Category جرائم

اسلام آباد:(نیٹ نیوز/ایمرا نیوز) وفاقی دارالحکومت کے ایک پارک میں لڑکی کے ساتھ زیادتی کا واقعہ پیش آگیا.
وفاقی دارالحکومت کے تفریحی مقامات شہریوں کے لیے غیر محفوظ ہوگئے، جہاں ایف نائن پارک میں سیکیورٹی پر تعینات کیپیٹل ڈیولپمنٹ اتھارٹی (سی ڈی اے) ملازمین اور گارڈ نے ایک لڑکی کو مبینہ طور پر اجتماعی زیادتی کا نشانہ بنا ڈالا۔
تھانہ مارگلہ پولیس کے مطابق متاثرہ لڑکی کی جانب سے درخواست دی گئی کہ ایف نائن پارک ملازمین نے اسے ایک لڑکے کے ساتھ دیکھ کر غیر اخلاقی حرکات کا الزام لگایا اور ڈرانے کی کوشش کی۔
درخواست کے مطابق سی ڈی اے ملازم نے دھمکی دی کہ پارک میں آنے والے لڑکیوں اور لڑکوں کو پولیس کے حوالے کیا جاتا ہے، اگر ہماری بات نہ مانی تو پولیس کے حوالے کردیں گے۔
لڑکی کے مطابق ملازمین نے 2 ہزار روپے رشوت لے کر جنگل کے راستے باہر جانے کا کہا، جہاں پارک ملازم نے گارڈ اور دیگر ملازمین کے سامنے اسے ہوس کا نشانہ بنایا اور جان سے مارنے کی دھمکیاں بھی دیں۔
متاثرہ لڑکی کی درخواست پر پولیس نے مقدمہ درج کرکے ایک ملزم کو گرفتار کرلیا۔

نوابشاہ:(نیٹ نیوز/ایمرا نیوز) نوابشاہ میں ماں نے اپنے ہی 2 بچوں کو قتل کردیا.
صوبہ پنجاب کے شہر نوابشاہ میں مبینہ طور پر تنگ کرنے پر ماں نے تین بچیوں کو صندوق میں بند کر دیا، جس کے باعث 2 بچیاں دم توڑ گئیں۔
پولیس کے مطابق نوابشاہ کے علاقے دوڑ میں تنگ کرنے پر والدہ نے اپنی تین بچیوں کو صندوق میں بند کردیا، جس کے نتیجے میں 9 ماہ کی آمنہ اور 7 سالہ ثانیہ دم گھٹنے سے جاں بحق ہوگئیں۔
جبکہ ایک بچی کو تشویش ناک حالت میں اسپتال منتقل کردیا گیا۔
بچیوں کے والد کا کہنا ہے کہ ان کی اہلیہ کا ذہنی توازن درست نہیں ہے۔
دوسری جانب پولیس نے شواہد اکٹھے کرکے تحقیقات کا آغاز کردیا۔

ٹانک(نیٹ نیوز/ایمرا نیوز) خیبرپختونخوا کے ضلع ٹانک میں نامعلوم افراد کی فائرنگ سے ایڈیشنل اسسٹنٹ کمشنر کرامت اللہ کنڈی جاں بحق جبکہ2 راہ گیر جاں بحق ہوگیا۔پولیس کے مطابق فائرنگ کا واقعہ ٹریفک پوائنٹ کے قریب پیش آیا اور نامعلوم ملزمان نے ایڈیشنل اسسٹنٹ کمشنر کو اُس وقت فائرنگ کا نشانہ بنایا جب وہ گھر سے دفتر جارہے تھے۔فائرنگ سے کرامت اللہ کنڈی جاں بحق جبکہ ایک راہ گیر زخمی ہوگیا، جسے طبی امداد کے لیے اسپتال منتقل کردیا گیا۔دوسری جانب فائرنگ کے بعد ملزمان جائے وقوع سے فرار ہوگئے۔پولیس کے مطابق واقعہ ذاتی دشمنی کی وجہ سے پیش آیا، تاہم تحقیقات جاری ہیں۔

