Category دلچسپ و عجیب

(نیٹ نیوز/ایمرا نیوز)
ڈرون ٹیکنالوجی کی دنیا میںحیرت انگیز جدت سامنے آرہی ہے ۔ایک کمپنی نے ایسا واٹر پروف ڈرون بنایا ہے جو پرواز کے ساتھ ساتھ پانی پر تیر سکتا ہے اورآبدوز کی طر ح غوطہ بھی لگا سکتا ہے ۔ماہرین کے مطابق اس کا کنٹرول بھی مکمل واٹر پروف ہے ۔اس کی خاص بات یہ ہے کہ یہ فضا میں 60 کلو میٹر فی گھنٹے کی رفتار سے پرواز کر سکتا ہے ۔ اس میں 4 کے کیمرا ،ساکت (اسٹل ) فوٹو گرافی اور دیگر بہت سی سہولیات موجود ہیں ۔اگر چہ یہ ایک مرتبہ چارج ہونے پر 17 منٹ تک بآسانی اڑسکتا ہے لیکن حیرت انگیز طور پر ایک کلومیٹر بلندی تک جا پہنچتا ہے۔

اس میں جی پی ایس نظام بھی موجود ہے علاوہ ازیں موبائل ایپ سے بھی اسے قابو کیا جاسکتا ہے۔ اسپرائے پانی سے تیرتے ہوئے اچانک ڈرون بن کر فضا میں بلند ہوسکتا ہے ،جس کا سارا منظر آپ ریموٹ کنٹرول کے مانیٹر پر بھی دیکھ سکتے ہیں۔ اس کی ویڈیو بیک وقت کئی پلیٹ فارم پر بھی دیکھی جاسکتی ہے۔ امریکی ماہرین کو اس کی تیاریا ور ڈیزائننگ میں تقریبا ً2 برس لگے ہیں ۔

امریکہ (نیٹ نیوز) میں ایک نوجوان کو ’’کی کی چیلنج‘‘ کرنا مہنگا پڑگیا۔

ایک راہ گیر نے چلتی گاڑی سے اترکر سڑک پر رقص کرنے والے منچلے کو زور دار تھپڑ دے مارا۔

’’کی کی چیلنج‘‘ اس امریکی نوجوان کوکافی بھاری پڑگیا، سوشل میڈیا پر مقبول رقص کا یہ انداز ایک صاحب کو بالکل نہیں بھایا اور انہوں نے نوجوان کو زوردار تھپڑ دے مارا اور کہا کہ نہیں یہ نہیں کرنا۔

بھارتی(نیٹ نیوز)
بھارتی ریاست کیرالہ میں لڑکیوں کے لئے نیا تربیتی کورس’ناریل کے درخت پر چڑھ کر اسے کیسے توڑنا ہے‘متعارف کرایا جارہا ہے۔

میڈیا رپورٹس کے مطابق 30 گھنٹے دورانیے کے اس سرٹیفکیٹ کورس میں لڑکیوں کو مشینوں کی مدد سے درخت پرچڑھنے کی تربیت دی جائے گی ۔
میڈیا رپورٹس کے مطابق درخت پر چڑھنے کے ساتھ ہی انہیں درختوں کی حفاظت کےلئے تھیوری کلاسز بھی دی جائیں گی ۔

نیشنل سروس اسکیم کی مدد سے شروع کیے جانےوالے اس کورس کا مقصد لڑکیوں میں اعتماد پیدا کرنا ہے۔

لاہور: (نیٹ نیوز/ایمرا نیوز) چین تیزی سے ترقی کی منازل طے کر رہا ہے ، اسی سلسلے میں چین میں دنیا کا سب سے اونچا الیکٹرک ٹرانسمیشن ٹاور مکمل کر لیا گیا ہے۔

