All posts by Sibte Hussain

(ایمرا نیوزآن لائن)
بالی ووڈ سپراسٹار اور مسٹر پرفیکشنسٹ عامر خان ان دنوں چین میں ہیں جہاں انکی مختلف اہم شخصیات سے ملاقاتوں کا سلسلہ جاری ہے اسی حوالے سے جمعرات کو انکی چینی فلموں کے سپر اسٹار ڈینگ چائوسے ملاقات ہوئی اور دونوں نے اپنے سر سے سر ملاکر اور کاندھوں پر ہاتھ کر ایک سلیفی بنوائی۔یاد رہے کہ ڈینگ چائو چین کی ہٹ فلموں میں مرکزی کردار ادا کرچکے ہیں۔

واضح رہے کہ ان دنوں چین کے دارالحکومت بیجنگ میں پہلی ایشین سولائزیشن ڈائیلاگ کا انعقاد کیا گیا ہے، اور چینی صدر ژی جن پنگ اسکی میزبانی کررہے ہیں۔ اس ڈائیلاگ میں پاکستان سے بھی کئی افراد مدعوں ہیں، جن میں سینیٹر مشاہد حسین سید بھی ہیں جنکی گزشتہ اداکار عامر خان سے بیجنگ میں ملاقات بھی ہوئی تھی۔

یاد رہے کہ عامر خان چین میں انتہائی مقبول ہیں اور وہ ان گنے چنے غیرملکی اداکاروں میں شامل ہیں جنھیں چینی عوام بہت پسند کرتے ہیں اور دنگل، تارے زمین پر اور سیکرٹ سپر اسٹار سمیت ان کی کئی فلمیں چینی باکس آفس پر ہٹ ہوچکی ہیں۔

(ایمرا نیوز آن لائن)
چوتھے ایک روزہ بین الاقوامی میچ میں انگلینڈ نے پاکستان کے خلاف ٹاس جیت کر فیلڈنگ کا فیصلہ کیا ہے۔ کپتان سرفراز احمد کا کہنا ہے کہ ٹاس جیتنے کی صورت میں وہ بھی فیلڈنگ کرنے کا فیصلہ کرتے۔ سرفراز کا کہنا ہے کہ ہمیں انگلینڈ سے زیادہ مثبت کرکٹ کھیلنی ہوگی، ہم بالکل تیار ہیں۔ پاکستان نے تین تبدیلیاں کی ہیں، شعیب ملک، محمد حفیظ اور محمد حسنین کو سیریز میں پہلی بار ٹیم میں شامل کیا گیا ہے۔ دوسری جانب انگلینڈ نے پانچ تبدیلیاں کی ہیں، معطل ایون مورگن کی جگہ جوز بٹلر جبکہ جیمسن ونس، جوفرا آرچر، مارک ووڈ اور عادل رشید کی واپسی ہوئی ہے۔

پانچ میچوں کی سیریز میں انگلینڈ کو 0-2 کی برتری حاصل ہے۔ دورہ انگلینڈ کے دوران قومی ٹیم اب تک کوئی بھی میچ جیت نہیں سکی ہے جبکہ گرین شرٹس واحد ٹی20 میں بھی 7 وکٹ سے شکست کھا چکی ہے۔ دونوں ٹیموں کے درمیان پہلا ون ڈے بارش کے باعث منسوخ کردیا گیا تھا۔ دوسرے ون ڈے میں دلچسپ مقابلے کے بعد انگلینڈ 12 رنز سے کامیاب رہا جب کہ تیسرے میچ میں گرین شرٹس کو 6 وکٹ سے شکست ہوئی تھی۔

(ایمرا نیوز آن لائن)
یوکرین کی 15سالہ لڑکی کی7.7فٹ لمبی سنہری زلفوں نے دیکھنے والوں کو دنگ کردیا۔ یوکرین کے دارالحکومت کائیوسے تعلق رکھنے والی اولیناکورزینیوک نامی لڑکی بچپن سے اپنے بال بڑھا رہی ہے اور نہ صرف اپنے بالوں کا بیحد خیال رکھتی ہے بلکہ بالوں کی نشونما کیلئے خاص جڑی بوٹیاں بھی استعمال کرتی ہے اور اپنی زندگی میں آج تک اس نے کبھی بال نہیں کٹوائے۔

