All posts by Sibte Hussain

عارفوالا(ایمرا نیوز/ بیورو چیف سید رضاعباس زیدی)
پاکستان تحریک انصاف کے مقامی کارکن اور چک 52 ای بی کے کاشتکار شبیر حسین المعروف شمے خاں بلوچ نے کہا کہ مقامی انتظامیہ ہمارے سیاسی مخالفین کے ساتھ ملکر ہمیں حراساں کرنے کی کوشش کررہی ہے، ہائی کورٹ کے حکم کے باوجود ہمیں رقبہ میں گندم کی کٹائی سے روکا جارہا ہے ۔ عارفوالا/گاؤں کی نمبرداری کی زمین کے کیس میں بھی میرے خلاف رپورٹ تیار کی گئی جبکہ ریکارڈ کے مطابق میرا دادا ماہی خاں بلوچ 1960 سے نمبردار تھا اور پھر میرا والد محبت خاں بلوچ بھی نمبردار رہا، شمےخاں بلوچ نے پریس کانفرنس میں خطاب کرتے ھوے کہا

عارفوالا/نمبرداری کا کیس عدالت میں زیرسماعت ہے جبکہ بحق سرکار لئیے گئے رقبہ پر بھی ہائی کورٹ سے حکم امتناعی حاصل کرنے کے باوجود ان احکامات کو محکمہ مال کے افسران کی جانب سے ہوا میں اڑا جارہا ہے، شمے خاں بلوچ عارفوالا/شمے خاں بلوچ نے پریس کانفرنس میں الزام عائد کیا کہ اے سی عارفوالا افتخار حسین بلوچ سرکاری ریکارڈ کے مطابق 31 دسمبر 2018 کو ریٹائرڈ ہو چکے ہیں لیکن انہوں نے اپنی سروس بک میں تاریخ پیدائش کو بدل کر مدت ملازمت میں غیرقانونی طور پر توسیع لے رکھی ہے، شمے خان نے انکی سروس بک کی جانچ پڑتال کے لئے اسے فرانزک لیبارٹری بھجوانے کا مطالبہ کیا

عارفوالا/شمےخان نے وزیراعظم عمران خان اور دیگر اعلیٰ افسران سے انصاف کی اپیل کرتے ہوئے کہا کہ مقامی انتظامی افسران پی ٹی آئی کے کارکنان کی بجائے مسلم لیگ ن کے راہنماؤں کی بلاجواز امداد کر رہے ہیں جو سراسر زیادتی ہے۔ عارفوالا/اسسٹنٹ کمشنر عارفوالا افتخار حسین بلوچ نے کہا کہ اس معاملہ میں قانون کے مطابق کاروائی کی جارہی ہے لیکن اگر عدالت سے کوئی حکم امتناعی جاری ہوا تو اسکی کی تعمیل کی جائیگی، تاہم انہوں نے اس سلسلہ میں لگائے جانے والے الزامات کو مسترد کر دیا عارفوالا/اے سی عارفوالا نے اپنی سروس کے معاملہ پر بھی اس الزام کو مسترد کرتے ہوئے بتایا کہ انکی ریٹائرمنٹ کی مدت 20 جنوری 2022 ہے، جو ریکارڈ پر موجود ہے۔

کویت(وقت نیوز/رپورٹ عدنان فرید سے)
امیر کویت نے شیخ جابر الاحمد پل کا افتتاح کر دیا۔ شیخ جابر الاحمد پل سمندر پر بنائے جانے والے دنیا کے طویل ترین پلوں میں سے ایک ہے جو کویت سٹی اور نئے بننے والے “سلک سٹی” کو آپس میں جوڑے گا۔ یاد رہے کہ نئے پراجیکٹ سلک سٹی کی تعمیر 2035 تک مکمل ہو گی.

(وقت نیوز/رپورٹ عدنان فرید سے)
جماعت اہلسنت کویت کے زیر اہتمام عظیم الشان محفل کا انعقاد کیا گیا. محفل کا مقصد استقبال رمضان تھا جس میں قاری خلیل احمد رضوی صدر جماعت اہلسنت کویت قاری محمد الیاس سلطانی محمد سجاد چیف آرگنائزر جماعت اہلسنت کویت اور لوگوں کی کثیر تعداد نے اس میں شرکت کی.

