Category صحت

لندن(میڈیاپاکستان) برطانوی ماہری نے کہا ہے کہ اگر ذیابیطس کے مریض صرف 8 ہفتوں تک روزانہ 600 کیلوریز والی غذا کھائیں تو ان کی ٹائپ ٹو ذیابیطس بہت حد تک کم ہوکر خاتمےتک پہنچ سکتی ہے۔نیوکاسل یونیورسٹی کے سائنسدانوں نے کہا ہے کہ ٹائپ ٹو ذیابیطس میں لبلبہ انسولین کی مناسب مقدار پیدا نہیں کرپاتا اور یوں خون میں شکر کی مقدار بڑھنے لگتی ہے اور دیگر تمام جسمانی اعضا کو متاثر کرتی ہے۔ہم جانتے ہیں کہ اضافی کیلوریز خصوصاً جگر اور لبلبلے پر چکنائی کی وجہ بنتے ہیں اور جگر پر چربی جمع ہونے کا مریض ’فیٹی لیور ڈیزیز‘ کہلاتا ہے جس میں جگر ضرورت سے ذیادہ گلوکوز بنانا شروع کردیتا ہے۔ پھر ذیادہ کیلوریز کھانے سے اضافی چربی لبلبے پر جمع ہونا شروع ہوجاتی ہے اور یوں انسولین بنانے کی صلاحیت شدید متاثر ہوتی ہے۔
لیکن اب حیرت انگیز بات یہ ہے کہ اگر لبلبلےکی صرف ایک گرام چربی کم ہوجائے تو وہ دوبارہ انسولین بنانا شروع کردیتا ہے یوں ذیابیطس کم ہونی شروع ہوجاتی ہے اور ٹائپ ٹو ذیابیطس کے خاتمے کی الٹی گنتی شروع ہوجاتی ہے۔ اس ضمن میں کم کیلوریز ہی سب سے بہتر نسخہ ہے جو دوبارہ لبلبے کو انسولین بنانے میں مدد دیتا ہے۔اس تحقیق کے ماہر پروفیسر رائے ٹیلر کہتے ہیں کہ اگر آپ دس سال سے شوگر کے مریض ہیں تب بھی کیلوریز کم کرکے اس سے نجات ممکن ہے، اس سے وزن میں 15 کلوگرام تک کی کمی بھی ممکن ہے اور ہم جانتے ہیں کہ وزن میں کمی خود شوگر بھی کرتی ہے۔ پروفیسر ٹیلر نے 40 سالہ تجربے کا نچوڑ بتاتے ہوئے کہا ہے کہ شوگر ختم کرنے کا واحد نسخہ کم کیلوریز کا استعمال ہی ہے۔ماہرین کہتے ہیں کہ کم کیلوریز سےخالی معدے خون میں شکر کی سطح خاطر خواہ کم ہوتی ہے اور وزن کم ہوتا ہے۔ اس ساری محنت کا واحد مقصد یہ ہے کہ لبلبے سے چربی اترے اور اس کا ایک ہی راستہ یہ ہے وزن کم کیا جائے ۔ نیوکاسل یونیورسٹی کے ماہرین نے انکشاف کیا ہے کہ انہوں نے برسوں تک کئی مریضوں کو کم کیلوریز والی غذائیں دے کر اس کی آزمائش کی اور اس میں خاطر خواہ کامیابی حاصل ہوئی ہے۔

(میڈیا پاکستان)پرسکون زندگی کے لیے پر سکون نیند بہت ضروری ہے تاہم بہت سے لوگ ایسے ہیں جو مختلف وجوہات کے باعث نہ صرف صحیح طرح سونہیں پاتے ہیں بلکہ پوری رات ہی بے چینی کے عالم میں گزاردیتے ہیں جب کہ کتنے ہی لوگ افراد پرسکون نیند کے لیے مختلف دوائیوں کا بھی استعمال کرتے ہیں جس کے کوئی نا کوئی مضر اثرات ہوتے ہیں تاہم سکون کی نیند لینے والے افراد اگران غذاؤں کواپنی خوراک میں شامل کرلیں تووہ رات کوسکون کی نیند لے کر دن بھر چست رہ سکتے ہیں۔
سفید چاول:
سفید چاولوں میں ’گلائیسیمک انڈیکس‘ کی زیادہ مقدارہوتی ہے جس کے باعث چاول کھانے کے بعد آپ کو ایسا محسوس ہوتا ہے کہ آپ نے زیادہ کھانا کھالیا ہے اوراس طرح رات میں سفید چاول کھانے سے آپ بہتراورجلدی نیند لے سکتے ہیں۔
بادام:
باداموں میں نیوٹرینٹس اورمیگنیشئیم کی زیادہ مقدارہونے کے باعث آپ کوبہترین نیند آسکتی ہے۔ میگنیشئیم سے نکلنے والے پروٹینس بھی نیند کے دوران خون میں شکرکوبہتر رکھتے ہیں۔
چیری:
ویسے تو چیریز سب کو بہت زیادہ ہی پسند ہوتی ہیں تاہم چیری کے جوس کو اگر دن میں دو بار پیا جائے تو پرسکون نیند لی جاسکتی ہے۔
چنے:
چنے وٹامن ’بی 6‘ حاصل کرنے کا بہترین ذریعہ ہے، چنوں کو مختلف اندازسے بنا کے اگر اپنی غذا میں شامل کیا جائے تو یہ پرسکون نیند لینے میں مدد دے سکتا ہے۔
ہرے پتوں والی سبزی:
تحقیق سے ثابت ہے کہ ہری بھری تمام ہی سبزیاں صحت مند بنانے میں اہم کردارادا کرتی ہے تاہم ہرے پتے والی سبزی آپ کوسکون کی نیند بھی دے سکتی ہیں کیونکہ ہری سبزیوں سے انسان پوٹاشئیم اورکیلشئیم حاصل کرتا ہے جو سکون کی نیند دے سکتی ہیں۔
کیلے :
کیلا ایک ایسا پھل ہے جو چاروں موسم میں با آسانی دستیاب ہوتا ہےجسے کھا کریا کیلے کا شیک پی کربھی سکون کی نیند لی جاسکتی ہے۔
شکر کندی:
کیلوں کی طرح شکرکندی میں بھی پوٹاشئیم کی خاصی مقدار ہوتی ہے جو آپ کے جسم کوسکون پہنچاتی ہے جب کہ شکر کندی کو اگر بیک کرکے سالاد کے ساتھ نوش کیا جائے تو آپ کی رات اچھی نیند کے ساتھ گزرسکتی ہے۔

سان ڈیاگو(میڈیا پاکستان) امریکی ماہرین کی ایک ٹیم نے زیکا وائرس استعمال کرتے ہوئے دماغ کا سرطان ختم کرنے کے کامیاب تجربات کیے ہیں البتہ یہ تجربات ابھی صرف پیٹری ڈش میں رکھے ہوئے خلیوں اور جانوروں ہی پر کیے گئے ہیں جبکہ انسانی آزمائش کا مرحلہ ابھی بہت دور ہے۔زیکا وائرس بہت خطرناک اور جان لیوا ہے جو پیدائش سے قبل (دورانِ حمل) بچوں پر حملہ کرتا ہے جس کی وجہ سے ان کا دماغ درست طور پر پروان نہیں چڑھ پاتا اور نتیجتاً پیدائش کے وقت ان کا دماغ مختلف خرابیوں کا شکار ہوتا ہے۔یونیورسٹی آف کیلیفورنیا سان ڈیاگو اور واشنگٹن یونیورسٹی اسکول آف میڈیسن کے سائنسدانوں پر مشتمل ایک مشترکہ ٹیم نے زیکا وائرس میں تبدیلی کرکے اسے بے ضرر بنایا یعنی کسی کو بیمار کرنے کے قابل نہیں چھوڑا۔ پھر اس ترمیم شدہ زیکا وائرس کو پیٹری ڈش میں رکھے ہوئے ایسے دماغی خلیات پر آزمایا گیا جنہیں ’’گلیوبلاسٹوما‘‘ کہا جاتا ہے۔