یوکرینی لڑکی کی 7.7فٹ لمبی سنہری زلفوں نے جہاں دیکھنے والوں کوحیران کردیا ہے تو وہیں اُس نے اپنے خوبصورت بالوں کی بنا پرنیشنل ریکارڈ قائم کردیا ہے۔ رپوٹس کے مطابق دنیا میں اٹھارہ سال سے کم عمر لڑکی کے سب سے لمبے بال ہونے کا اعزاز بھی حاصل کرلیا ہے جسے جلد باقاعدہ طور پر گنیز بک آف ورلڈ ریکارڈ میں درج کیا جائیگا۔اس سے قبل یہ گنیز ریکارڈ 16سالہ بھارتی لڑکی نیلاشی نے پانچ فٹ سات انچ سے قائم کیا تھا۔

( ایمرا نیوز آن لائن)
واشنگٹن: بچوں کے کان میں انفیکشن اور مائع کا رساؤ ایک عام مرض ہے لیکن اس کی تکلیف بچے کو بے حال کردیتی ہے۔ اسی اہمیت کو دیکھتے ہوئے ایک دلچسپ اور مفید ایپ تیار کی گئی ہے جو کان میں آواز کی لہریں بھیجتی ہے اور جب وہ کان سے ٹکرا کر دوبارہ اسمارٹ فون تک آتی ہیں تو اندر موجود زخم ، مائع یا انفیکشن کی خبر دیتی ہے۔ یونیورسٹی آف سیاٹل کے جسٹن چین اور ان کے ساتھیوں نے یہ ایپ بنائی ہے جس میں موٹے کاغذ کی ایک نلکی ہے جسے کان کے سوراخ پر رکھا جاتا ہے۔ اس سے 150 ملی سیکنڈ تک ایک سرسراہٹ والی آواز خارج ہوکر کان کے اندر تک سفر کرتی ہے اور وہاں سے یہ آواز لوٹ کر واپس آتی ہے۔

کان کی خرابی یا انفیکشن کی ایک بڑی وجہ یہ ہے کہ طبلِ گوش (ایئرڈرم) کے کے اندر یا اس کے پیچھے مائع جمع ہونا شروع ہوجاتا ہے ۔ یہی وجہ ہے کہ صحتمند کان اور متاثرہ کان کے اندر سے ٹکرا کر پلٹ آنے والی آواز میں فرق ہوتا ہے اور اسمارٹ فون کا الگورتھم اسے دیکھتے ہوئے انفیکشن والے کان کی خبر دیتا ہے۔ ابتدائی طور پر اسے 18 مہینے سے لے کر 17 سال تک کے بچوں پر آزمایا گیا جس سے کان کی انفیکشن کا 85 فیصد درستگی سے اندازہ لگایا گیا۔ اس کی افادیت پہلے سے رائج ایک آلے ٹمپانوگرام کے برابر ہے جو دنیا بھر میں استعمال ہوتا ہے۔ ٹمپانوگرام کو کان کے سوراخ میں ڈالا جاتا ہے جو ہوا بند سیل کی طرح ہوتا ہے اور کان کے اندر ہوا اور ایک آواز بھیجتا ہے۔ اس سے معلوم ہوتا ہےکہ آیا کان میں مائع جمع ہے یا نہیں۔

موجدین کے مطابق والدین گھر بیٹھے بچے کے کان کے درمیان ہونے والے انفیکشن کا پتا لگاسکتے ہیں۔ چھوٹے بچے خود سے اپنی تکلیف نہیں بتا پاتے وہ روتے ہیں یا بار بار اپنے کان کو دباتے ہیں۔ اس ایجاد پر کام کرنے والے ایک اور سائنسداں ڈاکٹر رینڈل بلائے نے کہا کہ اس سے قبل والدین اپنے بچے کی تکلیف جاننے سے قاصر تھے اور یہ ایپ اسی مشکل کو حل کرتی ہے۔ موجدین کے مطابق ایپ کے بعد تربیت یافتہ ڈاکٹروں اور والدین کے درمیان کوئی فرق نہیں رہ جاتا اور وہ والدین کسی بھی وقت چھوٹے بچوں کے کان کے درد سے آگاہ ہوسکتے ہیں۔ ایپ کے ساتھ کاغذ کی بنی ہوئی نلکی بھی دستیاب ہہے لیکن اس سے قبل متعلقہ ادارے ایپ کی منظوری دیں گے۔ توقع ہے کہ اس سال کے آخر تک امریکی فوڈ اینڈ ڈرگ اتھارٹی (ایف ڈی اے) اس کی منظوری دیدے گی۔

