Category جرم وانصاف

کراچی میں زمینوں کی غیرقانونی الاٹمنٹ اور کرپشن کے الزامات پر اینٹی کرپشن ٹیم نے ڈی جی کے ڈی اے آصف میمن کو گرفتار کر لیا،
آصف میمن کا فرنٹ مین بھی زیرحراست، پوچھ گچھ جاری ہے، آصف میمن اور عاطف لمبا نے گلستان جوہر اور کورنگی میں سرکاری اراضی کی غیرقانونی الاٹمنٹ کی، تحقیقات گزشتہ تین ماہ سے جاری تھیں۔

امریکا میں فائرنگ کے ایک اور واقعے کے دوران ڈینور میں مسلح شخص نے گولیاں برسا دیں جس کے نتیجے میں خاتون پولیس افسر سمیت 5 افراد مارے گئے جبکہ متعدد زخمی بھی ہوئے۔
رپورٹ کے مطابق 47سالہ شخص نے شہر کے مختلف علاقوں میں شہریوں کو فائرنگ کا نشانہ بنایا، پولیس نے اطلاع ملنے پر ایک مشکوک کار کا پیچھا کیا تو کار سوار نے اہلکاروں پر بھی فائرنگ شروع کر دی، پولیس کی جوابی فائرنگ کے باوجود مسلح شخص بھاگ فرار ہوگیا،
مسلح شخص گاڑی چلاتا ہوا بیلمار شاپنگ ایریا جا پہنچا اور ایک خاتون پولیس افسر پر فائرنگ کی تاہم جوابی فائرنگ کے نتیجے میں مارا گیا۔ پولیس کے مطابق فائرنگ واقعے میں متعدد افراد زخمی ہیں جن میں سے کچھ کی حالت تشویش ناک ہے۔
پولیس ترجمان کا کہنا تھا کہ حملہ آور کی جانب سے شہریوں پر فائرنگ کا مقصد واضح نہیں ہو سکا۔

اسلام آباد ہائیکورٹ نے سابق چیف جج گلگت بلتستان کے خلاف توہین عدالت کی کارروائی کا آغاز کر دیا۔ عدالت نے رانا شمیم اور دیگر پر فرد جرم عائد کرنے کے لئے 7 جنوری کی تاریخ مقرر کر دی۔
چیف جسٹس اسلام آباد ہائیکورٹ جسٹس اطہر من اللہ نے سابق چیف جج گلگت بلتستان رانا شمیم کے خلاف توہین عدالت کیس کی سماعت کی۔ چیف جسٹس اطہر من اللہ نے ریمارکس دیئے کہ یہ توہین عدالت کیس نہیں، اسلام آباد ہائیکورٹ کے احتساب کا مقدمہ ہے، بیانیہ بنایا گیا یہ عدالت سمجھوتہ کیے ہوئے ہے، عدالت اپنے آپ کو احتساب کے لئے پیش کر رہی ہے۔
سابق چیف جج گلگت بلتستان رانا شمیم نے بیان حلفی کا سربمہر لفافہ کھول دیا۔ جسے اسلام آباد ہائیکورٹ نے دوبارہ سیل کرنے کا حکم دے دیا۔ عدالت نے ریمارکس دیئے کہ بیان حلفی کا ثاقب نثار سے تعلق نہیں، بیان حلفی میں ہائیکورٹ کے جج، بنچ اور ان پر الزامات عائد کئے گئے، کوشش کی جا رہی ہے پوری اسلام آباد ہائیکورٹ کو متنازعہ بنایا جائے، بیان حلفی نے پوری اسلام آباد ہائیکورٹ کو مشکوک بنا دیا۔

کراچی کے علاقے قائد آباد میں فائرنگ سے ایک شخص جاں بحق اور ایک زخمی ہو گیا۔
مقتول پیپلزپارٹی کے ایم این اے آغا رفیع اللہ کا قریبی ساتھی کا رشتے دار تھا۔ آغا رفیع اللہ کے مطابق جاں بحق ہونے والا ان کے پارٹی ورکر کا چھوٹا بھائی تھا، اس کو زمین کے تنازع پر دھمکیاں مل رہی تھیں۔
زخمی ہونے والے شخص کو مقامی قبرستان کا چوکیدار بتایا گیا ہے، ہسپتال میں اس کا علاج معالجہ جاری ہے۔

بلوچستان کے ضلع کیچ میں دہشتگردوں نے چیک پوسٹ پر حملہ، فائرنگ کے تبادلے میں لانس نائیک منظر عباس اور سپاہی عبدالفاتح شہید ہوگئے۔
آئی ایس پی آر کے مطابق بلوچستان کے ضلع کیچ میں دہشت گردوں کا چیک پوسٹ پر حملے کے دوران فائرنگ کے تبادلے میں 2سکیورٹی اہلکار جام شہادت نوش کرگئے۔ دہشت گردوں کی تلاش کیلئے سرچ آپریشن جاری ہے۔ لانس نائیک منظر عباس شہید کا تعلق خوشاب جبکہ سپاہی عبدالفاتح شہید کا تعلق خضدار سے تھا۔ سیکورٹی فورسز دشمن عناصر کی کارروائیوں کو ناکام بنانے کیلئے پرعزم ہیں، بلوچستان میں امن و استحکام اور ترقی کو متاثر کرنا دشمن عناصر کا مقصد ہے۔

