Category جرائم

کراچی ( وقت ٹی وی آن لائن ) کراچی کا پہلا پولیس اہلکار کورونا وائرس سے لڑتے ہوئے شہید ہوگیا۔

پولیس حکام کے مطابق کچھ روز قبل ایس ایس پی سٹی آفس میں اہلکاروں کا کورونا ٹیسٹ کرایا گیا تو اس دوران اسسٹنٹ سب انسپکٹر (اے ایس آئی) انور سمیت کچھ اہلکاروں کا کورونا ٹیسٹ مثبت آیا تھا۔

ٹیسٹ نتائج مثبت آنے کے بعد اے ایس آئی انور سیلف آئسولیشن میں چلے گئے تھے تاہم گزشتہ روز ان کا انتقال ہوگیا جس کے بعد ان کی تدفین بلدیہ ٹاؤن میں واقع قبرستان میں کردی گئی۔

پولیس کے مطابق اے ایس آئی انور ایس ایس پی سٹی آفس میں وائرلیس آپریٹر تعینات تھے اور ڈاکس میں واقع پولیس ہیڈکوارٹر میں مقیم تھے۔

لاہور ( ایمرا نیوز آن لائن ) پاکستان کے مقبول ٹک ٹاک اسٹار اور ریپر غنی ٹائیگر نے اپنے بھائی پر قاتلانہ حملے اور والد کے بہیمانہ قتل کے بعد انصاف کی اپیل کی ہے۔

گزشتہ روز ٹک ٹاک اسٹار اور ریپر غنی ٹائیگر کی جانب سے سوشل میڈیا پر ایک ویڈیو شیئر کی گئی جس میں وہ شدت غم سے نڈھال نظر آئے۔ٹک ٹاک اسٹار غنی ٹائیگر نے اپنی ویڈیو میں والد کے بہیمانہ قتل اور چھوٹے بھائی داؤد بٹ پر قاتلانہ حملے کا پورا واقعہ بیان کرتے ہوئے انصاف کی اپیل کی۔

غنی ٹائیگر نے اپنی ویڈیو میں روتے ہوئے کہا کہ ‘میری آنکھوں کے سامنے میرے بے قصور والد کو قتل کیا گیا، حملہ آوروں کے پاس اسلحہ تھا اور وہ مجھے، میرے والد اور چھوٹے بھائی کو قتل کرنے کے غرض سے آئے تھے‘۔

View this post on Instagram

???

A post shared by Ghani Tiger (@ghanitiger) on May 3, 2020 at 6:32am PDT

ان کا مزید کہنا تھا کہ ’اس حملے میں میرے والد دنیا سے چلے گئے اور میرا چھوٹا بھائی گولی لگنے کی وجہ سے اسپتال میں ہے‘۔

ٹک ٹاک اسٹار نے غم سے نڈھال حالت میں بتایا کہ ’حملہ آوروں نے پہلے میرے والد کے سر پر لوہے کی راڈ سے مارا اور پھر دماغ میں گولی بھی ماری جس سے وہ موقع پر ہی جاں بحق ہوگئے ، میری ماں صدمے میں ہے، میرا بھائی اسپتال میں اور میرے والد قبر میں ہیں‘۔

غنی ٹائیگر کی ویڈیو سوشل میڈیا پر اتنی وائرل ہوئی کہ ٹوئٹر پر ‘جسٹس فار داؤد بٹ’ کا ہیش ٹیگ ٹرینڈ کرنے لگا اور صارفین کی جانب سے ان کے والد کے قتل پر انصاف کے حوالے سے پوسٹس شیئر کی جانے لگیں۔

‘مجھے یقین ہے کہ اِسے انصاف ضرور ملے گا’

My heart goes out to him. I can see he’s clearly in a LOT of emotional pain and I sincerely hope he gets justice. May his dad R.I.P #justicefordawood ?? pic.twitter.com/JU6kqlj5Ia

