلے نہیں کرنے چاہئیں۔

27 ستمبر کو آئی ایم ایف اسٹاف مشن کے شیڈول دورہ پاکستان کے حوالے سے اسد عمر نے کہا، ‘ہم ان کے ساتھ بات چیت کر رہے ہیں، لیکن یہ بات چیت قرض کے لیے نہیں ہے، ہمارا مقصد یہ ہے کہ اگر کسی مرحلے پر ہم اُن سے رابطہ کریں تو اس سے پہلے ہم اپنا ہوم ورک کرلیں’۔

ابوظہبی: ایشیا کپ کرکٹ ٹورنامنٹ میں سپر فور مرحلے کے چھٹے اور آخری میچ میں بنگلادیش کے ہاتھوں شکست کے بعد پاکستان ٹورنامنٹ سے باہر ہوگیا۔ ابوظہبی کے شیخ زید اسٹیڈیم میں کھیلے گئے میچ میں بنگلہ دیش کے کپتان مشرفی مرتضیٰ نے ٹاس جیت کر بیٹنگ کا فیصلہ کیا۔ بنگلادیش کی پوری ٹیم 48.4 اوورز میں 239 رنز بناکر آؤٹ ہوگئی۔پاکستان نے مقررہ 50 اوورز میں 9 وکٹوں کے نقصان پر 202 رنز بنائے اور اس طرح سرفراز الیون کو 37 رنز سے شکست کا سامنا کرنا پڑا۔
پاکستان کی اننگز:پاکستانی بیٹسمینوں نے غیرذمہ دارانہ شارٹس کھیل کر وکٹیں گنوائیں — فوٹو: اے ایف پی
ہدف کے تعاقب میں پاکستان کی بیٹنگ جاری ہے جب کہ پاکستان کی جانب سے اننگز کا آغاز اوپنر فخر زمان اور امام الحق نے کیا۔ اوپنر فخر زمان ایک بار پھر ناکام ہوئے اور صرف ایک رن بناکر مہدی حسن مراز کی گیند پر کیچ آؤٹ ہوگئے۔ اس کے بعد بابر اعظم بھی زیادہ دیر کریز پر نہ رک سکے اور ایک رن بناکر مستفیض الرحمان کی گیند پر ایل بی ڈبلیو ہوگئے۔ پاکستان کے تیسرے آؤٹ ہونے والے کھلاڑی کپتان سرفراز احمد تھے جو ایشیا کپ میں مسلسل ناکام ہوتے آرہے ہیں۔ مشکل وقت میں جب ٹیم کو ان کی ضرورت تھی تو وہ حسب معمول غیر ذمہ داری کا مظاہرہ کرتے ہوئے صرف 10 رنز بناکر آؤٹ ہوگئے۔شعیب ملک کی اہم وکٹ روبیل حسین نے حاصل کی — فوٹو: اے سی سی
پاکستان کی چوتھی وکٹ 85 کے مجموعی اسکور پر گری جب آخری امید شعیب ملک بھی 30 رنز بناکر آؤٹ ہوگئے۔گرین شرٹس کو پانچواں نقصان 94 کے مجموعی اسکور پر اٹھانا پڑا جب شاداب خان 4 رنز بناکر پویلین لوٹ گئے۔بنگلادیش کےخلاف پاکستان کی چھٹی وکٹ 165 رنز پر گری جب آصف علی 31 رنز بناکر مہدی حسن کی گیند پر آؤٹ ہوگئے۔اس کے بعد 167 کے مجموعی اسکور پر امام الحق 83 رنز بناکر محمود اللہ کی گیند پر آؤٹ ہوگئے۔پاکستان کی آٹھویں وکٹ 181 رنز پر گری جب حسن علی 8 رنز بناکر مستفیض الرحمان کی گیندپر آؤٹ ہوگئے۔ محمد نواز پاکستان کے نویں آؤٹ ہونے والے کھلاڑی تھے جو صرف 8 رنز بناسکے۔ بنگلادیش کی جانب سے مستفیض الرحمان 4 اور مہدی حسن نے دو کھلاڑیوں کو آؤٹ کیا۔مشفیق الرحیم کو میچ کا بہترین کھلاڑی قرار دیا گیا۔
