Category جرم وانصاف

لاہور کے علاقے کاہنہ میں قتل کی لرزہ خیز واردات، نامعلوم افراد نے گھر میں فائرنگ خاتون اور تین بچوں کو قتل کر دیا،،،
کاہنہ ایل ڈی اے گول چکر کے قریب نامعلوم افراد نے گھر میں گھس کر لیڈی ڈاکٹر ناہید اسکے بیٹے اور دو بیٹیوں کو قتل کردیا،، مقتولہ کا اپنا گھر تھا، جس میں انہوں نے ایک کلینک بنا رکھا تھا، اور وہ وہاں پچیس سال سے رہائش پذیر تھیں، بڑا بیٹا زین دوسرے گھر سویا ہوا تھا، جس کی وجہ سے بچ گیا، پولیس اور فرانزک ٹیموں نے موقع پر پہنچ کر شواہد اکھٹے کئے، وزیراعلی عثمان بزدار نے ایک ہی خاندان کے 4افراد کے قتل کے واقعہ کا نوٹس لیتے ہوئے سی سی پی او لاہور سے رپورٹ طلب کر لی۔

کراچی کی مقامی عدالت نے ہتک عزت کیس میں پی ٹی آئی رہنما حلیم عادل شیخ پر فرد جرم عائد کردی۔
حلیم عادل شیخ کا صحت جرم سے انکار کردیا گیا، عدالت نے 13فروری کو گواہوں کو طلب کرلیا۔ صوبائی وزیر سعید غنی نے پی ٹی آئی رہنماء پر ہتک عزت کے تین کیس دائر کیے ہیں، درخواست گزارنےموقف اپنایا کہ نجی ٹی وی کے پروگرام میں بے بنیاد الزامات لگائے گئے، ان کی ساکھ کو نقصان پہنچانے کی کوشش کی،سعید غنی کا کہنا ہے کہ حلیم عادل شیخ کیخلاف قانونی کارروائی کا حق استعمال کیا ہے۔

اپوزیشن لیڈر سندھ حلیم عادل شیخ نے آئی جی سندھ اور ایڈیشنل آئی جی کراچی کو خط لکھا ہے جس میں انہیں دھمکی آمیز پیغامات ملنے کی تحقیقات اور مناسب سکیورٹی دینے کا مطالبہ کیا ہے۔
اپوزیشن لیڈر سندھ اسمبلی حلیم عادل شیخ نے دھمکی آمیز ویڈیو کے خلاف ارسال خط کی کاپیاں مختلف اداروں کو بھی بھیج دیں جن میں کہا گیا کہ کچھ روز قبل سوشل میڈیا گروپس پر دھمکی آمیز ویڈیو اپ لوڈ کی گئی تھی۔ پولیس بلٹ پروف جیکٹ، رائفل، پستول اور ہتھکڑیاں دکھائی گئی تھیں۔
ویڈیو میں پس پردہ شخص خود کو پولیس اہلکار ظاہر کر رہا ہے، حلیم عادل شیخ نے کہا کہ ظاہر کیا گیا کہ سندھ پولیس اہلکار مجھ سے ناراض ہیں۔ میں عوام پر پولیس کی زیادتیوں کو نمایاں کرتا ہوں اس لئے طنزیہ دھمکیاں دی گئیں۔ تاثر دیا گیا کہ جانی حملے کی کوشش کو پولیس اہلکار کی انتقامی کارروائی سمجھا جائے۔
خط میں مزید کہا کہ معاملے کی جلد از جلد تحقیقات کی جائیں تا کہ حقائق سامنے آئیں۔ گزشتہ ماہ واٹس ایپ پر غیرملکی نمبر سے دھمکی آمیز پیغامات بھی مل چکے۔ ایف آئی اے سائبر کرائم ونگ دھمکی آمیز پیغامات کے معاملے کی تحقیقات کر رہا ہے۔ خطرات کے باعث مناسب سکیورٹی فراہم کی جائے۔

وزیراعلیٰ عثمان بزدار کہتے ہیں مری میں پیش آنے والے افسوسناک واقعے کی تحقیقات کا آغاز ہو چکا ہے، ذمہ دار سزا سے نہیں بچ سکیں گے۔
وزیراعلیٰ عثمان بزدار نے اپنے بیان میں کہا ہے کہ غفلت یا کوتاہی کے ذمہ داروں کے خلاف بلا تفریق کارروائی ہوگی، انکوائری رپورٹ کی روشنی میں جو بھی قصور وار نکلا، اس کے خلاف قانون کے تحت ایکشن لیا جائے گا، قیمتی جانوں کے ضیاع پر ہر آنکھ اشکبار اور ہر دل دکھی ہے، آئندہ ایسے افسوسناک واقعات کو روکنے کیلئے شارٹ ٹرم اورلانگ ٹرم پلاننگ کی جا رہی ہے۔