دُبئی(ایمرا نیوز) آپ نے بہت سے عاشق دیکھے ہوں گے لیکن دبئی میں ایک ایسا عاشق بھی ہے جس نے اپنی محبوبہ کی جان لے لی.
دُبئی میں مقیم لبنانی باشندے کو اپنی محبوبہ کی جان لینے پر گرفتار کر لیا گیا۔ دُبئی میرینا کے ایک فلیٹ میں مقیم لبنانی شہری نے اپنی محبوبہ کے چہرے پر مُکا جڑ دیا جس کی تاب نہ لاتے ہوئے وہ زندگی ہار گئی۔ ملزم کو قتل کے 18 گھنٹے بعد گرفتار کیا گیا۔ پولیس تفتیش کے مطابق مُلزم کا کہنا تھا کہ جب اُس نے اپنی محبوبہ کو مُکا رسید کیا‘ اُس وقت وہ نشے کی حالت میں تھا۔
اُس کا اپنی محبوبہ کی جان لینے کا قطعاً کوئی ارادہ نہیں تھا۔ وہ اس وقت بہت زیادہ طیش کی حالت میں تھا‘ جس دوران وہ یہ بھی بھُول گیا کہ اُس کے اس عمل کا نتیجہ محبوبہ کی موت کی صورت میں برآمد ہو سکتا ہے۔ ایک اعلیٰ پولیس عہدے دار لیفٹیننٹ کرنل فیصل عیسیٰ القاسم نے بتایا کہ یہ وقوعہ بُد ھ کے روز رُونما ہوا۔
لبنانی ملزم جو کہ متحدہ عرب امارت کی ایک دُوسری ریاست میں مقیم ہے‘ وِیک اینڈ منانے کی غرض سے اپنی محبوبہ کے فلیٹ پر آیا تھا۔
جہاں اُن کے درمیان کسی بات پر تلخی ہو گئی جس پر ملزم نے طیش میں آکر مقتولہ کے ناک پر مُکا دے مارا ‘ اندرونی طور پر خون بہہ جانے کے باعث اُس کی موت واقع ہو گئی۔ جب ملزم کو احساس ہوا کہ محبوبہ جہانِ فانی سے کوچ کر چُکی ہے تو اُس نے جائے واردات پر سے اپنی موجودگی کے ثبوت مٹائے اور واپس اپنے گھر لوٹ گیا۔ جب مقتولہ اگلے دِن دفتر نہ پہنچی تو اُس کے دفتر کی ایک ساتھی خاتون اُس کی خیریت جاننے کی غرض سے اپارٹمنٹ پہنچی۔
جس کے مطابق ’’جب میں وہاں پہنچی تو دروازہ کھُلا دیکھ کر حیران رہ گئی جبکہ وہاں موجود سامان بھی درہم برہم ہوا پڑا تھا۔ میری سہیلی خون میں لت پت پڑی تھی۔ یہ ہولناک منظر دیکھ کر میں نے فوراً پولیس کو اطلاع کی۔ ‘‘ لیفٹیننٹ کرنل القاسم کے مطابق ملزم نے گرفتار کیے جانے پر فوراً ہی اپنے جُرم کا اعتراف کر لیا۔ ملزم اور مقتولہ کے درمیان کچھ عرصہ سے تعلقات میں کشیدگی آ گئی تھی۔ قتل کے اس وقوعے سے چند روز قبل مقتولہ نے اپنے فیس بُک اکاؤنٹ پر لکھا تھا ’’اگر کوئی آپ کا بھروسا توڑ دے تو اس پر حیران ہونے کی ضرورت نہیں۔ تاہم جب آپ کو پتا چلے کہ دھوکا دہی کرنے والاآپ کا قریب ترین شخص ہے تو پھر آپ کا خود پر سے اور دُوسروں سے بھی اعتبار اُٹھ جائے گا۔‘‘

محکمہ پراسیکیوشن نے شہباز شریف ،ظفر الحق سمیت اہم ن لیگی رہنماؤں کیخلاف دہشتگردی کی دفعات ختم کرنیکی تجویز پولیس حکام کو بھجوادی ۔
لاہور (میڈیا 92نیوز)محکمہ پراسیکیوشن نے شہباز شریف ،ظفر الحق سمیت اہم ن لیگی رہنماؤں کیخلاف دہشتگردی کی دفعات ختم کرنیکی تجویز پولیس حکام کو بھجوادی ۔معتبر ذرائع نے بتایا کہ مسلم لیگ (ن) کی طرف سے 13جولائی کو سابق وزیراعظم نواز شریف کے ستقبال کے دوران ریلی نکالی جانے والی ریلی کے بعد مسل لیگ (ن)کے صدر میاں شہباز شریف،حمزہ شہباز شریف ،جاوید ہاشمی ،عظمی بخاری ،سائرہ افضل تارڑ،مریم اورنگزیب ،کامران مائیکل ،کرنل (ر)مبشر،راجہ ظفر الحق اورمشاہد حسین سید سمیت دیگر اعلیٰ قائدین کیخلاف پولیس کی طرف سے جو مقدمات درج کئے گئے،