گلیوبلاسٹوما ایسے ناپختہ خلیے یعنی خلیاتِ ساق (stem cells) ہوتے ہیں جن سے دماغ کے سرطان زدہ خلیات جنم لیتے ہیں۔ مگر گلیوبلاسٹوما انتہائی سخت جان ہوتے ہیں جو کینسر کے علاج میں استعمال ہونے والے مختلف طریقوں مثلاً کیموتھراپی اور ریڈیوتھراپی کے خلاف سخت مزاحمت رکھتے ہیں اور علاج کے یہ طریقے ان کا کچھ نہیں بگاڑ پاتے۔لیکن تجربات کے دوران اس ترمیم شدہ زیکا وائرس نے حیرت انگیز طور پر سرطان زدہ دماغی خلیوں کو ختم کردیا جبکہ ان کے ساتھ موجود صحت مند دماغی خلیات بالکل محفوظ رہے۔ اگلے مرحلے میں دماغی سرطان سے متاثرہ چوہوں پر یہی ترمیم شدہ زیکا وائرس آزمایا گیا اور وہاں بھی اس نے گلیوبلاسٹوما کو بڑی کامیابی سے ختم کردیا جبکہ چوہوں میں بھی صحت مند دماغی خلیات اس سے محفوظ رہے۔ان تجربات سے ظاہر ہوتا ہے کہ جینیاتی طور پر ترمیم شدہ زیکا وائرس، دماغی سرطان کی بنیاد بننے والے اہم ترین خلیوں کو ہلاک کرتا ہے اور یوں دماغی سرطان کو جڑ سے اکھاڑ پھینکتا ہے۔اس تحقیق کے نتائج ’’دی جرنل آف ایکسپیریمنٹل ریسرچ‘‘ کے تازہ شمارے میں شائع ہوئے ہیں جن میں بتایا گیا ہے کہ ترمیم شدہ زیکا وائرس سے سرطان کے علاج میں اہم کامیابی حاصل ہوئی ہے لیکن انسانی تجربات سے پہلے بہت زیادہ احتیاطی تدابیر اختیار کرنا ہوں گی جبکہ ایف ڈی اے سے انسانی تجربات کی خصوصی اجازت بھی درکار ہوگی۔تاہم انہیں امید ہے کہ یہ مرحلہ بھی جلد عبور کرلیا جائے گا اور کینسر کے اس منفرد علاج کے انسانی تجربات آئندہ سال تک شروع کردیئے جائیں گے۔

لندن(میڈیا پاکستان) طفیلیے یا پیراسائٹس وہ جاندار ہوتے ہیں جو کسی دوسرے جاندار کے وسائل میں بن بلائے مہمان کے طور پر شریک ہوجاتے ہیں اور عموماً اپنے میزبان کےلیے مشکلات اور بیماریوں کی وجہ بنتے ہیں۔پودوں اور جانوروں کی طرح انسان کو بھی ہر وقت ایسے طفیلیوں کا سامنا رہتا ہے جو اس کے جسم میں پلتے رہتے ہیں اور اس کی غذا، خون اور دوسرے وسائل میں سے اپنا حصہ وصول کرتے رہتے ہیں۔ ان طفیلیوں کی زیادتی کے باعث ہمیں کئی بیماریوں کا سامنا بھی کرنا پڑتا ہے۔لیکن اب یونیورسٹی آف باتھ، برطانیہ کی بین ایشبی اور ان کے ساتھیوں نے پتا چلایا ہے کہ طفیلیے ہمارے دشمن نہیں بلکہ دوست ہوتے ہیں۔ ریسرچ جرنل ’’ایوولیوشن لیٹرز‘‘ کے تازہ شمارے میں ان کی شائع شدہ تحقیق سے پتا چلتا ہے کہ انسانی جسم میں موجود طفیلیے دو طرح سے اس کی مدد کرتے ہیں۔اوّل تو یہ جسم کو اپنی ہی قسم کے یا ملتے جلتے بیرونی طفیلیوں کے حملوں سے بچاتے ہیں اور یوں انسانی جسم کےلیے ایک اضافی ڈھال کا کام کرتے ہیں؛ جبکہ دوسری جانب یہی طفیلیے مختلف امراض کی وجہ بننے والے جرثوموں وغیرہ کو بھی ہلاک کرتے ہیں اور اس طرح ہماری صحت مندی کا دفاع کرتے ہیں۔البتہ یہ مطالعہ ابھی ابتدائی نوعیت کا ہے جس کے دوران معمولی نوعیت کا نقصان پہنچانے والے جسمانی طفیلیوں کا جائزہ لیا گیا ہے۔ حتمی فیصلہ تبھی ممکن ہوگا جب انسانی جسم میں موجود ہر قسم کے طفیلیوں پر جامع تحقیق کی جائے گی اور ان کی کارگزاریوں کا مختلف پہلوؤں سے تجزیہ کیا جائے گا۔