محفل کے مہمان خصوصی جناب صدر صدرپریس کلب کویت طارق علی محسن تھے. اس کے علاوہ صدر پاکستان مسلم لیگ نون یوتھ ونگ چوہدری غضنفر چوری عدنان افضل بانی اور چیف ایگزیکٹو پاکستان کریسنٹ سوسائٹی کویت شہزاد احمد جنرل سیکٹری پاکستان پریس کلب خالد نور اور دیگر کثیر تعداد میں لوگوں نے شرکت کی.

(ایمرا نیوز آن لائن)
مسلم لیگ ن کے رہنما رانا ثناء اللہ کا کہنا ہے کہ باجی فردوس آپ تو پچھلی حکومت میں تھیں، اگر ماضی کے حکمران چور تھے تو آپ کو تو جیل کے اندر ہونا چاہیے۔

معاون خصوصی اطلاعات فردوس عاشق اعوان کے بیان پر رانا ثنااللہ نے رد عمل میں کہا کہ فردوس عاشق اعوان بولتی ہیں تو ماضی کے تمام حکمراں یاد آجاتے ہیں، فردوس باجی آپ وزارتِ پیٹرولیم میں ڈاکے اور گیس کے جعلی بلوں کا حساب کب دیں گی، 16 ارب یومیہ چوری کا جواب دیں۔

انہوں نے مزید کہا کہ پچھلے 9 ماہ میں 10 فی صد مہنگائی کا جواب دیں، ماضی میں سرکاری بسوں اور دواؤں کی کرپشن کا جواب بھی نہیں آیا۔

ان کا کہنا تھا کہ نواز شریف، شہباز شریف کا نام لے کر آپ اپنے آج کل کے افسر عمران نیازی کی نالائقی اور نااہلی کو نہیں چھپا سکتیں، اگر آپ عمران نیازی کے بیانیے کی ترجمانی کر رہی ہیں تو پھر اللہ ہی حافظ ہے۔

(ایمرا نیوز آن لائن)
گوجرانوالہ میں موبائل فون پر کسی سے بات کرنے پر بھائی نے بہن کو فائرنگ کر کے قتل کردیا اور فرار ہوگیا۔

پولیس کے مطابق نواحی علاقے واہنڈو میں موبائل پر کسی سے بات کرنے پر چھوٹے بھائی ماجد نے اپنی بڑی بہن کنول شہزادی کو فائرنگ کرکے مار ڈالا۔

پولیس نے لاش کو تحویل میں لے کر پوسٹ مارٹم کے لیے اسپتال منتقل کردیا اور مقدمہ درج کر کے تفتیش شروع کردی ۔

(ایمرا نیوز آن لائن)
انتباہ پہلی مرتبہ نہیں ملا،ہم ایسی باتیں سننے کے عادی ہیں۔کئی بار ایسے حکمران آئے جنہوںنے قرض اتارو ملک سنوارو نعرجیسے خوب صورت اور فلکشگاف نعرے لگائے مگر نہ ان کے دور میں قرض اترااور نہ ہی ان کے بعد آنے والے حکمران ایسی کسی خواہش میں کامیاب ہو پائے۔پہلے دن سے پاکستان کے عوام قرض کی زنجیر میں ایسے جکڑے ہیں کہ آج تک اس سے نکل ہی نہیں پائے۔قرض اتارنے کی خواہش آج تک تو خوابوں میں ہی شایدپوری ہو پائی ہو۔پاکستان کے عوام دہائیاں دیتے ہیں ان کی حالت پہلے سے بھی بدتر ہوتی جا رہی ہے اور قرضے کی ویلیو بڑھتی جا رہی ہے سمجھ نہیں آتی کہ غریب عوام کی حالت سدھارنے کے لیے لیاجانے والا قرض جاتا کہاں ہے۔ موجودہ حکومت تبدیلی حکومت ہے۔

