Category جرائم

کراچی (میڈیا 92 نیوز آن لائن ) کراچی کے علاقے ڈیفنس میں مبینہ طور پر ایک لڑکی کو تشدد اور ریپ کا نشانہ بنایا گیا جو پولیس کےمطابق نیم برہنہ حالت میں ملی تھی۔

ڈیفنس پولیس کا کہنا تھا کہ سی ویو کے پاس نیم برہنہ حالات میں ایک لڑکی ملی تھی جن کو مبینہ طور پر تشدد اور ریپ کا نشانہ بنایا گیا۔

ایس ایس پی ساوتھ شیراز نذیر نے بتایا کہ پولیس حکام کو مددگار15 پر اطلاع ملی کہ سی ویو سے متصل ویلیج ہوٹل کے قریب ایک لڑکی کی لاش پڑی ہوئی ہے۔

انہوں نے بتایا کہ جب پولیس وقوع پر پہنچی تو لڑکی کو نیم بے ہوشی کی حالت میں پایا جسے فوراً ہسپتال منتقل کردیا گیا۔

بعدازاں لڑکی نے پولیس کو بتایا کہ انہیں مبینہ طورپر منشیات دی گئیں اور پھر تشدد کے بعد ریپ کا نشانہ بنایا گیا۔ ایس ایس پی نے بتایا کہ ایف آئی آر درج کرکے متاثرہ لڑکی کا طبی معائنہ کرایا گیا ہے۔

علاوہ ازیں درخشانہ پولیس اسٹیشن کے ایس ایچ او شاہ جہاں لاشاری نے بتایا کہ ڈی ایچ اے کے علاقے مسلم کمرشل میں واقع ایک اپارٹمنٹ میں تقریباً 30 سالہ لڑکی کو مبینہ طور پر منشیات دے کر تشدد اور ریپ کا نشانہ بنایا گیا۔

انہوں نے بتایا کہ بعدازاں مشتبہ ملزمان نے لڑکی کو کار میں ڈال کر سی ویو پر نیم برہنہ اور نیم بیہوشی کی حالات میں پھینک دیا۔ پولیس نے متاثرہ لڑکی کی شکایت پر ایک شخص اور عورت کے خلاف مقدمہ درج کرکے تحقیقات شروع کردی۔

اس ضمن میں پولیس نے بتایا کہ تاحال کوئی بھی گرفتاری عمل میں نہیں آئی۔دوسری جانب آئی جی پی سندھ ڈاکٹر سید کلیم امام نے متاثرہ لڑکی پر مبینہ تشدد کا نوٹس لے کر ایس ایس پی ساؤتھ انوسٹی گیشن کو رپورٹ پیش کرنے کی ہدایت کردی۔

انہوں نے کہا کہ تفتیش کو لڑکی کے بیان اور واقعاتی شواہد کی بنیاد پر انتہائی غیر جانب دار اور نتیجہ خیز بنایا جائے۔ آئی جی پی سندھ کا کہنا تھا کہ واقعے میں ملوث عناصر کو جلد سے جلد قانون کی گرفت میں لایا جائے۔

لاہور (میڈیا 92 نیوز آن لائن ) کالعدم جماعت الدعوہ کے سربراہ حافظ سعید نے اپنے خلاف درج دہشت گردی کے مقدمات پر لاہور ہائیکورٹ سے رجوع کرلیا۔

حافظ سعید، عبدالرحمان مکی ، امیر حمزہ اور محمد یحییٰ عزیز سمیت 7 درخواست گزاروں نے لاہور ہائیکورٹ میں درخواست دائر کرتے ہوئے وفاقی حکومت، پنجاب حکومت اور ریجنل ہیڈ کوارٹر محکمہ انسداد دہشت گرد (سی ٹی ڈی) کو فریق بنایا۔