بھارت کے غیر قانونی زیر قبضہ جموں وکشمیر میں بھارتی فوجیوں نے اپنی ریاستی دہشت گردی کی کارروئی کے دوران ضلع بڈگام میں تین کشمیری نوجوان شہید کر دیے
کشمیر میڈیا سروس کے مطابق فوجیوں نے نوجوانوں کو ضلع کے علاقے چاڈورہ میں محاصرے اور تلاشی کی کارروائی کے دوران شہید کیا، آخری اطلاعات تک علاقے میں تلاشی آپریشن جاری تھا،،دریں اثنا بھارتی پولیس نے سرینگر کے ڈاﺅن ٹاﺅن علاقے سے تلاشی آپریشن کے دوان چار نوجوان گرفتار کر لیے،،قبل ازیں بھارتی فوجیوں نے اپنی ریاستی دہشت گردی کی تازہ کارروائی کے دوران ضلع پلوامہ میں تین کشمیری نوجوانوں کو شہید کیا تھا، فوجیوں نے نوجوانوں کو ضلع کے علاقے چند گام میں تلاشی اور محاصرے کی ایک کارروائی کے دوران شہید کیا تھا۔

Делая ставки на спорт, стоит помнить о том, что, если выигрыш составит больше 15 тысяч рублей, автоматически будет списан налог. mosbet Игроку придется размещать ставки типа «ординар» с коэффициентом 3 и более

اسلام آباد ہائی کورٹ نے راول جھیل کے کنارے نیوی کلب کی تعمیر غیر قانونی قرار دے دی اور تین ہفتوں میں گرانے کا حکم دیا
چیف جسٹس اسلام آباد ہائیکورٹ جسٹس اطہر من اللہ نے شہری کی درخواست پر فیصلہ سناتے ہوئے راول جھیل کنارے نیوی سیلنگ کلب کی تعمیر کوغیر قانی قرار دیدیا،چیف جسٹس اطہر من اللہ نے ریمارکس دیئے کہ نیوی کے پاس کسی قسم کے رئیل اسٹیٹ وینچر میں شامل ہونے کا اختیار نہیں،، سی ڈی اے کو بھی اختیار نہیں تھا کہ وہ نیول فارمز کو این او سی جاری کرتی،، ریئل اسٹیٹ بزنس کے لیے ادارے کا نام استعمال نہیں کیا جا سکتا،، پاکستان نیوی نے نیشنل پارک ایریا پر تجاوز کیا،عدالت نے نیوی سلینگ کلب کو تین ہفتوں میں گرانے کا حکم دیتے ہوئے عمل درآمد رپورٹ جمع کرانے کی ہدایت کر دی، اسلام آباد ہائیکورٹ نے سابق نیول چیف ظفر محمود عباسی اور دیگر ذمہ داروں کے خلاف مس کنڈکٹ کی کارروائی کا بھی حکم دے دیا۔

رانا شمیم توہین عدالت کیس میں فرد جرم کی کارروائی 20جنوری تک مؤخر ہو گئی
رانا شمیم توہین عدالت کیس کی سماعت چیف جسٹس اطہرمن اللہ کی سربراہی میں تین رکنی بینچ نے کی، میرشکیل الرحمان کرونا کے باعث فیملی کے ساتھ قرنطینہ ہونے کی وجہ سے عدالت میں پیش نہ ہو سکے، فریقین پر فرد جرم عائد کرنے کی کارروائی 20جنوری تک مؤخر کر دی گئی،،صحافی انصار عباسی نے عدالت کو بتایا کہ تحریری حکمنامہ میں کچھ باتیں ہیں جو ہم نے نہیں کہیں،، چیف جسٹس نے کہا کہ عدالت اظہار رائے کی آزادی کا بہت احترام کرتی ہے اور سب سے زیادہ سائل کے حقوق کی محافظ ہے، بیانیہ بنایا گیا کہ اسلام آباد ہائی کورٹ کسی کی ہدایت پر عمل کرتی تھی ؟،،انصار عباسی نے کہا کہ اگر بیان حلفی جھوٹا ہے تو ہم لکھ دیں گے کہ بیانی حلفی جھوٹا ہے، مجھے نہیں پتہ تھا کہ بیان حلفی جھوٹا یا سچا ہے۔ اس پر چیف جسٹس نے سوال اٹھایا کہ اگر بیان حلفی جھوٹا ہو پھر بھی چھاپ دینگے؟،،عدالتی معاون فیصل صدیقی نے کہا کہ رانا شمیم کی حد تک یہ مجرمانہ توہین عدالت کا کیس بنتا ہے، صحافیوں کے خلاف نہیں،، خبرشائع کرنے میں لاپرواہی ہوئی،،اٹارنی جنرل نے کہا کہ پہلے دن سے مؤقف ہے کہ میڈیا کا کردار ثانوی ہے،، ایک قصور وار یا بے قصور کا ٹرائل کسی صورت متاثر نہیں ہونا چاہئے،، وکیل لطیف آفریدی نے کہا کہ توہین عدالت سے متعلق عدالتی کارروائی کو ختم کیا جائے،،اس کے بعد کیس کی سماعت 20جنوری تک ملتوی کر دی گئی۔

