Category جرائم

عارف والا (ایمرا نیوز آن لائن)
عارف والا میں وکلا اور دکانداروں کے درمیان تصادم کے دوران فریقین نے اینٹوں اور ڈنڈوں کا آزادانہ استعمال کیا، فائرنگ بھی کی گئی۔ دکانداروں نے احتجاجی مظاہرہ کیا، ٹائر جلا کر بہاولنگر روڈ بلاک کر دی۔ پولیس کو حالات پر قابو پانے کے لئے آنسو گیس کی شیلنگ کرنا پڑی۔

موٹر سائیکل کھڑی کرنے کا معاملہ سر پھٹول تک جا پہنچا۔ وکلا کے مطابق ساتھی وکیل نے آٹو سٹور کے باہر بنک کی اے ٹی ایم سے پیسے نکالنے کے لئے موٹرسائیکل کھڑی کی جس پر آٹو سٹور والوں نے وکلاء کو زدوکوب کیا اور انہیں دکان میں بند کر دیا۔

اطلاع پر وکلا کی کثیر تعداد تحصیل کچہری سے باہر نکل آئی اور دوکانداروں کے ساتھ تصادم شروع ہو گیا۔ فریقین نے اینٹوں اور ڈنڈوں کا آزادانہ استعمال کیا، فائرنگ بھی ہوئی۔

جھگڑے میں ایک وکیل زخمی بھی ہوا جسے ٹی ایچ کیو منتقل کر دیا گیا۔ آٹو سٹور کے مالک آصف اور ان کے والد کا موقف تھا کہ ان کی دکان کے شیشے توڑ ڈالے اور تشدد کا نشانہ بنایا گیا۔

جھگڑا بڑھا تو پولیس کو حالات پر قابو پانے کے لئے آنسو گیس استعمال کرنا پڑی، دکانداروں نے اس پر احتجاجی مظاہرہ کیا، ٹائر جلا کر بہاولنگر روڈ بلاک کر دی۔

لاہور (ایمرا نیوز آن لائن) ڈولفن فورس نے سگنل پر نہ رکنے والے نوجوان کو گولی مار دی لاہور کے علاقے گلبرگ میں سگنل پر نہ رکنے پرڈولفن فورس نے نوجوان کو گولی مار دی، فائرنگ سے نوجوان زخمی ہو گیا۔

زخمی نوجوان کی والدہ کا کہنا ہے کہ اس کا بیٹا دوا لینے کے لیے گیا تھا کہ ڈولفن فورس کے اہلکار نے اسے گولی مار دی۔

علاقہ ایس پی بلال ظفر کا کہنا ہے کہ واقعے کی انکوائری کریں گے جس کے بعد قانون کے مطابق ذمہ داران کے خلاف کارروائی ہو گی۔

ڈولفن فورس کے ہاتھوں زخمی ہونے والے نوجوان کو طبی امداد کے لیے اسپتال منتقل کیا گیا ہے۔

فیصل آباد (ویب ڈیسک) فواد چوہدری اور سینئر صحافی سمیع ابراہیم سمیت ملک کی اہم شخصیات فیصل آباد میں نجی ٹی وی چینل’’ 92 نیوز‘‘ کے مالک میاں حنیف کی صاحبزادی کی شادی کی تقریب میں شریک تھے جہاں دونوں میں تلخ کلامی ہوئی اور بات اس حد تک بڑھ گئی کہ وفاقی وزیر نے سینئر صحافی کو تھپڑ مار دیا۔

واقعہ پیش آنے پر فواد چوہدری تقریب سے چلے گئے تاہم شادی کی تقریب میں موجود لوگ اکٹھے ہوگئے، اس موقع پر وزیر اعظم کی معاون خصوصی برائے اطلاعات فردوس عاشق اعوان نے سینئر صحافی سے معذرت بھی کی۔

