Category بزنس

لاہور(ایمرا نیوز آن لائن) پاکستان میں تیل و گیس کے نئے ذخائر دریافت ہوئے ہیں۔پاکستان پیٹروليم لميٹڈ نے سندھ اور بلوچستان سے ملنے والے ذخائر سے متعلق اسٹاک ايکسچينج کو آگاہ کرديا۔

پاکستان پیٹرولیم لمیٹڈ کی جانب سے جاری پریس ریلیزکے مطابق کمپنی کو سندھ اور بلوچستان ميں تيل اور گيس کے نئے ذخائر ملے ہیں، جن سے پاکستان اسٹاک ایکسچینج کو بھی آگاہ کردیا گیا ہے۔

پی پی ایل کے مطابق بلوچستان کے ضلع قلات کے علاقے مرگند کے ایکس ون کنویں سے تیل و گیس (ہائیڈرو کاربن) کے بڑے ذخائر ملے ہیں، جہاں سے روزانہ ایک کروڑ 7 لاکھ کیوبک فٹ گیس اور 132 بیرل خام تیل حاصل ہوگا۔

کمپنی کے مطابق اس کنوئیں کی کھدائی کا آغاز 30 جون 2019ء کو کیا گیا، جس کی گہرائی ساڑھے 4 ہزار میٹر ہے۔

دوسری جانب پی پی ایل نے ضلع خیرپور، سندھ میں بھی تیل و گیس کے نئے ذخائر دریافت ہونے کا اعلان کیا ہے، جس کے مطابق یہاں سے 2 کروڑ 86 لاکھ کیوبک فٹ گیس اور 152 بیرل یومیہ تیل حاصل ہوگا۔

لاہور(ایمرا نیوز آن لائن) عالمی مالیاتی ادارے (آئی ایم ایف) کا کہنا ہے کہ پاکستان کی معیشت درست سمت میں جا رہی ہے۔ اقتصادی اصلاحات کا پروگرام بھی درست ٹریک پر چل رہا ہے، پاکستانی انتظامیہ کی جانب سے اہم پالیسی سازی اقتصادی استحکام حاصل کرنے میں مددگار ثابت ہو رہی ہے۔غیر ملکی خبر رساں ادارے ’’عرب نیوز‘‘ کے مطابق انٹرنیشنل مانیٹری فنڈ کی جانب سے پاکستان کو قرضہ دیے جانے کے بعد اقتصادی جائزہ رپورٹ میں کہا گیا ہے کہ پاکستان تحریک انصاف (پی ٹی آئی) کی حکومت کی جانب سے اہم اقتصادی فیصلہ سازی کے باعث ادائیگیوں کا عدم توازن کم ہو رہا ہے۔ حکومت نے درست انداز میں مارکیٹ کے ذریعے روپے کی قدر کا تعین کرایا اور بینظیر انکم سپورٹ پروگرام کے بجٹ کو بھی بڑھایا گیا ہے۔

آئی ایم ایف کی طرف سے مزید کہا گیا ہے کہ اقتصادی نمو میں کمی آئی ہے تاہم پاکستان کی معیشیت میں مارکیٹ کا اعتماد بحال ہو رہا ہے، مہنگائی کی شرح میں جاری اضافے میں اب ٹھہراؤ آ گیا ہے، جس سے غریب عوام کی مشکلات میں کمی کی توقع ہے۔

مثبت جائزے کے ساتھ ساتھ آئی ایم ایف نے پالیسی سازی کی کمزوریوں کی طرف بھی اشارہ کیا ہے۔ آئی ایم ایف کے مطابق ابھی بھی پاکستان کی معیشیت خطرے سے باہر نہیں ہے۔ آئی ایم ایف کی کچھ شرائط پر عمل درآمد کے لیے قانون سازی کی ضرورت ہے لیکن پاکستانی سینیٹ میں پاکستان تحریک انصاف کی اکثریت نہ ہونے کے باعث خطرہ ہے کہ پاکستانی حکومت اقتصادیات سے متعلق اہم قانون سازی کرانے میں ناکام رہ سکتی ہے۔

