Category جرائم

لاہور (ایمرا نیوز) پاکستان بار کونسل نے   کشمیر میں جاری بھارتی جارحیت کے خلاف  6 اپریل کو یوم احتجاج کا اعلان کردیا۔تفصیلات کے مطابق پاکستان بار کونسل نے کشمیر میں انسانی حقوق کی خلاف ورزیوں کے خلاف یوم احتجاج کا اعلان کیا۔پاکستان بار کونسل کی جانب سے جاری کیے گے اعلامیہ میں کہا گیا کہ عالمی حقوق کی تنظمیوں نے آنکھیں بند کررکھی ہیں۔بھارت فوری کشمیریوں پر مظالم فوری بند کرئے۔اور حکومت وقت فوری کشمیریوں کی ہرممکن مدد کا اعلان کرئے۔پاکستان کے وکلاء کشمیریوں کے ساتھ کھڑے ہیں ۔پاکستان بھر کے وکلاء اور بار کونسل  یوم احتجاج منائے گے۔

لاہور (ایمرا نیوز)سیشن کورٹ نےشوشل میڈیا پر سابق بیوی کی غیراخلاقی تصاویرز اپ لوڈ کرنے والے ملزم سہیل کی درخواست ضمانت مسترد کردی۔ تفصیلات کے مطابق ایڈیشنل سیشن جج عرفان احمد بسرا نے ملزم سہیل احمد کی عبوری درخواست ضمانت پر سماعت کی۔درخواست گزار نے موقف اختیار کیا کہ سابق بیوی نے بلیک میل کرنے کے لیے مقدمہ درج کروایا۔دوسری شادی کرنے پرسابق  بیوی نے ایف آئی اے میں مقدمہ درج کروایا۔درخواست گزار نے استدعا کی کہ عدالت عبوری درخواست ضمانت منظور کرنے کا حکم دے۔دوسری جانب ایف آئی اے کے وکیل نے عدالت کوبتایا کہ ملزم سہیل نے سابق بیوی کو بےعزت کرنے کے لیے شوشل میڈیا پر غیراخلاقی تصاویرز اپ لوڈ کی۔وکیل نے استدعا کی کہ ملزم کی درخواست ضمانت مسترد کی جائے۔عدالت نے وکلاء کی بحث کے بعد ملزم سہیل کی درخواست ضمانت مسترد کردی۔

جعلی کریڈٹ کارڈ و ڈیبٹ کارڈ بنانے والے دو ملزمان رنگے ہاتھوں گرفتار

جدید ڈیوائسسز اور جعلی کارڈز بر آمد

دیگر ملزمان کی گرفتار کے لیے چھاپے مارے جا رہے ہیں

لاہور(وقت نیوز) اشتہاریوں کو گرفتار کرنے،پتنگ بازی، ون ویلنگ روکنے کا حکم جاری۔جبکہ ڈویڑنل ایس پیز کو روزانہ کی بنیاد پر کارروائیوں کی رپورٹ جمع کروانے کی بھی ہدایت کر دی گئی۔

رپورٹ سی سی پی او امین وینس اور ڈی آئی جی آپریشنز کو بھجوائی جائے گی۔84 تھانوں میں تعینات افسران اور اہلکاروں نے اس ضمن میں کارروائیوں کا آغاز کردیا ہے۔

لاہور(ایمرا نیوز) وارڈن گردی کا ایک اور واقع رونما ہو گیا، مال روڈ ڈیوٹی پہ معمور ٹریفک وارڈنز نے بزرگ شہری حسن محمد کو تشدد کا نشانہ بنا دیا۔تفصیلات کے مطابق لاہور کے مال روڈ ڈی ایس پی ٹریفک آفس تھری کے قریب وارڈنز نے موٹرسائیکل کے کاغذات تاخیر سے دکھانے پر شہری حسن محمد کے بیٹے پہ تشدد شروع کر دیا اور مار مار کر درگت بنا دی۔بزرگ شہری حسن محمد جب اپنے بیٹے کو بچانے آگے ہوا تو ٹریفک وارڈنز نے سفید داڑھی اور بزرگی کا بھی خیال نہ کیا اور بری طرح بزرگ شہری کو مارنا شروع کر دیا، بزرگ شہری حسن محمد پنجاب یونیورسٹی میں سرکاری ملازمت کرتا ہے۔اس موقع پر ڈولفن فورس کے اہکار پہنچے لیکن لڑائی کی گتھی سلجھانے کے بجائے بزرگ شہری کو دھکے مارنے لگے، شہری پر تشدد کے واقع کا نوٹس تاحال سٹی پولیس کے افسران نے نہیں لیا۔واضح رہے کے لاہور میں وارڈن گردی کے ایسے واقعات پہلے بھی ہوتے رہے ہیں، دنیا کے کسی بھی ملک میں بزرگ شہریوں کے ساتھ ایسا بھیانک برتاﺅنہیں کیا جاتا۔

ریاض(کرائم ڈیسک/ وقت نیوز)سعودی عرب میں ریاست مخالف سرگرمیوں میں ملوث 13 ترک باشندوں کو گرفتار کر لیا گیا ۔غیر ملکی میڈیا کے مطابق سعودی سیکیورٹی فورس نے مملکت میںمقیم13 ترکی تارکین کو گرفتار کیا ہے جو ریاست مخالف سرگرمیوں میں مصروف تھے ۔پبلک پراسیکیوٹر کی طرف سے جاری ہونے والے اعلامیہ کے مطابق گزشتہ اتوار کو سیکیورٹی فورس نے12 ترکی شہریوں کو گرفتار کیا تھا جبکہ 13 واں مطلوب شخص منگل کو گرفتار ہوا ۔گرفتار شدگان مملکت کے امن واستحکام کے خلاف سازش کر رہے تھے ۔ان کے ساتھ تفتیش کی جارہی ہے ۔