وزیراعظم عمران خان کی سابقہ اہلیہ ریحام خان نے اپنی گاڑی پر فائرنگ اور گن پوائنٹ پر گاڑی چھن جانے کا دعویٰ کیا ہے۔
ٹوئٹر پر ریحام خان نے لکھا کہ قریبی رشتہ دار کی شادی سے واپسی پر میری کار پر فائرنگ کی گئی، 2موٹر سائیکل سوار افراد نے گن پوائنٹ پر میری گاڑی بھی چھین لی، گاڑی میں میرے پرسنل اسسٹنٹ اور ڈرائیور بھی موجود تھے۔
ریحام خان نے اپنے ٹوئٹ میں عمران خان کو تنقید کا نشانہ بناتے ہوئے سوال کیا کہ کیا یہ ہے عمران خان کا نیا پاکستان؟ بزدلوں، لالچیوں اور ٹھگیوں کی ریاست میں خوش آمدید۔
بعد ازاں ریحام خان نے ایک اور ٹوئٹ کی جس میں درج تھا کہ مجھے موت یا زخمی ہونے سے ڈر نہیں لگتا لیکن میں ان لوگوں کے لیے ناراض اور فکر مند ہوں جو کہ میرے لیے کام کرتے ہیں۔

لاہور میں لیگی ایم پی اے بلال یاسین پر فائرنگ کے واقعے میں ملوث حملہ آوروں کی تصاویر منظر عام پر آگئیں۔ ایک حملہ آور نے سبز اور ایک نے کالی جیکٹ پہن رکھی تھی۔
ساجد عرف گرما نے اسلحہ بیچنے والے سے پستول خریدا تھا، ملزم ڈیوٹی فری شاپ پر سکوں کا کام کرتا ہے اور غیر قانونی طور پر انڈر کور اسلحہ کا کاروبار بھی کرتا ہے۔ ملزم ساجد وقوعہ کے بعد سے انڈر گراؤنڈ ہو چکا ہے۔ ایک ریکارڈ یافتہ ملزم محسن عرف ملو بھی واقعہ میں ملوث ہے،
سیف سٹی اتھارٹی کا جائے حادثہ سے پچاس میٹر دور لگا کیمرہ خراب تھا، پولیس کے مطابق حملہ آوروں نے منہ پر رومال لپیٹ رکھے تھے، کچھ دور جا کر رومال ہٹائے، ملزمان کی تصاویر نادرا کو بھجوا دی گئیں، جلد گرفتار کیا جائے گا، تفتیشی ٹیموں نے کرائم سین سے شاہدرہ تک 60پرائیویٹ ڈی وی آرز کی فوٹیجز حاصل کر لی ہیں، جن کی مدد سے ملزموں تک پہنچنے کی کوشش کی جارہی ہے۔ تفتیش کے دوران معلوم ہوا ہے کہ حملے میں دیسی نہیں بلکہ ترکش نائن ایم ایم کا پستول استعمال ہوا۔ پولیس کے مطابق حراست میں لئے گئے 3اسلحہ ڈیلرز سے بھی تفتیش جاری ہے۔

لاہور میں نون لیگی ایم پی اے بلال یاسین حملے میں زخمی ہوئے اور میو ہسپتال میں زیر علاج ہیں، بلال یاسین کو سرجری کے بعد سرجیکل آئی سی یو میں منتقل کیا گیا
قاتلانہ حملے میں زخمی مسلم لیگ نون کے رکن پنجاب اسمبلی بلال یاسین کی جان بچ گئی، ایم ایس میو ہسپتال ڈاکٹر افتخار احمد کےمطابق بلال یاسین کو دو گولیاں پیٹ کے نچلے حصے جبکہ ایک گولی ٹانگ میں لگی تاہم اب ان کی حالت خطرے سے باہر ہے،،آرتھوپیڈک سرجن ڈاکٹر فیاض باجوہ کا کہنا ہے کہ بلال یاسین کو کامیاب آپریشن کے بعد ایمرجنسی سے سرجیکل ٹاور منتقل کر دیا گیا ہے،بلال یاسین کے بیٹے وہاب کے مطابق ان کی کسی سے کوئی دشمنی نہیں اور نہ ہی انہیں کسی پر شک ہے،،مسلم لیگ ن نے بلال یاسین پر قاتلانہ حملے کے خلاف پنجاب اسمبلی میں قرارداد جمع کرا دی ، قرارداد لیگی ایم پی اے مرزا محمد جاوید کی طرف سے جمع کرائی گئی ہے جس میں ملزموں کی فوری گرفتاری اور انہیں قرار واقعی سزا دینے کا مطالبہ کیا گیا ہے،،مسلم لیگ نون کے صدر شہباز شریف، مریم نواز ، رانا ثنا اللہ و دیگر رہنماؤں نے بلال یاسین پر ہونیوالے حملے کی شدید مذمت کی ہے جبکہ وزیراعلیٰ، وزیر قانون اور آئی جی پنجاب نے سی سی پی او لاہور سے رپورٹ طلب کر رکھی ہے۔