لاہور(ایمرا نیوز آن لائن)
پاکستان اور انگلینڈ کے درمیان ون ڈے سیریز کا چوتھا میچ جمعے کو ٹرینٹ برج ناٹنگھم میں کھیلا جائے گا۔ ون ڈے سیریز کا پہلا میچ بارش کی نذر ہونے کے بعد دوسرے میں374رنز کے ہدف کا تعاقب کرتے ہوئے پاکستان کو12رنز سے مات ہوئی،تیسرے میں مہمان ٹیم کا دیا 359کا ہدف ناکافی ثابت ہوا اور انگلینڈ نے 6وکٹ سے فتح سمیٹی، دونوں ہائی اسکورنگ مقابلوں میں پاکستانی بولنگ انتہائی غیر موثر نظر آئی،چوتھا ون ڈے جمعے کو ناٹنگھم میں کھیلا جائے گا،مزید ایک فتح انگلش ٹیم کو0-3کی فیصلہ کن برتری دلادے گی۔ پاکستان کیلیے ایک مثبت پہلو بیٹسمینوں کی فارم ہے، خاص طور اوپنرز عمدہ کارکردگی کا مظاہرہ کررہے ہیں۔ فخرزمان نے دوسرے جبکہ امام الحق نے تیسرے ون ڈے میں جارحانہ سنچری بنائی،پاکستان نے اگر عابد علی کو آزمانے کا فیصلہ کیا تو کسی ایک اوپنر کو آرام بھی دیا جا سکتا ہے، بابر اعظم گذشتہ میچ میں ناکامی سے قبل اچھی فارم میں تھے، حارث سہیل نے بھی برسٹل میں اپنی غفلت سے رن آؤٹ ہونے سے قبل مشکل وقت میں پُراعتماد بیٹنگ کی۔

اگر شعیب ملک کھیلے تو ان کو جگہ خالی کرنا پڑسکتی ہے، آصف علی اچھی پاور ہٹنگ کا مظاہرہ کررہے ہیں،سرفراز احمد اسٹرائیک ریٹ بڑھانے میں تھوڑی دشواری محسوس کرتے نظر آئے، پاکستان بیٹنگ کو استحکام دینے کے ساتھ اچھی آف اسپن بولنگ سے فائدہ اٹھانے کیلیے محمد حفیظ کو شامل کرنے پر غور کررہا ہے۔ بولرز میں اب تک سب سے کمزور کڑی ثابت ہونے والے فہیم اشرف کی جگہ خطرے میں ہوگی۔ پیس بیٹری میں محمد حسنین کو آزمانے کا آپشن موجود ہے۔ دوسری جانب سلواوور ریٹ پر ایک میچ کی معطلی کا سامنا کرنے والے انگلش کپتان ایون مورگن کی غیر موجودگی میں قیادت جوز بٹلر کے سپرد کیے جانے کا امکان ہے،دوسرے ون ڈے میں مہمان بولرز کی پٹائی کرنے کے بعد آرام کرنے والے جارح مزاج بیٹسمین ایک بار پھر چھکے چھڑانے کا سوچ رہے ہوں گے۔ جونی بیئراسٹو نے برسٹل میں سنچری جڑی، جیسن روئے، جوئے روٹ اور بین اسٹوکس بھی بڑا اسکور کرنے کی بھرپور صلاحیت رکھتے ہیں،انگلینڈ اپنی بولنگ پاور کو تقویت دینے کیلیے جوفرا آرچر کو میدان میں اتارنے کا فیصلہ کرسکتا ہے،پیسر نے پہلے میچ میں تباہ کن آغاز کیا تھا لیکن بعد ازاں بارش نے مداخلت کردی، اگلے دونوں میچز میں انھیں کھیلنے کا موقع نہیں دیا گیا۔