موجودہ وزیراعظم نے الیکشن جیتنے سے قبل قسمیں لے لے کر وعدے کیے تھے کہ میں آئی ایم ایف یا کسی اور ملک کے پاس قرضہ لینے نہیں جاﺅں گا بلکہ خود کشی کرنے کو ترجیح دوں گا تاہم آج وہی وزیر اعظم آئی ایم ایف سے قرضہ لینے میں کامیاب ہونے کے لیے وزیرخزانہ کو بھی بدل دیتا ہے اور عوام کو بھی قرض حاصل کرنے کی افادیت پر لیکچر دیتا نظر آتا ہے۔ بہر حال آئی ایم ایف سے پاکستان کومزید قرضہ ملنے کی نوید تو مل چکی ہے مگر گزشتہ میٹنگ میں آئی ایم ایف نے یہ رپورٹ بھی جاری کر دی کہ آنے والے دو سالوں میں پاکستان نے بیرونی قرضے کی مد میں27بلین ڈالر واپس کرنے ہیں۔جبکہ اس وقت ملنے والا قرضہ لے کررواں برس جون کے مہینے تک پاکستان کا مجموعی قرضہ جی ڈی پی کی ریشو کے حوالے سے77فیصد ہو جائے گا جو کسی بھی ملک کی معیشت کو ڈبونے اور اسے برباد کرنے کے لیے نقطہ عروج سمجھا جاتا ہے۔

کسی بھی ملک پر جب جی ڈی پی کے تناسب سے مجموعی بیرونی قرضة70فیصد تک پہنچتا ہے تو اس کی معیشت ڈاﺅن ہونا شروع ہو جاتی ہے جبکہ پاکستان کا بیرونی قرضہ مجموعی طور پر72فیصد تک گزشتہ ن لیگ کے دور حکومت تک پہنچ گیا تھا۔اب دیکھنا یہ ہے کہ ان دو سالوں میں 27بلین ڈالر کا قرضہ موجودہ حکومت کیسے واپس کرتی ہے اور عوام کے لیے ریلیف مہیا کرنے میںکیا اقدامات کرتی ہے کیونکہ اس وقت کی معاشی صورت حال تو کچھ اور منظر نامہ پیش کررہی ہے

لاہور (ایمرا نیوز آن لائن)
پاکستان میں کبوترپروری کے شوقین استادوں نے بھارتی نسل کے کبوتروں سے کراس بریڈکے ذریعے ایسے کبوتر تیار کئے ہیں جو اپنی خوبصورتی اور پرواز میں بھارتی کبوتروں سے کہیں آگے ہیں۔ ٹیڈی اور گولڈن نسل کے یہ کبوتردن میں 18 گھنٹے تک پرواز کرسکتے ہیں جبکہ ایک کبوتر کی مالیت لاکھوں روپے تک بتائی جاتی ہے،پاکستان میں مغلیہ دورکے کبوتروں کی نایاب نسلیں بھی موجود ہیں۔

لاہور کے علاقہ کاہنہ میں ان دنوں کبوتربازی کے مقابلے ہورہے ہیں۔ کبوتربازی کے شوقین افراد تیز دھوپ اور گرمی میں نگاہیں آسمان پر ٹکائے اپنے کبوتروں کو دیکھنے کی کوشش کررہے ہیں۔ مختلف کبوتربازوں نے صبح ساڑھے پانچ بجے اپنے اپنے کبوتر اڑائے تھے اور اب شام ڈھلنے تک ان کی واپسی کا انتظار کیا جائے گا،جو کبوتر سب سے آخر میں واپس آکر بیٹھے گا وہ فاتح کہلائے گا۔…

لاہور(وقت نیوز آن لائن)
ماڈل ٹاؤن پراپرٹی ڈیلرز ایسویسی ایشن اور چغتاتی لیب کے درمیان معاہدہ طے پاگیا۔ ماڈل ٹاؤن رجسٹرڈ پراپرٹی ڈیلرز کے چیرمین عیتق الرحمن جوئیہ کی اس کاوش نے ڈیلرز برادری کے دل جیت لیے۔ چغتاتی لیب کے کارڈ ھولڈرز ڈیلرز کو مختلف پتھالوجیکل ٹیسٹوں میں پچیس فصید رعایت ملے گی ھرماہ جعمرات کو فری چیک اپ کیا جائے گا۔
میڈیا 92 کی خاص رپورٹ دیکھیں