بنگلادیش کی اننگز:بنگال ٹائیگرز کی جانب سے لٹن داس اور سومیا سرکار نے اننگز کا آغاز کیا تاہم میچ کے تیسرے ہی اوور میں سومیا سرکار بغیر کوئی رنز بنائے جنید خان کی گیند پر فخر زمان کے ہاتھوں کیچ آؤٹ ہوئے، اگلے ہی اوور میں شاہین آفریدی نے مومن الحق کو کلین بولڈ کیا۔ بنگلادیش کو تیسرا خسارہ لٹن داس کی صورت میں ہوا جنہیں جنید خان نے کلین بولڈ کیا اور وہ 6 رنز ہی بناسکے۔ اس کے بعد وکٹ کیپر بلے باز مشفق الرحیم اور محمد متھن نے ٹیم کو سہارا دیا اور ذمہ دارانہ اننگز کھیلتے ہوئے دونوں نے اپنی نصف سنچریاں مکمل کیں۔ جنید خان وکٹ لینے کے بعد جشن منارہے ہیں— فوٹو: اے ایف پی . بنگلا دیش کی چوتھی وکٹ 156 کے مجموعی اسکور پر گری جب محمد متھن 60 رنز بناکر حسن علی کی گیند پر آؤٹ ہوگئے۔ اس کے بعد امرالقیس بھی صرف 9 رنز بناکر شاداب خان کی گیند پر ایل بی ڈبلیو ہوگئے۔ بنگلادیش کے چھٹے آؤٹ ہونے والے کھلاڑی مشفیق الرحیم تھے تو نروس نائنٹیز کا شکار ہوئے اور 99 رنز پر شاہین شاہ آفریدی کی گیند پر سرفراز کے ہاتھوں کیچ ہوگئے تاہم ان کی شاندار اننگز نے بنگلادیش کو مشکل سے نکال دیا۔ اس وقت بنگلادیش کا مجموعی اسکور 197 تھا۔ 12 رنز پر تین وکٹیں گنوانے کے باوجود بنگلادیش نے 239 رنز بنالیے— فوٹو: اے ایف پی. بنگلادیش کی ساتویں وکٹ 221 کے مجموعی اسکور پر گری جب مہدی حسن مراز 12 رنز بناکر جنید خان کا شکار بن گئے، یہ جنید کی تیسری وکٹ تھی۔ جنید خان نے اپنی چوتھی وکٹ بنگلادیشی کھلاڑی محمود اللہ کو بولڈ مار کر حاصل کی۔ محمود اللہ 25 رنز بناکر آؤٹ ہوئے۔ بنگلادیش کی نویں وکٹ 239 کے مجموعی اسکور پر گری جب روبیل حسین ایک رن بناکر رن آؤٹ ہوگئے جبکہ اس کے بعد مشرفی مرتضیٰ بھی 13 رنز بناکر حسن علی کا شکار بن گئے۔ پاکستان کی جانب سے جنید خان نے 4، شاہین شاہ آفریدی اور حسن علی نے دو دو جبکہ شاداب خان نے ایک وکٹ حاصل کی۔ دونوں ٹیمیں ایونٹ میں پہلی بار مدمقابل ہوئی تھیں اور اس میچ میں بنگلا دیش کامیاب رہا۔ بنگلادیشی ٹیم 28 ستمبر کو ایوںت میں اب تک ناقابل شکست رہنے والی ٹیم بھارت کے خلاف ایونٹ کا فائنل کھیلے گی۔

سیہون: سن کے قریب کراچی سے پشاور جانے والی خوشحال خان خٹک ایکسپریس کی 10 بوگیاں پٹری سے اتر گئیں جس کے باعث اپ اور ڈاؤن لنک بند ہے۔