چینی صوبے ژنگجیانگ میں بننے والے 380 میٹر اونچے یہ ٹاورز رواں سال ہی آپریشنل کر دئیے جائینگے جو صوبے بھر میں الیکٹرک پاور کی فراہمی میں اہم کردار ادا کرینگے۔ اس سے نہ صرف بجلی کی فراہمی دور دراز مقامات تک ممکن بنانے میں آسانی ہو گی بلکہ زیادہ سے زیادہ ٹرانسمشن کنکشن لگائے جا سکیں گے۔ جس سے بجلی کا ترسیلاتی نظام مزید جامع اور وسیع نیٹ ورک کا حامل ہو سکے گا۔
دنیا کا سب سے اونچا بجلی کی ترسیلات کیلئے استعمال ہونے والا یہ ٹاور بلاشبہ ٹیکنالوجی کے میدان میں چین کی انفرادیت کا منہ بولتا ثبوت ہے۔

(نیٹ نیوز)
برطانیہ سے تعلق رکھنے والے رچرڈ براؤنی نامی شخص نے ایک ایسا انوکھا کاسٹیوم تیار کیا ہے جسے پہننے والا آئرن مین کی طرح ہوا میں اُڑان بھرتا ہوا دکھائی دیگا اور آئندہ سال ان منفرد کاسٹیومز میں جیٹ سوٹ فلایئرزریسنگ بھی لگاتے دکھائی دینگے جن کی تیاریاں بھی تیزی سے جاری ہیں ۔

چھوٹے جیٹ پیک سے مزین اس آئرن مین کاسٹیوم کے دونوں بازوؤں میں چھ گیس ٹربائنزنصب ہیں اور ہرٹربائن 8سو ہارس پاور کی قوت پروڈیوس کرتی ہے جس کی وجہ سے یہ سوٹ پہننے والا 30میل فی گھنٹے کی رفتار سے فضا میں اُڑان بھرتا ہے جو ایک ریکارڈ بھی ہے۔

اس کمال طاقت کے ذریعے زمین سے فضا میں 6سے10فٹ اونچی اُڑان بھرنے والے اس آئرن مین کاسٹیوم کا کامیاب ٹیسٹ بھی لے لیا گیا ہے جو رچرڈ نے خود پرفارم کیا اور تیس میل فی گھنٹہ کی رفتار سے اُڑان بھر کرریکارڈ بھی قائم کر دیا۔

اس انوکھے آئرن مین سوٹ کی قیمت 40ہزار پونڈمتعین کی گئی ہے جو جلد مارکیٹ میں دستیاب ہو گا۔

(نیٹ نیوز/ایمرا نیوز)
سوشل میڈیا پر ایک مزدور کی ویڈیو تیزی سے وائرل ہورہی ہے جس میں اسے انگریزی زبان میں کرکٹ کمنٹری کرتے دیکھا جاسکتا ہے۔
ویڈیو میں دیکھا جاسکتا ہے کہ پراعتماد انداز سے نامعلوم مزدور اپنی صلاحیتوں کے جوہر دکھا رہا ہے اور انگریزی زبان میں پاکستان ٹیم کی بیٹنگ، بولنگ، فیلڈنگ اور کوچنگ کے شعبوں پر بات کر رہا ہے۔

Top notch Pakistan cricket analysis pic.twitter.com/vOcYhnc9Mk

— Shaheryar Mirza (@mirza9) October 4, 2018

مزدور کا لہجہ بھی اس طرح کا ہے کہ گویا کوئی انگریز اپنی زبان میں کمنٹری کر رہا ہو، سوشل میڈیا پر اس ویڈیو کو بے حد پسند کیا جارہا ہے اور صارفین اسے شیئر بھی کر رہے ہیں۔

سوڈان (نیٹ نیوز/ایمرا نیوز) سوڈان میں ایک آٹھ سالہ بچی نے جھیل میں تیراکی کے دوران دلچسپ دریافت کی ہے۔
غیر ملکی میڈیا کے مطابق ساگا وانسک نامی 8 سالہ بچی جھیل میں تیراکی کر رہی تھی کہ اسے کوئی چیز ملی ، اس نے اسے غور سے دیکھا تو اسے معلوم ہوا کہ اس کے ایک سرے پر ہینڈل ہے جبکہ اس کا دوسرا سرا نوکیلا ہے جس پراسے گمان ہوا کہ یہ تو ایک تلوارہے۔