لاہور(ایمرا نیوز) باراتیوں کی بس دھرم پورہ انڈر پاس کی چھت سے جا ٹکرائی۔ ذرائع کے مطابق لاہور آئے باراتی ڈیرہ غازی خان واپس جا رہے تھے کہ بس دھرم پورہ انڈر پاس کی چھت سے جا ٹکرائی۔ بس کی چھت پر سوار 3افراد شدید زخمی ہو گئے۔ زخمیوں کو جناح ہسپتال منتقل کیا گیا۔

خوشاب (ایمرا نیوز) خوشاب میں خاتون جانور بن گئی، شوہر، 2 بیٹوں اور 2 بیٹیوں کو قتل کردیا.
خوشاب میں دل دہلا دینے والی واردات سامنے آئی ہے، خوشاب کے علاقے جوہر آباد میں ایک سگندل خاتون نے اپنے شوہر، 2بیٹوں اور 2 بیٹیوں کو قتل کر دیا۔
پولیس کے مطابق ملزمہ نے واردات کے بعد سٹی تھانے میں گرفتاری دے دی ہے۔
پولیس نے پانچوں لاشوں کو تحویل میں لےلیا ہے اور انہیں پوسٹ مارٹم کرانے کے لیے ڈی ایچ کیو اسپتال منتقل کر دیا ہے۔
پولیس کے مطابق اس سفاک واردات کی تحقیقات شروع کردی گئی ہیں تاہم وجہ تاحال سامنے نہیں آسکی ہے کہ خاتون نے اپنے شوہر اور بیٹوں اور بیٹیوں کو کیوں قتل کیا۔

دمشق:(ایمرا نیوز) شام کے مشرقی صوبے دیر الزور کے علاقے البشرا میں حملہ
شام کے صوبے دیرالزور میں کار بم دھماکے کے نتیجے میں 18 افراد ہلاک اور متعدد زخمی ہوگئے۔
بین الاقوامی میڈیا رپورٹس کے مطابق شام کے مشرقی صوبے دیر الزور کے علاقے البشرا میں حملہ آور نے بارودی مواد سے بھری گاڑی سیرین ڈیموکریٹک فورسز کے اڈے کے قریب زوردار دھماکے سے تباہ کردی جس کے نتیجے میں 18 افراد موقع پر ہی ہلاک ہوگئے جب کہ متعدد زخمی ہوئے۔ لاشوں اور زخمیوں کو فوری طبی امداد کے لیے اسپتال منتقل کردیا گیا۔
شامی جنگ پر نظر رکھنے والی تنظیم سیرین آبزرویٹری کا کہنا ہے کہ دھماکے میں ہلاک ہونے والوں میں 11 افراد کا تعلق امریکی حمایت یافتہ فورسز سے ہے جو داعش کے خلاف لڑ رہی ہیں۔
یہ بھی پڑھیں: شام میں داعش کے سربراہ ابوبکر البغدادی کا بیٹا مارا گیا
دوسری جانب درعا میں باغیوں نے بھاری اسلحہ حکومتی فورسز کے حوالے کرنے پر رضامندی ظاہر کردی ہے۔ درعا میں بشارالاسد فورسز نے روسی اتحادیوں کی مدد سے درعا پر دو ہفتے تک بمباری کی جس کے نتیجے میں 3 لاکھ 25 ہزار افراد نقل مکانی کرچکے ہیں۔ دو ہفتے سے جاری جنگ کے بعد باغیوں نے علاقہ خالی کرنے اور بھاری ہتھیار حکومتی فورسز کے حوالے کرنے کا اعلان کیا ہے۔

میری کوپا کاؤنٹی:(ایمرا نیوز) امریکی 92 سالہ معمر خاتون نے اپنی ہی بیٹے کو گولی مار کر قتل کردیا .