آئی ایم ایف کی جائزہ رپورٹ میں کہا گیا ہے کہ اقتصادی اداروں کی گورننس کو بہتر کرنے کے لیے ضروری اصلاحات میں سست پیشرفت اقتصادی سرگرمیوں کو منجمد کر سکتی ہے اور آئی ایم ایف پروگرام کے مقاصد کو پورا نہ کرنیکی صورت میں بیرونی امداد بھی خطرے میں پڑ سکتی ہے۔ اس کے ساتھ فنانشنل ایکشن ٹاسک فورس کی جانب سے پاکستان کو ممکنہ طور پر بلیک لسٹ میں شامل کیے جانے سے بیرونی امداد رک جائے گی اور پاکستان میں سرمایہ کاری میں بھی کمی آئے گی۔

ان کا کہنا تھا کہ پاکستان کو آمدنی بڑھانے کا سب سے پہلا چیلنج درپیش ہے، دوسرا چیلنج ایکسچینج ریٹ کا تھا، تیسرا چیلنج سماجی شعبے کا تحفظ ہے، آئی ایم ایف پروگرام کے بعد پاکستان میں مالی نظم و ضبط بہتر ہوا۔

ٹریسیا سانچیز کا کہنا تھا کہ پاکستان نے سرکلر ڈیٹ میں کمی کا جامع پلان دیا، کھانے پینے کی اشیا کی مہنگائی میں فوری کمی نہیں ہو گی، پاکستان میں مجموعی طور پر مہنگائی میں کمی کا امکان ہے۔

پشاور(ایمرا نیوز آن لائن) محکمہ ایکسائز رواں سال متعدد منصوبوں کو عملی جامہ نہ پہنا سکا، قبائلی اضلاع سمیت صوبے میں ایکسائز تھانوں کا قیام صرف کاغذوں کی حد تک ہی محدود ہے، سب سے زیادہ ٹیکس پشاور ریجن سے حاصل کیا گیا۔

مالی سال 2019-20 محکمہ یکسائز کیلئے بڑی حد تک بہتر ثابت ہوا۔ مختلف ٹیکسوں کی مد میں مقررہ ٹارگٹ 3,364 کے بجائے 3455 ملین سے زائد کی ریکوری کی گئی۔ سب سے زیادہ ٹیکسز پشاور ریجن سے حاصل کیے گئے۔

محکمہ ایکسائز ریکارڈ کے مطابق پشاور ریجن سے ایک ہزار سات سو انیتیس ملین، مردان ریجن سے سات سو ستترملین، ہزارہ ریجن تین سو گیارہ، ملاکنڈ ریجن سے دو سو تیرہ ملین اور جنوبی ریجن سے دو سو اٹھاسی جبکہ ڈی جی آفس سے ایک سو چھیالیس ملین ریکوری کی گئی۔ سیکرٹری ایکسائز کے مطابق ٹارگٹ سے بڑھ کر ریکوری کی گئی ہے۔

ایکسائز کے ذمہ اب منشیات کی روک تھام بھی ہے جس کیلئے باقاعدہ سٹاف نہ ہونے کے باوجود منشیات فروشوں کے خلاف کاروائیوں کا آغاز کیا گیا، چرس اور افیون کے ساتھ ساتھ دو سو کلو گرام ہیروئن اور لاکھوں روپے مالیت کی آئس منشیات پکڑ کر مجرموں کے خلاف کاروائی بھی کی گئی۔

تاہم سمارٹ کارڈ متعارف کرانا، پراپرٹی کے لئے جی آئی ایس سروس شروع کرنا اور قبائلی اضلاع سمیت صوبے بھر میں ایکسائز تھانوں کا قیام صرف کاغذوں کی حد تک ہی محدود رہا۔ محکمہ ایکسائز کو اہلکاروں کی کمی کا بھی سامنا ہے۔جس کے لئے حکومت سے مطالبہ تو کر دیا گیا ہے تاہم ابھی تک اس پر کوئی کاروائی نہیں ہو سکی۔

لاہور(ایمرا نیوز آن لائن) وزیر اعظم عمران خان اوروزیر اعلی پنجاب سردار عثمان بزدار نے سرکاری گندم خریداری کم کرنے کے حوالے سے عالمی بینک کے ساتھ طے شدہ 5 سالہ اسمارٹ پروگرام معطل کرنے کا فیصلہ کر لیا ہے۔