سمیع ابراہیم کا موقف بھی سامنے آ گیا ہے ۔ انکے مطابق تقریب میں موجود لوگوں نے سمیع ابراہیم سے دریافت کیا کہ ایسا کیوں ہوا تو انہوں نے بتایا کہ میں نے اپنے پروگراموں میں ان پر تنقید کی تھی جب کہ سماجی رابطوں کی ویب سائٹ ٹوئٹر پر بھی ایک ایسا ٹوئٹ کیا تھا جس میں میں نے انکشاف کیا تھا کہ فواد چوہدری تحریک انصاف کے اندر ایک گروپ بنا رہے ہیں جس کو وہ پیپلز پارٹی سے ملوانا چاہتے ہیں جس پر فواد چوہدری نے مجھے دھمکیاں بھی دی تھی اور اب تقریب میں انہوں نے ایسے طرز عمل کا مظاہرہ کیا ہے۔

یادرہے کہ فیصل آباد کے تھانہ منصورآباد میں اندراج مقدمہ کیلئے سینئر صحافی نے درخواست بھی دیدی جس میں سمیع ابراہیم نے موقف اپنایا کہ شادی کی تقریب میں شرکت کے لیے وہ اپنے دوستوں ارشد شریف، رئووف کلاسرا، ڈی جی ایف آئی اے بشیر میمن اور پی ٹی آئی کے رکن اسمبلی فرخ حبیب کے ہمراہ آئے تھے ، اس دوران وفاقی وزیر سائنس و ٹیکنالوجی فواد چوہدری نے ان پر حملہ کردیا، انہیں تھپڑمار ا اور گالیاں دیں، سنگین نتائج کی دھمکیاں بھی دیں لہٰذا مقدمہ درج کیاجائے ۔

پشاور (میڈیا 92 نیوز آن لائن ) صوبہ خیبرپختونخوا کے علاقے جنوبی وزیرستان میں ملک کی تاریخ میں پہلی مرتبہ پولیس اسٹیشن قائم کردیا گیا۔

جنوبی وزیرستان کے علاقے وانا میں وانا فورٹ کو تبدیل کرکے علاقے میں پہلی مرتبہ پولیس اسٹیشن قائم کیا گیا۔

وانا فورٹ پہلے فرنٹیئر کور (ایف سی) کے استعمال میں تھا، جس کے خالی ہونے کے بعد پولیس نے اسے تھانے میں تبدیل کرکے ذمہ داریاں سنبھال لیں۔

پولیس حکام کا کہنا تھا کہ پہلی مرتبہ قائم ہونے والے پولیس اسٹیشن میں باقاعدہ طور پر پولیسنگ کا عمل شروع ہوچکا ہے جبکہ اسٹیشن ہاؤس افسر (ایس ایچ او) سمیت دیگر عملہ بھی تعینات کردیا گیا ہے۔

ادھر خیبرپختونخوا پولیس کے ترجمان شہزادہ فاروق کوکب نے ڈان نیوز کو بتایا کہ ’علاقے میں یہ پہلا پولیس اسٹیشن ہے‘ اور تمام اسٹاف کی ضروریات کے ساتھ تمام امور فعال ہیں، اسی طرح فرسٹ انفارمیشن رپورٹ (ایف آئی آر) کا اندراج بھی شروع کردیا گیا ہے۔

ترجمان خیبرپختونخوا پولیس کے مطابق جنوبی وزیرستان میں پولیسنگ کے عمل کا آغاز ہونا ایک خوش آئند بات ہے اور اسی سے علاقے میں امن قائم کیا جائے گا۔

انہوں نے مزید کہا کہ تمام ضم اضلاع میں پولیسنگ کا عمل شروع ہوچکا ہے جبکہ صلاحیت میں بہتری کے لیے پولیس فورس کی تربیت جاری ہے، ساتھ ہی انہوں نے یہ بھی بتایا کہ ضلع خیبر میں بم ڈسپوزل یونٹ (بی ڈی یو) کے پہلے بیچ نے اپنی تربیت مکمل کرلی۔