حافظ سعید اور دیگر نے کہا کہ ان پر درج ایف آئی آرز ختم کی جائیں، حافظ سعید کا لشکر طیبہ کے ساتھ کوئی تعلق نہیں ہے، ان کا القاعدہ یا ایسی کسی تنظیم سے بھی کوئی تعلق نہیں ہے، وہ ریاست کے خلاف اقدامات میں ہرگز ملوث نہیں ہیں، انڈین لابی کا حافظ سعید پر ممبئی حملوں میں ملوث ہونے بیان حقائق کے منافی ہے۔

واضح رہے کہ یکم جولائی کو حکومت نے حافظ سعید اور ان کے دیگر 6 ساتھیوں کے خلاف لشکر طیبہ کا سربراہ ہونے اور دہشت گردی میں ملوث کے الزامات میں مقدمات درج کیے ہیں۔ ان پر دہشت گردی کو پروان چڑھانے اور دہشت گردوں کی مالی معاونت کیلئے فنڈز اکٹھا کرنے کے الزامات ہیں۔

لاہور(ایمرا نیوز آن لائن)دس بچوں کی ماں اپنے خاوند کے ساتھ تعلق توڑ کر غیر مرد کے ساتھ فرار ہو گئی ہے ، تھانہ شاہ قبول کی حدود میں ایک خاتون اپنے نو بچوں کو چھوڑ کر جبکہ ڈیڑھ سال کے ایک بچے کو ساتھ لیکر اپنے اشنا کے ساتھ فرار ہو گئی ہے۔

پشاور کے رہائشی رہائی گل نے پولیس کو بتایا کہ 30سال قبل اس کی شادی ہوئی تھی جو کہ اب 10بچوں کی ماں ہے۔ میں گھر سے باہر گیا ہوا تھا جب واپس آیا تو میری اہلیہ گھر پر موجود نہیں تھی۔

مدعی کے مطابق اس کی اہلیہ اپنے ساتھ ڈیڑھ سال کا بیٹا، گھر سے ایک لاکھ روپے اور لاکھوں مالیت کا سونا لیک فرار ہو گئی ہے۔ بتایا گیا ہے کہ خاتون کے عبداللہ نامی شخص کے ساتھ ناجائز مراسم تھے اور اسی نے اسے بہلا پھسلا کر اغواءکرلیا ہے۔تاکہ سونا ، نقدی ہڑپ کر سکے ، پولیس نے مقدمہ درج کرکے تفتش شروع کردی ہے

رحیم یار خان (میڈیا 92 نیوز آن لائن ) ولہار اسٹیشن کے قریب ایک مسافر ٹرین حادثے کا شکار ہوگئی جس کے نتیجے میں 11 افراد جاں بحق اور 67 زخمی ہوگئے۔

میڈیا رپورٹس کے مطابق لاہور سے کوئٹہ جانے والی اکبر ایکسپریس رحیم یار خان کے قریب ولہار اسٹیشن کی حدود میں کھڑی مال گاڑی سے ٹکرا گئی، حادثے کے نتیجے میں مسافر ٹرین کا انجن مکمل طور پر تباہ ہوگیا اور 3 سے 4 بوگیاں پٹری سے اتر گئیں جب کہ 6 سے 7 بوگیاں شدید متاثر ہوئیں۔

واقعے کی اطلاع ملنے پر ریسکیو عملہ جائے حادثہ پر پہنچ گیا اور امدادی کارروائیاں شروع کردیں، حادثے کے زخمیوں اور جاں بحق ہونے والوں کو جناح اور شیخ زائد اسپتال منتقل کیا گیا۔

ڈی پی او عمر سلامت نے جیو نیوز سے گفتگو کرتے ہوئے بتایا کہ رحیم یار خان کے تمام اسپتالوں میں ایمرجنسی نافذ کردی گئی ہے جب کہ ہیلپ لائن اور کنٹرول روم بھی قائم کردیا گیا ہے۔