گزشتہ 10 روز کے دوران خوشحال خان خٹک ایکسپریس دوسری مرتبہ حادثے کا شکار ہوئی ہے، اس سے قبل 16 ستمبر کو ٹرین کراچی سے براستہ میانوالی، اٹک پشاور جا رہی تھی کہ مسان اور سوہان اسٹیشن کے درمیان اس کی 8 بوگیاں پٹری سے اتریں جس کے باعث 20 مسافر زخمی ہوئے۔

ریلوے حکام کا کہنا ہے کہ خوشحال خان خٹک ایکسپریس کو پیش آئے حادثے سے کراچی سے لاہور جانے والے ٹریک کو نقصان نہیں پہنچا اور سیہون ٹرین حادثے کا ریلوے کے کراچی لاہور سیکشن پر اثر نہیں پڑےگا۔

سینئر جنرل منیجر ریلوے آفتاب اکبر کے مطابق خوشحال خان خٹک ایکسپریس کی 13 میں سے 10 بوگیاں پٹری سے اتریں جس کے بعد 3 ریلیف ٹرینیں حادثے کی جگہ بھجوا دی گئی ہیں۔

میانوالی: خوشحال خان ایکسپریس کی 8 بوگیاں پٹری سے اتر گئیں، 20 مسافر زخمی

آفتاب اکبر کا کہنا ہے کہ حادثے میں کوئی جانی نقصان نہیں ہوا تاہم تحقیقات کا حکم دے دیا گیا ہے جب کہ لاہور سے جانے والی خوشحال خان ایکسپریس اور بولان میل کو براستہ روہڑی روانہ کردیا گیا ہے۔

ٹریک بحال نہ ہونے کے 5 گھنٹے بعد متاثرہ ٹرین کے مسافر انڈس ہائی وے سے گاڑیوں کے ذریعے اپنی منزلوں کی جانب روانہ ہوگئے جب کہ کوٹری سے امدادی انجن حادثے کے مقام پر پہنچ گیا۔

ریلوے انتظامیہ کے مطابق کراچی میں ٹرینیں معمول کے مطابق چل رہی ہیں، صبح 6 بجے سے اب تک 3 ٹرینیں روانہ ہوچکی ہیں۔

ریلوے انتظامیہ کا کہنا ہے کہ کراچی سے لاہور شالیمار ایکسپریس صبح 6 بجے مقررہ وقت پر روانہ ہوئی جس کے بعد حویلیاں جانے والی ہزارہ ایکسپریس 6 بجکر 10 منٹ اور کراچی سے پشاور کے لیے عوام ایکسپریس صبح 7 بجے اپنے مقررہ وقت پر روانہ ہوئی۔

نیویارک: وفاقی وزیر خارجہ شاہ محمود قریشی کا کہنا ہے کہ امریکا-بھارت اسٹریٹجک الائنس ہمارے کہنے سے تبدیل نہیں ہو سکتا، تاہم ہمیں اپنے مفادات کا خیال رکھتے ہوئے آگے بڑھنا ہے اور امریکا کو یہ باور کرانا ہے کہ وہ جب بھی پاکستان سے مل کر آگے بڑھا اُسے فائدہ ہوا۔

وزیر خارجہ شاہ محمود قریشی اِن دنوں اقوام متحدہ کی جنرل اسمبلی اجلاس میں شرکت کے لیے امریکا میں موجود ہیں۔

وزیر خارجہ نے نیویارک میں جیو نیوز سے خصوصی گفتگو میں کہا کہ وہ پاک-امریکا تعلقات میں سردمہری کے خاتمے کے لیے پرعزم ہیں۔

ان کا کہنا تھا کہ ‘پچھلے دنوں امریکا کی جانب سے سخت بیانات سامنے آئے، لیکن ہم کوشش کریں گے کہ امریکا کو زمینی حقائق اور اپنے تعاون سے متعلق آگاہ کریں’۔

امریکا اور بھارت کے بڑھتے ہوئے تعلقات پر تبصرہ کرتے ہوئے شاہ محمود قریشی نے کہا کہ ‘امریکا-بھارت اسٹریٹجک الائنس پر ہمارےکہنے سے نظرثانی نہیں ہوسکتی’۔