لاہور (میڈیا 92 نیوز آن لائن ) شہباز شریف خاندان کا مبینہ فرنٹ مین وعدہ معاف گواہ بن گیا ہے۔چیئرمین قومی احتساب بیورو(نیب)جسٹس ریٹائرڈ جاوید اقبال نے شہباز شریف فیملی کی مبینہ منی لانڈرنگ کا معاملے میں رمضان شوگر ملز کے مرکزی کردار مشتاق چینی کی وعدہ معاف گواہ بننے کی درخواست منظورکرلی ہے۔اور آج جج کے سامنے بیان بھی ریکارڈ کروا دیا ہے

نیب حکام مشتاق چینی کو جلد احتساب عدالت میں بطور وعدہ معاف گواہ پیش کریں گے۔ گزشتہ روز مشتاق چینی کے اقرار جرم کی داستان منظر عام پر آئی تھی۔

ذرائع کے مطابق مشتاق چینی نے نیب کو دو نجی بنکوں کے ذریعے 37 ٹرانزیکشن سے متعلق نیب کو ریکارڈ فراہم کردیاہے۔

مشتاق چینی نے تسلیم کرلیا ہے کہ 2 بنکس اکاؤنٹس کے ذریعے 50 کروڑ 44 لاکھ 4 ہزار 899 روپے کی غیر ملکی ترسیلات موصول ہوئیں۔ سلمان شہباز کے اکاؤنٹ میں 60 کروڑ 30 لاکھ 54،ہزار بذریعہ چیکس منتقل کیے۔

مشتاق چینی نے نیب کو 6 کروڑ 10 لاکھ 27 ہزار 612 روپے کی غیر ملکی ترسیلات کے بارے میں بھی بتا دیا ہے۔

نیب ذرائع کے مطابق دوران تفتیش مشتاق چینی کے مختلف بنکوں میں 23 بنکس اکاونٹ سامنے آئے،23 بنک اکاؤنٹس میں سینکڑوں مشکوک ٹرانزیکشن ہوچکی ہیں جو اربوں روپے کی ہیں۔

مشتاق چینی نے اپنے اور کمپنی کے نام پر یہ اکاؤنٹس بنا رکھے تھے۔مشتاق چینی نہ صرف سہولت کار بلکہ شریف فیملی کا بے نامی دار بھی ہے ، مشتاق چینی نے 9 غیر ملکی کرنسی کی مشکوک ٹرانزیکشن کا ریکارڈ بھی نیب کو فراہم کر دیا ہے۔

ذرائع کے مطابق ان 9 ٹرانزیکشن کے ذریعے 6 کروڑ 10 لاکھ 27 ہزار 612 روپے منتقل ہوئے،مشتاق چینی کو 12 جنوری 2009 تک تواتر سے غیر ملکی ترسیلات موصول ہوتی رہیں۔

یادرہے8اپریل کو شریف فیملی کے مبینہ فرنٹ مین محمد مشتاق چینی کو لاہور ائرپورٹ سے گرفتار کیا گیا ۔ محمد مشتاق کا نام نیب کی درخواست پر ای سی ایل میں شامل کیا گیا تھا ۔

محمد مشتاق لاہور سے دبٸی فرار ہونے کٕی کوشش میں گرفتار کیا گیا ۔محمد مشتاق پی آٸی اے کی پرواز 203سے لاہور سے دبٸی روانہ ہو رہا تھا۔ محمد مشتاق شریف فیملی کا فرنٹ مین ہے۔ محمد مشتاق50کروڑ کی مبینہ ٹرانزیکشنز کیں۔

واضح رہے 6اپریل کو خبر سامنے آئی تھی کہ شریف فیملی کے گرفتار ملازمین نے بیرون ملک بھاری رقم منتقل کرنے کا انکشاف کیا ہے۔

ذرائع نے بتایا تھا کہ شریف فیملی کے گرفتار سہولت کاروں سے کی جانے والے تفتیش میں پیش رفت ہوئی ہے۔ شریف فیملی کے ملازمین نے قومی اسمبلی میں قائد حزب اختلاف شہباز شریف، حمزہ شہباز اور سلمان شہباز کے بیرون ملک پیسہ منتقل کرنے کی تفصیلات سے آگاہ کر دیا۔