مارک ووڈ کی بھی آزمائش ہوسکتی ہے،دونوں پیسرز کو شامل کرنے کیلیے لیام پلنکٹ اور کرس ووئکس کو آرام دیے جانے کا امکان ہے،عادل رشید کی بھی واپسی ممکن ہے۔ ناٹنگھم میں ٹرینٹ برج گراؤنڈ کی پچ فلیٹ اور خشک ہونے کی وجہ سے بیٹنگ کیلیے سازگار سمجھی جاتی ہے،باؤنڈریز بھی چھوٹی ہیں، انگلینڈ نے وہاں گذشتہ 3میچز میں 2بار450 سے زائد رنز بنائے ہیں،ٹیم نے جون 2018 میں آسٹریلیا کیخلاف 6وکٹ پر ورلڈریکارڈ 481رنز اسکور کیے۔ اس سے قبل اگست 2016میں پاکستان کیخلاف صرف 3وکٹ پر 444کا مجموعہ حاصل کیا تھا، بیٹسمینوں کی اس جنت پر حریف ٹیم کے آگے بند باندھنا اعتماد سے عاری پاکستانی بولنگ کیلیے سخت چیلنج ہوگا،گذشتہ دونوں میچز میں نئی گیند سے وکٹیں حاصل نہ کرنے والے گرین شرٹس اس بار بھی انگلش بیٹنگ پر ابتدا میں کاری ضربیں لگانے میں کامیاب نہ ہوئے تو بڑا مجموعہ حاصل کرنے سے روکنا مشکل ہوجائے گا، میچ کے دوران بارش کی مداخلت کا امکان بہت کم ہے۔

گزشتہ روز پاکستانی ٹیم نے بھرپور پریکٹس سیشن میں فیلڈنگ پر خاص توجہ دی، تیسرے میچ میں 5 کیچز گرانے والے فیلڈرز سخت محنت کرتے نظر آئے، بیٹسمینوں میں شعیب ملک اور محمد حفیظ سمیت سب نے کھل کر اسٹروکس کھیلے،بولرز نے یارکرز اور آف اسٹمپ سے باہر جاتی گیندوں کو بہتر بنانے کیلیے پریکٹس جاری رکھی،اظہر محمود سب پر خصوصی توجہ دیتے رہے۔

(ایمرا نیوز آن لائن)
اسلام آباد: چیئرمین ایف بی آر شبر زیدی کی تعیناتی اسلام آباد ہائیکورٹ میں چیلنج کردی گئی۔ وقت نیوز کے مطابق ایف بی آر کے 19ویں گریڈ کے افسرعلی محمد نے چیئرمین ایف بی آر شبرزیدی کی تعیناتی چیلنج اسلام آباد ہائی کورٹ میں چینلج کردی، درخواست میں چیئرمین ایف بی آر کو فریق بنایا گیا ہے۔

درخواست میں عدالت سے استدعا کی گئی کہ پرائیویٹ سیکٹر سے ایف بی آر میں تعیناتیاں روکی جائیں اور شبر زیدی کو بطور چیئرمین ایف بی آر کام کرنے سے روکا جائے، ایف بی آر کے ریگولر افسران کے ساتھ امتیازی سلوک نہ برتا جائے اور چیئرمین ایف بی آر کے لئے قابل افسران کی تعیناتی پر غور کیا جائے جب کہ شبر زیدی کی تعیناتی کوغیر قانونی قرار دیا جائے۔

(ایمرا نیوز آن لائن)
پارلیمانی لیڈر پیپلز پارٹی پنجاب سید حسن مرتضی نے کہا کہ نیازی نے اقتدار کی لالچ میں ملک کو تباہ کر دیا ہے پاکستان میں عمران نیازی کی نہیں آئی ایم ایف کی حکومت ہے۔ اپنے ایک بیان میں حسن مرتضی کا کہنا تھا کہ ڈالر کی قدر اور اشیاء کی قیمتوں میں ہوشربا اضافہ نیازی حکومت کے خاتمے کی نوید ہے ۔