ان کا کہنا تھا کہ ‘حکومتوں کی ترجیحات بدلتی رہتی ہیں، ہمیں مشکل حالات سے نمٹنا ہے اور ہمیں اپنے مفادات کا خیال رکھتے ہوئے آگے بڑھنا ہے’۔

ساتھ ہی انہوں نے کہا کہ ‘امریکاجب بھی پاکستان سے مل کر آگے بڑھا، ان کو فائدہ ہوا، نقصان نہیں’۔

‘ہم یہاں کچھ کھونے نہیں، پانے آئے ہیں’

اقوام متحدہ کے جنرل اسمبلی اجلاس میں شرکت کے حوالے سے شاہ محمود قریشی کا کہنا تھا کہ ‘ہم یہاں کچھ کھونے نہیں بلکہ پانے آئے ہیں’۔

وزیر خارجہ نے کہا کہ ‘جنرل اسمبلی اجلاس میں پاکستان کا مؤقف پیش کرنے کا موقع ملتا ہے، یہاں ایک ہی نشست میں کئی اہم رہنماؤں سے ملاقات ہوجاتی ہے’۔

شاہ محمود قریشی نے مزید بتایا کہ ‘مختلف ممالک سےکثیرالجہتی اور دوطرفہ ملاقاتیں بھی ہوئیں اور جن ممالک کے ساتھ رابطے ٹوٹے ہوئے تھے، ان کو بحال کرنےکا موقع ملا’۔

وزیر خارجہ نے بتایا کہ ان کی افغان حکام سے ملاقات ہوئی، جن کے ساتھ معاملات حل کرنے کی ضرورت ہے، چین کے وزیرخارجہ سے ملاقات میں دسمبر میں ملاقات طے ہوئی ہے جبکہ سعودی وزیر خارجہ سے بھی ملاقات طے ہے۔

ساتھ ہی انہوں نے بتایا کہ افغانستان، چین اور پاکستان مل بیٹھ کر معاملات کے حل کی کوشش کریں گے۔

‘چاہتے ہیں کہ افغانستان میں امن، استحکام اور خوشحالی آئے’

شاہ محمود قریشی نے کہا کہ پاکستان کی خوشحالی، افغانستان کی خوشحالی سےجڑی ہوئی ہے اور ہم چاہتے ہیں کہ افغانستان میں امن، استحکام، ترقی اور خوشحالی آئے۔

وزیر خارجہ نے بتایا کہ افغانستان میں امریکا کے مفادات ہیں، وہاں ان کا جانی ومالی نقصان ہوا ہے اور افغانستان کی موجودہ صورتحال امریکا کی داخلی سیاست پر اثراندازہے۔

ان کا مزید کہنا تھا کہ وہ امریکی ہم منصب مائیک پومپیو سے ملاقات میں پاکستان کے اقدامات سےآگاہ کریں گے۔

‘کشمیر سے متعلق اقوام متحدہ کی رپورٹ نے تجسس اور نئی بحث کو جنم دیا’

وزیر خارجہ نے بتایا کہ مقبوضہ کشمیر سے متعلق اقوام متحدہ کی رپورٹ نے اجلاس کی اہمیت بڑھا دی تھی اور اس رپورٹ نے نیا تجسس اور نئی بحث کو جنم دیا ہے۔

شاہ محمود قریشی کا کہنا تھا کہ اقوام متحدہ کی رپورٹ کشمیر پر ہمارے سوالات کی ہی توثیق کررہی ہے۔

انہوں نے بتایا کہ ‘او آئی سی کے جموں وکشمیر رابطہ گروپ کے اجلاس میں انہوں نے پاکستان کا مؤقف پیش کیا’۔

انہوں نے بتایا کہ اجلاس کے شرکاء نے مسئلہ کشمیر سے متعلق اپنا بھرپور مؤقف پیش کیا اور او آئی سی سیکریٹری جنرل کو یادداشت نامہ پیش کیا۔