جعمہ کے روز خریداری پر ادویات پر بارہ فصید رعایت دی جائے گی، جبکہ کارڈ ھولڈر ڈیلرز کو بہترین سروسز مہیا کی جائیں گی معاہدہ کی اس تقریب میں یاسر بٹ ندیم احمد خان ندیم چوئدری ،چوئدری عمران ،غنی گجر ،محمد ضیا الرحمان ،محمد افضل ،انصاری عابد حیسن ،اور میاں پرویز علی نے خصوصی شرکت کی ماڈن ٹاؤن کے پراپرٹی ڈیلرز کی کیثر تعداد نے چیرمین عیتق الرحمان جوئیہ کی اس خصوصی کاوش پر ان کا شکریہ ادا کیا اور ان کی جانب سے ان کی بے لوث خدمات کو بھی سراہا۔

(ایمرا نیوز آن لائن)
لاہور 29 اپریل, یونیورسٹی آف سنٹرل پنجاب ( یوسی پی) میں میری زندگی کا سفرکے عنوان سے سیمینار کا انعقادکیا گیا۔سیمینار کا اہتمام فیکلٹی آف میڈیا اینڈ کمیونیکیشن اسٹڈیز نے کیا تھا ۔ یونیورسٹی کے مین آڈیٹوریم میں ہونے والے سیمینار کے مہمان خصوصی چیئرمین الحمرا آرٹس کونسل اور سینیئر اداکار توقیر ناصرتھے۔ سیمینار میں فیکلٹی آف میڈیا کے اساتذہ اور طلباوطالبات کی بڑی تعداد نے شرکت کی۔

مہمان خصوصی توقیر ناصر نے اپنی زندگی کے نشیب و فراز حاضرین کے ساتھ شیئر کیے۔انکا کہنا تھا انہوں نےچالیس سال ثقافتی سرحد پر ملک کی حفاظت کی اورناکامیوں کے خوف سے کبھی نہیں گھبرائے۔ڈین میڈیا سکول پروفیسر ڈاکٹر حنان احمد نے توقیر ناصر کو سیمینار میں خوش آمدید کہا۔انکا کہنا تھا زندگی کے تجربات و مشاہدات انسان کو آگے بڑھنے میں معاون ثابت ہوتے ہیں۔

تقریب کے اختتام پر ڈین ڈاکٹر حنان احمد نے توقیر ناصر کو سووینیر اور پھول بھی پیش کیے۔بعد میں توقیر ناصر نے پروریکٹر یوسی پی پروفیسر ڈاکٹر نظام الدین سے بھی خصوصی ملاقات کی۔ اس موقع پر توقیر ناصر نے فیکلٹی آف میڈیا کے مختلف شعبوں کا دورہ کیا اور ٹی وی پروڈکشن ہاوس اور ایف ایم ریڈیو کیلئے خصوصی انٹرویو بھی ریکارڈ کروایا

اسلام آباد(وقت آن لائن)جعلی اکاؤنٹس کیس میں دو خواتین ملزمان کے بعد اور ایک ملزم نے وعدہ معاف گواہ بننے کی درخواست دے دی۔احتساب عدالت نمبر 2 کے جج ارشد ملک جعلی اکاؤنٹس کیس کی سماعت کر رہے ہیں اور سابق صدر آصف علی زرداری اور ان کی ہمشیرہ فریال تالپور کمرہ عدالت میں موجود ہیں۔ذرائع کے مطابق سابق صدر آصف علی زرداری اور فریال تالپور کی ضمانت میں توسیع کے لیے آج اسلام آباد ہائی کورٹ بھی جانے کا امکان ہے۔ کیس کی سماعت شروع ہوئی تو ملزم شیر محمد نے وعدہ معاف گواہ بننے کی درخواست دی جس پر نیب پراسیکیوٹر نے کہا کہ ملزم کی درخواست موصول ہو چکی ہے جس کا جائزہ لیا جا رہا ہے۔اس سے قبل کرن اور نورین نامی 2 ملزم خواتین نے عدالت سے گواہ بننے کی درخواست کی تھی جس پر انہیں عدالت نے دونوں خواتین کو الگ الگ تحریری درخواستیں جمع کرانے کی ہدایت کی تھی۔
جعلی بینک اکاؤنٹس کیس کا پسِ منظر