ڈی پی او عمر سلامت کے مطابق ابھی تک 11 لاشوں اور 67 زخمیوں کو نکالا جا چکا ہے جن میں 3 سے 4 افراد کی حالت تشویش ناک ہے، زخمیوں کے لیے خون کے عطیات کی ضرورت ہے جس کا انتظام کیا جارہا ہے۔

انہوں نے بتایا کہ کٹرز اور ہیوی مشینری موقع پر پہنچ گئی ہے اور ریسکیو آپریشن بھی جلد مکمل ہوجائے گا۔

ایڈیشنل جنرل مینیجر ریلوے زبیر شفیع کے مطابق اکبر ایکسپریس کے ڈرائیور عبدالخالق اور اسسٹینٹ ڈرائیور اسپتال میں زیر علاج ہیں۔

زبیر شفیع نے بتایا کہ اکبر ایکسپریس کی 10 میں سے 4 بوگیاں پٹری سے اتری ہیں، حادثے کے بعد اپ ٹریک پر ٹرینوں کی آمدو رفت روک دی گئی تھی لیکن ساڑھے 8 بجے اسے بحال کردیا گیا ہے۔

مسافروں کا کہنا ہے کہ حادثہ صبح 4 بجے کے قریب پیش آیا ہے، ٹرین میں سوار بیشتر مسافر سو رہے تھے، گاڑی کو حادثہ کانٹا تبدیل نہ کرنے کی صورت میں پیش آیا ہے، اسٹیشن والے اپنی ڈیوٹی نہیں کر رہے تھے ورنہ جانی نقصان نہیں ہوتا۔

عینی شاہدین نے مزید بتایا کہ ہمیں اپنی مدد آپ ہی بوگیوں سے نکلنا پڑا، حادثہ پیش آنے کے کافی دیر بعد ریسکیو ٹیم جائے وقوعہ پر پہنچی تھی۔

یاد رہے کہ گزشتہ ماہ بھی حیدرآباد ریلوے اسٹیشن کے قریب ایک مسافر ٹرین سامنے کھڑی مال گاڑی سے ٹکرا گئی تھی جس کے نتیجے میں ٹرین ڈرائیور سمیت 3 افراد جاں بحق ہوئے تھے۔

لاہور(آن لائن میڈیا 92)
کیرالا جیل کے ڈائریکٹر جنرل رشی راج سنگھ نے انکشاف کرتے ہوئے بتایا ہے کہ اداکارہ سری دیوی کی موت محض حادثہ نہیں بلکہ ان کا قتل کیا گیاہے۔
سری دیوی کی موت کے حوالے سے کیرالہ کے ایک اخبار میں مضمون بھی شائع ہوا جس میں تہلکہ خیز انکشافات کئے گئے،اخبار نے ایک فرانزک سرجن ڈاکٹر عما دھتن کا حوالہ دیتے ہوئے انکشاف کیا کہ ڈاکٹر نے مجھے بتایا بہت سارے ایسے ثبوت بھی ہیں جس سے یہ بات عیاں ہوتی ہے کہ سری دیوی کی موت حادثہ نہیں بلکہ انہیں قتل کیا گیا ہے

لاہور (میڈیا 92 نیوز آن لائن ) لاہور سے اسلام آباد موٹروے سیال موڑ کے قریب ڈپٹی انسپیکٹر جنرل (ڈی آئی جی) لاہور کامران یوسف کی گاڑی ٹرالر سے ٹکرا گئی جس کے نتیجے میں ڈی آئی جی سمیت 2 افراد جاں بحق ہوگئے۔

موٹروے ترجمان کے مطابق ڈی آئی جی کامران یوسف لاہور سے اسلام آباد جارہے تھے کہ ان کی گاڑی سرگودھا کے قریب سیال موڑّ پر ٹرالر سے ٹکرا گئی۔ حادثے کے نتیجے میں گاڑی کا اگلا حصہ پوری طرح سے تباہ ہوگیا اور گاڑی میں سوار ڈی آئی جی اور ان کے ساتھ بیٹھا شخص عاشر جاں بحق بھی ہوگیا۔