اس موقع پر شاہ محمود قریشی نے ترکی، آذربائیجان، سعودی عرب، نائیجریا اور کشمیری نمائندگان کا بھی شکریہ ادا کیا۔

‘بھارت نے داخلی معاملات کے پیش نظر وزرائے خارجہ ملاقات منسوخ کی’

بھارت کی جانب سے وزرائے خارجہ ملاقات کی منسوخی پر ردعمل دیتے ہوئے شاہ محمود قریشی نے کہا کہ پاکستان نے تو ملاقات کا فیصلہ کیا تھا، لیکن میٹنگ طےکرکے بھاگا کون؟

انہوں نے کہا کہ بھارت نے داخلی معاملات کے پیش نظر وزرائےخارجہ ملاقات منسوخ کی، بھارتی حکام مل بیٹھ کر بات کرتے تو ہم اپنامؤقف ان کے سامنے رکھتے۔

تازہ ترینسب دیکھیں

پاکستان 25 منٹ پہلے
عمران خان، جہانگیرترین نااہلی سے متعلق آج نظرثانی درخواستوں پر سماعت ہوگی

پاکستان 36 منٹ پہلے
خوشحال خان ایکسپریس پھر حادثے کا شکار، 10 بوگیاں پٹری سے اتر گئیں

کھیل 38 منٹ پہلے
ایشیا کپ میں قومی کرکٹ ٹیم کی ناقص کارکردگی پر شاہد آفریدی مایوس

پاکستان 2 گھنٹے پہلے
امریکا – بھارت اسٹریٹجک الائنس ہمارے کہنے سے تبدیل نہیں ہو سکتا، شاہ محمود قریشی

پاکستان 10 گھنٹے پہلے
قلات:سیکیورٹی فورسز کے آپریشن میں 4 دہشتگرد ہلاک، دو سپاہی شہید

پاکستان 10 گھنٹے پہلے
مضاربہ کیس کے مرکزی ملزم مفتی احسان کو 10 سال قید، 9 کروڑ روپے جرمانہ

بلاگ 11 گھنٹے پہلے
ورلڈ کپ سے قبل سرفراز کو قیادت سے ہٹانا سود مند ہوگا؟

دنیا 12 گھنٹے پہلے
مسلمان لڑکے سے دوستی کا الزام، پولیس نے ہندو لڑکی کی پٹائی کردی

فرانس میں اپنی نوعیت کے انوکھے پیرا گلائیڈنگ ایونٹ کا انعقاد کیا گیا۔

جس میں 150سے زائد منچلوں نے منفرد انداز کے کاسٹیومز میں پیرا گلائیڈنگ کا مظاہرہ پیش کیااور دیکھنے والوں کو داد دینے پر مجبور کر دیا۔

اس دلچسپ ایونٹ میں کئی مقامی افراد اور سیاح شریک ہوئے اور ان لمحات کو کیمرے کی آنکھ میں محفوظ کرتے دکھائی دئیے۔

برطانیہ میں ایک خصوصی ایونٹ کا انعقاد بھی کیا گیا جس میں مختلف ممالک سے تعلق رکھنے والے پروفیشنل ببل آرٹسٹ سمیت مختلف شعبہ ہائے زندگی سے تعلق رکھنے والے سینکڑوں نوجوانوں، خواتین، بچوں اور بوڑھوں نے شرکت کی۔

300سے زائد افراد نے پانی کے بلبلے بنا کر عالمی ریکارڈ قائم کردیا
اس دوران 318افراد نے بیک وقت پانی کے بلبلے بنا کر فضاء میں اْڑائے اور عالمی ریکارڈ قائم کرڈالا۔

اس سے قبل یہ ریکارڈ 250افراد نے بیک وقت بلبلے بنا کر قائم کیا۔

راولپنڈی کے نجی اسپتال میں ڈاکٹروں کی مبینہ غفلت سے 12سال کا ایک بچہ جاں بحق ہو گیا جس کے بعد بچے کے ورثاء نے اسپتال میں ہنگامہ کیا۔