گجرات (ایمرا نیوز/مانیٹرنگ ڈیسک) گجرات کے علاقے بھدر میں ایک شخص نے اپنے ہی خاندان کے 5 افراد کو قتل کرکے خود کشی کرلی، جاں بحق افراد میں 4 بچے اور ایک خاتون بھی شامل ہے۔پولیس کے مطابق بھدر کے رہائشی مبشر نامی شخص نے گھریلو تنازعے پر اپنی بھابھی ، بیٹی، 2 بھتیجوں اور بھتیجی کو مار کر خود کشی کرلی۔ قتل کی لرزہ خیز واردات کا سن کر اہل علاقہ سوگ میں ڈوب گئے۔ پولیس کی بھاری نفری نے موقع پر پہنچ کر شواہد اکٹھے کرنے کا کام شروع کردیا ہے۔ پولیس کا کہنا ہے کہ تمام افراد کو گولیاں مار کر قتل کیا گیا ہے ، لاشوں کو ہسپتال منتقل کردیا گیا ہے۔واقعے کی تمام پہلوﺅں سے تفتیش کی جارہی ہے۔

ماسکو(فارن ڈیسک/ وقت نیوز)روسی صدر ولاد یمیر پیوٹن نے سائبر یا کے شہر کیمیروو میں ہونے والی آتشزدگی کے بعد اس شہر کا دورہ کیا ہے ۔ جرمن خبررساں ادارے کے مطابق پیوٹن نے ونٹرچیری کمپلیکس کے باہر پھول رکھے اور ایک خصوصی یادگاری تقریب میں شریک ہوئے۔واضح رہے کہ اتوار کے دن اس کمپلیکس میں آگ لگنے کی وجہ سے 64 افراد ہلاک ہوگئے تھے جن میں زیادہ تر بچے شامل تھے ۔حکام نے بتایا ہے کہ اس حادثے کے بعد چالیس بچے ابھی تک لاپتہ ہیں ۔صدر پیوٹن نے اس شاپنگ مالی کی سکیورٹی اقدامات کو تنقید کا نشانہ بناتے ہوئے کہا کہ ذمہ داران کو سزا دی جائے گی۔

لاہور(کرائم رپورٹر/ایمرا نیوز)سبزہ زار کے علاقے میں ڈور پھرنے سے شہری جاں بحق جبکہ بھائی شدید زخمی ہوگیا ۔ورثا نے احتجاج کرتے ہوئے ملتان روڈ بلاک کردی ۔ فاروق سبحان اپنے بھائی اسد کے ہمراہ موٹر سائیکل پر آرہا تھا کہ لیاقت چوک کے قریب ڈور پھر نے سے دونوں بھائی شدید زخمی ہوگئے ۔ پاس سے گزرنے والی پیر وفو رس کی گاڑی کو روکا گیا اور کہا گیا کہ انہیں ہسپتال پہنچا دو لیکن اہلکاروں نے ایک نہ سنی اور گاڑی بھگادی

جس کے بعد مقامی افراد نے دونوں بھائیوں کو ہسپتال پہنچایا جہاں خون زیادہ بہہ جانے کے باعث فاروق سبحان جانبر نہ ہوسکا ۔ ورثا اور عزیز واقارب نے ہسپتال کے باہر لاش سٹرک پر رکھ کر شدید احتجاج کیا اور ٹائر جلا کر روڈ بلاک کر دی ، مظاہرین نے پولیس کیخلاف شدید نعرے بازی کی تاہم پولیس کی یقین دہانی کے بعد احتجاج ختم کردیا ۔ جاں بحق ہونے والا فاروق سبحان 4بچوں کا باپ تھا ۔ رات گئے تک سبزہ زار ، شیراکوٹ اور نوانکوٹ کی پولیس حدود کا رونا روتے ہوئے مدعا ایک دوسرے پر ڈالتے رہی۔ آئی رہا تھا کہ لیاقت چوک کے قریب ڈور پھرنے سے دونوں طلب کرلی۔

لاہور(سٹاف رپورٹر/ایمرا نیوز)جی ٹی روڈپر شاہدرہ ٹاﺅن تھانہ کے سامنے ٹرک ڈرائیور نے موٹرسائیکل سوار کو روند ڈالا، حادثہ پیش آنے پر ٹرک ڈرائیور ٹرک سمیت موقع سے فرار ہونے لگا جسے شہریوں کی کثیر تعداد نے مل کر روکا، حادثہ سے موٹرسائیکل سوار کا نیچے والا حصہ کٹ گیا

جو زندگی اور موت کی کشمکش میں پڑا رہا۔ شہریوں نے موقع پرریسکیو1122کو فون کیا۔ واقع تھانہ شاہدرہ ٹاﺅن کے بالکل سامنے پیش آیا قانون کی بے حسی اتنی کہ پولیس سب کچھ دیکھنے کے باوجود بھی حرکت میں نہ آسکی۔ شہریوں نے اپنی مدد آپ کے تحت ٹرک ڈرائیور کو روکے رکھا، آخری مناظر تک پولیس موقع پر نہ پہنچ سکی تھی۔