وزیر اعظم عمران خان اوروزیر اعلی پنجاب سردار عثمان بزدار نے پنجاب میں صارفین کو سستے آٹے کی فراہمی اور کسانوں کے معاشی تحفظ کیلیے گندم کی اوپن مارکیٹ کو کریش ہونے سے بچانے کیلیے ایک بڑا فیصلہ کرتے ہوئے سرکاری گندم خریداری کم کرنے کے حوالے سے عالمی بینک کے ساتھ طے شدہ 5 سالہ اسمارٹ پروگرام معطل کرنے کا فیصلہ کر لیا ہے اس حوالے سے وزیر اعلیٰ نے عالمی بینک کے نمائندوں کے ساتھ اجلاس میں انھیں آگاہ کر دیا ہے۔

علاوہ ازیں صوبائی حکومت اس مرتبہ گندم کی سرکاری خریداری کا ہدف45 لاکھ ٹن مقرر کرنے کا اصولی فیصلہ کر چکی ہے جس کے مالیاتی انتظامات کیلیے محکمہ خوراک پنجاب نے کام شروع کردیا ہے، موجودہ قرضوں کی ادائیگی کیلیے صوبائی حکومت سے40 ارب روپے کے حصول کیلیے درخواست کردی گئی ہے جبکہ گندم خریداری مہم کے آغاز سے قبل ضرورت محسوس ہونے پر وفاقی حکومت کو محکمہ خوراک کے قرضوں کی حد بڑھانے کیلئے درخواست بھی کی جا سکتی ہے۔

وفاقی وزارت خزانہ نے پنجاب حکومت پرزوردیا ہے کہ گندم خریداری کیلیے قرضوں کے حصول کی خاطر صوبائی حکومت بینکوں کو اپنی گارنٹی فراہم کرے۔واضح رہے 2018ء میں پنجاب حکومت نے عالمی بنک کے ساتھ ’’اسمارٹ پروگرام‘‘ کا پانچ سالہ معاہدہ کیا تھا جس کے تحت صوبائی حکومت نے مرحلہ وار طریقہ سے محکمہ خوراک کی سرکاری گندم خریداری کو کم کرتے ہوئے 20 لاکھ ٹن تک محدود کرنا تھا۔

ذرائع کے مطابق آئندہ چند روز میں پنجاب حکومت کی جانب سے تحریری طورپر بھی عالمی بینک کو گندم خریداری کے سمارٹ پروگرام سے نکلنے کے بارے میں مراسلہ بھیج دیا جائے گا۔

نئی گندم خریداری کیلیے مالیاتی انتظامات میں محکمہ خوراک کو مشکلات کا سامنا ہے۔ وفاقی حکومت نے محکمہ خوراک پنجاب کے قرضوں کی حد 466 ارب روپے مقرر کر رکھی ہے جس میں سے آج کے دن محکمہ خوراک 377 ارب روپے کی حد استعمال کر چکا ہے۔

اسلام آباد(ایمرا نیوز آن لائن)ملک کے بیشتر شہروں میں گیس کا پریشر کم ہونے پر سوئی گیس حکام نے صنعتوں اور سی این جی سیکٹر کو گیس کی فراہمی بند کر دی ہے۔

گیس کے کم پریشر سے پریشان شہریوں کا کہنا ہے کہ چولہے پر چائے بنانا پائے پکانے سے بھی زیادہ مشکل ہو گیا ہے۔

دوسری جانب فیصل آباد میں صنعتوں کو گیس کی سپلائی بند ہونے کی وجہ سے اندرون شہر فیکٹریوں اور کارخانوں میں متبادل ایندھن کے طور پر لکڑی اور کوئلے کا استعمال شروع ہو گیا ہے جس سے فضائی آلودگی میں اضافے کا خدشہ پیدا ہو گیا ہے۔

‎فیصل آباد کی صنعتوں میں کوئلہ اور لکڑی جلانے سے پیداواری عمل تو شروع ہو گیا ہے لیکن لکڑی اور کوئلے کے دھویں سے کارخانوں کے گرد رہائشی افراد کو شدید مشکلات کا سامنا ہے۔