محمد مشتاق کی گرفتاری سے متعلق نیب کی طرف سے اعلامیہ بھی جاری کیا گیا ۔ نیب اعلامیے میں کہا گیا کہ محمد مشتاق کا نام نیب کی سفارش پر ای سی ایل پر ڈالا گیا تھا۔ محمد مشتاق نے حمزہ شہباز اور سلمان شہباز کے فرنٹ مین کا کردار ادا کرتے ہوئے مبینہ طور پر لگ بھگ 50کروڑ روپے ابتدائی طور پر اپنے اور بعدازاں سلمان شہباز کے اکاوئنٹ میں منقتل کیے۔

راولپنڈی (ایمرا نیوز آن لائن) تھانہ روات میں خاتون رافعہ اعظم کے اغواء و اجتماعی بداخلاقی کیس میں فورنزک اور ڈی این اے رپورٹ کے مطابق تین پولیس اہلکاروں سمیت چاروں ملزمان بے گناہ ثابت ہوگئے۔ ڈی این اے کی منفی رپورٹ سے پولیس افسران میں کھلبلی مچ گئی کیونکہ واقعے میں ملوث تینوں پولیس اہلکاروں کو ملازمت سے برطرف بھی کیا جاچکا ہے۔ ڈی این اے رپورٹ میں خاتون سے زیادتی کی تصدیق کی گئی تاہم گرفتار پولیس کانسٹیبلز کے نمونے میچ نہیں ہوئے۔

فیصل آباد(ایمرا نیوز آن لائن)
فیصل آباد میں جھنگ روڈ پر پی ٹی آ ئی رہنماسابق ایم این اے ڈا کٹر نثار جٹ اور ن لیگ کے رکن صو بائی اسمبلی اجمل آ صف کے مابین فائرنگ کا تبادلہ ہوگیا۔ دونوں کے گارڈز کی فائرنگ سے علاقہ میں خوف وہراس پھیل گیا جبکہ شہریوں نے اپنی جانیں بچانے کیلئے دوڑیں لگادیں ، دونوں فریقین کی طرف سے ایک دوسرے کے خلاف مقدمہ کے اندراج کیلئے در خواستیں دیدی گئی ہیں۔ گزشتہ رات ڈا کٹر نثار جٹ اور اجمل آ صف کا ائیر پورٹ کے نواح میں آ منا سامنا ہوا جس کے بعد دونوں کے سکیورٹی گارڈز کی طرف سے ایک دوسرے پر فا ئرنگ شروع کر دی گئی جس کی آ وازوں سے علاقہ گونجتا رہا تاہم کوئی جانی نقصان نہیں ہوا ۔

لاہور (ایمرا نیوز) رشوت لیتے پاسپورٹ آفس کا کلرک، 2انسانی اسمگلر گرفتار ایف آئی اے نے مختلف علاقوں میں 3 مختلف کارروائیاں کرتے ہوئے 3 ملزمان کو گرفتار کر لیا۔

ایک کارروائی کے دوران ایف آئی اے نے پاسپورٹ آفس کے ایک کلرک کو رشوت لیتے ہوئے رنگے ہاتھوں گرفتار کر لیا جبکہ دیگر دو کارروائیوں میں 2 انسانی اسمگلروں کو گرفتار کیا گیا ہے۔

گرفتاریوں کی تفصیلات بتاتے ہوئے ڈپٹی ڈائریکٹر فیصل آباد جمیل احمد خان میؤ نے ’جنگ‘ کو آگاہ کیا کہ محمد قاسم نامی شخص نے درخواست دی تھی کہ چنیوٹ کے پاسپورٹ آفس کا کلرک فخر عباس اس سے پاسپورٹ بنانے کے عوض 10 ہزار روپے رشوت طلب کر رہا ہے۔

شکایت پر ایف آئی اے کی ایک چھاپہ مار ٹیم تشکیل دی گئی جس نے مجسٹریٹ کی سربراہی میں چھاپہ مارا اور فخر عباس کو 10 ہزار روپے رشوت لیتے ہوئے رنگے ہاتھوں گرفتار کر لیا۔

