Category بزنس

اسلام آباد: ایف بی آر نے زبردستی رجسٹرڈ کیے جانے والے جیولرز، رئیل اسٹیٹ ایجنٹس و پراپرٹی ڈیلرز اور چارٹرڈ اکاؤنٹنٹس کے دفاتر پرچھاپے مارنے کا فیصلہ کیا ہے۔

ایف بی آر فیٹف شرائط پر عملدرآمد کیلیے زبردستی رجسٹرڈ کیے جانے والے جیولرز، رئیل اسٹیٹ ایجنٹس و پراپرٹی ڈیلرز اور چارٹرڈ اکاؤنٹنٹس کے دفاتر پرانسداد منی لانڈرنگ قوانین کے تحت چھاپے مارنے کا فیصلہ کیا ہے جس کیلیے ایف بی آر کے ماتحت ادارے ڈائریکٹریٹ جنرل آف ڈی این ایف بی پیز نے ڈپٹی ڈائریکٹرز اور انسپکٹرپر مشتمل خصوصی انسپکشن ٹیمیں تشکیل دے دی ہے۔

ڈائریکٹوریٹ جنرل آف ڈی این ایف بی پیز کی جانب سے کل 57 ہزار سے زائد جیولرز، رئیل اسٹیٹ ایجنٹس و پراپرٹی ڈیلرز اور چارٹرڈ اکاؤنٹنٹنس کو انسداد منی لانڈرنگ ایکٹ کی ریگولیشنز پر کمپلائنس کی انسپکشن کیلیے نوٹس جاری کر دیے ہیں۔

نوٹس کی کاپی کے مطابق ٹیمیں جیولرز، رئیل اسٹیٹ ایجنٹس و پراپرٹی ڈیلرز اور چارٹرڈ اکاونٹنٹنٹس کی دفاتر کی انسپکشن کریں گی، ٹیموں کے تعاون کیا جائے اور انسداد منی لانڈرنگ ایکٹ 2010 کی سیکشن 6A(2)(f) کے تحت انسداد منی لانڈرنگ کی شقوں 7(1),7(3),7(4),7(5),7(6) اور ان کے تحت متعارف کروائے جانیو الے رولز اینڈ ریگولیشن پر عملدرآمد کیلئے درکار ڈیتا فائلرز اور کلائنٹس کی تفصیلات انسپکشن ٹیم کو فراہم کی جائیں

پاکستان اسٹاک ایکسچینج میں آج کاروبار کا مثبت دن رہا اور 100 انڈیکس 206 پوائنٹس اضافے سے 47 ہزار 834 پربند ہوا۔

شیئرز بازار میں آج 34 کروڑ شیئرز کے سودے ہوئے جن کی مالیت 14ارب روپے سے زائد رہی۔

مارکیٹ کی کیپٹلائزیشن 49 ارب روپے اضافے سے 8 ہزار 347 ارب روپے ہوگئی ہے۔

ملکی تبادلہ مارکیٹوں میں آج بھی ڈالر کی قدر میں اضافے کا رجحان رہا۔

انٹربینک تبادلہ مارکیٹ میں آج ڈالر کی قدر 64 پیسے اضافے سے ایک سو 159 روپے 94 پیسے ہوگئی ہے۔

انٹربینک تبادلہ مارکیٹ میں رواں مالی سال ڈالر کی قدر 2 روپے 39 پیسے بڑھی ہے۔

اوپن مارکیٹ میں آج ڈالر60 پیسے مہنگا ہوا ہے، اوپن مارکیٹ میں ڈالر کی قدر ایک سو 60 روپے 30 پیسے ہے۔

ملک میں سونےکی فی تولہ قیمت میں 350 روپے اضافہ ہوا ہے۔

سندھ صرافہ بازار جیولرز ایسوسی ایشن کے مطابق 350 روپے اضافے کے بعد ملک میں فی تولہ سونے کی قدر ایک لاکھ 9 ہزار 700 روپے ہوگئی ہے۔

10 گرام سونے کی قدر 300 روپے اضافے کے بعد 94 ہزار 50 روپے ہے۔

صرافہ بازار جیولرز ایسوسی ایشن کے مطابق عالمی صرافہ مارکیٹ میں سونے کی قدر 5 ڈالر کم ہوکر 1820 ڈالر فی اونس ہے۔

حکومت نے پاور سیکٹر اداروں کے واجبات اور وصولیوں کی ایڈجسٹمنٹ کی منظوری دے دی۔
تفصیلات کے مطابق گردشی قرضوں کو کم کرنے کے لیے حکومتی اقدام سامنے آیا ہے، حکومت نے پاور سیکٹر اداروں کے واجبات اور وصولیوں کی ایڈجسٹمنٹ کی منظوری دے دی۔وفاقی وزیر توانائی حماد اظہر نے سماجی رابطے کی ویب سائٹ ٹویٹر پر لکھا کہ اللہ کا شکر ہے کہ آج اقتصادی رابطہ کمیٹی (ای سی سی) نے واپڈا، پاکستان اٹامک انرجی کمیشن، نیلم جہلم اور این ٹی ڈی سی کی وصولیاں ان اداروں کے واجب الادا قرضوں کے ساتھ ایڈجسٹ کرنے کی منظوری دے دی ہے، اس فیصلے سے گردشی قرضے میں مزید 116 ارب کی کمی ہوگی۔

عید قربان کے لیے پشاور میں دنبوں کی الگ سے منڈی سج گئی جہاں بیوپاری گذشتہ برس کی نسبت دگنی قیمتوں کا مطالبہ کر رہے ہیں۔