بچی تلوار لے کر پانی سے باہر آئی اور اپنے والد کواس کے بارے میں بتایا۔بچی کے والد نے بھی تلوار کو غور سے دیکھا تو وہ انہیں بھی غیر معمولی لگی۔
ساگا وانسک کے خاندان نے ماہرین آثار قدیمہ سے رابطہ کیا جنہوں نے اسےدیکھتے ہی کہاکہ یہ ایک قابل ذکر اور بہت حیرت انگیز دریافت ہے ۔
تلوار کو مقامی میوزیم میں جگہ دی گئی ہے جہاں کے ماہرین کو یقین ہے کہ یہ تقریبا 1500 سال قدیم ہے۔
ماہرین نے اس دلچسپ دریافت پر تحقیق کا آغاز کر دیا ہے جس کےمکمل ہونے کے بعدہی اس کی حتمی عمر اور تاریخ کا پتہ چل سکے گا۔

روم: (نیٹ نیوز/ایمرا نیوز) اطالوی پولیس نے امیروں کے بینک اکاونٹس میں سے پیسے چرا کر غریبوں میں تقسیم کرنے کے جرم میں گرفتار کرلیا تاہم وہ جیل جانے سے بچ گئے۔
برطانوی نشریاتی ادارے کی رپورٹ کے مطابق فورنی ڈی سوپرا میں قائم ایک بینک منیجر جلبرٹو باشیرا نے 7 سال میں 10 لاکھ یورو چوری کیے تھے۔ انھوں نے امیر افراد کے اکاؤنٹس سے تھوڑی تھوڑی رقم چرا کر ان کے اکاؤنٹ میں جمع کرائی تھی جو کریڈٹ کارڈ بنوانے کے اہل نہیں تھے۔ تاہم اس نے کبھی چرائی ہوئی رقم اپنی جیب میں نہیں ڈالی جس کی وجہ سے وہ حکام کے ساتھ پلی بارگین کے بعد جیل جانے سے بھی بچ گئے۔

رپورٹ میں اطالوی اخبار کا حوالہ دیتے ہوئے بتایا گیا کہ بینکر کا کہنا تھا کہ ’میں نے ہمیشہ سیونگ کرنے والوں کو بچانے کے بجائے ضرورت مندوں کی مدد کرنے کا سوچا‘۔ بینکر کو مذکورہ جرم پر 2 سال قید کی سزا سنائی گئی تاہم اطالوی قانون کے مطابق یہ اس کا پہلا جرم تھا اور اس کی سزا بھی مختصر تھی اس لیے اسے جیل میں نہیں ڈالا جائے گا۔ بینکر کے وکیل روبرٹو میٹے کا کہنا تھا کہ ان کے موکل کو مذکورہ جرم کے نتیجے میں اپنی نوکری اور گھر سے ہاتھ دھونا پڑا۔ ان کے مطابق ’جلبر ٹو باشیرا ان لوگوں کی مدد کرنا چاہتے تھے جو قرض حاصل نہیں کرسکتے تھے‘۔

سڈنی:(نیٹ نیوز/ایمرا نیوز) قدرت کے کارخانے میں ایسے حشرات اور کیڑے مکوڑے موجود ہیں جن کا کاٹا انتہائی تکلیف دہ ہوتا ہے اور اس کا کرب مدتوں یاد رہتا ہے لیکن آسٹریلیا میں پایا جانے والا بظاہر عام سا پودا ’جمپی جمپی‘ اگر بدن سے چھوجائے تو ایک ہی وقت میں بجلی کے جھٹکے، تیزاب اور گرم پانی سے جلنے جیسی تکلیف ہوتی ہے۔
اس پودے کا حیاتیاتی نام ’ڈینڈرو سنائیڈ موریو ڈیس‘ ہے جو آسٹریلیا کے جنوبی ویلز میں عام پایا جاتا ہے۔ اس کے پتے دل کی شکل کے اور پھل خوبصورت بنفشی رنگ کے ہوتے ہیں۔ بظاہر بے ضرر لگنے والے اس پودے کے پتوں پر بہت باریک بال نما ابھار ہوتے ہیں جو سوئیوں کی طرح سخت ہوتے ہیں۔
اگر یہ بال جلد میں اترجائیں تو شدید تکلیف ہوتی ہے۔ ایسا لگتا ہے کہ تیزاب کی جلن، گرم پانی کی تپش اور بجلی کے جھٹکے کو ایک جگہ جمع کردیا گیا ہے۔ اس کی ہولناک تکلیف لوگوں کو بے حال کردیتی ہے جس کا احساس کئی دنوں بلکہ ہفتوں تک بھی ہوسکتا ہے۔