— Armeena ? (@ArmeenaRK) May 3, 2020

علاوہ ازیں پاکستانی اداکارہ ارمینہ رانا خان کی جانب سے بھی ٹوئٹ کیا گیا جس میں ان کا کہنا تھا کہ ‘میں اس نوجوان کا درد محسوس کر سکتی ہوں اور مجھے یقین ہے کہ اسے انصاف ضرور ملے گا۔

‘ایک بیٹے کو اپنے والد کے انصاف کیلیے آن لائن بھیگ مانگنی پڑ رہی ہے ‘

It pierces my heart to see that even in times like this and the day and age like this, a son has to beg for justice for his father's death, Online. How many more murders to happen before we can get goons behind bars? #justicefordawood

— Zara Noor Abbas Siddiqui (@ZaraNoorAbbas) May 3, 2020

اداکارہ زارا نور عباس نے ٹوئٹ کرتے ہوئے کہا کہ ‘یہ دیکھ کر میرا دل کٹ رہا ہے کہ ایک آج کل کے زمانے میں ایک بیٹے کو اپنے والد کے قتل کے انصاف کے لیے آن لائن بھیگ مانگنی پڑ رہی ہے’۔

منڈی ( وقت ٹی وی آن لائن ) منڈی بہاؤالدین میں 14 سالہ نوجوان سے بدفعلی کی کوشش پر اہل علاقہ نے ملزم کو پکڑ کے تشدد کا نشانہ بنایا۔

14 سالہ کم سن لڑکے سے بدفعلی کی کوشش کرنے والے پر ملزم کو اہل علاقہ نے دھرلیا اور تشدد کا نشانہ بنایا جب کہ ملزم کے سر کے بال بھی مونڈھ دیے۔

پولیس نے مقدمہ درج کرکے ملزم کو گرفتار کرلیا۔

آر پی او گوجرانوالہ نے واقعہ کا نوٹس لیتے ہوئے ڈی پی او منڈی بہاؤالدین سے رپورٹ طلب کرلی۔

لاہور (وقت ٹی وی آن لائن ) نواحی علاقے رائیونڈ میں 6 سالہ گمشدہ بچے کی لاش کھیتوں سے برآمد ہوگئی جسے گلہ دبا کر قتل کیا گیا۔

پولیس کے مطابق رائیونڈ کے گاؤں گھانہ کا 6 سالہ حسنین علی شام کو گھر کے باہر کھیلتے ہوئے لاپتہ ہو گیا تھا جس کی تلاش جاری تھی کہ گاؤں کے باہر کھیتوں سے اس کی لاش مل گئی۔

پولیس نے شبہ ظاہر کیا ہے کہ بچے کو زیادتی کے بعد قتل کیا گیا، فرانزک اور تفتیشی ٹیموں نے شواہد اکٹھے کر لیے ہیں۔

ایس ایس پی آپریشنز نے جلد از جلد ملزمان کی گرفتاری کے احکامات جاری کیے ہیں۔

کراچی ( وقت ٹی وی آن لائن ) سندھ پولیس کو وجود میں آئے 177 سال ہوگئے، انسپکٹر جنرل (آئی جی) سندھ پولیس مشتاق مہر کے مطابق تاریخ کے اعتبار سے سندھ پولیس برصغیر کی سب سے پرانی پولیس فورس ہے، سندھ پولیس اس سے قبل بھی 1890 میں ایک خطرناک وبا کا دلیری سے مقابلہ کر چکی ہے جبکہ اب تک سندھ پولیس کے 70 سے زائد اہلکار فرائض کی انجام دہی میں کورونا وائرس کا شکار ہوچکے ہیں۔

سندھ پولیس کا آج 177واں یوم تاسیس ہے، برصغیر کی تاریخ کی سب پرانی پولیس فورس یکم مئی کو وجود میں آئی تھی، سندھ پولیس کی بنیاد ایڈورڈ چارلس مارسٹن نے رکھی تھی، وہ سب سے پہلے پولیس کے سربراہ تھے جو 1843 سے 1872 تک عہدے پر تعینات رہے۔