عید الاضحیٰ کےلیے منڈیوں میں قربانی کے مویشیوں کی خرید و فروخت کا سلسلہ جاری ہے، پشاور کے رنگ روڈ پر دنبوں کی منڈی بھی سج گئی ہے۔

منڈی میں دنبے بہت خوبصورت اور وزنی ہیں لیکن ان کی قیمت سن کر ہوش ہی اڑ جاتے ہیں ،خریدار بھی پریشان ہیں کہتے ہیں پچھلے سال 40 ہزار میں ملنے والا دنبا اب 80 ہزار سے زائد میں فروخت ہورہا ہے۔

بیوپاریوں کے مطابق ہمسائیہ ملک افغانستان سے درآمد پر پابندی کے باعث قیمتوں میں اضافہ ہوا ہے۔

پاکستان اسٹاک ایکسچینج میں آج کاروبار کا مثبت دن رہا اور 100 انڈیکس 136 پوائنٹس اضافے سے 47 ہزار 628 پر بند ہوا ۔

کاروباری دن میں 100 انڈیکس 347 پوائنٹس کے بینڈ میں رہا، پاکستانی شیئرز بازار میں آج 50 کروڑ شیئرز کے سودے ہوئے جن کی مالیت 15 ارب 48 کروڑ روپے رہی۔

مارکیٹ کیپٹلائزیشن 13 ارب روپے سے بڑھ کر 8 ہزار 297 ارب روپے ہے۔

اسٹیٹ بینک آف پاکستان (ایس بی پی) کو یورو بانڈ کے اجرا سے ایک ارب ڈالر مل گئے جس سے مرکزی بینک کے زرمبادلہ کے ذخائر پانچ سال کی بلند ترین سطح 18 ارب 20 کروڑ ڈالر پر پہنچ گئے۔

رپورٹ کے مطابق پاکستان نے گزشتہ ہفتے یورو بانڈز جاری کیے تھے جس نے بین الاقوامی مارکیٹ کے سرمایہ کاروں کو اپنی جانب متوجہ کیا، یہ عمل معیشت اور بیرونی اکاؤنٹ پر اعتماد میں بہتری کی عکاسی کرتا ہے۔

ایک ارب ڈالر آنے کے بعد اسٹیٹ بینک کے ذخائر 18 ارب 20 کروڑ ڈالر تک پہنچ گئے جو کہ مالی سال 16-2015 میں 18 ارب 14 کروڑ ڈالر تھے، 2 جولائی کو ملک کے ذخائر 24 ارب 40 کروڑ ڈالر تھے جو مالی سال 2016 میں 23 ارب 98 کروڑ ڈالر تھے۔

پاکستان نے 5.875 فیصد کی شرح پر پانچ سال کےلیے 30 کروڑ ڈالر کے یورو بانڈ جاری کیے، 7.125 فیصد کی شرح پر 10 سال کے لیے 40 کروڑ ڈالر کے یورو بانڈ اور 8.45 فیصد کی شرح پر 30 سال کی مدت کے لیے 30 کروڑ ڈالر کے بانڈ جاری کیے ہیں۔

زرمبادلہ کے ذخائر بڑھنے سے ملکی سطح پر زر مبادلہ کی شرح میں استحکام آیا ہے، کرنٹ اکاؤنٹ خسارے میں بہتری اور بڑھتے ہوئے تجارتی خسارے میں کمی لانے میں مدد ملے گی۔

کراچی: انٹر بینک اور مقامی اوپن کرنسی مارکیٹ میں بدھ کو روپے کے مقابلے ڈالر کی قدر میں کمی کا رجحان رہا۔

فاریکس ایسوسی ایشن آف پاکستان کی رپورٹ کے مطابق جمعرات کو انٹر بینک میں روپے کے مقابلے ڈالر کی قدر میں 30 پیسے کا اضافہ ہوگیا جس سے ڈالر کی قیمت خرید 159.00 روپے سے بڑھ کر 159.30 روپے اور قیمت فروخت 159.15 روپے سے بڑھ کر159.40 روپے ہو گئی۔

اسی طرح مقامی اوپن کرنسی مارکیٹ میں ڈالر20 پیسے بڑھ گیا جس سے ڈالر کی قیمت خرید 159.10 روپے سے بڑھ کر 159.30 روپے اور قیمت فروخت 159.50 روپے سے گھٹ کر159.70 روپے پر آ گئی۔
فاریکس رپورٹ کے مطابق یورو کی قدر میں 1.50 روپے کی نمایاں تیزی سے یورو کی قیمت خرید 185.00روپے سے بڑھ کر186.50 روپے اور قیمت فروخت 187روپے سے بڑھ کر188.50روپے ہو گئی۔

اسی طرح ایک روپے کی تیزی سے برطانوی پونڈ کی قیمت خرید 217.50 روپے سے بڑھ کر 218.50 روپے اور قیمت فروخت 219.50 روپے سے بڑھ کر220.50روپے پر ہوگئی۔

کراچی: عالمی مارکیٹ کے بعد مقامی مارکیٹ میں بھی فی تولہ سونے کی قیمت میں اضافہ ہوگیا۔

گزشتہ روز عالمی مارکیٹ میں سونے کی فی اونس قیمت 8 ڈالرز اضافے سے 1825ڈالرز کی سطح پر ریکارڈ کی گئی۔عالمی منڈی میں سونے کے نرخ میں اضافے کے باعث مقامی مارکیٹ میں سونے کی فی تولہ قیمت450 روپے اضافہ سے 1 لاکھ 9 ہزار350 روپے ہوگئی۔

دس گرام سونے کی قیمت 386 روپے اضافہ سے 93 ہزار750روپے رہی جب کہ چاندی کی فی تولہ قیمت20روپے اضافہ سے 1460روپے کی سطح پر ریکارڈ کی گئی۔