12 سالہ بچے کی ڈاکٹروں کی مبینہ غفلت کے باعث بچے کی ہلاکت پر ورثاء کی اسپتال میں ہنگامہ آرائی کے نتیجے میں 5 افراد زخمی ہو گئے۔

ورثاء نے بچے کی لاش جی ٹی روڈ پر رکھ کر بھی احتجاج کیا، جس سے سڑک پر ٹریفک جام ہوگیا اور گاڑیوں کی طویل قطاریں لگ گئیں۔

ڈیالہ جیل کےسپرنٹنڈنٹ سمیت 5 افسران کو معطل کردیا گیا،جیل سپرنٹنڈنٹ سمیت 5 افسران پرایفی ڈرین کیس میں سزا یافتہ (ن) لیگی رہنما حنیف عباسی کی سپرنٹنڈنٹ کے دفتر میں موجودگی اورمٹھائی کے ساتھ تصاویر سامنے آنے پر کیا گیا۔

معاملے کا پنجاب حکومت نے نوٹس لیتے ہو ئے تحقیقات کا حکم دیا تھا ،کمیٹی میں ڈی آئی جی جیل فیروز شوکت اور اے آئی جی ملک صفدر نواز شامل تھے۔

تحقیقاتی رپورٹ آنے سے پہلےحنیف عباسی کو اڈیالہ جیل سے اٹک جیل منتقل کر دیا گیاتھاجس کے بعد اب تحقیقاتی رپورٹ سامنے آنے کے بعد پنجاب حکومت نے ایکشن لیتے ہوئے اڈیالہ جیل کے سپرنٹنڈنٹ سمیت 5 افسران کو معطل کردیا ،معطل ہونے والوں میں سپرنٹنڈنٹ سعید اللہ گوندل ، ڈپٹی سپرنٹنڈنٹ فرخ رشید، اسسٹنٹ سپرنٹنڈنٹ ساجد علی، وارڈر محمد امتیاز اور ہیڈ وارڈر محمد ارشد شامل ہیں۔

امریکی سی آئی اے کی سربراہ جینا ہاسپیل نے کہا ہے کہ شمالی کوریا کے سربراہ کم جونگ آن اپنے ایٹمی ہتھیاروں کو آسانی سے نہیں چھوڑ نا چاہتے تاہم ایسے اشارے ضرور ملے ہیں جن سے لگتا ہے کہ شمالی کوریا اپنے جوہری ہتھیار تلف کرنے پر سنجیدہ ہے۔

امریکی ریاست کینٹکی میں واقع یونیورسٹی میں خطاب کے دوران سی آئی اے کی ڈائریکٹر جینا ہاسپیل نے کہا کہ کم جونگ ان شمالی کوریا کے عوام کی معاشی مشکلات سے آگاہی رکھتے ہیں اور صورتحال میں بہتری کے خواہاں ہیں ۔

سی آئی اے چیف نے اس موقع پر امریکی موقف کو دہرایا کہ کمیونسٹ حکومت اپنے ملک کی جوہری صلاحیت کو اپنے اقتدار کے لیے ضروری خیال کرتی ہے اور اسے اپنے حق میں ایک ہتھیار کے طور پر استعمال کرتی آئی ہے،لیکن امریکا شمالی کوریا کو اس معاملے پر قائل کرنے کی بہتر پوزیشن میں ہے ،اس بہتر پوزیشن کی وجہ بیان کرتے ہو ئے انہوں نے جواز پیش کیا کہ امریکی صدر ڈونلڈ ٹرمپ اور کم جونگ ان کے درمیان براہِ راست رابطوں اور تعلق کا استوار ہونا ہے جو کہ مثبت معاملہ ہے۔

جینا ہاسپیل انہوں نے کہا کہ کمیونسٹ حکومت کا موقف تبدیل کراناایک مشکل کام ہے کیوں کہ اس بارے میں ان کا خیال ہے کہ جوہری ہتھیار برسوں کی محنت سے تیار کئے گئے ہیں تاہم خوش آئند بات یہ ہے کہ امریکا شمالی کوریا کو رضامند کرنے کی اچھی پوزیشن پر ہے۔