Category جرائم

فیصل آباد:گھریلو جھگڑے اورحالات سے تنگ نوجوان نے زہرنگل کرزندگی سے منہ موڑ لیا‘حادثہ میں زخمی نوجوان ہسپتال میں دم توڑگیا‘ فیصل آبادالائیڈ ہسپتال میں ضروری کارروائیو ں کے بعد نعش ورثاء کے حوالے‘بتایاگیا ہے کہ حافظ آباد کا رہائشی نوجوان اسلان ولد نیامت علی 119گ ب میں کرایے کے مکان میں رہائش پذیر تھا‘گھریلو جھگڑے پردلبرداشتہ ہوکر اس نے زہریلا کیمیکل نگل لیا جسے تشویشناک حالت میں الائیڈ ہسپتال لے جایاگیا جہاں ڈاکٹروں کی کوششوں کے باوجود جانبر نہ ہوسکا۔

نوبیاہتا جوڑے بستر پر مردہ حالت میں پائے گئے۔
لاہور کے علاقے مصطفی ٹاؤن میں گھر سے نوبیاہتا جوڑے کی لاشیں ملیں۔ ان کا نکاح گزشتہ روز ہواتھا اور ولیمے کی تقریب آج ہونا تھی۔ ابتدائی تحقیقات میں واقعے کو حادثہ قرار دیا گیا ہے۔ پولیس کا کہنا ہے کہ کمرے سے ملحقہ واش روم میں انسٹنٹ گیزر کی گیس لیکج ہونے کی وجہ سے دونوں کی موت واقع ہوئی۔ مزید حقائق تفتیشی عمل مکمل ہونے کے بعد سامنے لائے جائیں گے۔ دوسری جانب پولیس کے مطابق متوفیان کے ورثا نے قانونی کارروائی اور پوسٹ مارٹم کروانے سے بھی انکار کر دیا ہے۔

لاہور : پولیس نے لاہور کے ہسپتال سے اغوا ء ہونے والے نومولود کو 21 دن بعد بازیاب کرتے ہوئے اغوا کار میاں بیوی کو گرفتار کرلیا۔ترجمان پولیس کے مطابق نومولود بچے کو ملزمہ نے شوہر کے ہمراہ اغوا کیا تھا، بچے کی بازیابی ہسپتال اور رکشے کی سی سی ٹی وی سے ممکن ہوئی۔پولیس نے اغواء کار میاں بیوی کو گرفتار کرلیا ، پولیس کو دیئے گئے بیان میں ملزمہ نے بتایا کہ ان کا معذوربچہ فوت ہوا تو انہوں نے نومولود بچے کو اغواء کر نے کا منصوبہ بنایا۔ملزمہ کے مطابق انہوں نے گھر والوں کو بتایا کہ اس کے ہاں بیٹا پیدا ہوا ہے

جڑانوالہ: تھانہ صدر جڑانوالہ کی حدود میں پولیس اور جرائم پیشہ افراد کے درمیان مقابلہ پولیس نے ناکہ بندی کے دوران دو موٹر سائیکلز پر سوار تین مشکوک افراد کو رکنے کا اشارہ کیا۔ جنہوں نے رکنے کی بجائے پولیس پارٹی پر سیدھی جان لیوا فائرنگ شروع کر دی۔ پولیس پارٹی نے ان مشکوک افراد کا تعاقب کیا جس پر کراس فائرنگ ہوئی۔ پولیس پارٹی نے 02 مشکوک ملزمان کو زخمی حالت میں زیر حراست لے لیا۔ زیر حراست ملزمان کی شناخت امتیاز اور شاہد کے نام سے ہوئی۔ زیر حراست ملزمان متعدد سنگین وارداتوں میں ملوث تھے موقعہ سے 1 عدد موٹر سائیکلز اور 02 پسٹل بھی برآمد ہوئے۔ برآمد ہونے والی موٹر سائیکل ڈکیتی کے دوران چھینی گئی تھی زیر حراست ملزمان کو ہسپتال منتقل کر دیا گیا جب کہ پولیس مزید کارروائی میں مصروف عمل ہے۔