انڈیانا(میڈیا پاکستان) ماہرین نے ایک مطالعے کے بعد کہا ہے کہ اگر ایک ماہ تک بھی میگنیشیم سے بھرپور سپلیمنٹ کھائی جائیں تو اس سے بڑھتے ہوئے بلڈ پریشر کم کرنے میں بہت مدد ملتی ہے۔ماہرین کے مطابق بلڈ پریشر کے پرانے مریض اگر روزانہ 300 ملی گرام میگنیشیم استعمال کریں تو ایک ماہ کے اندر ان کا بلڈ پریشر قابو میں آ جائے گا لیکن ہمارا مشورہ ہے کہ یہ سپلیمنٹ بھی اپنے معالج کے مشورے سے استعمال کیے جائیں۔ کسی سپلیمنٹ یا گولیوں کی بجائے میگنیشیم والی سبزیوں اور پھلوں کا استعمال زیادہ بہتر رہے گا کیونکہ میگنیشیم بدن میں جاکر خون کی روانی بھی بہتر بناتی ہے۔اس کے علاوہ بلند فشارِ خون کے خطرے کے قریب پہنچنے والے افراد کے لیے بھی میگنیشیم یکساں طور پر مفید ثابت ہو سکتا ہے لیکن ماہرین کے ایک گروہ کا اصرار ہے کہ سپلیمنٹ کی بجائے سبز پتوں والی سبزیاں، کیلے اور مونگ پھلی، بادام، پستے اور کاجو استعمال کئے جائیں کیونکہ ان میں میگنیشیم کی بڑی مقدار موجود ہوتی ہے تاہم اس کی زیادتی کے سائیڈ افیکٹس بھی رونما ہو سکتے ہیں جن میں الٹی اور ڈائریا نمایاں ہیں۔ اس کے علاوہ مچھلی، خشک میوے اور مغزیات میں بھی میگنیشیم موجود ہوتا ہے۔
انڈیانا یونیورسٹی کے ماہرین نے 2028 افراد پر مشتمل 34 اہم مطالعات کا جائزہ لیا اور اس نتیجے پر پہنچے کہ اگر ایک ماہ تک 300 ملی گرام میگنیشیم کھائی جائے تو بلڈ پریشر کم ہونے کے بہت امکانات ہو سکتے ہیں اور خون کا بہاؤ بھی بہت اچھا ہوتا ہے۔واضح رہے کہ یہ بات کوئی نئی نہیں امریکا اور برطانیہ کے ماہرین کہتے ہیں کہ 19 سے 64 سال کے مرد روزانہ 300 ملی گرام میگنیشیم اور اسی عمرکی خواتین 270 ملی گرام میگنیشیم ضرور استعمال کریں۔

سنگاپور(میڈیا پاکستان) سنگاپور میں کی گئی تحقیق سے معلوم ہوا ہے کہ سرخ گوشت اور مرغی کھانے سے ذیابیطس کے مرض کا خطرہ بڑھ سکتا ہے۔یہ تحقیق سنگاپور کی آبادی میں کی گئی ہے جس میں کہا گیا ہے کہ اگر اس کی جگہ مچھلی اور دیگر سمندری غذائیں کھائی جائیں تو اس سے کوئی نقصان نہیں ہوتا اور کئی طبی فوائد حاصل ہوتے ہیں۔ اس سے قبل ماہرین کہہ چکے ہیں کہ سبزیوں اور پھلوں کا استعمال صحت کے لیے ازحد مفید ہوتا ہے اور ذیابیطس سمیت کئی امراض کو روکنے میں مددگار ہوتا ہے۔سنگاپور میں واقع ڈیوک این یو ایس میڈیکل اسکول کے پروفیسر وون پوائے کوہ اور ان کے ساتھیوں نے لال گوشت اور مچھلی کھانے اور ٹائپ ٹو ذیابیطس کے درمیان تعلق پر تحقیق کا فیصلہ کیا۔ اس مطالعے میں گوشت میں موجود فولاد پر بطورِ خاص غور کیا گیا۔اس کے لیے ماہرین نے سنگاپور کی آبادی کے 63 ہزار سے زائد افراد کا جائزہ لیا جن کی عمریں 45 سے 74 برس کے درمیان تھیں۔ ان افراد کا پانچ سال یعنی 1993 سے 1998 تک جائزہ لیا گیا۔ بعد ازاں 1999 اور 2004 میں اور پھر 2006 سے 2010 تک ان کے انٹرویو لیے گئے۔ماہرین اس نتیجے پر پہنچے کہ سرخ گوشت اور مرغی کھانے والوں میں ذیابیطس کا خطرہ بلند تھا جبکہ مچھلی اور سمندری غذا کھانے والے افراد میں اس مرض کا حملہ بہت کم کم ہوا۔ ماہرین اب اس نتیجے پر پہنچے ہیں کہ سرخ گوشت اگر معمول سے زیادہ کھایا جائے تو ذیابیطس کا خطرہ 23 فیصد اور اگر پولٹری مصنوعات مثلاً مرغی وغیرہ کھائی جائے تو اس سے ذیابیطس کا خطرہ 15 فیصد تک بڑھ جاتا ہے۔ اگر اس کے بجائے مچھلی کھائی جائے تو یہ خطرہ معکوس یعنی پلٹ کر ختم ہونا شروع ہوجاتا ہے۔تحقیق میں یہ بات بھی سامنے آئی کہ سرخ گوشت اور پولٹری میں موجود فولاد یا ہیم (آئرن) اس کیفیت کو بڑھاتا ہے جو آگے چل کر ٹائپ ٹو ذیابیطس کی وجہ بنتی ہے۔

لاہور(میڈیا پاکستان) جنرل ہسپتال کی 3سی ٹی سکین مشینیں، جن میں2خراب اور ایک بجلی کی عدم دستیابی پر بند ہے۔ مریض نجی ہسپتالوں سے مہنگے داموں سی ٹی سکین ٹیسٹ کرانے پرمجبور ہوگئے۔ پرنسپل اور ایم ایس خواب خرگوش کے مزے لینے لگے۔ ذرائع کے مطابق جنرل ہسپتال کی دوسی سٹی سکین مشینیں گزشتہ روز سے خراب ہونے پربند ہیں جن میں ایمرجنسی وارڈز کی مشینیں بھی شامل ہے۔ جنرل ہسپتال میں زیادہ تر حادثات کا شکار مریض آتے ہیں اور زیادہ تر مریضوں کی ہیڈانجری ہوتی ہے جن کا سی ٹی سکین ٹیسٹ اشد ضروری ہوتا ہے مگر مشینیں خراب ہونے پر مریضوں کو شدید مشکلات کا سامنا ہے۔ جنرل ہسپتال کی انسٹیٹیوٹ آف نیوروسائنسز میں نصب تیسری مشین بجلی کی عدم دستیابی پر بند رہی۔ ہسپتال انتظامیہ نے تاحال دونوں خراب مشینیں ٹھیک کرانے کیلئے کوئی اقدامات نہیں کیے۔

واشنگٹن …. پریشانیوں سے انسان کو بچنا چاہئے۔ ماہرین کا کہناہے کہ مفروضوں سے خاص طور پر دور رہا جائے کیونکہ اگر آپ نے مفروضہ باندھ لیا تو پھر سارے کام اسی کے مطابق کرینگے کیونکہ یہ انسانی فطرت بھی ہے۔ پریشان رہنے سے نہ صرف وقت بلکہ توانائی بھی ضائع ہوتی ہے او راس سے مسائل بھی حل ہونے کا نام نہیں لیتے۔ انہوں نے کہاکہ ذہن ایک چیز سوچ لیتا ہے اور پھر انسان اسی کے مطابق عمل کرنا شروع کردیتا ہے۔ اس لئے غلط خیالات کو ذہن میں نہ لائیں۔ کوئی ایسی پریشانی نہیں جس سے آپ بچ نہ سکیں یا پریشانی کا حل نہ ڈھونڈ سکیں۔ آپ کو یہ سمجھ لینا چاہئے کہ پریشانی سے نہ صرف توانائی بلکہ وقت بھی ضائع ہوتا ہے۔ آپ کو تو اس کاحل تلاش کرنا ہے اسلئے پہلے حل کے حوالے سے سوچیں۔ دوسری بات یہ ہے کہ آپ اس صورتحال پر نگاہ رکھیں جس سے اس وقت دوچار ہیں اور پھر اس سے نکلنے کی کوشش کریں۔ اگر آپ اپنی توجہ کہیں اور بٹاتے ہیں تو اس سے مسئلہ حل نہیں ہوگا بلکہ دماغ مزید بھاری ہوگا۔ لوگ اپنی پریشانیوں کو ٹی وی دیکھ کر کمپیوٹر پر گیم کھیل کر یا منشیات کے استعمال سے بھگانا چاہتے ہیں۔ یہ انکی خام خیالی ہے۔ کبھی بھی منفی سوچ نہ رکھیں۔ ہمیشہ مثبت سوچ سے کام لیں۔

اسلام آباد(میڈیا پاکستان) ناشپاتی کی گٹھلی کا اوپری چھلکا جراثیم کو تباہ کرنے امراضِ قلب اور کینسر کو ختم کرنے میں مددگار ثابت ہوتا ہے، امریکی ماہرین صحت ۔ تفصیلات کے مطابق یونیورسٹی آف ٹیکساس ریو گرانڈ ویلی کے شعبہ کیمیا کے ڈاکٹر دیبا ششپانڈے پادھیااور ان کے ساتھیوں نے امریکا کے مرغوب پھل کی گٹھلی میں حیرت انگیز طبی خواص دریافت کئے ہیں۔ یواکاڈو عم زبان میں”مگرناشپاتی“ کہلاتی ہے اور اس کے ان گنت فوائد پہلے بھی پیش کیے جاتے رہے ہیں مثلاً یہ کولیسٹرول گھٹاتا ہے، موٹاپا کم کرتا ہے، دل کو تقویت دیتا ہے اور کئی طرح
کے امراض کو بھگاتا ہے۔ ماہرین نے ایواکاڈو کی 300 گٹھلیوں کا چھلکا جمع کر کے اس کا پاو¿ڈر تیار کیا اور اسے پروسیس کرکے دو چمچے تیل اور ایک چمچہ چکنائی میں تبدیل کیا۔اس کے بعد کرومیٹوگرافی اور ماس اسپیکٹرومیٹری کے ذریعے اس کا جائزہ لیا گیا تو تیل میں 116 اقسام کے مختلف مرکبات (کمپاو¿نڈ) دریافت ہوئے۔ ان میں تین کمپاو¿نڈ بہت کارآمد نکلے جن کے نام بیہنائل الکحل، ڈوڈیسینوئک ایسڈ اور ہیپٹا کوسین تھے جو بالترتیب جراثیم ختم کرنے، اچھے کولیسٹرول کو پروان چڑھانے اور سرطانی رسولیوں کو ختم کرنے میں مفید ہیں۔

لندن ……سبزیاں کھانے سے آپ کا کولیسٹرول کم ہوسکتا ہے۔یہ بات محققین نے 50سے زیادہ جائزہ رپورٹوں پر نظرثانی کے بعد بتائی۔سبزی خور زیادہ تر ہری سبزیاں کھانا پسند کرتے ہیں جبکہ اس کےساتھ وہ پھل اور بادام وغیرہ بھی کھاتے ہیں۔ اسکامطلب یہ تھا کہ وہ روغن والی خوراک کم لیتے ہیں۔ سبزیاں کھانے کے نتیجے میں انہیں پروٹین اور فائبر یعنی ریشہ ملتا ہے۔ یہ سب چیزیں کولیسٹرول کم کرنے میں مدد گار ہوتی ہیں۔ ہائی کولیسٹرول ہمیشہ سے خطرناک رہا ہے کیونکہ اسکا پتہ چلانا خاصا مشکل ہے اور جب پتہ نہیں چلایا جاتا تو پھر اسکا علاج بھی نہیں ہوتا اور یوں ہائی کولیسٹرول سے دل کے امراض پیدا ہوتے ہیں۔ ان محققین نے تجویز دی ہے کہ ہمیشہ ہری سبزیاں کھائی جائیں اور ایسے لوگ خاص طور پر یہ سبزیاں کھائیں جنہیں دل کے امراض کا خطرہ رہتا ہے اور یوں وہ خود ہی ایسے امراض سے بچ سکتے ہیں۔