رہائشیوں کا کہنا ہے کہ ‎دھویں کے باعث بچوں کے پھیپھڑے خراب اور ہماری آنکھیں بھی خراب ہو رہی ہیں۔

لاہور(ایمرا نیوز آن لائن)پنجاب حکومت کی پالیسی کے تحت ضلعی انتظامیہ لاہور کے افسران کا بغیر این او سی اور کم لٹر پیمانے والے پٹرول پمپس کے خلاف کریک ڈاو¿ن اے سی شالیمار مہدی معلوف کا قائداعظم انٹرچینج جی ٹی روڈ کا دورہ.02 پٹرول پمپس کی انسپکشن کی گئی.۔بشیر فلنگ اسٹیشن کو بغیر این او سی کے چلایا جا رہا تھا، مالک کے پاس این او سی موجود نہ تھا۔دوران چیکنگ بائیکو پٹرول پمپ پر فی لٹر پیمانہ کم پایا گیا.50،000 1روپے کا جرمانہ کیا گیا.فیول یونٹس کو مینٹین نہ کرنے کی صورت میں پمپس کو سیل کر دیا جائے گا، وارننگ. انڈسٹری ڈیپارٹمنٹ کو دوبارہ فالو اپ لینے کی ہدایت،کاروائی میں انڈسٹری ڈیپارٹمنٹ اور سول ڈیفنس نے حصہ لیا. ڈی سی لاہور دانش افضال کی ہدایت پر پمپس کے خلاف کریک ڈاو¿ن کیا گیا.

لاہور(ایمرا نیوز آن لائن) مہنگائی کی لہر نے گاڑیوں کو بھی بریک لگا دیئے، آٹو سپئیر پارٹس کی درآمد پر عائد ٹیکسز اور ڈیوٹیز کی شرح میں اضافے سے آٹو پارٹس کا کاروبار بھی شدید متاثر ہوا ہے، کمرشل گاڑیوں کے مالکان مہنگے پرزہ جات خریدنے پر مجبور ہیں۔

آٹو سپئیر پارٹس سیکٹر بھی مہنگائی کے سونامی کی لپیٹ میں آگیا، درآمدی ٹیکسز اور ڈیوٹیز کی شرح میں اضافے سے آٹو پارٹس کا کاروبار بری طرح متاثر ہوا۔ 2018ء میں آٹو پارٹس کی درآمد پر 75 فیصد تک ٹیکسز اور ڈیوٹیز تھیں جو بڑھ کر 92 فیصد تک پہنچ گئیں۔

مرکزی وائس چیئرمین پاکستان آٹو سپئیر پارٹس امپورٹرز اینڈ ڈسٹری بیوٹرز ایسوسی ایشن شہریار بٹ کا کہنا ہے کہ آٹو پارٹس کی درآمد پر ٹیکسز کی شرح بڑھنے سے تجارتی سیکٹر، مقامی صنعت اور حکومتی خزانے کو بھی نقصان کا سامنا ہے۔

صرف سمگلنگ کرنے والوں کو فائدہ ہوا مگر تجارتی خسارہ کم ہونے کے بجائے بڑھ رہا ہے۔ آٹو سپئیر پارٹس مہنگے ہونے پر کمرشل گاڑیوں کے مالکان بھی پریشان ہیں، کہتے ہیں پہلے جو پرزہ 3500 روپے میں ملتا تھا اب 10ہزار روپے سے تجاوز کر چکا ہے، بچوں کا پیٹ پالنا مشکل ہو گیا ہے۔آٹو سپئیر پارٹس پر درآمدی ٹیکسز اور ڈیوٹیز میں اضافے سے سمگلنگ بڑھ رہی ہے جس سے مجموعی طورپر قومی خزانے کو نقصان پہنچ رہا ہے۔

فیصل آباد(ایمرا نیوز آن لائن)فیصل آباد میں مہنگائی نے شہریوں کو پریشان کر دیا، سبزیوں کے بعد دالیں بھی تیس سے چالیس روپے فی کلو مہنگی ہو گئیں۔ حکام سرکاری نرخ ناموں پر دالوں کی فروخت کے عمل کوبھی یقینی نہیں بنا سکے۔