انہوں نے کہا کہ فردوس عاشق اعوان جیسے درباری وزرا کی زبان درازیاں نیازی کو بچا نہیں سکتیں جبکہ مراد سعید جیسے مالشیئے بھی جلد مفرور ہونے والے ہیں۔حسن مرتضی کا کہنا تھا کہ عیدالفظر کے بعد لوگ نیازی سے زکواۃ چوری کا بھی حساب لیں گے، جبکہ چوروں کے سردار عمران نیازی کو ایمنسٹی اسکیم بھی نہیں بچا سکتی۔

چشتیاں(ایمرا نیوزاے ڈی گل چشتیاں)
محبوب کالونی کا رہاٸشی 15سالہ رستم روزگار کے لیے لاھور گیا مگر واپس نہ لوٹا. رستم کی والدہ کا کہنا تھا کہ چشتیاں رستم گزشتہ تین روز قبل گھر أرہا تھا۔اچانک موباٸل بند ہوگیا۔ تین دن سے بیٹے کے ساتھ رابطہ نہ ہونے پر اہل خانہ و اہل محلہ سراپہ احتجاج ہیں

چشتیاں اہل خانہ و اہل محلہ نے وزیراعظم و وزیراعلی سے دردمندانہ اپیل کر دی. اور مطالبہ کیا ہے کہ بیٹے کو جلد از جلد تلاش کرکے والدین کے سپرد کیا جاۓ۔

لاہور (ایمرا نیوز/محمد شہزاد)
مدنی چینل کی طرف سے ہوٹل ون میں صحافیوں کے اعزاز میں افطار پارٹی کا شاندار اہتمام کیا گیا. جس میں لاہور کے سینئر صحافیوں کی کثیر تعداد نے شرکت کی. اس موقع پر روزہ اور روزہ کی فضیلت کے بارے میں درس بھی دیا گیا جس میں روزہ کی فضیلت بیان کی گئی. افطاری کے موقع پر صحافی برادری کے لیے کئی قسموں کے پکوان تیار کیے گئے. اور نماز مغرب ادا کی گئی جس کے بعد صحافیوں میں کتابوں کے تحائف بھی تقسیم کیے گئے. صحافیوں نے مدنی چینل کی اس کاوش کو بھرپور سراہا اور ان کا شکریہ ادا کیا.

(ایمرا نیوز/رپورٹ رانا عالمگیر عباس سے)
خیرپورٹامیوالی: محکمہ انہار کالونی کے رہاٸشی محمد راشد نے سمبڑیال ضلع سیالکوٹ کی رہاٸشی عاٸشہ سےتین ماہ قبل پسند کی شادی کی تھی. عاٸشہ کی والدہ کےدل میں پسندکی شادی کا رنج تھا۔ عائشہ کی والدہ اپنے بھاٸی افتخار ملک وغیرہ کےساتھ انہار کالونی میں پہنچ کردولہےاور انکےگھر والوں کو قتل کرنےکی دھمکیاں دیں۔ گزشتہ رات تقریباً دس بجے تین مسلح افرادجس میں عاٸشہ کا کزن شاہ روزاحمد والدہ شگفتہ یاسمین ایک نا معلوم الاسم تھا. موٹرساٸیکل پرسوارتھے نےانہار کالونی میں پہنچ کردولہےکےگھرمیں گھس کراندھا دھند گولیوں کی بچھاڑ کر دی۔



دولہےکے والد فیض بخش، بھاٸی محمدشاہد، ماموں محمدابراھیم کو موقع پر قتل کر دیا۔ جبکہ منظور ماٸی، سونیا سمیت پانچ سالہ زین الطاف کوشدید زخمی کرتےہوٸےفرار ہونے میں کامیاب ہوگٸے. اطلاع ملتےہی ڈی ایس پی غلام احمدبودلہ، اسسٹنٹ کمشنر بلاول علی ہنجرا، ایس ایچ اومحمدزبیرانجم پولیس نفری کےہمراہ جاٸےوقوع پر پہنچ گئے۔ ابتداٸی کاررواٸی کرتےہوٸے ڈیڈ باڈیز کو اپنے قبضہ میں لیکرپوسٹماڑم کیلٸےٹی ایچ کیوہسپتال پہنچادیا۔ جبکہ زخمیوں کوطبی امداد کیلٸے بہاولپور وکٹوریہ ہسپتال ریفرکردیاگیا-