Category جرائم

اسلام آباد ، لاہور (وقت نیوز) نیب نے ایک ایم این اے اور تین ایم پی ایز کے خلاف بد عنوانیوں کی شکایات پر کارروائی شروع کر دی ۔بدھ کو نیب اعلامیے کے مطابق چیئرمین نیب جسٹس (ر) جاوید اقبال نے رکن پنجاب اسمبلی شاہ نواز خان کے خلاف گو رنمنٹ بوائز پر ائمری سکول نمبر 2 حسن ابدال کی عمارت پر مبینہ طور پر قبضہ کرنے اور اس سیاسی مقاصد کیلئے استعمال کرنے کا نوٹس لیتے ہوئے شکایت کی جانچ پڑتال کا حکم دیا ہے ، سابق صوبائی وزیر برائے صنعت و تجارت پنجاب چوہدری محمد شفیق کے خلاف 98 کنال سر کاری اراضی پر مبینہ طور پر قبضہ کرنے اور تجارتی مقاصد کیلئے استعمال کرنے کا نوٹس لیتے ہوئے شکایت کی جانچ پڑتال کا حکم دیا ہے ۔چیئرمین نیب نے پٹرولیم ڈویثر ن حکومت پاکستان اور دیگر وفاقی وزار توں میں قواعد و ضوابط کے برعکس کمپنیاں قائم کرنے کی مبینہ شکایت کا نوٹس لیتے ہوئے شکایت کی جانچ پڑتال کا حکم دیا ہے ۔چیئرمین نیب نے ایم این اے ریاض الحق کے خلاف اختیا رات کا نا ئز استعمال کر تے ہوئے چیئرمین میو نیپل کمیٹی او کاڑہ کے سڑ کوں کی تعمیر و ترقی کیلئے مختص کر دہ سر کاری فنڈز میں مبینہ خور د برد کا نوٹس لیتے ہوئے شکایت کی جانچ پڑتال کا حکم دیا ہے ۔چیئرمین نیب نے عامر نسیم ،ممبر گیس (اوگرا) کے خلاف مبینہ طور پر بد عنوانی اور اختیارات کے ناجائز استعمال کے ممبینہ شکایت کا نوٹس لیتے ہوئے شکایت کی جانچ پڑتال کا حکم دیا ہے ۔چیرمنین نیب نے عبد الکریم سو مرو ایم پی اے کے خلاف مبینہ طور پر آمدن سے زائد اثاثے بنانے کی شکایت کانوٹس لیتے ہوئے شکایت کی جانچ پڑتال کا حکم دیا ہے ۔چیئرمین نیب نے سول ایوی ایشن اتھارٹی کی طرف سے مبینہ طور پر ایک نجی بینک میں قواعد کے برعکس 5 ارب روپے ڈیپا زٹ کرانے کی مبنیہ شکایت کا نوٹس لیتے ہوئے شکایت کی جانچ پڑتال کا حکم دیا ہے ۔

لاہور(ایمرا نیوز) لوہاری کے علاقے سے20سالہ نامعلوم نوجوان کی نعش ملی ہے۔ لوہاری کے علاقے پانی والاتا لاب کے قریب 20سالہ نوجوان کی نعش دیکھ کر مقامی رہائشیوں نے پولیس کو اطلاع کی۔ جس پر پولیس نے موقع پر پہنچ کر نعش قبضے میں لے کرپوسٹ مارٹم کے لئے مردہ خانے منتقل کرا دی ہے۔

(ایمرا نیوز) آشیانہ اقبال ہاؤسنگ سکینڈل میں احد چیمہ اور شاہد شفیق کے کیس کی آج سماعت ہوئی۔ وکلا نے دونوں ملزمان کے خلاف دلائل مکمل کرلیے۔ مزید جسمانی ریمانڈ دینے کے حوالے سے بھی فیصلہ محفوظ کرلیا گیا۔

(ایمرا نیوز) سروسز ہسپتال کے باہر سے نامعلوم شخص کی لاش برآمد ہوئی ہے۔ لاش ہسپتال کے گیٹ نمبر 3 کے سامنے واقع بس سٹاپ پر پائی گئی۔ اب تک پولیس جائے وقوعہ پر پہنچی ہے نہ ہی مزید تفصیلات پتا چل سکی ہیں۔

واشنگٹن(مانیٹرنگ ڈیسک/ ایمرا نیوز)یوں تو دنیا بھر میںچوری ڈکیتی کے واقعات ہوتے رہتے ہیں تاہم امریکہ میںفلمی انداز میں چوری کی واردات ہوئی جس میں چور آئے اور اے ٹی ایم مشین ہی اٹھا کر ساتھ لے گئے ۔یہ واقعہ امریکی ریاست ٹیکساس کی کاﺅنٹی میں پیش آیا جب دو چور بڑی گاڑی سے توڑ کر ایک سٹور کے اندر داخل ہوئے اور اے ٹی مشین اٹھا کر گاڑی میں رکھ کر فرارہوگئے ۔رپورٹ کے مطابق پولیس کی جانب سے چوروں کی تلاش جاری ہے ۔