گوشت اور سبزیوں کے بعد دالوں کی قیمتوں میں اضافے نے سفید پوش طبقے کا بھرم توڑ دیا، فیصل آباد میں گزشتہ چند روز میں دالوں کی قیمتوں میں 20 فیصد تک اضافہ ہو گیا۔ مارکیٹ کمیٹی نے دال چنا 108، دال ماش 135 سے 180، دال مسور 135، دال مونگ کی قیمت 172 روپے مقرر کر دی، بڑھتی مہنگائی نے شہریوں کی زندگی دو بھر کر دی۔

تاجر کہتے ہیں کہ ڈالر مہنگا ہونے سے دالوں کی قیمتوں میں اضافہ ہوا، سرکاری ریٹ پر کیسے بیچیں، حکام کا کہنا ہے کہ سرکاری ریٹ سے متعلق تاجروں سے مشاورت کی ہے۔ ڈپٹی کمشنر کہتے ہیں پرائس کنٹرول مجسٹریٹ صارفین کو سرکاری ریٹ پر دالیں مہیا کروائیں گے۔

مہنگائی سے تنگ شہریوں کا کہنا ہے کہ موجودہ حکومت سے بہت امیدیں تھیں، معاشی حالات مشکل سہی لیکن حکومت کو کھانے پینے کی بنیادی اشیاء کی قیمتیں کنٹرول میں رکھنی چاہئیں۔

لاہور (ایمرا نیوز آن لائن)آٹے کی قیمتیں فکس کرنے پر فلار ملز ایسوسی ایشن پر ساڑھے 7کروڑ روپے جرمانہ فلار ملز ایسوسی ایشن کی جانب سے آٹے کی قیمت کے ساتھ پیداوار کی مقدار کو بھی فکس کیا گیا،آٹے کی قیمتیں فکس کرنے پر مسابقتی کمیشن آف پاکستان (سی سی پی) نے فلار ملز ایسوسی ایشن پر ساڑھے 7 کروڑ روپے جرمانہ کردیا۔

مسابقتی کمیشن کا کہنا ہے کہ فلار ملز ایسوسی ایشن کی جانب سے آٹے کی قیمت کے ساتھ پیداوار کی مقدار کو بھی فکس کیا گیا۔مسابقتی کمیشن کے مطابق فلار ایسوسی ایشن نے حساس تجارتی معلومات کے تبادلے کے لیے اپنا پلیٹ فارم ایسوسی ایشن کے ممبران کو فراہم کیاجو کہ کمپیٹیشن ایکٹ کی شق 4 کی خلاف ورزی ہے۔

سی سی پی نے کمپیٹیشن ایکٹ کی خلاف ورزی پر پاکستان فلارز ملز ایسوسی ایشن پر ساڑھے 7 کروڑ روپے جرمانہ عائد کیا ہے۔

لاہور(ایمرا نیوز آن لائن) لاہور کی سبزی مارکیٹ میں قیمتیں ٹھہر سی گئیں، ٹماٹر کی قیمت چار روز ایک ہی سطح پر رک گئی، سندھ کے ٹماٹر نے مارکیٹ کو سہارا دے دیا۔ آلو، پیاز کی قیمت میں استحکام ہے اور ساگ، پالک اور مولی سستی سبزیوں میں شمار ہونے لگیں۔

سبزی مارکیٹ میں قیمتیں برقرار، ٹماٹر کی سرکاری قیمت 120 روپے کلو مقرر ہو گئی، گزشتہ تین روز سے ٹماٹر کی قیمت میں کوئی ردوبدل نہیں ہوا، مارکیٹ میں ٹماٹر 140 روپے کلو تک فروخت ہونے لگا۔

آلو ایک روپے کمی سے ریٹ لسٹ میں 39 روپے کلو ہو گیا، مارکیٹ میں آلو 50 روپے کلو میں فروخت کیا جا رہا ہے جبکہ پیاز ایک روپے اضافے سے سرکاری ریٹ لسٹ میں 61 روپے کل اور مارکیٹ میں 70 روپے کلو میں فروخت جاری ہے۔ ساگ اور پالک 30 جبکہ مولی 20 روپے کلو میں فروخت ہو رہی ہے، گاجر کی قیمت 50 روپے کلو تک ہے۔