سندھ پولیس کے اب تک 2300 سے زائد شہداء اپنی جانوں کی قربانی دے چکے ہیں، اب تک 70 سے زائد اہلکار فرائض کی انجام دہی کے دوران کورونا وائرس کا شکار ہوچکے ہیں۔

سندھ پولیس کے 177ویں یوم تاسیس پر آئی جی سندھ مشتاق مہر نے اپنے بیان میں کہا ہے کہ سندھ پولیس کو برصغیر کی پہلی جدید پولیس فورس ہونے پر ماضی یاد دلانا چاہتا ہوں، ماضی میں دلیر اور نڈر اہلکار دہشتگردی اور وبا سمیت ہر چیلنج سے نمٹنے میں پیش پیش رہے۔

انہوں نے کہا کہ آج جس دور سے گزر رہے ہیں اسکے تناظر میں 1890 کی دہائی کی وبا یاد آرہی ہے، اس وقت بھی سندھ پولیس قرنطینہ میں متاثرہ افراد کی مدد کے ساتھ جاں بحق افراد کی تدفین بھی کرتی رہی۔

آئی جی نے کہا کہ موجودہ حالات میں بھی اپنے فرائض جانفشانی، لگن اور مستعدی کے ساتھ انجام دے رہے ہیں۔

لاہور (وقت ٹی وی آن لائن ) لاہور سمیت پنجاب بھر کے 28 اہلکار کورونا کا شکار ہوگئے، 15 اہلکاروں کی رپورٹ کا انتظار ہے، لاہور کے 11، پاکپتن کے 5، نارووال کے 4، سی پی او میں ایک اہلکار شامل ہے۔

لاہور سمیت پنجاب بھر میں کورونا وائرس تیزی سے پھیلنا شروع ہوگیا، پولیس اہلکار، وارڈن، ڈاکٹرز، نرسز، قیدی، بچے بڑے سب اس مہلک وبا سے متاثر ہورہے ہیں، پنجاب میں تصدیق شدہ مریضوں کی تعداد 5827 تک پہنچ گئی، لاہور میں کورونا وائرس کے سب سے زیادہ 1469 کنفرم مریض ہیں، کورونا وائرس سے اب تک پنجاب میں کل 100 جبکہ لاہور میں 49 افراد زندگی کی بازی ہار چکے ہیں، 1520 افراد نے کورونا کو مات دیدی جبکہ 22 مریضوں کی حالت تشویشناک ہے۔

ایڈیشنل آئی جی آپریشنز پنجاب انعام غنی کا کہنا ہے کہ ابھی 52 اہلکاروں و افسران کے ٹیسٹ نیگیٹو آئے ہیں جبکہ 28 میں کورونا کی تصدیق ہوئی ہے۔دوسری جانب ایس پی صدرغضنفر شاہ کے مطابق ایس ایچ او رائیونڈ سید سبطین شاہ کے بعد چوکی انچارج اڈا پلاٹ حیدر بھی کورونا کا شکار ہو گیا، حیدر کو قائم مقام ایس ایچ او رائیونڈ تعینات کیا گیا تھا جس کا کورونا ٹیسٹ پازیٹوآنے پر ایکسپو کورونا سینٹر منتقل کر دیا گیا ہے۔

طبی ماہرین کے مطابق کورونا وائرس بخار سے شروع ہوتا ہے جس کے بعد خشک کھانسی آتی ہے، یہ وائرس سانس کے ذریعے ایک سے دوسرے انسان میں منتقل ہونے کی صلاحیت رکھتا ہے، شہری کورونا وائرس سے بچنے کیلئے گرم پانی پیئں، ایک دوسرے سے ہاتھ ملانے اور گلے ملنے سے اجتناب کریں، گھر سے باہر نکلتے وقت ماسک استعمال کریں۔