سیشن کورٹ نے منشیات کے مجرم کو جرم ثابت ہونے پر ایک سال قید اور سات ہزار روپے جرمانے کی سزا سنا دی۔ایڈیشنل سیشن جج اشفاق احمد نے مجرم ذولفقار احمد کو سزا سنائی۔مجرم کے خلاف تھانہ کاہنہ میں منشیات کا مقدمہ درج تھا ۔مجرم پر منشیات فروشوں کی معاونت کرنے کا الزام تھا۔عدالت نے گواہان کے بیانات اور وکلاء کی بحث کے بعد کیس کا فیصلہ سنایا۔

لاہور:(ایمرا نیوز) پولیس سٹیشن مصطفی ٹاؤن کی حدود میں ڈکیتی کی واردات۔موٹرسائیکل سوار3 مسلح ڈاکو شہری سے نقدی لے اڑے۔شہری مصعب سپرا سے ڈاکو 40 ہزار لوٹ کر فرار ہوگئے۔

لاہور (ایمرا نیوز) ایف آئی اے نے خواتین کو ہراساں کرنے والے اور بلیک میل کرنے والے انکم ٹیکس انسپکٹر سمیت دو ملزم گرفتار کرلیے۔ بتایا گیا ہے کہ ڈپٹی ڈائریکٹر سائبر کرائم سرکل خالد انیس کی نگرانی میں ان کی تشکیل دی گئی خصوصی ٹیم نے جیل روڈ پر ملٹی نیشنل ریسٹورنٹ پر چھاپہ مار کر انکم ٹیکس انسپکٹر ندیم اختر خان کو گرفتار کرلیا۔ ملزم کے خلاف ایک خاتون مروا نے شکایت کی تھی کہ وہ اسے جنسی طور پر ہراساں اور بلیک میل کر رہا ہے۔ ملزم اس سے بلیک میلنگ کے ذریعے رقم مانگ رہا ہے۔ خالد انیس کی تشکیل دی گئی ٹیم نے ملزم ندیم اخترخاں کے موبائل سے مدعیہ کے حوالے سے بلیک میلنگ کا مواد نکال لیا گیا ہے۔ ملزم کے خلاف مقدمہ درج کرلیا گیا۔ علاوہ ازیں سائبر کرائم سرکل کی ایک اور ٹیم نے چوبرجی میں چھاپہ مار کر ایک لڑکی کو جنسی طور پر ہراساں کرنے‘ بلیک میل کرنے کے الزام میں ملزم منصور اکرم کو گرفتار کرکے اس کے موبائل سے مدعیہ کی تصاویر برآمد کرلیں‘ مقدمہ درج کرلیا گیا ہے۔

لاہو ر(ایمرا نیوز)انسپکٹر جنرل پولیس پنجاب کیپٹن (ر) عارف نواز خان نے کہا ہے کہ محنتی،قابل اور فرض شناس افسران واہلکارمحکمے کا فخر ہیں جنہوں نے بروقت اورموثر کارروائیوںکی بدولت نہ صرف عوام کے جان و مال کے تحفظ کو یقینی بنایا بلکہ فورس کے دیگر اہلکاروں کیلئے روشن مثال قائم کی ہے۔ انہوں نے مزید کہا کہ محکمہ پولیس میں سزاوجزاکے عمل کو بنیادی حیثیت حاصل ہے، فرائض میں غفلت اور لاپرواہی پرجہاں احتساب اور سزاؤں کا نظام موجود ہے وہیں چوروں، ڈاکوؤں اور سماج دشمن عناصر کو کیفر کردار تک پہنچانے میں بہادری اور فرض شناسی کا مظاہرہ کرنے والے افسران و اہلکاروں کی ہر سطح پر حوصلہ افزائی کی جاتی ہے۔ ان خیالات کا اظہار انہوں نے گزشتہ روز سنٹرل پولیس آفس میں پنجاب کے مختلف اضلاع سے تعلق رکھنے والے افسران واہلکاروں کو بہترین کارکردگی کا مظاہرہ کرنے پر انعامات دینے کی تقریب سے خطاب کرتے ہوئے کیا۔ اس موقع پر ایڈیشنل آئی جی سٹیبلشمنٹ، پنجاب اظہر حمید کھوکھر،ڈی آئی جی ہیڈکوارٹر شہزادہ سلطان، ڈی آئی جی آپریشنز سجاد منج، ڈی آئی جی ویلفیئر احمد اسحاق جہانگیراور اے آئی جی آپریشنز عمران محمود سمیت دیگر افسران بھی موجود تھے۔

لاہور(میڈیا 92 نیوز)ماڈل ٹاون کچہری کی عدالت نے ایک سال پرانے فراڈ اور چوری کے مقدمے رپورٹ اور چالان پیش نہ کرنے پر تفتیشی افسر  کے خلاف محکمانہ کاروائی کرتے ہوئے انکی تنخواہ  بند کرنےکا حکم جاری کیا ۔جوڈیشل مجسٹریٹ  بشری انور نے تنخواہ بند کرنے کا حکم جاری کیا۔عدالت نے تھانہ گلبرگ کے سب انسپکٹر غفور کی تنخواہ بند کرنے اور اسکے خلاف محکمانہ کاروائی کا حکم جاری کیا  ۔ عدالت نے اظہار برہمی کرتے ہوئے ریمارکس دیے کہ عدالتی حکم کے باوجود رپورٹ  پیش نہ ہونا افسران کی پیشہ ورانہ غفلت کو ظاہر کرتا ہے۔عدالت نے سی سی پی او لاہور کو تنخواہ بند کرنے اور ان کے خلاف محکمانہ کاروائی کا حکم جاری کیا.