ممبئی :  بھارتی ہندو انتہاپسند حکمران جماعت تونیشا شرما کی خود کشی کو ہندو انتہاپسند حکمران جماعت نے ’لوجہاد‘ کا نتیجہ قرار دے دیا۔ ڈرامے کی شوٹنگ کے سیٹ پر خود کشی کرنے والی اداکارہ تونیشا شرما کے دوست اورساتھی اداکار شیزان خان کو اداکارہ کی والدہ کے الزامات کے بعد گرفتار کرلیا گیا تھا۔ریاست مہاراشٹر میں بی جے پی کے وزیر گریش مہاجن نے ایک بار پھر مسلمان دشمنی کا مظاہرہ کرتے ہوئے تونیشا شرما کی خود کشی کو ’ لو جہاد‘ قرار دیتے ہوئے کہا کہ ہم اس کے خلاف سخت قانون لائیں گے اور تونیشا شرما کے خاندان کو انصاف دلائیں گے۔اسسٹنٹ کمشنر پولیس پہلے ہی اعلان کرچکے ہیں کہ اس معاملے میں ’لو جہاد‘ کا کوئی پہلو سامنے نہیں آیا ہے۔دوسری جانب شیزان خان کی بہنوں شفق ناز اور فلک ناز کا جو خود بھی اداکاری کے شعبے سے وابستہ ہیں سوشل میڈیا پر بیان سامنے آگیا۔ شیزان خان کی بہنوں نے میڈیا اور مداحوں سے مشکل وقت میں انہیں اور تونیشا کے خاندان کو تھوڑا وقت دینے کی اپیل کی۔

فیصل آباد: فیصل آباد کے علاقے وارث پورہ میں گھر میں سوئے تین افراد کمرے میں دم گھٹنے سے جاں بحق ہوگئے۔ریسکیو حکام کے مطابق واقعہ فیصل آباد کے علاقے وارث پورہ میں پیش آیا، جاں بحق ہونیوالے افراد کمرے میں کوئلوں کی آگ جلا کر سورہے تھے کہ دم گھٹنے سے جاں بحق ہوگئے جبکہ ایک بے ہوش ہوگیا۔واقعے کی اطلاع ملتے ہی ریسکیو ٹیم موقع پر پہنچ گئی اور لاشوں کو ہسپتال منتقل کردیا گیا ہے۔ریسکیو کے مطابق جاں بحق ہونے والوں کی شناخت نفیس، مظہر اور شبیر کے نام سے ہوئی ہے ، جاں بحق ہونے والے افراد بیکری میں ملازم تھے ، جو کرائے کے مکان میں رہائش پذیر تھے۔

نوشہرہ:نوشہرہ میں زمین کے تنازع پر 5 افراد کو قتل کردیا گیا۔ڈی پی و عمر خطان کے مطابق یہ واقعہ نوشہرہ کے علاقے تنگی خٹک میں پیش آیا جہاں دو فریقین کیدرمیان زمین کے تنازع پر فائرنگ ہوئی جس میں 5 فراد جاں بحق ہوگئے۔ڈی پی او نے بتایا کہ ریسکیو ریسکیو کی میڈیکل ٹیم نے لاشیں ڈی ایچ کیو اسپتال منتقل کردی ہیں جب پولیس نے علاقے کی ناکہ بندی کرکے ملزمان کی تلاش شروع کردی ہے۔