یاد رہے کہ 24 مارچ سے لاہور سمیت پنجاب بھر میں کورونا وائرس کا پھیلاؤ روکنے کیلئے لاک ڈاؤن نافذ ہے ، لاہور میں آج لاک ڈاؤن کا38 واں روز ہے، تمام شاپنگ مالز، مارکیٹیں، تعلیمی ادارے، سینما گھر، شادی ہالز، سیاحتی مقامات اور پارکس بند ہیں، شہریوں کو غیرضروری سفر سے باز رکھنے کے لئے پولیس ناکے بھی لگے ہوئے ہیں۔

پشاور: شور مچانے پر کمسن بھتیجی کو قتل کرنے والے چچا کو گرفتار کرلیا گیا۔

جیونیوز کے مطابق گزشتہ ہفتے پشاورکے علاقے تہکال میں ایک واقعہ پیش آیا جہاں چچا نے شور مچانے پر گھر کی بالائی منزل سے فائرنگ کردی تھی جس سے اس کی بھتیجی 7 سالہ عیشاہ کو گولی لگی اور وہ جاں بحق ہوگئی۔

پولیس نے بچی کے قاتل چچا کو لنڈی کوتل سے گرفتار کرلیا ہے۔

پولیس کا کہنا ہےکہ واردات کے بعد سفاک قاتل گھر چھوڑ کر فرار ہوگیا تھا جسے سرچ آپریشن کرکے گرفتار کیا گیا۔

لاہور (وقت ٹی وی آن لائن ) رائے ونڈ تھانے میں تعینات ایس ایچ او انسپکٹر شاہ کا کورونا ٹیست مثبت آ گیا۔

پولیس کے مطابق ایس ایچ او تھانہ رائے ونڈ انسپکٹر شاہ کا کورونا ٹیسٹ نتائج مثبت آئے ہیں اس سے قبل بھی کورونا کی وجہ سے سیل کیے گئے علاقوں میں تعینات 24 اہلکاروں کے ٹیسٹ مثبت آ چکے ہیں۔

رائے ونڈ کے علاقے میں گزشتہ کئی دنوں سے لا ک ڈاؤن ہےجب کہ لاہورکے 23 علاقے کورونا کی وجہ سے سیل ہیں۔

واضح رہےکہ ملک میں کورونا وائرس کیسز کی تعداد روزبروز بڑھتی جا رہی ہے، اب تک متاثرین کی تعداد 14 ہزار سے زائد ہو چکی ہے جس میں سے 5640 کا تعلق صوبے پنجاب سے ہے اور صوبے میں 91 ہلاکتیں بھی ہوچکی ہیں۔

لاہور (وقت ٹی وی آن لائن ) مسلم لیگ (ن) کے رہنما و رکن قومی اسمبلی میاں جاوید لطیف کا کہنا ہے کہ اینٹی کرپشن نے مجھے کلیئر ہونے کا سرٹیفکیٹ دے دیا لیکن لگتا ہے نیب کے لیے بنی گالہ سے سرٹیفکیٹ لینا پڑے گا۔

گزشتہ روز قومی احتساب بیورو(نیب) نے آمدن سے زائد اثاثہ جات کیس میں مکمل تفصیلات کا جواب طلب کرنے کے لیے مسلم لیگ (ن) کے رہنما میاں جاوید لطیف کو نوٹس بھیجا تھا۔

اس سلسلے میں جاوید لطیف آج نیب میں پیش ہوئے اور کیس کی تفصیلات سے متعلق ایک بار پھر آگاہ کیا۔

اس سے قبل بھی جاوید لطیف نیب لاہور میں تین بار پیش ہو چکے ہیں۔

نیب میں پیش ہونے کے بعد میڈیا سے گفتگو کرتے ہوئے جاوید لطیف نےکہا کہ آج ایک مرتبہ پھر نیب کے افسران نے مجھے دیکھا میں نے ان کو دیکھا، اینٹی کرپشن نے مجھے کلیئر ہونے کا سرٹیفکیٹ دیا لیکن لگتا ہے مجھے بنی گالہ سے سرٹیفکیٹ لینا پڑے گا۔