دوسرا چھاپہ اصغر علی نامی شخص کی درخواست پر ماکوانا تحصیل میں مارا گیا اور وہاں سے غلام مصطفیٰ نامی ملزم کو گرفتار کیا گیا۔

ملزم نے درخواست کنندہ سے سعودی عرب میں نوکری کا ویزہ لگوا کر دینے کا کہہ کر ساڑھے 5 لاکھ روپے لیے اور پھر فرار ہو گیا۔

تیسری کارروائی میں ایف آئی اے نے ملزم محمد جاوید کو گرفتار کیا ہے جس نے زبیر نامی شخص سے 11 لاکھ روپے یہ کہہ کر وصول کیے تھے کہ وہ اس کو لندن بھجوا دے گا۔

ملزم جاوید کئی ماہ گزرنے کے بعد بھی زبیر کو لندن نہ بھجوا سکا اور اپنے گھر اور آفس سے روپوش ہوگیا تھا۔

شکارپور (ایمرا نیوز آن لائن)

شکار پور کچے کے علاقے میں مارفانی اور قمبرانی قبائل میں فائرنگ سے 2 افراد جاں بحق ہوگئے۔

شکارپور کی تحصیل گڑھی یاسین کچے کےعلاقے میں ہونے والی لڑائی میں مارفانی قبیلے کے 2 افراد جگر مارفانی اور محراب مارفانی جاں بحق ہوگئے۔ پولیس کے مطابق فائرنگ دیرینہ دشمنی پر ہوئی۔ پولیس نے موقع پر پہنچ کر لاشیں تحصیل ہسپتال گڑھی یاسین منتقل کر دی ہیں۔

کراچی (میڈیا 92 نیوز آن لائن ) کراچی میں پولیس نے انوکھے انداز میں اے ٹی ایم مشینوں سے رقم لوٹنے والے گروہ کو گرفتار کرلیا ہے ۔ ملزم سلندڑدھماکے کےذریعے اے ٹی ایم توڑ کر پیسے لوٹنے کی کوشش کررہے تھے۔

کراچی پولیس نے بینک لوٹنے والے گروہ کے تین کارندوں کو سائٹ ایریا کے علاقے سے گرفتار کیا ہے ۔

ایس ایس پی شرقی شوکت کٹھیان نے ذرائع ابلاغ کے نمائندوں کو بتایا کہ ملزمان کے دو ساتھی موقع سے فرار ہوگئے ہیں۔ گرفتار ملزمان میں محمد زوہیب، وقار عالم عرف وکی اور شان عرف کاکا شامل ہیں۔

ملزمان کے قبضے سے 3پستول ، گیس سلنڈر،پولیس کیپ،بیٹری ، دھماکہ خیز ڈیوائس اور اوزار برآمد ہوئے۔ ملزمان اے ٹی ایم مشین توڑنے کی غرض سے آئے تھے۔

ملزمان نے پولیس کے سامنے اعتراف کیا کہ انہوں نے گیس سلنڈر اور ڈیوائس سے بلاسٹ کر کے3 اے ٹی ایم مشینیں توڑ کر کیش لوٹنا تھا۔

ایس ایس پی شرقی شوکت کھٹیان کے مطابق اے ٹی ایم مشین سے رقم لوٹنے کی اس طرح کی وارداتیں یورپ میں ہوچکی ہیں۔یورپ میں یونے والی واردات کی ویڈیو دیکھ کر ملزمان اسی طرح واردات کرنے کی کوشش کررہے تھے۔

ایس ایس پی شرقی کے مطابق پاکستان میں اس قسم کی واردات پہلے کبھی نہیں ہوئی۔سلنڈر میں مخصوص قسم کی گیس ہوتی ہے جس سے آگ تو نہیں لگتی لیکن اے ٹی ایم مشین کو توڑ کر رقم نکالی جاسکتی ہے۔

پولیس کے مطابق گرفتار ملزم وقار عالم سافٹ وئیر انجینئر ہےگرفتار ملزمان سے مزید تفتیش کی جارہی ہےجبکہ فرار ملزمان کی تلاش جاری ہے۔