اس پر تحقیق کرنے والی ایک سائنس داں پروفیسر مارینہ ہرلے نے کہا ہے کہ یہ کوئنزلینڈ میں بھی پایا جاتا ہے اور اس کا کاٹا تینوں تکلیفوں کا احساس دیتا ہے، اس کی تاثیر اتنی خوف ناک ہے کہ اگر آپ اس پودے کے پاس تھوڑی دیر بھی کھڑے ہوجائیں تو چھینکوں کا دورہ پڑجاتا ہے اور ناک سے خون بہنے لگتا ہے۔
1960ء میں برطانوی افواج نے جمپی جمپی پودے کے بعض نمونے لیے تھے اور انہیں کیمیائی جنگ میں استعمال کرنے کے تجربات شروع کیے تھے۔ آسٹریلیا کے مقامی افراد بتاتے ہیں کہ کئی مرتبہ گھوڑوں میں ان کے بال پھنس گئے تو وہ تڑپ کر بھاگا اور درد سے بے حال ہوکر اس نے خود کو پہاڑ کی چوٹی سے گرالیا۔

جانوروں کے غیر قانونی شکار کے باعث قومی جانور مارخورکی نسل کو شدید خطرات درپیش ہیں ۔

مارخور کو پاکستان کےقومی جانورکادرجہ حاصل ہے، بلوچستان کےعلاقوں ہزار گنجی ،لس بیلہ ،موسی خیل اور ژوب کے پہاڑوں میں اس کی ایک بڑی تعداد پائی جاتی ہے، لیکن اب ان علاقوں میں خشک سالی اورغیر قانونی شکار سمیت مختلف وجوہا ت کے باعث اس کی بقا کو خطرات لاحق ہیں۔

ڈائریکٹر جنرل لائیو اسٹاک ڈاکٹر غلام حسین جعفر کا کہناہے کہ اگر حکومتی ادارے نہ ہوتے تو مارخور کی بھی ڈائناسور کی ہڈیاں ملتیں،اب کمیوٹی کو بھی احساس ہوا ہے وہ اس کےتحفظ کیلئے کام کررہے ہیں۔

آج جانوروں کا عالمی دن منایا جارہا ہے،یہ دن منانے کا مقصد جانوروں کے حقوق اور ان کے تحفظ کے حوالے سے آگاہی اور شعور اجاگر کرناہے۔

جانوروں کا عالمی دن ماضی میں بلوچستان حکومت کی توجہ سے اوجھل رہا مگر اس مرتبہ حکومت نے اسے بھرپور طریقے سے منانے کا اعلان کیا ہے کیونکہ یہ دن جہاں جانوروں سے محبت کا پیغام دیتا ہے، وہاں جانوروں کے تحفظ اور ان کے حقوق کا خیال رکھنے کا احساس دلاتا ہے۔

بلوچستان میں گلہ بانی کا شمار اہم ترین شعبے میں ہوتا ہے،صوبے کی معیشت میں امور حیوانات کا حصہ تقریبا 48فیصد ہے،صوبے کے وسیع رقبے پر پالے جانے والے جانوروں کی تعداد ساڑھے تین کروڑ سے تجاوز کرگئی ہے،بھیٹر ،بکریوں گائے ،بھینس کے ساتھ ساتھ اونٹ بھی پالے جاتے ہیں جن کی تعداد ساڑے چار لاکھ سے زائد ہوگئی ہے ،،،

بلوچستان کے مختلف حصوں میں ساڑے چار لاکھ سے پانچ لاکھ اونٹ ہیں اور محکمہ لائیو اسٹاک ان کی بہتری کیلئے کام کررہا ہے اور آگہی بھی دے رہا ہے ۔