برطانوی نشریاتی ادارے بی بی سی کی رپورٹ کے مطابق واقعہ 2 جولائی کو میری کوپا کاؤنٹی کے علاقے فاؤنٹین ہلز میں پیش آیا، جہاں 92 سالہ مسز اینا مے بلیسنگ کے بیٹے (جس کی شناخت ظاہر نہیں کی گئی) نے انہیں ایک کیئر ہوم میں منتقل کرنے کی کوشش کی، جس کا موقف تھا کہ اس کا اب اپنی والدہ کے ساتھ ایک ہی گھر میں رہنا مشکل ہوگیا ہے۔
پولیس کے مطابق خاتون نے اپنے لباس کی جیبوں میں 2 پستول چھپائے اور اپنے بیٹے کے بیڈروم میں جاپہنچیں، جہاں بحث کے بعد انہوں نے 1970 میں خریدا گیا ریوالر جیب سے باہر نکالا اور اپنے بیٹے پر فائر کردیا۔
عدالتی دستاویزات کے مطابق خاتون نے فائرنگ سے قبل اپنے بیٹے سے کہا، ‘تم نے میری زندگی لی، لہذا میں تمہاری زندگی لے رہی ہوں۔’
بعدازاں انہوں نے اپنے بیٹے کی 57 سالہ دوست کو بھی پستول کے نشانے پر رکھ لیا، تاہم اس نے انہیں دھکا دے کر پستول کو دور گرا دیا۔
جس کے بعد خاتون نے اپنا دوسرا پستول نکالا، تاہم ان کے بیٹے کی دوست اس پستول کو بھی دور گرا کر کمرے سے باہر نکالنے میں کامیاب ہوگئی اور پولیس کو فون کردیا۔
پولیس کے مطابق مقتول کی گردن اور جبڑے پر گولی کے 2 نشان پائے گئے۔
دوسری جانب مسز بلیسنگ اپنے بیڈروم میں آرام کرسی پر بیٹھی ہوئی ملیں۔
تفتیش کے دوران خاتون نے پولیس کو بتایا کہ انہوں نے خود کو بھی مارنے کی منصوبہ بندی کر رکھی تھی۔

ممبئی: (ایمرا نیوز) بھارت میں 7 سالہ بچی کے ساتھ ہونےوالی اجتماعی زیادتی
نامور بھارتی اداکارہ گوہر خان بچی سے زیادتی کرنے والے مسلمان شخص کو ’جہادی‘ کہنے پر اداکارہ کوئنا مترا پر پھٹ پڑھیں۔
بھارتی میڈیا کے مطابق بھارتی ریاست مدھیہ پردیش کے علاقے مینڈسور میں 26 جون کو 7 سالہ بچی کے ساتھ ہونےوالی اجتماعی زیادتی کے خلاف ایک بار پھر پورا بھارت اٹھ کھڑا ہوا ہے، جن میں بالی ووڈ اداکاربھی شامل ہیں تاہم کچھ انتہا پسندانہ ذہنیت رکھنے والے اداکار اس معاملے کو بھی مذہب سے جوڑ رہے ہیں، جن میں بالی ووڈ کی ناکام اداکارہ کوئنا مترا بھی شامل ہیں۔
اداکارہ کوئنا مترا خبروں میں رہنے کے لیے اکثرٹوئٹر پرمسلم مخالف بیانات دیتی رہتی ہیں، حال ہی میں انہوں نے 7 سالہ بچی کے ساتھ ہونےوالی زیادتی پر انتہاپسندانہ بیان ٹوئٹ کرتے ہوئے کہا ہے’’کینڈل (موم بتیاں)مارچ کے چیمپئنز نے اب اپنی موم بتیاں یہ دیکھ کر پیچھے کرلی ہیں کہ زیادتی کا شکار ہونے والی بچی ہندو ہے اوراس کے ساتھ زیادتی کرنے والا شخص ’جہادی‘ہے۔‘‘ اس کے ساتھ ہی اداکارہ نےبچی کے ساتھ زیادتی کرنے والوں میں سے صرف ایک شخص محمد عرفان کی تصویر ٹوئٹ کی ہے۔
کوئنا مترا کی یہ ٹوئٹ دیکھ کراداکارہ گوہر خان پھٹ پڑیں اورجواب دیتے ہوئے کہا ’’میں نہیں جانتی تھی تم مسلمانوں سے اتنی نفرت کرتی ہو، اگر کسی مسلمان شخص نے کوئی گناہ کیا ہے تو وہ’جہادی‘ ہے اور اگر کوئی ہندو گناہ کرے تو وہ صرف ہندو ہے۔‘‘