منی لانڈنگ کیس 2015 میں پہلی دفعہ اسٹیٹ بینک کی جانب سے اُس وقت اٹھایا گیا، جب مرکزی بینک کی جانب سے وفاقی تحقیقاتی ادارے (ایف آئی اے) کو مشکوک ترسیلات کی رپورٹ یعنی ایس ٹی آرز بھیجی گئیں۔ایف آئی اے نے ایک اکاؤنٹ سے مشکوک منتقلی کا مقدمہ درج کیا جس کے بعد کئی جعلی اکاؤنٹس سامنے آئے جن سے مشکوک منتقلیاں کی گئیں۔معاملہ سپریم کورٹ تک پہنچا تو اعلیٰ عدالت نے اس کی تحقیقات کے لیے مشترکہ تحقیقاتی ٹیم ( جے آئی ٹی) تشکیل دی جس نے گزشتہ برس 24 دسمبر کو عدالت عظمیٰ میں اپنی رپورٹ جمع کرائی جس میں 172 افراد کے نام سامنے آئے۔جے آئی ٹی نے سابق صدر آصف علی زرداری اور اومنی گروپ کو جعلی اکاؤنٹس کے ذریعے فوائد حاصل کرنے کا ذمہ دار قرار دیا اور ان کے نام ای سی ایل میں ڈالنے کی سفارش کی۔اس کیس میں سابق صدر آصف علی زرداری، ان کی ہمشیرہ فریال تالپور سے بھی تفتیش کی گئی جب کہ پیپلز پارٹی کے چیئرمین بلاول بھٹو زرداری نے بھی تحریری طور پر جے آئی ٹی کو اپنا جواب بھیجا جب کہ اومنی گروپ کے سربراہ انور مجید اور نجی بینک کے سربراہ حسین لوائی ایف آئی اے کی حراست میں ہیں۔سپریم کورٹ نے 7 جنوری 2019 کو اپنے فیصلے میں نیب کو حکم دیا کہ وہ جعلی اکاؤنٹس کی از سر نو تفتیش کرے اور 2 ماہ میں مکمل رپورٹ پیش کرے جب کہ عدالت نے جے آئی ٹی رپورٹ بھی نیب کو بجھجوانے کا حکم دیا۔اعلیٰ عدالت نے حکم دیا کہ تفتیش کے بعد اگر کوئی کیس بنتا ہے تو بنایا جائے۔نیب نے 7 جنوری کو ہی جعلی اکاؤنٹس کیس کی تحقیقات کے لیے کمبائنڈ انویسٹی گیشن ٹیم (سی آئی ٹی) تشکیل دی جس کی سربراہی ڈی جی نیب راولپنڈی کو دی گئی۔آصف علی زرداری اور بلاول بھٹو زرداری نے 20 مارچ کو نیب کی کمائنڈ انویسٹی گیشن کے سامنے پیش ہو کر بیان ریکارڈ کرایا۔نیب راولپنڈی نے جعلی اکاؤنٹس کیس میں تین ریفرنسز تیار کر کے نیب ہیڈ کوارٹر بھجوائے اور چیئرمین نیب جسٹس (ر) جاوید اقبال کی زیر صدارت نیب ایگزیکٹو بورڈ نے 2 اپریل کو جعلی اکاؤنٹس کیس میں پہلا ریفرنس اومنی گروپ کے چیف ایگزیکٹو عبدالغنی مجید اور دیگر کے خلاف دائر کرنے کی منظوری دی۔