لیگی رہنما جاوید لطیف کا حکومت پر تنقید کرتے ہوئے کہنا تھا کہ بنی گالہ میں فیصلہ ہوا ہے کہ چارلوگوں کو گرفتارکرلیا جائے توکشمیرآزاد ہو سکتا ہے جس میں مسلم لیگ (ن) کے شہبازشریف، شاہد خاقان، رانا ثناء اللہ اور جاوید لطیف کی گرفتاری شامل ہے اور اس سے ملکی مسائل بھی حل ہو جائیں گے۔

انہوں نے مزید کہا کہ وفاقی کابینہ میں فیصلہ کیا جائے گا کہ کن کن دنوں میں کس کس کو گرفتار کرنا ہے اور تب بھی مسائل حل نہ ہوئے تو نواز شریف، مریم نواز اور مولانا فضل الرحمان کو گرفتار کیا جائے گا۔

مسلم لیگ ن کے رہنما کا کہنا تھا کہ شیخ رشید کی پیش گوئی اور سیاست کے ساتھ تحریک انصاف کی حکومت مکمل طور پر ایکسپائر ہوچکی ہے۔

خیال رہے کہ میاں جاوید لطیف چیئرمین قائمہ کمیٹی برائے اطلاعات و نشریات ہیں جبک ہ ان کا نام ایگزٹ کنٹرول لسٹ (ای سی ایل) میں بھی شامل ہے۔

میاں جاوید لطیف این اے 121 شیخوپورہ 3 سے مسلم لیگ (ن) کے رکن قومی اسمبلی ہیں۔

دہلی (وقت ٹی وی آن لائن ) بھارتی ریاست راجستھان میں قرنطینہ میں موجود ایک خاتون اجتماعی زیادتی کا نشانہ بن گئی۔

بھارت جس کا شمار خواتین کے تحفظ کے حوالے سے دنیا کے بدترین ممالک میں ہوتا ہے اب وہاں کورونا جیسی وبا میں بھی خواتین محفوظ نہیں ہیں۔

بھارتی میڈیا کے مطابق ایک 40 سے 45 سالہ خاتون گذشتہ ہفتے لاک ڈاؤن کے باعث راجستھان کے علاقے مادھو پور میں پھنس گئی تھی۔

جے پور کی رہائشی خاتون نے پناہ کے لیے مقامی پولیس اسٹیشن سے مدد طلب کی تھی تاہم پولیس نے اسے کورونا کے شبے میں ایک سرکاری اسکول میں ایک رات کے لیے عارضی طور پر ٹھہرادیا تھا کیونکہ وہاں کوئی اور قرنطینہ مرکز موجود نہیں تھا۔

اس دوران 3 مقامی نوجوانوں نے اسکول میں داخل ہو کر خاتون کو اجتماعی زیادتی کا نشانہ بنایا تاہم اب انہیں گرفتار کرلیا گیا ہے اور تمام ملزمان کی عمریں 20 سال کے قریب ہیں۔

پولیس کا کہنا ہے کہ متاثرہ خاتون کو ایک قرنطینہ مرکز میں بھیج دیا گیا ہے جہاں اس کے ٹیسٹ لیے جارہے ہیں۔ واضح رہے کہ نیشنل کرائم ریکارڈز بیورو انڈیا کے مطابق بھارت میں اوسطاً ہر 20 منٹ میں ایک خاتون کو زیادتی کا نشانہ بنایا جاتا ہے۔

خیال رہے کہ بھارت میں کورونا سے متاثرہ افراد کی تعداد 26 ہزار سے تجاوز کرچکی ہے جن میں سے 826 افراد ہلاک ہوچکے ہیں۔