ترجمان کا کہنا ہے کہ ’حادثہ بظاہر بریک فیل ہونے کی وجہ سے پیش آیا‘۔انہوں نے بتایا کہ ڈی آئی جی کامران خود گاڑی چلا رہے تھے۔

حادثے کے بعد ٹرالر کا ڈرائیور موقع سے فرار ہوگیا۔

(ایمرا نیوز آن لائن) کراچی میں فائرنگ کے 2 مختلف واقعات سامنے آگئے

شہر قائد میں ایک خوفناک حادثہ پیش آگیا جس میں نجی ٹی وی کے نیوز اینکر سمیت 4 افراد جاں بحق ہوگئے۔

پولیس کےمطابق ڈیفنس بخاری کمرشل میں پیش آیا جس میں فائرنگ سے نجی ٹی وی کے اینکر مرید عباس سمیت 2 افراد جاں بحق ہوئے۔

فائرنگ کا ایک اور کراچی کے نواحی علاقے واقعہ پہلواں گوٹھ میں پیش آیا، جہاں نامعلوم موٹر سائیکل سواروں کی فائرنگ سے دو افراد جان کی بازی ہار گئے۔

ذرائع سے معلوم ہواہے کہ چاروں افراد کو بے قصور موت کے گھاٹ اتار دیا گیا. جس سے یہ ظاہر ہوتا ہے کہ سندھ حکومت کی وجہ سے روشنیوں کا شہر کراچی پھر سے دہشت گردوں اور نامعلوم افراد کے ہاتھوں چڑھ گیا جو کہ ایک انتہائی افسوسناک خبر ہے.

مزید معلوم ہوا کہ بچھلےچند ماہ سے کراچی میں اس طرح کے بے شمار واقعات سامنے جس کا شکار سینکڑوں افراد ہوگئے.

لاہور(ایمرا نیوز آن لائن)آئی جی پنجاب کے مبینہ دعوئوں کے برعکس پنجاب اشتہاری ملزمان کے رحم و کرم پر، پولیس کاغذی کارروائی تک محدود نظر آ تی ہے ۔ ذرا ئع کے مطابق آئی جی پنجاب عارف نواز کے اشتہاری ملزمان کے خلاف کریک ڈائون اور گرفتاری کے احکامات کے باوجود پنجاب میں 99 ہزار 117 اشتہاری پولیس کی پہنچ سے دور ہیں۔ پولیس ذرائع کے مطابق لاہور پولیس اس حوالے سے پہلے نمبر پر ہے جہاں 16 ہزار 476 اشتہاری ملزمان کی عدم گرفتاری پولیس کی کارگردگی پر سوالیہ نشان ہے جبکہ فیصل آباد پولیس 15 ہزار 299 اشتہاری پکڑنے میں ناکام ہو چکی ہے ۔ ان اشتہاری ملزمان میں اغوا برائے تاوان سمیت سنگین جرائم کے اشتہاری بھی شامل ہیں۔

قصور (ایمرا نیوز آن لائن)
ڈائریکٹر انٹی کرپشن لاہور کی ہدیات پر سرکل آفیسر انٹی کرپشن شاہد عنایت بھٹی نے تحصیل آفس قصور میں علاقہ مجسٹر یٹ اور عملے کہ ہمراہ چھاپہ مارا. جس میں تحصیلدار قصور کے ہیڈ کلرک کو رنگے ہاتھوں کرپشن کرتے ہوئے پکڑ لیا گیا. ہیڈ کلرک محمد منشاء رنگے ہاتھوں گرفتار کر لیا گیا.