بھارتی پنجاب کے شہر لدھیانہ کی عدالت میں دھماکے سے دو افراد ہلاک، پانچ زخمی ہو گئے۔
لدھیانہ کی ڈسٹرکٹ کورٹ کے اندر زور دار دھماکا ہوا،، جس میں دو افراد ہلاک اور پانچ زخمی ہوگئے،، زخمیوں کی حالت تشویشناک ہے،،،

سیالکوٹ میں سری لنکا کے شہری کو جلانے کے مقدمے میں بڑی پیش رفت، پراسکیوشن نےسری لنکا کے شہری کو بچانے والے ملک عدنان کو گواہ بنانے کا فیصلہ کرلیا،
سری لنکا کے شہری کو جلانے کے مقدمے میں پراسکیوشن کی خصوصی ٹیم نے تفتیشی افسر کو ہدایات جاری کر دیں، پراسیکیوشن کے مطابق ملک عدنان کو گواہوں کی فہرست میں لازمی شامل کیا جائے، مقدمے کا چالان جنوری کے پہلے ہفتے پراسکیوشن میں جمع کروایا جائے گا، چالان میں ویڈیوز شواہد اہم دستاویزات ہونگی، تمام ویڈیوز کو بطور شہادت عدالت میں پیش کیا جائے گا،

سیالکوٹ واقعہ کی تحقیقات میں سری لنکن شہری کے قتل کے مزید 33مرکزی ملزمان گرفتار کر لیئے گئے، پکڑے گئے مرکزی کرداروں کی تعداد 85 ہو گئی،،
سیالکوٹ پولیس سخت سکیورٹی حصار میں 33ملزموں کو گوجرانوالہ کی انسداد دہشتگردی عدالت میں پیش کیے، افسوس ناک واقعے میں ملوث 52 مرکزی ملزموں پہلے ہی 15 روزہ جسمانی ریماند پر پولیس کی تحویل میں ہیں، گوجرانوالہ کی انسداد دہشتگردی عدالت میں ملزمان کی پیشی کے موقع پر سکیورٹی کے سخت انتظامات کیے گئے،،سیالکوٹ میں نجی فیکٹری میں ملازمت کرنے والے سری لنکن شہری کو مشتعل افراد نے بے دردی سے قتل کیا تھا جس کی حکومت، اپوزیشن، مذہبی جماعتوں سمیت ہر شعبہ ہائے زندگی سے تعلق رکھنے والے افراد نے شدید مذمت کی تھی،،مشتعل ہجوم میں ایک شخص ایسا بھی تھا جوسری لنکن شہری کو بچانے کی مسلسل کوشش کرتا رہا۔

کراچی کے علاقے صدر میں بیوی کے ہاتھوں قتل ہونے والے شیخ سہیل کے کیس کی تفتیش میں سنسنی خیز انکشافات سامنے آ رہے ہیں۔
تفتیشی حکام کا کہنا ہے کہ شیخ سہیل اور گرفتار خاتون رباب عرف عاصمہ نے 2013میں شادی کی تھی، خاتون اور اس کا شوہر 7سال سے آئس کا نشہ کر رہے تھے۔
تفتیشی حکام کے مطابق وقوعہ والی رات دونوں نشہ کر رہے تھے اور خاتون حد سے زیادہ نشے میں تھی، نشے کے دوران خاتون نے شوہر کو تھپڑ مارا اور دونوں میں جھگڑا ہو گیا۔
تفتیشی حکام کا بتانا ہے کہ خاتون نے شوہرکے سر پر لوہے کی راڈ ماری، شوہر کے سر سے خون صاف کرتے وقت پھر جھگڑا ہو گیا اور خاتون شوہر کو مارتی رہی۔
تفتیش میں یہ بات بھی سامنے آئی کہ واردات کے دوران خاتون نے شوہر کی لاش سے پہلے گردن علیحدہ کی اور پھر ہاتھ کاٹے۔
تفتیشی حکام کا کہنا ہے کہ مقتول کے ہاتھ کھڑکی سے باہر پھینکتے ہوئے گلی کے چوکیدار نے خاتون کو دیکھا جس پر خاتون نیچے آئی اور دونوں کٹے ہوئے ہاتھ اٹھا کر ساتھ لے گئی۔
پولیس کے تفتیشی حکام کا بتانا ہے کہ خاتون نے اس حد تک نشہ کر رکھا تھا کہ وہ گرفتاری کے دو روز بعد تک نشے میں تھی۔

سابق آئی جی پنجاب اور بلوچستان چوہدری یعقوب نے جعلی پولیس مقابلوں کا اعتراف کر لیا۔
لاہور میں ایک تقریب سے خطاب کرتے ہوئے سابق آئی جی بلوچستان چوہدری یعقوب کا کہنا تھا کہ میں اعتراف کرتاہوں کہ جعلی پولیس مقابلے ہوتے ہیں لیکن کوئی بھی پولیس مقابلہ حکومت کے علم میں لائے بغیر نہیں ہوتا۔
چوہدری یعقوب کا کہنا تھا کہ پولیس افسران بھی مقابلوں کے بارے میں آگاہ ہوتے ہیں اور پولیس مقابلوں کو حکومتی سرپرستی بھی حاصل ہوتی ہے، متعدد پولیس مقابلوں کے بعد جرائم کی شرح میں کمی بھی ہوئی۔
انھوں نے کہا کہ موجودہ حکومت بھی پولیس کا نظام بہتر کرنے میں ناکام رہی ہے، جب آئی جی تھا تو سیاسی مداخلت کے بغیر ٹرانسفرپوسٹنگ ممکن نہیں تھی۔