ممبئی : بھارت میں فحش فلموں میں کام کرنے والی اداکارہ کی دھمکیوں سے تنگ آکر ایک شخص نے اپنی ماں اور بیوی کے سمیت زہر کھا لیا۔بھارتی میڈیا رپورٹ کے مطابق ریاست مدھیہ پردیش کے ایک خاندان نے فحش فلموں کی اداکارہ کی دھمکیوں سے تنگ آکر خودکشی کرنے کی کوشش کی ہے۔مذکورہ شخص نے اپنی بیوی اور ماں سمیت زہر کھایا اور ویڈیو بنا کر سوشل میڈیا پر ڈال دی جوکہ آگ کی طرح پھیل رہی ہے۔ویڈیو میں دیکھا جا سکتا ہے کہ ایک شخص بتا رہا ہے کہ ممبئی سے تعلق رکھنے والی اداکارہ جو غیر اخلاقی فلموں میں کام کرتی ہے وہ انہیں مسلسل دھمکیاں دے رہی ہے اور ان سے رقم کا مطالبہ کر رہی ہے۔متاثرہ شخص ویڈیو میں کہتا دکھائی دے رہا ہے کہ ’رم جھم نامی فحش فلموں کی اداکارہ نے اسے پہلے بھی جیل میں بند کروایا تھا اور اب دوبارہ سے رقم کا مطالبہ کر رہی ہے لیکن ہمارے پاس اتنی رقم نہیں کہ اسے دیں، ہم اداکارہ کی روز روز کی دھمکیوں سے تنگ آکر زہر کھا رہے ہیں۔تاہم متاثرہ شخص کی جانب سے ویڈیو میں یہ نہیں بتایا گیا کہ اداکارہ ان سے رقم کا مطالبہ کیوں کر رہی ہے۔ بھارتی میڈیا کے مطابق متاثرہ خاندان کو فوری طور اسپتال منتقل کر دیا گیا ہے جبکہ انکی حالت تشویش ناک بتائی جارہی ہے۔پولیس حکام کا اس حوالے سے کہنا ہے کہ معاملے کی تحقیقات جاری ہے جلد اس کی جڑ تک پہنچ کر مذکورہ اداکارہ کے خلاف کارروائی کی جائے گی

جنوبی وزیرستان: جنوبی وزیرستان کی تحصیل برمل کے علاقے مانڑہ سے تین مغویوں کی لاشیں برآمد ہوئی ہیں، جو آپس میں باپ، بیٹا اور بھتیجا ہیں۔پولیس کے مطابق مقتولین میں مولوی نور زمان، اس کا بیٹا اور بھتیجا شامل ہیں۔ تینوں افراد کو گزشتہ روز اغوا کیا گیا تھا، جن کی آج لاشیں برآمد ہو گئیں۔ایک روز قبل ہی اغوا کیے گئے تینوں افراد کی لاشیں ملنے کے بعد واقعے کی تحقیقات شروع کردی ہیں۔پولیس کا کہنا ہے کہ بانڑہ کے علاقے سے اغوا ہونے والے مولوی نور زمان، اس کے بیٹے اور بھتیجے کو نامعلوم افراد نے قتل کیا ہے، جن کی گرفتاری کے لیے تحقیقاتی عمل کا آغاز ہوگیا ہے

کراچی: ایف آئی اے امیگریشن نے جناح انٹرنیشنل ائرپورٹ پر کارروائی کرتے ہوئے پاکستانی پاسپورٹس پرملازمت کے لئے سعودیہ جانے والے 3 افغان شہریوں کو گرفتار کرلیا۔افغان شہریوں نے ایجنٹ کی مدد سے پاکستانی سفری دستاویزات حاصل کی تھیں۔ امیگریشن چیکنگ کے دوران تینوں افغان شہری پاکستان میں رہائش کے بارے میں تسلی بخش جوابات نہیں دے سکے۔دوران چیکنگ ملزمان کے مو بائل فونز سے افغان اسپورٹ اور دیگر سفری دستاویزات بھی برآمد ہوئیں۔ ملزمان کو آف لوڈ کرنے کے بعد مزید کارروائی کے لئے ایف آئی اے انسداد انسانی اسمگلنگ سرکل منتقل کر دیا گیا