ذرائع کا کہنا ہے کہ ہیڈ کلرک منشاء سے 25000 ہزار نقدی برآمد ہوئی. محرر تھانہ اینٹی کرپشن قصور عمران علی نے منشاء کو ھتکڑی لگا کر حوالات میں بند کر دیا.

مدعی کا کہنا ہے کہ ہیڈ کلرک منشاء نے پراپرٹی ٹیکس کی مد میں 45000 روپے رشوت دینے کو کہا تھا. ہیڈ کلرک محمد منشاء کو اینٹی کرپشن کی ٹیم عمران علی اور محمد رمضان نے سرکل افیسر کی سربراہی میں بیٹے سمیت رنگے ہاتھوں گرفتار کیا

منشاء اور اس کے بیٹے حسنین کیخلاف FIR درج کر کے کاروائی شروع کر دی.

راجن پور (میڈیا 92 نیوز آن لائن ) محکمہ انسداد دہشت گردی (سی ٹی ڈی) پنجاب نے راجن پور میں ریلوے ٹریک کو بم سے اڑانے کی کوشش ناکام بناتے ہوئے 5 مبینہ دہشت گردوں کو گرفتار کرلیا۔

بم ڈسپوزل اسکواڈ (بی ڈی ایس) نے راجن پور کے نواحی علاقے عمر کوٹ کے قریب ریلوے ٹریک پر نصب بم برآمد کرکے اسے ناکارہ بنا دیا تھا۔بی ڈی ایس افسر غلام عباس کے مطابق ’بم 5 کلو وزنی تھا جسے ریموٹ کنٹرول ڈیوائس کے ساتھ ریلوے ٹریک پر نصب کیا گیا تھا‘۔

حکام کے مطابق دہشت گردوں کا ہدف ہشاور سے کراچی کے لیے چلنے والی خوشحال خان خٹک ایکسپریس تھی جس نے یہاں سے چند گھنٹوں بعد گزرنا تھا۔پولیس نے علاقے کو سیل کرتے ہوئے سرچ آپریشن کا آغاز کردیا جبکہ خوشحال خان خٹک ایکسپریس کو ڈی جی خان اسٹیشن پر روک دیا گیا۔

بعد ازاں سی ٹی ڈی نے بتایا کہ راجن پور کے علاقے گیامل سے 5 مبینہ دہشت گردوں کو گرفتار کیا گیا۔

سی ٹی ڈی حکام کا کہنا تھا کہ ملزمان صبح ریلوے ٹریک کو بم سے اڑانے والے تھے جبکہ ان کے قبضے سے اسلحہ اور بارودی مواد برآمد کیا گیا۔

انہوں نے کہا کہ ملزمان کے خلاف دہشت گردی کے دفعات کے تحت مقدمہ درج کرلیا گیا ہے اور مزید تحقیقات کی جارہی ہیں اور ان سے ’اہم انکشافات کی امید ہے‘۔سی ٹی ڈی پنجاب کے ترجمان کی جانب سے جاری ہونے والے بیان کے مطابق ملزمان کی شناخت حسین بخش عرف بگا ریش، بخش، بلاچ عرف بلاش، رحم علی، مجاہد دین عرف موجو کے نام سے ہوئی ہے۔

بیان میں کہا گیا کہ ’ملزمان کا تعلق بلوچ ریپلکن آرمی کے بگی کمانڈر گروپ سے ہے، ملزمان کے قبضے سے 30 بور کی 2 پستول، 6 کلو بارودی مواد سے بنا آئی ای ڈی بم، سیفٹی فیوز، پرائما کورڈ، ڈیٹونیٹر اور دہشت گردی کے لیے ملنے والا فنڈ برآمد کیا گیا‘۔

انہوں نے بتایا کہ ’دہشت گردوں کے برہمداد بگٹی سے گہرے تعلقات ہیں اور انہیں بیرون ملک سے دہشت گردی کے لیے یہ فنڈ موصول ہوئے تھے‘۔